القائمة الرئيسية

الصفحات

20 نزلة مكتوبة للامام العباس عليه السلام / موقع المنبر الحسيني

لطميات مكتوبة للامام العباس ع


 

20 قصيدة مكتوبة للامام العباس عليه السلام نزلات حماسية 


حمل تطبيق قصائد حسينية مكتوبة من هنا تحميل 



1- زلزل الحومه      عبا س عباس 

قصيده نزله   للعباس ع   


 زلزل الحومه      عبا س عباس 


من علي اعلومه   عباس عباس


عنه كالوا حيدره  اوهوه سبع الكنطره




كبل لايطلع يقاتل    اخذ    رخصه من الحسين


كله خويه اليوم يومي       اليوم اهد عالظالميين


جاوبه ياخويه اريدك       لايظل كلبي حزيين


جابو العباس كله         اشلون اشوفنك طعيين


وانه تتدرييني يخويه       ابن امير المؤمنيين


والنعم منك عضيدي     يانصيري اوظوه العيين


     اليوم ماكو معذره   نار كلبي اموجره


      روحي مالومه      عباس عباس 


      من علي اعلومه    عباس عباس 




كله خويه ايتام عندي     اتريد منك خويه ماي


كله شنهي الماي شنهي    وانه معروف ابوفاي


افدي روحي لليتامه        لون تتكطع اعظاي


اوهاي عدوان  العقيله     اشلون تخلص من بلاي


تتدري زيينب بيه تتدري     انه شاريها ابدماي


شايل الجود اعلى متني     رايح ابجفي لواي


    خل تشوف الطاهره    اليوم اعيدن خيبره


    اوفدوه    لرسومه     عباس  عباس 




كال لحسين ابوفاضل   انه راعي المرجله


حلوه  ساحات القتال      اليوم تشهد كربله


كله ماتسمع يخويه      الحومه صاحت ياهله


من طلعنه امن المديينه     انه حامي القافله


كله انته احزام ظهري      انته تحمي العايله 


لاتعوف اختك وحيده      بالدموع السايله


   اوهاي اختنه امخدره   خاف تمشي اميسره


       الكلب  لتلومه         عباس  عباس 




نزل للميدان وحده     وارهب اجيوش العده


وين منواكم يصيح       ابصوت عالي ايردده


صب عليهم غظب ربه     اوجيش اميه شرده


صاحت الحومه دخيلك     والجموع  الشاهده


حين شافت جيش اميه       بالطفووف  امسنده


انريد منك مهله تنطي        للجموع الحاقده


    كلهه طاحت عالثره  ابسيفه يكطع منحره 


        انزاحت اهمومه  عباس  عباس 




صاعقه اونزلت عليهم    اومادرو بالمشرعه


ظلت اجيوش الاعادي     كلها منه امروعه


طب عليهم سيفه بيده       كل مقاتل كطعه


الواقعه اونزلت عليهم     هيه هاي الواقعه


الطاح بالحومه يشطره     والشرد هل مدمعه 


صاح  ابشر ياحسين      ابصوت  يدوي سمعه


  الجره اعيهم ماجره    جيش  اميه دمره


   اوشردت  اخصومه   عباس   عباس 


6صاحو العباس هذا      موعلي حامي الحمه


اوهاي ظربات الصميده   هوه   لبنه امعلمه


هذا ابو فاضل نعرفه     هذا راعي الموزمه


وين نشرد وبو فاضل  بيده شايل صارمه


انشوف جيش الهد عليه  صبح فايض بالدمه


لازم ابسيفه الشريعه   واحنه كاتلنه الظمه


   اشلون مايغضب تره  واليتامه امحيره 


          والوفه يومه    عباس  عباس 


           قصيده نزله   للعباس ع   


     زلزل الحومه      عبا س عباس 


     من علي اعلومه   عباس عباس


      عنه كالو حيدره  وهوه سبع الكنطره




         خادمكم     ملافاضل الشويل






2- كـربله وطفوفه ،كـربله وطفوفه،هـزّهه عباس


حمل تطبيق قصائد حسينية مكتوبة من هنا تحميل 


كـربله وطفوفه ،كـربله وطفوفه،هـزّهه عباس

كـربله وطفوفه ،كـربله وطفوفه،هـزّهه عباس

                       ……………… ..

هــالـگمـر چـنـه أسـد والـرايــه بـيــده حــامل

فـارس الـحـومـه وجــه ، ويـه الـعُــده يتقـابل

شــايـل اطـبـاع الـنّشــامى أبـو فـاضل بـاسـل

يـگـطــع ارگــاب الـنّـواصــب وبــعـزم ويقاتـل


صولته معروفه،صولته معروفه، أبـو النوماس

كـربله وطفوفه ،كـربله وطفوفه،هــزّهه عباس

                      ……………… ..

يـرتـجـز راعـي الـلـوه يـمشـي ابـفخـر وبـزوده

وصـل يــمّ المشـرعـه عـالچـتف شايـل جــوده

گـاصــد ايـوصل السُـكينه ميـه يـوفـي وعـوده

يـشهـد الــطّـف لـبو فـاضـل مـن بـذل مجهوده


رغم كل ظروفه، رغم كل ظروفه، ذلّ الارجاس

كـربله وطفوفه ، كـربله وطفوفه ، هـزّهه عباس

                       ……………… .. 

