مجموعة قصائد رئيسية مكتوبة لمسلم بن عقيل عليه السلام
القصيدة الاولى
صير شيعي مثل مُسلم .. رافضي الحـــد النخـاع
مبدئي لا مـا يجــامـــل .. لاولا لابــــــس قنــــاع
بطل ما أعلن خـُضوعه .... ماكو ناصر غير طوعه
رافضي الحد النـُخاع
1
عبقريـة مسلـم اتعــــدَّت حِسابــــــات الخيال
للخلود أول شـرارة انقدحَـــت ابأقدس مجال
هاشمي وصيت الهواشـم بالمكــارم والجلال
كبرياء وإنتمــاء اتجسَّــد ابســــــــوح القتال
وحده ظل بالكوفة صامـد مُسلم ونِعْم الرجال
وحده ضد جيش الخيانه ينسحب ويذل محال
جبل ثابــت ما تِزحـزح .. رغــم آلآف الجمـــوع
تربيـــة حامـي الحميه .. ما عرف معنه الخنوع
عهــد بس للــه رُكوعـه .... ماكو ناصر غير طوعه
رافضي الحد النـُخاع
2
يافخـــر أول فدائـــي احسيـــــن خلاه السفيـر
هذا من بيهِ المَكـــــــارم والمَعـــــالي تستجير
منهو غير الطالبــي يا عالـــــــم ابهذي جدير
هذا تلميذ الصُميـدة الچــان للهــــــــادي وزير
وحده ضل بالكوفـه صامـد عاد صولات الأمير
عاد قصـــة ذو الفقــار وعملته ابليــــل الهرير
جندل ابنـــــــــــاء البغايا .. وطارت اچفوف ورؤوس
چنه عزرائيل نــــــــــازل .. يختطـــف منهــه النفوس
زلزل ازياد وجُموعـــه .... ماكو ناصر غير طوعه
رافضي الحد النـُخاع
3
الناس ياسامع خليط ابيــن فهمــان وجهول
وبين عابد للغريـزه يستجيــب اشمـا تِگول
وبين ساعي للمطامع بلكي من عدهه ينول
وبين خامل إتكالي ابلا ثمـن همـه الوصول
والقره التاريخ شاف الكـوفـه وشبيهه فلول
وقدرة الدينــار والدرهــم على مسخ العقول
تجسدت بالكوفه لمَّن .. خانت ابأقـدس سفير
من عگب ما بايعـوه .. انطوه للطاغــي أسير
علغريب اتصب دُموعه .... ماكو ناصر غير طوعه
رافضي الحد النـُخاع
4
كل بشر مِـن كربلــــه اتعلـَّــــم مقاييس الفداء
لچن مسلم وهـب دمــــــه قبــِــل وقعة كربلاء
يعني مسلم فتـح بـــاب التضحية وباب العطاء
أرخص الأجل العقيـدة ورفعــــــة الدين الدماء
وگع صح عالگاع لكــــــــن بلـغ غايات العلاء
نجم أصبح للبطوله ايشِـــع كـــــرامه وكبرياء
نجم لامع نور ساطع .. ما تغطيـــــــه الغيوم
نجم هادي للبــــرايه .. مو مثل باقي النجوم
دائم اشراقه وطلوعــه .... ماكو ناصر غير طوعه
رافضي الحد النـُخاع
5
بين كل هذي المشاهِــد نلتقــط مشهد حزين
مشهد ايفت الصخـور ويـِشِـب نيران الونين
مشهد الطفله حميـدة البلـدرب ويــه الحسين
من گصد ليها وحضنها وگلهـا لازم تصبرين
صرتي هسه اول يتيمه مــن يتامــى الطيبين
عظـَّم الله اجرچ ببوچ استشهد ابدرب اليقين
مسح راس الطفله بيده .. ودمعه فوگ الخـد نزل
لمسلم الضحه ابوريـده .. والجنـــــان اللـه ارتحل
تبقه ما تطفه شُمــوعه .... ماكو ناصر غير طوعه
رافضي الحد النـُخاع
زكي الياسري النجفي
القصيدة الثانية
موقف طوعه
هالمره المحسوب الها احسابها -- شگال مسلم من وگف يم بابها
وين طوعه الگاها -- نشد عندي وياها
شگال مسلم من وگف يم بابها
************
أنـــه زينب وابن عمي الي فگدتـــه
ابو طاهر بالگلب وجرت جمرتـــه
ردت أعرف ياهــو وياه بغربتــــــه
انــــــــــه ماخليت واحـــد مانشدتــه
