مجموعة نزلات مكتوبة للقاسم عليه السلام
تجليبه
العـمه ايصير ابـو فاضل بـعـد شـيريد
مـثل عـمـك يجاسم كـون تطـلع حـيد
--------------------------
مـن حقـها تحسدك يمـه هــاي الناس
مـنو العــمـه يـشابــه عمــك الـعـباس
اريــدك مثـله ابــدن مـاتـطـخ الـراس
اذا للحومـه تـدخل كـون عنـدك عـيد
--------------------------
الحــرب عـيدك اريــد بيـوم تدخلـها
والسبــعـين الــف وحــدك تــزلـزلــها
الحــومه ابشـاربــك بـالـــك تـزعلـها
مهرها ارگاب وانـته گـدها ياصنديد
--------------------------
گــدهـا وماتـنــزل راســـك الـــواحد
اذا عــمـك الــقائــد انــته هــم قــائد
هـذا جيــش امـيـه شـوفــه وشـرايد
اذا ماعنــده شـغـله خـل يروح ابعيد
--------------------------
كــون الجـيش عمـتك يـمه متــشوفه
واذا للكــوفـه تگــدر وصــله للــكـوفه
ابصيحه وحده مـنك تـوگــع اسيوفه
خلــيهم ابحـيره وأيــد تصــفـج بـــيد
--------------------------
خلــي الينــجه مــنــك يــذكـــر الأيـــام
ويجفل لو سمع مــر طاري اسم جـسام
اليــشــرد يمــه مــنك حقــه مــاينـــلام
چيـه صولات ابـوك الحسن راح اتــعيد
--------------------------
صولات الحسن لـو عالجـيوش اتحـين
بالــك يــمــه گلــبك بالمــعـاره ايــلــين
اريــدك مـثل ابـوك ابيـوم طـب صفين
طـشرها الجـيوش ولمـهـا مـن اجــديد
--------------------------
مــن اتـلمــهــا لاتــتـــرك أثــر بـالــگــاع
وثـارك ادري بـي يـبن الحسـن مـاضـاع
سـبع واهلـك ابـزود اسباع ولــد اسباع
الشـجاعه الـها أهلها وهـيه هــم تـعويد
--------------------------
نعــم عـنده شجاعه الـي رخــص دمـــه
المــثل حســين عــمـه يستــحق عـمـــه
ييــمــه مــن تنــصــره يــنفــرج هــمـــه
واذا لاســمامـح الله تــره هــمــه ايـزيد
--------------------------
تمت والحمد لله في ٢٨/ ٩ / ٢٠١٦
حيدر تركي الكربلائي
يوليدي يجســـّام === وفـــّيني يجســـّام
ــــــــــــــــــــــــــــــ
إنصر عمـــّك اليوم == يوليدي يجاســـــــــــم
إوفيني يجيـــــــدوم == وإنت إبهاي غانم
هذا إحسين مهموم == يانبـــــــــــع الهواشم
إدخل وإگلب الحوم == واجــــــــه هالصوارم
أدري بيك صنديد === زود المجتبه إتعيد
يوليدي يجســـّام === وفـــّيني يجســـّام
ـــ
وصـــّاني الحسن بيك == لازم ترفـــــــــــع إلواك
ربنه اليوم يحميـــك == روحي إتروح ويــّاك
گلبي إبحبـــّه يرويك == يبنـي إو عيب ينساك
شرهم راح يرميـــك == تغرگ يبني بدماك
أدري بيك وإبـــــزود === تفدي الروح وإتجود
يوليدي يجســـّام === وفـــّيني يجســـّام
ـ
زهرة روحي يانور == لعيونـــــــــــــي يغالي
إنت إتروح منصور == وانـــــي إبضيم حالي
گلبي بيك مسرور == تشفعلـــــــــــي يوالي
وإنت إبمحشري سور == تحميني يعالــــــــــــــــي
والزهره تناديــــــــك === جيب أمــّك هله بيك
يوليدي يجســـّام === وفـــّينـي يجســـّام
ــــــــ
ربـــّيتك يمهيـــوب == منـــّك رايده إرباي
يوليدي يمحبـوب == تربي ليك عيناي
روحي إبفگدك إتذوب == مرهـــــم إنت لحشاي
گلبي بيك مصيوب == بعـــــــــدك ذاب بالداي
بعدك ياضوه العين === ظلمـــــــه دنية البين
يوليدي يجســـّام === وفـــّينــي يجســـّام
ـــــ
يبني إو نور دنياي == آلمنـــــي ونينـــــــك
يبني إجروحك إهواي == خالقنـــــــه يعينـــــــك
يبني خلـــّي عيناي == تنهــــل من جبينك
شلـــّي إبدنيتي هاي == من خلصـت سنينك
بعدك مظلمه الدار === وإبگلبي لهب نار
يوليـــدي يجســـّام === وفـــّيني يجســـّام
ـــــــــــــــــ
مع تحيات شاعر اهل البيت / جابر النجفي
يسجد سيفك يا جسام.... عالركبه ويركع عالهام
انته بكيفك........................جرد سيفك
.......................................................
