100 قصيدة مكتوبة لسبي عيال الحسين عليه السلام
1
حمل تطبيق قصائد حسينية مكتوبة من هنا تحميل
أانه وياج ها يخيتي يالعقيله
أأنه وياج نمشي للكافل نشيله
قائد جيوش الظفر..طايح بصف النهر
انه وياج....انه وياج
..............
خويه زينب لو تشوفين الجره
خويه زينب شفته نايم عالثره
يابسه شفافه وشفتها مفطره
والجفوف اكبال عيني مبتره
أأنه وياج نجري المدمع نسيله
اانه وياج نمشي للكافل نشيله
شفته بالكاع الكمر..طايح بصف النهر
أأنه وياج
.....
خل نروح هناك ننصب مأتمه
خل نروح ونمسح بوجها الدمه
خاف يفتح ربج ابواب السمه
وخاف تحظر من نعوفه فاطمه
أأنه وياج نوزع الونه سبيله
أأنه وياج نمشي للكافل نشيله
كلبي من شفته انفطر..طايح بصف النهر
انه وياج
.........
امشي وياي خل نكعده بهيبته
امشي وياي ولو كطعو ركبته
خل نخلي السيف يمه ورايته
خل نرد الماي داخل جربته
أأنه وياج جثته اعليه ثجيله
أأنه وياج نمشي للكافل نشيله
شوفي اخوج شكد صبر...طايح بصف النهر
انه وياج
.......
ها يزينب لايسار ولايمين
ها يزينب بعده يهتف ياحسين
من وصلته لاادين ولاله عين
من وصلته يجود بنفاس الونين
أأنه وياج بس دمع صاير وسيله
أأنه وياج نمشي للكافل نشيله
راسه نصين انطبر...طايح بصف النهر
أأنه وياج
....
لاتحشمين خل نروح بلانفس
لاتحشمين كلبي اهات انترس
لايهمج جيش وخيول وحرس
عفته وحده اواكف ابصفه الفرس
أأنه وياج نقره يم راسه العديله
أأنه وياج نمشي للكافل نشيله
كلبي بهمومه انعصر..طايح بصف النهر
.......
انه وياج خل نروح المشرعه
انه وياج نلكي ادين امكطعه
انه وياج هناك ننصب فاجعه
انه وياج نشيله بس شيرجعه
انه وياج نعصر الماي الدليله
انه وياج نمشي للكافل نشيله
اخ ياكسر الظهر...طايح بصف النهر
.......
علي الحاج الصبيحاوي
2
صعدت التل زينب وصاحت سلام
ياهو بيكم عدل يفزع للخيام
النار وصلت للعبي .. وسفه اختكم تنسبي
ياهو بيكم عدل يفزع للخيام
************************
شبت بخيمتهه نار وشاهدت بعيونهه
تنظر اطفال ويتامه كامو يسحكونهه
ركضت عله سكينه شافت تبجي ويضربونهه
انحنت يم بنت اخوهه وسوط ياذي متونهه
------------
حيره المن تفزع وكلهه تصيح
عمّه يازينب الحكي من تطيح
من يطكهه الناصبي .. وسفه اختكم تنسبي
ياهو بيكم عدل يفزع للخيام
************************
تنظر يمين وشمال تشوفهم موته الاهل
ماتشوف حسين يمهه وضيعت ذاك الكفل
ظلت وحيده وتناظر بالله بس باقي الامل
تريد تنده وين اخوتي زينب وكصدت التل
------------
تمشي ساعه وساعه توكع عالارض
هيه متعوده عله هودج مو ركض
بت علي ذاك الابي .. وسفه اختكم تنسبي
ياهو بيكم عدل يفزع للخيام
************************
كصدت لتل المصايب صعدت بهيده وتون
يدري زينب تعتنيله وكام ينشدهه بحزن
يكلهه يازينب اشوفج لازمه بجفج متن
ياهو اليحامي اليتامه الليل موحش لو يجن
-----------
لا تناشدني وتكلي عله اليصير
صعدت وبعيونهه كامت تدير
صار تل الزينبي .. وسفه اختكم تنسبي
ياهو بيكم عدل يفزع للخيام
************************
سيد علي المدني
3
وسط النـــار
بليه أنصــار
زينب أبيه ~~~حد المنيه
((زينبنه حره))
وكفت بهمه وشجاعه قاومت كـــــــــل الصعاب
زينب الحره العقيله مثـــــــل أبــــــــوها ماتهاب
شكد محن شافتها زينب صاحت من الله الكتــاب
صابره وتجرع هضمها أتهون بعظم المصــــاب
تعمي عيون
عــل يزهون
زينب أبيه ~~~حد المنيه
((زينبنه حره))
بكربله رسمت بطوله حيرت كــــــــــــل العقول
شافت أخوتـــــها أضـاحي وهيه مهيوبه وتصول
صعدت التــــــــل ابعزمها تكلمت بنت الأوصول
تحمد الله وهم تشكره ضــــــــل صبرها مايزول
تمشي بعيــد
بنت الحيــــد
زينب أبيه ~~~حد المنيه
((زينبنه حره))
اعله الرمل عـــــافت أخوها موذر بحد السيوف
شافت الاملاك حــــــــــوله معفره بدمه وتطوف
وكفت كباله وتودعه العدو ســــــــــاكت يشوف
موادع الحــــــــره ويخوها بجه أحجار الطفوف
راحت ويــن
ذبها البيــــن
زينب أبيه ~~~حد المنيه
((زينبنه حره))
بالسبي ضلت تقاوم تـــــــرعه أطفال الحسين
راحت وعدها رســـــاله تفظح الطاغي اللعين
تحملت درب المآسي تكتــــــــــم بسكته الونين
أشكد قسه الظالم ظربـها وهيه صعبه وماتلين
بين النــاس
كلها ارجاس
زينب أبيه ~~~حد المنيه
((زينبنه حره))
طبت المجلس عدوهــــــــا صامده مثل الجبال
جن علي حيدر اجــــــاهم واكف بنص الرجال
سكت المجلس حجيها صـــــاحت أتذلني محال
يايزيد احنــــــه انتصرنه انته والكرسي بزوال
بصوت اتصيح
أنته أطيــــــــح
زينب أبيه ~~~حد المنيه
((زينبنه حره))
قــــــــــادت الحمله بعزمها ردت اتزور الامام
من بعد غيبه طويله جــــــــابت ويــــاها سلام
أتكَله ياخويــــــــه رقيه فرفحت مثــــل الحمام
تبجي وتنـــــوح بغيابك ليلي كله مـــــــــــاانام
بارض الشام
تموت أيتــام
زينب أبيه ~~~حد المنيه
((زينبنه حره))
4
يمه كلشي الراح هسه اتخيله
كزبرت جلد المواجع كربله
يمه يمه احاه نبلة حرمله
...........
يمه ليش الليل طول من رحت
شفتك بوجه الكمر من عاينت
عيني عالكاروك هسه اتخيلت
جني اشوف ثنين اديك امسبله
يمه يمه احاه نبلة حرمله
...........
يمه ظلمه الليل والهندس بحر
وليلك يسولف علي قصة قهر
صوره ماتنشال من بالي النحر
حاظن النبله العجيبه القاتله
يمه يمه احاه نبلة حرمله
.......
اصفن وتاخذني وياهه الظنون
وتنكتب كدامي جلمه ماتجون
منكسر واهسه بالفركه المتون
ظل مكانك خالي محد يشغله
يمه يمه احاه نبلة حرمله
..........
الترف عيونه محتاج الدمع
واني وي رفته عيني ينشلع
والله محتاجه اسولفلك وظع
هم شفت ام وتماشي قاتله
يمه يمه احاه نبلة حرمله
.........
نحرك المكطوع اصبع مايصير
يازغير ونحرك بكده زغير
جن فراشه وجانت ابالي تطير
وين يالماخذ دليلي بس اله
يمه يمه احه نبلة حرمله
.......
من تغمض عيني اسمع ذكريات
صوت الخيول وسهم من الرمات
جنه صوت حسين ينزف تضحيات
وافتح عيوني واشوفن ارمله
يمه يمه احاه نبلة حرمله
........
علي الحاج الصبيحاوي
5
خويه يحسين انه زينب خويه يحسين
شصبر ونيراني تلهب خويه يحسين
ليش ماجبت الكمر ــــــــــــ عفته نايم عل نهر
خويه يحسين
فرفحت روحي بغيابك وانه عيني اعله الدرب
ما الي عين التعاين كمت اعاين بالكلب
انه وعيوني وحصرتي انتاني للخيمه تطب
وكفت الدنيه اعله مودك موقف الدنيه صعب
وكفت املاك السمه ــــــــــ كلهه تنضر للدمه
خويه يحسين
ليش ماجيت وشفتني حالتي اتبجي الصخر
ما نريد الماي منك دموعنه الصارت نهر
انه واطفال اليتامه كلنه حسينه بخطر
من رجعت اعله المخيم تمشي وحاني الظهر
شفتك وانه طحت ــــــــــــ وين عباسك صحت
خويه يحسين
وين عفت انته كفيلي ليش ماجبته وجيت
من اجيت الوحدك انته بهظم روحي حسبيت
وين عباس ارد انشدك ليش ساكت ماصحيت
انته ساكت ماكلتلي ابدمع عينك سولفيت
سولفلي اعله الجره ــــــــــــ ونار بيه موجرة
خويه يحسين
وين صار النهر كلي وين درب المشرعه
انته ماكتلي ابنضرتك شفت جف مكطعه
خويه بالزهرة الزجية وين صاير مصرعه
بلجي اتلحكله روحي كلبي راد ايودعه
ارد اشوفن جربته ــــــــــــ وارد اشمن رايته
خويه يحسين
خويه ماتسمع شكوتي وين خليت الكفيل
شلون تبقه الوحدك انته ياهو بضعونك يشيل
راح امد ايدي الدليلي بلجي باقي الدليل
راح اكله شلون حالك والخطب بعدك جليل
شلون كلبك طاوعاك ــــــــــــ عفته ماجبته وياك
خويه يحسين
6
شحتمل يا نار * بويه يا كـرار
صارت رماد الخيم
سور الحماني أنهدم
بويه يا كرار
ـــــــــــــــــــــــــــــــــــــــــــــــــــــ
بـــــــالحومة وحيدة وأصفك أيديني
ماضل عندي بس حزني ودمع عيني
وأطفـــــال وحــــــرم ضلت تباريني
أحس أبصبري مل يــــاريت تلفيني
دهري دار وياي * تيهيت الراي
تركوني أهل الشيم
سور الحماني أنهدم
بويه يا كرار
***
شأبدي بيا ألم واليا مصيبة أذكر
وهمومي لون عالجبل يتفطّر
أبدي بضلع طك بالباب وتكسّر
لو من هامتك يابويه ياحيدر
شذكر من أعلوم * جبدة المسموم
جبده بغدر منجسم
سور الحماني أنهدم
بويه يا كرار
*****
أذكر كربلا وأشكيلك أضمانه
لو أحجي على الجيش ألي حاطانه
من ماي الفرات الجاري منعانه
لو أبدي أبكمرنه الجان ويّانه
من تركني وراح * صرت أطك الراح
كلبي برحيله علم
سور الحماني أنهدم
بويه يا كرار
*****
شحجيلك على أجفوف الكفل خدري
حين أعرفت طاحن فوّضت أمري
ردلي حسين محني وللدمع يجري
كلّي أعلى الترايب ذخرج وذخري
وأذكر بآلام * الأكبر وجسام
كلبي أعتصر بالألم
سور الحماني أنهدم
بويه يا كرار
*****
شحجيلك على حسين وعظم صبره
وأضماه والحريم اللايذة بكتره
لو أذكر لك شلون أنهشم صدره
لو سيف اليحز يا بو الحسن صدره
راسه لمن طاح * وأنرفع برماح
صار أبدال العلم
سور الحماني أنهدم
بويه يا كرار
*****
هذي آنه وحيدة وحايرة بعيله
ياحزن الأصب دمعاتي وأبجيله
ضعني أرجاله راحت هزّل أتشيله
تنطرني القيود وأسري أمشيله
أكصد الميدان *** وأنظر الوليان
دمهم لأمرنه حسم
سور الحماني أنهدم
بويه يا كرار
ـــــــــــــــــــــــــــــــــــــــــــــــــــــــــــ
7
قبلة الله أتعذب يزينب ها يزينب
*********************
شرف مكه ومدينه ياأميره
الذكر اسمج تنومس كله غيره
رفعتي راسي عالي بهالمسيره
انت لا منسبيتي ولا أسيره
دمعة عيوني تكتب يزينب ها يزينب
*********************
انتي لا ماركعتي او منسبيتي
اعظم اعظم رساله كمليتي
عله الهزل يزينب من مشيتي
مشت مكه بدالج مادريتي
اوياها حيدرنا محرب يزينب ها يزينب
**************-*******
هذا بيت الله يشهد بالشهاده
انه امك يحيدر بالولاده
بفظل سيفك صرت كلي سياده
وصرت قبله ويطوفوني بجهاده
حجابي للحره معصب يزينب ها يزينب
************************
ابن مرجانه منهو ياسميه
وابن هند العنيده والبغيه
اليوم أسأل يناس بهالقضيه
شجاب هاي العواهر للزجيه
دمع مريم يسجب يزينب ها يزينب
*******************
اثر اسمج يزينب ابجبيني
صرتي صومي وصلاتي بكل يقيني
يعيني اعليها تنحب ها يعيني
هايه بنت الصميده وطه ديني
هايه دلتني للرب يزينب ها يزينب
*********************
درب شام المجالس للسبايه
يبو صالح مسيره بلا نهايه
تدري بيه الترفرف جم عبايه
ستر الله ورسوله والولايه
كوم زلزها وانحب يزينب ها يزينب
**********************
مهدي لاكي الهوازل للضعينه
وشوف خدر الله بيش محجبينه
بدمه راس ابو فاظل صابغينه
حجاب زينب صفه يساره ويمينه
بنار معصبها عطب يزينب ها يزينب
************************
خادم الحسين
شياع الشيعي
8
زينب يا زينب
نيراننا تلهب
اليوم احزاني
بالقلب نيراني
زينب يا زينب
....
مصابكي جرحاً
ابقى بنا قرحاً
لا ينجلي صبحاً
بالروح اذاني
بالقلب نيراني
زينب يا زينب
....
بالقلب اهاتي
تنصب دمعاتي
للحزن غاياتي
مكتوبُ عنواني
بالقلب نيراني
زينب يا زينب
....
والشوق يبكيني
للاه يرويني
للباب يسبيني
اليكي يهواني
بالقلب نيراني
زينب يا زينب
......
اهوى بأحساسي
يا اخت عباسي
ازور انفاسي
دموع اجفاني
بالقلب نيراني
زينب يا زينب
.....
يا مجمع الصبري
ما ان للعمري
طريقكم اجري
اجر اكفاني
بالقلب نيراني
زينب يا زينب
....
حيدر عيسى البديري
9
كافلج طاح الواه. .......اه يازينب اه
كافلج طاح الواه .........اه يازينب اه
*********************
جنتي تنطرين ابو فاظل يعود
يطفي حر الضاميه وعطش الجبود
والخبر يلفاج مكطوع الزنود
الحاله صعبت لما طاح الواه
*************
يصعب اعلينا نوصف حالتج
من كبر هول المصيبه ومحنتج
ندري بالعباس رافع هامتج
يوم حيدر بخته زينب وصاه
**************
من اجيتي بجال اخوج امدلله
ابكلب الشهم الج اعظم منزله
شلون حالج بعد راعي المرجله
والشهم لجلج تركها دنياه
************
جيتي مرفوعة الراس ابأخوتج
والصميده بزوده يبرى الناكتج
شابت الرضعان منها امصيبتج
يوم سبع الكنطره سال ادماه
***************
منهو يمسح دمعتج بعد الشهم
لو لفاج الجيش ويشب الخيم
الف وسف راح صكار الزلم
والحسين اوحيد مابين اعداه
*****************
انت تغزيج النوايب من زغر
من دفع باب البتوله والعصر
اوشفتي فوك حسين يتربع شمر
اوجاسم العريس دمه حناه
*-********---
شلون. لو. هامت ايتامج بالفلا
ويدخل الخدرج خوله وحرمله
والعليل بحاله منهو اليرعاه
********-****-
شلون. لو. جروا حجابج والستر
وانت مجتوفه اليدين او للأسر
اوبعد ابو فاظل حدى الناكه زجر
واليزيد الظعن انوى مسراه
**************
خادم الحسين الشيخ
عبد الأمير الكعبي
10
بويه سودني الدرب
حركت عيوني الغرب
بالخيم نيران اشوف
تهنه ما بين الطفوف
بويه سودني الدرب
.....
نار اصيحاً يالهواشم من يطفي المشتعل
سوده محتركات اديه سوده من لون الكحل
بويه اريداً يم خواتي عله عمتنه نجل
سوده خلاها المخيم الدنيا دربي ما ادل
من انوحاً يضربوني
دم جرت بويه عيوني
منين ارد ومنين اطب
بويه سودني الدرب
..........
ومني سلبوها التراجي بويه حيل تالمت
عاينت صوبك عيوني بويه يا بويه صحت
بويه جراها وجرحني ومن المها انه طحت
صحتك وما جاوبتني ريت يا بويه متت
كمت مشدوهه النضر
الجدمك اتلمس اثر
والدمع مني يصب
بويه سودني الدرب
........
هايمه ابين الجثث امشي اشماً ريحتك
خايفه جني يتيمه خاف اشوفاً جثتك
بويه امشي عليك زينب كوم لمني بصايتك
كضني بويه وردني بيدك خلني اشوفاً رايتك
كوم يابويه الي
خلي همي ينجلي
امسح اهموم الكلب
بويه سودني الدرب
......
بويه اخاف الليل تدري ومن يچل اركض الك
جنه سدل بويه وينك بساع لمني بمحملك
بحضنك تخليني اريداً وترد تضحك يم هلك
ارد احط شفتي عله خدك بويه وينك اسألك
كمت اتعثر واكوم
طالت عليه الهدوم
تدري بفراگك صعب
بويه سودني الدرب
.......
بويه شيب شعر راسي ووجهي غطاه التراب
والدمع جرح خدودي احمر بلون المصاب
اه يا عمري عله طولك زغير بس طولك غياب
انه يعقوب بمصابي ما بجه بكدي عتاب
ساعه عادل ونتي
شكد هموم بدنتي
نار من كلبي تهب
بويه سودني الدرب
.......
حيدر عيسى البديري
11
زينب بدرب السبي
بالعبي تستر العبي
النار اكلها اذيالها
والحرم تدنالها
بالعبي تستر العبي
..........
واقع وهاي حقيقه .. بت علي بدرب اليسر
ينظر الشمات اله .. وعالدرب كل ينتظر
تمر مكسوره الهواشم .. من بعد ذاك العمر
وتنزل اباب المجالس .. تنزل بخاطر كسر
تدخل بدمع وانين
تدخل ام كلب الحزين
وينظر الشيخ وصبي
بالعبي تستر العبي
......
عالمجالس نور احمد .. تدخل ويتسمه اسمها
نسو منهو تكون زينب .. يعرفو منهو اهلها
لو تصيح اتصيح اخوتي .. لو يرد لحضه الكفلها
جا كلماً صاح هاي .. بسيفه ينزل هسه اجلها
كافل الحره ونعم
لو رجع ماظل زلم
ولا ترد تمشي حبي
بالعبي تستر العبي
.......
زينب وهالحاله صعبه .. بت علي تمشي اسيره
الي ماسوت شمسه .. اخيال تگطعها الجزيره
ومن بعد بدر الهواشم .. شمر مركبهم يسيره
جرح ما يشفه ويطيبه .. كلشي هذا الجرح حيره
جرح ساكن بالكلب
حرم تدخل للحرب
الجان تفخر مركبي
بالعبي تستر العبي
..........
لا جن الاصعب يعالم ... زينب برد الطفوف
نزلت هودج ركبه ... ونزلت بصف الجفوف
گعدت اتعاين اهلها ... بالترب جفه يروف
حارت كبال الكفلها ... شتوصف الحاله حروف
كل حرف يشرح قصص
والعبي صارت قصص
هذا حال ال النبي
بالعبي تستر العبي
14/12/2015
حيدر عيسى البديري
12
باجر اودع للسبي
ما امشي ارد احبي حبي
وبگلبي جمره
انه العليله وشصطبر
طفيته بگليبي الجمر
من ناري حمره
مكسوره ارد وي الزمن
يا ريته لفاني الكفن
ولا هاي نضره
انضر مشو كل عيلتي
وخلوني انه وحيرتي
خاوتني عبره
لا هيه ساعه من العمر
واصبر وكولنها تمر
وتنتهي الحسره
بابي من ادفعن جن لحد
مو بيت جن خربه اصد
ميت بكبره
لا والله يا محله الگبر
ولا رمشه اگعد وانتضر
تنتهي السفره
وادريها ابد ما تنتهي
اله بگتل حرگ وسبي
وعماتي اسره
يمشاً يدخلاً عالزلم
بين المجالس مو حلم
بالگلب كسره
بنت الشيم متگيده
ويضربها سوط من العده
مهضومه حره
اسره ويفر بيها الدول
بنت النبي وخير العمل
تمشي عله امره
مالت الدنيه بلا وزن
وتجوم بحضني الحزن
هالدنيه غبره
#حيدر عيسى البديري
13
قصيدة لسان حال زينب عليها السلام تخاطب العباس عليه السلام
تكفلت خدري وجبتني من المدينه
تالي بالغـربـه عفتـنــي. ياولـيـنـــــه
آنـه زينــب يالكفيـل
حايره ودمعي يسيل
ياولينـــــه
آنه زينب ياكفيلي خويه ياراعي الشيم
من المدينة يالجبتني وبيدك يرف العلم
ناگتي بيدك گدتها والخدر بيك انحشم
چفوفك البارتني خويه تفايضت غيره وعزم
ما نظر واحد خيالي. من جبتني
عايشه بعزّي ودلالي. وكفلتنـــي
ياشبل حامي الدخيل
آنـه زينــب يالكفيــل
ياولينــــه
حگي اعتب يابوفاضل يالجبتني بهيبتي
شلون تتركني غريبه وماتگوم لنخـوّتـي
بعدك العدوان تدري خويه حرگوا خيمتي
خويه ياعباس تقبل سلّبوا كل عيلتي
تقبل الشامت يسبني. ياكفيلي
والشمر يمك ضربني. آ يويلي
مامنعت اللي يعيل
آنه زينب يالكفيل
ياولينــــه
شگد ندبتك ياكفيلي خويه يالوالي ونخيت
گتلك الشامت سلبني مامنعته ولا اجيت
يابوفاضل عالشريعه موذر ودامي بقيت
غيرتك تقبل يخويه من عگب عزي انسبيت
لا ولي ولا خيمه ظلت ماشفتني
والمصـايب بيـه حلت. من عفتني
مابقه غير العليل
آنه زينب يالكفيل
ياولينــــه
من كثر همي اجيتك ياگمر للمشرعه
شفتك موذر يخويه والچفوف مگطعه
راسك مهشّم اشوفه ياعظم هالفاجعه
جيتك وياك ارد اعاتب والجفن صب مدمعه
جيت اذكرك بالوعود. وگلبي ذايب
شفـتــك بلايه زنـود. عله التـرايــب
همي بغيابك ثجيل
آنه زينب يالكفيل
ياولينــــه
آنه ياعباس اجيتك والگلب يلهب جمر
حرگوا خيامي عليّـه انهض ولا تعتذر
گبالك واصرخ يخويه تقبل يسبني الشمر
لا تگلي صبري خويه مابقه عندي صبر
خـويـه ياعبـاس وينـك. رد عليّـه
گوم خل تنظرني عينك. هالمسيه
لليسر صار الرحيل
آنه زينب يالكفيل
ياولينــــه
آنه ياعباس زينب آنه بت سيد الرسل
شلون تقبل يبوفاضل آنه اركب عالهزل
للسبي چتفوني خويه حايره ودمعي يهل
ماگمت ليّه عجيبه ومرّت عليك الإبل
من عله النوگ اعتنيتك. يااملنه
ماگمت ليّــه بحمـيـتـك من رحلنه
والشمر صار الدليل
آنه زينب يالكفيل
ياولينــــه
خادم زينب عليها السلام
سيد زيد الفحام
_________________________
14
كالو نعيد السبي بزينب حجو
الشيعه فزعت يمها للموت انتخو
وين من گال ارحلي
عله زينب بت علي
الشيعه فزعت يمها للموت انتخو
......