أبــد مــا هابــه حـشــود الـكفـر ويـه اجيـوشه

زلــزل صـروح الـطّـواغي ابسيفه هدّ عـــروشه

يـرتجـف مـن صـولـته بـن سعد ويـه وحـوشـه

والـعِده مـن هـجمـتـه هــم خـايــف ومروعشه


والبرز ميعوفه ، والبرز ميعوفه، يـگطع الـراس

كـربله وطفوفه، كـربله وطفوفه ،هـزّهه عباس

                      ……………… .. 

نــذر روحـه لـجـل زيـنـب هـم لـجـل احسـينه

أنـطـه دمّــه ابـكـربـلـه وانــطـه بـعـد چــفينـه

عـگب چــفيـنه سـهـم نـابـت يـويـلـي ابــعينـه

جسمه عـالشاطي بـقه ،وين الگه مثله ويـــنـه


والدمع مـذروفه ،والدمع مذروفه، لجله ياناس

كـربله وطفوفه ،كـربله وطفوفه ، هـزّهه عباس

                       ……………… .. 

بـالحرب يـشبه عـلـي حـامـي الـحِمـه والـغيره

مـوقـفـه ابـصفين الـه تــشهدله أهــل الـسـيره

مـعجزه هـذا الــشخص خـله العـقـول ابـحيره

بـالحـقيقـه لــو تـجي تـفسره صــعب تـفسيره


غيره كله تشوفه،غيره كله تشوفه،أبن الاقداس

كـربله وطفوفه ، كـربله وطفوفه ، هـزّهه عباس

                       ……………… .. 

                                                                                       

بقلم :أبو دريد الشبكي








3- يعباس....يعباس

السيد هادي الموسوي الناصري

حمل تطبيق قصائد حسينية مكتوبة من هنا تحميل 

انه ذبلت وردتي دون الورود 

 حزني نوح ابفركتك ماله حدود

خويه اترك جربتك بس يمنه عود

يعباس .؟.يعباس


خويه تدري بخيمتي نايم عليل

وانه اشوفنك خليل الكل خليل

صعبه لوجودك يظل مثلك قتيل

يعباس.؟.يعباس

*

خويه كوم الخيل رجعهه إجت

من عجيج اترابهه اطفالي عمت

حتى صوت اصهيلهه اكبالي سكت

يعباس.؟.يعباس

*

خويه خاف تعوفني ياعز هواي

وانه مخنوكة نفس عطشانه ماي

خويه واطفالي بگت تبچي وراي

يعباس.؟.يعباس


انت ملك الموت شافوه إبكفاگ

من تدنّه الوجهك إتأثر نعاگ

صاح أبوفاضل أخذ عبره وبجاگ

يعباس.؟.يعباس


انت وجهك نور والهيبه نبي

يانبي يقبل يسلبون العبي

شلون يتفرج علينه الاجنبي

يعباس.؟.يعباس


انه ادري ابسيفك إيركّع رجال

وأبد ماينطي إذا تهجم مجال

انت حيدر بل علي وكت النزال

يعباس.؟.يعباس

*

منهوا يحمل ياابوفاضل جفاك

شلون مني الماي بالحومه خذاك

رايتك عندي وأعلي انه لواك

يعباس.؟.يعباس


الحمدلله رب العالمين

ديوان 

دموع الهاشميات

الجزء الثالث



نزله بحق ابا الفضل العباس(عليه السلام )