أسال واسمع جواب الفاجعه -- زين مسلم ماحضرتي بمصرعه
للذي خاواها -- نشد عندي وياها
شگال مسلم من وگف يم بابها
****************
حسبت مـــن اوصــل انشد عالوفيـــه
بيــــه جعجـــع هالزمن للغاضريــــه
طوعـــه بالكوفـــه وبعيده عني هيــه
ياهــــو يوصلها ويگلها اتمــر عليـــه
يگلها زينب حاصروها بگربله -- جان نيتها تجي ويالعايله
عالدخل بحماها -- نشد عندي وياها
شگال مسلم من وگف يم بابها
**********************
أرد ا گــلهــا شگال أبــــن عمي بوصيته
بيمــن اتنخـــه گـــبــل ساعـــــة منيتــــــه
هـــــم ذكــر واحــد ا گلها من اهل بيتـــه
شو حميده التـــوت ياطوعـــه بمسيتـــه
أرد ا گلها شطلب من عندج طلب -- صح طلب ماي وگف يمج شرب
انتضر ملگاها -- نشد عندي وياها
شگال مسلم من وگف يم بابها
***********************
صدك ياطوعه ارد أگلها مسلم انصــاب
لـــو دخــل دارج وأجــوه ودفعوا البــاب
صــدك ضـــل الوحده مابيـــن الاجنـــاب
السيــوف الاف اجـــت ورمـــاح وحـراب
ارد أگلها احجيلي عن افعاله -- من هجم مسلم على الخياله
اشافت اشراواها -- نشد عندي وياها
شگال مسلم من وگف يم بابها
************
ارد أگلهــــا احجيلــي ياطوعـــه بامانــــه
صـدك ضـــل محتـــار مسلمنــه بزمانــه
صـــدك صعدوا مسلــم القصر الخيانــــه
ومـــن رمــوه شالوه لو ضل بمجانــه
اسد يلعب بلعساگر جوله -- ابن عمي بلغدر گدروله
نخوه ارد انخاها -- نشد عندي وياها
شگال مسلم من وگف يم بابها
**************
طوعه ارد أسئالها من غمضله عينه
منهــــو سبل يسرته وياها يمينـــــه
ياهــو حـــل الحبل بيـــه مجتفينــه
خالتدليني اعلــــه گبر الحيد وينـه
ارد ازور الگبر وقره الفاتحه -- وارد أ گله بعيد عنك رايحه
أسمع بطرواها -- نشد عندي وياها
شگال مسلم من وگف يم بابها
*************
الشاعر
كريم دانه الاعرجي
القصيدة الثالثة
بين مسلم والامام الحسين
الأمام الحسين ع يقول
مــن يــوم مـسـلـم للـسـفر .. راح
ماجــاني مـن عــنده خــبر .. راح
راح وعليـه ظـهري انـكـسر .. راح
راح اخـــو
________________________
على ابـن عـمـي وسـفـيري لــَمن ايـسألوني
مااسيطر على عيوني ابساع تجري عيوني
اعليه اذا كـل عمري احزن بـالله لتلــوموني
أخــو اعـــتبـره اليــه وعــالاخـو واســـوني
الفاگد اخـو بيـه يـحس .. راح
الويـانه عايـش بالأمس .. راح
الگلـبه مـحـنه مـنـترس .. راح
راح اخـــو
________________________
ذكـريــات الخـوه صعـبه مـن تــمـر اگــبالي
شنسه شذكر ياهـي مـنها وهيه كلها اگبالي
انـي مـن اسمع حـميده اتگـول ويـن الغالي
اي وحـــق ظــلــع الـوديــعـه ينـــمرد دلالي
شلون انـه اگـلها مايـرد .. راح
والچان بـي عـطر الورد .. راح
ادري گـلــبهـــا يـــنــمرد .. راح
راح اخـــو
________________________
والله لـرض الكوفه مسلم انـه مـن وديـته
مدري ليش انعـصر گلبـي ومايـرد حسيته
ابكـربلـه احـتاجه ظـروري يـرجع اتمــنيته
وجـهت للنـجف وجـهي وبالــدمع حاچيته
عـباس اذا للمـشــرعـه .. راح
من ايدي يعني اتوقعه .. راح
ياهـو العلـمــنه يرفــعه .. راح
