مجموعة من القصائد المكتوبة لمسلم بن عقيل عليه السلام
القصيدة الاولى
مسلم قدوة الأحــــرار === يامحلــَه الدرس مـِنـّه
ـــــــــــــــــــــــــــــــــــــــــــــــــ
سفير إحسين أبو الهدّات == يامحلــَه الدرس مـِنـــــّـه
يحضرك لحظة الشدّات == يامحلــَه الدرس مـِنـّــه
يـَمـّه ﺗﻧﮔضي الحاجات == يامحلــَه الدرس مـِنـــّه
صابر ما جزع مولاي === يـوم الصابته المـِحـْنـَه
مسلم قدوة الأحــــرار === يامحلــَه الدرس مـِنــّه
ــــ
سفير إحسين ما ذل يوم == يامحلــَه الدرس مـِنـــــّـه
بالكوفه إنــْوِلـَه إو مهموم == يامحلــَــه الدرس مـِنـــــّـه
مو خايف شـُجاع إيحوم == يامحلــَـه الدرس مـِنــــــّه
رُفـَع سيفه إو تعنـّه إبزود === ما إنهـَد أبد رِكــْنــَـــــــــــه
مسلم قدوة الأحـــــرار === يامحلــَه الدرس مـِنــّه
ـــــ
سفير إحسين مسلم فاز == يامحلــَه الدرس مـِنــــّه
رضا المعبود نال إو حاز == يامحلــَه الدرس مـِنـــــّه
لغير إﻠﺣﮓ أبد مـَنـْحاز == يامحلــَه الدرس مـِنـّه
بــِنــَه مجده إبعزم موسوم === ما ننســـــــاه دوم إحـْنـَه
مسلم قدوة الأحــــــــرار === يامحلــَه الدرس مـِنــّه
ــــ
سفير إحسين يهدي التاه == يامحلــَه الدرس مـِنــــّه
بس ﻠﻠﺣﮓ رُفع يمنــــــاه == يامحلــَه الدرس مـِنــــّه
ولــوه أشرار واويــــــلاه == يامحلــَه الدرس مـِنــــّه
ما هاب العساكــــــر ذﻳﭻ === رسم درب المجد إلــْنــَه
مسلم قدوة الأحــــــــرار === يامحلــَه الدرس مـِنــّـه
ـــــــ
سفير إحسين زوره إبشوﮒ == يامحلــَــــه الدرس مـِنــــّه
لبو طلبه المعالي إتلوﮒ == يامحلــَه الدرس مـِنــــّه
كوكب ما نزل من فوﮒ == يامحلــَه الدرس مـِنــــّه
تشع كوفان بأنواره === تــِدَلــّينـه إذا تــِهـْنـَه
مسلم قدوة الأحــــــــرار === يامحلــَه الدرس مـِنــّـه
ــــ
سفير إحسين ما ننســــــاه == يامحلــَــــه الدرس مـِنــــّه
رُوَه عــِزّه إبنجيع إدمـــــاه == يامحلــَــــه الدرس مـِنــــّه
ننال الخير لو زرنــــــــــاه == يامحلــَــــه الدرس مـِنــــّه
مـُضيفه فاتح البيبــــان === مثل خيراته ما شـِفـْنـَه
مسلم قدوة الأحــــــــرار === يامحلــَــه الدرس مـِنــّـه
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
القصيدة الثانية
حين طب للكوفه مسلم
صاحت الكوفه علي
حين طب ليها المُجاهد بيـــده شايل صارمه
ماجت وهاجت وظنت لاحـَـــت الگاع السمه
كلها تبچي اهناك صارت فقط غُرته الباسمه
صاح بالگاع الغضنفر ياللـه گاع اتزلزلي
حين طب للكوفه مسلم
صاحت الكوفه علي
2
صاح صيحه وبيها زلزل كل عروش الظالمين
گال مسلم آنه مسلم آنه مبعوث الحُسين
آنه تلميذ ابو الحمله حيدره يا سامِعين
آنه تربات الصميده حيدره نِعمَ الولي
حين طب للكوفه مسلم
صاحت الكوفه علي
3
آنه تربات الصميده حامل الواء الرسول
آنه خادم للذي جده النبي وأمه البتول
