قصائد حسينية مكتوبه للهلال
قصائد حسينية مكتوبة للهلال
هل الكلمه ابشفاهي شكرا ياالاهي
هل محرم وانه عايش باالوجود
ابجي لحسين ولبست اهدومي سود
*
الاهي اتشكرك وادري الشكر واجب
اعيش الهل السنه ياربي ماحاسب
للمجلس اصدن والدمع ساجب
من اشوف من اخوتي اشجم واحد الغايب
لبسو بيض الهدوم برض المكبره اليوم
باالمكابر راحو الجنهم ورود
هل محرم وانه عايش باالوجود
*
عايش هل السنه والدمعه اجريها؟
وزينب عاالمصايب راح اواسيها
والرايات فوك الدار اخليها
وعلى امصاب الحسين الناس ابجيها
نعمة هل المواساه اكبر نعمه والله
والاجر بيها ابد مابي حدود
هل محرم وانه عايش باالوجود
*
محرم هل عليه وعايش بهل العام
واحضر باالمجالس اخدم الخدام
واشوف الناس من اتعلك الاعلام
لمحرم جنت اعدن واحسب الايام
عيني امحضره دمعات لجل الزينبيات
اه كل الاه من طاري القيود
هل محرم وانه عايش باالوجود
*
انه لصينية القاسم جبت شمعه
وجبت ماي الورد والحنه والدمعه
احس رمله اعله ابنها تطلم وتنعه
شباب ابعز شبابه وباجر اتودعه
ام وتودع ابنها شتصور حزنها
وهيه رايدته ذخر تالي الها عود
هل محرم وانه عايش باالوجود
*
ياليلة السابع من اعيشنها
نسمات الوفه من بعيد اشمنها
النفس لوينضم انه بصدري اضمنها
واكصد راية العباس اقبلنها
عطر الخوه موجود ليلة صاحب الجود
هل العطر لاوالله ماينقص يزود
هل محرم وانه عايش باالوجود
*
سعد العبودي
لطميات مكتوبة لهلال محرم الحرام
حمل تطبيق قصائد حسينية مكتوبة من هنا تحميل
الشاعر ((سيد فليح الموسوي ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
قصيدة مجلس اول يوم محرم
شاعر اهل البيت سيد فليح الموسوي
هل الهلال .. ياحزن خيم علينه .. هل الهـــــلال
والدمع سال .. دنيا ويانه حزينة .. والدمع سال
بيك للدمعه نحن والله ياشهر حزن
*************
بس يهل عاشور هلت دمعة العــــــين
فطرة هاي من الزغر عد المـــــوالين
من اساس المحب تلكه الهه تكـــوين
مكرمة من الباري ربنه لجل الحسين
الهه اسباب .. دمعة الشيعي الموالي .. الهه اسباب
دور الكتاب .. تلكه احاديث النبــــوة .. دور الكتاب
نبجي ونخلصك ون والله ياشهر حزن
*************
ابحياة احسين جده دمعته اتســيل
جان يدري بالطفوف ابخـبر جبريل
سنة الهادي نبينه الـــــــــهه تأويل
شوف اصحاح الكتب بيهه التفاصيل
دمعتك هاي .. تغفر اذنوبك يشيعي .. دمعتك هاي
ابقه وفاي .. لعترة الهادي محمد .. ابقـــــه وفاي
دمعك بلايه اذن والله ياشهر حزن
************
بينه واعدهه الزجية النبي المختار
كال عند احسين باجر نعم الانصار
شيعه يحيون العزاء بهمه واصرار
جنود كلهم لو نهض حجـــتنه بالثار
تحسب افراد .. حاضره الزهرة الزجية .. تحسب افراد
اتوزع امراد .. اطلب ابمجلسهه كلشي .. اتوزع امراد
نعوف حزنك لاتظن والله ياشهر حزن
*************
هذا شهر الحزن هذا وشهر المصاب
عله ابواليمه نبجي يله بدمع سجاب
الزجية ابكل عزا توكف على الباب
تهمل الدمعات وياكم يالاحبـــــــاب
يحضر وياك .. حسين محبوبك يشيعي .. يحضر وياك
باجر اهناك .. بوحشتك حاضر الشدة .. باجر اهـــناك
نحبس الفرحه ابسجن والله ياشهر حزن
*************
اللي ما يلطم أبد مو شيــــــعي اسمه
شنهو عذره باجر من احسين زحمه
خلي جفك عالصدر ينطبــــــع رسمه
تفوز باجر بالشفاعه وتلــــكه رحمه
يوم الحساب .. ياخذ الشيعي جزاءه .. يوم الحساب
داحي الباب .. عالسراط يعبره بيده .. داحــي الباب
فايز اسمه ينعلن والله ياشهر حزن
((الشاعر إبراهيم الدريس ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ليلة 1محرم
هلّ الهلالْ .. والدمعُ سالْ
ففيهِ بادٍ .. رأسُ الجلالْ
& & & & &
هل هلالك يا محرم
اوهلت اجروح الحبايب
وآنه ما أدري بطلوعك
أبجي حِركه لو أعاتب
من كبُل جَيْتك (حُسيناً
واحسين) ابصدري كاتب
اوراسي مو من دنيه شايب
من طلوعك راسي شايب
الرأسُ شابْ .. والقلبُ ذابْ
مُذ لُحتَ جُرحاً .. دَكّ الجبالْ
& & & & &
يا هلال آنه ارد اسألك
اوجاوب اعليه ابصراحه
إنته ليش اتحب دليلي
تنظر اينزفن جِراحه
ابكلبي من كثرةْ جروحه
ما بقه الجرحك مساحه
الهذا ريت أول محرم
اعليه ما يشركـ صباحه
وإذا الصباحْ .. في الكونِ لاحْ
فإذنْ بروحي .. حُزني استطالْ
& & & & &
ابكل هلال الناس تفرح
بس هلالك يا محرم
من يِهِلِّ اعله الغيارى
الدنيه عدها اهوايه تِظلم
لنه بيَّامك محرم
إنسفك دم وارث آدم
اولنه صدر احسين تدري
ابعاشر أيَّامك تهشم
فلِذا الصُدورْ .. حُزناً تفورْ
وليسَ تهوى .. منكَ الوِصالْ
& & & & &
يا محرم من تجينه
ثِقْ فلا نكطع بجينه
البجي عدنه الهويه
واحنه بيْه نرسم وَعِينه
إحنه ما نعتبره شيعي
الذي ما تبجي عينه
والذي يشكِل علينه
بس نكول الله يعينه
عينُ السماءْ .. هطلتْ دماءْ
فكيفَ دمعٌ .. يُعيي الرجال ؟!
& & & & &
بس يهل أول محرم
كل شي يتغير نشوفه
(يا حسين) الكون يهتِف
اويصرخ ابأربع حُروفه
والأجِل عين الزجيه
كل سنه الظامي نطوفه
إحنه أنطيناها كلمه
ما نعوفه ما نعوفه
مهما يزيدْ .. حزّ الوريدْ
عهدٌ علينا .. ولا يزالْ
& & & & &
جن هلالك يا محرم
حَذْوَه بخيول آل اميه
او جنه قوس او بينه يرمي
كل سهام الغاضريه
كل سنه بس ما نشوفه
نذكر الجثه الرمِيه
اونذكر اشلون العقيله
طلعت امن الطف سِبيه
في كُلِّ عامْ .. أرى سِهامْ
وأرى كُفوفاً .. بها الحِبالْ
& & & & &
خادم الإمام الحسين (ع) : إبراهيم الدريس
((الشاعر إبراهيم الدريس ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
الليالي الأولى من محرم
يحسين ذجرك دايم اعله الساني
رَغماً على انف الناصبي السُّفياني
& & & &
ذجرك الطاهر غِده ابطرف اللسان
اودمك الذلِّ السيوف اوْيه السِّنان
ابمجلسك بس أشعُر ابراحه اوأمان
ياللي ميحدَّك زمان اولا مكان
حيَّ على المظلوم صار آذاني
رَغماً على انف الناصبي السُّفياني
& & & &
من يحل عاشورك ايضجِّ الوُجود
بسمك اودمع المحب فوكـ الخُدود
وقَّعِت بالذَّر أنا اوْياك العهود
ما أعوفك دمعي والمنبر شهود
في كل سنه جرحك يوج أحزاني
رَغماً على انف الناصبي السُّفياني
& & & &
إنته بجّيت الأرُض وَيَّـه السماء
إنته روّيت الشرف منِّ الدماء
اوعلَّمِت هاي البشر معنه الإباء
الهذا صارت مقصد الكل كربلاء
للعزه تبكه اوللشهامه الباني
رَغماً على انف الناصبي السُّفياني
& & & &
والله ما أنسه مصابك يا غيور
يا حسين اشما الدهر بيَّه يدور
إنته أُستاذ اوعَلَم كل مَن يثور
اوهذا شهرك فطَّر اكلوب الشهور
شهرك أصلي بالدمع خلاني
رَغماً على انف الناصبي السُّفياني
& & & &
أمك الزهره أواسيها ابأنين
اوْياها أصرخ واحسيناً واحسين
رَغم ما معميَّه منِّ الزهره عين
المجلسك تتعنَّه والخاطر حزين
ايواسي امك الزهراء دمع أجفاني
رَغماً على انف الناصبي السُّفياني
& & & &
خادمك للموت اظل يبن الرسول
عن خدمتك لا زمن لا دم يحول
إنته يا بو اليمه جننت العقول
الهذا حتَّه اعله المشانق صرْت اكول
ما بدِّل احسين الشهيد ابثاني
رَغماً على انف الناصبي السُّفياني
& & & &
من يمُر إسمك دمع أمي يطيح
اووالدي اعله امصيبتك كلبه جريح
روحي (آيحسين وامصابه) تصيح
ما أعوفك ما أعوفك يا ذبيح
إسلامي إنته اوقبلتي اوقرآني
رَغماً على انف الناصبي السُّفياني
& & & &
حبك إنته الأسَّس افنون الغرام
والشِّعِر ميوَصْفه لن يبكه كلام
ابنحرك الدامي اهْزَمِت جيش الظلام ..
السلام اعليك يحسين السلام
يخسر أكيد الفكره ظل شيطاني
رَغماً على انف الناصبي السُّفياني
& & & &
خادم الإمام الحسين (ع) : إبراهيم الدريس
🖤الشاعر مرتضى الازرقي 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#للهلال
محرم 2015
يا الهلال...اسرح بصفنتي بيك اهل دمعتي
ياسبب عذابي
يل الهلال...ماردتك تجيني هيجت ونيني
لوعتي ومصابي
_________________
اذكر اهات وبجه وكسرة خواطر
وكل مساماتي تظل تنزف مشاعر
وبين جمرات ودمه وسحكت حوافر
يخلص بروحي الصبر ويردلي باجر
شيخلصه...ما يخلص ونيني حسرتي وحنيني
وسكتتي جوابي
_________________
شلون انسه كربله ومذبوحه ناسي
وانه ما ناسيها لحظه شلون ناسي
وارسم براسي صور كلهن مأسي
صريخ وسيوف وبجي تسمع براسي
ذكرهم...ما مره نسيته دم دمعي بجيته
صارالي خضابي
_______________-
يامحرم دمعه ما بينك وبيني
وبيك ألملم ذكرياتي من تجيني
وبيك اشوفن كل عذاباتي اونيني
واذكر الطف والدمع غركلي عيني
اذا جيت ...اترد ذكرياتي وتروح امنياتي
ما ينفع عتابي
_________________
ياهلال ومن تهلي سيف اشوفك
ومن تمر سيف ونحر مرت طيوفك
ياهلالي وبركبتي تحد سيوفك
دموعي كل موسم حزن تبقى تطوفك
يجي الضيم.....ياشهر النوايب يل بيك المصايب
يا شيبة شبابي
_________
تهل دمعتي من تهلي يامحرم
ويبقى وياي الحزن بس بيه مغرم
عيوني تتخاوة بسهرها ونومي يحرم
اوين اضمه والدمع ما ظنه ينضم
الدموع... تغفه اعله النواظر ياكسر الخواطر
نوحي وانتحابي
_____________---
الشاعر ((ميثاق المالكي ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
متحف الطف وجِـراحه
عِلَن هـالليله افتتـاحه
كاتـب المهدي اعله بابه
آهـ يحسين و مصابه
هــلِ الهلال وكل جفن سال
لغالي دمعـــاته ورخيصه
وبالسماوات تعله صـرخات
حسيـن لن نشرو قميصه
والمشـــاعر نزلت آهــــات وبكاء
والقميص اعله الارض نگط دمــاء
وفاطمه وياها نزل مـــوكب عزاء
افتتحت الّمتحفْ بقـايه كــربلاء
المهدي عنده هـــالبقايه
خيمه محتـرگه وعبــايه
وفـاطمه حضرت تنــادي
آهـ يحسين و مصابه
ـــــــــــــــــــــــ
ابّدخلة الباب ابدمع إلِمصاب
فاطمه وشـــوغتها شوغه
إلگلب شـــاط شــافت اگماط
اعليه دم النحــر صوغه
ويمه شافت فاطمه بـدمع الحـداد
كومه من كـــاروك ما بين الــرماد
قمـاش ابيض مختنگ واصبح سواد
بيــه ورده انّلفــــت ادور ضمـــاد
كل بقـــــــايه طفل ابنها
تلولي عبــــد الله بحِزْنها
تحجي ويه المهــد صاحت
آهـ يحسين و مصابه
ـــــــــــــــــــــــ
تمشي خطوات تلگه مـــآساة
وآنّتِ الــــــزهراء آنّه
اتّصُب الدموع شـــافت اشموع
وعالرمل معجونه حنّه
وصـواني ابـــلا ورد ودم خضـــاب
الحنه عالجف تنوضع مو عالتراب
تمنت اتشــوف شلبس احلى شباب
لاچــن الثوب انسلب ويـــه الثياب
كل بقايه العــــرس عنده
حِنه مـــذبوحه اعله ورده
والشمــوع ادمــــوع يحچن
آهـ يحسين و مصابه
ـــــــــــــــــــــــ
عثرت ابـ آهـ صـاحت آحاهـ
ويـــاصبر مْــوّت وتلاشه
بگلب ممــرود نظـرت الجود
يسولف ابساقي العطاشه
جود عبـاس اشحمـل من ذكـريات
اشچم سهم بـــالجود ذابح امنيات
بيه طبع نظرات مـن عين البنات
بيه گطرة مستحه وشايل فــرات
جـــود عين الــزهره باقي
وريشه مــن خــوذة الساقي
بوجه جــــود الغيره تقره
آهـ يحسين و مصابه
ـــــــــــــــــــــــ
ابصدر مضنوك تنظر الشوك
لداسته جدام السبيه
ودم عله رمال يحچي والحال
هــذا دم إذنِ إلّرُقيه
صاحت اعله اجروحچن يُمّه السلام
شلــون گضيتنها وبــــلايا خيـــام
الحـــره صعبه ابـلاسگف يُمّه تنام
يمه جندوب الجفــــوف الّچن لثام
ولبگه لــــــزينب الحره
معصب وبيه اثـــر چمره
وتحچي وي معصبها گالت
آهـ يحسين و مصابه
ـــــــــــــــــــــــ
بنفس مشهوگ وكلشي محروگ
عثرت وصاحت يمهدي
يبني چا وين شّبْگه من احسين
ارد اشمه ويبقه عندي
گلها دمعــــاتچ عليه يمه تطــول
شيبقه منه لطحنته عشرة خيـول
مسلبينـــه مگطعينـــه يــالبتول
ودوريـــت ومــالگيت وشّـــرد أگول
لا محـــــابس لا ردائـــــه
والـــرمل شـــارب دمـــائة
مــابگه من عنـــده كل شي
آهـ يحسين و مصابه
ـــــــــــــــــــــــ
✍️… ميثــاق المـالكي
محرم الحرام// ١٤٣٩
🖤الشاعر احمد العكيلي 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#مقدمه
بداخلي كلشي يون وانكلب كلي حزن
من يهل اهلال عاشور
ــــــــــــــــــــــــــــــــــــــــــــــــ
بلا شعور دموعي تدفع باب الخدود
وترفع ابيوت القوافي اعلامهه السود
وتوصل لكربله افكاري برمشه وتعود
ويستفيق الهامي باوّل صوت رادود
ظل يردد للحزن طور
من يهل اهلال عاشور
ـــــــــــــــــــــــــــــــــــــــــ
تنجمع كل المآسي اكبال العيون
وكل مصيبه اذكرهه تكسر حيل الظنون
بمدرسة عابس درست انواع الجنون
والمشاعر عندي ما يحكمهه قانون
لا ولا يكفلهه دستور
من يهل اهلال عاشور
ـــــــــــــــــــــــــــــــــــــــــــــــــ
وصف اكبر من خيالي وماله مقياس
من اعاين للشريعه والكه عباس
تارك اجفوفه وجربته وغيره واحساس
حتى لا بسكينه تشمت ناس مو ناس
كاتب اعله الماي معذور
من يهل اهلال عاشور
ــــــــــــــــــــــــــــــــــــــــــــــــ
لو وصلت حسين حيلي يظل بلا حيل
تميل وياي الفجيعه منين ماميل
ظلت بصدر الامامه تسحك الخيل
والنهار انطفت عينه وانكلب ليل
ونور ليلي ايظل بلا نور
من يهل اهلال عاشور
ـــــــــــــــــــــــــــــــــــــــــــ
من اصد وتصير عيني بعين الهلال
موقف ايحرك سكوني وصفنة البال
جن خيم محتركه اشوف وزحمة اعيال
شفت يم صبر العقيله ازغيره الجبال
من صبرهه الصبر مبهور
من يهل اهلال عاشور
ـــــــــــــــــــــــــــــــــــــــــــــــ
🖤الشاعر كامل السعيدي🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
الهلال....