ركض خلينه الصدر يم الصدر
ساتر الزينب فديناه العمر
هبت الفاله والزنود السمر
وينه من كال عله زينب خل يمر
خل يمر بس بيده وياشر عليج
افكس عيونه باصابيعه اليجيج
خل يجي يعاين الي
وينه من كال ارحلي
عله زينب بت علي
الشيعه فزعت يمها للموت انتخو
......
عفنه كلشي ويمج انطينه الحياة
احلى من الشهد حبينه الممات
رافعين الروس شهدنه الصفاة
بس حنيناها يزينب للصلاة
ناذرين الروح يم بابج فداء
يموت واحد يفزع يبدله لواء
كلوبهم تغلي غلي
وينه من كال ارحلي
عله زينب بت علي
الشيعه فزعت يمها للموت انتخو
......
عَّيِنهَ لداعش طلعناله الحشد
حكمه من سيدنه نضمها ابند
بالكفائي فتوته لجفنه تحد
جان هدينه حصدناها حصد
نهد كلنه سيوف ادينه مشرعه
انادي زينب كلنه راعي المشرعه
المرقدج نملي ملي
وينه من كال ارحلي
عله زينب بت علي
الشيعه فزعت يمها للموت انتخو
........
وحگ زينب ما يمر زينب شمر
الكال ارحلي السانه نجوي بالجمر
مره صارت حكمه مره بهالعمر
جرح بينه ولحد هاللحضه يدر
انسبت مره وهاي ما تحصل بعد
بالارواح الشيعه خطت هالوعد
ابيتج انتي اتدللي
وينه من كال ارحلي
عله زينب بت علي
الشيعه فزعت يمها للموت انتخو
......
كل عبيدج كامت تشد اللجام
مثل جون وعابس انأدي السلام
بالدمع نحجي وگطعنه احنه الكلام
نطلب احنه الموت اجيناه بغرام
عله بابج جينه نتمنه الاذن
جمر نبجي حرگه يحرگ بالجفن
يا سمانه زلزلي
وينه من گال ارحلي
عله زينب بت علي
الشيعه فزعت يمها للموت انتخو
......
حيدر عيسى البديري
15
يا زينب يا زينب يا زينب
....
للمصايب دوله صارت روحج
بالجرح كامت تداوي جروحج
شفتي جم قمة جبل بصروحج
شكد يزينب عشرتج وي نوحج
يا زينب يا زينب يا زينب
......
جدچ وفاطم وحيدر علعله
منهو مثلج عينه شافت كل هله
واحد لواحد يوصي لمقتله
وانتي تتوصين كل العايله
يا زينب يا زينب يا زينب
....
تكفي وياج المصايب بالطفوف
احجي اكولاً منهو ولياهي اعوف
احجي عن خدرج يزينب والجفوف
لو احجي النار وشمر يمها يطوف
يا زينب يا زينب يا زينب
...
اه زينب شفتي اخوتج عالتراب
يفز من وجوهم نور الشباب
ساعد الله شحمل كلبج هالعذاب
يهد والله الكون لو مره المصاب
يا زينب يا زينب يا زينب
....
اخ يا زينب هزلهم والسبي
ونار همج اشد من نار العبي
يشيب يا زينب تره راس الصبي
من يشوفج بالمشي مشي الحبي
يا زينب يا زينب يا زينب
.....
عالمجالس يدخلونج والكلام
سب يزينب وانتي بت خير الانام
لو ضَرب سوطه عله شفاف الامام
حتى سوطه يصيح يا دنيه حرام
يا زينب يا زينب يا زينب
.....
حيدر عيسى البديري
16
زينب ( ع ) مع الامام العباس ( ع )
عالنهر جيت اعتني هناك
ايد بيد ارد امشي وياك
كوم يا بدر العشيره
جيتك بحسرة اسيره
ايد بيد ارد امشي وياك
...........
لو عذر جفينك تكول .. جفوفك وياي علجفي
ارد اركبهن عالزنود .. العلكمي انه وياك نجفي
وارجع المهيوبه وياك .. وتمسح اثار البجتفي
بس الك انت الكفاله .. تلوك الك انت وتوفي
الكافل انت تلوك ليها
الك بس يحله حجيها
اتگودني بجفك اميره
جيتك بحسرة اسيره
........
وامشي مهيوبه عله طولي .. اختك ومن حگي هاي
يابدر للدنيه تعتم .. للستر ترجع لواي
وتعرف المر بخيامي .. والصحت من سوطه اي
والضحك من صحت بأسمك .. واشر ويضحكلي جاي
ارد ارد من نمشي اثنين
تعمي عينه اليرفع العين
اتلقبت جلمه جبيره
جيتك بحسره اسيره
......
الليله مو للحرمه تطلع .. امشي وحدي هاك اديه
كوم ليه بهاي الدروب .. الخوف راواني المنيه
حرمه اجيتك كلبي مجنون .. كوم حط صدرك تجيه
ما ارد وحدي للخيام .. شحجي تنتظرك رقيه
عالدرب گعدت والعيون
تشبح گبال اليمرون
صبري ياخويه اخيره
جيتك بحسره اسيره
.......
نرجع نطفيها الاخيام .. ونروي العيون بنظرها
نلم هاشم من الطفوف .. العيله ترجع وي علمها
يوگف حسين بوسطنه .. والاهل ترجع زلمها
گوم يا خيال الطفوف .. حقق الروحي حلمها
روحي ماتحيه بعدكم
كومو رفولي بعلمكم
كلبي يصرخ من يجيره
جيتك بحسرة اسيره
.......
حيدرعيسى البديري
17
كاني بمولاتي. زينب عليها السلام وهي عئ هودج العز عند قدومها من المدينه الئ ارض كربلاء نامت لحظات معدوده وقد رئت رؤيا اذهلتها ففزعت مرعوبه وفتحت عينيها لترئ بطل العلقمي امامها
/////////////////////////////
غمظت نص الطريج********فوگ هودج عزتي
عاينت عباس مرمي******وانه اطفي بخيمتي
طوح الساني بنعي*****ركظه جاني بلا وعي
وانه اطفي بخيمتي
******************
اسم الله يازينب يگلي**-*وعينه تتجادح شرار
لا تخافين اني يمج*******بيه حيدر والفقار
يخزر الهودج بعينه******ايگله قدملهه اعتذار
وكون ما ترظه ومحمد*******ما اخليلك قرار
انه موجود وتعيل******بختي ولسانك طويل
فوگ راسه اتربعي*****ركظه جاني بلا وعي
************;*****-
گتله يا خويه وحياتك*****حلم راودني ونعيت
گلي هذا منين طبلچ****وانه گدامچ مشيت
من سمحله وياهو گله****وانه عنچ ما بطيت
من وره ظهري يجيكم *عاينت وجهه وبچيت
بيده يمسح دمعتي***ايگلي انتي بذمتي
عفيه خويه اتسبعي****ركظه جاني بلا وعي
***************
اشفتي يا زينب يگلي*****انه اخوج وغيرتي
تكفي كل هاي الخلايق****وانه اظل بهيبتي
من طلعتي وياي گتلج *انتي والله بشيمتي
لا تهمين بوجودي**اجيوش تكتل خزرتي
بيمنتي رف العلم********وانه كدامج اشم
اسحگ جيوش الدعي***ركظه جاني بلا وعي
******************
دمعت عيني وگلتله****خويه شفتك علنهر
مگطعه وصالك يعزي****والجسم منك وذر
وچن شفت نار وحريجه**وانه اصيح امن الخطر
بطيحتك فوگ الشريعه**ظهر الحسين انكسر
وحده ظل بلا سند*******والاشد من الاشد
يسعه لمصابك سعي***ركظه جاني بلا وعي
*-****************
اتبسم بوجهي ويگلي**حته لو نفرض صحيح
حلمچ وكل هذا يحصل**وانه علشاطي طريح
بس گبل هذا وحياتج***شوفي من بيهم اصيح
لو خزرت الجيش خزره**چم كتيبه الهم تطيح
گبل مدخل للحرب*****يمشي گدامي الرعب
بطبعي گال اطبعي****ركظه جاني بلا وعي
******************
افترت الايام بيه******* الشفته صار بكربله
علنهر طاح الكفلني*****وانه اباري العايله
عگب ما فرهه بيمينه****وخظع اوحوش الفله
يسحگ الجيمه بكبرهه***وهوه يقره الزلزله
رتل بسوح الحزم******ابو فاضل والنعم
بيه گال اتگبعي******ركظه جاني بلا وعي
//////////////////////////////
فاضل الغريباوي
18
تأخذني اهات الصبح
واصحه الكة روحي بنص جرح
بالطف وحيده بكربله
حرمه واجرلي بعايله
واصحه الكه روحي بنص جرح
....
تأخذني وي طيف الفجر
صوت الاعادي بضحكات
اصحه الكه روحي بلا وطن
وتوصه بس بالصيحات
عباس اموت بنضرته
وحسين ينطق كلمات
يا خويه ساعات الرحل
يا خيتي وي اللحضات
انضر اشوف بنضرته
اعيونه تحضن بخوته
ونضراته اليه مبهذله
حرمه واجرلي بعايله
واصحه الگه روحي بنص جرح
......
اه الشفت ما ينحجي
شفت الگمر وي الشمس
شفت الكواكب عالارض
شفت اليحس ما ظل يحس
ضوه الشمس ما يننضر
وكل الهوه ما ينفس
شفت العجب في كربله
فوگ الثره ظل يلمس
حتى الدمع اصبح جمر
ينزل عله خدودي يجر
وحدي شفت هذا البله
حرمه واجرلي بعايله
.....
شفت العبي وي الخيم
تحملها نفس الاثار
انه وبنات ال النبي
نتگبع بساري النار
لذنه بكتر يستر كتر
حتى الستر منه احتار
ظل يحترگ منه الجسد
ولا نحترگ بالانضار
عن الستر هذا الدرس
لازم نسولف للنفس
خل تسمع الي مدلله
حرمه واجرلي بعايله
.....
اه البعد ما ينجرع
لو فارگتلك واحد
الله يساعد حالتي
من الشباب شگد عد
كلهم نبع غصن الورد
فوگ الثره عين تصد
وانه انسحب فوگ الرحل
بدموعي وسياط ابعد
صوط انضرب فوگ المتن
ويزيد اذا احن واون
ياهو اليحل هالمسأله
حرمه واجرلي بعايله
....
وادخل مجالس عالزلم
بت الخدر وأم الخدر
ما شفت عمري بلا ستر
كمت ادخل لمجلس كفر
انه الخيالي وي النجم
تتغشه اذا ردت اني امر
ادخل واسولف وانسمع
من بعد اهات ويسر
صوتي التحرم عالسمع
شاله الهوه بنوح ودمع
يتگاطر وانضر اله
حرمه واجرلي بعايله
...
حيدر عيسى البديري
19
اوقفوني ـــــــــــ ودعوني ــــــــــ لن تروني
الله واكبر
جثث عل غبرة صفيتووانه وحدي محيرة
يل اجيت اوياكم انه وجنت كبل امخدرة
هسه وين انتو صفيتو واني امشي ميسرة
صحت وابصوتي حسرتي ليش نتمتو اعله الثره
كلموني * انقذوني * اوقفوني
ماعدت اقدر
صعدوني اعله الهزل والله ودموعي جرن
كوة اعوفنكم ضحايا بالسيوف اجزرن
دارت اعيوني عليكم وانحده وسار الضعن
وين اخوتي كمت اصيحن والخيم توهن طفن
سامروني * صبروني * والحال يخبر
شلون اروح ابغيركم وابقه انه حرمه الوحدي
ياهو اليصعد المحامل ياهو اليكض ساعدي
ياهو اليصبر عليه والوكت كلش ردي
هيجي امشي بلا اخوتي والعده بيه اتحدي
رافقوني * بل عيوني * اوقفوني
لاحال يصبر
هذا الكبر عفته نايم والسيوف اتكطعه
ذاك عباس الحماني عفته فوك المشرعه
شما تصد عينه عليه عينه دم امدمعه
وهذا عبد الله رضيعك لوكعد من يرضعه
سالوني * خاطبوني * اوقفوني
لاشي يضهر
ذاك جاسم والمناية زفته بنبله ورمح
وذاك اخوي حسين ضامي بيه الف مية جرح
من شبك سيف المنية منحره وصار الذبح
هم دره بهاي العوايل باجر اتعوفه الصبح
ياخذوني * ياسروني * اوقفوني
والقوم عسكر
20
يحسين الزمن عكبك تولاني
يافي اليفي أخلاف خواني
.....
يحسين الدهر شمسوي بحوالي
جنت الاوله هسه صرت تالي
مجتوفه صفيت وشمر يبرالي
جتفوني بحبل بس فلو احزاني
......
مجتوفه واعاين بالكلب حسره
يانار الدليل الوجرة حمره
كل ساعه رقيه تنسطر سطره
وين انه الوكت بجفاك وداني
....
وداني غريبه وادخل الكوفه
والكافل عفتها عله الثره جفوفه
مخطوفه بناتك خوف مخطوفه
ماتنهض يخويه تكول هذا اني
.....
ماتنهظ علينه العيله محتاره
وخلافك دليلي تلتهب ناره
ياجاره بعد يحسين ياجاره
مسبيه صفيت الليله عنواني
.....
مسبيه واجر بذيال راحلتي
ماتخلص اظنها بعيده سالفتي
باجر يم الاه الكون محكمتي
وانصبها العزيه واندب اشجاني
....
انصبها العزيه وابجي ابراحه
ويطيب الدليل وتنشف جراحه
ياهو الكال عكبك انه مرتاحه
تظل جلمة اخو متفارك لساني
......
علي الحاج الصبيحاوي
21
(محمد الابراهيمي)
قصة الحبل وصعدت الهزل
دمعتي تصيح وين ابو الفضل
ـــــــــــــــــــــــــــــــــــــــــــــــــــــــــــــ
قصة جفوفي وحبلهن مثل نار خيامي بيـــــه
شلون لو طارت عباتي و انـي مجتوفات اديه
ناكتي ما بيها همه وتعثر مـــن سياط اميـــــه
يا حبل عشت ويه اديه من الصبح حد المسيه
يا راعي العلم المفصل بي الم
والله تألمت وين ابو الفضل
ـــــــــــــــــــــــــــــــــــــــــــــــــــــــــــــ
ابد ما جنت انه افكر الصعده و النزله شنـــــي
جان ابو النوماس حاضر بصعدتي شكد ينحني
جان لازم كلشي بيـــــــــده بس أأشر يعتنــــي
رحت يا كفال خدري وسافــــي ما اضن ينبني
والبنيته راح بطلعة الصباح
بروحة النهر وين ابو الفضل
ـــــــــــــــــــــــــــــــــــــــــــــــــــــــــــــ
شكد يطير البال بيه ويرجع بصوط العدو
حسبت مو زينب انه اسأل بروحي منــــو
ينسه كـــل ايام عمره والله اليفارك اخـــــو
وانــــي كلهم فاركتهم وانكطع خيط الدلـــو
اسمع الهتاف طكة الجتاف
الصوط اسمعه صاح وين ابو الفضل
ـــــــــــــــــــــــــــــــــــــــــــــــــــــــــــــ
اخ يا صفنة عيوني شكد مواقــــــف تنجمــــع
مهد خالي وجاي اهزه ويمه صينيــــة شمــــع
وليش بس أربع اصابع سلبو حتـــــــى الصبع
عاري صدرك يا حبيبي خالي شو مابي ضلع
يهمل الضلوع واهمل الدموع
ونظرتك تدور وين ابو الفضل
ـــــــــــــــــــــــــــــــــــــــــــــــــــــــــــــ
كل حياتي بغير اخوتي ابد ما تسوه النـوه
جنت اشتم صدر اخويه ابد مشتم الهــــوه
لو عضو مني يتألم لمة اخواني الــــــدوه
علي الأكبر جان يمي بعد محتاج الضوه
رايح الضياء ضلمه كربلاء
بروحي تيهيت وين ابو الفضل
ـــــــــــــــــــــــــــ
محمد الإبراهيمي
22
علي الحاج الصبيحاوي:
السيده زينب تخاطب الشعراء والرواديد.
......
علي الحاج الصبيحاوي:
انه زينب ياهو الذلاني
عود بالسوط الشمر اذاني
ماكدر يوصل الي ... انه بت حيدر علي
انه زينب يا هو الذلاني
ـــــــ
ياهوالناقل علي هذا الخبر
شلون وصفتوني امشي بلاخدر
شلون كلتو زينب اترجت شمر
انه اخت عباس ماهمني الكفر
ماتوسلت الطغات ..ثوره قدناهه ابثبات
حسين خط واني خط الثاني
ــــــــــ
ليش كلتو طلعت ابنص الزلم
تمشي مذلوله كسيره من الهظم
الكال هاي الكلمه ماظن يفتهم
ولاعرف معنه البطوله والعزم
بيش شفتو ذلتي ..الله طالب اخوتي
وحيدر الهذا الامر رباني
ــــــــــــــ
والله ذليت الجيوش ابهيبتي
محد اجاسر يطب الخيمتي
اني اتحداه الشايف دمعتي
لايظل ابكيفه يشرح حالتي
لايصورني ابدمع ...زينب وتحني الظلع
بالرغم كلهم كظو شباني
ــــــــ
ليش وصفتو الدمع والونه بيه
وكام كل واحد يجي ايفصل عليه
من رحت لشام مو حرمه وسبيه
رحت اخط اهناك احروف القظيه
اكتب بدم الوريد ...لن نساوم يايزيد
هذا تكليفي الله بيه خلاني
ــــــــــــ
عجبه اشلون النطق عني الصفات
وصور ابزينب دموع وساكبات
من العطش تبجي اتوسل بالفرات
مادرو هوه الطلب منه الحيات
احنه ماهمنه النهر ...ردنه انوضح الصور
حته يستوعبه قاصي وداني
ـــــــــــ
انشلت ايده الكال سلبوني الحجاب
والستر عدنه اله مليون باب
راح اسولف فنه اليرد الجواب
ليش عفت احسين نايم عل تراب
وليش رحت اويه الرؤؤس...واسحك اخطاروادوس
حته يتصدق اثر برهاني
ـــــــــ
ليش فوك اجروحنه اتحطون نار
ايجيب روحه ايحطهه ويخط الصار
احنه مظلومين في وضح النهار
والضلم عده وعبرحته المدار
انظلمنه بالطفوف ...هسه تظلمنه الحروف
الماكتب زينب حقيقه هذامن عدواني
ــــــــــــ
علي الحاج الصبيحاوي
23
#رئيسية
بسم الله الرحمن الرحيم
دنيه ظلــمه واليـــــــتامى بلايه خـــيمه ياكـفيلي
دنيه ظلـمه والـﮔمر إنته وغبت وشيـﮔضي ليلي
خيمه سوي رايتك أخـــتك ومحتاجتك
*
بالأخــــو اتلوذ الأخـــت وبهايه تعلم
مــــــــن تظل ابلا أبو او لاولـد لاعم
وانته ريحت خوتك لجــروحي بلسم
واخـــــتك ابهيمه بقــــت وابلامخيم
واعرف بهاي صعبه حيل اعليك كل ﮔلبك مَحـنه
شوف عيناي اترد يريت ݘفوفك وتنصب خيمنه
خويه وانه ابعازتك أخـــتك ومحتاجتك
*
دمعي مــن يجــــري يسولفلك سـوالـف
ݘم يتيمه وݘـــــم يتيم ايـــنوح خــايف
ݘم طفل ضامي يخــويه وريـﮔـه ناشف
واحنه أهل الغوث واحنه اهل المضايف
خـــويه ݘـنه نطـــعم المسكين ونباري اليتامه
ابوليّه صرنه لاݘـــــن انظل للأبد أهل الكرامه
وإلنه زمزم يمنتك أخـــتك ومحتاجتك
*
بعازت الأخــــوه أريـد اخـواني يَمي
تدري محد ݘـان يعرف خويه إسمي
امخدره كل عمري مـثل الزهره أمي
صعبه لــــمن انسبي وبالـسبي همي
لوﮔضه اللــيل خويه للكوفه سبي أمشي واعوفك
مدمعي ايسيل مــــن يݘتفون اليتامه اذكرݘفوفك
منهه تـــﮔطرغيرتك أخـــتك ومحتاجتك
*
اشلون اعوف حسين عالغبره يعباس
وعالرمح قران خويه ويعتلي الـراس
الكربله من جيت إنتم إلــــــي حـراس
ودربي بيدك ينفرش بــالـورد والياس
بالهــــواشم ضعني ݘان امحاوط ومحملي هيبه
دمعي ساجم من بعدكم خويه مهــظومه وغـريبه
هيبتي من هيبتك أخـــتك ومحتاجتك
*
ماتقصر خـــــويه يل كـــــــلك حـميه
راسك اعله الرمــــح وعــيـونك عليّه
اتأمِن امـــــــن اتشوفك الطفـله رقيه
ومنهه محــــد يقــــتـرب من آل اميه
تــــفزعلهه ابنــــظرتك خويه عليهه لمن اتصد
حارس الهه خويه لاݘن تنضرب من عنهه تبعد
تݘوي ﮔلبك فرﮔتك أخـــتك ومحتاجتك
*
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله
الشاعر حيدر كريم جار الله الكربلائي
24
#رئيسية
خويه خويه اعداك اجوني-- حركَو اخيامي وسبوني
وينـك ألحكَ ياكفيلي
يانظر عينــي ودليلي
خويه ............... خويه
**** **
يـاعبـاس أنـادي ابدمعــــة الأحزان
يخويه ألحك ولتنه اتباع ابوسفيان
ياريحت علي ويازهـــــرت الخـوان
كَــوم انظـــــر يكافل مابكَت وليان
خويه ماراعو وضعنه-- نحجي وياك ابدمعنه
حشمت رتك تجيلي
يانظر عيني ودليلي
خويه .............. خويه
*****
كَتلي ارجـــع يزينب راح اجيبن ماي
وعلى دربك زرعت اعيوني يارجواي
تنطرتك تجي ويبـــرد لهيب احشاي
يامـن واعدتني العمــــر تبقه اوياي
عالنهر كَطعو يمينك-- بالسهم مطفيه عينك
هدمو ياخويه حيلي
يانظر عيني ودليلي
خويه .................. خويه
*******
مريت ابمــواقف منهه شـاب الراس
جسم حسين شفته بالخيول انداس
فوكَ التل صحت بدمــوعي ياعباس
أبـوالسجــاد اخـيك ذبحته الأرجاس
لنه رد صوتي عليه-- ايكَلي اخذتني المنيه
كَمت أون وصرخ يويلي
يانظر عينــــــي ودليلي
خويه ..............خويه
*****
مــن حركَو خيمنه وهجت الرضعان
تمنيـــتك تجينــه يـا بــدر عــدنـان
حرت بين اليتامه اوروحي والنسوان
غربه احنه وبقينه ابوليت العـــدوان
حايره وما عندي اخوه-- وعل متن سوط ايتلوه
مابقالـي بس عليلي
يانظر عيني ودليلي
خويه ............... خويه
******
شفت راسك يخويه عالرمح مرفوع
يصدنه ابحنان وعينه تجري ادموع
ون كَلبي اشكثر بس ونه مامسموع
اخاف اظهر ونيني ويسمع المفجوع
ونتي صارت خفيه-- عنك اخذوني سبيه
ابحزني ابد مامر مثيلي
يانظـــر عينــي ودليلي
خويه ................ خويه
******
الخادم
كامل السعيدي
25
#مقدمة
نادينه يا زينب يا زينب يا زينب
صوتنه بعبره اختنك من يذكرج
ليش مدفونه بغرب مو يم هلـــج
كلوبنه تلهب صفت وي محملـج
جمره فوك الخد الج هلينـــــــــــه
نادينه يا زينب يا زينب يا زينــــــب
منهو غمض عينج وسبل ادييج
ناس غربه مواهل تبجي عليـج
كافلج معذور لمن يعتنيــــــــج
