فزاعيات مكتوبة لمسلم بن عقيل ع
القصيدة الاولى
فزاعيه لسفير الحسين مسلم بن عقيل
عليهم الصلاة والسلام
احا يا مسلم من وكع
محد تدنه وشاله
〰️〰️〰️〰️〰️
شمروه من فوق القصر
وتتفرج الناس التمر
وجنازته جروها جر
ومحد اجه تدناله
〰️〰️〰️〰️〰️〰️
ويلي وهتكوا حرمته
بالسوك جروا جثته
والله تهظم قصته
الليله بدمع ننعاله
〰️〰️〰️〰️〰️〰️
ويلي سفير لحسين
ظل وحده ويدير العين
دارت عليه الصوبين
من هجمت الخياله
〰️〰️〰️〰️〰️〰️
بس طوعه يمه تشجعه
بصولات عمه ومرضعه
ريت ابن عمه يسمعه
يحضر يشاهد حاله
〰️〰️〰️〰️〰️〰️
زلزل الكوفه عالعده
وحده ومحد سانده
حيا الله مسلم من بده
بسيفه الموت واجاله
〰️〰️〰️〰️〰️〰️
تمت بعون الله تعالى
✍️خادمة الزهراء ام حسين
القصيدة الثانية
فزاعية + شور في استشهاد سفير الإمام الحسين
مسلم بن عقيل عليهما السلام
.
.
.
مسلم قضى بالكوفه
حميده يا مهضومه
〰️〰️〰️
والدچ محد غسله
ظلت ادمومه سايله
وين الذي يقصد إله
والجثته المخذومه
〰️〰️〰️
لو تنظرين لحالته
بالسوق سحبوا جثته
ولا من عشيره ووصلته
نوحيله يا مهمومه
〰️〰️〰️
وحده ولا يمه أحد
جسمه ينزله باللحد
حقه دليلچ ينمرد
وجفنچ يهل ادمومه
〰️〰️〰️
مسلم أويلي ما يرد
ومامن خبر عنه بعد
راح الذخر راح السند
ويلاه يَمصْعب يومه
〰️〰️〰️
دلالج الله ايساعده
يمصاب أبوچ المارِده
ويلاه آيا الفاقده
جفنچ يفارق نومه
〰️〰️〰️
تمت بحمد الله تعالی
فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
القصيدة الثالثة
فزاعية في حق مسلم عليهم السلام
حفروله حفيره الحيد
وتگنطر امن حصانه
شجاع ومايهاب الموت
شخصه إلهالوكت منعوت
اشحدّه اليگربه ويفوت
منّه اتهاب عدوانه
من شافو بطل وشجاع
من يمشي يهز الگاع
سوّوله غدر وخداع
وإهوه وسط ميدانه
حفروله حفيره زين
وقطّوها هالملاعين
ومن دارو عليه صوبين
بيها وگع مولانه
عليه التمّو العسكر
عالحفره بگت تفتر
لمّن وگع وتگنطر
وتکسرت اسنانه
مسلم یا عظیم الشان
وسفه لزمته العدوان
خل تفزع بني عدنان
أهل كوفان خوّانه
تمت بعون الله وبقلم خادمة الزهراء ع
ام مهدي الحاج علي العرادي
قد تحتاج المواضيع التاليه
القصيدة الرابعة
ما دريتي/
فزاعيه في استشهاد مسلم بن عقيل عليه السلام
ياحميده راح مسلم مادريتي
جثته بالكوفه رميه
اعليه دمعاتي جريه
قلبج اشيحمل اسيه
راح ابوج وماله رجعه. ما دريتي
—————
راح ماشارب اميه
جبده متفطره الشفيه
جروحه يامسلم نديه
نار وبدلاله تسعر مادريتي
————-
طاح من عالي قصرهم
كافر وفاسق امرهم
ضلوع للغالي كسرهم
راحت ايامه جفيتي مادريتي
————-
غمّض اعيونه إلوحده
ابغربه ماشاف اليسنده
خانوا اهل الكوفه عهده
يا وسف وانهوا حياته مادريتي
————
بالحبل جروه تالي
بعد ذاك القصر عالي
ويلي يا مسلم يوالي
منفطر قلبي وأنادي ما دريتي
تمت بحمد الله تعالی*