محرم ريته غاب - شهر حزن وعذاب
بي صفو أهل الرسـاله ابكربله كلهم خضاب
والكواكب كلهه نزلت والشمس فوگ التراب
***********
هل علينه هلال عاشــور الحزن
والدمـــع ويــاه هل اعله الجفن
اهموم وآلام ابقدمه اشگد يشن
بس علينه ويستمر شــبه المزن
شهر حسره وبكاء - ملطخ بالدمـــاء
ظلمة الدنيه ابقدمـه والجرح مالحظه طاب
والكواكب كلهه نزلت والشمس فوگ التراب
*************
بيـــــــــه نتذكر مصـــــايب كربله
ومعظله بي شفنه اشد من معظله
اشگد سمع مــن عدنه كلمة لاهله
اسنين مرت والعتـــــــاب اتحمله
لبس ثوب الحداد - تكلل بالســــواد
هل شــهر ويــاه واللــه ابـــد ماينفع عتـاب
والكواكب كلهه نزلت والشمس فوگ التراب
*************
مايمــر مثله على مــــر الدهــر
تشهد الامـــلاك عن هذا الشهر
بي الحره اتحملت ضيم وسهر
اگبالهه حسين انگطع منه النحر
انتصر دم الوفاء - على اسيوف الطقاء
حسين ثبت دين جـده ونطه غربان الرگاب
والكواكب كلهه نزلت والشمس فوگ التراب
*************
حسين اخذ طفله وتوجــــه للنهر
الان گلبه امن العطش حيل انفطر
ابلا رحم صابوه وگطعوله النحــر
ورجع بيه حسين مكســور الظهر
جره النوح الفضيع - عله الطفل الرظيع
ياشهــر بمصـــاب ابنهه عذبت گلب الربــاب
والكواكب كلهه نزلت والشمس فوگ التراب
**************
بيه جاسـم وســـفه ماشــاف العـرس
طـــاح دامي وطاحت ابصفه الشمس
وبيــــه الاكبر لجل ابوه ضحه النفس
سحكت اعله اجسادهم خيل الرجس
انصرو دين الامين - مضو لجل الحسين
ابهل شهر سالت دمــاهم ونذبح حلم الشباب
والكواكب كلهه نزلت والشمس فــوگ التراب
***************
الخادم
كامل السعيدي 2017
الشاعر ((عمارالعيساوي الكربلائي ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
الهلال#
استقبال محرم
اشكر الباري اني حي ومحرم يعود
وتوضه بدموع الحزن من البس السود
يا سيدي الهذا الأمر .. ابّاب الصحن اسجد شكر
مولاي يحسين
. . . . . . . . . . . . . . . . .
يحسين كل عمري حزن لكن محرم يختلف
من البس الاسود الك اشعر دليلي يرتجف
رهبة جروحك سيدي امن اسمع تسع ميه والف
ما تذرف عيوني دمع ينزل من عيوني نزف
وهلال شهرك يختلف عن باقي الاشهور
ضامي مثل جبدك طلع الهلال منحور
والشهرك اتحزم صبر .. ابّاب الصحن اسجد شكر
مولاي يحسين
. . . . . . . . . . . . . . . . .
لمن يهل امحرمك اسجد على اعتاب الصحن
خادم الك يا سيدي وانطيك عمري ابلا ثمن
بالعاشر بوكت الفجر اتعنه الك لابس جفن
فدوه العلي الاكبر انه العبد الله والشبل الحسن
لجبينك الصابه الحجر فدوه رحت كون
كل لحظه صورة متحرك تفتر بالعيون
لو تقبل افديك العمر .. ابّاب الصحن اسجد شكر
مولاي يحسين
. . . . . . . . . . . . . . . . .
جن عيني صارت كامره اتصور مواقف مقتلك
لقطه التقطتك عالترب والسهم من جبدك سلك
والسيف صورته اعتنه بموضع وريدك قبّلك
ولقطه الطبيعه اتغيرت من صورت خنصر الك
يالوعة الخنصر لاجل محبس يكطعوه
وصورة جبينك سيدي بالحجر صابوه
بعيوني اصورلك كبر .. ابّاب الصحن اسجد شكر
مولاي يحسين
. . . . . . . . . . . . . . . . .
يا سيدي امن اتشكرك شكري ميوصل نعمتك
متفضل ابكل شي عليّ شاملني حتى ابرحمتك
صيتي و وجاهة سمعتي حي لن دخلت ابخدمتك
ما اسوه اشم حتى الهوه لو ما تلمني بخيمتك
بين البشر يا سيدي من ارفع الراس
خادم حسيني وموقعي بالدنيه حساس
كون انه كد هذا الامر .. ابّاب الصحن اسجد شكر
مولاي يحسين
. . . . . . . . . . . . . . . . .
خادم أهل البيت عليهم السلام
عمار العيساوي الكربلائي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
قصيدة هلالية لشهر محرم الحرام
طورها ملا باسم
آه يحسين ومصابه
قصيدة هلالية
نزله
طورها ملا باسم / آه يحسين ومصابه
آه يحسين ومصابه
ياشهر الحزن ياشهر المحرم
هيّجت الألم بيه وكتلني الهم
آنه ام الخدر زينب يشهر النوح
اصد لهلالك بعيني ودمعها يفوح
ذكّرني بجروحي هلالك المجروح
گلبــي بشوفتــه عذّبتــه وتألّم
گلبي بشوفتك ذاب ونزف دمه
ذكّرني بحبيبي حسين ابواليمه
گطعوا نحره ظامي وسلبوا جسمه
راسه اعله الرمح مرفوع يگطر دم
عسه هلالك يغيب وعيني متشوفه
ذكّرني بچفيلي وگطعت چفوفه
رحت عنه بسبي وبحبال مچتوفه
من ماي الفرات بلا ذنب يحرم
وبعد اذكر القاسم من وگع مصيوب
تحنّه بدم وريده والوجه مخضوب
شباب بياجنايه وياذنب مطلوب
يشهر محرم وكل جسمه يتخذم
بعد ياجرح اذكره وياجرح انساه
جرح عبدالله لو جرح السبي وبلواه
اصيـحـن آه منـك ماتـفـيـــد الآه
يشهر محرم وجرح السبي اليلچم
عسن عيني انعمت لا شفتك بعيني
يشهـر محــرم بيـاحـــال تلفيني
تذكّرني بأخوتـي ومن يسلّيـنــي
عله فراگ اخوتي ابچي واون ولطم
خادم زينب عليها السلام
سيد زيد الفحام
____________________
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
القصيدة الرئيسية ليلة الهلال
لا لا تهل يهلال عاشور
بيك شكثر راح انظر نحور
بيك افگد خواني ........... وتهيّج احزاني
لا لا تهل يهلال عاشور
آنه زينب والحزن شمسوي بيه
عيني مانشفت ابد صبح ومسيه
بالله يهلال الحزن شلّك عليه
ذكّرتني بكل مصاب الغاضريه
ريتك غبت يهلال بسماي
فزّت جروحي وهاجت وياي
بدموعي عنواني ........ وتهيّج احزاني
لا لا تهل يهلال عاشور
شفتك بعيني وصحت ياروحي موتي
ابچي يهلال الحزن ابچي عله صوتي
شفتك وهاج الدمع لمصاب اخوتي
عذبت گلبـي بصيـاحي وبسكـوتي
مصايب اخوتي تهدّ الجبال
منهـن تغيّـر حـــالـي يهـلال
بجروحي تلگاني............ وتهيّج احزاني
لا لا تهل يهلال عاشور
ذكّرتني بمصرع حسين ومصابه
گبالي ذبحوه واشعر بحاله وعذابه
عالرمح راسه انرفع ينزف خضابه
بخيل سحگوا جثّته وسلبوا ثيابه
بعيني انذبح يهلال شفته
ولمن رحت مسلوب عفته
ومصابه بچّاني .......... وتهيّج احزاني
لا لا تهل يهلال عاشور
شفتك وراح الگلب صوب الشريعه
للكفلني وطاحن چفوفه الگطيعه
بطيحـة العبـاس يهـلال الفجيعه
ذبحوا حسين العده وذبحوا رضيعه
وآنه انسبيت وخدري سلبوه
وخلافه متني بسوط ضربوه
محتاره خلاني. .......... وتهيح احزاني
لا لا تهل يهلال عاشور
وبعد يهلال الحزن اذكر مصابين
مصاب الأكبر من وگع مابين صوبين
وجاسم العريس طرّوا راسه نصين
حنّتـه يهـلال صـارت دم الايديـن
عندي شبعد يهلال خليت
المن تهل ياريت ماجيت
وعتابي اذّاني........... وتهيّح احزاني
لا لا تهل يهلال عاشور
والاشد من هالمصايب هالرزيه
من رحت يهلال عالهزّل سبيه
دخّلوني لمجلس يزيد آل اميه
عگب اخوتي يزيد يتشمّت عليه
بمجلس يزيد وتنظر الناس
حچي الشماته شيّب الراس
فرحانه عدواني .......... وتهيّج احزاني
لا لا تهل يهلال عاشور
خادم العقيلة زينب عليها السلام
سيد زيد الفحام 20/6/2017
_____________________
🖤 الشاعرة ام رائد زوين 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
نعي لليوم الاول من محرم
لسان حال زينب ع
✿°•┈┈••ৡ✵👁🗨✵ৡ•┈┈•°✿
°•.¸ ¸. • ° ° •. ¸ ¸. • ° ° •. ¸ ¸. • ° ° •
شفت الهلال وجره دمعي
لوني نخطف وانكلب واضعي
صحت صوت يازهراء افزعي
لحسينج ييمه تعاي وادعي
✿°•┈┈••ৡ✵👁🗨✵ৡ•┈┈•°✿
°•.¸ ¸. • ° ° •. ¸ ¸. • ° ° •. ¸ ¸. • ° ° •
حيلي باد يمه الكلب ذاب
لفانه ييمه شهر المصاب
من اليوم هل الدمع سجاب
ييمه شلون نبقه بين الاغراب
✿°•┈┈••ৡ✵👁🗨✵ৡ•┈┈•°✿
°•.¸ ¸. • ° ° •. ¸ ¸. • ° ° •. ¸ ¸. • ° ° •
يم حسن يمه شوكت ارتاح
وهم البكلبي شلون ينزاح
من زغري ابد ماشفت الافراح
زينب كضتها بحزن وانياح
✿°•┈┈••ৡ✵👁🗨✵ৡ•┈┈•°✿
°•.¸ ¸. • ° ° •. ¸ ¸. • ° ° •. ¸ ¸. • ° ° •
يمه ادري ماتسلم احبابي
ولا ينفع بعد وني اوعتابي
بعد حسين يسبيني الضبابي
إه ياكسرتي ولوعة مصابي
✿°•┈┈••ৡ✵👁🗨✵ৡ•┈┈•°✿
°•.¸ ¸. • ° ° •. ¸ ¸. • ° ° •. ¸ ¸. • ° ° •
الشاعره ام رائد زوين
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
يا هلال انهلّي لـو نذرف دمع ؟؟؟
و انتَ بيك الخير و الهَـــم مِنجمع
1
خير بيك انحفظ ديـــــن المصطفه
و الكرامــــة اتأسسَـت و المَعـرفه
و من عهد عاشـور نـورك ما طفه
غطه كل الواسعه وبي ننتفـــــــــع
2
وانتَ بيك هموم كل واحــــــد جبل
حيث بيك السبط بالسيـــــف انجتل
وكَمر هاشم وسف برض الطف إفل
يا هلال اشلــــون همّـك ينجـــــرع
3
يا هلال امنهَــد عَملـــــة كربلــــه
ثورة الحكَـ ما طفــت متواصلــــه
قاتله الكل حُكُم ظالِـــــــم قاتلــــه
للبشر يهلال صــارت جالنبــــــع
4
لجن يهلال الهضُم حزنك بَحَـــــر
بي سرت آهات من ضيم وقهــــر
بي جرت دمعات أسياد البشــــــر
ولَحَد هذا اليوم شلال الدمــــــــع
5
وصوت يهلال ارتفع لا للظـُـلـَــم
والصدى اتردِّده ابكل عصر الاُمم
صرت معنى ونرسم في كل عَـلم
ورايه بسم الدم على الشر ترتفع
6
يا هلال وبيك جم لوعة ومصاب
بيك زينب بيك ليلـــــى و الرباب
ينسبن يهلال بدروب العــــــذاب
و بيك مهجة فاطمه الّي تنفجـع
7
يا هلال العاطفه وصوت الحنيـن
و الألم دمعات صاحَبهه الونيــن
فاطمه ابكل هلمشاعر تستعيــــن
و تشعِل بعاشورك العشره شمع
8
يا هلال الثوره تاليهــــه انتصـار
حتى لو دم سال واستشرى الدمار
إلعَرَف مَغزاك ميجيد الفِــــــــــرار
حتى لو سهم الغدر اصبح (درع)
9
يا هلال الموت بي تبدي الحيــاة
و العدل لابد يحاكِـــــــم للجنـــاة
يا هلال الخيــــر (سُحقاً للطغـاة)
و الفهم معناك ميهــــــاب القمـع
10
مدرسة ثورة ابمعانيـِّــــك نشوف
و الشَهيد احسين قائد للصفـــوف
و ابو فاضل ذاك مكَطوع الجفوف
اصل هُمَّ و احنه من عدهـــم فرع
تمت بحمد لله
زكي اليــ النجفي ـــاسري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
بزغ الهلال علينا بحزنه..يشكو القدوم من فيض مدمعا
ايام عشرة حلت قادمة..اتت علينا بالاحزان والالام تجمعا
حضرت نفسي كي اخدم..ابكيك عينا مابكت احد واسمعا
لله درك ان حضرت ادمعي..كي تنزف الاهات حيث تشفعا
لبنت خير نساء الكون ..دموعا انزلها بعقلي وارادتي تطوعا
كي احظى بمنزلة لنا..عند القدوم لحوض السبط كنا معا
&&&
هل الهلال ومني اسمع..يالبحزن هليت بيه اتوجع
واستمع مني هالحجي والمطلع
&&&
يهلال شنو الخبر كلي وبوح..عليمن احزن عالكمر كله اجروح
هليت انت ومعرفة بيكم روح
&&&
يهلال خبرني الجره عليه..بدار الرحل عنها ابن الزجيه
شنهو الجره والصار بيهم وبيه
&&&
يهلال نورك بجه عيوني..وكل الاهل هسه اتركوني
بلا وداع ولا اخو عافوني
&&&
يهلال انه العليله شتكول..حملت كلهم هلي وهاي احمول
منهو عليه اللي بقه والمسؤل
&&&
ودعتك الله يهلال الاحزان..ظليت انطر وارتجي عل البيبان
اصبح اليه من تهل لن عنوان
&&&
خادم اهل البيت
ابو علي السعيدي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
الشاعر - رضا المنتظري
هَلّ الهِلالُ .... كما نَرَاه
والقَلبُ يَفْزَعْ .... مِمّا يَرَاه
صِحنَا حُسَينَا .... واحُسَينَاه .... واحُسَين
اجانا هلالك محرّم ..... وصدى الذكرى يألّمنا
ما ندري شلون يا محرّم ..... تجي باحزان تفجعنا
لجل الحسين في كل مجلس ..... نصبنا له مآتمنا
ننادي حسين كل ليلة ..... يا بو اليمّة تجنّننا
حُسَينُ أنتَ لِله جَاه
وأنتَ لِلشّيعَةُ النّجَاه
صِحنَا حُسَينَا واحُسَينَاه واحُسَين
فـ كل قلب انحفر اسمك ..... وفي كل عين انت دمعتها
يا بو اليمّة ترى حروفك ..... وسط العروق سكّنتها
من اذكر اسمك الغالي ..... تفيض دموعي لكنّها
تهلّ دموم من عيني ..... لو انّي حتّى امنعها
تَبكِيكَ عَينِي بَلْ كُلّ عَين
وكُلّ عَينٍ بكت حُسَين
صِحنَا حُسَينَا واحُسَينَاه واحُسَين
طلع الحسين لبيت الله ..... وكوم الناس اجت لتطّوف
ما ندري ياشهر عاشور ..... بيكمّل حجّته ويطوف
انشدك ياشهر قلّي ..... قمر هاشم يحج بكفوف
نلحّق حجته والا ..... نحج ويا الركب بطفوف
يَومٌ يُنَادِي أمَا مُعِين
تَفْدِيكَ عَينِي وكُلّ عَين
صِحنَا حُسَينَا واحُسَينَاه واحُسَين
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
هلْ أهلال المحرم وبعيني الدمع غيم
نزل وي حبر الحروف
ذكرت أمصاب الطفوف
وبعيني الدمع غيم
*
هل وهلت عيـــــــــــــــــوني لمّن نظرت أهلاله
ذكرت امصاب أبو السجاد والدمعات هماله
كَمت أقره أبد منساك لا يحســــــــين أقراله
تصب أدموعي علخدين وأبمـــــــــــوال أنعالّه
أنعه ودمعي مذروف *انحجب بدموعي الشوف
اتبخر بالجفن والتم
وبعيني الدمع غيم
*
أخذ قلمي والورقات وبروحي شرط أشرط
ما أكتب حرف لحسين الا وي الدموع أخلط
لأن أدري أمه بالمحشر شيعتها لكَــــط تلكَط
وألطم بالعزه أبعاشـــــور خاطر بيه ما أتفرط
وهي المنظر أتشوف * توسم صدري الجفوف
لمّن تنصــــــبغ بالدم
وبعيني الدمع غيم
*
هل أوهلت أحزاني وأرفـــــــــــــــــع للحزن رايه
مو حسبت خشب وقماش لكن بالفضل ثايه
أجدد بيه عهدي وياه وحطها ابكَبري ويايه
وأكَول أشما شربت الماي أسمه وألتّذ أبمايه
علاج العلّه موصوف *ماي أبأسمه محفوف