واتني شفتي اعالنهر جفينـــــــه
نادينه يا زينب يا زينب يا زينـــــــب
ياجفوف الهالت عليج التــــــراب
يا بشر يحمل لون شاف المصاب
وشاف فوك متونج اثار العــــذاب
منهو يحمل لو يشوف ابعينــــــــه
نادينه يا زينب يا زينب يا زينـــــــب
يلي ثوبج صارعنوان الصبــر
ياكلب عندج عجب ماينصهر
همج اليبرالــــج لحـد القبــــــر
يل عقيله همـج يأذينــــــــــــه
نادينه يا زينب يا زينب يا زينـــــب
بينه جمره من الحزن ماتنطفي
والدمع اثاره لاما تنخفـــــــــي
لو بجينه العمر ﻻ ما نكتفـــــي
لجلج بدمع الحزن خطينــــــــه
نادينه يا زينب يا زينب يا زينـــــب
الشاعر ظاهرحبيب الهليجي
26
#رئيسية
زينــب انه شفــت الاه --- ضيــم الدهـــر ما انساه
ما تنوصف الامي
ظيم الدهر كلبي انعاب --- فاركني من اغله احباب
ما تنوصف الامي
---
اول علامات المحـــن --- بعيوني شفت ام الحســــن
عشت انه وياهه المنيه
طفله وشفت هذا الوضع --- من كسرو الامي الضلع
وحين السطر عين الزجيه
اصرخ وصيح بمدمعي --- لا تضرب امي يل الدعي
وحيل اضرب الراس ابأديه
يا دهري منك جم سهــــــم --- منك فلا ينفع نــــــــدم
لحظاتك البيهن منيه
ما تطفه نــار البحشـاي --- ليوم الحشـر تبكه اوياي
ناري اوينار اخيامي
حتى الدمع صار خضاب --- فاركني من اغله احباب
ما تنوصف الامي
بعد الحصل والي جـــره --- فجعوا دليلي بحيـــــدره
وهذا الابد لا ما حسبته
شفته انه فايض بالدمـه --- وخضاب غير مرسمـــه
بعيوني شفته ماعرفته
فاركني وانه بعازتــــــه --- شفت المرار بغيبتــــــه
لشده حيدر انه ردته
ابعبره اصيحن يا علي --- تتركني وحدي يل الولي
كلبي بغيابك هل جرحته
صارت مرار الايام --- ظلينه من بعده ايتام
منهو العلينه ايحامي
بشبه الجمر صار الهاب --- فاركني من اغله احباب
ما تنوصف الامي
---
ثالث مصيبه من الدهــر --- دلالي من عدهه انفطـر
جبد الحسن بالسم تكطع
سبط النبي خير العرب --- نعشه بسهم ليش انضرب
انظر وحس كلبي تصدع
لا تدفنوا من لا احـــب --- صوت الفتن منها نــــدب
اعيوني تدمي وانا اسمع
ظيم وهموم محملــــه --- جني اعله نوح امعلمـــــــه
بهاي المأسي روحي ترتع
عل الاه اشبن والويل --- بعيني النهار اصبح ليل
نوح اصبحت ايامي
جبدي ويجبدك ينصاب --- فاركني من اغله احباب
ما تنوصف الامي
موقف رهيب اتصوره --- شفت الحسين اعله الثره
عالغبره عاري ويجري دمه
لا من معين ولا سنـــد --- اي والذي واحد احــــــد
محتاره جسمه شلون المه
بيا عين اصد للمشرعـه --- وعيوني شافت مصرعه
حسره ابدليلي كون اشمه
بالطف شفت ذبح الاهل --- ولشام اروحن عالهزل
بعد البدور الدنيه ظلمه
عمري خلص بالوعات --- وانفاسي صارت حسرات
لجل الذبيح الظامي
بالطف صفه الهم حجاب --- فاركني من اغله احباب
ما تنوصف الامي
---
هاي انه اسولف قصتــي --- موتي يصير بغربتــي
لا واحد منهلي حضرني
لا يمي ام ولا ابــــو --- ولا حاضر بدفني اخـــــــو
موتي بغرب هذا الهظمني
خلصت حياتي ابهل الانين --- راوتني اهات السنين
حتى الصبر مل وجزعني
يا كافلي ريتك تجــي --- بهذا المصاب انه ارتجـــي
واشكيلك امن الي ظلمني
انه ابأواخر انفاس --- ولساني يلهج عباس
اقبل ولو بحلامي
يحضرني ويهيل تراب --- فاركني من اغله احباب
ظاهر حبيب الهلجي
27
#رئيسية
راس عباس اليحاجيني و الحسين
خيتي عينج عالدرب لالا تـــعثرين
كلي خوية صبري
هالنوايب تجـــري
لحد رجـعتج للمديــنة ما تهجعين
〰️〰️〰️〰️〰️1〰️〰️〰️〰️〰️
خوية خوية.. شكد صعب راسك تشوفه عيوني
خوية خوية.. ريـــت هاي اللحظة لو ذبحوني
خويه خويه.. اخجـــل من كبالـــك يضربوني
خوية خوية.. ادري تاذيـــك الدمـــه البمتوني
مدللتـــكم انه يخوانـــي يطيبين
عكب عزي صرت بيدين الملاعين
يبقه الاعظم خدري
هالنـــوايب تجـــري
لحد رجعتج للمـــدينة ما تهجعين
〰️〰️〰️〰️〰️2〰️〰️〰️〰️〰️
دمعة دمعة...بشيلتي يا خـــوية عن وجهك شلتهه
دمعة دمعة... بيـــهه السياط اللي بيـــدية ادفعتهه
دمعة دمعة...تسولف الصرخة اللي من سكنة سمعتهه
دمعة دمعة... من تنـــادي بويـــة بـــنتك يتمـــتهه
الهضيمة من عكب عينك يالحسين
عداك مارحموني منعو دمعة العين
اشكي ضيمي واسري
هالنـــوايب تجـــري
لحد رجعتج للمدينة ما تهجعين
〰️〰️〰️〰️〰️3〰️〰️〰️〰️〰️
لوعة لوعة...من وصلنه الكوفة دلالي شعبته
لوعة لوعة... بمجلس ابن زياد من طبينه سكته
لوعة لوعة... خله ابن زياد راس الولي بطشته
لوعة لوعة... والعصه تبجي بالم تقبله اعله شفته
شلون اعاين عالطشت خوية يالحسين
اتذكرت طشت الحسن و الجبد نصين
شسوة بيه دهري
هالنوايب تجري
لحد رجعتج للمدينة ما تهجعين
〰️〰️〰️〰️〰️4〰️〰️〰️〰️〰️
ذكرياتي... مرت كبالي يعبـــاس من انظرك
ذكرياتي... بالطفولة انه اللي ربــيتك بزغرك
ذكرياتي... بحضني من تنام عن خدري اخبرك
ذكرياتي... و هسه راسك عالرمح لازم أعذرك
اسمعك خوية تناديـــني لتبـــجين
اتطمني راسي يخيتي وياج هالحين
خدرج هو خدري
هالنوايب تجري
لحد رجعتج للمدينه ما تهجعين
〰️〰️〰️〰️〰️5〰️〰️〰️〰️〰️
بصوت الاحساس... شفافك تتمتم حزن يختي العباية
بصوت الاحساس... لا تخليهه تميل و سمعي هاية
بصوت الاحساس... زينب و اسمج ستر لكل البراية
بصوت الاحساس... ابقه كافل للخدر رغم المناية
يكلي صح راسي اعتله خويه تشوفين
لاجن تحاميج عيني و عيـــن الحسين
يبقه يسعر جمري
هالنوايب تجري
لحد رجعتج للمدينة ما تهجعين
〰️〰️〰️〰️〰️6〰️〰️〰️〰️〰️
زاد وني... من دخلنه الشام خلونه بخرابه
زاد وني... طفلة حسين اللي عذبهه غيابه
زاد وني... فزت و صرخت تنـــادي آيــيابه
زاد وني... جابو الراس بطشت و الدم خضابه
صرخت بحســرة منو حز الوريدين
ياهو خضب لحيتك بالدم يالحسين
ماتت و ماتدري
هالنوايب تجري
لحد رجعتج للمدينة ما تهجعين
〰️〰️〰️〰️〰️✨〰️〰️〰️〰️〰️
✍🏻ذكرى الخفاف
4/8/2017
✿〰️✿〰️✿〰️✿〰️✿〰️✿
28
#ابوذية
طفوف هموم بيها من طفاها
الخيم بالنار وجت من طفاها
جسد عباس زينب من طفاها
سعتلك للنهر تمشي سبيه
..........
الشاعر
اياد الفرح التميمي
29
#ابوذيات
زينب عالهـزل ونت وناحت
ونين البلصخر فتت وناحت
يا جف الوجه يستر وناحت
صوبك والدموع تفيض هيه
.........
هدم ركني مصاب حسين ونهار
وعلى الخوان اونن الليل ونهار
تفيض شطوط دمع العين ونهار
ويريت وياك تأخذني ألمنيه
.........
الكفل خدري ابن حيدر وحيده
غريبة ولا أهل عندي وحيده
نبي جفوفه انكطع مني وحيده
أنذبح ماضل بعـد يسال عليه
.........
انه غـلامك إمامي من عبيدك
فقري بجاه زيـنب من عبيدك
منو الكطع جفوفك من عبيدك
يبو فاضل بجت ليك الزجيه
.......
العدل بعـدك يخويه مالبينا
الشـمر يأمر علينه مالبينا
العلم عـباس طايح مالبينا
أصـيح وما ترد انته عليه
.......
يخو زينب سبو زينب متنها
وأنين ونين ضل أنها متنها
لا لتشوف أبو فـاضل متنها
تفور الغيرة وجفوفك مهيه
.......
عجب جودك يخويه من لفاني
الـعـلم يمه سبـوني من لفاني
جواد حسين شفته من لفاني
يصيح هناك طاح ابن الزجية
.........
الشرف والغيرة أبو فاضل بنلها
الـزجية الطـاهرة تحـسبه بنلها
وتـشوف حـسين بجفوفه بنلها
اخـو زينـب كمر للهـاشمية
..........
ألوفه نال الشرف كله بجلها
وحـيـدة ولا ابـن يمها بجلها
تون لحسين وتنـادي بجلها
فـدوه انه إلك يبن الزجيه
..........
المصايب نزلت بزينب تركها
ألكفلها مو سهل عنده تركها
عجب يسبوها خلالها تركها
وحـدها بالغـرب ضلت سبيه
..........
الشاعر
أياد الفرح التميمي
30
#ابوذيات
سبونه خلاف عينك ونسبينه
يجيني البـيـن خـويه ونسبينه
ونموت ويـاك ردنه ونسبينه
ولا يحـدي الـشمـر بيه سبيه
...........
عيني من الدمع هلت منهلاي
وحيدة وماحضر يمي منهلاي
يعبـاس العـذب بعـدك منهلاي
خـلافـك هالنفس يحرم عليه
............
شمر يحرك خيم زينب وجاها
الهي بكسر ضلـع أمي وجاها
تصيح الغـوث يا حيدر وجاها
شحـده اليـاخـذج بنـتي سبيه
.........
الـدموع تفيض مني من شفاها
جروحي بغير شوفه من شفاها
النذل يضرب أخـويه من شفاها
وجـدامي يسب حـامي ألحـميه
.........
العـقيلة ورثت مصايب ورمها
المتون بسوط يضربها ورمها
ومنو الها فـزع بألطف ورمها
يخـلصها مـن أحـبال الـرزية
........
منو ألزينـب يبو فـاضل حملها
وتـشيل اجفـوفه بالشدة حملها
شمر يا وسفه من ردت حملها
وعـلى الهزل يصعـدوها سبيه
..........
لفتي أليالي من بعدك مظلماي
يعباس الشمر ترضه مظلماي
انه بعيني يبعـد أختك مظلماي
وشـوف تصيح عطشانه رقيه
.......
الكمر نصب خيم زينب وشدها
حمل حملات عالحومه وشدها
الشـريعة بجفه شالاها وشدها
ويـمطـرهـا أذا عـطـشت رقية
........
خـلـق ربنه بكًـلب زينب سكينه
الـدهر بجروحها حدحد سكينه
صدك عانت لان عطشت سكينه
شيجيب الماي من وادي ألمنيه
.........
الـوكـت مايـوم للحـرة صفلها
بعـد عباس ياهـو إلـي صفلها
وتريـد الـماي لـكن ما صفلها
وراعـي الجـود وافـته ألمنيه
..........
الجمل واكف صعدته مانخيته
الشمر بعـدك يخـويه مانخـيته
شعجب عباس يدري مانخيته
يشوف بعينه ضل يسبون بيه
..........
يغـايب دمعـة عيـوني سجلها
زينـب بالعـطش محـد سجلها
باجـر بالحـشـر تفـتح سجلها
وتحكم عالسباها وسب رقيه
..........
أبوها الوالي غـيره من ولاها
الأرض مايوم تفرغ من ولاها
الشمر زينب وحدها من ولاها
وأخـوها حسين نايم عالوطيه
........
عبرة الكون يأخذ من عبرته
اخوي حسين فتح من عبرته
ومـا أميز ونينه من عبرته
ويشوف عيون تتفرج عليه
...........
إلك هالكوم جدي من سبوني
سبيت أروح منهم من سبوني
شفت جبريل يلطم من سبوني
يصيح الغوث يا حامي الحميه
..........
عـلينه بـنار شـبـوها خيمنه
ولا واحـد بقى منهم خيـمنه
فـزعـنه بليل عالجثه خيمنه
نصيح الغوث آه يبن الزجيه
.........
انه المثلي أخوها ما تخونه
تنفذ كـل وصيـته ما تخونه
صحت بعماق كلبي ماتخونه
بالطـف والحجاب يلوذ بيه
.........
اشكي المن هضم سبيي وجتفي
وظهـري سيـاط ورمـنه وجتفي
حـبـال مـربـطه أبـأيـدي وجتفي
انخلع مني ألعـده يجـرون بيه
...........
اشتعل كلبي على فكدك وجربي
جـفـوفك مابقت عندك وجربي
ويجر بيه الشمـر يمك وجربي
واسمعه يكول هاي أختك سبيه
...........
بت من يندب انه مـا نختمن
علي مرن مصايب ما نختمن
وتعرفـني النوايب ما نختمن
أخت عباس انه الهاشمية
........
تعـب عـباس كـلبي موتهنه
وتره بموتك يخويه موتهنه
انتهت منك حـياتك موتهنه
أصير خلاف عينك خارجية
........
الشاعر
أياد الفرح التميمي
31
#ابوذيات
بحر سفن المصايب مرسبيها
بالم شاطي صبرها مرسبيها
صدك عباس زينب مرسبيها
ولا ينبض عركها الهاشميه
........
الحـزن سلوى إلي انه وعاده
وعـليه الوكت حاربني وعاده
الوداع حسين ودعني وعاده
فقط بس المهر يصهل عليه
..........
جزع منها صبرها مره بيها
برقـية سـياط مره مره بيها
وزينب هاي بتكم مره بيها
بألطف أنسبت يهل الحمية
........
أبيا موقـف لهـت زينـب وتلها
وشمر يضربها بسياطة وتلها
بجه عليها النهر من دم وتلها
يصيح الغوث يا حامي الحمية
.........
عمت عين العطش ابني سرابي
صرت اشرب ورضعـنه سرابي
الـسهم لمن شبك نحـره سرابي
شربت الماي يمه من الزجيه
........
حياتي من بعـد فكدك مردها
سهم روحـك يعبد الله مردها
وجثتـك للخيم عـودك مردها
أموت وياك لو ترجع عليه
........
مدارس بالسبي احنه رسبونه
الـعـلم مرفـوع رمحه رسبونه
وسبوها الأرض بينه رسبونه
امتحان الشام أصعبهن عليه
..........
الكـفر بـويه مهجتي رسبوها
خرابه وطشت جابو رسبوها
رقية أهل المدارس رسبوها
لان عدهه امتحان وماكوهيه
.........
الفـلك كـله بسمـانة راسي بيها
جفوفك يا ما ضمن راسي بيها
منو المثلي تشاهد راسي بيها
بطشت وعيونه مشبوحه عليه
........
حزن ضل بكلب سكنه وعمها
عليها أعيوني ابجيها وعمها
وأبـوها الماد ره بيها وعمها
بعطش وسياط كادوها سبيه
..........
الدهر بالفرح مايوفي وعيده
أجاني بثوب مو ثوبي وعيده
علي كالو حزن كافي وعيده
كلت لمن يجي المهدي اليه
.......
يعباس استحـل الشـمر ضلماي
اجيتك والدرب متروس ضلماي
أعاين بس أشوف وياك ضلماي
الـوحي يمك نزل يبـجي عليه
.........
دمع عاشور بعيوني ولأهل
هـلالك لا طلع ريـته ولأهل
وحيدة ولا اخو يمي ولأهل
وخيم محتركه ودخن عليه
.......
الدهر بعد الأهل احنه ضلمنه
واخـذ ضل الابو منه ضلمنه
عـليلة والعمر بالهم ضلمنه
وفقط بس الألم عـينه عليه
......
ينور عالرمح راسك وهجلك
إلك فر بالسبي كلبي وهجلك
وتهيج جروح دلالي وهجلك
أشوفك ما درت عينك عليه
......
عله وجهك شفت انه ترابان
اثـر جبـريل بخـدودك ترابان
بناتـك مـن بعـد جـفك ترابان
ويريت تشوف بعيونك رقيه
.......
الشاعر
إياد الفرح التميمي
32
#أبيات ابوذيه للسيده زينب ( عليها السلام ) ....موسى البديري
لا چـــف گــالـــو العنــدك ولا عيــن
وگمـــت ما انهض أبروحي ولاعين
بنــات حســين ظــل يبچن ولاعــــن
يــــــوم الطحت عالشاطـــي رميـــه
*
السبعــه أهمــــوم گلبــي مــــا يكفن
المصايـــب ليــش منـــي مـــا يكفن
شعجـــب جِبْرِيل بالطف مايــه كفن
اخــوي حسين بــأرض الغاضريه
*
الگلــب مــالوم بس النـوح نفسـه
على المگطوع فوگ الترب نفسه
وهـــو طــه النبي معـــرف نفسه
تدوسه الخيل بويه أعلى الوطيه
*
الشاعر موسى البديري
33
#زينب_والحسين
#شور
يبن امي انوح عليك جثتك خوية مرمية
وزينب يا بعد اختك عكبك ويلي مسبية
~•~•~•~•~•~•~ا~•~•~•~•~•~•~
خوية يا بعد عيني
لا تروح و تخليني
عكبك من يحاميني
الدنيه دولبت بيه
~•~•~•~•~•~•~•~
يبن امي و ابن حيدر
وداعة ضلع التكسر
لتخليني اتحسر
عيني عكبك ربيه
~•~•~•~•~•~•~•~
وداعة فاطمة الزهرة
و باب الدار و العصرة
وحيدر ساعه الطبرة
حيل فراك مابيه
~•~•~•~•~•~•~•~
تاذي فركتك يحسين
خوية انت يماي العين
وحك عباس والجفين
الظل عالمشرعة رمية
~•~•~•~•~•~•~•~
ريت العمد هشمني
ولاشوفك يخال ابني
ظهرك ياخوية محني
ريت عيوني معمية
~•~•~•~•~•~•~•~
خوية و الاشد و اصعب
و الخلاني دوم انحب
شفتك بالدمه مخضب
و جتالك يحدي بيه
~•~•~•~•~•~•~•~
ترضه خوية يشتموني
ولبن زياد يسبوني
خوية عداك اذوني
الرحمة منهم مخفية
~•~•~•~•~•~•~•~
اون بحسرة و بآلام
واذكر الاكبر و جسام
ظلت بس حرم و ايتام
وزينب غدت مسبية
~•~•~•~•~•~•~•~~•~•~•~•~•~•~•~
✍🏻ذكرى الخفاف
3/8/2017
✿〰️✿〰️✿〰️✿〰️✿〰️✿
34
#مقدمة
ردینه من إسبی
گوا نجر بل عبی
إنهض یراعی إشیم
إنظر بنات إنبی
&&&&&&&&&&&&&&&&
إنهض کافلی...عاین محملی...ردیته أنه وسبایه
مکسورت ظهر...جیتک للنهر...انه وحرم ورایه
جیتک أشتکی...لوعا ومحنتی...أشکیلک من إلبدایه
من یوم إطحت...وأنه إتمحنت...ماعندی بعد حمایه
بعدک ماکافل یصح
راسک صفی عل رمح
تتصارخ إبکل ألم
إنظر بنات إنبی
&&&&&&&&&&&&&&&&
هَد خویه إشمر..نار وتستعر...فَرت بنات إلرساله
نرکض عل جمر...من أهل إلغَدر...وحنه تربات إلدلاله
أطفال وحرم...وإعلیل إنهضم...ماترحم گوم إلرذاله
گیدونه إبشتم ...بعدک یل شهم...رکبونه عل هزاله
نمشی سبی ویل غرب
سوط إلکفر من ضرب
صحنه یراعی إلعلم
إنظر بنات إنبی
&&&&&&&&&&&&&&&&
سوط إعله إلمتن...گلبی ممتحن...حیرانه بلیتامه
أحمل یاجرح...راسک عل رمح...یمعینی صبح علامه
کل ساعا إعتذَر...من صَدلی إنظر...خویه عفتچ بلهیامه
هَلت دمعتی ....وانه إبحسرتی...من إسمعت کلامه
من گتلی یم إلخدر
منچ خویه أعتذر
بتن خویه إبلا خِیم
أنظر بتات إنبی
&&&&&&&&&&&&&&&&
شام إمندخلت...یاریتک شفت...تتفرج إل أعادی
تنظر حالتی ...وانه إبغربتی...خارجیه قدت تنادی
إختک وإنعم...من صحت إبعلم...وإسمک یضل سنادی
سَکّت إلمله...من صوتی إعتله...چن کربله جهادی
یاخویه شفت إظلم
لاکن أبد مَن هضم
قصر إیزید إلی إنهیم
إنظر بنات إنبی
&&&&&&&&&&&&&&&
من بعد إلسفر...کل ظیم إلدهر...ردیت إلغاضریه
جبت إلراس إلک...وإنه تأملک...بلکت تِصد علیه
ماعندک نظر...راسک إنطبر...إچفوفک مشت ضحیه
تصعب گومتک...ضل إبنومتک...مانی بَعد سبیه
خِلصت إیام إلیسر
بیدینی رایت نَصر
بس گلبی هِوا إنجسم
إنظر بنات إنبی
&&&&&&&&&&&&&&&&
تمت بعون الله
لخادم محمّد وآل محمّد ص عباس ابوحمزه الزرگانی الفلاحیه
35
#مقدمة
اخبرنك يعباس خويه اختك سبيه
بس يا خويه لتهم اذل كل آل اميه
***************
بعيني مو زلم لا ذولي اشباه الرجال
وختك تدري بيهه ارسخ من الجبال
قر عينك ينوماس انا أحرسها ألعيال
ياضي عين الحسين يل كلك حميه
بس يا خويه لتهم اذل كل آل اميه
**************
يا سخرية الايام امشي بديرة اغراب
بيدي امشدده احبال ويذري بوجهي التراب
لاكن اقوى منهم ابويه داحي الباب
من اسمه يخافون وانا اختك ابيه
***************
يكافل انت وفيت لا ما قصرت يوم
متفاركني لحظات طير ويمي أتحوم
ومن ايجلجل الليل تبرالي ويه النجوم
غيور وكلك احساس واعيونك عليه
2
عشت امدلله اوياك وجانت أجمل ايام
من اذكرهه جانت احلى من الاحلام
صعبه فركتك حيل كلبي تعصره الالام
واشتاك الكلامك وون ونه خفيه
بس يا خويه لتهم اذل كل آل اميه
*************
وصلت وشفت الوجوه موش اوجوه اهلنه
عدهه افراح وعياد من ألهم وصلنه
يكافل ضعني يا حيد اخبرك من دخلنه
حجيت بعالي الصوت ابوجه ابن الدعيه
بس ياخويه لتهم اذل كل ال اميه
**************
اختك مو ذليله لمن دخلت الشام
من عزمك خذت زود رجفت منهه الاقزام
وحك اسمك يعباس تظل مرفوعه الهام
ورفع راية الحق ما خاف المنيه
بس يا خويه لتهم اذل كل ال اميه
الشاعر/ هادي الساعدي
36
#ابوذية
يشمر بزينب اسويت شجريت
اختمن بالحبل شديت شجريت
لو اطبرعليها الراس شجريت
ولا اسمع مشت راحت سبيه
.......