آنه مسلم بن عقيل اليوم بيكم راح اصول
راح اراويكم كفاحي من أصيحن ياعلي
حين طب للكوفه مسلم
صاحت الكوفه علي
4
صاح مسلم بالجموع الضاع مشردها ضياع
واحد آنه وسيفي واحد وين جيبولي السِباع
ما صمد بيهم مقاتـــــــل لا ثبت بيهم شجاع
هذا مسلم هذا مسلم يا ملاحم هلهلي
حين طب للكوفه مسلم
صاحت الكوفه علي
5
غاص بجموع الحرايب والزلم تردم زلم
ما گدر يوگف ابوجها منها واحد والنِعم
ما لگو غير الخديعة وبالغـدِر عقد العزم
بيه غدرت يا حسافه بنار باچر تصطلي
حين طب للكوفه مسلم
صاحت الكوفه علي
6
بالخديعة وبالحفيــره يسِّروا اعظم سفير
راحوا القصر الإماره گصدَوا الأنجس امير
صعِّدوه اهناك ويلي امگيد ابحبله أسير
ويلي من فوگ القصر شمروه يا حيدر علي
حين طب للكوفه مسلم
صاحت الكوفه علي
زكي الياسري
القصيدة الثالثة
بأمكانكم تغيير كلمه (الكوفه) في المستهل الى كلمه (الحومه)
.
.
.
ذكرهم ابحامي الحـمه .. يامسلم
والـكـوفـه رويـهـا دمـه .. يامسلم
__________________________
يالله سيفك جـَرده . وعلي عمك جـَسده . الظربته ابروس العده
موصوفه
الناس خلها تفتهم . هـذا مـو واقع حلم . وخـل تجي ليك الزلم
مچتوفه
غربل اجيوش الكفر . بيهم انته اشتنتظر . شـي طبيعي تنتصر
عالكوفه
امـن الـخريطه الغـيها . الناســيه ماضـيها . السيـف يحكـم بـيها
ومعروفه
مـبعوث مـن رب السمه .. يامسلم
والـكـوفـه رويـهـا دمـه .. يامسلم
__________________________
الجــمع خــلي ينــبهر .ليلــهم سويه ظـهر . الرايــده منــك تــفر
خليـــها
ابشـرط تسمـع مايلـي .البچي صوته يعتـلي . حـقـها تتذكر علي
امبچيها
البالشجاعه اتضاهرت . وللنزال اتحظرت . الفاتحه اعليها انقرت
تاليـــها
الله ساتر صاحت . انغـمه اعليها وطاحت . ارواح كثره الراحت
تدريــها
تـدريبك انتـه الخـاتمه .. يامسلم
والـكـوفـه رويـهـا دمـه .. يامسلم
__________________________
من تشيل الرايه . اعليهم احچي احچايه . گلــهم اموصايه
لـَيميني
گلهــم اتــحداكم . اگــدر المــلـگاكـم . جـيـبو جيش اوياكم
يكفيني
اني صح بس واحـد . لكــن الله الـشاهد . فنــه جيش وقائد
يلويني
احسب احچاياتكم . ولو سمعت اصواتكم . اعتقد هاماتكم
تدريني
مخـلوق لجـل الموزمه .. يامسلم
والـكـوفـه رويـهـا دمـه .. يامسلم
__________________________
تره من حـقه النشد . علــي حلال الشدد . يمـته مــن گبره گعد
خبرونه
الكوفه عمك ذكرته . شلون تنـسه شمرته . بيـك شافت صورته
وعيونه
حقها لو سجدت الك . الماسجد يعني هلك . چفك السيف امتلك
يدرونه
الملگه وي حيدر صعب . شايفـينه بالحرب . للمـفر ماكــو درب
يلگونه
خـلي سمـاهم مظــلمه .. يامسلم
والـكـوفـه رويـهـا دمـه .. يامسلم
__________________________
الكوفه من بيها تهد . كل منافذها تسـد . حـتمــاً الشردت ترد
مكسوره
گلهم ارد انه انتقم . وماكو نـيه للسـلم . الزلـم يــمـك تنصـدم
مذعوره
ايصير يوم الاخره . من تحاصرهم وره . عاد يــبدي القسوره