أشربه والجرح يلتم
وبعيني الدمع غيم
*
أسمعت من جعفر الصادق الزهره المجلس أتوده
لو هل شهر المحــــــــــــــــــرم تحضر وأيحضر جده
الحضور أبمجلسه ترعاه واحد واحد أتفكَده
تفرح لو لكَت واحـــــــــد جايب للعزه ولده
تبارك بيهم أطوف *تعدهم مثل الضيوف
والمدمع مثل زمزم
وبعيني الدمع خيم
*
انه لو هل شهر عاشور وأعرف يومه الأول
ثغري أيفاركَـ البسمه وأسوّد ثوبــــــي يتبدل
كلما أهجع أتصور ها هسه الضعن حول
نزلت زينب الحـــــــــوراء وانه المشهد أتخيل
ضعن وأتحوطه السيوف *** رعب وموادع وخوف
حتى بنومتي أحلم
وبعيني الدمع غيم
مازن الشطري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
هل أهلال المحـــــــــرم – هل شهر الحزن والهم
أشد مصاب عالعتره – أصد له والمقل حمـره
****
هل وهاجت أحزانـــــــي
آه يا نار وجـدانـــــــــــــي
بكلب البيـن صابانــــــــي
أخذ من عنـدي خوانــــي
شفته وهلت عيونـــــي – وذكرت أحباب ودعونـي
تسعر بالكلب جمره – أصد له والمقل حمـره
****
يهلال الحـــــزن مـن جيت
بأحرام السـواد مســـيت
كلي شــنعدي وك خليت
موحش مـن أخوتي البيت
يهلال الحزن دهـــــري – بعدهم ما رحم عمــري
دلالي خلص صــبره – أصد له والمقل حمـره
****
أصــدلك والكلب شاجـــر
وأذكر ليــــلة العاشــــــر
طول لايجــــي باجــــــــر
زينب تكســـر الخاطــــــر
ألك يهلال دمعاتـــــــي – ونوحي وكل معاناتــــي
هاجت بالصدر عبره – أصد له والمقل حمـره
****
ألك بالروح جــــم ونــــــه
وجرح حســـين أعيشـنه
كل عاشـــــور أنطرنــــــه
المهـدي شعطله عنــــه
ألك يالغايب أنتانــــــي – ودمعي يترجم أحزانـــي
هذاك اليوم ننتظـره – أصد له والمقل حمـره
****
يهلال الحـــزن دمعـــــــة
ضلت تجــري كل جمعــة
لمته البيـــرغ يرفعـــــــة
وينادي الثار ونسـمعــــة
نشاهد رايتــــه تعــــله – وجمع الباطل يذلــــــه
والحق يوكف ينصره – أصد له والمقل حمـره
****
ألك يا لمنتظـــــــــــر ودي
ودمعــي يسـولف بخــدي
أرفـــع للعــــــلي يـــــدي
أدعي بطلعــة المهـــــدي
يعجل بالفـرج لينـــــــه – من الجـور ملينــــــــه
تدعي لجيته الفقـره – أصد له والمقل حمـره
*******
شاعر أهل البيت
عبد الحسين المنصوري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
من وزن الطويل ... القائم والهلال... شعر ..فاطمه الخزاعي((ام هدى))
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
شهرك بان ... هم واحزان ... بيك تعاود احزاني
____
يجدي من يهل عاشور تكبر ناري وظنوني
واحس كلبي يذوب بآه وحير بهمي وشجوني
على مصابك تون روحي وتهل دمع ودما عيوني
واحس بكل سنه جروحي تهيج وينخطف لوني
تظل عنوان ... للأزمان ... ثارك يبقى عنواني
_____
على الدنيا حزن مرســـــــوم يخطها اشعارابو اليمه
شعار يجســــــــــــــــده عاشور تجلجل بالحزن همه
على شروق الشمس شفته وعلى غروب الشمس دمه
ويجدي بالحشه محفورجســــــــــــــد دامي وطفل يمه
لدما الرضعان ... اشب نيران ... رضيع اشذنبه وشجاني
______
يرد بيه شــــــهر عاشور الفجيعة عمتي الكبرى
البقت بين الجثث والجيش غريبه وتسجب العبره
محتاره وتصيح حســـــين خويه اخيامي متوجره
اســــــمعتها وتنهض وتوكع على التربان والغبره
تون عطشان ... بكلب حيران ... تكول حسين ماجاني
______
ويرن بســــــمعي ياجدي صهيل وحافر وغاره
وطفل يصرخ يريد الماي نشف دمعه بسبب ناره
وندبتك وانت تطلب ليه وتشـــــيله بروح محتاره
وجواب بصرخة الخدريصــــــــيح بدمعه تتجاره
بألم ولهان ... دمع جروان ... انذبح جاله السهم عاني
______
يجدي ولوشلت شـــــوفي اشوفك جاالكمرانته
واشوف انجوم بيه اتحيط تهيل ادِموع بالسكته
يصـــــيراكبال عيني اوداع حراير حيدر وبته
يودعــنك وداع فــــــــراك وداع العاف عايلته
حرم واشجان ... بلاوليان ... ينادن من بقى ثاني
ــــــــــــــــــــــــــــــــــــــــ
يجدي وحزنك بكل عام يمر وعمري بس عاشور
اعيش احزانك بكل ســاع بنهاري وليلي بيه يدور
ماشفت الفرح ساعات انا ابعيني جســـــــد منحور
ولا احس الهنا بدنياي واحســـــاسي بضلع مكسور
ضلع وجعان ... جسد نحلان ... انا بكل مجلس امجاني
****************************************** *
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ياشهر المصيبه........ احزانك رهيبه
بيك حســـين مذبـوح
وزينب حايره اتنوح
ياشهر المصيبه
ـــــــــــــــــــــــــــــــــــــــــــــــ
هلالك من اشوفنه / گلبي ايذوب واتـــمنه / اموت ولا اشـــوفه
يشهر الحزن واللوعه / زينب بيك مفجوعه / ياجــرح التروفــه
جرح الي بقو صرعه / اهلهه وسالت الدمعه / بگلبهه شكثر خوفه
جرحهه منهو اليضمده / عگب ذالك الذي اتوده / مـتگطعه چفوفه
لبو فاظل املهه ....... دمعتهه تهلهه
ومنهه هايمه الروح
زينب حايره اتنوح
ياشهر المصيبه
ـــــــــــــــــــــــــــــــ2ــــــــــــــــــ ـــــــــ
هلالك لو اجه وهلـــهل / دمعنه عالوجن هلهل / لبو اليمه ولينه
ما ننســــاه ومصابه / وناره بـيـنه لهـــابه / واتوجـــرت بينــــه
عايش بالگلب يومه / ومصــيبته المرسومه / عالگـلوب الحزينه
نحبه وما نفذ حزنه / ولون سيف الغدر حزنه / اله صرنه رهينه
مانترك حزنه ....... لبو اليمه املنه
ويظل الدمع مسفوح
وزينب حايره اتوح
ياشهر المصيبه
ــــــــــــــــــــــــــــــ3ـــــــــــــــــــ ــــــ
يشـــهر الكدر ارد اسئل / احلفك انته هم تقبل / لحسين الجراله
الجره لجله ولهل بيته / يهز العالم الگــــيته / العرش كله بچاله
بچه عرش الله وتألم / على الصابه بقه مهتم / حزين وهذه حاله
حالك يابو اليمــه / بحزن هالعالم ايعــمه / لمن نذكر خصـــاله
ذكرك بينه ساكن ....... بظاهرنه والباطن
طول الدهر مفـتوح
وزينب حايره تنوح
ياشهر المصبه
ـــــــــــــــــــــــــــ4ــــــــــــــــــــــ ـــــــ
هلالك من بزغ شفته / بيه حسيت وعرفته / اهوال ومصايب
بيه ال النبي الهـــادي / مذبوحين بالوادي / بقو فوك الترايب
بيه زينب المحتاره / عليهه شنو الغاره / وخذوهه للخـــرايب
زينب يامصيبتهه / تبچي فاگده اخوتهه / شگد شافت عجايـب
مصايب تهدم الحيل ........ نصيح الويل ياويل
والمن تشكي وتبوح
زينب حايره تنــوح
ياشهر المصيبه
ـــــــــــــــــــــــــ5ــــــــــــــــــــــــ ـــ
ام الطفل مفجوعه / وگلبهه بيه الف لوعه / عالمـصاب الدهاهه
ورمله حايره بهمهه / عگب ما راح من يمهه / ابنهه الهم علاهه
وليله الفاگده الاكبر / بصـدرهه النايبه تسعر /فگده الي ســـباهه
ماهزتك هالصوره / وخيام العيله مسجوره / الشمر زينب ولاهه
من عگبه وليهه ...... تتستر بديهه
لان عالنهر مطروح
زينب حايره اتــنوح
ياشهر المصيبه
ــــــــــــــــــــــــــ6ـــــــــــــــــــــــ ــــــ
اريد اســـــئل يالمـــحرم / انته بحالهم تــعلم / شـــنهو الصار بيهم
لمن شن غارته العسكر/ بربك انته هم تگدر / تشوف الجره عليهم
هامو فزع بالهيمه / ماظل ســـتر لا خـيمه / التلـــم عيـــله وتقــيهم
من غارة بني سفيـان / هامت عـــيله بالوديــان / والعيــله الـــنبيهم
النبيهم همه جازو........ بهالعايله وفجعو
مصايب گامت اتلوح
وزينب حايره اتنوح
ياشهر المصيبه
ـــــــــــــــــــــــــــ7ــــــــــــــــــــــ ـــــــ
بيك النايــــبه كلهه / ياعاشور وسألهـه / النوايـــب كثره صارت
عليك احزان مرسومه / اذا هل شهرك ويومه / والاحزان دارت
بيك حسين ابو اليمــه / متخضــب بقه بدمه / والعـــدوان غار ت
وزينب يامصـــيبتهه / تهز الدنيــــه حالتهه / يوم الذي احتـــارت
متحيره بهالعيله ....... شلون اتكظي هالليله
وگلبهه صار مجروح
زينب حايـــره تنوح
ياشهر المصيبه
ـــــــــــــــــــــــــــــــــــــــــــ
خادم الحسين وخادمكم
حيدر تركي الكربلائي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
هلــّيت و هلــّت دمعتنه ... يهلال و زادت لوعتنه
يا عِبره بقصتك تحجيه .. و يا عَبره ابحزنك تجريهه
هلــّيت و هلــّت دمعتنه
>>><<<
يهلال المصايب يا مدى الالهام ... جديد اتظل ولود ابكل سنه وكل عام
دمع يجري نهر من مدمع الاسلام ... دمه يروي الكرامه ابمذبح الالام
يهلال امحرم حاجينه .. متانين او ننطر تدرينه
بيا منهل رايد تروينه .. وشسَبَّبْ يمك جمعتنه
هلــّيت و هلــّت دمعتنه
*
ينار التلهب ابجفن اليريد اينوح ...... يسيف ابيئد موتور بجبد مقروح
يمنهج يشفي لصدور العلوم اجروح ... يا ثورة عطاء ابدم كرم مسفوح
يا غضبه الثائر تنطيهه؟ .. يا قلعه الماجد تبنيهه؟
يا فكره المجدك ترويهه؟.. يالنارك شعلت شمعتنه
هلــّيت و هلــّت دمعتنه
*
يا دمعة محمد والجفون اتسيل ... اول من نصب مأتم حزن جبريل
تميل اللوعه وي طلتك لوين اتميل ....... ينحز وي بزوغك منحر التنزيل
بيامك نـجريهه الدمعه .. شيعه بلوعة هم منـفجعه
بيهه انعزي الزهره البضعه .. بمصاب الوجر جمرتنه
هلــّيت و هلــّت دمعتنه
*
يلوعة فاجعه بصدر الدهر جمره ... كل منصف كسب من منهلك خبره
عرف بيك الحسين اشكد قدر صبره ... وعرف ان الكرامه ابكربله حمره
بيك الشيعه اتعيش الحاله .. تذكر سبط الهادي و آله
من داست صدره الخياله .. بدماه اتعـّــلت رايتنه
هلــّيت و هلــّت دمعتنه
*
نولد بيك المجد و الغيره و الشيمه ... و كل ثائر اخذ للثوره تصميمه
واذا مو من حسينك فحوه تعليمه ... ما ظن ثورته تظل الهه كل قيمه
يهلال ابهلتـك مولدهه .. ثورة حق والله الساندهه
بحسين انتصرت شاهدهه .. لليوم ايقود ابثورتنه
هلــّيت و هلــّت دمعتنه
تمت بحمد الله
زكي اليـ النجفي ـاسري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
هلالُ الدمِ ........... قد احرم
إلى ارض الطفوفِ ,,,,,, إلى حج السيوفِ
_+_+_+_+_+_+_+_+_+_+_+_+_+_+_+_+_+_+_+_
إذا مـــــــا لاحَ فــي عـيـنـيكَ تـــوديــــعـــــا
فـــقــم وإقــراء هــلالَ الحــزنِ في لـوعـــه
هـــــلالُ الحــجِ فــي حســــره .......... عـلـيــهِ يــــــــذرفُ الـعــــبـرة
وبــيــتُ اللهِ يـــــدعــــــــــــوهُ .......... إلـــيـــهِ فـــاتــــــحــاً صــــدره
أيـبـن المـصــطــفى قــف لــي .......... أشـــمُ الصـــدرا والـنـــحـــــرا
أراك راحـــــــــــلاً عـــــــنـــــا .......... أحــلـــت الـحـــج لــلــعـمــــرة
وفـي أفـقِ الـســمـا قــــد لاحــت الـحُـمــرة
هِـــلالُ العــشــرِ يـدعــو فـــاتــحـاً صـــدره
هـــلالُ الحــــزنِ قــد احـــــرم .......... عــلــيــهِ نـــاصـــبـــاً مــــأتــم
يُـــنـــــاديـــــهِ يُـــنــــــاديـــــهِ .......... ألا اقـبـل يـــا حـســــينُ الـــدم
أراضـي الـطـــــفِ مــــن دونِ .......... ســــنـاكَ صُـبـحــهـا مُــظـلـــم
وجـــرحُ الأرضِ لا يــــــــبــرا .......... بـــــدونِ روحـــــكَ الـبــلـســم
===================================
لا تــمـضـي هـــلالُ الحــجِ يـدعـو بـالأنـيـن
مــن لـلـحــجِ يـا مــولاي يــا نــورَ الـيـقـين
مـــن لـلـبــيـتِ يــرعــاهُ إذا هـــاج الحـنـين
يـبـكـي الحـجـرُ الأســودُ والسـعي الحـزيـن
اسـمـع يـا هـلالَ الحـزنِ مـن عـيني الكـلام
لا تـــــرمـــيـهِ بـالـطــفِ بـنـبـلٍ وســــــهـام
دعـــــهُ عـــنــد بـيـت اللهِ يـحــــــيـا بـسـلام
لا تـســلـمـهُ فـي كـــفِ مــــلاعــين لـــــئـام
============================
أهـــــل يــــــدري....هـــــلالُ الـــدمــا
بــمــــا يـــجــري....بــحـــقِ الـســمـا
إذا ســــارا..ركــــبُ مــولانــا..... إلـــــى ارضٍ..... بـالـــدمِ تُـكـتـب
فــمـاذا يــــا..... هـــــلالَ الـــدم..... أهــــل تـحـمـيهِ.....أم يُـســــلـــب
وهــل تــسـلــمـهُ...كــــفِ الـعــدى
بـأرضِ الـطــفِ....يـلــقـى الــردى
عـلــى مـــاذا...يــا هــلالَ الحــج..... بـــلا حــــقٍ..... دائـــمـــاً تــحـتج
أهــل تــدري...كُــلــمـا ضـاقـــت..... عــلى الـســبــطِ..... فــي غــدٍ تُـفـرج
===========================
حَــجـــهُ فــي....كــربــلاء الـــدم..... طفُ عاشـوراء..... أرضـــهـا المَــحْــرم
غُــســلــهُ مـــن.....دمــــهِ الـــزاكــي..... وأبــو الـفـضـلِ..... هـديــه الأعــظــم
ولـــهُ طــفــــلٌ صــغــيـــٌر هــديـــهُ الاســما
وهـو فـي المهــدِ رضـــيـعٌ كـلـمَ الـسـهــمـا
هـــديـهُ الأكـبـــرُ لا لــــم يـبـلـغْ الحــلـــــمـا
هـــذه آثــــارهُ فـــــازدد بـــــــهــا عِـلـــــمـا
الموسوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
فــرض واجـب عـلـيـنـه --- مـحـرم مـــن يـجــيـنـه
نــلــبـس ســـود الــحــرام --- نـضـرب قـامـه عـالـهـام
مـحـرم مــن يـجـيــنـه
...........................