كالو زغير وينتحب..... ما عرفو فنون الحرب.. وكت الموازم يمناك
يوم الحرب انته الصعب.. سيفك جمر من يلتهب..ما يلكه راسه اليدناك
روس العده بهذا الدرب.. طشت مثل ريح اليهب.. ومطشره بعالي سماك
يا موت ابد ما تنجهب.. عزريله وياك اليطب.. وبخطوتك يمشي وياك
عريس ولابس اكفان............ صليت وسيفك قرآن
انته بكيفك........................جرد سيفك
.......................................................
بالميمنه وبالميسره..بين الجيوش الغادره .. سبعين الف ما هموك
بالجمله تحصد بالسره... بسيفك ركبهم طايره... تخطف عليهم شافوك
يالوجهك السيد الورى... والشمره شمرت حيدره.. وتفاجئو من شافوك
كالو علي رد باتره... وردت مصارع خيبره... وصفك علي من وصفوك
ردت خيبر وي صفين....................... واليهرب منك جا وين
انته بكيفك........................جرد سيفك
.......................................................
ما مر عله عيونك وسن... ولا نامن ولا من غفن ... عالذله صاحن هيهات
عالمهره شديت الرسن ... يبن الحسن يبن الحسن.. حي الضمير وما مات
طاح الصنم ويه الوثن ... يوم اللبست انته الكفن ... وانته التضل للكلفات
ترفع شعارك بالعلن ... بثورة دماءك عالزمن ... والصوله تصبح صولات
انته الآيه من الرحمن ........ بكصتك مكتوب القران
انته بكيفك........................جرد سيفك
.......................................................
هالليله ليلة ملحمه .... بيها الدمع بيها الدمه ........ بيها الشمع يطف ب ليل
ضد الجيوش الضالمه .. واهل العروش الحاكمه .. ضد ابرهه واهل الفيل
انته العذاب من السمه ... سورة غضب مو مرحمه ... تكل للكفر شوفو الويل
انته الجرح لو بلسمه .. شدة ورد مسها الضمه .. فاحت عطر من جبريل
انته الآيات ومعناها..... بطفوفك لابد نقراها
انته بكيفك........................جرد سيفك
.......................................................
لا عكرمه ولا بو جهل ... يمحي اسم خير العمل .. وبالدم يتلبه الآذان
لو ردو بفيل وجمل ... ولو ابرهه رد بعجل ...... يتقهقر يرجع خسران
بالحومه دمك من نزل ... ثابت ولا مر بيه وجل ... يحمل صفاته القران
اول قصيده ومستهل .... عالركبه ما تعرف وجل ... مكتوبه فوك الشريان
اول جندي تضل للدين ...... تنادي بصوتك آه يحسين
انته بكيفك........................جرد سيفك
.......................................................
نسالكم الدعاء والفاتحه
علي صادق حسون المجراوي
.نزله .