4- يـمـشــي وﮔــدامــه.....هــامـه اتـطــﮔ هــامــه

حمل تطبيق قصائد حسينية مكتوبة من هنا تحميل 

يـمـشــي وﮔــدامــه.....هــامـه اتـطــﮔ هــامــه

ويِـلْــﮔـــط بـيـهــن سـيــفــه


كـل مَـلَــك هَـمــه...لـلـيـــمــــه...صـار أيـحَـشــمّـه

لـو نِهــض قَـبـلَـه...والأجــلـــه...نـرفـعـهـا السـمـه

لا يـطـــخ بـيـهــا...ويـﭽـفـيـهـا...بـيـنــه صــارمـه

والأرض كـلـهــا...إنَّـــزلَّـــهــا...لا نـِغـــــرَﮔ دمـه

وانـوسـط لابــو النـومـاس......زيـنـب اخـتـه

خـل يـتـرك ولـوّ بـالنــاس......خمـسـه سـتـه


خــافـن يـﮔـضـيــهــا.....وصَـحـــره ايخــلـيــهــا

وخـالـي الـكــون ايـعــيــفــه

ـــــــــــــــــــــــــــــــــــ1ـــــــــــــــــــــــــــــــــــــ


يمـشـي بالحـومــه...وارسـومـه...مـا ﭽـنـهـا ابحـرب

بـسـمـه بـشـفــافـه...والـشــافـه...مـات امـن الرعـب

سـيـفــه بـﮔــرابــه...واصــوابـه...ﮔــﺎلـبــهــم ﮔــلــب

وشـــارد ابـشــارد...كـل واحــد...بـالـثـانــي يـطـــب

والشــارد أروحـــن ويــــن......نــاده نـاســه

وهـذا البـيـدي راس مـنـيـن......لـنّــه راســه


عــاد اتـلـﮔـــونــي......لــو بـــس دفــنـــونـــي

لا يـمـحـيــنـــي ابـحـيـفـــه

ـــــــــــــــــــــــــــــــــــ2ـــــــــــــــــــــــــــــــــــــ


لـلـنـهـــر طَـبـلــه...لـن شـكـلـه...فـاهـي وبـي حِـلَــه

وفــاﮔـــد ابــروده...ومـن جـوده...كـــوثــر ﭽَــمَـلَــه

ومـايــل أيـشـوفـه...وبـﭽـفــوفـه...ذبــهـــن عَــدَلَــه

وﮔـﺎمـلــه بحـيــلــه...ويـشـكـيــلـه...مــا يـوصــل إلـه

امـروتــك ﮔَـلــه لا تـغـتـاض......وانـت تـعــذر

لزينـب ﮔَـلــه روح اركـاض......ﮔَـلـــه تــأمــر


خــادم لاجـدامـــــك.....هـسه اروي اخيـامــــك

وأنـت الأمـشــي ابـكـيــفـــه

ــــــــــــــــــــــــــــــــــ3ــــــــــــــــــــــــــــــــــــــ


المشرعـه اتحيـرت...واتـغـيــرت...مـن أمـر لأمــر

وَحـده ظَــل بـيـهــا...الاعــلـيـهــا...خلـصـهم خـزر

وكـل ألــف يـطـلـع...مـا يـرجــع...إلا ولـلـﮔـــبــــر

وشـرط بـالـهــارب...الاشــوارب...يـنزعـهـا ويفـر

وصاحو بـيـنـه لـمّـن غـاص.......متـنـه كـلـنـه

لــومــا سَــوّه ابــن الـعــاص......سِــنَـــه إلـنـه


المــوت اتـعـنــالـــه.....طــــالــب أفـضــالـــه

وطـبـعـه أيـشَـبــع ضـيـفــه

ــــــــــــــــــــــــــــــــــ4ــــــــــــــــــــــــــــــــــــــ


الـنـهـــر بالـرايــه...مـن مـايـه...كِـله بلحـظـه جَـف

مـن تِـرْف تـشْـمـر...واتـطَـشـر...بالـمــاي ونـشـف

وجـــابـلّــه أمــيّــه...جَــوَفــيــه...الكافل من غـرف

والنـهـــر حَــــدره...من عَصرّه...بذنـوبـه اعـتـرف

متـروسـه النـخـل اشــــرار......مـــا ﮔـلـتـلـك

وغـــــادر لايـــذ ابـغــــدار......تنوي ﭽـتـلـك


صـعـبـه أيـلاﮔــونــك.....إلا أيـغـــــدرونــك

هــذا الجـيــش وزيـفــه

ــــــــــــــــــــــــــــــــــ5ــــــــــــــــــــــــــــــــــــــ


        أحمد البصراوي العبادی قصيدة نزله للعباس ع





5- كل كلب رجف   صوته من هتف    ياعلي مدد ياعلي مدد

حمل تطبيق قصائد حسينية مكتوبة من هنا تحميل 

كل كلب رجف   صوته من هتف    ياعلي مدد ياعلي مدد

.........


استأذن من حسين اخيه   للحرب نزل

من نزل بس الله يدري      بيهم شعمل

دكو ابواق التراجع         ساعة الحمل

واليصد ليهم يشاهد        واضح الخلل


بساعة الصفر   ناده علكفر    

ياعلي مدد


..........


تعنه ابو فاضل ولابس   لامة الحرب

راد عن وجه ابو اليمه     يكشف الكرب

ارخه العنان لمهرته        ونطوه الدرب

بزوده خله خشوم اميه    تلامس الترب


ساعة البرز   صال وارتجز   

ياعلي مدد


..........


درعم اعليهم ومغضب    شايل اللوه

مدرع بزود الهواشم      ساعة النوه

خله حسره اعله المعسكر  شمة الهوه

مال بيهم يمنه يسره     وادي نينوه


زمجر وزعل      بسيفه الاجل  ياعلي مدد


 .........

 

خفة السيف بيمينــــــــه   خفة المهر

مثل ابو بالحومه لوطب  باسم الثغر

سوه بيهم عمله ظلـــــت   دوم تنذكر

كام كل عشره سويــــــه   يودي للكبر


خثرة الدمه   بسيفه قاتمه   ياعلي مدد


..........


ضربه وحده مايثني  سيفه لو خطف

ينشطر نصين كل ال  كابله او وكف

بهاي معروفين هاشم خلف وسلف

موش عل ادبار دمهم  علصدر نزف


باع وشتره   دنيه باخره   ياعلي مدد


............


ينكسر سيفه اليطكه     بسيفه ابن علي

ينجسم درع الحديد     بضربة الولـي

والنهر خله الكتايب    عنه تنجلــــــي

زينب من الخيم نادت   هله كافلــــــي


شافت الكمر   صاحت بفخر  ياعلي مدد


..........