الشاعر
اياد الفرح التميمي
37
#مقدمة
يبو فاضل بدمعه نادت عالكفيل
يالعفتني الوحدي
(( زينب ))
ويـاك جـبت العـمـر كله عـودتــنـي
ليش بين اجـناب ياخويه عـفـتـنـي
شلون ياعـبـاس لـو هسه شفتـنـي
تموت ماتتحمـل من تشوف متـنـي
تــدري خويه ليلي من بعدك طويل
يالعفتني الوحدي
(( العباس ))
لو چنت موجـود ماچان انضربتي
الدنيه اگبلهــا يـزينـب لـو زعـلتي
اني لو ما انـتي متخـلدت قـصـتـي
انتي امي وانتي كل دنياي واختي
وآنه يمچ اشحده يگرب واليعيل
يالعفتني الوحدي
(( زينب ))
اتخيل الصار وجره خـويـه عـليـــه
من بعــد أيـدك حبل هسه بــديـــــه
اعليك تسألني واحس الـنـار بـيــه
ابيش محـتـاره شجـاوبها الـرقـيـه
وآنه وحدي حرت بطفال وعليل
يالعفتني الوحدي
((العباس))
ردت ارجـع گطـعـو يساري ويميني
احضنت جودي وبعـمد شگو جبيني
وسـفــه حــال الموت مابينچ وبيني
من اجاني السهم يختي وطفه عيني
طحت مرمي وعالترب دمي يسيل
يالعفتني الوحدي
(( زينب ))
بعــد عـيـنـك كلشي ماضل بحياتي
ماتـفـارگـنـي صور كـل ذكـريــاتي
يمي ردتك يـالاخــو ساعـة وفـاتي
حتى انته اتغـمض عيوني بمماتي
آسروني وللاسف حان الرحيل
يالعفتني الوحدي
(( عباس ))
والـدي وصاني والقــصه عجيبــه
فوگ موتي اشعر بنار المصـيــبـه
شلون بالطف راح تبقين وغـريبه
بيچ مشغــول وافكــر يـالحـبـيــبـه
انتي روحي يا اعـز واغـله خليل
يالعفتني الوحدي
(( زينب ))
قــدر يـاعـبـاس هـذا يصيـر حـــالـي
تعـوفـني وابقه وحيـده ابــلاي والـي
صورتـك گـدامي مـتـفـارگ خـيـــالي
يا اعز من روحي انته واغـلـه غـالي
الموت بعدك صاير وياي بخيل
يالعفتني الوحدي
(( العباس ))
اعـتـذر يا اغـله من روحي عـليـه
وداعـت الله يالحبـيـبـه بهل مسيـه
امقصر اشعر من اجيت الغاضريه
لأن لجلچ قــدمـت عـيـنـي واديــه
الج روحي من اقـدمها قـلـيـل
يالعفتني الوحدي
الشاعر السيد رياض الرسل الجابري
لطميات مكتوبة
38
#مقدمة
يل كافل وين ---- صاحت زينب وسط الحومه
يـاعـز رجـواي
مــاريــد المـاي
----------------
على جروح الصبر والدمعه بعـيوني
صحت بس خايفه الوادم يسمعــوني
مـن الخـيـمــه اذا اطـلع يشوفــونـي
حـرگـوا خيـمـتـي وبـالگوه طلعـوني
لو شفت الصار ---- من حرگوها الخيمه اعلينه
ردتـك ويـاي
ماريد الماي
-------------------
ركـضت و ركـضت الاطـفال بالهـيمه
ردت تستـر اعـيـالي حتى لـو غـيمـه
من حسيت بـيـنه احـتـرگـت الخيمــه
صحت وينه الكفلني وصاحب الشيمه
ويـنـك عـبـاس ----- ناديـتــك يانور عـيـوني
تسمع شكواي
ماريــد المـاي
----------------------
ردت ظل وستـر بي استـر اعـيـالي
محـتـاره يخـويـه ومـنـشـده بــالـي
بين اجـنـاب اركـض مــايسـر حالي
هـذا الصار بـيه بـفـگــدت الـوالـي
مـابيـن اجـنـاب ---- اركض ياخويه ومرعوبه
بدمعي الشچاي
ماريــد الـمـاي
----------------------
محـتـاره بعـلـيـلـي الــزايــد اونـيـنــه
ومـابـيـن الشمـاتـه ودمعـت اسكيـنـه
ورقـيـه تصيح عـمـه عـمي چـا وينه
يجي ايطـفـي الخيم هـالشبت اعـلـينه
محـتـاره شلون ----- ماجاوب أي طفله التسأل
تولوني اعـداي
ماريــد الـمـاي
----------------
حرت مابين اركـض واحـفـظ الخــدر
من حرگـوا خيمنه وهجـمـوا العـسكـر
صحت وينـك يخويه يمـنه لـو تحـضر
ردت مـنــك تـشـوف بعـيـنـك المـنـظـر
هاك اسمع هاك ---- احچي وياك بجمر المدمع
وافــاك انـــداي
ماريــد الـمـاي
--------------------
الك اخـتـم كـلامي بجـمـرة الاحــزان
لاخـيـمـه البقـت عـدنـه ولا صـيـوان
بس عـدوان بيـنه تحيط بس عـدوان
والعـطــشانـه گـام اتـصبـر بعـطـشان
عـنـك مـاشـيــن ----- بعـدك ياخويه اتأسـرنـه
حرت بـدنـيـاي
ماريــد الـمـاي
الشاعر السيد رياض الرسل الجابري
#رئيسية
اتصوروها الزينب ياناس وحدها و ماكو العباس
ياهو وياه
بين اعداها
وحدها وماكو العباس
اجتي امدلله وبــرايه محــفــوفه
وضلها بجال اخوها محد يشوفه
وهسه للغريب اصبحت مكشوفه
والاصعب عليها طبت الكــوفـــه
زينب ماحسبت لحساب وحدها بولية اجناب
وشخلاها
بين اعداها
وحدها وماكو العباس
عــزيــزه من اجتي ومحله هالجيه
تــرف رايــة اخــوها وبيها محميه
الصبح يحرسها اخوها ويمها ليليه
هسه وي الشمــر وتــروح مسبـيه
من تذكر عباس اتنوح مجبوره ومسبيه اتروح
اتهل عيناها
بين اعداها
وحدها وماكو العباس
مشه العــباس عنها وياهو يحميها
الشمر هسه الشمر ياوسفه حاديها
وحـيــده ابكـربـله مـابين اعـاديهــا
مچـتــوفــه بحبل من عگـب واليها
زينب وتهل دمع العين لا عباس ولا لحسين
ابلا ولياها
بين اعداها
وحدها وماكو العباس
مرمي اعله النهر عباس من شفتك
موبيدي ابــد مجبوره من عـفــتــك
بدمعات الحــزن ياخويه ودعــتـــك
واخبرك للآسر مشوا تـره اخــتــك
ياخويه ومجبوره مشيت وياك وميته اتمنيت
اتضل برجاها
بين اعداها
وحدها وماكو العباس
بعــد كل ذاك عــزها هسه وحــدها
تنظر عالشمــر ودموعها بخــدهــا
صفت هسه غريبه وكلشي ماعدها
بعــد ياهــو الوطنها بـرايته ايردها
ياوسفه الگوم الظلام اخذوها وراحت للشام
واليلگاها
بين اعداها
وحدها وماكو العباس
الشاعر السيد رياض الرسل الجابري
قصيدة مكتوبة
40
#مقدمة
قصيده بحق زينب ع
دمع الحره زينب عـالوجـن لو سال
يرسم ملحمه ونـار وخـيم و اطفال
يرسملـك دمعـهــا الصوت لــو كـبــر
بالطــف والضحـايـا ولــوعـة المنحر
وانته بعـقـلـك انـتـه شـلـون تـتـصور
هالحاله الغـريـبـه شلون وبـيــا حال
يـرسملك دمعـهـا بحـيـرة الوهـواس
غيره ومرجله عالمشرعه ونوماس
و رايه شلـون رايــه رايــة العـباس
عايفها الكفـيل ويمها صوت اعـيـال
يـرسمـلـك دمعـهـا ليله مــن تطـلــع
تنشد عـن ابنها وغـصص تـتـجـرع
من وصلت تشاهـد لحـظـة المصرع
نادت حـملي من بعـدك يالاكـبـر مال
يــرسـملـك دمعـهـا الحـيــره والالام
عن عرس المنايه الصار كله اوهام
بي تنظــر شباب ومن رحل جـســام
مايحمل صبر يـــدري الصبر چـتـال
يـرسملـك دمعـهـا بـلـوعه وبحسره
شلون النبله راحت وصلت النحــره
عبد الله العـطـش ظـل نايـم بكـتــره
ومن كـثـر العـطش متفـطـر الــدلال
يـرسملـك دمعــها كـل صبـر عـدهـا
من رحـلـو اهلها وبقــت وحــدهـــا
تمنت كـون يحـضـر هـسه والــدهـا
يشاهد زينب اشحملت هظم واهوال
وسلمت للـقـدر واحــزانها ويــاهــا
زينب وبـــدمعـنـا الـيــوم ننعــاهـــا
خـدام الها كـلـنه وكـلـنـه بحـماهـــا
بـالمحـشـر عـليـها انعـقـدت الامـال
الشاعر السيد رياض الرسل الجابري
قصائد مكتوبة
41
#مقدمة
زينب (ع) بعد يوم العاشر
------------------
وين زينب هسه اسمع يالغيور
هسه زينب عالهزل
بعــد ما رحلــوا أهـلهـا ومشوا عـنهــا
بـدمـعـه تتسله وتخـفـف بيـهـا ونـهـــا
زينب العـاشت امـيـره ومـلـك چـنـهـــا
هسه مـن كـثـر السيـاط ازرگ مـتـنهـا
على زينب الوكت ياوسفه يجور
الشافـتـه ماينحـمـل
هسه زينب عالهزل
من بعــد عـباسهــا ولـيـه ولـوهــــا
زينب ابـلاي كـفـيــــل اتصوروهـــــا
شلون من جابوا الناگه وصعــدوهــا
الشمر صعـدها بمكان الحيد اخوهــا
صبر زينب صار بالطف الها سور
هــذا ياديـن وعــدل
هسه زينب عالهزل
صعدوها والدمع يجري اعله خـدهــا
اتـذكـرت عـبـاس كافـلـها وسـنـدهــا
شلون زينب للغـرب تمشي وحـدهــا
و لو مشت ياهـو الوطن جدها يردها
گلب زينب جلد بالطف وصبور
هـالظـلم هـم ينقـبـل
هسه زينب عالهزل
بجال ابـوها وامها واخــوتهـا امـيــره
هسه تمشي اعله الهزل راحت اسيره
من بـلـد تمشي الـبـلـد يادنيه حــيــره
من بعـد عـبـاس اخوها ابـو الغــيــره
شلون زينب قدمت بالطف نحور
وبگـلـبها المشتعـل
هسه زينب عالهزل
بعــد كل رحـلـت عــذاب الغاضريـه
عـالـهـزل ام الخــدر تمشي سبـيــه
لبن اخـوهـا اتعـايـن ابـدمعه جريـه
وبالعـبـايـه املـفـلـفـه سكنه ورقيه
جرح زينب ثوره عالطاغي يثور
وياها چم طفله وطفل
هسه زينب عـالهــزل
الشاعر السيد رياض الرسل الجابري
قصائد السبي
42
شكد زينب بجت من طاح عباس
ضلت صامده وماطخت الراس
&&&
شكد زينب بجت وادموعه انهار
وبفكد الاخو شالت جبل نار
ياما من النواصب شافت اخطار
وحيده الكافله ما يمه حراس
&&&
شكد زينب بجت من شافت الكوم
عل هظم الاخو الكلب مالوم
شالت بالمصايب فوكه اهموم
من هاي النواصب الكله ارجاس
&&&
شكد زينب بجت والتهبت العين
من كثر النياحه وصيحت حسين
وعل عين البطل الفكد جفين
ظل درعه يون والجود والطاس
&&&
شكد زينب بجت وبيه الهظم لاح
مثل طير وزغير مكصص اجناح
زينب من زغره يمته ترتاح
شكد زينب بجت من عمق الاحساس
&&&
شكد زينب بجت مهمومت الروح
بكثر طعنات اخوه شالت اجروح
ومثل امه الزجيه تعلمت نوح
شكد زينب بجت مايمه جلاس
&&&
شكد زينب بجت وادموعه انهار
لاشافت اخو ولا شافت الجار
حتى من العده ظل بيه محتار
شكد زينب بجت مابينة باس
&&&
شكد زينب بجت وتون عل الراح
من شافت وليه من المهر طاح
بلايه اجفوف صدره اتلكه الارماح
مرويه الروايه وخطه كراس
&&&
خادم اهل البيت
ابو علي السعيدي
43
دمعه زينب بالحزن نبجيها..شما ننوح ونبجي منوفيها
&&&
دمعه زينب بالجفن لا ماتطيح..اي وحك عباس وحسن الذبيح
شلون حرمه مخدر بالطف تصيح..محد يدافع يجي يحميها
&&&
زينب الباري نطاها منزله..بيوم عاشر من اجت ولكربله
تحدي هيه الناس حتى القافله..تحدي هيه الحادي اليحديها
&&&
نوخت نوك الارض اله خجل..هاي ام الصبر عنوان وجبل
تلاوي حتى الموت بجفوف الكفل..عينه وجفوف الكفل يهديها
&&&
زينب العفه وشجاعه والالم..والحنان البيه امضى من السهم
قمه من الزهره متعليه القمم..ربك الباري الشرف منطيها
&&&
ربك الباري كرمه الصبر..وبعد هم انطاه خصلته الخدر
تحملت ظيم النواصب والشمر..ذلت اركاب العده تاليها
&&&
شمعت اهل البيت وامه فاطمه..شافت انواع المأسي المظلمه
تحنت الحره وحنته الدمه..شلون ارذال الكفر توليها
&&&
بالحزن معروفه لزينب والخدر..تحملت ظلم النواصب والكفر
مامشت هيه سبيه وي الشمر..الشمر يمشي سبي يباريها
&&&
اليوم يومج ينذكر بيه الوفه..هيه صفحه للبشر ومشرفه
اليقره تاريخج خجل ماينصفه..انتي نور الله لعلي منطيها
&&&
زينب اسمج وشحلاته هالاسم..انتي من بيت الرساله والعلم
انتي حكمتي الطغاة اهل الحكم..كل ملكه عطفج يجي يرجيها
&&&
انت من نور الرساله المرسله..انتي بنت النبي من صلبه وهله
يوم بيج الكون كله باهله..انتي من صلب النبي ندريها
&&&
خادم اهل البيت
ابو علي السعيدي
44
نعي
من عل ظهر النوك اسمع ونيني
ياعمه يالسجاد فايض حنيني
اذكرت هل اليوم كرتها عيني
حسين ابوك الحيد ردته يجيني
يخفف عليه الصار يفكها اديني
ابسوطه والصحيات شمر يوليني
كفالي ماهو اليوم منهو يحميني
خادم اهل البيت
ابو علي السعيدي
45
#ابوذيات
يحادي البضعن ريض.. توانه
الدهر بسهام يرمينه..توانه
بعد لسه الخبر منكم..توانه
اريد اخبار من ابن الزجيه
&&&
يحادي بالضعن بالله عليك ..مرنه
عل احباب الكلب ونريد..مرنه
شهد ماضكنه طول العمر..مرنه
خبر يوم اللفه من الغاضريه
&&&
خادم اهل البيت
ابو علي السعيدي
46
#ابوذيات
تضعضع من رحل شفته..ضعنه
بديار الغرب ماكو ..ضعنه
ضاع اهناك من ضاعو..ضعنه
اهالينه صفو تحت الوطيه
&&&
شفت خويه برحيلك بس اذيه
وبعد عكبك يبو فاضل منهو اليه
وياهو الشال حملي ونشد بيه
دارت هل الكفر كلهم عليه
&&&
الكفر كله فرد هجمه..ودارت
عليكم دنيه من مالت..ودارت
جمر نيران بخيمنه..ودارت
ازلام اللعين بلا حميه
&&&
خادم اهل البيت
ابو علي السعيدي
47
#ابوذيات
زينب وابي الفضل العباس
اخوي اللي فده الجفين....وي عين
طاح ولا بكالي سند.... وي عين
وعكبكم صار بيه اليوم....وي عين
الشماته ومن اطب ديوان اميه
********
شفت جبدك يخويه بسهم ....ينصاب
طحت وعليك غيض الكفر...ينصاب
الك رب العرش ياخوي...ينصاب
عزاء وصرح وتكصده البريه
**********
يزينب لو دريتي بخبر ....علماي
اطيح وساعدي مبتور....علماي
اخبرچ وي چفوفي طاح....علماي
واخبرج بالسهم عيني رميه
***********
يزينب من تغير شفت....حالج
اسيره ولا ذره والليل...حالج
المصايب يختي هدن حيل...حالج
وبقيتي صامده رغم الاذيه
*********
يختي الصار مااشكي ....وحالي
لئن شفت العده حولج....وحالي
تمنيت الجفوف اترد....وحالي
واسوي المايصير بال اميه
**********
ماهمني الدمع ينزل..يكف لا
وربك لن ظعن زينب..يكف لا
بس كلي المحب ينسه..يكف لا
ذكر طف كربله بكل عام اليه
&&&
خادم اهل البيت
ابو علي السعيدي
48
#ابوذيات
اعاين بالسبي اطفالي..ولاحظ
حدانه الذمه مايملك..ولاحظ
كطت الظنه ياخويه..ولاحظ
بوصلك يالبعد انت عليه
&&&
الحزن يمشي عل كلبي..ويدباي
وبيه من العلل كومه..ويدباي
عيني التشبح اعليكم..ويدباي
تشير لمرقدك صبح ومسيه
&&&
حرت الزم بجف ياهي..وهدمن
نحيله اظلوعي هدنه..وهدمن
بعهد ياهو اتركت اختك..وهدمن
يوم اللي مشت راحت سبيه
&&&
حرت ياشور بيه امتثل..ياراي
وبيه من طفح هالكيل..ياراي
حكمهم عمل بينه يزيد..ياراي
ملك ملعون بيد ابن الدعيه
&&&
تعال اطفال عندي استمع..ونهم
اخوتي اليوم حل الوعد..وينهم
اصيح ابصوت داري اظلمت..وينهم
حملي هالوكع عد ال اميه
&&&
خادم اهل البيت
ابو علي السعيدي
49
#ابوذيات
العليل وعلته صعبه..دواوين
صوت حسين بالدنيه ..دواوين
زينب ياوكت طبت..دواوين
وكلي بيا وكت تمشي سبيه
&&&
كلبي كطعوه اوصال..وشراح
وقضيتي ماتهم الخلك..وشراح
علي يسئل يكلي شبقه..وشراح
اذا راحو اخوتي انه من اديه
&&&
وحك العالمه النحلف..بتلها
الدهر وياها جم عمله..بتلها
صبوره الشمر ماخله..بتلها
سالم من سرت وي ال اميه
&&&
هموم الدنيا ومصايب..جبينه
يوم اللي شفت شعشع..جبينه
الك راس الشرف خويه..جبينه
ودفنته وي الجسد هاي المسيه
&&&
خادم اهل البيت
ابو علي السعيدي
50
#ابوذيات
نحيله وركد من الشوف..والحيل
اعرفت امري بيد الله..الحيل
مشيت اميسره للشام..والحيل
عليله مكيده وامشي سبيه
&&&
بنيبان الدهر افتل..ولاوي
بخيمي الناري وبكلبي..ولاوي
ولا واحد نشد عني..ولاوي
يكلي بجلمته ينشد عليه
&&&
تلوع الفكدت اخوتها..وبنها
بسبب لن البعد بينه..وبنها
منهو اليوم واساها..وابنها
ورثاها بجلمه ويعزي الزجيه
&&&
سهم البين لعيوني..طفلها
حال الوالده الشالت..طفلها
ذبيح ونارها التسري..طفلها
دموع العين كل صبح ومسيه
&&&
شلون بحالي من الليل..لاين
وبناتك عل الكبر يحسين..لاين
مثل حن الفصيل اعليك..لاين
عين بعين كل وحده بنويه
&&&
كلبي المابعد يحمل..وساعه
الك مهموم من يمشي..وساعه
ساعه الموت اشوفنه..وساعه
اطيح وينغمي خويه عليه
&&&
كظيت العمر خويه احاه..بحاهه
بسبب دمك ابيا قانون..بحاهه
صحت يحسين حد الصوت..بحاهه
عل التل اوكفت ذيج المسيه
&&&
دمه الخوان يزهي..والحك الهم
وتمنيت من اموتن..والحك الهم
يطارش شد رحيلك..والحك الهم
زينب بالدرب راحت سبيه
&&&
يحادي الظعن عل الخوان..مراه
ظعني ولن هزيل النوك..مراه
منهم من شفت ياظيم..مراه
شفت هول المصايب والمنيه
&&&
خادم اهل البيت
ابو علي السعيدي
51
#ابوذيات
ايام الحزن بعدك لفنه
وظلينه بحزن وهم الكفلنه
راحت من ادينه كل اهلنه
وايام الحزن هسه اجنه
&&&
ريت الراح من عندي..كفلني
اخوي الجان الي تجوه..كفلني
اصيح بصوت ياعالم..كلفني
اخت عباس سيف الهاشميه
&&&
يغياب الوكت غربنه عنكم
وخذاني بعيد دهري منكم
يبقه بالكلب سرمد حزنكم
طوح للبعد شفته ضعنكم
&&&
تضعضع من رحل شفته..ضعنه
بديار الغرب ماكو ..ضعنه
ضاع اهناك من ضاعو..ضعنه
اهالينه صفو تحت الوطيه
&&&
شفت خويه برحيلك بس اذيه