راح اخـــو
________________________
اعيوني محتاره ابأمرها ياهـو عنه اتناشده
الهالسبب ظلت دموعي فوگ خدي ساجده
العنده ابن عم مثل مسلم دهره من ايباعده
بالـصبر راح انـدعيلــه الله كــون ايـساعده
كل شخص من عنده محب .. راح
معـناها مـن صــدره الگــلب .. راح
عـمـره يخـَلــصه عالــدرب .. راح
راح اخـــو
________________________
ذكـرياته اتحـيط بــيه وانـسـه لا ما اگدر
ماتـفارگـني المـواقف كـــل وكـت اتــذكر
جــاي احسن كلـما تأخـر نـاره اكـثر تـكبر
صابـر ولـو مـا اجـانـي بـاچـر الله اليـستر
دلالـي للـبــاري الــتـــجه .. راح
مسلم احس مابـي رجـه .. راح
والــي يـگـلـي مــا اجــه .. راح
راح اخـــو
________________________
مسلم ومــن گـد معــزته اخـو انــي جـاعله
هـوه والعبـاس احـسه والله نـفس المــنزله
ان شـالله ايـرد ويجـني راح اتـاني ابكربله
الزينب ايصير الها كافل عگب راعي المرجله
ومتگول بت عمه الخدر .. راح
وماتمشي زينـب لليــسر .. راح
مايجــرء اعليــها الشـمر .. راح
راح اخـــو
________________________
تمت والحمد لله
حيدر تركي الكربلائي
قد تحتاج المواضيع التاليه
القصيدة الرابعة
راح اسوي المستحيل // بيه غيره امن الكفيل
انه مسلم والعده تخشه نزالي
اليوم اخلي الكوفه تحتار بقتالي
****************************
انه والكافل تربينه سوه
وبنفس واحد نشم جنه الهوه
انته هم شايف ضوه ايعوف الضوه
جان يرهب لو رفع بيده اللوه
جنه من ندخل حرب // نكلب الدنيه كلب
نركض اعله الموت ركضه وما نبالي
اليوم اخلي الكوفه تحتار بقتالي
*************************
جان من يعطش شبل عقد الوله
جان يسبكني ويجيب الماي اله
جان يحجيلي اشكثر عن كربله
حسين جان اهواي اشوفه ايقبله
كلي مسلم هذا اخوي // وانه احبه بكثر ابوي
علماني الغالي ما يغله اعله غالي
اليوم اخلي الكوفه تحتار بقتالي
****************************
جنه للحومه نطب مثل الرعد
وياهو من عدنه يطيح اكثر عدد
مره اجينه وكلي خل نرجع بعد
كلي مسلم اكو اشجم واحد شرد
كلي ليهم خل نرد // وانه كتله مستعد
بسيفه اخذها وكتله عباس اشبقالي
اليوم اخلي الكوفه تحتار بقتالي
**********************
كومي طوعه بعالي صوتج هلهلي
اليوم اريدنج تذكريني بعلي
يمكن العباس ضمهم ذوله الي
وانه راح املي الارض بيهم ملي
رايح اكظيهم واجيج // ردي طوعه وما عليج
راح اطش اخبارها اويله الدنالي
اليوم اخلي الكوفه تحتار بقتالي
****************************
انه والعباس غامرنه الحنين
ومن زمان اعله الوفه متعلمين
غيرت اذكر اسمه ام البنين
جانت اتسمينه خدام الحسين
انحبه واحنه اذكر زغار // واشيكول انكله صار
هوه رمز الامه والشخص المثالي
اليوم اخلي الكوفه تحتار بقتالي
***********************
الحومه من شافتني صاحت والنعم
انه خليت الزلم فوك الزلم
رايح اوصل كربله عدكم علم
يا كتيبه الاطب ليها تنهزم
هاي ذبيت اعله هاي // والجثث ضلت وراي
واغلب الفرسان خافت من خيالي
اليوم اخلي الكوفه تحتار بقتالي
*********************
تمت
تحسين الخفاجي
القصيدة الخامسة
براء العبيدي:
عن (مسلم ابن عقيل)
واعد حسين ونذر... ابنذره ينطي اجفوفه