فـرض واجـب يـا شـيـعـه نـهـل الـدمـوع
نــلــطــم عــالـصــدر ونـكـسـر الـضلـوع
كــل شـيـعـي نــشـوفــه الـيـلـه مــفجــوع
بـمــصــابــك يــابــو الاكــبــر ولــيــنـــه
...............................................
واجــب عــالـظــهـر لــو نــدك زنـجــيـل
كـل خــطــوه اعــالـخـطـوه نـهدم الـحـيـل
ونـخــلـي الـدمـه مــن ظهـورنـه اتـسـيـل
الــك يــبـــن الــزجــيــه بــهــاي اديـــنــه
..............................................
نـعـلـن عــالــمـلـئ صرخـات الـطـفـوف
ورايــات الـحــزن تــتـعــالـــه وتطـــوف
نـصـرخ يـــاحســيـن بـهــاي الــصفـوف
اهــــــات بـــــدليــلــك والــلــه بــيـــنـه
............................................
واجــب لــو ذكــرنــه حــسـيـنه الـيـوم
عـــالـهــامــه نــطــبــر ســيـدي دمـوم
والـقــامـه ويـقــامه اتصـيـح يامـظلـوم
مـــا نــوفــي بــدمــانــه اشـمـا فـديـنـه
..........................................
كـتبـنه اعالجـبـيـن اسمـك كتـبـنـاه
ابــد والـلـه مــانـنــســه حـسـيــنـاه
عـهـد لـلـمــوت يـــازهــراء ويــــاه
شــعــار بـكــل مـجـالـسـنه بــديــنه
..............................................
مـجـالس بـيـهـه يجـدد عـهـدنـه
الـك هيهات مـا نـخـلف وعـدنـه
كــل دكـه صدر ثـــارك رفـعنـه
ابـد للــذلـه مــا نخـضع اجــيــنه
محمد العبودي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
كال عام اليجي إنجدّد عهدنه == ما نخلف عهدنه
لو صار النواصب نار ضدنه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ياشهر الحزن بيك إنفجع مولاي == أبو القاسم نبينه
والزهره الزجيه بالحزن ويّاي == والحامي علينه
أنصبها المآتم وإبدمع عيناي == أعزّيها الحزينه
أعزّيها إو أنادي == لجل إبنك يهادي
إحنه شيعته وإلكُم مَرَدْنَه
لو صار النواصب نار ضدنه
ـــــ
ياشهر الحزن كُلنه نهل ويّاك == يوم إتهل علينه
تره كُل يوم نتمنّه تجي إو نلكاك == بفيض أحزان بينه
والزهره الوديعه تنتظر ملكاك == والغايب ولينه
أبو صالح يجينه == يهل نوره علينه
يحضر كُل مآتمنه إو يِعْدنه
لو صار النواصب نار ضدنه
ــــــ
ياشهر الحزن أيّامك إو ليلاك == حزن يملي فؤادي
يحير الماعُرف قدرك فهم معناك == وإيحير الأعادي
يضيع الدين بالدنيه إو يظل لولاك == غريب إبكُل بلادي
إحياء العقيده == بالمأتم نريده
يظل بيها قوي إو مهيوب سدنه
لو صار النواصب نار ضدنه
ــــــ
ياشهر الحزن يوم الوداع البيك == يفت قلب العقيله
ما تنساه من تجبل يمر طاريك == صارت بي كفيله
ندري صوت زينب ياشهر يشجيك == همها من يزيله
تظل بالطف غريبه == تنادي ياحبيبه
بعدهم من يحامينه إو يردنه
لو صار النواصب نار ضدنه
ــــــ
ياشهر الحزن ريتك تظل للدوم == دمع يجري إبفجيعه
نظل نسمع أنين الفاكده إبكُل يوم == حسرات الوديعه
ننادي وين والينه إنملينه إهموم == ياحامي الشريعه
إنهض ياولينه == نريدك من تجينه
تاخذ ثار جدك ياسندنه
لو صار النواصب نار ضدنه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
مع تحيات شاعر اهل البيت / جابر النجفي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ليش يهلال الحزن تاذينـــي -- ريت عميه ولاتشوفك عيني
دوهنتني بكربلا -- حگي اصيحن لاهله
ريت عميه ولاتشوفك عيني
00000000000000000
شفتك ودمعي على خدي انحدر
ليه اجيت اردود يهلال الشهــر
ماكفاك الصار بيه عل النهـــر
ولاكفاك السيف من حز النحر
شنهي ذنبي وهيجت احزاني -- يلخذت منــــــي هلي ولياني
ماني بت عقد الوله -- حگي اصيحن لاهله
ريت عميه ولاتشوفك عيني
0000000000000000
شنهي ذنبي وياك يهلال الحزن
بجيتك خليت دلالي يــــــــــون
ليش عل المظلومه گلبك مايحن
واهي اثار الســـياط عل المتتن
فوگ نار الخيم جيت بنارك -- حتى لولك ثار اخذت بثارك
بيك دلالي ابتلـــه -- حگي اصيحن لاهله
0000000000000000
ريت عميه ولاتشوفك عيني
من شفت صورتك يهلال المصاب
رد عليه العاشر وذاك العــــــذاب
شفت اخوي حسين نايم عل التراب
وشفت عن اوليدهه اتنشده الرباب
مانزلت اشلون ودليهـــــــا -- ادور عل وليدها اتخليها
والمدامع هاملــــه -- حگي اصيحن لاهله
ريت عميه ولاتشوفك عيني
00000000000000000
شفت سكنه بعينك اتكوم وتطيح
وبدموع العين يابويه تصيــــح
جيتك ولبالي يلوالي جريـــــح
مادريت من الگفه نحرك ذبيح
لون منك چا طحت يهلالي -- من شفت حالتها يم الوالي
يامصاب اتحمله --حگي اصيحن لاهله
ريت عميه ولاتشوفك عيني
00000000000000000
جروح فوگ اجروح تدي بالگــــلب
ومن ھذاك الوكت وي دمعي تصب
مدللـــه وتدري عل المدلل صعــب
عل المتون بسوط شامت ينظـــرب
بتمن انه والعده يسبونـــــــي -- وسوده من كثر السياط امتوني
وبيتي من اهلي خله --حگي اصيحن لاهله
ريت عميه ولاتشوفك عيني
00000000000000000
گلبي لتظن كتر من عنده سلم
من شفت چفين شيال العلــــم
الهدم حيلي وزيد عليه الالــم
شفت عين الكمر مطفيه بسهم
مني شتريد اوگفت اگبالـــــي -- ونته يهلال الحزن چتالي
شفت حال بالفلــــــه -- حگي اصيحن لاهله
ريت عميه ولاتشوفك عيني
000000000000000000
ليش وجهك درته عــــــني بالطفوف
وانه ادري من السمه عيونك تشوف
مانزلت وللكمر جبت الجفــــــــوف
وعن ابوالسجاد لرديت السيـــــوف
بگلب زينب چم سهم خليتــــــه -- وچم نحر ينزف دمه راويته
وتدري انه امدللـــــه -- حگي اصيحن لاهله
ريت عميه ولاتشوفك عيني
00000000000000000
مسلم محمد السماوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#موشح
ياشهر عاشور ما ننسه النحر ( موشح )
ــــــــــــــــــــــــــــــــــــــــــــــــــ ــــــــــــــــــ
ياشهر عاشور ما ننسه النحر === شافته الحره إبجراحات النظر
ــــــــــــــــــــــــــ
ياشهر عاشــــور من نــــار الحــزن == روح أبو الزهره النبي الهادي تون
ننســـــــــه آلام العقيلـــه لا تظــــن == من تركها إحسين وإختار السفر
ــ
ياشهر عاشور هليت إو إجيـــــت == وإحنه بالآلام من يوم المشيت
ما نسينه إحسين وإنت المانسيت == ما يزول الحب أبد طول الدهر
ــ
ياشهر عاشور ما ننسه العلــــم == من ثبت بالگـاع بدموع الألم
ما مشه العباس وإيخط القلم == غيرتـه الماتنتهي مثل النهر
ـــ
ياشهر عاشور ما ننسه الرضيــــع == من سگـاه إبنبلته الباغي الوضيع
منحره الفياض بالحب والربيـــــــع == ظل يبث الصوت وإيناغي الظفر
ــ
ياشهر عاشور ما ننسه الشبـــاب == كوكب الأكبر مضه إو راد الغياب
خيم إعلى إحسين بغيابه الضباب == وأمــه بالحسرات والهم والخطر
ــ
ياشهر عاشور ما ننسه الغريب == من إجــاه القاسم إبنار اللهيب
نادي ياعمي يبو اليمه الحبيـب == رايد أفديها النفس آني إبفخر
ـــ
ياشهر عاشور ما ننسه حبيــب == من هتف لبيك يحسين المهيب
قائد الأنصار للخير الرحيـــــــــب == زوده بالحومه على الدنيه إنتشر
ــ
ياشهر عاشور ما ننسه السفير == مسلم الواجه أميه إو كل حقير
أول الثـــوار قدوتهــــــم يصيـــــر == فاز أبو الهدات بالحگ وإنتصر
ــ
ياشهر عاشور ما ننسه الخيول == داسـت المذبوح وإحتار الرسول
لچمت الكرار والزهره البتول == وإنلچـم گلب العقيله وإنفطر
ـــ
ياشهر عاشور ما ننسه العليـــل == بالمآسي إو يشكر الباري الجليل
من مصايب كربله إبهمه الثجيــــل == ذايبه الروح إو مشه إعليها الكدر
ــ
ياشهر عاشور ما ننسه السبي == من خـذوا للشام حرمات النبي
والضعن يحديه ظالم ناصبـــي == والولي السجاد راضي بالقدر
ــ
ياشهر عاشور جيت إو بالجروح == مبتلي هذا الوطن يبچـي إو ينوح
والسبي عادوه وإنعاد النزوح == والخـوارج شرهم إعلينه ظهر
ـــ
ياشهر عاشور جيت إو بالبلاد == عاثــــوا الأشرار وإنهان العباد
والمراجع أفتوا إو نادوا جهاد == وإحنه لبينــــــه النداء المنتظر
ــــ
ياشهر عاشور ننتظره الأمـــــام == قايم العتره الولي المهدي الهمام
من يجي نرفعها رايات الســــــلام == ينتشر خيره إو يفيض إعلى البشر
ــــــــــــــــ
مع تحيات شاعر أهل البيت / جابر النجفي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
اول يوم بعاشوراء...نلطم ونعزي الزهراء
نرفع رايات الاحزان...حسين وعباس العنوان
ونخاطب احنه الحوراء
يايوم الاول ذكرنـــــــــــي...بالعام الفات وي حسين
بالمجلس جنت ومــــتغرب...اتكت بحزن دموع العين
بالشام وي الحـره انعزي...وياه احنه انشد احزامين
نخدم بالجــــاي ويالرايح...عاده وصارت من اسنين
صارت تدري بالوجدان...تسري بدمنه وعالحيطان
اسرع من يوم الاسراء
كل الشيعه تلبس اسود...ومهموم العالم بالصاير
لن حســـين يقدم روحه...يعد ايام وبـــــيه ايغادر
والاطفال وياهم خدر...مهظومه من تمشي باجر
مسبيه زينب واخوته...والســـــــجاد وياه يناظر
للشمر الصاير ربان...ويحدي ويامر بالنسوان
اصبح يامر بالامراء
ولوتعرف هل اليوم وحزنه...حسين البلغ كل عياله
للترحال وحضر ضعــــــني...بلغ عبــــــاس وكالاله
بلغ زينب تشـــــــد ارحال...وتشد هودج كل اطفاله
والطفله البلغهه حسـين...بس هيه التبقه من رحاله
ظلت في وادي الاشجان...وتتنطر عودة خوان
ظلت طير بهل الصحراء
زينب طلبت من واليهه...بهذا اليــوم من العباس
كالتله ياسلوة روحي...ياخويه وتاج اعلى الراس
رايد واحد يتكـــفلني...ويحملني وي هاي الناس
كال اله يااختي اتبشري...انه الكافل للنــــوماس
اقسم الها بالقراءن...يفنيه اجموع الفرسان
وتتحدث عني الانباء
والسارو انصار حســــين...معروفه المعدن والغيره
مكتوبه اسماهم سيمـــــاهم...ووجوه انكتبت للسيره
يا جون وعباس وي مسلم...والحر ماظل بهالحـيره
خيرة اصحاب المختار...نفس حسين ونفس الخيره
حسين البيهم سفان...وقائد الهم بالميدان
فرسان الطف النجباء
من سارت اصحاب حسين...كله احيود وكله ابطال
كل واحد ينشد بالثــــــــاني...ويتحدث عن الامـــال
ابواب الجنه المفتــــوحه...واحدهم حيد ولو صال
والوصه ماوصــه بروحه...ولاوصه بمال واطفال
وصاه بحسين وحزنان...هاي وصيتي خويه الان
واتبشر احنه البشراء
خادم اهل البيت
ابو علي السعيدي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
قصيدة في هلال محرم
هلالُ الحزنِ قد هَلَّ ... وصبرٌ مِنْك ما مَلَّ
عجيبٌ أيّها المهدي ... فمازلنا على العهدِ
وصبرٌ مِنْك ما ملَّ
_______
هلال الحزن لـمَّن هَلْ ... تـهـــــــــل ويَّاه دمـعاتك
الـمالحظة تجف أبداً ... ولا خف صوت ونّاتك
آه .. ابـآه تـحملها ... وش يـحــــــــــــــــملها آهاتك
ثاراتك ﭼـثيرة وهاي ... عـــــــــــــــــاشر زاد ثـاراتك
تعاهدنا من الـذّرِ ... جنودكَ نحن في الثأرِ
وجئنا الروحَ كي نُهدي... فمازلنا على العهدِ
وصبرٌ مِنْك ما ملَّ
_______
يفت صم الصخر صبرك ... يمــــهدي وتبـﮕـى تتــــــــــصبّر
حزن ينعاد كل ساعة ... عليك اشلون ما تظهر
تفطّر منّه ﮔـلب الكون ... وأدري المهجتك فطّر
وكل ما عادت الذكرى ... عادت بالـحزن أكــــــــــــــثر
يُقرِحُ جفنك القيحَ ... وتبكي الليل والصبحَ
ونجري الدمع بالخدِ ...فمازلنا على العهدِ
وصبرٌ مِنْك ما ملَّ
_______
تعهدت ابحزن تبـﮕـى ... يمــــــــــــــهدي اتعاهدينه وياك
إذا تنعى الحسين السـا ... نوِن يحسين ما ننساك
إذا ليل وصباح اتنوح ...إحنه بذاك ســـــاعدناك
إذا تلطم عليه الـهام ... بلطم الهام شاركــناك
وتجري الدمع بالدمِ ... وتُجلي الهمَّ بالهمِّ
ونحنُ الحزنَ كم نُبدي... فمازلنا على العهدِ
وصبرٌ مِنْك ما ملَّ
_______
تعهّد خالق القدره ... للزهرا وابنها حسين
يخلـﮓ شيعة اتندبه ... وتجري اعليه دمع العين
من الذر تلطم اعله الهام ... وتبـﭽـي له ليوم الدين
واحنه ابها العهد هذا ... ليوم الـدين ملتزمين
فعهداً مِن مُحبيكَ ... مدى الدهرِ سنبكيكَ
فهذا العهدُ للحـدِ ... فمازلنا على العهدِ