وبعد عكبك يبو فاضل منهو اليه
وياهو الشال حملي ونشد بيه
دارت هل الكفر كلهم عليه
&&&
الكفر كله فرد هجمه..ودارت
عليكم دنيه من مالت..ودارت
جمر نيران بخيمنه..ودارت
ازلام اللعين بلا حميه
&&&
خادم اهل البيت
ابو علي السعيدي
52
ايام الحزن بعدك لفنه
وظلينه بحزن وهم الكفلنه
راحت من ادينه كل اهلنه
وايام الحزن هسه اجنه
&&&
ريت الراح من عندي..كفلني
اخوي الجان الي تجوه..كفلني
اصيح بصوت ياعالم..كلفني
اخت عباس سيف الهاشميه
&&&
يغياب الوكت غربنه عنكم
وخذاني بعيد دهري منكم
يبقه بالكلب سرمد حزنكم
طوح للبعد شفته ضعنكم
&&&
خادم اهل البيت
ابو علي السعيدي
53
قصيدة رئيسية في مصاب السبي
عگب الگمر وحسين سار الظعن لا وين
رحنه بيسر. عگب الخدر
سار الظعن لا وين
طلع ظعن العقيله بعايله وايتام
من طف كربله وي زمرة الظلام
عگب عباس وحسين وعلي وجسام
راحت باليسر بت حيدر الضرغام
مرّت على الأبدان. بضيم وحزن وشجان
ضيم وقهر. عگب الخدر
سار الظعن لا وين
روس خوتها فوگ رماح ويّاها
مر بيها الظعن عالحومه راواها
جثث مرميه والتربان غطّاها
رادت تنزل السجـاد ناداها
ياعمّه لتنزلين. عالناگه ودعي حسين
هضمچ كثر عگب الخدر
سار الظعن لا وين
شافت جسم اخوها موذر ودامي
صاحت زوّدت يحسين آلامي
اودعك خويه غصبن عني يالضامي
لون بيدي أظل لتالي ايامي
آخر وداع وياك. ياخويه ما انساك
جار الدهر. عگب الخدر
سار الظعن لا وين
التفتت للكفيل ورادت تشوفه
تخبره ميسّره واديها مچتوفه
شافت عالنهر متگطعه چفوفه
مصيوب بعمد والرايه ملفوفه
صاحت يراعي الجود. ودعتك المعبود
راح الگمر. عگب الخدر
سار الظعن لا وين
صاحت يخوتي زينب وحاچيكم
حگي من المصايب اعتب عليكم
اجيت بهيبتي بقوّة اياديكم
شلون عله الثره امشي واخليكم
زينب يخوتي شلون. امشي بسبي ترضون
ماظل صبر. عگب الخدر
سار الظعن لا وين
مشينه وروسكم طول الدرب تبره
وبقت اجسادكم ياخويه عالغبره
اصد للروس خويه بونه وبعبره
وگولن عفيه گلبي هاكبر صبره
شفت ابدمع مسفوح. حسين وگمر مذبوح
گلبي انفطر. عگب اليسر
سار الظعن لا وين
خادم السيدة زينب عليها السلام
سيد زيد الفحام
__________________________
54
نزلة ... في مصاب السبي
آه واويلاه زينب تنسبي
هاي زينب بالخدر معروفه
خيالها محد تجرّه يشوفه
شلون تمشي ميسره للكوفه
وزين يدروها الخلگ بت النبي
هاي بت حيدر علي حامي الحمه
زينب وامها الزچيه فاطـمــه
شلون مسبيه مشت وبلا حمه
تصيح بس الموت اصبح مطلبي
عگب ابواليمه الشهم ذاك الحسين
ظلت بلا ولي زينب بالانين
وسفه يسبوها الطغاة المجرمين
ولي ما ويّاها ويگلها اركبي
من عگب عباس سبع الگنطره
زينب بطف كربله ومتيسّره
شلون يقبل بين اميّه محيّره
وسلّبوها غيرة الله اغضبي
حسين لمن طاح دامي بمصرعه
والكفلها موذر عله المشرعه
هجمت عليها الاعادي فازعه
بس عليل وياها ماظل طالبي
سلبوها وسلّبوا كل الحرم
عاليتامه البيها وجوها الخيم
ياوسف وياها ماظلت زلم
بس علي السجاد ماظل بس علي
جابوا الهزّل عگب سلب الخدر
عالمحامل ركبوها بلا ستر
وسفه عگب حسين حاديها الشمر
والكفلها طايح عله العلگمي
خادم السيدة زينب عليها السلام
سيد زيد الفحام
_______________________
55
أبوذيه / زينــب الأحــزان
===============
دحـنن حـيل يضـلوعي ... لحــنها
عـله الكل نايحه عرفت ... لحــنها
إسهـام الفـاجـعـه زينب ... لحــنها
سهـم تـلـوه السهـم بالغــاضـــريه ======================
خادم زينب الأحزان ع
أبو جعـفر العـبودي الناصري 1439 هجري
56
زينب ع
=======
بعــد عـباس عـظـم وجــلــد ... ضليت
ولا مــره إبــدروب الصـــبر ... ضليت
صرت شجرة شرف عالشام ... ضليت
الفـخــر والــزود كــله إيعـــود إليـــــه
=====================
خادم زينب الأحـزان ع
أبو جعـفر العـبودي الناصري 1439 هجري
57
زينب ع
=======
الزمن هـدني بعـد عـباس ... يـافـاه
وجـفـني النـوم لـمـن راح ... يـافـاه
شسكت من حجي الشمات ... يـافـاه
دخـلــت الـشـــام وإنهـــدت عــليـــه
=====================
خادم زينب الأحـزان ع
أبو جعـفر العـبودي الناصري 1439 هجري
58
مشن ـ من كربله الشام القهــــــر
مشن ـ كل خطوه عثره امن النظر
مشن ـ وي اجنبي عكب الكمــــــر
والروس فوك الرمـــــــاح ــ والحادي بيهه صـــــــــاح
@@@@@@
سيري يناكه ـ بضعن السبيه ـ زينب بله جفيل او بلا والي
طاح الكفلهه ـ وراحو اهلهه ـ عالغبره عافت جثة الوالي
ودعت اخوتي ابكربله ـ نومه على حر الترب
بس دمعتي وهم السبي ـ والشامت وعين الغرب
رحت ـ مكسورة الخاطر وون
رحت ـ اتستر ابطرف الردن
رحت ـ حته النياك اعليه تحن
والخدر ياخويه راح ـــ والحادي بيهه صـــــــــاح
@@@@@@
مرني اعله اخيي ـ الحادي وقهرني ـ بس مامهلني ساعه اودعنه
ابن امي عاري عالغبره شفته ووداع لا ماحصلت منه
كتله العزيزه ام الخدر ـ عنك غريبه اميسره
يحديهه زجر وحرمله ـ الجانت اميره امخدره
صحت ـ والناكه حنت من صحت
صحت ـ ياخويه من يمك رحت
صحت ـ طكوني بالسوط ونحت
والدمع بعيوني لاح ــــــــــ والحادي بيهه صـــــــــاح
@@@@@@
جروني كوه ابسوط وشتيمه ـ حادي الضعينه ورم امتوني
بالسوط اجوني فزعو عليه ـ وكلهم على ظهري يطكوني
شلون اشكف السوط واصد ـ وإيديني مجتوفه ابحبل
يدفعوني وانه امكيده ـ ومربطه ايد ابرجل
جرح ـ عدوانك الماينحمل
جرح ـ زينب عله اظهور الهزل
جرح ـ ورم ادي شد الحبل
مايخلوني استراح ـــــــــ والحادي بيهه صـــــــــاح
@@@@@@
ظهري حنيته وسالت دمعتي ها يا هلي زينبكم ايسيره
هاي الاميره تطلع وحيده يوميه تدخل بالاسر ديره
الجانت عزيزه امخدره ـ عكب الكمر هسه ابأسر
سوط وضرب جوه المتن ـ الله يلعنك ياشمر
شمر ـ راس ابرمح بيده شفت
شمر ـ من خزرة اعيونه خفت
شمر ـ يضربني كلما التفت
يحدينه شتم وصياح ــــــــــــــ والحادي بيهه صـــــــــاح
@@@@@@
اتمنيته حاضر بدر العشيره حته اشكي يمه الامي واوجاعي
اشكيله وضعي وسوط الهضمني واللي دفعني والم اضلاعي
الله يعازة كافلي ـ محتاجه فزعه من الكمر
يابو الفضل زينب مشت ـ عالناكه مكسورة ظهر
ظهر ـ تدري انحنه منهه الظهر
ظهر ـ بالحومه لحسين انكسر
ظهر ـ رضته خياله اشكثر
والدمع عالوجنه ساح ــــــــ والحادي بيهه صـــــــــاح
@@@@@@
حسين باهض الحلفي
59
تعصر اچفوفك لوسمعت انسبت
الشيبه بيك من الهظم شيبت
مولاي .... مهدي
----------------------------
لمن يمرك اسم نوگ الهزل
مولاي من صدرك تهل الضلع
وچفونك من اتنام ضاگن حبل
متروسه عينك كل حياتك دمع
بالعدله هم تعثر. نايم بشمس وحر
يالمهدي كل وكتك. مجرور وكتك جر
تغرگ خدودك لودريت انچوت
الشيبه بيك من الهظم شيبت
مولاي .... مهدي
----------------------------
توگف رسم والبيك كلشي انطرح
حتى النظر بالكاع هم مدده
ذابح صفنتك بيدك من انذبح
ذبلان من اتطيح چنك نده
ذبلان وغصونك. متكسره بدونك
تصرخ يعماتي. كل همك ضعونك
تطوه روحك سوط وتجرعت
الشيبه بيك من الهظم شيبت
مولاي .... مهدي
----------------------------
بديوان دمعك والسوالف زلم
رحال حالك يالمرافگ بدو
لسان الشماته مايعرف اليتم
تلتفت من يحچون عن الأخو
تتلفت بروحك. يامكثر جروحك
چم عمه مسبيه. وچم شاب مذبوحك
روحك تشيل بروحك تمرمرت
الشيبه بيك من الهظم شيبت
مولاي .... مهدي
----------------------------
تجري بدمعتك نار من كربله
ياناحر الصحره وتصيح السبي
يمبلل دروب المهازل هله
ماخوذ رحلك وأنته بس تصطبي
متكدره حالك. يالمهدي وشحالك
بالسوگ عماتك. يالمنشلع بالك
عمتك بنص السوگ والله انعمت
الشيبه بيك من الهظم شيبت
مولاي .... مهدي
----------------------------
كل السوالف شام من خضرن
وأنته وسكون الليل من تنجمع
البسمار وي الرمح من التقن
وبروحك المحصول چان الضلع
مچويه احبابك. جم نار يم بابك
والعتبه علويه. من داسو اعتابك
وظعون رحلك والوحوش أنهبت
الشيبه بيك من الهظم شيبت
مولاي .... مهدي
----------------------------
🔸️عبد زينب🔸️
محمد الابراهيمي
60
.
وين ابو الحسنين وينه
ــــــــــــــــــــــــــ
حــركــو خيـمنه عليـنه
خـل يشوف اصار بـيـنه
بالعـمـود امخـضبـيــنه
كطعـو ايساره اويـمينه
صاحت اسكينه الحزينه
بعدك اشلون الضعـيـنه
مــــن يــردنـه للمديـنه
عـكبـك اليـوم انـولينه
خضبـو راسـه ويميـنه
&&
زينب اعـله اتل تـنادي
كطعو ازنـوده الاعادي
بالغــدر ذبحـو اولادي
مصابهـم فطـر فـوادي
&&
بعد ابـو فاضل ولوها
حايـره وتـنـدب ابـوها
الكافل اتخضب وخوها
بعــد اهـلهـا ايسلبوها
ضربو اسكينه وسبوها
وخوله طفله اوهيموها
&&
خادم خدام اهل البيت الشاعر الحسيني جاسم حميد الاسدي
0770317420---------2018
61
ــــــــــــــــــــــــــــــــــــــــــــــــــــــــ
ادريها صعبه ابمسمعك لوعت عيالي
اعـذرني اوجهلك عتب يابـوالغوالي
&&
يابــويه ريـــت ابـكـربـله هـــاي المسيه
وتـشـوف حــال ام الخــدر بالغـاضـريه
ظليـت مــن دون اخوتي وهجمـوا عـليه
ريتك تجيني ابهالمسه وتحضر يوالي
&&
موكصدي اجرحك بالعــتب يالكلك اجروح
نــار الخيم تسعـر صفــت والوالي مذبوح
كـثـر الهضم فــارض علي وشكيلك ابـنوح
حته الطيور البالسمه تبجي اعـله حالي
&&
اعـذرني لـو كلك بعـد عــن حــال الحسين
اتـشـيب حـت لـــو بالكبـر ياكــرت العـيـن
مذبـوح بسيوف الغــدر وبعيـنه رمحين
الــف اوتـسع ميه جــرح يابـو الغــوالي
&&
ياباالحسن ردتـــك تجـي بساعـة مماته
وتـشوف جـم خيل السحـك كافـل خواته
ميـدان صــارو للعـده وبـس الشماته
تـنـدب يكـرار العــده واليــت عيالي
&&
يابـويه كسرت خـاطـري شـوفــة رقـيه
اتكـلـي ياعــمه اشجــره ابــروحه الابــيه
شنهـي الــي صـار ابوالدي ومـارد عليه
لا بوي لا كافل يجـي عـمه اشجـرالي
&&
يابويه والله اتمرمرت كـل عيلتي اتحوم
مابـين اجسـاد اوحــرم محـتاره هاليوم
لـو روح لــو ظل للدفن كتلتني الهموم
تمنيت يومي ابكربله تخلص حياتي
&&
خادم خدام اهل البيت الشاعر الحسيني جاسم حميد الاسدي 0770317420---------2018
62
هاي زينب»»ماطفت نيــرانهه
هاي زينب»»ياكثرهه احزانهه
فگد اهلهه اشگد صعب
زيــــــد آلام الگلــب
هــاي زينب
»»»»»»»»»»»»»»»
فگـدت اهل الشيـم وتكــاثر ألمهـه
ريحة الخــوان ماگامـــت تشمهـه
لا ابوالاكبـــر ولاعبـــــاس يمهـــه
اشلون تتحمل گمرهه ايغيب عنهه
واللـه حيره»»ماتطيق اغيــابه
واللـه حيره««عذباهه امصـابه
گام مدمعهه يصب
زيــــد آلام الكَلــب
»»»»»»»»»»»»»
تلطم اعله الراس بت حامي الحميه
ظلت اتنــــــوح اوتـــون ونه شجيه
حيل أثـــر بيهه جــرح الغاضــــريه
اتكاثرت لوعاتهه ابهــاي الــــرزيه
من زغرهه»شاهدت جم لوعه
من زغرهه»بت علي مفجوعه
منهه راح اشكم محــب
زيــــــــــد آلام الكَلــــب
<<<<<<<<<<<<<<<<
اتوجهت صوب النجف تحجي وي ابوهه
اتگله زينب كل بنيــــنك فــارگوهه
ولـــي گلتلهـــم يولــدي اتكفلـوهه
ماتو وزينب تنــــــادي اومايجوهه
وي ابوهه»بالمواجــع سولفــــت
وي ابوهه»شرحت الحال اوبجت
والسكن تحت الترب
زيــــــد آلام الگلـب
»»»»««««««««»»»»
خلصـت كل العمر مخنـــوگه عبـره
عالوجن دمعتهه تنـزل جنهه جمره
ساعد اللــــه گلبج الصــابر يحــره
جبتي كل هذا العمر لوعه ويحسره
جنتي ورده»عايشه ابلمت هلج
جنتي ورده»هسه شنهو الذبلج
افراگ اهلج والغرب
زيـــــد آلام الگلب
»»»»»«««««»»»»»««««
صار حاديهه الشمر بعد الهــــواشم
والكفلهــه اعله النهــر ياوسفــه نايم
وين فرســـان الوغه اتسل الصـوارم
السوط بمتون الحــــرم تارك علايم
يا حسـافه»الفاطميـــات انولن
يا حسـافه»لامحامي اولاوطن
واليسر اصعب درب
زيــــد آلام الگلب
»»»««««»»»»«««««
الخادم
كامل السعيدي
63
نعي لسان حال السيده زينب والزهراء عليهما السلام
اثناء مسير السبي 0000
*
تعاليلــــــــــي ييمــــــــــه يالزجيه
بساع يم حسن لحكَــــــــــي عليه
شوفي اشلون حــــــــــال الهاشميه
ابنيتج على الناكَـــــــــــــــه ســبيه
مجتوفه ابحبل لثنــــــــــين اديــــه
ومليت البجـــــــــــي من هالرزيه
جواب الزهراء عليها السلام 0000
صدكَيني يزينـــــــــــب مانســـيتج
خافنـــــــي بطيـــــــــــت ومالفيتج
تعنيتج ييمــــــــــــــــــه وهاللكَيتج
واشكثر يازينــــــــــــــــــب نعيتج
هاي آنه اجيـــــــــــــــت ورافكَيتج
اعذريني ييمه هســـــــــــــه اجيتج
يمَ حســــين انعه وعلى امصابه
جنت ألطم يزينــــــــب عالترابه
واحني اجفوف اديه من خضابه
ماذيه كَلبه الســـــــــــــهم صابه
جواب السيده زينب 000000
تعاي اهنا ليــــــــــــــه يالحنينه
شوفي الراس يمـــــــــه شايلينه
وبلحم نحـــــــــــــــره جارحينه
وكلساعه اخونه يصد لـــــــــينه
جنه يزهـــــــــــــــــره يحاجينه
مهظوم جيفــــــــــــــــن جاتفينه
الشاعر ابو علي الركابي
64
نعي لسان حال السيده زينب عليها السلام عند دخولها الى الكوفه
****
وسافه اولايــــــــتك طبيـــت بحبال
مجتوفه ويســــــوك النـــــوك جتال
نحت اشكثر بويــــه بدمــــــع همال
بت حيدر ســـــــبيه ابولـــــية انذال
****
شماته الواجفـــــــــه وتنظر علـــيه
وانه بنت المصطفى وحامي الحميه
يكَولون هــــــــــاي الهاشــــــميه
هســـــــــــه امجتفه وتمشي سبيه
*
يبويه أحــــــاه محد حــــــن علينه
اخوتي امذبحـــــــه وطايــح ولينه
يبويه اشــــــــــلون ماتنــغر تجينه
جريبـــــــــــــين ما تســـمع بجينه
لسان حالها في كربلاء
*
آيا كربلـــــــــــــــــه اشخليتــي بيه
اهلي امذبحـــــــــــه وآنه ســــــبيه
بعد اخوانــــــــــــي من ينشـد عليه
وراح الي كفلنـــــي والشـــــــــفيه
*
خويه احسين تسمعني امن اصـيحن
نوبه امشي يخويـــــه ونوبه اطيحن
عزاك بكربلـــــــــه والله لأجيــمن
اموت اهـــــــــــــنا ياخويه اريدن
*
تهل ادموعــــــــها وتنـــظر العباس
تناشغ بالبجـــــــي واتضيك الانفاس
تكَله اخلافك آنـــه ابولـــية ارجاس
اجيتك يبن ابــوي امشيبه الــراس
****
دليلي ايصيحــلك يابــــــو المحنه
هم اتعودلــــــــي ويلتم شـــــملنه
ونرد يالولـــــــي كلنه الوطـــــنه
وآنه ابصايتــــك تحــدي ضعنه
*
هيهات ماظن لــــــــــــي تردون
وكَبالي ياخويـــــــــــــه تكَعدون
أحاه وســـــــــفه اشلون ترحون
عليكم ماابطل دمــــــــع العيون
*
الشاعر ابو علي الركابي
65
حرگوها الخیام داخـلهه ایـتام
زینـب تـنادی. لا لا یـظـلـاّم
~~~~~~~~~~~
اااااخ دُخاّن الخیم ما خَلّه کل حال
الخیل فزعت مِسرعه و ارکابهه انذال
یاهو الیوگع تسحگه ابحومه الاطفال
ابـد میـرحمون هـدّو کـومة ارجال
کل حرمه فَرّت و بخوفه رکضت
و تتبعهن الخیل یاویلی تعبت
~~~~~~~~~~~~
اتراب یحرگ و رکضن حافی النساوین
و ألعـبی صـارن ملح من المیادین
و لنهه زینب عثرت ابجثّه الیّ میتین
تگرّبت لا راس لا خـنصر بلـأیدیـن
کل هدمه مسلوب و بدمّه مخضوب
لن شافـت اصبع ع الرمله مذبوب
~~~~~~~~~~~~~
کل عیال حسـین تعبت هذه حدهـه
کلهه شوک الحومه طب کلّه برِجِلهه
اشحـال رِجِل بنیـه طفله لـو دخلهه
اتشیط من اجدامهه التنشال عدهه
اشعملو هل اطفال تعذبون العیال
بلا رحمه تنطگ و تنشد بل احبال
~~~~~~~~~~~~~
وین ابوفاضل رحَل خل یلحگ اخته
خـل یحـطّ زنـوده و یگوم اعـله بخته
شفـته جـدّام الزلـم حـرملـه شـفتـه
سِطَر زینب مارحمهه اشلون عفتـه
ضظلوّ یضحکون کلهم یصیحون
چاوین اخوتچ خلهم یفزعون
~~~~~~~~~~~~~~~
تمت بعون الله
یوسف الزبیدی..