من راح ماخان وغدر ...رجفهم أهل الكوفه
ا يمسلم ا. يمسلم.ا يمسلم.ا يمسلم
______________________________
كاعد ويحجي ابترافه حسين يبجي
كله خويه اني ارخصك رايد امشي
حسين كله أصلي عيني ويدعي رمشي
تدعي ترجع وإني اعرفك انته نشمي
أصلي عيني بس اله..تدعي لله تشوفه
من راح ما خاف وغدر..رجفهم أهل الكوفه
___________________
اشاورو هوا وجهاله كلهم اشويه ورد
اني امشي ونتوا نطرو هيا ايام وعد
الوحشة تكتل والله بويه اذبل ألوان الورد
كلهم انتو ولد مسلم موا مثل غير الولد
هذا ابن الزهره..وحده اشون اعوفه
من راح ما خاف وغدر..رجفهم أهل الكوفه
____________________
ادكول زينب إجه يمي وبأس اديه
خلي بالج يم جهالي ويم رقيه
كلهى اعذريني حعوفج يزجيه
كون ما ارجع ولا شوفج سبيه
ادكول يرجع بسلامه..وبسلامه انشوفه
من راح ما خاف وغدر..رجفهم أهل الكوفه
____________________
راح مسلم كون يرجع بسلامه
ما اريدن جثته توصل علامه
ادكول موا فركه أحس يوم القيامه
ضحه بل مايملكه الكله شهامه
اسمه من عرش الله نازل..موا اسم بحروفه
من راح ما خاف وغدر..رجفهم أهل الكوفه
_____________________
طولت ايامه وبعد مامر علينه
أعتقد غدرو سفرته وما يجينه
هوا من راح الهجر كثر بجينه
السفره طولت وحنه لنعضعض بدينه
الفرحه آخره ابحزن..مدوم ابد معروفه
من راح ما خان وغدر ..رجفهم أهل الكوفه
_________________
عن مسلم ابن عقيل
براء العبيدي
القصيدة السادسة
غريب اينـَـادي بالكوفه
يـَـعـَـالم ماتعرفـُــــوني
أنا مُسـلم يـَخـَـلـﮒ الله
عجيب ابسـَاع بعتـُوني
** * **
ايــﮕلهـُم مِن ابوالسـَـــجاد
رسُـول ابحـَـل اجيـت الكـُم
ينقـِــــــذكم مِـن الظـِـــــلّام
ومِـن هَــمهـُــم يخلـّـصكـُم
اتـّــبعُـون انتـُــم العتـــــره
ورَب العـِــــزّه يرحـَـمكــُـم
نِـصَـحت ويشهـَـــد الباري
واظِـن كلكـُم سـِــمعتـُـوني
** * **
كـِـتبكــُــم وصلـَـت اتصَرّح
اتـﮕـُـول اوتشـــرَح الأخبار
ألا إقـــدِم يبـــو السـَــجاد
فقـَـد والله اينـَـعـَـت الاثمـَار
شو هسـّـه اصبَحـِت وَحدي
اوبـَـعـَدنه ابأوّل المشــــوَار
أنا مســـلم رَســــوله وَين
آلاف الــّــــــي تـِبعــُـــوني
** * **
يظـــل طـَــبع الغـدر بيـــكم
طـَـبع مَتغـَـيــّــره الأيـــــام
غِـدرتـُــوا المرتضــى حيدر
وحسـَـن بـَـعده لجـِل اوهام
سـِـــلطه زائـِـلـَه وأمــــوال
مـَـصرُوفه ابأمـِـر ظـِــــلّام
بعد ماتنصـِـــلـِح الاحـــوَال
بيكــُــــــم يالخـِـذلتــُــــوني
** * **
اليــــوم انـﮕلبـَـت الكوفـــه
عليــّـه اوبـَـيـّـن المَضمُــون
طلـَـــع مَـعدنكـُــم الأصلـــي
الحَدِر وَجه الـﭼذب مكنـُون
حـَاطـَــتني الحشـُود اهنــَــا
وعَلَي سـَـدّت وجه هالكون
بـِســـهـَام وحَـجر ورمـــاح
وابنـَــار انتـُــو ترمـُـــوني
—----------------------------—
خادم أهل البيت // لقمان البدران
تم بعون الله مجموعة قصائدريسية مكتوبة لمسلم بن عقيل عليه السلام
موقع المنبر الحسيني
مصدر القصائد مؤسسة منبريون
لاتنسو الفاتحة الى روح مولاي مسلم بن عقيل عليه السلام
كلمات دلالية
مسلم مسلم اخ يا مسلم واوواو
ردحذف