وبدوره
لا تسامح كل احد . بيدك السيف انوجد . تــره من حقه اللبد
مخطوره
اچفوفك الـهاي امعلمه .. يامسلم
والـكـوفـه رويـهـا دمـه .. يامسلم
__________________________
الجيـش مايگدر ابـد . الك يالچـنك اسـد . انـته يالمـنطي وعـد
لحسينك
الكوفه احـذرها تـره . هـيه غـدرت حيدره . خلي سيفك تنظره
ابچفينك
اعليك والله اتحملت . هواي قاده اتجندلت . اتردلك اهيه فكرت
من دينك
تملك اسـلوب الغـدر . وصـعبه لـمن تنـكسر . تنشمر مـن القـصر
هـا وينك
خو ما سهم بيك انـرمه .. يامسلم
والـكـوفـه رويـهـا دمــه .. يامسلم
__________________________
تمت والحمد لله
حيدر تركي الكربلائي
قد تحتاج المواضيع التاليه
القصيدة الرابعة
هيبة مسلم من دخل سوح الحرب ... الزلم بالكوفــــــــه حط ألهم كلب
رايته بعلو الســــــمه ... صيحته يا فاطمـــــــة
"""""""""""""""""""""
فارس وعدوانه تشـــــــهد صـــــولته
ذل حشـــــــود الكَوم لمن لا كَــتــــــه
بمنهــــج الآجيــــــــال تدرس قصــته
بالبطولة والشـــــــــــــــجاعة وغيرته
سجل أعظم ملحمة ... صيحته يا فاطمـــــة
""""""""""""""""""""
فضــــل الموت علذل هاي الحـــــــياة
ماقبل جفه يـمــــــــــده للطغــــــــــاة
هذا ربته حجــــــــــــور المكرمــــــات
مثل عمه ما يهم عنده الممــــــــــات
مثل حمــاي الحمه ... صيحته يا فاطمــــــــة
""""""""""""""""""""
سجل بدمه الشريف أعظــم مجـــــد
صح غريب وآهله بديار البعــــــــــد
دمعته تسيل وعلى الوجنه تهــــــــد
لجل أبو الســــــــجاد يتمنــــــــــه يرد
لا تغــــدره الظالمة ... صيحته يا فاطمــــــــة
""""""""""""""""""""
خانته الكوفـــه وخــــــلته وحيـــــد
لجل أبن مرجــانه باعته ويزيـــــد
مســلم الهيبة رفض حكم العبيـــــد
وجابه الكوم بكلب مثل الحديـــــد
مجده خطة بالدمه ... صيحته يا فاطمـــــــة
""""""""""""""""""""
ما قبل يستسلم وشــــــال الجــــــرح
نور ينـزف مو دمه مثل الصبـــــــح
ما قبل بالباطـــل يمد للصــــــــــــلح
عدل دربه والعدل أعظــــم صــرح
بطل يوم الموزمـــه ... صيحته يا فاطمــــــة
""""""""""""""""""""
وحدة جيش وجابه جيوش الكفـــــــر
جفه حق البطـــــــل من عــــــده يفـر
ثابت وما هزه كل أهـــــل الغــــــدر
مبدأَ حسين وأله فـــــــدوه العمــــر
من القصر وسفه نرمه .. صيحته يافاطمــــــة
""""""""""""""""""""
شاعر أهل البيت
الشيخ عبد الحسين النصوري
القصيدة الخامسة
بس هالليله خليني – مسلم صاح ياطوعه
انا اول ضحيه
لجل ابن الزجيه
يطوعه يالابيه
مسلم انا سمعيني –
بس هالليله خليني – مسلم صاح ياطوعه
وحيد ولااهل عندي
ولابد اوفي بوعدي
ولو كلها اوكفت ضدي
روحي فدوة لحسيني
بس هالليله خليني – مسلم صاح ياطوعه
اجيت وعندي هالكتاب
من ابن داحي الباب
من حسين هذا جواب
يالكوفة تلكيني
بس هالليله خليني – مسلم صاح ياطوعه