نسالكم الدعاء

حسين صادق العقابي

نزله للعباس ع






6- ما اصدگ هاي اشاعات الحرب

حمل تطبيق قصائد حسينية مكتوبة من هنا تحميل 

ما اصدگ هاي اشاعات الحرب

شلون گدروله ابو فاضل صعب

منو يعقلها عليه ينسد درب

    كلمه وناطينه 

    مابيني وبينه

يرويها سكينه..المايخلف بوعوده

     +++++++++

هذا ياسيفي اليگص چف الگمر

ابو فاضل يكسر ذراع الدهر

يمگن امن الغيض لچفوفه شمر

     من ضربة سيفه

     ما ماخذ حيفه

 عباس بكيفه.. يگلب بيده الدنيه

      ++++++++

امعلگه بزينب حياته والحسين

امربيته امنزّغر واعرفله زين

مايريد اگماط يچتفها الادين

      حضني امن ايشيله

      ايشمشم بالشيله

بدموعي ادعيله ...ايعيش ويحفض

خدري

      ++++++++++

واشوكت ماريد يحضر لو ردت

مايلزمه الموت عني لو صحت

والنهر كلّه امن اصيحن يلتفت

      براية عباسي

      ابقه ارفع راسي

واعرف بحساسي.. الكافل مايتاخر

      +++++++++

ياسبب ادري العلينه اخره

الروس بالترتيب يگطعها تره

بالسره ايگص مايخلي شي وره

       التاخيره بخيره

      اعرف تدبيره

لو صرت بحيره.. بس انده يحضرني

      ++++++++++

ما يمض براس ابو فاضل عمد

حته لو يتاخر انتظره بعد

اله جيه ناطي لسكينه وعد

      اعرف بوعوده

      متلزمه زنوده

ايرد تارس جوده.. ويرويه سكينه بمايه

      +++++++++++

الكون بعده لاتغيير لاهدل

هالدلاله تعني ابو فاضل عدل

لو وگع كفالي يهدل كل حمل

      بچتافه الوانه

      ساندها سمانه

لو ضل ماجانه… . السبعه اتطيح اعلينه


الشاعر ثائر الربيعي







نزله سريعه للعباس ع


7- عباس طاح على النهر

حمل تطبيق قصائد حسينية مكتوبة من هنا تحميل 

عباس طاح على النهر

راسه نصين انطبر

وسف لن راح الكمر

واه عباساه  واه عباساه

●●●●●●●●

نخيت عباس يجيب الماي الى

لني سمعت الصوت من العلكمي

ابراسه اخوج انصاب اه يابت علي

ح

طار من راسي الفكر

وسف لن راح الكمر

واه عباساه واه عباساه

●●●●●●●●

الماي ريته لاجرة بنهر كالفرات

راح مني عزي ودلالي الربات

عني ليش اتروح يابعد الخوات


عكبه ماريد العمر

وسف لن راح الكمر

واه عباساه واه عباساه

●●●●●●●●

راح من هندي يوسفه كافلي 

من بعد عباس جا منوا كالي

ابجالي كلي يم طهر تدللي


بعدة اظلن بلكدر

وسف لن راح الكمر

واه عباساه واه عباساه

●●●●●●●●

يبوا ذات الطيبه يازين واشهم

يابطل فراس يازين الزلم

وين ذيج الرايه جاوين العلم


اشلون دمك ينهدر

وسف لن راح الكمر

واه عباساه واه عباساه

●●●●●●●●

يلصفاتك حلوة ياريع الكلب

من دمه ادموعي على خدي تصب

بعد لا ميفيد وياك العتب


جزع من عندي الصبر

دوسف لن راح الكمر

واه عباساه واه عباساه

●●●●●●●●

لشاعرة اهل البيت ام عمار الصائغ

 الفاتحه الى روح ابنتي وامواتكم






8- اني شبل الموزمه.  مايهمني كل ضمه

حمل تطبيق قصائد حسينية مكتوبة من هنا تحميل 

الحمدلله مادمت على قيدالحسين ع:

 قصيده (نزله)


قصيدة شبل الموزمه #محرم#1440




اني شبل الموزمه.  مايهمني كل ضمه

    شايل الراس .. واسمي عبـــــاس 

                                

الحومه من سيفي انكلب صافــيها

 ترجف الخوف اليضل بــس بيــها 

والطفوف اخبط  وجر غـــاطـــيها

لاجل زينب ال اميه امحــيــــهــــا

                                 

بخزرتي الجيش انعما .. مايهمني كل ضما

      اقبض انفاس .. واسمي عباس


الجيش شنهو الجــيش لامــــاهابه

اتمــثل بحيــــدر علـــي ونــكابـــه 

اليلــوحه الــسيـــف حتـــــمآ عابه

الـشـــارد يواجهــني خوفه الجابه

                                 

الكاع تطبك عل سما .. مايهمني كل ضما

   بروحي الاحساس .. واسمي عباس


النار ضـلت تجـــدح مــــن عيوني

عباس شــــبل القـــــسور يسموني

تصيـح زينـــب لاتخـــــيب ضنوني

واني شايل جربتــــي بمـــــــتوني 

                                

الكفر سيفي الهدما .. مايهمني كل ضما

      بسفي فرناس .. واسمي عباس


ضـاع ميـــدان الــــزلم بلحـــــومه

الــفارس بسيــفه تصـــير عـــلومه

الزلم كلها مــن الحـــرب مــــهزومه

وشردت من الخـوف هـــل ملزومه

                                 

الدنيه كلها معتما .. مايهمني كل ضما 

      تشهد الناس .. وسمي عباس 

                                

اجي لهاذا الجيش انه بيقضه و حلم

الموت شنهو الموت اله وجهي ابتسم 

سيفــــي ياكلهــــا ترا اركـــــاب الزلم 

اخلــس الحـــومه ويرفـــرف هل علم

                                

الشرده  صارت محتما .. مايهمني كل ضما

            اسمي عباس

             اسمي عباس







9- آه  يـبـو فـاظـل  آه                  آه  يـعـبـاس
خــويــه بـدروب اليــسـُر

نزله للعباس ع


آه  يـبـو فـاظـل  آه                  آه  يـعـبـاس

خــويــه بـدروب اليــسـُر


مِـن عـسر طحت ابـعـسر

آه  يـبـو فـاظـل  آه                  آه يـعـبـاس

.............................................................