*بقلم : بنت الشمري*
*___الكويت ___*
القصيدة الخامسة
فزاعيه لمسلم عليه السلام
♣️♣️♣️♣️
حي الله سفير حسين
طب الكوفه زلزلهه
♣️♣️♣️♣️
زلزلها ودخل بيهه
ودمر كل اعاديهه
كال اليوم لفنيهه
هالعدوان موتهه
♣️♣️♣️♣️
كفو ونعمين من عندك
يالناصر ابن عمك
مغوار الاصل طبعك
ماتنذل لعاديهه
♣️♣️♣️♣️
مسلم دمر العدوان
شجاع ومن نسل عدنان
ماهمه النبل والزان
وطشر كل طواغيهه
♣️♣️♣️♣️
ماهاب الزلم مسلم
فر عليهم معلم
كطع رؤوسهم كلهم
لخوي حسين لفديهه
♣️♣️♣️♣️
فدوه روحه لبو ااسجاد
ماهاب العده الوغاد
وبسيفه ابد ماهاد
شمرهم جثث كلهه
♣️♣️♣️♣️♣️♣️
✍️تمت بقلم خادمة الحسين ع
ليالي ام علي
القصيدة السادسة
فزاعيه الشجاعه مسلم ابن عقيل ع
اليوم الهاشمي الكوفه هزاهه
خله ارجالهم نسوان خلاهه
اليوم الهاشمي الكوفه نزل بيهه
عده ازماط مسلم ويه اهاليهه
اليوم ارجالهم نسوان اسويهه
مثل حيدر علي بليوم نزلاهه
مثل عمه علي صولاته معروفه
إنذار وخوف زلزل بيهم الكوفه
خله ارجالهم بحبال مجتوفه
بحبال الزلم بحبال چتفاهه
نزل ميدانهه وارهب الخيالة
يگص ارگاب كلمن راد يدناله
أهله بل شجاعه دوم عياله
هذوله اولاد هاشم الف حياهه
اليوم الهاشمي بيهم لعب جوله
رفعوهه البيارغ اله وحيوله
يستاهل شجاع اعلام رفعوله
جاب اركابهم بل سيف كصاهه
اليوم ارگابهم بل سيف جاباهه
وخلاهه الجثث عل كاع خلاهه
الموت أهل الغدر هليوم راواهه
الكوفه بكل اهلهه الرعب نزلاهه
لخادمه الحسين العلوية ام جعفر
القصيدة السابعة
فزاعيه ل مسلم ابن عقيل ع
========================
سبع مسلم ...... عدوانه يهابونه
وتخاف الزلم من خزرة عيونه
👁👁👁👁👁👁👁👁
ما هاب العساكر من اجت ليه
سبع وبخيت يمشي بزود اهاليه
يكضيلج الكلفه من تندبيه
( يكضيها بيوم الكلفه )
👁👁👁👁👁👁👁👁
ماخاف الزلم ما دنك الراس
جنه بهيبته بن عمه عباس
مايقبل الغيره بحقد تنداس
( مولانه يلكلك غيره )
👁👁👁👁👁👁👁👁
ابو الكلفات هاذا وذخر الحسين
شجاعه ومرجله ربات الدواوين
ابو طاهر سبع بفعاله الزين
( وبفعاله تشهد للزين )
👁👁👁👁👁👁👁👁
يجر ونه بأسف من هجمت الكوم
خايف علحسين يموت مظلوم
يومج كربلا يايوم ميشوم
( يغدرونه خاف العدوان )
👁👁👁👁👁👁👁👁
يبن عم الشهيد امصابك اذانه
بتك والحرم اصبحت حزنانه
يامسلم عليك الاسف مولانه
( نواسيها بتك حزنانه )
========================
الى شرف النبي واله الطاهرين بنية تعجيل الفرج
خادمة ال البيت وخادمتكم الحجيه ام علي نسألكم الدعاء
________
تم بعون الله مجموعة قصائد مكتوبة لمسلم بن عقيل عليه السلام
موقع المنبر الحسيني
مصدر القصائد مؤسسة منبريون
لاتنسو الفاتحة الى روح مولاي مسلم بن عقيل عليه السلام
كلمات دلالية
القصائد جميلة لاكن ليس لديكم قناه على الماسنجر. بس الاستفادة أكثر و شكرا لكم وعلى مجهودكم
ردحذف