وصبرٌ مِنْك ما ملَّ
_______
يا لـلـي اخـتارك الـــــــــــــــباري ... تاخـذ ثـار أجـــــــــــــدادك
عهد ويّاك هـاك الصـوت ... إحـنه الثـارك اجنودك
وعـدك يـمـتى يتحــــــــــــﮕﮓ ... يالـما تـخلف اوعـــــودك
عهد نبـﮕـى اعله حدّ السيف ...ﮔـوم او وفـيّ اعهودك
فـــــــــــــــيـومُ الطّـفِ أدمانا ... وبالأحــــــــــــــــــزان أشجانا
أشاب الطفلَ في المهدِ ... فمازلنا على العهدِ
وصبرٌ مِنْك ما ملَّ
_______
تمّت بعون الله
يا من هي منك اجعلها إليك
للمتوسل بآل محمد
أبـو حـيــدر الإحـسـائي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#عكيلي
نستقبل عاشور إبحسره عگيلـــي
ــــــــــــــــــــــــــــــــــــــــــــــــــ ــــــــ
نستقبل عاشـــور إبحســـره === وإنواسي المظلومه الزهره
ـــــــــــــــــــــــــــــــــــــــــــــــــ
وإنواسي الزهره إنعــزّيها == وإنعـــزّي القايـم مهديها
والأرواح إبعز نفديهــــــــا == عالباطل نعلنها الثوره
ــــ
عالباطل نعلـــــــــن ثورتنه == من إحسين إلحﮛ همــّتنه
وإنزيح الناصــب غايتنه == نيران الغاصب مستعره
ـــ
نيــــــــــــران الغاصب ببلادي == هاي التــــُربه إبهمها إتنادي
فـــِزْْعوا إبهمّّتكم يولادي == هذا الظالم حل إبغدره
ـــــ
هذا الظالم جاني إو غادر == وإلحيدر والينـــــــه ناكر
والمؤمن مهموم إو صابر == لكنها الجمـرات إبصدره
ـــ
لكنها الجمره التچــوينـــــــــه == يغدرنه العايــََشــْْنــَه إسنينه
نقسم بالهادي إو بحسينـــــه == نمحي إيزيد إو أرذل زمره
ــــ
نمحي إيزيد إو كل أزلامه == وإتزول الغيمه إو أيـــّامه
وإيرد منحــــــــــــور إبآلامه == ينزاح إو يرحل كل شـــرّّه
ـــ
ينزاح إو يرحل كل ظالـم == يوم اليظهر نور القايم
وإحنه إوياه إنحيــّّي إنسالم == أرواح الظلـــّت منتظـــــــره
ــــ
أرواح التــُُنطر أنـــــــــواره == تفرح وإتعيش إبأسواره
كلها إوياه إو تاخذ ثـــــــاره == ثار إحسين الگطعوا نحره
ــــــ
ثار إحسين إو ثار أبناءه == لازم ناخذ من أعــــداءه
ما أحلى إو ما أعظــــــــم لاءه == ما بايع من نادى إو أســْرَه
ــــــــــــــــــــــــــــــــ
مع تحيات شاعر أهل البيت / جابر النجفي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
يا هلال امحرم الصبر اشيـجـيـبه ؟
شما تجيني وياك جايب لي مصيبه
*
كـل مـحـرم بـــي أعـايـــن آل أمـيه
مــن جـديـد تـعـيـد يـوم الـغـاضـرية
وآنـه بـالـحـادي عـشر أمشي سبيه
وأترك جسوم أخوتي بالطف سليبه
*
حسـين جـم مـرّه انذبح لليوم تدري
وآنـه جـم مره انسلب يهلال خدري
حركَوا اخيامي أمس واليوم قبري
يــنـهـدم يــردوه بـديـاري الـغـريبة
*
آل أمـيـه مـــرقـدي تـريـده ايـتـهـدم
ومـن جـديــد تـعـيـد نـيـران المـخـيم
جــم بــقــيع يـصــير يـهـلال المحرم
يـمـتـه الـمـخـيـم بــعـد يـخـمـد لهيبه
*
ترمي فوكَاي الـرصـاص وما أظنك
ترحم بحـالي وتـظـل تـرمـيـني جنّك
الله يـسـتـر يـا هـلال الــضـيـم مــنك
قلبي حـتى بـقـبري وسهامك تصيبه
**
يــا وسـف يـهـلال هـيـج يـصـير بيه
قـبل ورّم مـتـني ضـرب سـيـاط أميه
الـرصـاص الـيـوم يـتـهـدّف عــلــيه
يـنـهـدم قـبـري عـلـيْهْ والله عـجـيـبه
*
يـا هـلال بـمـرقــدي شـيـصــيـر أكثر
مثـل قـبـر العـسـكـري خاف ايـْـتفجر
يمته عـباس الـعـصـر يـهـلال يظهر
يمحي كل سفياني من يخلص مغيبه
*
عمر فاروق البدراوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
رافگنـه عاشور === أيام وإسنيـــن
هيهات هيهـات === ننساه الحسين
ــ
كل يوم عاشور == وإبكربله النـــــوح
منها يشع نور == يضويهــــا للروح
وإليگصد إيزور == تنسـاه الجروح
كل عاشگ إيفوز === من تدمـــع العين
وإبكل سنه إتعود == أيــــــــــام الأحزان
كل خادم إيجود == بالخدمه فرحــــان
وإيضحي وإبزود == والخدمه عنــوان
وإبيوم عاشــــــــور === سيل الأسى إيحين
ــ
عبرات الچفوف == ننساهــا هيهات
نذكرها وإنشـــوف == من عدها آيات
وإبكربله إنطوف == وإنبثها حسرات
نتعنـــّه وإنزور === للنور ماشيـــن
ملهوفـــــــه الأرواح == وإتنادي عباس
كل همها ينـــزاح == يم صاحب الباس
وإبحضرتــــــه راح == ترتاح الأنفاس
وإبيوم عاشور === إحيــــاء للدين
ــ
عبد الله مذبوح == ذبحوه الأشرار
وإنشوفه مجروح == وإحسيــن محتار
وآلام بالــــــــــروح == ترسمها الأقدار
وإتصـــــّوب الآه === كل الموالين
عبد الله منحور == يازينــــب إخذيه
وإحسين مجبور == وإنشوفـــه يخفيه
وإلربه منــــذور == نيرانــــــه تچويه
وإبيوم عاشور === تبچــي الملاييــن
ــ
والأكبر إيغيب == كوكب بالأسحار
وإجروحه متطيب == بيهــا تشب نار
للوالهه إتصيب == نيـــــران الأكدار
صوبوها الأنذال === ذولــــه الملاعين
وإبسيل الدموع == مهمومـــه ترويه
تطفيها الشموع == وإتحنــــــّي إيديه
والصوت مسموع == أمــــــــــــه التناديه
وإبيوم عاشور === تزهي العناويـــن
ــــ
والقاسم إيصيح == إسمحلـــــي للحوم
سيل الدمه إيزيح == عن گلبــــي الهموم
متهزني الريح == ياعمـــي موسوم
من الحسن دوم === عنــدي المضامين
عريس زفــوه == بأصوات السيوف
وإبدمه حنوه == للمــوت ملهوف
وإحسين فجعوه == وإبصبــره معروف
وإبيوم عاشور === يفدوه ناويــــــــن
ــ
وإبزينــــب آلام == هدتها الجبال
بيها الخطر حام == ما ظلــــــــــت آمال
والعين متنام == مشدوهــــة البال
بالغربه والضيــم === طــــوّگهـا صوبين
صبرت على الآه == ما همهــا الصواب
وإتنادي جـــداه == عني الأخو غاب
ياجدي ويلاه == أحبابـي غيـــــّاب
وإبيوم عاشور === مـا أنصف البين
ــــــــــــــــــــــــــــ
مع تحيات شاعر اهل البيت / جابر النجفي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#مقدمة
هاي الليلة هاي الليلة --- أول ليلة من عاشور
"""""""""""""
هاي الليـــــــــلة هل الهـــــــلال
عاشـــــــــــور ومحزن كل حال
المدمع يجـــــــــري وهمـــــال
وأعـــلام الســـــــود نعليــــــله
"""""""""""""
يهـلال بحـــزنك من تظهـــــر
دمعـاتي تفيض وتتفجـــــــــــر
يوجــــــــــع جرحك يابو الأكبر
ويدمك كل دمـــــع نســــــيله
"""""""""""""
يهـــــلال مصيبتهم صعـــــبة
بالطف عاش حســــين الغربه
حســـين الحق أواضح دربه
نسحك عالخوف ونـمشيله
"""""""""""""
شاعر أهل البيت
الشيخ عبد الحسين المنصوري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ياهلال الحزن يل بأعلى السمه ... شفتك وهليت دمعاتي دمه
***
يا هلال وتدري حــالي من تهل
راحت أخــواني ليشـيلون الحمل
ضلت عيوني بمدامعــــــــها تـهل
ريتها عيوني بعدهـــــــــــم بالعمه
***
ريت عميه ولا أصــــدهم عالترب
يا هلال وما أشــوفن كل درب
رحت مسبيه ويحرسون الغرب
من بعد خواني وســــــور الحمه
***
ياهـلال وروحي تدري مرمــره
بعد أخوي حسين وبحاله الجـره
رحت للميدان أدور خنصــــره
مرمري عالتربان ضنوة فاطمـــة
***
من تـهل يـهلال مايبقــــى دمـــــع
أحـــــرك ســنيني وذوبن كالشــــمع
من مصاب أخواني مكسورالضلع
صفت دنيانه بعــــــــدهم مظلمة
***
ياهـــــــــلال وزين تعـرف حــــالي
بـهذا شهرك ضيعت أمـــــــــــــالي
صـور أخـــــــــوتي ما تفارق بالي
روحـــــــــــي من أفراكَـــهم متألمه
***
أذكرت يهلال روحــــــــــي بكربله
وهيجت حزني بفكَـد عقــــد الوله
ناحت وصبت دمعــــــــها العائلة
يوم سلبتها الجيوش المجـرمـــــــــة
***
شاعر أهل البيت
الشيخ عبد الحسين المنصوري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
يامحرم ياشـهر احـزاني يامحرم مانسـيتـك انـي
يامحرم الك والله امتاني
-------------------
انه من زغري حسيني هذا شاني وافخر
امـي مـن جابتـني چـانت لازمه بالمنبر
بالـطلگ صـاحت حسـين وياعـلي ياحيدر
ابچيت من انه اسمـعتها وبعد لا ما اگدر
يامحرم تعرف البچاني* * يامحرم مانسـيتـك انـي
يامحرم الك والله امتاني
-------------------
الهالشهر مو هسه عشگي گبل ما انه انفطم
چنـت ماتـغفه عـيوني انـه الــه اسمـع لطم
اهــلي مـيرضـوني ابـدن والله لمـن انهـظم
وبس يحلفوني بحبـيبي ارضـه اورجع ابتسم
يامحرم ساكن بوجداني يامحرم مانسـيتـك انـي
يامحرم الك والله امتاني
-------------------
الـسنه يـوم بيوم احـسب انه گـضيت العـمر
والشـهر عاشور عـمري كـله خلـصته انتظـر
تبــتدي احـزاني لمـَن تنتهـي ايـامه وتــمر
العاشر ايعيش ابكياني وكون كل لحظه انطبر
يامحرم كلمك شرياني يامحرم مانسـيتـك انـي
يامحرم الك والله امتاني
-------------------
عن الاعوام الي فاتت عنـدي صوره باقيه
للطـَم مشـتاگ انـي وللـطـبخ والــتعزيه
موكب الزنـجيل احـبه وذكـرياته الـماضيه
والمـشي بالاربعين اويه الجموع الماشيه
يامحـرم كربله عـنواني يامحرم مانسـيتـك انـي
يامحرم الك والله امتاني
-------------------
الخدمه بس بيك اعرفتها وصار اسمي الخادم
وبـخدمتي لبـو اليمه حـسدني حـتى العالم
اتنـدمت سـئلونــي مـره ? گلـت لامـانادم
الـگالي نـدمـان انــته هـذا قطـعا واهــم
يامحرم خادم ومـتفاني**يامحرم مانسـيتـك انـي
يامحرم الك والله امتاني
-------------------
بخدمتي حسدوني اهلي وصحبتي وكل ناسي
خدمـة حسـين ابو اليمـه تـاج شـلته بــراسي
اتعلـمت هالخدمه انـي امـن الـگمر عــباسي
خــادم حسيـن ابـقه اني الـحد گـطع انفاسي
يامـحرم لاتهـاجر ثاني يامحرم مانسـيتـك انـي
يامحرم الك والله امتاني
-------------------
بيك ابو اليمه اذكـره من بـقه عالغبره
والخيول الاعوجيه هـشمت لــه صدره
وعالهزل راحن سبايه كل بنـات الزهره
انه ما انسه الطفوف بگلبي خلت حسره
يامحرم لو نسيت انساني يامحرم مانسـيتـك انـي
يامحرم الك والله امتاني
-------------------
تمت والحمد لله
خادم الحسين حيدر تركي الكربلائي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
وسفْـه ناديت مُظْـلم البيت
وسْفـه يَهْـلال الحـزِن تدري بيّه اشْـگـد أوِن
مُظْـلم البيت
= = = =
وسفه يَهْلال المصـايب تدري بيّه
آنا زينب بِتْ عـليْ حامي الحميّه
اشقد شفت منّك مآسي اشقد أذيّه
من وقع سبْط الرسول اعْلى الوطيّه
والـگـلب صاح
عالأرِض طاح
چـتْلـوا الأخْ والإبِـن
تدري بيّه اشْـگـد أوِن
مُظْـلم البيت
= = = =
كلْ اخُوتي اتْذَبّحـوا بالغاضـريّه
عالأرض وابْلا غِسـل ظلّـوا رِميّه
داست اجْساد النّشامه اخْيول اميّه
وانا اطَلْعُـوني ابْثِـگـل همّي سبيّه
أفقـد ارْجال
تحْصـد آجال
وابفـگـد أهلي اشْتِظن
تدري بيّه اشْـگـد أوِن
مُظْـلم البيت
= = = =
من تهلْ كل عام ينْزف جرْحي بالدّم
وحيلي مِنْ ثقْل المصـايب لَنْ تِهدّم
بالعكِسْ بيتي ابْشُعاعك وسفْه أظْلم
لِسّه أنْظُـر نـارْ تلْهب بالمُخـيّم
ابـگـلبي نارين
خِدْري واحْسين
والأَبُـو فاضـل أَحِن
تدري بيّه اشْـگـد أوِن
مُظْـلم البيت
= = = =
كل شواطي الدّنيا سِرْگـنْ بالنوايب
دَمْعة اعْيـوني ويظـلْ دلاّلي ذايب
الْفرگـة العبّاس أصْبح رَاسي شايب
لا سـِرَتْ بعْده الضّعاينْ والرّكايب
لاحت اكْـدار
وسفْـه بالدّار
بيـها گـلبي ممْتِحِـن
تدري بيّه اشْـگـد أوِن
مُظْـلم البيت
= = = =
شُوفتك يَهْـلال ترْكت بـيّه حسْره
ومن تُعود ابحسره تجعلْ گـلبي جمره
لَوّنَتْ بالـدّم وسَـافه كل مَجَـرّه
وانا بِفْراگ الحـبايب أجْرِي عبْره
أظْلـم الكـون
بـيّه واشْـلون
وارْخصِتْ دمْع الجِفِن
تدري بيّه اشْـگـد أوِن
مُظْـلم البيت
= = = =
تنْصُب الدّنيا لَخُويه احْسين مأْتـم
وابأثرها الناس تبْـچـي ابعبره مِن دَم
صَارِت افْـوَاج المواكبْ والْها تلْتَم
كل مُعَزّيني وتِواسـي گـلبي بالهَمْ
صـارِت النّـاس
تنْـعى عبّـاس
وتبـچـي لحْسين ابحزن
تدري بيّه اشْـگـد أوِن
مُظْـلم البيت
= = = =