آه يــبــو فاظـل يخويه            شحجي عالصار وسَده

امجتفين احنه ويساره           خـــويـه بـجـفوف العده

وانت حامينه واملنه يابـو فاظل

آنه مهمومه وأعاتب وانت كافل

وادري غدروك الكفر      من عسر طحت ابعسر

آه يبوفاظل آه    آه يعباس

...................................................................

امجتفه وبيد الاعادي             وآنه بت حامي الدخيل

بس ارامل بس يتامه             ومـــا بـقـه غيـر العليل

وآني كَوه اتحملت هاي المصايب

باليسر ياخويه مو شفت العجايب

وانت نايم عالنهر         من عسر طحت ابعسر

آه يبو فاظل آه        آه يعباس

..................................................................

خويه بالسوط اضربوني             وطيحوني اعله الارض

ومـن يضـربـون اليـتـامه             ايشتموني من اعترض

وآنه بت حيدر علي حامي اليتامه

مــن بــعــد عيـنـك فـلا ليلي انامه

خويه يشتمني الشمر      من عسر طحت ابعسر

آه يبو فاظل آه    آه يعباس

...................................................................

المجلس ايزيد الاعادي           خـويه جابونه واجو

بالشتم والسب يوالي            اعلينه خويه اتحزمو

يَــســرونــه يــابـو فـاظـل يـــاكفيلي

واعلنو لارض الغرب خويه رحيلي

خويه ملاني الصبر        من عسر طحت ابعسر

آه يبو فاظل آه       آه يعباس

..................................................................



صعبه ياكافل خدرنه           ننسبي ونشبع قهر

ذَبَل اعيوني البواجي          والمصايب والسهر

ضلمه بعيوني اصبحت هاي الليالي

مـــن بـعـد عـيـنك يـبو فـاظل يوالي

اعيوني ومتوني حمر     من عسر طحت ابعسر

آه يبو فاظل  آه    آه يعباس

...............................................................



ياسر العارضي








10- زامط خواله وجثث كام يدوسها

حمل تطبيق قصائد حسينية مكتوبة من هنا تحميل 

الشاعر علي الحاج الصبيحاوي



نزله للعباس

....


ز امط خواله وجثث كام يدوسها


خله الزلم تركض تدور روسها


والنعم من عباس..والنعم من عباس


.....


وصيته ابني والنعم بفعاله


ماردته يطلع كون يشبه خاله


سواها طف اعله الشريعه بجاله


كل العساكر ايده كام تبوسها


والنعم من عباس..والنعم من عباس


......


جاوبها صوته شما بعد وصيتي


ربيتي بس منج كفو شربيتي


زلمه التعبتي اعليه والتانيتي


بجفه اليمين اعله اليسار ايحوسها


والنعم من عباس..والنعم من عباس


.....


يالماخذلني بوكفه وسط الحومه


ولادنكت ساعه الاجتني اعلومه


خل الجثث عالروس مامفهومه


كص المنيه بسيفه من ناوموسها


والنعم من عباس ..والنعم من عباس


....


يم البنين وهم وصل يمج خبر


كدامي يركض جيش مايعرف مفر


ماعرفت الناس الدمه من النهر


بيهم منايه تلوج بين اضروسها 


والنعم من عباس..والنعم من عباس


........


والله وثلث تنعام منك يالوفي


خليت كلب الزهره بيكم يشتفي


وكفت اصول الدين مو لن عاطفي


درس الاخوه بيك ضل مدروسها


.....


فنه الوصل بالحومه داس حدودي


لمن رحت للماي امشي بزودي


ماهمني عيني لاتطيح ازنودي


همي اعله جربه لو وكع متروسها


والنعم من عباس..والنعم من عباس


.......