ياطوعه انا محتار
ماعندي اهل وانصار
واكف انا يم الدار
شربة ماي رويني
بس هالليله خليني – مسلم صاح ياطوعه
جبدي العطش ضره
شربة ماي يالحره
انطيني اريد اروه
وعالغربه دعينيني
بس هالليله خليني – مسلم صاح ياطوعه
اهل الكوفه خانوني
ويه اعداي عافوني
ونيتهم يجتلوني
ودمعتي بطرف عيني
بس هالليله خليني – مسلم صاح ياطوعه
اهل دموعي عالحسين
مادره بيهم زين
اهل الكوفه غدارين
نار القهر تجويني
بس هالليله خليني – مسلم صاح ياطوعه
بقلم عاشقة زينب ع
القصيدة السادسة
يطوعه هذا مسلم مو وگف بالباب
ماي ايريد چبده امن العطش لهاب
--
يطوعه الماي جيبي الماي لتأخريه
مسلم هالعطش أثر يطوعه اعليه
راد الماي بلچي أمن الظمه ترويه
وأجرچ لو روه من عمه داحي الباب
--
اجرچ اي يطوعه من علي اجرچ
وأم حسين هيه باچر اتحظرچ
بالجنه الزهيه العاليه اتبشرچ
اتخدمچ حور وتقطفين الذ ماطاب
--
مسلم كلهم اتخلوا بعد عنّه
وسيوف أم المنيايا اليوم يردنه
منهم يسلم وهالامل مامنه
شلون اهلال مسلم عن هله لو غاب
--
وسط عينچ يطوعه المسلم اتخليه
وفرشيله الجفون وبيهن اتغطيه
عزيز حسين هذا ابروحچ اتظميه
گبل ماعسكر الظلام ليه ينساب
--
صدگ لن ينغدر بسيوف اهل كوفان
او هاي او مصيبه الهاشم وعدنان
وحسين النصبله مأتم الاحزان
بعده ابكربله ويصير عنده امصاب
--
سيد عدنان الحمامي
القصيدة السابعة
الشاعر حسين لؤي العتابي:
لسفير الامام الحسين ع ) مسلم بن عقيل ( ع ) قصيدة حماسية ( نزلة ) :
أنه مسلم وأنته أبن مرجانه
أنه مسلم وأنته أبن مرجانه
#####
أنه من هاشم وأفخر بالنسب
أصلي والشجرة أصفه من الذهب
وشجرتك أنته ما بيها حسب
بالرذيلة والذنب مليانه ...... أنه مسلم وأنته أبن مرجانه
#####
بالحُسين أقسم وبدمعة حميده
عالعهد أبقه ما غير العقيده
عزتي مبدأ والذلة بعيده
أني گلبي عامر أبيمانه ...... أنه مسلم وأنته أبن مرجانه
#####
يالفتنت الناس وغيرت الولاء
وي أبو اليمه أبقه عالوفاء
روحي من حيدر متعلمه الفداء
وأنته كل طبعك غدر وخيانه ...... أنه مسلم وأنته أبن مرجانه
#####
لوله مكر الليل ما أوگع أسير
بالسيف أفنيهم ألماعدهم ضمير
أنه من حسين للوادم سفير
هوه أمام الهدى وبرهانه ...... أنه مسلم وأنته أبن مرجانه
#####
لو ألف مرة تذبحني يظالم
المهم ديني وأمامي سالم
خصمك الهادي شتحصل يغاشم
بس عذاب الباري ونيرانه ...... أنه مسلم وأنته أبن مرجانه
#####
حته لو ظليت بالكوفة وحيد
عزمي هم يبقه أشد من الحديد
مثل أبو الأكبر ما بايع يزيد
هوه أبن خصم النبي وقرآنه ...... أنه مسلم وأنته أبن مرجانه
#####
لو رميتوني من قصر الأماره
أنه من حسين حصلت السفاره
أنته ماتبقه يظل أسمي مناره
الوفه و المرجلة عنوانه ...... أنه مسلم وأنته أبن مرجانه
خادمكم
حسين لؤي العتابي
القصيدة الثامنة
مسلم ابن عقيل نزله
يا مسلم .. طوعه تنادي بزودك
يا مسلم .. اعرف توفي وعودك
يمنه اطبگ بيسرتها
بالضدتك صرختها
طوعه تنادي بزودك
...