لخادم الإمام الحسين (ع) : ناصر الوسمي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
إجـــه اهــلال الشـهـر .. وحـــزن گـلـبـي ظـــهر
ياللّـه يَـچـفـوفي استعدن للـ لطم زيـن
تـره مِـنّ العـام باقــي ابـرگـْـبـتي دَيـن
-----------------------
واللـه خجلان .. شحچي ويّه احسين عـن حـبّي الدرسته
واللـه خجلان .. مِـسـتـحي وثــوب الخجــل آنـه لـبـسـته
واللـه خجلان .. العــام مـــنّ اللّـطـم صـدري مــا تـرسـته
واللـه خجلان .. السنه كُـون اشعـر امكـسّـر لـــو لـمسـته
اكِـسْـره ابـمـنـبـره .. فِـــداء الـمـنـحــره
شنو قيمه هالصدر واچفوفي الاثـنـيـن
تـره مِـنّ العـام بـاقـي ابـرگـْـبـتي دَيـن
-----------------------
حالف اليوم .. انـچـان فـشّـلْـتَــنّـي ويّه احسين ثـاني
حالف اليوم .. تـره مـنچَـن يـا اچـفـوفـي اتــبـرّه آني
حالف اليوم .. ابــ قـُــل هُــوَ ويـاسين وبسبع المثاني
حالف اليوم .. والـله اگـطّـعْـچَـن جـنوني لـو اجـاني
ألِـطـمـن مـن صـدگ .. لَـحَـد مــا يـنـفــتـگ
صدري فدوه ايروح كُون الصدر الحسين
تــره مِـنّ الـعـام بـاقــي ابــرگـْـبـتي دَيــن
-----------------------
هذا معـروف .. بلا بحـر ما تــگدر اتعـيش النّوارس
هذا معـروف .. وآنـه مـا أگـدر أعـيــش بلا مجـالس
هذا معـروف .. ياللـه يَچـفـوفي بِـده يـوم التنافـس
هذا معـروف .. كُـون اريدَنْچَن مثـل چفـّيـن عـابـس
بعـد مـاكـو عـذر .. الصدر ما ينكـسر
مــو كـسـر لا لا أريـــدن بـيّه كـسـريـن
تـره مِـنّ العـام بـاقـي ابـرگـْـبـتي دَيـن
-----------------------
إجه عاشور .. وعـله تقصيري حرِت ياهو اشتكيله
إجه عاشور .. وآنــه غـيـر حسين ما عـندي وسيله
إجه عاشور .. رايـد الـطـُم لَـطـُم لا مـاكـو مَـثـيـلـه
إجه عاشور .. كُـون حـتّه الجـلِد من صدري أشيله
أنه مسـودن لطم .. واحس ما مِنفطم
لَـبَـو الـيـمّـه جاي احـسّ بـصدري طَـفـيـن
تـــره مِـــنّ العـام بــاقـي ابـرگـْـبـتي دَيــن
-----------------------
يعـني معـقـول .. عـشـرتـيّـام امـن ادگ بثـنـين ايـديّه
يعـني معـقـول .. عـاهـه مـنّـــا للـطــبگ متـصيـر بـيّه
يعـني معـقـول .. حسين ساعه وحده برض الغاضريّه
يعـني معـقـول .. شـوِّهَــت صدره حـوافـر خـيـل اميّه
طعِـن صـدره انـتـرس .. وسَحَگ فوگه الفَـرَس
اشلون ما ألطـمله واجري دمعة العين
تـره مِـنّ العـام باقـي ابــرگـْـبـتي دَيـن
-----------------------
اعـليّه مفروض .. آنـــه لِــهْــلال الـشـهـــر أبـقــه أراقــب
اعـليّه مفروض .. يومي ويّه احسين ماحس بي متاعـب
اعـليّه مفروض .. امـن الصـبح لليـل اخَـلْـصه بالمواكـب
اعـليّه مفروض .. عَـلَه غـيري مُـستحب واعـلـيّه واجـب
الحُسـيـن ابمـجـلـسه .. الحــنـان اتــنـفـَّـســه
اشگد أحب عـطـر المجالس والمُعَـزّين
تـره مِـنّ العــام باقـي ابـرگـْـبـتي دَيــن
-----------------------
تمّت والحمد لله في 22/8/2016م
حيدر تركي الكربلائي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
هل الهلال ودمعتــي بخـــدي ..... عاشور أجانه وما أجه المهدي
طـــــول غيابه ..... تنظــــر أحبـــابه
عاشور أجانه وما أجه المهدي
*******
هلال المأســـــي والحزن بالســمه نوره
وأنتاني بشــــوك وألــم ساعة ظهــوره
نتذكر مصيبة العاشـــر وياحضــــــوره
كلبي يعيش الفاجــعة الكبرى بشـــــعوره
مشتعله ناري وتسعرالجمرة ..... ملهوفة روحي سنين منتظرة
تـحـضه بجـــوابه..... تنظــر أحبــــابه
عاشور أجانه وما أجه المهدي
*******
دمعاتـي من تنزل جمر وتنادي بأسمــــه
تعتبر جيته لهل البشـر والناس رحمــــة
القائم أمامي وقدوتي وظهــــوره نعمــة
يايوم نحظه بطلته المهـــــدي ونكلمــه
تشكي بعيوني لجيته الدمعــة ..... وذاك اللواء الشـــــامخ يرفعه
الحـــق كتـــــابه ..... تنظــــر أحبــــابه
عاشور أجانه وما أجه المهدي
*******
بهاي الليــالي والحــزن بين هــــــلاله
والعين صبت دمعتي بحسـرة وصـــــــاله
الليلة أبو اليمه كَرب هـــــوه وعيــــاله
وبالطف يشــــيد منهـج الدين و كـمالـــه
مو للمناصب والحكـم طــالع ..... حسين الصراط ومنهجه يدافع
الدين وصـــــوابه.....تنظــــر أحبــــابه
عاشور أجانه وما أجه المهدي
*******
ملينـه من جــور الزمن ندعــي ونتـــاني
وبــاب يومــك يالفرج تحصــل الآمــاني
فـــدوة الك كل العمر وأهـــلي وكيـــاني
طبــكت علينه المجرمة وغــدرة زمــــاني
بيـــه الأمانــي معلقــة بلهفــــه ..... تنـتـظر توقيــــع الذي بجفـــه
ونسمع خطــــابه ..... تنظــــر أحبــــابه
عاشور أجانه وما أجه المهدي
*******
يا سـاعة ويحل موعد الطلعـــة البيـهــة
وينــادي أبثـار الضـلع لأمـــه الزجيــة
بالـمحسن وهامة علي حامــــــي الحميه
بـجـبد الحسن لو دم شهـــــيد الغاضريه
ياثار يدعي المهدي ويطــلبه ..... ثار الرضيـــــع اليوجــــع بكلبه
دمه خضــــــابه ..... تنظــــر أحبــــابه
عاشور أجانه وما أجه المهدي
*******
كل المصــايب والـمحن يســـهل أمرها
بس هـــل الرزيــة بكربله يسعر جمرها
من كَد ألمها فاطمة هــون كســـــرها
وظلت تلم ويا زينب أيتــــــام وصبرها
حضرت الزهرة لعمتك الليلة ..... مذبوح أبنـها ويا هو أيشيله
شــــاهد مصــــابه ..... تنظــــر أحبــــابه
عاشور أجانه وما أجه المهدي
*******
شاعر أهل البيت
الشيخ عبد الحسين المنصوري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ما اصعب هلال محرم على الحوراء زينب عليها السلام
لا تهل لاتهل يهلال الاحزان
لا تهل لا تهل يهلال الاحزان
من تهل أفكد كمر
وترجع بعيني الصور
يهلال الاحزان
__________
ودعت بيك الغوالي وعذبوني
راحوا ابدرب المنايه وما اجوني
من يمر اسمك دمه تنزف عيوني
انه بت حيدر سبوني وشتموني
والوعد والوعد فوك الهزل جان
لا تهل لا تهل يهلال الاحزان
يكثر بروحي العتب
شافت عيوني العجب
يهلال الاحزان
______
خدري مامره الهوه لمن اجينه
والكوافل عن يساره وعن يمينه
من بعد أم الخدر صرت الحزينه
وحدي ارجع علهزل لأرض المدينه
والركب والركب بمصابه حيران
لاتهل لا تهل يهلال الاحزان
صوبت كلبي ابسهم
شفت بيك اعظم الم
يهلال الاحزان
______
صعبه كلش صعبه لمن دخلوني
للقصر مثل السبايا كيدوني
والاشد بكليبي لمن وكفوني
بين جتالة هلي والسلبوني
لو تصد لو تصد بكليبي نيشان
لا تهل لا تهل يهلال الاحزان
بيك دلالي انجرح
شفته مذبوح الفرح
يهلال الاحزان
__ _ _ _ _ _ _ _ _ _ _ _ _ _ _ _ _
انه كل ليله استمع نوح الخرابه
واليهد حيلي وسبب همي وعذابه
من تدور اعليه ايتام النجابه
كل طفل انظر عله عيونه مصابه
والألم و الألم مايرحم انسان
لا تهل لا تهل يهلال الاحزان
بيك ودعت الاهل
لاجواب ولا أمل
يهلال الاحزان
_ _ _ _ _ _ _ _ _ _ _ _
ياشهر كل المصايب والاذيه
ماجره عله أحد عذاب المر عليه
ريت كبلك حلت ابروحي المنيه
ولا اودع أخوتي بالغاضريه
والاجل والاجل ما خله وليان
لا تهل لا تهل يهلال الاحزان
من حضر وقت الاجل
ما أخذ روحي ورحل
يهلال الاحزان
احمد عيسى البديري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
أسمـــــع إونيـــــن الزﭼيـــّه هجري ( نزله )
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ﭼــن محرّم هـَل عليــّه === وأسمع إونين الزﭼيـّه
ــــــــــــــــــــــــــــــــــــــــــــــــ
أسمع إونين الشفيعه == تنزف إعيوني الدَمـِع
تملي آهاتي الوسيعه == وأطفي أنوار الشـَمـِع
وين حاميها الشريعـــه == يحضر إيشوف الوَضـِع
عاد عاشور الفجيعه == والحزن عـَم الجـَمـِع
وإنرُفع عالي السواد === حزنـت السبع الشداد
أذكــُر أيّــــــــام السبيـّه === وأسمع إونين الزﭼيـّه
ــــ
حسرتي تجرح فؤادي == ينــزف إهموم إو دِمــَه
وإبعظـُم حزني أنادي == ساعـــــــد الله فاطمــــــه
ألعن أشرار الأعـادي == وأدعـي يارب السـِمـَه
إقبل أعمالي إو جهادي == بالوصـي حامي الحـِمـَه
دوم أنادي ياحـُسيـــن === إشفع إبيوم الحنين
إحضر إويــاي المنيــّه === وأسمع إونين الزﭼيـّه
ــــ
بالمآتـــــــم والمواكب == أﮔﺿـي أيـّامي إبألم
ألعن الشر والنواصب == للحـــــــــــزن أرفع علم
أحظه وإبأعلى المراتب == أنحســـــــــــب من الخدم
لازم إبثاري أطالــــــــــب == من أميــّه إو كـُل صنم
آخذ إبثار الذبيــــــح === ﮔلبي ﻣﻟﭼـوم إو جريح
أنتفـــــــض بالغاضريــّه === وأسمع إونين الزﭼيـّه
ــــ
أنصـُب إبلهفه المآتم == وَيْ إمامــــــــــي المـُنتظر
وأﺑﮔـه للخدّام خادم == خدمتــــي إتنال الظفر
نور أبو صالح أسالم == يحلـــــــــه للمهدي النظر
وأدخل الجنــّات غانم == بالحشـــــــر أنسه الكدر
تشفع الزهره إو أفوز === والرِضــَه البــاري أحوز
ما أخــــاف الناصبيـّه === وأسمع إونين الزﭼيـّه
ــــ
آني من أكتب قصيده == أنزف إدموع إو أهــِل
بس رضا الباري أريده == بالأعالـــي أشعـُر أحـِل
مأتم إبروحي أعيـــده == عن طريقي ما أزل
كل زمن ألعن يزيده == للنواصــــــــــب ما أذِل
دمعتـــــــــي ويــّه الحروف === واﻟﮔلب ﻳﺑﭼـي إو يشوف
والألـــــــــــم فيــّاض بيــّه === وأسمع إونين الزﭼيـّه
ــــــــــــــــــــــــــــــــــــــــــــ
مع تحيات شاعر أهل البيت / جابر النجفي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#مقدمة
بيك المصايب يا شهر عاشور ... بيك المصايب
شفت العجايب يا شهر عاشور ... شفت العجايب
(١)
شفت العجايب يا شهر بيك وشفت شده وحزن
من مطلع اهلالك بدت بينه المصايب تقترن
يهلال لا تطلع بعد عاشورك ابگلبي يون
اتذّكر اخوه ابشوفتك روحي وتظل ليهم تحن
طحت ابنوايب يا شهر عاشور ... طحت ابنوايب
(٢)
أنشد اهلالك لو ردت وشوف النوايب يا شهر
يا نايبه المرت عَلَيْ مرت علي شده وقهر
وأنشد هلالك عل ضعن وعن بدر طايح عل نهر
وبحسين أنشد لو ردت السالت ادماه أمن النحر
فوك الترايب يا شهر عاشور ... فوك الترايب
(٣)
بشوفت اهلالك يا شهر اذكر مصيبة جسام
بالحرب صارت زفته وزفته سيوف الظلام
وأمه التحاچيه ابدمع ردتك ذخر للأيام
يبن الحسن لاچن وسف راحت هذيج الأحلام
ويه الحرايب يا شهر عاشور ... ويه الحرايب
(٤)
انشد اهلالك عن طفل يا شهر وبنحره انصاب
من صوب عليه حرمله وصابه بوريده النشاب
سالت ادماه ابلا ذنب بجفوف ابن داحي الباب
عبد الله ياشهر انذبح عطشان وتروه اخضاب
ودلالي ذايب يا شهر عاشور .... دلالي ذايب
(٥)
والأشد چان على الگلب ابدرب اليسر اخذونه
للشام بيت ال النبي وبسياطهم مشونه
وابن امي راسه اعلى الرمح ياشهر بي فجعونه
بلا والي نمشي ولا سند بانجادهم كادونه
والكفل غايب ياشهر عاشور...... والكفل غايب
بقلم
طارق السماوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#موشح
شنهي حال حسين يهلال الشهر ... أرد أنشدك عل ظعن عندك خبر
(١)
أرد أنشدك عل ظعن والعايله ...... شنهي كلّي شلون أهل المرجله
فارگوني وراحو ألطف كربله ...... وأمست عيوني يواسيه السهر
(٢)
امست عيوني ترابي اعلى الدرب .... ودعوني وراحوا احباب الگلب
خوفي يهلال الشهر من الحرب ..... والضعينه اتصير بهوال وخطر
(٣)
بهل ظعن يهلال وصيت الكفيل ..... گتله يمه ارجاك والمدمع يسيل
زينب اختك هاي بت راعي الدخيل ... ماتشوف الظيم لا شر وقهر
(٤)
ما تشوف الظيم بت حيدر علي ..... يمه يا عباس يا خيرة هلي
منتَ زود ارباي وانتَ ابن الولي ..... هاي توصاتي لعد ابني الگمر
(٥)
هاي توصاتي لحامي الگنطره..... وما درينه اشصار يهلال وجره
دگ صدر لَيَّ وقسملي ابمنحره .... يمه أفدي حسين وأختي بهل نحر
(٦)
ءآ يضعن حسين ما خلالي بال ..... بي حرم واطفال عاشت بالدلال
رف دليلي أعليهم وحن يالهلال ..... لا يطيحون أبئدين أهل الغدر
(٧)
چم وديعه مودعه بهذا الظعن ...... زينب وليلى وبعد مرة الحسن
اسأل الله ما يمرون ابمحن ...... ولا يمرون ابنوايب هل دهر