الشاعر علي الحاج الصبيحاوي





11- اليوم ابوفاضل وكف ياخذ امر

نزله للعباس  ع


اليوم ابوفاضل وكف▪️ياخذ امر

من عضيده احسين▪️يتعنه النهر


اليوم فنه العلكمي▪️يجر النفس

بجربة العباس▪️ضم روحه وحبس

بالشريعه اليوم▪️دك رجله ورفس


والظهر طف كربله▪️شع الكمر


كبر العباس▪️حي اعله السيوف

وغدت بالميدان▪️تترافس الوف

وغدت حمره بالدمه▪️ارض الطفوف


من لميض السيف▪️والشاطر طفر


ابن الصميده وشالته ▪️اجفوف العزم

اخو اخيته الخلص▪️بروحه وسلم

سمع صوت يكله▪️ياعمي ونعم


يله عمي خل نحط▪️ ظهر ابظهر



خبر عاجل بالسمه▪️حين انقره

زلزل الكونين▪️سبع الكنطره

ابن ابوه ومثله▪️ماجابت مره


والعزم موروث▪️من فارس مضر

ترس جوده وللخيم▪️مسرع رجع

وهاي زينب جم كلب▪️يمهه انشلع

تصيح كلهه والكلب▪️فرفح وكع


والاطفال اكلوبهه▪️تسعر جمر


انه  وزينب بالكفاله▪️احنه سوه

انك طعن الجفين هيه▪️اضل لوه

،من وكع عباس▪️عالغبره التوه


ضل وحيد احسين▪️مكسور الظهر 


بقلم الشاعر رعد الكربلائي 







الشهم


قصيده نزله للعباس ع

++++++++++++++++++±++ 

نزلها  الحومه عباس الشهم

نزلها. ابسيفه طشرها الزلم

+++++++++++++++++++±++ 

يم اخوها اجت زينب تشتكيله

اتڰله ياخويه الحرم عندك دخيله

اطفال عطشانه الدمع عالخد تسيله 

نزلها. الحومه شيال العلم

نزلها. ابسيفه طشرها الزلم

+++++++++++++++++++±++ 

اخذ جوده واعتنه للنهر عباس

شاف فوك المشرعه ملتمه الارجاس

شردت الفرسان منه ابو النوماس

نزلها. جم بطل جندل اوجم

نزلها. ابسيفه طشرها الزلم 

+++++++++++++++++++±++ 

نزل عباس اوتوسط بالميادين

صاح ٲنه شبل الصميده ياملاعين

ڰلب يسره الحرب بيده فوك اليمين 

نزلها. اعداه راواها الحتم

نزلها. ابسيفه طشرها الزلم

+++++++++++++++++++±++

اتلوذ منه ڰامت الفرسان تشرد

حسين واڰف بالمخيم عينه اتصد

ايشوف اخوه عباس بالفرسان يحصد

نزلها. افني عدواني قسم 

نزلها. ابسيفه طشرها الزلم 

+++++++++++++++++++±++ 

وصل للمشرعه جاب الماي بيده

ڰصده يوصل للخيم يروي عضيده

لو يوصل الماي يفنيها الصميده

نزلها. وامله جوده للحرم 

نزلها. ابسيفه طشرها الزلم

+++++++++++++++++++±++ 

دارت اعليه العده اوڰطعوا يمينه

اويسرته طاحت وراها اوسهم عينه

وابعمود احديدطروله جبينه

نزلها. عينه طفاها السهم

نزلها. ابسيفه طشرها الزلم 

+++++++++++++++++++±++ 

تمت بعون الله للشاعره خادمة الامام الحجه عج 

ام منذرالحجار 

حبيبي ياحسين











13- حي رايتك حي جودك ... يابا الفضل

نزله للعباس ع


يرجى الانتباه للـ لحن القصيده مكتوبه على وزنين

.

.حي رايتك حي جودك ... يابا الفضل

ما ينّــسـي مـجهــودك ... يابا الفضل

-------------------------------------------


 والنــعم  .. يـا شـهم   ...   ياحـليف الرايه

عـالـزلــم  .. چـن حـلـم  ... امـدوّخ الرمّايه

بو الفضل  ..گلت اصل  ...   للفرات ومـايه

بيمنتي  .. بجـربتي  ...   راح اجيبه اويايه


والله او وفيت اعهودك  ... يابا الفضل 

مــا ينّــسي مــجــهودك ... يابا الفضل


 -------------------------------------------


دوّخـتهــم مــن رحــت للمـشــرعه

حـاصـرتـــهــم بالجـهـات الأربـــعه 

النهـر شـــال اچـفوفه لله وانــدعه

خايف اطّـشره منو اللـي يجــمعه


وجيش آل اميه اشهودك... يابا الفضل 

مــا ينّـسي مجــهــودك ... يابا الفضل


 ------------------------------------------- 


ماكو اسم  ..  للسلم   ... والنــعـم خـيّالــها 

عاصفه  .. خاطـفه   ...  اتشربكوا  بحـبالها

معجـــزه  .. بـــارزه  ... الـعقل لا مــا شالها

قاسيه  ...  فـانـيه ...  الحومه ويّه ارجالها


يالخارقات ازنودك  ... يابا الفضل 

ما ينّسي مجهودك ... يابا الفضل


-------------------------------------------


الــنهر مــنّ الجيش لا مـتــشوفه

صحت صيحه وفرّقتـها صـفوفه

شــردو اوصــلوا ركـض للـكــوفه

والنـــعـم يالـيمــنـتك مــعــروفه


دام الحسين ايقودك  ... يابا الفضل 

ما ينّـسي مجــهودك ... يابا الفضل


 -------------------------------------------


صارمـك  .. كلّــمك   ... وتستمع جيمانهم

للحرب  ..  من تطب ... ابتدي بشجعانهم

ابكربله  ..  ابهــالفله ... طشّر انته ابدانهم

اتشاهدوا  .. ما هِدوا ...   اتغيّرت ألوانهم


وفنّه اليظل بحدودك  ... يابا الفضل 

ما يـــنّســي مجـهودك ... يابا الفضل


 -------------------------------------------


الحـرب يابو الغيره نعـلم عيدك

وجيشـهم محـبس تـفرّه ابإيدك

صِيد من هالجيش ياهو ايفيدك

صگر مـتخاف الـغراب ايصـيدك


نفّذت انته اوعودك  ... يابا الفضل 

ما يـنّسي مـجهودك ... يابا الفضل


 -------------------------------------------


زينبك  ..  تطـلبك   ...   تصيح وين الغالي

شهالبعد  ..  خل يرد  ... آنــه اريده اگبالي

خايـفه  ..  شايـفه   ...   السـبي يــتراوالي

تنـتظـر  .. عالجمر   ...  زيـنـــبك يالــوالي


ذبلت يخويه اورودك  ... يابا الفضل 

ما يــنّـسي مجــهودك ... يابا الفضل


 -------------------------------------------


والنـعم ما قـصّرت من يومك

وزيـنب ام الخـدر لا مـتلومك

مـنّك اتجـرّعوا مـرّ اخصومك

الهاسبب هالغيّروها ارسومك


بالغدر كسروا عودك  ... يابا الفضل 

ما ينّسـي مجــهودك ... يابا الفضل


 -----------------------------------------

تمت والحمد لله ٢٨ / ٨ / ٢٠١٦

   حيدر تركي الكربلائي









14- انهض یخویه     شیل یلا رایتڬ



#قصائد_شهر_محرم 


عـــظم الله اجـــــــوركم 


نزله للعباس ع


انهض یخویه     شیل یلا رایتڬ

عباس اعرفڬ     بالحرایب وکفتڬ

........................