مسلم السيف بيمنتك عن حسين
شد ضربتك يم النحر موش اثنين
ضربت علي بصفين بدر وي حنين
خيبر تجر بجفوفك
حيدر اله اليشوفك
يعرفها ما تروفك
عدوانك .. ما توصل الملكاها
عدوانك .. بالضربه وبهواها
يا مسلم .. حته الهوه من جنودك
يا مسلم .. طوعه تنادي بزودك
........
حيرهم ٱنت وخل تحير الكوفه
اضرب فداك الكون لا تعوفه
انت التدافع عن علي تشوفه
عن النبي واسلامه
عن الفزع كلامه
يتصده بالعمامه
عن حسين .. ضرباتك وعن اله
عن حسين .. سيفك صبح رساله
يا مسلم .. كل البقه بوجودك
يا مسلم .. طوعه تنادي بزودك
.....
حيدر عيسى البديري
القصيدة التاسعة
نزلة لمسلم بن عقيل
وا غريباه **** وا غريباه
هاذي صرخة مُسلم او تشهد عليها الكوفه
خل يجور اِلطاغيه او يِحشِد عليّه اصفوفه
يبگه دَيْن ابْـرُگْـبـتي و احسين اَبد ما عُـوفه
((اشلون اعوف احسين إبن عمِّي او إمامي ؟ ))
وا غريباه **** وا غريباه
عمِّي حيدر عالكرامه و الوِفه امْـرَبِّيني
و اعله إبنه من زغر سنِّي علي اموصِّيني
و آنا عاهدت الحُسين او ما أعوف احسيني
(( او لَيَّه تشهـد بالحشر قبضة حُسامي ))
وا غريباه **** وا غريباه
ابهمَّه طَبْ سُوحِ الجهاد او عالشهـاده امصمِّم
امْن ارتجز حتى السِمه بيه صاحت أنعِم و اكرِم
صاح يا أتباع اميَّه ابسيفه جاكم مُسلِم
(( و آنا عن دين النبي ابسيفي اُحامي ))
وا غريباه **** وا غريباه
او صاح يبن ازياد إسمع ما يفيدك غدرك
او لا تظنِّ ابهالغدر تگدر تحقّق نصرك
حتى لو تگطع وريدي او أنـرِمِـي من قصرك
(( باچر ايصير القصر گبري او مقامي ))
وا غريباه **** وا غريباه
او حتّى لو مچتوفه إيدي او منكسر صِمصامي
لا تظنِّ اِبوگفـتي اگبالك أنزِّل هامي
إنته و اجيوشك او قصرك كلها تحت أجدامي !
(( ملتزم بحسين او ما خون التزامي ))
وا غريباه **** وا غريباه
او گلَّه تدري احسين وين امْن الرسول امْچانه ؟
عُوده سَـيْـدِ ارجاله و اُمَّـه سَـيِّـدة نـسوانه
و إنته أدره ابعودك او اُمَّك يبن مرجانه
(( حتى لو تذبحني ما غيِّر كلامي ))
وا غريباه **** وا غريباه
_
الميرزا عادل أشكناني
" قم المقدّسة "
القصيدة العاشرة
مسلم وروحي الحسين
اضرب بيسره ويمين
عن امامي الموت اسمي عن امامي
....
اضرب بصارمي ركاب الزلم واصرخ
ياحسين اله اخلي جيوشهم ترضخ
انه ابن طالب گبالي الجبل نوخ
اكشخ بزودي لو طب للحرب اكشخ
رايتي وي النجم
وروسهم سيفي يلم
عن امامي الموت اسمي عن امامي
....