(٨)
اسأل الله يعود ظعن ابن البتول ..... ولا يِهَوْدِ هناك بغيابَ ويطول
أرد أزف عريس من نسل الرسول ..... وافرح بجاسم ابن خير البشر
(٩)
والله أنا اشتاگيت للطفل الرضيع ..... ءآ يطفل حسين يا زهر الربيع
خوفي يمه هناك لا توگع صريع ..... لا رحم عند ال اميه ولا فخر
(١٠)
لا فخر عند ال اميه ولا شرف ..... لا يمهم دين لا يمَّ ابطرف
ذوله ظلم وجور بيهم انعرف ...... ابلا خلق تاريخهم هذا اشتهر
(١١)
لا خلق لا دين لا حلم وزهد ....... ذوله يهلال الشهر امهم هِنِد
كتلت الحمزه وكلت منَ الچبد ...... وچم چبد للطف يسير بهل قدر
طارق ابو محمد السماوي
كعدة
يمكن قراءة هذه القصيده بنفس طور قصيدة ( مفروض عالناس حبّك ياعلي ) التي قرأها المرحوم حمزه الزغير
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
أنساك هيهات يبن الطاهره
يحسين خادم أظل للدوم
وأهتـــف يمظلــــوم
ــــــــــــــــــــــــــــــــــــــــــــــ
عاﺸﮓ آني إو كـُل هيامي == بيـــــــــك ياروح الزﭼيـّه
حسرتي تحمل سلامي == مـن أطـُب للغاضريـّه
أذكـُر المذبح يظامي == وأذكـــــُر آلام السـِبـِيـّه
يحسين إقبل خدمتـــي === ﺗﺴﮔيـها من دم دمعتي
وأترجـّه تحضر دفنتي === من توافينــــي المنيــّه
أنخاك مولاي لو ضمني إﻟﮔبــر
والنور يملي إﻟﮔبـر موسوم
وأهتـــف يمظلــــوم
ـــ
خادمك بالعزّه يـِحـْظـَه == ما يذل يـِرْقـَه المعالي
روحه بالميزان تـِرْضـَه == ينوزن حـُبـّك يوالــــــــي
أدّه وإبدنيـــــــاه فـَرْضـَه == من خدمكم صار عالي
من الخدم آني صـِرِت === ثابــــــــت أبد مـَتـْغـَيـّرت
تشفع إلي ما أيـّسـِت === تاخــــــــــذ إبأيدي يغالي
وأﻟﮔـاك ويـّاي وإبيوم الحشر
جنــّات أدخل وعد معلوم
وأهتـــف يمظلــــوم
ــــ
آني خادم بالمجالس == طول أيـّامي إو حياتي
حتـّى من جسمي يلامس == تــُربتــــــــــــي وإيحل مماتي
ﮔلبي ﻳﺑﮔـه إبزود حارس == بالعـــــــــــــــــزه هاي إمنياتي
ما أترك المأتم أبد === إوفــي لبو الثار العهد
أتنطــّر إيحل الوعــــد === آني أشوف المهدي آتي
موعود بالفوز شيعي إو جعفري
وأنـْطــُر ظهور الفرج مهموم
وأهتـــف يمظلــــوم
ـــــ
تحضر الزهره إبعزائي == وَيْ دمعها إيسيل دمعي
تسمع إو تعرف ندائـــــــي == خادم آني إو هذا وضعي
آني لحسيني فدائـــــــي == سـِمـْعي يادنياي سـِمـْعي
روحي تذوب إبخدمته === ياريـــت أسكن حضرته
همــــــــــــّي يزول إبجنــّتــَه === من أصلــّي إبشوﮒ وأدعي
وأتمنــّه والله يسمع طلبتي
يهديني إحيي الأمــُر كـُل يوم
وأهتـــف يمظلــــوم
ــــ
أخدم الزوّار آني == وأﻋﺸﮓ الخدمه الجليله
وأﺑﮔـه خادم كـُل زماني == خدمتــــــــــي لله وسيلــــــــــــه
يرتفع بالخدمه شاني == والأجـُر ماكــــــــو مثيله
يحسين حلوه خدمتك === تزهــــي إبمجدها ثورتك
أرفع وَعـَلــّي رايتك === ناكـــــــرك يحسين ويله
ﻣﻟﭼـوم يحسين ما أنسـَه النحر
ما أنسـَه زينب بعدك إتحوم
وأهتـــف يمظلــــوم
ـــــــــــــــــــــــ
المصيبــــــــــــــــه
ـــــــــــــــــــــــــــــــــــ
صوتك المجروح يهتف هـَل ؟ لدين الله ناصر
وإسمعت آني النداء إو للحشد لبـّيت ثاير
آني إبن المرجعيـّه وإرسم إبزودي المفاخر
يخسه النواصب سيـّّدي == أهـْوَه المجد من مولدي == سيفي ينال المعتدي == وإبنورك أمشي وأهتدي == ويــّه إمامي موعدي
أنصـُر المهدي أبو الهدّات والأحزان أنساها
ــــــــــــــــــــــــــــــــــــــــــــــ
مع تحيات شاعر أهل البيت / جابر النجفي
هل محرم والدمع يتلاله يذبح بنحر الغريب أهلاله
* * *
هل محرم والدمــــــع مــن دم جـــــره
چني شفــــــت حسين طايـــح عالثـره
شفت شمــــر أتعنـــه يگطـــع منحـره
وچن علــي السجــــاد لـم أوصالـــــه
*
هل محـرم وأنظــــر هلالــه أنــرسم
زينب الحــــوراء محتــــاره بحـــرم
من أشوف أهلالـــــه أنظـــر للخيــم
أبنـــار ملتهبــه وركـــــض خيالــــه
*
هل محرم وأنظـر بزينب تطـــوف
أبلا كفيل أنوب مچتوفـه الچفـوف
چنهه نادت وين أبو فاضل يشوف
شمر يضرب بالسيـــاط أعيالـــــه
*
هل محرم وأنظر الأكــــــبر وگــــع
وجاسم العريس طفولـــه الشمــــع
وشفت چن ليلى تهل مجرى الدمع
ورمله عالقـــاسم دمـــــــع يتلالــه
*
هــــل محرم شفـــت بهلالـه النبل
صاب نحر حسين لكـن بالطفـــــل
بيا ذنب عبــدالله راواه الأجـــــــل
حسين فطمــو بالسهـام أطفالــــه
*
هــل محــــرم شفت بهلاله الگمــر
بالعمد مصيــوب طايـــــح عالنهــر
وچن أشوف حسين مكسور الظهر
راح يـــــم عبــــاس وتعنالــــــه
*
يا هلال أنظـــــرلك أگليـبي يــــون
چني أشوف أعيون يبچنلك حزن
طفله معلوله ومشه عنه الضعـن
تبچي وبحــور الدمــــع همــــاله
*
الشاعر
موسى البديري
أول إبعاشــــور هاليـــــــوم === ندخل إويـَه إحسين للحوم
ما نسينه === ما نسينه
ــــــــــــــــــــــــــــــــــــــــــــــــــ ـــــــــ
عاد عاشور إو إجانه إو ما نسينه
والتعازي الزهرة الهادي نبينه
وإحنه لحسين الأبي نرفع إدينه
نحيي أول يوم بالدمعه الحزينه
نزفت إجـــروح المواليــــن === من جـُرح عباس وإحسين
وإحنه جينه إبشوﮒ وإهموم === ندخـــــــل إويـَه إحسين للحوم
مانسينه === ما نسينه
ـــ
ما نسينه زينب الحـرّه الأبيــّه
من إجـَت ويــّه الكفيل الهاشميــّه
نزلت إبأرض الطفوف إو هاي هيـــّه
باﭼــر إتهل الرزايه إعلى الوفيـــّه
تدري زينب تنملي إجروح === واﻠﮔلـــــــب ينعــــاب وإينوح
كل موالي إوياها ﻣﻠﭼـــوم === ندخل إويـَه إحسين للحوم
ما نسينه === ما نسينه
ـــ
عادت أيـّام الحزن والآه ويلي
باﭼـر إتنادي العقيله ياكفيلي
إرجع إبليــّاك إنهد خويه حيلي
وإبتدت رحله طويله إبهذا ليلي
عــــــــــــــــــادت الآلام والآه === والحـُسين إشلون ننساه
فاز أبو السجـّاد مظلــوم === ندخل إويـَه إحسين للحوم
ما نسينه === ما نسينه
ــــ
عادت أيـّام المآتم والمواكب
وينك إحضر طالت الغيبه يصاحب
إحنه واجهنه إبعزم زيف النواصب
داعشيـّه اليوم إجونه إبجور لاهب
ما نسينه زود عباس === بالمواقــف نرفع الراس
والدرب للفوز مرســـــوم === ندخل إويـَه إحسين للحوم
ما نسينه === ما نسينه
ــــ
زينب إبهل يوم ما بين الهواشم
كلهم إيهتفون عد عيناﭺ فاطم
ما تشوف الطيبه زينب جور ظالم
نحمي عزها إو ما نذب هاي الصوارم
وإحنه جينه نذكر الصار === نوﮔف إبعز وﮔفة أحرار
ما نهاب الشر نظــــل دوم === ندخل إويـَه إحسين للحوم
ما نسينه === ما نسينه
ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
اول قصيدة
.......
هل الدمع هل الحزن هل الالم هل هلال
باجر صبح وويا مشي وويا دمه وبي اهوال
باجر سبي
وحرگ العبي
باجر محرم
هل الدمع هل الحزن هل الالم هل اهلال
.....
باجر نروح اعله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانظر بعين الغيبه
من تحترگ بينه الخيم نفزع نلم بلاطفال
وننظر اقمار اعله الثره وعيون مدمعهن سال
يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان
جن حومرت منها السمه دم تنزف بعيني تشوف
لكل هالمناظر استعد كل ما يهل ليه تعوف
دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النظر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها
وحدي صرت بين الخيم للنار اطفي ويانار
نار العبي لو بالخيم لو نار البكلبي احتار
الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانظر جسد فوگ السهم فوگ الطعن بي رمحين
وانظر المحبس ينسلب والخيل داست بحسين
وانظر على الشاطي عمد بالهامه يم الجفين
ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد
هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني
هذا الخبر وي هلتك راح استعد للهزل
يهلال اروح بلا اهل لدروب ما بيها اندل
وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانظر عيون اطفالك
انظر رقيه اعله النحر خلت جرح تدنالك
جنها تگلك والدي ابرالي من ابرالك
انظر الاذني والدمه اشبه يبويه بحالك
نفس الدمه بس يختلف دم منحرك واذاني
انت بمنيتك وسدك بس اني بويه اذاني
يم سالبي
وحرك العبي
باجر محرم
هل الدمع هل الحزن هل الالم هل اهلال
...
حيدر عيسى البديري
▪️
عجل ياشهر عاشور كبل الموت مر بينه
للآهات مشتاكين واشتاكت بواجينه
...........................................
سنه خاطر تمر يراد والله هواي يمحرم
مجروحين حزنانين عطشانين نتألم
تانيناك مثل اخرس سنه وكالوله تتكلم
مانحسب بعد لحظات
نحسبلك دمع وآهات
ذواقين بالحسرات
ونحلفلك بابوفاضل لروحيتك اشتاكينه
....................................
شيعه وغير ابو السجاد بهذا العالم شعدنه
وحته اعله الدمع والآه هاي الناس تحسدنه
غريب مضيع احبابه اعله ابوالسجاد واحدنه
نعشك جلمة الأحاه
ولحن الآه والويلاه
وابد والله ماننساه
واللبس السواد هواي عالمظلوم حنينه
...................................
المجالس ماكطعناها ولكن طعم حسراتك
عجيب ومايصح مثله ونحس سر بيها دمعاتك
شكثر نقره لجن نشعر بيها اسرار نبراتك
شكد اتمر علينه الحان
بمقامات الونين اشجان
لجن روحية الأحزان
أبد مانستلذ بيها اوونه البيك تحيينه
....................................
من نسمع لحن حمزه بالأجساد نتخيل
ونشعر جن وحي يقره عبد الزهره بالمقتل
المشايه اشكد وتطلع نظل من عاشر ونسأل
تتغير نفوس الناس
بيها يغزر العباس
حسيني من الجدم للراس
غيره يفيض واحدنه يظل لو بيك حسينه
...................................
مجروحين عوفونه وابد لحد يحاجينه
ابونه حسين يا عالم لحد يسأل شبينه
وحكه اليفكد الوالد عليه لو دمعت عينه
أبد لاتسأل المهظوم
وأيد لاتندس الملجوم
آ ياحيرة المظلوم
وآ ياحيرة الغربه عله المذبوحه سبعينه
...................................
آه شصار بحسينج دخيلج فاطمه الزهره
مدري شجم ألف صابه وشمر كاعد يحز نحره
وآ يالخيل عملتها الحوافر هشمت صدره
عاري اعله الرمل مطروح
ويلي من الكفه مذبوح
بي 70 ألف جروح
وسبو كل عيلته ويلي وسلبوهن نساوينه
......................................
علي صابر السراي
نسألكم الدعاء
▪️
القصيدة الثالثه
زينب ترى في هلال محرم كل اهول السبي قبل حدوثها ...
—————————
جن اعاين بالسمه
بيها هل سبي وضمه
ما اشوفاً هل شهر
ينعمي بعيني النضر
جن اعاين بالسمه
—————————
هلال اشوفاً .. ساعه احس بي مركبي
بعيني لاحت .. نار ذيج البلعبي
هيه والله .. اني ذيج الانسبي
واذاكه اسمعه .. شمر سب بنت النبي
وينه عباس الكفل
ما فزع ليه وحمل
شمر يمشي بلا قدر
وينعمي بعيني النضر
جن اعاين بالسمه
—————————
وحدي اروحن .. لا جذب عن كافلي
اني ابعد .. اصحي لا تتخيلي
حرمه وحدي .. عدو يجرلي بمحملي
والله لالا .. وين جا راحو هلي
شلون وانه ام الخدر
انضرب وامشي بيسر
تنطفي شمس وكمر
وينعمي بعيني النضر
جن اعاين بالسمه
—————————
عله الهزل .. صاعده ومامش ستر
عيوني تنظر .. صوبي وانه ام الخدر
والله كلفه .. انه يحديلي الشمر
بعد اخوتي .. احله شي نوم الكبر
ولا اعيش بذلتي
كلها شافت دمعتي
صبت وكلبي انكسر
وينعمي بعيني النضر
جن اعاين بالسمه
—————————
ضلمه صارت .. وانطفه كلشي وتهت
وين الانوار .. وين اخوتي جا صحت
تتركوني .. بالزجر عنكم رحت
محني ضهري .. وحت خيالي تزوركت
موت امتوني الضرب
حالي عالكافر صعب
شگد صعب هذا السفر
وينعمي بعيني النضر
جن اعاين بالسمه
—————————
جن رقيه .. دموم تجري من الاذن
والتراجي .. منها ما خوذه وتون
ومن تعاتب .. تنضرب فوگ المتن
سوط المها .. عرش ربك بي يجن
والغضب لون السماء
احمر بلون الدماء
انضر يلوح الاثر
وينعمي بعيني النضر
جن اعاين بالسمه
—————————
حيدر عيسى البديري
▪️
القصيدة الثانية
...........
اسود شبيك يالهلال .. طالع بالسمه
شنهو وياك جبتلي .. اظن جايب دمه
مو شهر لا ... جايب وياك السبي
...