66
لسان حال السيده زينب والسيده رقيه 0000
بطلي النوح والهـــــــــم والرزيه
لاتعمين يا عمــــــــــــــــــه رقيه
آنه اعليــــج دمعاتـــــــــــي جريه
تعاي وخل احضنـــــــج بين اديه
يالبيج ريحـــــــــــــه من الزجيه
ومن البكَـــــــــــــــه بالغاضريه
جواب السيده رقيه 0000
تكَليلي يعمـــــــــــه ليــش تبجين
موبيدي شسوي الدمعــة العـــين
مشتاكَه يعمه الحضـــن الحسـين
ماجنهن أيام بعينــي ســــــــنتين
واحس كَلبي لجمني بجمرة البين
تأخر والـــــــدي جا راح لاوين
لسان حال زينب ومن يضرب رقيه0000
شمسويه رقيـــــــــــه وعذبتهه
فوك الضيم والهــــــــم سلبتهه
يخايب شــــلت ايدك لاتطكَهه
ومتنهه والعبايــــــــه مزكَتهه
يخايب ليش طفلــــــه خوفتهه
وبحبال خشــــــــــــنه جتفتهه
كون ابوفاضل هســه يرجـــع
ويشوف حالـــــــي اليوم يطلع
ايذب العمامه وحافـــــي يفزع
وبجف يمينه الســـــــيف يلمــع
عونج يخيتي يصيــــح مغضب
آنه اخو زينب حــــــــيل ينـدب
كَلبه الغيور يفـــــــــــور يلهب
وينه التعده وحاجــــــــه زينب
ويسحك شواربـــــــهه الشــماته
وثارات ياخـــــــــــــذهه الخواته
ويفك الحبل منـــــــــــي وبناته
ويغطيني ويفييلــــــــــي ابعباته
من حركَةالبيه ألطم علـى الراس
آخ امنــــــين اجيبنــــــك يعباس
زينب من تطــب ديوان الأنجاس
اشلون كَلــــــــي بهظم الأرجاس
كَلي اشلون حاجينـــــي يالعضيد
اشلون اكَدراصد ابعينـــــي ليزيد
وهوه ذباح اخيي حســـــين العميد
وبينه هالنذل يشــــــــــــمت ايريد
الشاعر ابو علي الركابي
67
نعي
بعد حرق الخيام000000
تعنت بت علي تصرخ يالحســــين
عدل يبن امــــي لوحانت وفاتــــك
أركض عالرمل واسحك علسيوف
ماعندي فكر ســــــــــلبو خواتـــك
حركَو خيمتي وضربونه بســــياط
وشتمانه الشـــــــــمر آنه وبناتـــك
*
أنه زينب بت علي المنشافلي أخيال
أفتر بيه الوكت والطــــــف حضرته
أخت محمد وعباس وحســـــــــــين
وأخت المجتبـــــــــى الماذلت أخـته
هسه اشلون بيه ومالي حمــــــــــاي
اصيح ابلا جواب اخواني ســـــكته
طلعت امن الخيم مذهولة الــــــراي
أدور عالولــــــــــــــي بعبره ندهته
أجتك زينب ومستحيه يحســــــــين
أعثر بالهــــــدم والمـــــــر جرعته
طريت الزلم والخيل صـــــــــوبين
والسب والشتم بأذنـــــــي ســــمعته
أكَلب بالجثث جاوينــه الحنـــــــــين
ولن هذا جسم مكَلـــــــوب شـــــفته
أبلا راس وذبيـــــــح وعاري ويلاه
ومن ريحة الزهـره أمــــي عرفـته
أضلوعه مكسـره ومصيوب بســـهام
وخناجر شــــــــرحن ويلي صفحـته
أمجرح كل كتر بســـــيوف وحــجار
ورمح مطعون شفته ابوســط صرته
ومطحون الظهر من حافـــــر الخيل
وأنه راســــــــــــي بعزه يمه لطمته
وينج يالزجيه حســـــــــــــين ذبحوه
تعاي وشوفي يم حســـــــــــين جثته
*
الشاعر ابو علي الركابي
68
الخطر بعدك صدك انه وعيته
الدليل اكـبر جـرح بيه وعيته
يعت بيه الشمر خويه وعيته
ويحز بمنحرك يبن الزجيه
……
الشاعر
اياد الفرح التميمي
اراويـك الجـرح تنـزف إذاني
يبويه الشمر بسياطه إذاني
يريتك عـدل وتشاهد إذاني
اسيرة بالخرابه أصار بيه
……
الشاعر
اياد الفرح التميمي
69
ممشه ظعني
ـ ـ ـ ـ ـ ـ ـ ـ ـ
ممشه ظعني
يذبح وما ينحمل
يعني عثره
يعني سطره
يعني طيحه امن الهزل
ممشه ظعني
ماكو رحمه لأي طفل
بالمدامع
والمواجع
يوگع امگيده الحبل
وبدربنه ـ
وبدربنه الفوگه ظل يهمل دمعنه
السوالف ـ
السوالف كلهه چانت عن حزنّه
ما خذينه ـ
ويّه ممشانه لچن كلشي تركنه
عالترايب ـ
كلشي ألنه أهناكَ عفناه عالترايب
والمصايب ـ
بينه حاطت يعني ما بين المصايب
والغرايب ـ
كلهه شفناها وبعد زدنه الغرايب
نمشي غربه ـ
يعني بيت آل النبي تاليهه غربه
والله صعبه ـ
يحدي بينه المو طهر بسياطه صعبه
وندري گلبه ـ
أقسه حته امن الصخر بهوايه گلبه
يا گلبنه
يا ألمنه
يا هضمنه ابلا كفيل
نمشي گوه
ومو بيدينه
من صفينه اعله الهزيل
وبدربنه ـ
ما بگه حيل بجدمنه
هو يا حيل البگه بلايه گمرنه
ـــــــــــــــــــــــــــــــــــ
للشاعر محمد الحلفي
70
خويه خويه اعداك اجوني-- حركَو اخيامي وسبوني
وينـك ألحكَ ياكفيلي
يانظر عينــي ودليلي
خويه ............... خويه
****
يـاعبـاس أنـادي ابدمعــــة الأحزان
يخويه ألحك ولتنه اتباع ابوسفيان
ياريحة علي ويازهـــــرة الخـوان
كَــوم انظـــــر يكافل مابكَت وليان
خويه ماراعو وضعنه-- نحجي وياك ابدمعنه
حشمت ردتك تجيلي
يانظر عيني ودليلي
خويه .............. خويه
***
كَتلي ارجـــع يزينب راح اجيبن ماي
وعلى دربك زرعت اعيوني يارجواي
تنطرتك تجي ويبـــرد لهيب احشاي
يامـن واعدتني العمــــر تبقه اوياي
عالنهر كَطعو يمينك-- بالسهم مطفيه عينك
هدمو ياخويه حيلي
يانظر عيني ودليلي
خويه .................. خويه
***
مريت ابمــواقف منهه شـاب الراس
جسم حسين شفته بالخيول انداس
فوكَ التل صحت بدمــوعي ياعباس
أبـوالسجــاد اخـيك ذبحته الأرجاس
لنه رد صوتي عليه-- ايكَلي اخذتني المنيه
كَمت أون وصرخ يويلي
يانظر عينــــــي ودليلي
خويه ..............خويه
*
مــن حركَو خيمنه وهجت الرضعان
تمنيـــتك تجينــه يـا بــدر عــدنـان
حرت بين اليتامه اوروحي والنسوان
غربه احنه وبقينه ابوليت العـــدوان
حايره وما عندي اخوه-- وعل متن سوط ايتلوه
مابقالـي بس عليلي
يانظر عيني ودليلي
خويه ............... خويه
**
شفت راسك يخويه عالرمح مرفوع
يصدنه ابحنان وعينه تجري ادموع
ون كَلبي اشكثر بس ونه مامسموع
اخاف اظهر ونيني ويسمع المفجوع
ونتي صارت خفيه-- عنك اخذوني سبيه
ابحزني ابد مامر مثيلي
يانظـــر عينــي ودليلي
خويه ................ خويه
**
الخادم
كامل السعيدي
71
خـويــه مـا طـاحـت عبـاتــي
مـن طِـحت طـاحت حـيـاتـي
ورِدِت مــن النـهــر أشــرب
لـنّــه يــشـــرب ذكــــريـاتـي
أنــه وانــتـه....و سِـد إذان الـليـل لا يـسمـع حـﭽـيـنـه
نِحـﭽﻲ سَكتـه....خـويـه تِـعـرف بالشـريـعـه مـو أمـيـنـه
وخَـلهـا صنتـه....صـارت اتغـث النـخـل شبـﮔـﺎت اديـنـه
اﻠﭽف حِضنتـه....ولـسـه بـاقـي بـذيـﭻ لـمـسـاتـه الحنيـنـه
ﭽَـنــه مــا مـﮔـطـــوع لــســـه
وحيـل يـشـبــﮔ ﭽـفـي احـســـه
وردت احاول جرحـه اضمـده
لـنّــه يــشــــرب ذكــــريــاتـي
ــــــــــــــــــــــــــــــــــــــ1ـــــــــــــــــــــــــــــــــــــــــــــ
مــا يـعـيـنَـك....ﭽـفــك اتـجـر السـهـم يـا خـويـه ﮔــوه
هـي عـيـنـك....بـيـهـا لـو مـيــة سـهـم هـم تـبقى حلـوه
ابـلا حنيـنـك....الخـوه مـن اتـمـوت مــا تـتـسـمه خـوه
يـالجـبـيـنــك....لجـيـشـهـم سَـد النظـر ولـدربـي ضَـوه
ومــنــهـــم البـــاوع خــيــالـي
صـورتــك تـطـــلـــع بـــدالــي
وصـوتـه اسمـعـه الـمـا يبـاوع
لـنّــه يــشــــرب ذكـــريــاتـي
ــــــــــــــــــــــــــــــــــــــ2ـــــــــــــــــــــــــــــــــــــــــــــ
لا تِـحـــــاول....إلا تـنـهـض ادري واتــردلـي التـحـيــه
يابـو فـاضـل....ﮔِـلـي بـس مشـتـاﮔــﻠــﭻ كـافــي عـلـيــه
إي يـكـــافــل....خـويــه ابـقـى بـنـومـتـك لـتـصـد الـيــه
إنــت قــابــل....تـبـقــى نــايـم لو شـفـت ﭽـويــات اديـه
النــار مــدري شـبـيـهـا ثــارت
مـنـيــن ادورن ﮔـبـلــــي دارت
ومــاي جــودك ردت افـزعــه
لـنّــه يــشــــرب ذكــــريــاتـي
ــــــــــــــــــــــــــــــــــــــ3ـــــــــــــــــــــــــــــــــــــــــــــ
الدمـعـه تـكـبــر....خـويـه كلـمـا اسـمـك الشـامـت يذكــره
وتـكـبــر اكـثــر....لَـمَــن يـصـيـحــون لتـخـلـولـه ذكــرى
ﮔِـلـنــه يحـضَـر....ﮔـﺎلو الما عنـده ﭽـف ما عنـده سطـره
وﮔـلـنـه يـﮔـــدر....زايـده اعـلـيـكـم تره من عيونه خـزره
عـيــن ﮔــﺎلـــو سـهـــم بـيـهــا
وحـــده دم يــابـــس عـلــيـهــا
وحـاولــت أهـمــل حـﭽـيــهــم
لـنّــه يــشــــرب ذكــــريــاتـي
ـــــــــــــــــــــــــــــــــــــ4ــــــــــــــــــــــــــــــــــــــــــــــ
العــذر مـنــك....سـوالـفـك حلوه وبطيـت اعلـه اليتـامـه
امـشـي عنــك....بلـكـي ارد وأﻠـﮔـه عـبـد الـلـه بسـلامـه
واســألَـــنّـــك....خـويـه ودعـنـي ولَــوّ بـس بابـتـسـامـه
خـويـه ﭽـنّـك....مـــا توصـلـنـي وأرد وحــدي بـنـدامـه
وامــشــي واتـلـفـــت واحـــاذر
خويــه والـلـه اكـســرالخــاطـر
الزمــن يـعـرفــنــي الأمـيـــره
لـنّــه يــشــــرب ذكــــريــاتـي
ــــــــــــــــــــــــــــــــــــــ5ـــــــــــــــــــــــــــــــــــــــــــــ
هــا رجعـتــي....ارقـيـه سـألــت زيـنـب اتـرد أي يعـمـه
شنهـي شفـتـي....اتـﮔلها شـفـت اﻠﮔمـر بس اﭽفـوف يمـه
ولَمَـن رحـتـي....عـمـي ما ﮔـلتـيـلـه يـرجـع ودي اشـمـه
لـيـش حـرتـي....اتـﮔلهـا ما عنـدي ﮔـلـب يا عـمـه ألـمـه
ذاك ابــــو الطــلــه الـبـهـــيــه
بــي شــعــامــل غـــدر امـيــه
وسهـمـه كـلـمـا ردت اسـحـبـه
لـنّــه يــشــــرب ذكــــريــاتـي
ـــــــــــــــــــــــــــــــ6ــــــــــــــــــــــــــــ
أحمد البصراوي العبادي
72
يتامى ومن بعد طفك طفلهم
طفلة بخيمة محتركة طفلهم
ولا واحد فزع الهم طفلهم
وعباها بنار محتركة رقية
........
بعباها النار ما اكدر شمرها
دفرها الظالم برجله شمرها
تبعها سوط يضربها شمرها
وسلبها انوب وتنادي عليه
........
سلبها انوب هالتنزف اذنها
وجروح هواي برقية اذنها
تنوح تنادي لو تسمع اذنها
شمر يابويه ترضه يعيل بيه
.........
شمر يابويه ظل يفتر ورايه
سبانه وهذه كل قصده ورايه
وبعد ماظل علم عدنه ورايه
العميد اعله النهر طايح رميه
.......
العميد وكافل الخدر كفلها
كف بيها الدهر بعده كفلها
ضرب عمتي يكللها كفلها
وبعد ماكو كفيلج هاي هيه
.......
وبعد ماكو كفيلج راحه منه
خدر بعدك يخويه راحه منه
ياهو خلاف عينك راحه منه
من غيرك يجي ينغر عليه
.......
الشاعر
اياد الفرح التميمي
73
زينب الكعبة بياذنب يسبوهه
وأعله المتن بنت النبي ايضربوهه
................1
غيره أبد ماعدهم ولا إحساس
شافوهه ظلت حايره ابلاعباس
الأميرة چتفوهه بحبل ماتنجاس
بنت الوصي حامي الحمه يسبوهه
.............2
أعله الناگه تصعد بت علي معقوله
يدري الگمر أخته انسبت گلوله
وروس الأهل فوگ الرمح مشيوله
من الخوارج صاروا ايحسبوهه
............3
اشچم طيحه طاحت عثرت اشچم عثره
وتسمع تگلهه اسم الله امهه الزهره
وزينب ياويلي تنضرب كل فتره
فوگ الهزل مانقبل ايركبوهه
.............4
راوهه رأس حسين ينزف دمه
رادوهه تبچي الرأس فارگ جسمه
عاري الجسد بالصحرة محد يمه
بروس التحبهم گاموا ايعذبوهه
................5
ليش بخرابه ابلاسگف خلوهه
حتى الشمس تچوي الحرم واذوهه
ماتت رقية وشكثر بچوهه
للشام مهضومة وسف جابوهه
..........................
حيدر موسى الرميثي
74
نزله
في محبة ومديح الحوراء زينب عليها السلام
....................
سلام الله عله الذبحو أخوهه
عله الحركو خيمهه أويسروهه
سلام الله .. سلام الله
سلام الله .. سلام الله
..............
سلام الله أوصلاته أعله العقيله
الخذوهه أمجتفه فوك الهزيله
بنت حامي الحمه الكافل دخيله
علي عقد الوله راعي الفضيله
عله الجدهه رسول الله دروهه
وامهه فاطمه أوحيدر ابوهه
سلام الله .. سلام الله
سلام الله .. سلام الله
................
سلام الله عليهه أبكل هنيه
لرض الشام من الغاضريه
أبكل نسمة فجر عذبه طريه
أشما غابت شمس وتحل مسيه
عله أخت الكافل الجفه أكطعوهه
وبسهم الحقد عينه طفوهه
سلام الله .. سلام الله
سلام الله .. سلام الله
................
سلام الله البدايه أبدين الأسلام
رساله أمعطره بدموع الأيتام
الى الحوراء زينب كعبة الشام
الى يوم الاجل عاهدنه خدام
عهد للموت ثابت لو نسووهه
أثر طكاتنه توجع لكوهه
سلام الله .. سلام الله
سلام الله .. سلام الله
..................
سلام أهل السلام الذات الأحساس
الى أخت الحسين أوأخت عباس
وديعة فاطمه الحد كطع الأنفاس
فوك الراس تاج أيشرف الراس
جبل من الصبر ما زلزلوهه
ملاحم موت ترهب شوفوهه
سلام الله .. سلام الله
سلام الله .. سلام الله
.................
سلام الله لحد يوم القيامه
عليهه أو عله آهات اليتامه
القصد من هاي نوماس الأمامه
أذا صار الحشر ألنه أبسلامه
شفيعه أو تكضي حاجات الدعوهه
وبخوهه أحسين بلشده نخوهه
سلام الله .. سلام الله
سلام الله .. سلام الله
...................
خادم أهل البيت
الشاعر : أسماعيل الجوراني
الجمعه : 20/7/2018
75
كل اخوتي موسده التراب
وانه وحدي بين الاذياب
ويلي يافگد الاحباب
* * *
خويـه ياعـباس انـظر عايـن اختك
والله مو قصدي يخوي اجرح مهجتك
امن اليشـيعوني يـبو فاضل حسبتك
يالعفـتني احضر ترانه اليوم ردتـك
للعتب خويه ماجيت. * الشوفتك والله حنيت
من البچي گلبي انصاب * ويلي يافگد الاحباب
* * *
آنه اختك وانتظـر منك تجيـني
والله ملهـوفه اشـوفك ياحنـيني
عگب عينك ظل يواسيني ونيني
ليش من اذكر الخوه يحر جبيني
امس جروني الارجاس. * بالسلاسل خويه عباس
بهظمه ابقه ودمعي سچاب * ويلي يافگد الاحباب
* * *
والله عزمي انهار يوم المرني عاشور
من سمعت الشمر ناده حسين منحور
ها يظامي بروحتك ظل ظهري مكسور
واگـفـه وانـحـب وادور بيـن الـگبــور
ياضوه عيوني يحسين. * بروحتك يحله الاونين
اختك وفخر الحجاب. * ويلي يافگد الاحباب
* * *
ويـن اخـوي حسين ياعـباس اريده
امـي وصـتنـي اقـبـلـنه بـوريـده
الف وسـفـه عن اخـوي انه بعيـده
گـاود الـموت واخـذ عبـاس بـيـده
بعد ياجرح اليطيب * وآنه انادي ولا تجيب
واعدت تفني الرگاب * ويلي يافگد الاحباب
* * *
ليش عفتوني يخوتي بجور الايام
وانتوا ماترضون امشي بولية ازلام
انتزع جلد من الجلد من نار الخيام
وتسّوّد امتوني ويشّتّمّ راعي الايتام
تبقى تتشمت الناس * وكلهه صاحت وين عباس
يالغوالي طال الاغياب * ويلي يافگد الاحباب
*************************
خادم الحسين : سيد علي اليعقوبي
76
يم الخدر رحيل باچر سفر طويل
باچر هجر.....لمن يمر....وحدچ بلا كفيل
*****
بس يهل باچر يزينب ويه فجره
مصاب مامر ع الواحد بيچ يجره
باچر اجروحچ تفز والعين عبره
ينكسر گلبچ ولا واحد يجبره
باچر يجي العذاب چم لوعه چم مصاب
دمعچ يصب.....وسط الغرب......عنچ هلچ تشيل
خويه بس هالليله بس هاي المسيه
وداع خويه والفجر باچر منيه
باچر التوديع يصعب حيل اليه
گبل باچر ارد احط ايدچ بديه
باچر حزن وجراح باچر بجي ونياح
باچر اشد.....خويه وبعد......دمع الهجر ثجيل
خويه باچر لويجي يحزون نحري
والشمر خويه يتربع فوگ صدري
من تصدين الشمر يابعد عمري
خويه لاتنسي الوصيه خويه اصبري
صبري على هالحال عينچ ع العيال
يم المحن.....باري الضعن ......وعينچ ع العليل
باچر العباس خويه تطفي عينه
ع النهر لايسره عنده ولايمينه
باچر يروح الگمر حامي الضعينه
ومايرد اجواب لمن تنتخينه
راسه بعمد ممرود يطيح العلم والجود
بعينه السهم ......راسه انهشم.....دم منحره يسيل
باچر الدلال خويه يصير جمره
جاسم تشوفينه باچر يطفي بدره
خويه والاكبر خناجرهم توذره
وحته عبدالله الطفل ينگطع نحره
باچر دمه وخضاب باچر يحز رگاب
محد يظل .....من الاهل .....لاوالي لا خليل
باچر تفرين من خيمه لخيمه
ومن تغير الخيل تسحگ چم يتيمه
من يجيچ المهر يصرخ بالظليمه
الهوه يجرحچ اذا هب بنسيمه
لضرب السياط اثار والخيم بيهن نار
جتاف وحبل ....فوگ الهزل ....بلاخيمه يلفي الليل
اخوتچ فوگ الثره يظلون صرعه
والموادع ع الهزل ياخويه دمعه
خويه والسجاد ذابل مثل شمعه
بالسناسل منجتف وشلون وضعه
حرگه ودمع ضياع فوگ الهزل وداع
دمعچ يهل ....ماينحمل....درب السبي طويل
خويه من باچر بعد ينشاف طولچ
ديره ديره هاه يزينب ينظرولچ
خويه كل نظره بسهم لو باوعولچ
وتنتخين بأخوتچ مايفزعولچ
بس الاشد عليچ مجلس يسب والچ
طاغي بحكم ....بمجلس ظلم ....سب حامي الدخيل
علي الجناحي
77
بسمه تعالى
جابوا الـــنوك الهزيــله سكنه هو السبي الليله
أحـــبالهم مــن حضروهه بساع شــو ما أخروهه
سكنه هـــــو السبي الليله
**********************************
1= أنه ياسكنه رقـــيه وخــــــوفـــي باين مــن وره أحجابي علـــيهم بس أعاين
شعدهم أنخبصوا يسكنه أهل الضغاين خايــــن أيـــباوع أشــوفه بعين خاين
---------------------------------------------
شــــنهي رادتهم يسكـــنه والله حيره وبيهه طحنه
روس أهلنه الركـــبوهه بساع شو مـا أخروهه
سكنه هــــو السبي الليله
**************************************************
2= سكنه شو جابو أحبال أكـصار وطوال وليش يختارون كاموا أضعف أجمال
شربوهــــن مـــاي ويضحكون الأنذال تسعه أشوف النوك وين تكفي العيال
للــفــجر ما يمهلــونه أنبات يم جثمان أبونه
صعبه هاي تصوروهه بساع شو ما أخروهه
سكنه هو السبي الليله
**************************************************
3= يالله يخـــتي أمشــينه للوالد نزوره أوبالج تكولـــين عــالشفــته بحضوره
نمشي وياهـم نضل لا زم نـشوره حـــته لـــو مذبوح مانجرح شعوره
أبخــير رضعانك نخبره وأصبــعه العاشر ندوره
والخيم من وجـــروهه بسرعه شو ما أخروهه
سكنه هو السبي الليله
*****************************************************
4= هـسه دنــــيه الليل لفــيني بعـــــباتج بساع نمـــشي أنشمه وأنعـــود الخواتج
أنصلي يـــم النحر لـو حانت صلاتج حــــــيل مشـــتاكه أشوفــنه وغلاتج
كــبل لا نرحـل نكصده حته لو فد ساعه وحده
ما أكول أختك سبوهه بسرعه شو ما أخروهه
سكنه هو السبي الليله
*****************************************************
5= لازم أنركــــبهه عــمتــنه كــبلـنه أومــا نجاوب ليش لو واحد سألنه
الشمر من يضربهه خيه نلزمه كلنه وبيدنه أنزلـــهه زينب لـو وصلنه
هاي عــمتنه الحنينه بالسبي هــــــيه ولينه
لاخدر ضل لا أخوهه بسـاع شو ما أخروهه
سكنه هو السبي الليله
***************************************************
6= أنــــه أقــدم ضهــري للسوط الأيجيهه وأنتي فتحي الحبل ياسكنه أمن أديهه
طاح أخوهه أعله النهر مـايدري بيهه كون حــاضر جا مسح دمعة سبيهه
أه ياعـمنه شيجيبك حــيل عـــذبنه مغيبك
كل فواطمكم خذوهه بساع شو ما أخروهه
سكنه هو السبي الليله
********************************************
خادم العتره الطاهره عبد الجليل علي المالكي
78
اه يلخيم
اه يلخيم
اوحيره المن عيني ادير
الخيمه لوجرح السهم
اه يالخيم
حيل ماظل خويه بيه
وكل كتر انزف جريح
البيتي هجمت ناس اشوفن
خويه وانه اوگف واطيح
والعطش يبس لهاتي
ومن اصيح ابكل قواتي
ناصي صوته الريجه ناشف
اومايسمعو من يصيح
صار كلشي ابعيني ظلمه
كل عظو ابحيلي انهدم
اه يلخيم
اه يلخيم
ليش علفاگد ظهر تفزع نبال
وتالي عمره اخدوده تتوسد رمال
الرايح العباس منه
بالشمس تصبح مماته
ويبقي طوله ابلا خيال
ابيش احير ابيش اهم
اه الخيم
اه الخيم
(ياعقيله ال هاشم )
ابسرعه ها يم عون ردي
وانه اظل ابجروحي وحدي
بس عليل هناك باقي
ماكو غيرچ خويه عندي
خويه ردي امحلفچ ابفي العلم
اه الخيم
اه يلخيم
ها يمكفولت اخوي
ويا عزيزه گلب ابوي
امنيات الخميه كله اطشرت
وبالجمره كل ذكره بيه اتفرهدت
اويه دخان الخيام اطيارت
وطف اشوفه ابعيني بس نار انرسم
اه يلخيم
اه يلخيم
روحي خويه ودعي ليلچ
اولمي بيتامي الزغار
ودعي ليلج وي كفيلج
گبل لا ينكشف ظلج بالنهار
اوخلي رايچ علشريعه
ويه طيحت چف اخيچ طاح رايچ والقرار
اوودعي اچفوف الشهم
اه يلخيم
اه يلخيم
الخادم علي الحميداوي الكربلائي
79
خــويــه اﮔـلـك ســالـفــه
راح اروحـــن خــــايـفــه
بس وحـﮔ ﭽـوية عباتي
إلا اذلـــهــــــم حـــالــفــه
مو سنين اعيـون رمشن...وﮔضت وسوالفنه عطشن
انـت سـولف للشـريـعـه...وانـه اســـولـــف للـسـبــي
كـان يـامــا كــان ﭽـنـه...لـمـــة اخــــوان ومـحـنّــه
لـو ﮔـلت عباسي طبعي...اتـﮔـلـي أنـــه الـزيـنــبــي
ما كسرت لصوتي خاطر...منـك اسمع فقط حاضـر
هسـه محتاجه الـك خويه...شـوف ﭽـووهـا العـبـي
ﭽـويـة أيـدي وطـايـحـه
لـكـــن الـمـا اســـامـحـه
كـلـهــم الأذوّ خـــواتــي
إلا اذلـــهـــم حـــالــفــه
بخيمـتي ونـار اعتـنـتـني...وصوت حِرﮔـوهـن يعتـني
انه متعوده اعله صوتـك...غـيـرك أيـضــر مـسـمـعـي
صوتك انت من الله دافي...مـنـه مـخـلـوقــــه العـوافـي
وهسه صوت الشمر يـﮔرب...وانــه ادفــعــنـه بـنـعــي
الخيـمـه خل تحرﮔـنـي سهله...ولا أفــزَع غـيرك اﮔـله
وخويـه هـي النـار خجـلـت...مــن حــــرارة مـدمـعــي
الـنــار اجـــت مـتـحايــزه
وصِحـت اخـذي شعـايـزه
وخـلي بس بوشـيتي وانه
إلا اذلـــهـــم حــــــالــفــه
شـويه اسولـفـلـك يغـالـي...شحالـهـم بعـدك اطـفـالي
اسـبـاع مـا بيـهـم اليعـثـر...بـيـهـم الخـيـل اعـثــرت
مــا يـدنـﮔ طـفــل بـيـهــم...ايـعـذبـون الـلـي يـجـيهـم
بـس يخـويه السوط ظالـم...والـمــتــون اتــفــطــرت
أخ مـا نـسـمعـهـا مـنـهـم...وﮔلبي يسمع صوت ونهم
سَـكـتَـت الغـالـي سوالف...شـحـال وادمـوعـه جرت
مـا اهـتــم لـمــتـــونـــي
مـركــــزات اعـيـونـــي
الضربو اطفالي وحـﮔك
إلا اذلـــهـــم حـــالــفــه
خـويـه ما شافـونـي وانـت...خـايـفـه اليـاذيني شفـتـه
اطـمـئـن لـسـه انـه زيـنب...مـا مـتـعـبـنــي الـجــرح
والـلـه اخلـيـهـم سـوالـف...المـا يموت يعيش خايـف
والـمـشـه تـمـثـال يـمـشـي...مـا يـهــزك بـالـرمــــح
واليهـز رمـحه ويلـﭽـمك...ﭽـا وحـﮔ قدسـيـة اسمـك
إلا اخـلـي اللـيـل عـنـــده...مـا يـعـرفـه مـن الصبـح
بـعـمــري يـابــو فـاضـل
عـنـدي بـس هـالـكــافــل
وحافظه الغـدروك خويه
إلا اذلـــهـــم حـــالـــفــه
رايـحـه وعـالـرمـح تنـظـر...انـت ﭽـفـك خويه يسطـر
وانـه صـوتـي اربـاة ﭽـفـك...راح اخـلـصـهـم سَـطـــر
طولي كامل واهمه تصبح...روسهم من تمشـي تجـدح
كــثـر مـا بـالـﮔـﺎع تـــردم...تـﮔـضـي جـدحـات وفطـر
الـﮔـالـك مسـبـيـه تـمـشــي...ﮔـله منطـيهـا الـله كـلـشي
وهـي مـا رادت مـن الــله...بــس عـبــايـــه وتـنـســتـر
انـطـاهـا الـلــه اعـبـايــه
بهـيــبـتـه مــغــطــــايــه
أوفت من ﮔـالت لاخوها
إلا اذلـــهـــم حـــالــفــه
أحمد البصراوي العبادي
80
ياليل المحرم اوجرت بينه
يالهندس ضلامك بيه تغطينه
… ..