الما عرفني انه مسلم بالحرب يسأل
يسأل الحومه تعرف جدمي لو زلزل
بالحرب ما تظل بس مهرتي تصهل
الموت يم سيفي برگاب الكفر حمل
مايضل واحد وراي
ولا گبلني وظل له راي
عن امامي الموت اسمي عن امامي
....
الكوفه المها بيميني واگطع الانفاس
اخبط البيها بيدي راس اطگ براس
الخاينه ابن النبوه ويلكم يا ناس
ربي بسمي كتبكم ما اعيفاً ساس
ارسم الموت بمزاج
انزل عليكم عجاج
عن امامي الموت اسمي عن امامي
......
اگلب اليمنه يسره وبشمسهم ليل
بيدي سجيل اقاتل ريح لجلي تميل
ضربتي الهاشميه عليها تنزل سيل
صبح جن قوم عاد وجنها اهل الفيل
غضب ايات الجليل
لجل امامي بكلبي اشيل
عن امامي الموت اسمي عن امامي
.....
تشهد العميه اخلي عيونهم عني
لمعت الضربه اراوي للنجم مني
بيها اصيحاً حسيني وعشگه جنني
انه مجنونه اگله الرايد يضدني
وافدي اله كلشي بفخر
اگلب بأسمه القدر
عن امامي الموت اسمي عن امامي
...
حيدر عيسى البديري
القصيدة الحادية عشر
نزلة : لمسلم بن عقيل ع :
نـكـس الرايات مــن طب الحرب
دنكت واستحت من سيفه الرگب
بسيفة طشرهم
بعلي ذكرهم
••••••••••••••••••••••
هلهلت طوعة لسفير الغيرة
خـلـي عدوانك تكله بحيرة
اليوم سويه الطلابة جبيرة
شلون بيك تخون هاي الديرة
سهل عندك يبو طاهر كل صعب
دنكت واستحت من سيفه الرگب
بسيفة طشرهم
بعلي ذكرهم
••••••••••••••••••••••
كلهه عــد عيناج يــا ام الــوفــة
اليوم جيش يزيد بالحومة اخسفة
الــيــوم اخلي الزلــم كلهه مجتفه
انــي راعــي الــزود راعــي المعرفه
السيف اخلي بروسهم يلعب لعب
دنكت واستحت مـن سيفه الرگب
بسيفة طشرهمبعلي ذكرهم
••••••••••••••••••••••
والــنعــم مـنـك تكـلـه يـا شـهـم
صـول وتـنـخه بـعـلي راعي العزم
فـوك روس الجيش خيرف الـعـلـم
وارض كـوفـان اللـعـينه اسكيهه دم
بـكـلـب هـاي الحاقدين ادخل رعب
دنكت واستحت مــن سيفه الــرگب
بسيفة طشرهم
بعلي ذكرهم
••••••••••••••••••••••
صـال بيهم رافـع الـواء الـمـجـد
بشمرة ايمينة العساكر تـرتعـد
بــلا راس اليكرب السيفة يــرد
كـامـت الفرسان مـنـه تـبـتـعد
عــلــي كالو هــذا قتال العرب
دنكت واستحت من سيفه الرگب
بسيفة طشرهم
بعلي ذكرهم
••••••••••••••••••••••
حيلة غير الغدر ما عدهم محال
كـفـو مـاكـو بيهم الـهــذا النزال
بحفرة ذبو ويلي بن سيد الرجال
وكـيـدو مسلم الثائـر بــالحبال
للقصر لمن خــذو دمــه يصب
دنكت واستحت من سيفه الرگب
بسيفة طشرهمبعلي ذكرهم
••••••••••••••••••••••
دخل ما سلم على الطاغي اللعين
وقــررو جتل البطل هالكافرين
صعدو فـوك القصر تهمل العين
بيه خانو يصرخ ارجع يا حسين
راي اهــل الكوفه يحسين انكلب
دنكت واستحت من سيفه الرگب
بسيفة طشرهمبعلي ذكرهم
••••••••••••••••••••••
خادم مسلم السفير ع : الشاعر محمد الهاشمي
القصيدة الثانية عشر
نزله لمولاي ابو طاهر 👇🏻