من سمع زینب ...حیل طفحت غيرته

والسیف شاله ...کلهه سمعت طکته

مشهوده جانت...والله حلوه هدته

کامت تهلهل...اخته یوم الشافته

والناس فزت//حیل سمعوا صرختڬ

..................

عباس اعرفڬ...انت شیال العلم

رد العساجر ...حامي عن هاي الحرم

یکول والله... شحدّ الیوصل للخیم

من رفع سیفه...العدومنه ماسلم

بیڬ الشهامه// الغیره کلهه ابهامتڬ

..............

والنهریرجف...شاف ابوفاضل وصل

والماي هوس...قبّل ایدین البطل

ونعم والله ...انت تربات الفحل

هل صال بیهم..من طفح بي الزعل

کل العساجر//تموت والله بخزرتڬ

................

ویکول انه...الیوم اوصل للنهر

إسمع یشامت..بالحدوداهوعبر

هم لزم بیده...الماي ابن فارس مضر

صاحب الغیره..ماشرب ماي وذکر

حسین ضامي//اشلون اذوک ابرودتڬ

..........

غیرت الساده...هاي هیه غیرتڬ

انت ذخرهم...الیوم امڬ رادتڬ

هاي الوصیه...من الحنینه شوصتڬ

یبني تکله ... انه اریدن فزعتڬ

یاکمرهاشم...والجمال ابصورتڬ

.............

✍#تمت بعون الله بقلم ام یاس الساعدیه

2019/8/


















15- انه عباس الكفيل    راح اسوي المستحيل


لبيك يا زهراء:

سجاد الخزعلي:

نزله للامام العباس  ((( ع )))

*************

انه عباس الكفيل    راح اسوي المستحيل

انه عباس                انه عباس

عندي رأيه وعندي جود

انه وفاي العهود 

*************

ابن حيدر والله انه اليوم دكيت الصدر 

لاختي الحره العقيله بت علي أم الصبر

ودعتها اليوم انه توجهت صوب النهر

تتطلب وتتدلل اختي والها ناذر هل عمر

دكيت صدري وانتخيت  وضنها لاماخيبت

هذا وبحقج قليل    راح اسوي المستحيل 

**************

توجهت صوب النهر وبيده شايل رأيه

حتى اجيب الماي لاجلك هي هاي الغايه 

انه لاجلك يالابيه اتعنه والله اعنايه

ومايهمني الجيش والله شمايصير هواي

إلا اواصل للفرات      والا اخليهم شتات

شحده والرايد يعيل راح اسوي المستحيل 

*************

انتي بس اشري وشوفي شراح اسوي بيهم

بسيفي اكطعها الركاب من اطبن ليهم 

اليوم كلهم ناوي يختي بسيفي انه امحيهم 

حجر سجيل الاعادي بسيفي راح ارميهم

 ولونوه واحد يفوت   مايرد سالم يموت

انه ابوذراع الطويل راح اسوي المستحيل

*************

انه عباس الكفيل انه وفاي الوعد

بالحرب تدريني انه نفس حيدر من اهد

والج دكيت الصدر ومن يحل وكت الشدد

بشده لوطحتي يزينب صيحي يالكافل مدد

انتي بس شيلي ايديج

 زحوف والله انه اجيج 

كبل لاتوصل الخيل

 راح اسوي المستحيل *************

انتي بس ندبيني يختي وكولي وينه كافلي

زحوف والله انه اعتنيلج هايبت حيدر علي 

والج لووصليت انه همج انتي ينجلي

مااعوفج انه والله بجالي يختي اتدللي

 روحي اقدمها هديه  لاختي الحره الابيه

انه ابن حامي الدخيل 

راح اسوي المستحيل 

*************

لخادم اهل البيت  ((ع)) عـــماد الدراجي 

الثلاثاء

الناشر احمد الزوار







16- حي رايتك حي جودك ... يابا الفضل




قناة حيدر تركي الكربلائي:

نزله للعباس ع

.