يالبالك ابد موصافي ويانه
شوفنه مصايب ظيم دنيانه
ياليل المأسي جروحي عطشانه
وطيوفك حزن كل عام تسگينه
…… .
يافشله من اشوفك تترس عيوني
وصور ذيج المجازر تعشگ ضنوني
يواسوني ابدمع كون اليواسوني
ومصايب شوفتك بيها تحنينه
… .
يالوعه اريد اذكرها وانساها
وروح ابعيد ماجيب انه طروها
ياعين الينشف چفه مجراها
ياليل الشهر تسمع نواعينه
……
اعد بنجومك بكل ليله واتحسر
واگولن يانجم چاوين ابو الاكبر
يعاين عالمصايب بس علي تفتر
واگله شلون من فرن نساوينه
… ..
عله ياحال من عدهن تناشدنه
عله عسكر غزانه وكلشي فرهدنه
بلاحماي بس نسوان وحدنه
وخونه المنذبح حركوا صواووينه
…… .
علي الحاج الصبيحاوي
81
ليلة الوحشه
وينج لياخيمه زينب رايحه
ياالي ماطحتي كبل شو طايحه
طولج المحني يطر بين الخيم
يالكلامج نبرته بطور الالم
ماشيه وجنج كفيلج بالعلم
اليابو فاضل صوت منج صايحه
منين مادورين يندار الدخان
من الخيام رمادهن ينثر امان
وين هسه وين امس ذاك المجان
الفروقات اعلى وجهج واضحه
مره تلتفتين الج مره لاخوج
ومره تحجين بحزن عالسلبوج
هوديتي وجنج ايحرسج ابوج
ساكته وشبت بكلبج نايحه
عالكين خيام للوحشه شموع
وانت وسط العين وجيتي الدموع
ذاك طولج شمعه وتداعت تموع
ها يزينب شو بدمعج سابحه
لملميتهم واجيتي بلايه راي
وبلليتي شفافهم بشويه ماي
عمه من صحتيلهم كلكم وراي
حجايتج مكسوره لجن جامحه
كاعده ويم جثته اخوج مجمعين
والاطفال اشوفج بمنضر حزين
وياج صاحو لمن صحتيله حسين
جينه يمك خويه نقره الفاتحه
ايوب جبار السويطي
82
يارب اسمع شكوتي ........ اشكو اليك حسرتي
__________1_____________________
هذه انا ام العلا.......والعرف من حولي احتلا
كلبي وجيبآ والسلا ..... ياويلتي من دنيتي
__________2_____________________
قد كنت في حلما انا ........ حسين قد كان هنا
وحيدر يتلو السنا ........ وكافلي في يمنتي
__________3_____________________
اصبحت والجرح اكتوى ........ وقلب طفا قد جوى
ضربا وحرق ياهوى ........ سالت عليهم دمعتي
___________4____________________
اشكي هموم صادقه ......... لجرحي كانت بارقه
رقيه تبكي فارقه ........... اهان عليك عمتي
___________5____________________
اسير في ركب العدى ........اسبى لطوله المدى
وحالتي صارت سدى ......... يارب ارحم وحشتي
____________6___________________
جل قنوتي والدعا ..........لجلئك وجهي سعا
بقل هوه فكري وعا ....... حسين خذ ذريتي
_____________7__________________
طال عليا بلسبات......... قد كان اجمل الصفات
ياربي حقا هوه مات....... مات عليا بهجتي
_____________8__________________
كنت اخاف السفر ........ يحدوا به قرب الخطر
كفين طاحت عل نهر ......... هذه منايا دعوتي
علي الزركاني
83
زينب شتحتمل .. شـام لو كـربله
لو خـيم تشتعل .. لو سهم حرمله
**********
شتنسه زينـب من مصايبهه العديده
راس اخوهه العالرمح لوچف عضيده
من لـفـاهـه الـمـوت بـديـار البـعـيـده
حتّه موتتهه بـحـزن مـاتـت وحيده
.................
تنسه ذيچ الهزل .. لو بچي العايله
لو خـيم تشتعل .. لو سـهـم حرمله
**********
الحزن وي زينب مفصّل عليهه
من كسر ضلع امهه والنار البديهه
لچبدة المسموم ولهامة وليهه
من فرار عيالهه لحرگة عبيهه
....................
تنسه نحر الطفل .. ونّـت لـمـقـتـله
لو خـيم تشتعل .. لو سـهـم حرمله
**********
من بعد رحلة عمر ضاگت نحيبه
وسفه زينب ياخلگ ماتت غريبه
ونّت وگـالـت علي يمّي شيجيبه
ساعد الله المات ومفارگ حبيبه
......................
صعبه يهل العقل .. ميّته وبمعضله
لو خـيم تشتعل .. لو سـهـم حرمله
**********
مددت رجليهه حـسّـت بالمنيه
وصّـت لـدفّـانهه زيـنـب وصيّه
باللحد ماي العذب لترش عليه
ماتو اهلي بلاشرب اهل الحميه
......................
وصّي اهل الغسل .. بالمتن مشكله
لو خـيم تشتعل .. لو سـهـم حرمله
**********
لا تلفّوني بچفن ساعة رحيلي
الچفن خليته الك راية چفيلي
من تنزلني عله هونك وي دليلي
انتظر بالله انتظر بلچن يجيلي
.....................
بهيده لمّن تهل .. لـو شـفـت قافله
لو خـيم تشتعل .. لو سـهـم حرمله
**********
لو شفت نزلت دموعي وحان موتي
يعني ابوي وامي يعني ذوله اخوتي
بس اشمّن ريحهم اكـسـر سكوتي
آني اصيحلهم هـلا وبعالي صوتي
.......................
جرحي بيهم اشل .. بالاجو ياهله
لو خـيم تشتعل .. لو سـهـم حرمله
**********
سيد علي المدني
84
شوط كربلائي
…… .
هم ترجع عدل يحسين وتشوفك بعد عيني
ربيت من الطفوله وياك اباريك وتباريني
…… ..
گظيت سنيني ويامي اشوفنك عدل وعدل
وكت النيبه بس انخه تجيني امهدل امشكل
صحت جم مره حاجيني غريبه وكلشي مااندل
وحيده وكلها عدواني…وصيح ولا اخو جاني…عجيبه شلون تنساني…ونه البس بيك ادلل
هم ترجع عدل يحسين وتشوفك بعد عيني
…………
جنت احلم واسولفلك سوالف تفتر ابالي
واگلك ياحبيب اختك تضل لدوم تبرالي
واصفن والعمر ركظه ويشنهي الماتراوالي
وصلنه ابگاع منسيه.. طلع حلمي ومحاجيه. وحيده وصرت مسبيه
والم بشارد اعيالي
هم ترجع عدل يحسين وتشوفك بعد عيني
......
الليالي شظامه الگلبي بعد شنهي التراويني
اجيت وانته تبرالي احاجيك وتحاجيني
ولاصوغه ارد بيها ولاشغله توصيني
ارد محزمه بهمي. واكولن مااجه ابن امي…يريته عالترب دمي.. ولاوحدي تخليني
هم ترجع عدل يحسين وتشوفك بعد عيني
………
صدك تل زينبي هذا لو تل بجثث هالناس
كومهم اخو خيته من طب للحرب عباس
اذا موقسمتك رجعه وديلي شديد الباس
ادري برجعتك كلفه.. وعيون العده صلفه
وديلي فقط جفه.. يمسح معصمي والراس
هم ترجع عدل يحسين وتشوفك بعد عيني
…… ..
اناديمن يبعد اختك ولا واحد بقه يرجع
العزيز المايفارگني لگيته اعله الثره مگطع
صحتلك ماصحت خويه صحت مولاي هل تسمع
ولاواحد بعد حامي.. كفيلي عالنهر ضامي..توج النار بخيامي
وجثثكم تارسه المصرع
هم ترجع عدل يحسين وتشوفك بعد عيني
…… ....
علي الحاج الصبيحاوي
85
زينب عليها السلام عندما احرقوا عليها الخيام واحست بحرارة النار تذكرت امها فاطمة الزهراء وحرق الباب
كاني بلسان حالها تقول لامها الزهراء
............................
.............القصيدة ................
يمه وينج يالحنينة أم الوفة
شوفي جمر الخيمة بجفوفي انطفه
مني راحوا اخوتي .. ومثل بابج خيمتي
...................1
النار تحرك بيه واني اصرخ ييمه
محد بكلبه اعليه شويه رحمه
ماكو مثل الأم تره بالدنيا نعمه
شما كبر بيت الأهل هيه التلمه
عازتج عازه يزهره ماتجين
شيجمع عيالي الي ضاعت مدري وين
عني تاهت عيلتي.. ومثل بابج خيمتي
.....................2
يمه شفت بعيني من ضربوا رقيه
من شفتهه ردت اموت شصار بيه
طفله سحلوهه سحل من بين اديه
اتصيح اسمعهه يبويه اتعال ليه
الشمر مايختلف عن قنفذ نذل
بصوطه يضرب متني وعيوني تهل
بكبر جرحج قصتي.. ومثل بابج خيمتي
....................3
الخيل اجتنه وقررت تسحك علينه
وأنه واعيالي ركض كلنه اعتنينه
لبو فاضل رحنه نشكي الصار بينه
نايم الكيناه ومكطعين ادينه
مثل عينج عينه حمره يم حسن
نايم العباس ماعنده جفن
بيه دارت دنيتي.. ومثل بابج خيمتي
.....................4
مثل ليل اهدعش مامش باليالي
كمت اصيحن والحجر اسمع بجالي
هنا تعالي يم حسن ليه تعالي
يمه شوفي كربله شسوت لحالي
يمج اتكليلي اسمع موبعيد
وانه اسمع ونتج يم الوريد
ونتج وي ونتي.. ومثل بابج خيمتي
...................5
والرضيع المثل محسن سال دمه
بالمهد نايم بعدهي اتهزه أمه
تريده يكعد ضلت اتهزه وتكلمة
والرباب مصابهه ضلعج يلجمه
عمره ست أشهر كطع نحره السهم
الماي ماضاكه شرب من نحره دم
بيه تعرج ناكتي.. ومثل بابج خيمتي
................. .....
حيدر موسى الرميثي
86
طلعت اختك خايفة....
وشافت الما شايفة....
بوية يحسين.. شافت النار وعساكر هاجمة..
🔹🔹🔹🔹🔹🔹🔹🔹🔹🔹🔹
عمتي من الخوف تركض والعساكر حايطتنه.
بوية ويطكونه غربة وانت ماجنك شفتنه.
ما تجيني وانه بتك سكنه مو نار احركتنه.
وهجمت الخيالة بوية من الركض لا ما لحكنه.
ما تكوم اتشوف اختك🔹🔹
حرمة علوية ونختك🔹🔹
لا تنام الخيل جتنه🔹🔹
سلبوا يا بوية بختك🔹🔹
شمس وحرورت نار....
تجَوي عمتي ولازغار...
يا مصيبة.. خدر الله مكابلتني ولاطمة...
🔹🔹🔹🔹🔹🔹🔹🔹🔹🔹🔹🔹
بوية المدللهه انته كوم شوف أشحالهه.
رماد المخيم ترسهه وحالنة ويا حالهه.
وانه انضر تمشي تعثر بوية عمتي شمالهه.
َوجن أشوفن ورة التلة تدعي وتكض شالهه.
ربي وبشالي وغلاته🔹🔹
حسين رد روحه وحياته 🔹🔹
ربي مو خيل الولتنه🔹🔹
والله مو وكته مماته 🔹🔹
وعمتي اسمعهه اتصيح...
حسين وتكوم اطيح...
بابا بابا... عمتي من الصوط لا ما سالمة..
🔹🔹🔹🔹🔹🔹🔹🔹🔹🔹🔹🔹
بابا وبيا حال انت بس اسولف ضيم كلبي
ورد اكلك شغلة صارت سالفه وعيوني تربي
ركظوا اختك ييابة وانه اصرخ ربي ربي.
جا كلبهه الله قيامة وين صارت مرة تحبي.
تحبي علوية محمد🔹🔹
منكم انتم ماكو احد🔹🔹
من الركض مابيه تمشي🔹🔹
حسين بوية الله ولحد🔹🔹
كافي مابسكم نوم...
زلم بينه احنه تحوم...
وين صارت... هيبة الله بلصحاري هايمة..
🔹🔹🔹🔹🔹🔹🔹🔹🔹🔹🔹🔹
كلي ترضوهه علينه احنه بين ازلام غربة.
عمتي اذا ونت فكرهه ولية مال اصياط صعبة.
نضرت الوادم علينة وينه وين المتربة..
وراح كلشي من ادينة وذبحوا اي واحد نحبة.
وعمتي تعبانه ونحيلة🔹🔹
وبلحرم هية كفيلة🔹🔹
حرمة بس ماعدهه والي🔹🔹
بوية تصبح جن ذليلة🔹🔹
وبادت العصابة..
حسين احنه بغابة..
والتعب بأن.... وزينب من اولت امس مانايمة
🔹🔹🔹🔹🔹🔹🔹🔹🔹🔹🔹🔹
انه اول مرة اشوفن عمتي مرعوبة وتناظر.
وسئلتهه وجاوبتني انه اخاف من العساكر.
والله يستر عمه كالت اخ لو صبحنه باجر.
وباجر ايكيدونه كلنه واحنه لا ماعدنه ناصر.
باجر ايسموجن انتن.
بلسباية يلي ضعتن.
ذن بنات حسين كلفه.
راح اكلجن يلله سمعن.
بسوك لو مرونه..
بلحجر طكونه..
دنكن الروس... كلشي جائز وانه بيجن عالمة..
🔹🔹🔹🔹🔹🔹🔹🔹🔹🔹🔹🔹🔹
عباس أديب المالكي..
87
فزاعيه
يا كربله اشسويتي
ابدمع وحزن هديتي
طفيتي شمعة بيتي
يا كربله يا كربله
****
عبدالله ضامي منذبح ياكربله ياكربله
وجهة مثل نور الصبح ياكربله ياكربله
خليتي بيه جم جرح ياكربله ياكربله
كل لحظه بيج انا انذبح ياكربله ياكربله
****
حنيتي قاسم بالدمه ياكربله ياكربله
ناحت عليه أرض وسمه ياكربله ياكربله
مثل الأسد بالموزمه ياكربله ياكربله
روحي عليه متألمه ياكربله ياكربله
*****
يا وسفه الأكبر ما سلم ياكربله ياكربله
يا ألم يهدئ يا الم ياكربله ياكربله
صعبه علي حرك الخيم ياكربله ياكربله
من بعد شيال العلم ياكربله ياكربله
*
ما ينفع اوياج العتب ياكربله ياكربله
خاتم ابو اليمه انسلب ياكربله ياكربله
عطشان مايج ما شرب ياكربله ياكربله
زيدتي همي والتعب ياكربله ياكربله
***
مكطوعه جفين الكمر ياكربله ياكربله
والجربه ضلت عل نهر ياكربله ياكربله
حزني عليه طول الدهر ياكربله ياكربله
بعيوني ماظل كل نظر ياكربله ياكربله
****
ياريت ميته وما شفت ياكربله ياكربله
رأس ابو اليمه بالطشت ياكربله ياكربله
ياخويه حاجيني صحت ياكربله ياكربله
بغيابك انا اتعذبت ياكربله ياكربله
الشاعر//هادي الساعدي
2018/2/19
88
يمّه امصابج جنـّه مصابي
وهاي اخيامج تشبه بابي
يازينب آنه الزهره
ــــــــــــــــــــــــــــــــــــ
بالطف من شفتج مهظومه بدون الوليان
شفتي حسين وكل اصحابه فوك التربان
واخيامج يازينب وسفه شبّت نيران
يبنيتي ومتحيره بضعنج يم الاحزان
شفت ادموعج تهمل عالخد
جيت انطيتج ثوبي الاسود
يازينب آنه الزهره
ــــــــــــــــــــــــــــــــــ
من شفتج متحيره بضعنج دمعج منساب
وبخيامج نيران اموجره بجمر اللهاب
ذكّرتيني بذيج المحنه ودلالي انصاب
من هجموا عالدار وشبـّوا بالنار الباب
مثلج ناديت من يطفيهه
نيران اعداي شبّت بيهه
يازينب آنه الزهره
ــــــــــــــــــــــــــــ
ومرّيتي بياحاله وشفتي عبدالله يلوب
من رد حسين بجفـّينه طفله المصيوب
تذكّرت المحنه الجتاله والروح اتذوب
محسن من صابه المسمار ودمعي المسجوب
نبلة نحره والروح اتون
مسمار الصاب ابني المحسن
يازينب آنه الزهره
ـــــــــــــــــــــــــــــ
يمّه وكل آه اتكوليهه والروح اتلوع
بالسوط اعداج يضربونج واتهلي ادموع
متنج من ورّم اتذكّر ضلعي المخلوع
احّا ياضلعي المايبره هد كثره ضلوع
المتن الدامي يشبه ضلعي
انتي اتونين وامج تنعي
يازينب آنه الزهره
ــــــــــــــــــــــ
يا يمّه وهل منظر يصعب عيني اتشوفه
من جتفوا سجادج يمّه ايدي مجتوفه
ذكّرني بحيدر وجروحه وكيد جفوفه
ولو رحتي روحي اترافككم لرض الكوفه
تدريني وياج بنفس المحنه
يا داحي الباب احضر صحنه
يازينب آنه الزهره
ـــــــــــــــــــــــ
الشاعر /// محمد حسن ضيغم
89
الماضي گلت اليوم أعيده
زينب اقرالچ قصيده
والله حاير يالبعيده .. يا قصيده اقراهه
````````````````
بالرثاء الزينبي من دوريت
شگد قصايد الچ يا زينب لگيت
ردت منهن اقره وحده اتحيريت
جروح بيهه مو قوافي من قريت
" زينب يا غريبه الله شمصيبه
وجهچ يزينب وين مذبوح اخوچ حسين
والجثه سليبه الله شمصيبه "
(المرحوم عبد الرضا النجفي)
اذكر اضياع العقيله
جفني دم دمعه يسيله
اعليهه مرت والله ليله .. وحشه ما انساهه
````````````````
روحي كل ما تسرح بوحي الخيال
وترد لايام المعزه والدلال
گبل محّد لامح لزينب خيال
هند تسأل والجواب الهالسؤال
"زينب يالتنشدوني عليهه
زينب بالخرابه امنزليهه
يا هند شتنشدين وانه الچنت زينب"
(المرحوم حمزة الزغير )
من بعد ذيچ المهابه
صرتي لا اخوه وگرابه
گعدوچ بنص خرابه .. وشامتچ يتباهه
````````````````
للعِتاب بهالتراث شگد صور
بينچ وما بين عباس الگمر
الواعدچ يرجع تگطع عالنهر
وانتي مذعوره وتصيحين بقهر
"وعدك وينه وعدك وينه
صاحت زينب وعدك وينه
يا عباس انت المسؤول
عن هذا الموقف شتگول"
(الحاج باسم الكربلائي)
كافلچ عوفي انتظاره
مستحي ويبدي اعتذاره
لا يمينه ولا يساره .. وجربته بدّاهه
````````````````
زينب ايعظملچ الباري الأجر
من إجاچ حسين ظهره منكسر
حاير يگلچ إجيت ومنقهر
راح ابو الغيره التكفل بالخدر
اجيتچ طايح بحيره .. يزينب راح ابو الغيره
يا خويه تلگيني .. ظهري انكسر عينيني
يزينب راح ابو الغيره
(الحاج ابو بشير النجفي)
حسين لدموعه زهدهه
خيمة الكافل گصدهه
طَيّح بإيده عمدهه لأن طاح إحماهه
````````````````
بليلة التوديع عندي ذكريات
يا قصيده اقراهه كلهن نايبات
بهالمسيه من تمنيتي الممات
وگلتي ريت الموت يعدملي الحياة
"اتمنى موتي بهاي المسيه
ودعت اخوتي واصفگ بديه
حِنّي اعله حالي ياكربله ياكربله ياكربله"
(الحاج جليل الكربلائي)
كربله حِنّي علينه
عايني شلون انتهينه
بلايه روح اتوادعينه .. الروح فارگناهه
```````````````
من اقره هالأبيات احس گلبي انشلع
يسّروهه ولا الهه واحد فزع
وشال حادي ضعونهه بساع وگطع
جينه ننشد وين ابو فاضل وگع
ما تدلونه الشريعه
نگله يالعفت الوديعه
تره ضاعت والله ضيعه .. والشمر أذاهه
````````````````
ياسر حسن
ذو القعدة ١٤٣٨
90
عَـزيـزات وأراقِــبهِـن
واحِب اسمَع سِوَالفهن
رُقيه وفاطمَه وسِكنه
أحِب اسمَع سِوَالفهن
*
نجمَـات بهَـــدَاوة لِيل
شَعـَّـن والضـوَه أيـلَالي
سوَالفهِن نـدَه الوَردات
تَرِف وايــدَلِّل احوَالي
ابـِّيتي الينعَـم ابرَاحـه
گعـدَن يحـچَن اگـبَالي
فِكري وبَالي يَمهِن چان
واسَوِّي حَالي مُو يَمهِن
أحِب اسمَع سِوَالـفهن
*
بدَت سِكنه بجَميل الصُوت
تحچي وتشرَح بإحسَاس
خَواتــي گالَـت انـتَــبهَن
آنـه امـدَلـِّـلة عبـَّـاس
يوم العاشِر امنَ اعطَش
يگلّي امرِچ يأغلى الناس
من چَـبد السِمه هالمَاي
أجيبَـه ولا يصَلّچ بَاس
ولُو تُوگف ضَواري البِـيد
يجِـيبَه ومايعَــبِّرهن
أحِب اسمَع سِوَالـفهن
*
ابحِس خَافِت حچَت تَالي
سَمِـيَّة أمي وانه اسمَع
وگالَت من اظل بـالدَار
عَلـيله ابِّـيتي واتـوَجّع
دُوري من بعَد لِطفوف
أوَاسي عَـمْتي مِن ترجَع
وامسَح دَمعـة الأيتَـام
وحَراير بيتي اصَـبِّرهن
أحِب اسمَع سِوَالـفهن
*
حچَت أم التـرَافه اهنا
فَراشة عُمري وسنيني
رُقيه التِحچي وبكِل سَاع
أبَـاريها وتبَـاريني
آنه البالخـَرابه اتگول
أغمّض عالطَشت عيني
اسمَعِتها وماگِدَرْت اصبر
وگمِت إلهِـن أقــبِّلهن
أحِب اسمَع سِوَالـفهن
***
گلِت بيچَن أمل مَذخُور
بَناتي الهَـم يجَمِّـعچَن
زِغِيرات العـمر تَرفَـات
وچبِـيرات بمَواقِـفچن
بمَلحمةِ الطفـُوف الدُور
كـَاتِب دُورچَـن إلچَن
رَب البالسِمه ايرَاقِـب
المَوَاقف مِن يسَــجِلهن
أحِب اسمَع سِوَالـفهن
--------------------------------
لقمان لعيبي البدران
91
بيني وبين اليتامه --- فاصل الليل
من يحط خويه بظلامه --- يهدم الحيل
من يواسيني -- دمعتي بعيني
......................