مسلم أرعد يومه
من برز وانعومه
حيّته الملزومـــه 00 ابو طاهر
الكوفه تشهد مسلم امبجي الزلم
ايصول وايجول العجيد ومبتسم
واحـــد ابـواحــد وهك بيهم ردم
منّه رجليـــه ماتعينـه المنهـزم
الكوفه دك اركانهه
وعزّلــت ميدانــهه
والفوارس هانــهه 00 ابو طاهر
جيـــش بالآلاف مسلـــــم خنّثه
كلمن ايخزره علـــى اركبّه جثه
الشاهد ابعينه الجثث بالحادثــه
ايكول هاي من الله نزلت كارثه
بطل يرهب صيته
ابراسه شد جفيته
خضره تشبه نيته 00 ابو طاهر
من يكض الزلمه مثل الكاظ خــــط
صكر سيفه حطّه فوك الروس حط
هلهلت طوعه واخذهه الروس كط
خله دمهم للرجاب وصـــار شط
ملك تـــم تنصيبه
من علي وتدريبه
كله شيمه وطيبه 00 ابو طاهر
عمه حيــــدر قالــــع الماينقلـــع
وهذه مسلم هالشبل من هالسبع
مــــر بالملاكــــه ابـــد ماينجرع
وصال بيهم حته ما لابــس درع
ضحه لاجل احسينه
وانطه جفـه وعينه
جنه عــم اسكينـــه 00 ابو طاهر
الكوفه داخت بيهه صار انذار عام
بيهه مسلم ذب على الكوم انتقام
سيفه ويّه السالموا يصبــح سلام
وصاعقه لكل عايل ونطفة وحرام
يتصيّـــد سيفــــه
حيل الله ابحيلـه
ولو وكع تمشيله
فاطمه وتبجيلــه 00 ابو طاهر
أحمد الهلباوي
القصيدة الثالثة عشر
مسلم من هجم صولاته معروفــــــه
دخيلك صاحت أهل الكوفه والكوفه
بزودة طب عليها* *مسلم صال بيها
####################
مسلم چن أسد بالكوفه من يزأر
يتمشه برهاوة بيها يتبختــــــــر
المشيه مو غريبه چنها عالعسكر
صاحوا نزل مسلم لينه لو حيدر
مسلم للحرب طب* *لو حيدره ظهظب
چن حيدر وليهــــا* *مسلم صال بيها
###################
چن حيدر علي وإنعادت أيامه
الزلمة يرتجف لو وگف جدامه
سيد وشحلات براسه العمامه
طبعه صواب سيفه كله بالهامه
الجو حار ويرجفون**ويسمع طگ السنون
بعزمه معتنيهــــــــا* *مسلم صال بيها
####################
واهس ماكو مسلم وحّده يقاتل
صاح أتمنه تحضر يا أبوفاضل
شمحلاته العرك لو ينزل الكافل
ابن امه اليگابل وجهة وينازل
لو عارك العباس* *زلمة الجر الانفاس
بغيره لو يجيها * *مسلم صال بيها
####################
حار وبيده قبضة سيفه مطبوعه
والگابله يرفسه ويطبگ ضلوعه
صعدت غيرته من هلهلت طوعه
چنها المعركة ماخذها مگطوعه
واللي خدوده حمرة* * يعني ضاگ سطرة
خورس كل حچيها* *مسلم صال بيها
####################
ما يحضر سفيره حسين ويشوفه
شلون الجيش كله طشّر صفوفه
المالحگ السيف بمنحره يطوفه
ما تترك الصيده وترجع چفوفه
سيفه حار الاعصاب* *يلعب إله برگاب
العركه يشتريهــــــا* *مسلم صال بيها
####################
#علي_حسن_المنصوري
تم بعون الله 13قصيدة مكتوبة لمسلم بن عقيل عليه السلام
موقع المنبر الحسيني
مصدر القصائد مؤسسة منبريون
لاتنسو الفاتحة الى روح مولاي مسلم بن عقيل عليه السلام
كلمات دلالية
تعليقات
إرسال تعليق