لونك شبي يالهلال مثل لون الظلام
ارد احاجيك تردلي وأبديها بسلام
مكدر شبيك شفت بيك حزَن حتى الامام
بعينه ينظر احس بي يسولفلك كلام
جنه وياك يگلك .. ويمسح دمعته
ادري شيصير والعيون .. تعاين عيلته
چنه حاجا .. مو شهر لا
جايب وياك السبي
....
حيره بالروح اشوفن اخوتي وياي اجو
وامشي والناس تغمض اذا يمي مشو
من وره استار خدر دوم اجاوب لو حجو
ما يسمعون لعباس فقط وشما دنو
صوتي محروم عله الناس .. ما مر بسمع
لچن وياك يالهلال .. يمر بچم جمع
واندبك آ .. مو شهر لا
جايب وياك السبي
.....
ادري وياك يهلال اظل بلا ولي
امشي وي ناس غريبه وچتالة هلي
بين الدروب خوارج يكللولي الي
وانه ريشاته جبريل اسويهن حلي
انه بت بيت الاملاك .. تتبرك اله
انسبي شلون وحيده .. واروح بقافله
انت معنا .. مو شهر لا
جايب وياك السبي
....
كلشي ايصير يالهلال حفظته بهالكلب
ادري اخوتي والخيام صعب فوگ الصعب
وادري وياك سبيه ومجالسهم اطب
دون اخوتي وحيده ولا يبقه محب
ادخل اهناك واسولف .. انه ام الخدر
وينظر عليه اليروح .. ولعليه يمر
واحجي ويا .. مو شهر لا
جايب وياك السبي
....
جايب وياك يالهلال شهر بي بس الم
كل الاهوال عشتها وشفت اعظم ظلم
بين اخوتي وخيمنه وسبينه شگد هَظم
لاجن الاه صحتها من اسمع ننشتم
من يسبون اهلنه .. نون اه وحزن
ونبجي العيون مدامع .. تصب فوگ الجفن
كلبي بجا .. مو شهر لا
جايب وياك السبي
.......
يا عمر ليش عفتني واشوفن كربله
وانظر بعيني اخوتي گبالي مجتله
وانه وحدي غريبه واجرلي بعايله
اه الهموم عليه صبح كل هالبله
بلا اخوتي وغريبه .. ويضربني الشمر
لون ميته ولا اعيش .. شلي بهالعمر
موتي محلا
مو شهر لا
جايب وياك السبي
.....
حيدر عيسى البديري
▪️
✍️✍️
هلالك يرسم اجروحي يوضح دمعتي ونوحي
هلالك بي مصيبه اضل وحدي غريبه
----------------
انضر عله هلالك جرح تفسيره يصعب بي ألم
جايب مصيبه وفاجعه ومتنعني الأهل الشيم
يا ريت ما شفتك ابد بيك الكلب حيل ألجم
وانته عتنيت بغربتي لا خوتي تترك لا خيم
الدليلي جايب الغربه واخوتي ما تضل غربه
اشاهد جم عجيبه اضل وحدي غريبه
----------------
انته التبجيني دمه من عيني ما ينزل دمع
والله بهلالك يا شهر كلبي حزين ومنفجع
ذاخريلي اجروح شكثر من هظمتي ما تختنع
شيبت روحي ودمعتي خليت حالي بياواضع
جثث مرميه كدامي بهلالك ماتت احلامي
يضل كلبي بنحيبه اضل وحدي غريبه
----------------
يلبيك ما يغفه الجرح والكلب مليان ابتعب
بيا جلمه اعاتب جيتك وبجيتك حسين نسلب
جرحي مثل نارالخيم يضل يدوي اهات ولهب
نيران تجوي بداخلي وكلبي بدمع ينزف كتب
كتب كلبي معاناتي بدت منك جراحاتي
عيوني بدم خضيبه اضل وحدي غريبه
-----------------
مئساتي والام وحزن حركة خيم ضيعت أمل
واطفال بلهيمه ركضت هلالك تركهه بلا اهل
وترجيه تنجر من أذن ورقيه تندب يالكفل
ابهالحظه يالجايب الام لروحي تمنيته الأجل
اشوف الدمعه بسمانه عيوني الدنيه حزنانه
كفيلي من يجيبه اضل وحدي غريبه
-----------------
خليت روحي تعذبت كلشي بجه عن غربتي
مسبيه وسياط وحبل مكطعه اجساد اخوتي
اني الاميرة مكدره ما تنوصف بس حيرتي
افكد عشرة بكد علي ويتام تنزف دمعتي
هلالك ما ترك كلشي اخذ عيني واخذ رمشي
جثث خله سليبه اضل وحدي غريبه
------------------
تمت بعون اسد الله الغالب
الشاعر علي الكعبي
▪️
آنه دون حسين دنيا بلا شمس
آنه دون حسين بالغـربه احـس
خيرك مغطّيني .. وشردت تنطيني
آنه دون حسين بالغربه احس
*
انت يحسين بكياني .. انت سلطان بزماني .. انت نور عيوني
انت وسط الروح نسمه .. انت يل بعيوني رسمه .. انت بيك جنوني
خدمتك سوتني شاعر .. مرّه رادود بمنابر .. خادم يسموني
مرّه الطم بالمجالس .. مرّه اشك بثيابي عابس ..
مرّه اطك متوني
............
آنه اقبل لـو اصـيرن رايـه
آنه اقبل بالقصيده حجايه
انت يل مغنيني .. وشردت تنطيني
آنه دون حسين بالغربه احس
*
ما اريدن آني غيرك .. غرگتني بفيض خيرك ..
بيك ارفع راسي
حسين ياكعبة غرامي .. دوم الك ارفع سلامي ..
تصعد وي انفاسي
صرت ادوّر عن عزاءك .. لو ازورن كربلاءك .. يالملكت احساسي
بليلة الجمعه الزياره .. اكصد لذيج المناره ..
واعتني لعباسي
……………
يم ضريحك شفت هادت روحي
يم ضريحك تشـفه كل جروحي
گبتك تحميني .. وشردت تنطيني
آنه دون حسين بالغربه احس
*
آني لو مو انت ضايع .. خدمتك سوتلي دافع ..
بيك كل آمالي
من فقير الحـال حاير .. للغني بحب الشعائر ..
غيّرت احوالي
اصرف الدينار واشري .. يرجع باضعاف ادري..
باركت باموالي
مو طمع وياك اشهد .. اقسم بجدك محمد ..
غالي وابن الغالي
……………
للزچيه عهود احنه انطينه
للزﭼيه نگول ما ناسينه
امك توصيني .. وشردت تنطيني
آنه دون حسين بالغربه احس
*
خدمتك تاج اعله هامه .. دون هالخدمه يتامه
النه مد جفوفك
نسجد اعله الباب كلنه .. فزعتك يالبيك املنه
انت كلشي نشوفك
بليلة الجمعه اعتنيلك .. ادخل واصرخ دخيلك
نبجي واحنه نطوفك
بس ارد اشتاگ اردن .. وللخميس الجاي احنن
بعيني رسم طيوفك
...............
كل خميس نحجّه بيت الباري
احرم من البيت واترك داري
حجتك تكفيني .. وشردت تنطيني
آنه دون حسين بالغربه احس
*
انت يالفضلك عليه .. صار كل الخير بيه
صرت اني بجالك
واليريد حسين نبضه .. باحترام الناس يحظه
يلتزم بافعالك
واليريد انسان يصبح .. وبجنان الباري يفلح
خل يطبق اقوالك
زرتك هواي بحياتي .. حتّه تحضرني بمماتي
عليك امشي عيالك
...............
لو يدخلوني الگبر واشبع هضم
راح اراوي الملك طبعات اللطم
خادم يسميني .. وشردت تنطيني
آنه دون حسين بالغربه احس
*
سيد علي المدني
▪️
للامام الحسين عليه السلام
إن الحسين مُصباح الهدى وسفينة النجاة
1_
عله ساگ العرش مكتوبه العباره
او هالعباره امن النبي لينه بشاره
النبي من سبّابته تِلْمَحْ إشاره
شبگ بيده حسين ظل دمعه ايتجاره
ريحانتي قالَ المصطفى بالدموعِ الجاريات
2_
انه شيعي وافتخر هذي صفاتي
واندعي يا ربّ حقق امنياتي
احيا محيا آل محمد كل حياتي
او من اموت ابدرب ابو اليمّه مماتي
لَكَ أقول وبِكَ أَلتَقي في ساعة الممات
3_
حسين منّي النبي گال او آنه منّه
وانت بالشريان يالتجري اويه دمنه
حته علم النفس لسّه مفتهمنه
حسين بس ينذكر اسمه ايهل دمعنه
صوتُ الوفاء يبقى بالصدى هاتفاََ للممات
4_
من بحر ذنبي الك مديت إديّه
انه غرگان إبذنوبي اشلون بيه
لَوَّحِتْ بيدي الك يبن الزچيه
يا سفينة النجاة عاين عليه
أنتَ النجاة تبقى صرختي تستمعها الطغات
5_
كلمن ايضدك يبو اليمه نگلّه
يالحروف اسمك عسل بلساني تحله
سيفي اسمك وانه بلساني أسِلّه
آه يحسين او مصابه الصرخه تعله
وللعزاء تندبُ معاََ اصوات الأُبات
6_
من اموت او ابگه وحدي ابلا حميه
بالنجف دفنوني في يوم المنيه
تربه من كربله هيلوهه عليه
ابليلة الوحشه يجيني ابن الزجيه
بِ قدمي باقي أثرٌ من دربِ المُشاة
(تاليف محمد المالكي)
▪️
للامام الحسين عليه السلام
نحضر ابهالمجالس. حته نحيي امركم
ندري للجنّه يحسين. ندخل احنه ابذكركم
ندبنه وابحنين. حبيبي يا حسين
لبيكَ يا حسين
_
1_
كل شغل أتكتَّره ابهاي الليالي
گلت خلّوني ابخدمتي للغوالي
العِشَگ غيرك يدري بس حبَّك مثالي
الخدمه ذلّه او خدمتك هيّه دلالي
بس خدمتك يمولاي. هيه صارت وسامي
واليگول عنّي مجنون.ما عرف سر غرامي
النكر حُبّ الامام. جِهَل معنى الغرام
لبيك يا حسين
_
2_
كل شخص شيعي إسأله واسمع خطابه
شنو اوّل چلمه ناده اسمع جوابه
كل طفل اوّل كلامه ايصيح بابه
بس لِسِنَّه اتنادي يحسين او مصابه
گلبي نفسه گلبهم. بس بي حُبّ الاحسين
من أجل هالمحبّه. سمّونه مجانين
أبد ما نفترگ. مجانين العشگ
لبيك يا حسين
_
3_
الما قبل لحسيني تجري دمعة العين
أنه الغفله غَفَّلتهه ابذكر الاحسين
مو عُمُر واحد لون عشت آنه عمرين
اخدم احسيني حبيبي طول الاسنين
ما اريد احچي چلمات. بيهه أبيّن محبتي
الما عرف شنهو حزني. خلّي ينظر دمعتي
عنّي إشما يگول. اوافي ابن البتول
لبيك يا حسين
_
4_
غيري يتونّس اشوفه ابكل مجالات
او شفته يطرب بذنه من يسمع النغمات
آنه أطرب بذني من اسمع اللطمات
او ونستي لحسيني من أسچب الدمعات
الزهره اتنادي ابهاليوم. عالحزّو رگبته
وينه اللي يساعدني. او يسچبله دمعته
نساعد فاطمه. ابليالي إمحرّمه
لبيك يا حسين
_
5_
الما قبل منهجنه لا يحچي علينه
خل يشوف أكبر تجمُّع بربعينه
زحف نزحف للحسين إمن إعتنينه
إحنه نتعب هو شعليه إبمشينه
ننتظر لحظه لحظه. حته نوصل دياره
كل قدم حجّه عُمره. هاذي أفضل بشاره
الجنان إشتاگته. الگصد لزيارته
لبيك يا حسين
(تاليف محمد المالكي)
▪️
ميمر للخدمه الحسينيه
تاج الخدم عالي
يم حضرة الوالي
تنول المراتب من تجي
والمدمع ايلالي
////////////
خدامك احنه وعل وعد لبينه ( النداء )
يحسين حبك مو كشر لبينه ( من اللب )
شفت ابمجالسكم عشك لبينه ( البيان او التوضيح )
شايب حمل قامه
ويطبر الهامه
رايد الك بيها قرب
والمدمع ايلالي
////////////
اكبل محرم والعزه لمانه ( جمعنه )
جامعنه اسمك لا طمع لمانه ( المنه او يمن بالشيء)
وخل يحجي كلمن عل لطم لمانه ( يلوم )
هذا الفرض باقي
وسنيني مصداقي
كل عام يكبر هل جمع
والمدمع ايلالي
////////////
ماعدنه غيرك بالعمر والينه ( الوالي )
من عالم الذر والك والينه ( الموالاة والتبعيه)
نخدم حضرتك بالشدد والينه (اوقات اللين والرفاهيه )
يحسين الك جينه
من الدنيا نجينه
ارزقنه نحضر مجلسك
والمدمع ايلالي
////////////
هل خدمه بوجوه الخدم مرسومه ( من الرسم اي واضحه عله الوجوه )
ومن فاطمه كلمن اخذ مرسومه ( المرسوم او صك الشفاعه)
صافي عسلنه وواضح ال مرسومه ( اي السم المر )
اشكد رادوا وردنه
والباري ساندنه
الله يحب الي يندبك
والمدمع ايلالي
///////////
ابكل بقعه منبر للعشك علينه ( رفعنا مجلس للعزاء)
واجب عزائك ياحسين اعلينه ( على الخدم )
بهذا عشك تدري دول علينه ( عله او مرض )
اشكد دول جارت
وبهل الامر حارت
ماعدنه غير امحبتك
والمدمع ايلالي
///////////
انجدد البيعه الك ردينه ( عدنا او رجعنا )
ماعدنه غيرك سيدي ردينه ( تكرار الكلام )
هنيال من يمك اجه ورد دينه ( ارجع الدين )
كل خادم احلامه
يرد دينه ل ايامه
وتصدق الزهره العهد
والمدمع ايلالي
احمد عيسى البديري
▪️
ــــــــــــــــــــــــــــــــــــــــــــــــــــــــ
مجانين سودنتنه محبتك
مجانين ياحسين بقصتك
.............................
جننتنه حروف أسمك والخلك لامونه
رافضه اونعبد حجاره وبالكفر نعتونه
ومشركين حسين ربكم وانتم اتعبدونه
والف واربعمية مرن وانتم اتذكرونه
مساكين دوختهم شيعتك
........................
بوسط الاصلاب اوتكون عشك أسمك بينه
وبالرحم صحنه اوبجينه بغربتك حسينه
وضاكت بيوم الولاده وهالاسم نادينه
ومن كبرنه اعرفنه دربك سيدي اينجينه
والعيون عدهه منهج غربتك
.......................
باب جنة مأوى صارت عدنه عتبة بابك
وجن نشم عرش الجلاله من نشم اترابك
ونعتقد الله خلقنه حته نحيي مصابك
استبرق ثياب الخدامه يالسليبه ثيابك
سلاطين جن نحس بخدمتك
..........................
كلمه دستور التشيع بالزغر كلناهه
آه يحسين اومصابه او آيه جن شفناهه
ومثل مانحفظ أسمنه او كبله واحفظناهه
وجنه نتهجه الأسامي اوقصتك اقريناهه
بالعقول والضماير جلمتك
........................
جنه نحبي انكوم نوكع وافتهمنه احجايه
جانت امنه اتكول أبجو من نطب لقرايه
وكالت احيو لوكبرتو هالمجالس هايه
وجانت اتكللنه يمه أمشو بالمشايه
وعالجتاف جنه نحمل رايتك
..........................
مصحف العشك الحسيني موسهل ترتيله
حته أم عباس جانت تسجد اتصليله
وتوكف بفرض الجلاله اوتقنت اوتدعيله
اتكله يمه الطف رساله اوتصفن اوتبجيله
نبي الآه والمدامع آيتك
...........................
كربلائك سر مقدس بس نبي اليحجيهه
وقصتك الناسوت كله لهسه حاير بيهه
عالم اللاهوت وحده القصه بس يدريهه
واحنه ذكره انزول وحيك كالفرض نحييهه
والاملاك أزدحام بجنتك
................................................
علي صابر السراي
نسألكم الدعاء
حمل تطبيق قصائد حسينية مكتوبة من هنا تحميل
نعي للحسين
ردحذف