خويه ياخويه استمع.-- ماهجر عيني الدمع.-- شامه اعله خدي
غافي بعيوني الحزن-- ساعه اغفه ساعه اون-- ياخويه وحدي
احــــــــلم أنساه البجي-- ويحله ويـــــــاك الحجي-- وتكلي ردي
وكضي عمري ابلا أسر.-- وما أعاين بالشمر.--لا بيه يحدي
خويه سوط المارحمني. فوك المتون
طابع بظهري وذبحني. اكبال العيون
من يحاجيني. دمعتي بعيني
...................
وحشه الليــــل ابتدت.-- وبعبــــاتي اتلفلفت.-- كل اليتامه
من بعد حرك الخيم.-- ضل عباتي ما سلم.—وين السلامه
عيــوني ذبلهه الـسهر.-- مارحــم بيه الدهر.-- بالخد علامه
كلهـــــه تصرخ عمتي.-- وانه ألوذ بونتي.-- ونة حمامه
خمدت النار بخيمكم. ونتهه السور
كمت ادور ضل علمكم. واستر الحور
من يدليني. دمعتي بعيني
.....................
من بواجيهم بجت-- نجمة الليل وحجت-- قصة حزنهن
اشلون نادن علجسد.-- بدمعة مكسورة وعد.-- محد سمعهن
وانه المن بالدمع.-- خاف صوته ينسمع.-- يفضح المهن
اكبت بكلبي الحزن.-- وأجرع اللوعه واون.-- ونه اعله ونهن
هذا حالي من عفتني. بين الأيتام
اشكف ابيدي وعمتني. نار الخيام
من يسليني. دمعتي بعيني
..........................
وانه خويه بطيحتك.-- روحي هي النادتك.-- اسمع خبرهه
زينب أتكلك تمر.-- صعبه مو هذا الشمر.-- رايد خدرهه
هي كعدت تنتظر.-- باجر بطرت الفجر.-- راسك يمرهه
وتمشي وياك الدرب.-- واليمشوهه الغرب.-- تعرف امرهه
باجر المسبيه اسمهه. ابلايه عباس
وكل يتامكم تلمهه. وتندب الراس
لا تخليني. دمعتي بعيني
.........................
انته يحسين الوطن.-- خيمه الي بيوم المحن.-- واغفه بجفوفك
لو درت عينك ألي.-- جنك اكبالي علي.-- ياخويه اشوفك
ايست من ودعت.-- وانه كدامك صحت.-- واعرف ظروفك
خويه شترجه بعد.-- ما الي غيرك احد.-- وشلون أعوفك
اتكفلت حال اليتامه. ودربي بعيد
شايله بظهري علامه. ولوعه متهيد
وحبس ونيني. ودمعتي بعيني
خادم اهل البيت. خالد العلمي
92
زمان زمان تمــشي ويراقــبها الشمر زينب
زمان زمان عالــــناكه ماخذها الدهر زينب
----------------------------------------------
1= هاي زينب تحلف الناس بشرفها جار أبـوهـــا اليمه نازل ماعـرفها
تمشط النجمه بضوه زينب زلفها حسين والعباس بس عرفوا وصفها
-----------------------------------------------------------------------
أمان أمــان ما خله للحره القـــدر زينب
زمان زمان عالناكه ماخذها الدهـر زينب
***********************
2= زينب الماسمعــت الـوادم بسمها تمــشي والدم يتجاره من جدمها
هيه ياهي ياهو أبـوها ياهي أمها أعليها صار الشمر زلمه ياهضمها
---------------------------------------------------------------------
عجيب عجيب مسبيه المربيه الكمر زينب
زمان زمــان عالناكه ماخذها الدهـر زيـنب
*************************
3= جانت أمن تكول كلمه ينفــذوهه أنذبحوا أخوتها العـقـيله ويتموهه
تنضرب ويباوعلها راس أخوهه عله عـناده أمـتون زينب ورموهه
----------------------------------------------------------------------
تصيح تصيح عباس يضربها بزجر زينب
زمان زمـان عالناكه ماخذها الدهـر زينب
4= أذنت دمعــتها عالـــناكه تصلي أمن الحبل فتحوها أديه تصيح يهلي
أنه بـــتكم أنه محد شاف ضلي يامره الشافت حزن وهـــموم مثلي
---------------------------------------------------------------------
أروح أروح مسبيه وأنه أخت الكمر زينب
زمان زمان عالناكه ماخــذها الدهر زينب
************************
5= ريحت العـباس لـيهـسه بحجابي ودعـــاني وعافـــني برحمة مصابي
أدري ما متقــــصد أيزود عـذابي الدنيه رادت ينخـــتم بالـــهم كتابي
------------------------------------------------------------------------
كفيل كفيل ما عاف العيالي النهر زينب
زمان زمان عالناكه ماخذهـــا الدهر زينب
***********************
6= عالرماح العاليه الروس العفيفه روس أخوتي أهل الكلوب النضيفه
كلها منج هاي كلها يالسقــــيفه أنتي ماتـردين ناس أتضل عفيفه
--------------------------------------------------------------------
حرام حــرام عفتيها للهم والقهر زينب
زمان زمان عالناكه ماخـذها القدر زينب
**********************
خادم العتره عبد الجليل المالكي
93
انه وين وهل يسر
من بعدذاك الخدر
الظعن يبره الشمر
وين عباس
!!!!!!!!!!!!!!!!!!!!!
صرختي ايرددصداهه انه بنت خيرالمله
شيبت گلبي المصايب
من لفيت الكربلاء
والدهرلامارحمني
بيه نزلت نازله
شفت اخوي حسين دامي
والسيوف اتظللة
بيه من حاط الخطر
صحت يافارس مظر
الظعن يبره شمر
وين عباس
!!!!!!!!!!!!!
وين جافل هل ظعينه
والجفل هذه الحرم
گلبي مايسكن انينه
من بعدحرك الخيم
من بعدفگده انويلنه
وين شيال العلم
صعب عالهزل سبينه
بين هذه اهل الظلم
صعب عباس اليسر
وشحكم خويه الدهر
الظعن يبره شمر
وين عباس
!!!!!!!!!!!!!!!!!
من الهظم ينساب دمعي
انه وين وهل يسر
اتجرعت مرالمصايب
يسري بظلوعي الجمر
وين ياعباس سيفك
خويه صرت انه بخطر
للسبي يحدي ظعنه
من بعدعينك شمر
جبدي ياخويه انفطر
عالهظم وين المفر
الظعن يبره شمر
وين عباس
!!!!!!!!!!!!!!!!
يابن حيدررف لواك وللوطن ردبالظعن
اتحيرت خويه بيتامه
وهل فواطم ينولن
امهدم الحيل وشاخبرك
خويه عن حال المتن
من السياط اتجرعينه
وللرجس خويه انهدن
يالفخرطحت بعسر
وانت نايم عالنهر
الظعن يبره شمر
وين عباس
!!!!!!!!!!!!
حالت الخدرعجيبه
من الي صارمن الجرى
اشلون تسبينى الاعادي
وانت سبع الكنطره
وذاك جسم احسين اخيك
نايم ابحرالثره
هل دمع من دم گطـر
ياصعب هذااليسر
الظعن يبره شمر
وين عباس
!!!!!!!!!!!!!!
زينب بياحك سبيه
يالكفيل اصعب مصاب
مرمرتني الغاظريه
منك اطلب هل جواب
منهوكافل للظعينه
ياهلي وانتم غياب
للحرم منهواليباري
يالنمت وسط التراب
والظهرمني انكسر
يالگمـرشنهوا العذر
الظعن يبره شمر
وين عباس
!!!!!!!!!!
بالحبل من گيدوني
اشلون تدري حالتي
وبالسياط المرمرتني
صعبه خويه امصيبتي
من الهظم عباس بعدك
صوبوني ابجبدتي
بيك ياحامي الظعينه
خويه صارت فجعتي
ياعمدراسك يطر
والجفن دم انفجر
الظعن يبره شمر
وين عباس
!!!!!!!!!!!!!!!!
ودعيت الغاظريه
والدمع من دم يسيل
للسبي شدة رحالي
ها يابن حامي الدخيل
اتحيرت والله بيتامى
واه ياگيدالعليل
واليسريصعب ياخويه
والدرب تدري طويل
يالي نايم عالنهر
للخدرانت ظخر
الظعن يبره شمر
وين عباس
!!!!!!!!!الشاعرابورسول الدراجي
94
لسان حال مولاتي زينب عندما انتهت المعركه وسقط الحسين على الارض
..................................
ها يروحي...مات الحسين
هايروحي... حضري الونين
حضري شعندج دمع... من السحك كلبه انشلع
هايروحي....اهلي جاوين
....
هايروحي..هذا ابن امي اشوفه من بعيد
هايروحي... جن اشوفن واحد يكص بلوريد
هايروحي.. جسمه كله مطعن بشفر الحديد
هايروحي..يطبرة ويرجع يطبرة من جديد
كتله عوفه... كضه جسمه
كتله عوفه..فاض دمه
من السحك صدرة نهشم
مو دمه طايح لحم
كتله عوفه... صار نصين
.......
رحت أشوفة...كمت أعثر بلجثث وين الحسين
رحت أشوفة...كمت أصيحن هسه بالله جسمه وين
رحت أشوفة...شفت جثة من النحر طالع ونين
رحت أشوفة...وسفة يادنية ترة هذا الحنين
ويلي بوية......لحم صاير
ويلي بوية...... واثر حافر
يكسر الخاطر اخوي
وسفة هذا ابن ابوي
ويلي بوية......وجرح الجبين
.........
نار شبت... من وكع أبن امي طايح عالثرة
نار شبت...بالخيم نار الاعادي موجرة
نار شبت...تركض اطفال وحرم متحيرة
نار شبت...زحمه زلمه من يدفع بلمرة
حرم تركض......كلهه شردت
حرم تركض...... مرة وعثرت
زحمة من تعثر مرة
خوية انه امخدرة
حرم تركض.......مدري لاوين
...........
أنولينة..من شفت تتراكض اعلينة الزلم
أنولينة..هوسة صارت بين اجناب الحرم
أنولينة..شرموا ذانات بتك كلهه دم
أنولينة..عين عالطفال عين اعله العلم
بالي يمه......هسه يوصل
بالي يمه......الكمر يجبل
ماوصل بن حيدرة
وعاف اخته ميسرة
بالي يمه....... سهم بلعين
...........
لحكولي..جابوا النوك الهزل جابو حبل
لحكولي..جمعت اطفالي بس ناقص طفل
لحكولي..رحت ادورة وشفته مات من النبل
لحكولي..شفت صدرة بي اثر دوسة رجل
وين ادفنة......بين الرماد
وين ادفنة......والعظم باد
عظمة باد من السحك
طفل هوة ومختنك
وين ادفنة ...... يلنساوين
...........
ارد اكلك..روحي ماتت من اجه وكت السبي
ارد اكلك..راح نمشي وعدنه محتركة عبي
ارد اكلك..صاح ابن جوشن اتحضري بت علي
ارد اكلك..راح اودعك من بعيد وما اجي
تكفلاني......الي يذبحك
تكفلاني......وصعبة اودعك
من على الناكة صحت.
عكب اخوي اتمرمرت
تكفلاني......للدواوين
ها يروحي....مات الحسين
........
الخادم عباس اديب المالكي...
95
من قصائد محرم##
خويه ياضي عيني ## جلمه بس حاجيني
من يباري اظعون زينب## منهوا الي يحاميني
########
خويه احس گلبي تلوعه
السهم گلي اشلون اشلعه
وسط عينك خويه يرعه
خويه كون بعيني
############
هيج أحس بيه الم
من حرك ذي الخيم
والزنود التجري دم
كون حاين حيني
############
ريت من ظيمي اهود
والكل زينب بعود
من تظم جسمه اللحود
منه اليحاميني
#############
اشلون نومه علئ الشريعه
اجفوفك الكافل كطيعه
اليوم حلت هل فجيعه
والهظم يطويني
##########
نومت الكافل تطول
اعداه عن اخته تحول
الخيل يم خدري تجول
للخيم وديني
############
من يباريلي الظعن
واليردني للوطن
صايب الروح الوهن
من شمر يحديني
##########
سهم عينك والجفوف
ياعذابات الطفوف
لواجعدنك تشوف
بلا ولي سابيني
###########
يالكفيل ابشيمتك
وانتخيت ابخوتك
كوم شدهه رايتك
واحرس اصواويني
##########
الحال هذه وتنعذر
راسك ابعمد انفطر
راح عباس الخدر
جلمه بس حاجيني
##########
ابورسول الدراجي
96
احـجي يـادرب اليسـر
شلـون حال ام الخــدر
هـسه زينب والشمــر
وبـلاي عباس
احچي يـادرب اليسر واشرح الـيــه
شلون زينب طلعـت من الغاضريــه
طلعــت بهـيـبـتهـا ذيچ الــزيـنـبـيـه
لـو عـليهـا الناس صاحـو خارجيـه
شلون احچي وبيا وضع
طلعـت وخلي استـمــع
تبـچي وتهــل الــدمــع
وبلاي عباس
احچي يادرب احچي لمن طـلعـوهـا
شلــون گلي امخــدره ويسلبــوهــا
تمشي زينب بالضعن وبلاي اخوها
شلون معـقـوله الاميره يروعـوهـا
وسـفـه زيـنـب تنضــرب
صاحت آه مـــن الگلب
تمشي وسفه وي الغرب
وبلاي عباس
احچي يـادرب المرار اشصار بيهـــا
طلعـوها بهيبه لو مچـتـوفه اديهــــا
خـاف عـرفــو زينب ابـلايه وليهـــا
ولهــذا الـنــاس تـتفـرج عـلـيـهــــا
طـلعــوهـــا ابـلا ولـي
احچي واشرحهـا الي
تمشي زينب بت علي
وبلاي عباس
احچي گلي اشصار يـادرب المـنـيــه
صدگ مچـتـوفـيــن بحبال الــرزيــه
طـفـلـه وي الضعــن ماتحـمـل اذيــه
شلون مچـتـوفـه بحبل تـرفـه رقـيـه
صدگ مچتوفـه بحبـل
تـرفه هيه اشتحتمـل
شلـون ويضربهـا النذل
وبلاي عباس
صاح درب اليسر صاح وتسمع الناس
مـاشفـت انه امــيــره ابــلايه حــراس
هـواي سألوهـا سؤال وهـبطت الراس
انـتي لـو زينب يـزيـنـب ويـن عـبـاس
زيـنـب اهـنــا دنگــت
من عـلى الناگه بچـت
صعـبه زينب ماحچت
وبلاي عباس
الشاعر السيد رياض الرسل الجابري
97
ــــــــــــ◐◐◐◐◐◐◐◐◐ــــــــــــــــ
الولده:
ليلة العاشر .... جفني ضل ساهر
وما طبك جفني .... انسبي چني
_____________
ما طبگ جفني وحگ الزهره امي
وبثياب الغالي روحي ابقي شمي
ليش من امشي مسافة ايعثر جدمي
چني باجر اركض والوجة مدمي
اركض اني الطف .... انطگ وازحف
والحرم ذني .... انسبي چني
_____________
يا گمر بس المسية انظر اعليك
لو رحت للنهر مترد وين الاگيك
باجر انته اعله النهر امشي واخليك
بليلة الوحشة اجي اگعد ابچيك
عيني متعوفك .... تنظر اچفوفك
چفوفك اذني .... انسبي چني
_____________
ها يليلة طولي بوداع الغوالي
تره بس الحين باجر ماكو والي
وزينب التسهر تضل طول الليالي
امچان ابو فاضل يضل للموت خالي
مايسده انسان .... شلون بالاحزان
مايعوفني .... انسبي چني
_____________
يا عرس جاسم يبچي حته الصخور
من عمر رمله مشن اسنين واشهور
بعرسه وسفه ما تهنه راسه مطبور
بالترب وجهه وطفه من عدنه النور
رمله بالونة .... اتگابل الحنة
اشموعة بچني .... انسبي چني
_____________
يا عيالي خلي انطيكم وصية
لو بقيت الوحدي ماكو والي الية
اتفرقو انتو انتشرو بأرض الغاضرية
امشي للكافل انه وياية رقية
گوم ابو الغيره .... وجهي بي حيره
لو كثر وني .... انسبي چني
_____________
وين اشوفنكم بعد هذي مصيبة
ليش راح المحب وعايف حبيبة
جرح گلبي غيركم منهو طبيبة
الغالي ادري لو رحل ياهو اليجيبة
ندخل ابأوطان .... وتنذل النسوان
هم يكسرني .... انسبي چني
الشاعر غضنفر(آبـ❣️ـو آسـ❣️ـہد)الزيداوي
98
نوّيت ... بآيةَ الانينْ نوّيت ... بقَلّبي الحَزينْ
نوّيت ... زيارةَ الكَفينْ نوّيت ... زيارةَ الكَفينْ
—------------------------------------—
كبـل لا نمشـي سبايا وينعلن وكت الرحيـل
وكبل لا يعثــر جدمنــه وينفجع كلب العليل
كبل لا النوك الهزيله ويه الضعن بينه تميل
يلله كومن يا خواتــي نـﮔصد جفوف الكفيل
نزّور ... زيارةَ الوَداع نزّور ... نَشكو لها الضَياع
نوّيت ... أُفارقَ الحَنينْ نوّيت ... زيــــارةَ الكَفـــينْ
—------------------------------------—
بكربلــــه ما كو وسيله غـــير نقبــل بالقدر
وبعـد هيبتنه وقدرنـه كلشي اخذ منا الدهـر
نجمع دموع العيون ونـﮔصد الصوب النهر
خطوه خطوه نسير كلنه بهيده ما نترك اثر
نِداء ... نَستَصرِخُ السَماء نِداء ... ونُعلنَ العَزاء
نوّيت ... أُعفّرُ الجَبينْ نوّيت ... زيارةَ الكًفينْ
—---------------------------------------
يمها نكعد نشكي همنه والسده علينه وجره
يا جفـــوف الغيره جينه والعيون مساهره
نكلها حته الطفل عدنه بحقد ﮔطـعو منحره
مــا بقت خيمه التلمنه وما بقـه خدر المره
دِماء ... تُلـــــونُ السَـــماء دِماء ... تفيضُ بالكُاء
نوّيت ... حُزناً مدى السِنينْ نوّيت ... زيارةَ الكَفينْ —---------------------------------------------------—
يا جفــوف الغالــي يمــج يحله ويطيب النفس
من بعد نور الكفيل الدنيه ظلمة بـــــلا شمس
بكل متن خله علامه يا ألـــم سـوط الرجس
قاسي يا لليل الطفوف ويومه اقسه من الامس
لِقاء ... من بعده فِرّاق لِقاء ... قدّ هاجرَ العِناق
نوّيت ... أُقــبل اليمين نوّيت ... زيـــارةَ الكَفينْ
—---------------------------------------
يا جفوف الخوه باجر نمشي بدروب السبي
مــاتت انصار الامامه والنه ما ضل طالبي
يـــــا نجوم الحسره غيبي وياليالي وغربي
بهالـــوداع وهالزياره بدمعي اخــذ مطلبـي
هُناك ... في محشر السماء هُناك ... للامنا الزهراء
نويت ... اهدي لها عينين نوّيت ... زيـــارةَ الكَفينْ
—---------------------------------------
يالجـفوف ويانـه سيري واحنه نمشي ويالعـده
ابعـدي عـنه الشماتــه ويانــه ضلي شاهـــــده
خفــفي علينـــه المـنــه عليــج همنــــه انسنده
وصيري خيمتنه الجبيره وضللي الكل واحده
سلام ... زيارة الحبيب سلام ... ذا جرحي لا يطيب
نويت ... ارتل الانين نوّيت ... زيـــارةَ الكَفــــينْ
—---------------------------------------
ابو باقر المالكي / 18/7/2018
99
والله لو راح الأخو الحيــل أنهدم
وبعده حك اعيونه من تجري دم
وننعه حسره بونه جمره
الأخـــو ياناس بـــــــيش انعوضه
اللمنايا معتنــــــــــي راح ومضى
لونزل حكــــم الله بالموت وقضى
انحس قليل انكَول لو ضاك الفضا
ونبجي عبره بونه جمره
**
حتى لوعدنه زلم بعـــده وبنــــــين
نشعر اخلاف الأخو يموت الحنين
مايسد الخلـــــــــــه لوراح المعين
هو للواحـــــــــد مثل جـف اليمين
انوح نقره بونه جمره
*
*
محد ايعوض الأخو امره عجــيب
انظل عليه طول العمر هم ونحيب
حتى لو واحد وصل عمر المشيب
فراكَه موهين اعز من كــل حبيب
بهم نذكره بونه جمره
يساعد الله حسين من شاف الكَمــــر
وهوى عـــــباس ووكَع فوك النهـــر
انهدم حيله وانكســـــر منه الظهـــر
شاف جسمه من عمت عينـــي وذر
ومحني ظهره بونه جمره
*
شلون حال حسين من راح العضيد
ويدري بعده يبقى بالحومه وحــــيد
لو فزع جيش الكفــــــر ينهب يريد
ويسلب النسوان للطاغــــــــي يزيد
حار بأمره بونه جمره
*
راد ينهض ما كَدر من المصـــــاب
شلون يترك جسم اخوه اعله التراب
ابن ابوه امرمـــــــــل بدم الخضاب
اعينه الله شلون يحمـــــــل هالعذاب
شنهو صبره بونه جمره
**
100
قناة الشاعر علي السعيدي:
الامام الحسين
السيدة زينب تخاطب الأمام الحسين عليه السلام
...
يااااا راحلا معاك قلبي فدا ثراك
مالي حمى سواك حسين
....
ليل ومسافات والم. من جسمك لحد الخيم
كل خطوه يعرضلي سهم وختك غريبه
تعنيتك بمدمع يهل بذيالي جلب جم طفل
ها وين وانا امشي انسال روحة الحبيبه
بس خيمه وحده الي بقت كلها احركوها
هذا الشمر يمك اخت حرمه سبوها
والخت كلش تنهظم لو راح اخوها
تدور حماها
الروح حكها وماتهييد نار ونها
منين ما أريد التفت ينخط حزنها
طفلة مچوية اديها ودم بذنها
تعاله نداها
يانازف الوريد تجود بالصعيد
تبكي السما دماك حسين
.....
السوط طكني وماصحت بطفال والنسوه حرت
حرمه أنا ياخويه شصرت عطشانه كلها
ما اكدر اكصد للنهر واوكف على چت الكمر
والسهم طافيله النظر روحي شكلها
خوفي اعلى مصرع كافلي تخلص حياتي
لمن يشم نار الخيم كلها بعباتي
ويكلي زينب اعتذر صارت مماتي
جفيني طاحت
شلون امتلك روحي وظل ما اهمل العين
لمن يسلني كافلي عن حال الحسين
وين اتجه وانطيه الوجه محتاره ليوين
وطفالي صاحت
قلبي جوى يميل لمصرع الخليل
اذ يسلبوا رداك. حسين
.....
ياحسرتي ويالوعتي مجبورة اواجه محنتي
فوك الترب كل خوتي ودمعي يسافر
ذاك الكفيل اعله ونهر وذاك الي مكسور الظهر
وذاك الي محزوز النحر تجري النواظر
شتريد يادهري وبعد بسك مصايب
دلالي من بعدك احس كل لحضه ذايب
العريس ليش بلاذنب فوك الترايب. بدمه تحنه
اطفال مذعوره اوسط هاي العساكر
الخيل بيهم تعثر وذيج الحوافر
كلهم عطاشه ولا ولي لطفالي حاضر
ضايع املنه
لايهدء الدخان ونصرخ الامان
وننصب عزاك. حسين
.....
الام واهات وحزن. السوط يرسم عالمتن
يونون اسكتهم واون حالي يخويه
انا العقيله ام الخدر مالامح خيالي البدر
مچتوفه هسه امشي بيسر واصرخ يبويه
فوك الهزيله من صعدت ثكلت دمعتي
ناديت عباس اوسكت ماكلي يخيتي
لاهودج بحر الشمس صارت رحلتي. بمواجع مشينه
لارايه رفة لاعلم وكبالي خصمي
ويكلي مايرجع كمر يالحره لطمي
حاولت اكابر مكدرت ذكرني بامي
وحيده وحزينه
الى السبا اسير. سالكة المصير
واطلب رضاك. حسين
......
الشاعر علي السعيدي
موقع المنبر الحسيني
مصدر القصائد موسسة منبريون احمد الزوار
اللة
ردحذف