هذه يومك يجاسم هذه يومك .. يالتهابك يجاسم كل خصومك
**********
هذه سيفك جبته بيدي وهاي بدله مرتبه
للحرب خليني ازفك كوم يبن المجتبى
انه ربيتك وعرفك بيك ميضيع الربه
حسين ضامي وجيش اميه شلون وحده يحاربه
كوم ودخل للحرب .. كوم وكلبها كلب
هذه يومك يجاسم هذه يومك
************
يبني لا تهتم اريد تخوض كل سوح الوغه
حته لو ردنه نتفارك عندي ياجاسم ثقه
يبني يم الزهره باجر غاد عدنه الملتقه
حته اكلها وليدي ضحه مارجف كلبه وبقه
راد بدماه ينتصر .. ضحه لحسين العمر
هذه يومك يجاسم هذه يومك
************
انه اعرف هاي صعبه لو طحت فوك الثره
المثلك بأول شبابه الدنيه حلوه بناظره
العمر واحد ييمه الموت هم واحد تره
لكن الموته الشريفه هواي بيها مفخره
من تضحي بالنفس .. تنطي للعالم درس
هذه يومك يجاسم هذه يومك
************
يعلم بكل المصايب دوم كلب الوالده
وانه من ربيتك اعرف بيك تفجعني العده
للورد ماتبقى هيبه من يجافيه النده
الحسن كل حلمه جان يضحي لحسين ولده
يبني وصاني الحسن .. لا تقصر بالمحن
هذه يومك يجاسم هذه يومك
*******
للحرب جاسم تحضر وعتلى بضهر المهر
انه ابن الحسن ناده وانته ابن من ياشمر
راح اراويكم مراجل من علي وبيها افتخر
اليوصل العمي ومحمد اله رجله تنبتر
انه جسام الهمام .. شحده من يدنه الخيام
هذه يومك يجاسم هذه يومك
*************
صفن الكوم بقدومه من طلع من الخيم
بمشيته امن ابعيده جنه عمه شيال العلم
واحد ينادي اعله واحد كام والجيش انهزم
مدري ملك الموت هذه مدري جسام الهجم
عسكر اعدائه انكسر .. يصيح لاوين المفر
هذه يومك يجاسم هذه يومك
************
اغضب السيف ابيمينه وكام يتكاطر دمه
خله ارواح ال اميه كلها صعدت لسمه
من كثر ماشد عليهم جاس دلاله الضمه
يامحمد صاح صوته وياعلي ويافاطمه
ناصرت عمي بثبات .. وهذه حدي اويه الحياة
هذه يومك يجاسم هذه يومك
**************
للشاعر .. طاهر الدريعي
للأمام القاسم
شفت عرس المنيه
عله أرض الغاضريه
يجاسم
______
يريحة والدك يا ذكرياتي
ياكلشي حلو شفته بحياتي
بقت لي أمنيه من امنياتي
سوه موتك يبعد اهلي ومماتي
و واسدك بين اديه
عله أرض الغاضريه
يجاسم
//////////////////
تعرف بالزرع ينطر حصاده
وصيت والدك هليوم راده
يشوفك جندي وحسين القياده
وتوكع بالحرب واتسر فؤاده
نعم هاي الوصيه
عله أرض الغاضريه
يجاسم
/////////////////
تكبر وانتضر عرسك يجاسم
حلم واتحقق ابين الصوارم
رماح اتشابكت ويه القوائم
تزفك وانته عريس الملاحم
تطشك واهليه*
عله أرض الغاضريه
يجاسم
//////////////////
ينجمة دربي من سود الليالي
يبسمة فرحتي وخيري ودلالي
يغالي ومابقه من بعده غالي
بعدك ل لحزن والنوح حالي
بقت جثتك رميه
عله أرض الغاضريه
يجاسم
/////////////////
يجسام اشكثر قاسي زماني
خذاك وما رحم عطفي وحناني
عله مجره النحر طيفك خذاني
وتمنيت ابمكانك لو مكاني
عسنها اتصير بيه
عله أرض الغاضريه
يجاسم
احمد عيسى البديري
2.مؤسسة منبريون لنشر القصائد, [٠٨.١٠.١٦ ٢٣:١٠]
جسام صال عل العده..صولات جده او والده
&&&
جسام يوم اللي برز..بااسم الحسن هو ارتجز..جالاسد يوم اللي قفز
وحسين هوه يشاهده
&&&
من برز ياشبل الفحل..الجيش من عنده انذهل..هذا ابن خير العمل
واحلى نشيد ايردده
&&&
كال الهم انه ابن الحسن..انحارب احنه اهل الفتن..شما طال بينه هالزمن
بالقائم احنه انجدده
&&&
جا الليث من طب الحرب..علمهم افنون الضرب..حاداهم شمال وغرب
ولحسين هوه يعاهده
&&&
جالكمر عباس ودخل..الجيش صابهه الشلل..حملات جده من حمل
وسيف النبي ابساعده
كال الهم انه ابن النبي..وحسين غاية مطلبي..هو شفيع المذنبي
واحلى جهاد انجاهده
&&&
وصيه وصاني الحسن..كبل الرحيل من الوطن..لوشفت عمك يمتحن
لازم عليك اتسانده
&&&
لازم تضحي بالنفس.. موتك يصير وي العرس..احفظ يجاسم هالدرس
احفظ وصيتي الخالده
&&&
بالعين شال وصيته..ابن الحسن من عمته..حطاهه حرز بركبته
ظلت امانه اتراوده
&&&
ظلت امانه بالعمر..من شاف ساعته الكفر..اذكر بسرعه الامر
من شاف عمه بوحده
&&&
طاح الشبل وفى الوعد..وحسين دمعه جالشهد..اليوم مكسور الوتد
اسيوف اميه اتمرعده
&&&
خادم اهل البيت
ابو علي السعيدي
لاتحشـميني ييمه لاتحشـميني
شيمه بيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
انه شبل الحسن جاسم انه ابن حامي الحمه
يمــه واتعرفيني انـتي من تصير المـوزمه
ما أهاب وما أبلي اليوم اســـوي الـحاطمه
سيفي فقار ابو الحمله وراح ارويه بالدمه
كربله تشهد عليه كربله تشهد
والهــويـه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليــوم تاريـــخ المــعارك بيده يكتــب صفحتي
من اصول ويعله صوت الجيش تبدي صولتي
انه ما احـــتاج نخــــوه هاشــــميه نخـــــوتي
طفح بحر الغـــيره بيه امن ابو فاضل غيرتي
حيدري عزمي وجهادي حيدري عزمي
والسجيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
انه عــودي الحسن يمه مره وصاني بأمر
گال ياجاسم يبــويه الطف إلــه يـوم ويمر
النصرة حسين ابو اليمه ابـد لا لا تنــتظر
أرخص ادمومك الأجله دين جدك ينتصر
لازم الديني انصره لازم الديني
والوصيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليوم جيش اهـل الظلاله اليوم اراويه المــحن
خلو قادتـــكم تجـــيني جـاسم انه ابـن الــحسن
الزلــمه وينه الراد يبــرز خل يحظرله چــفن
الخوف والذل ماعرفهن تحت رجليني انطون
الجمع ما هابه واخافه الجمع ماهابه
الهيبه اليه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
من تصير الحرب شوفي يمــه جــاسم بالحـرب
الطف نعــم صفين تصبح والحـــسن بيـهه يطب
سيفي سيفه وعزمي عزمه موسهل يدرو صعب
اليوم نار ابجــيش اميــه ابصارمي والله اشـــب
العمي افديهه حياتي العمي افديهه
مو بديه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليوم من ابـرز اخلي الــي تشــهد كربله
عمي يستاهل حياتي وانه كلـي فدوه اله
الموت بالطف يا حلاته بين چــفينه حله
ياهلا ابعــرس المنايه بالــمنايه ياهـــله
حنتي من دمي ابچفوفي حنتي دمي
والمنيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
تمت والحمد لله في 26\9\2012
حيدر تركي الكربلائي
نزله للقاسم ع 1348
#نزلة
لاتحشـميني ييمه لاتحشـميني
شيمه بيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
انه شبل الحسن جاسم انه ابن حامي الحمه
يمــه واتعرفيني انـتي من تصير المـوزمه
ما أهاب وما أبلي اليوم اســـوي الـحاطمه
سيفي فقار ابو الحمله وراح ارويه بالدمه
كربله تشهد عليه كربله تشهد
والهــويـه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليــوم تاريـــخ المــعارك بيده يكتــب صفحتي
من اصول ويعله صوت الجيش تبدي صولتي
انه ما احـــتاج نخــــوه هاشــــميه نخـــــوتي
طفح بحر الغـــيره بيه امن ابو فاظل غيرتي
حيدري عزمي وجهادي حيدري عزمي
والسجيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
انه عــودي الحسن يمه مره وصاني بأمر
گال ياجاسم يبــويه الطف إلــه يـوم ويمر
النصرة حسين ابو اليمه ابـد لا لا تنــتظر
أرخص ادمومك الأجله دين جدك ينتصر
لازم الديني انصره لازم الديني
والوصيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليوم جيش اهـل الظلاله اليوم اراويه المــحن
خلو قادتـــكم تجـــيني جـاسم انه ابـن الــحسن
الزلــمه وينه الراد يبــرز خل يحظرله چــفن
الخوف والذل ماعرفهن تحت رجليني انطون
الجمع ما هابه واخافه الجمع ماهابه
الهيبه اليه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
من تصير الحرب شوفي يمــه جــاسم بالحـرب
الطف نعــم صفين تصبح والحـــسن بيـهه يطب
سيفي سيفه وعزمي عزمه موسهل يدرو صعب
اليوم نار ابجــيش اميــه ابصارمي والله اشـــب
العمي افديهه حياتي العمي افديهه
مو بديه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
اليوم من ابـرز اخلي الــي تشــهد كربله
عمي يستاهل حياتي وانه كلـي فدوه اله
الموت بالطف يا حلاته بين چــفينه حله
ياهلا ابعــرس المنايه بالــمنايه ياهـــله
حنتي من دمي ابچفوفي حنتي دمي
والمنيه ... هـاشـميه ... وأنتي تدريني
ــــــــــــــــــــــــــــــــــــــــــــــــــ ـــــــــــــــــــــــ
تمت والحمد لله
حيدر تركي الكربلائي
اريد قصائد العاشر بليز❤
ردحذفاريد لطميات عله القاسم بليز
حذفانه هم هاذ الموسوي
حذفاريد قصائد الشهر عاشوراء واريد احاديث لعاشر محرم
ردحذف