حي رايتك حي جودك ... يابا الفضل

ما ينّــسـي مـجـهــودك ... يابا الفضل


-------------------------------------------


 والنــعم  .. يـا شـهم   ...   ياحـليف الرايه

عـالـزلــم  .. چـن حـلـم  ... امـدوّخ الرمّايه

بو الفضل  ..گلت اصل   ...  للفرات ومـايه

بيمنتي  .. بجـربتي   ... راح اجيبه اويايه


والله او وفيت اعهودك  ... يابا الفضل 

مــا ينّــسي مــجــهودك ... يابا الفضل


 -------------------------------------------


دوّخــتهــم مــن رحــت للمشــرعه

حـاصـرتـــهـم بالـجـهـات الأربـــعه 

النهـر شـــال اچـفوفه لله وانــدعه

خايف اطّــشره منو اللـي يجــمعه


وجيش آل اميه اشهودك  ... يابا الفضل 

مــا ينـــّـسي مجــهـــودك ... يابا الفضل


 -------------------------------------------


ماكو اسم  ..  للسـلم   ... والنـعـم خـيّالــها 

عاصفه  .. خاطـفه   ... اتشربكوا  بحـبالها

معجـــزه  .. بـــارزه  ...الـعقل لا مــا شالها

قاسيه  ...  فـانـيه ... الحومه ويّه ارجالها


يالخارقات ازنودك  ... يابا الفضل 

ما ينّسي مجهودك ... يابا الفضل


-------------------------------------------


الــنهر مــنّ الجيش لا مـتــشوفه

صحت صيحه وفرّقتـها صـفوفه

شــردو اوصــلوا ركـض للـكــوفه

والنـــعـــم يالـيمــنتك مــعــروفه


دام الحسين ايقودك  ... يابا الفضل 

ما ينّـسي مجــهودك ... يابا الفضل


 -------------------------------------------


صارمـك  .. كــَلّــمك ... وتستمع جيمانهم

للحرب  .. من تطب  ... ابتدي بشجعانهم

ابكربله  .. ابهــالفله ... طشّر انته ابدانهم

اتشاهدوا .. ما هِدوا   ... اتغيّرت ألوانهم


وفنّه اليظل بحدودك  ... يابا الفضل 

ما يـــنّســي مجـهودك ... يابا الفضل


 -------------------------------------------


الحـرب يابو الغـيره نعـلم عيدك

وجيشـهم محــبس تـفرّه ابإيدك

صِـيد من هالجيش ياهو ايفيدك

صگر مـتخاف الـغـراب ايصـيدك


نفّذت انته اوعودك  ... يابا الفضل 

ما يـنّسي مـجهودك ... يابا الفضل


 -------------------------------------------


زينبك  ..  تطـلبك   ...   تصيح وين الغالي

شهالبعد  ..  خل يرد  ... آنــه اريده اگبالي

خايـفه  ..  شايـفه   ...   السـبي يــتراوالي

تنـتظـر  .. عالجمر   ...  زيـنـــبك يالــوالي


ذبلت يخويه اورودك  ... يابا الفضل 

ما يــنّـسي مجــهودك ... يابا الفضل


 -------------------------------------------


والنـعم ما قـصّرت مـن يومك

وزيـنب ام الـخـدر لا مـتلومك

مـنّك اتجـرّعوا مــرّ اخصومك

الهاسبب هالغــيّروها ارسومك


بالغدر كسروا عودك  ... يابا الفضل 

ما ينّسـي مجــهودك ... يابا الفضل

 -----------------------------------------

تمت والحمد لله ٢٨ / ٨ / ٢٠١٦

   حيدر تركي الكربلائي



الناشر احمد الزوار





17- هـذا شـيال العـلم * فنهـم ايـلاگـونه


أحمد الخلف:

نزله للعباس ع

.



هـذا شـيال العـلم * فنهـم ايـلاگـونه

---------------------------------

صاح راووني المراجل .. انه عباس ابو فاضل 

 الف من عدكم اقابل

لو متدرون

اقرو تاريخ الحرايب .. اني ماهم بالصعايب 

 من اطب اعمل مصايب

اوين ترحون

والي مايفهم فهم * فنهم ايلاگونه


---------------------------------


من اطب بالحومه عيدي .. لازم السكان بيدي 

 لان فقاري رصيدي

وهذا مـعروف

الله خالقنـي فدائي .. وهذا موجـود ابدمائي

 كربـلائي كربلائي

وكلشي مكشوف

القاصي والداني علم * فنهم ايلاگونه


---------------------------------


صاح عباس المناظل .. هـم سمعتو بالزلازل 

اليوم ازلزلها الجحافل

انه عبـاس

درب ابوي اليوم اكمله .. عالجمع احمل بحمله 

صعبه لتظنوها سهله

بيدي مقياس

منهو من عنده سلم * فنهم ايلاگونه


---------------------------------


الحومه بوجوده خطيره .. وصارت ابچفه اسيره

هذا عباس ابو الغيره

مثله ماصار

على اعدائه ايصر نقمه..ابو فاضل يرعب اسمه

الجيش من نظره يختمه

اخذو الاخبار

ابصمصامه چم جيش انختم * فنهم ايلاگونه


---------------------------------


مايجي بالكون مثله .. بالوفه العباس قبله 

الجود بس بيمينه يحله

كله احساس

حيَـر العالم وفائه .. وعرفته الدنيـه ندائه 

 ضحه كلشي الكربلائه

هو نبراس

امجاده بچفوفه رسم * فنهم ايلاگونه


---------------------------------


الگنطره حارسها هـوه .. البالشجاعه صـار قدوه 

هـوه للخــوه إخـوه

واسمه وفاي

بالحمه حامي الحميه .. واسمه ليث الغاظريه

 اتعرفه زين اجيوش اميه

كلش اهواي

اعله انفاسهم لمن كتم * فنهم ايلاگونه 


-------------------------------


ينقل التاريخ عنـهم .. اگلوبهم ماخـذها منـهم

فـنهم ايرجعوها فنهم

لو اكو زود

اسلاحهم طاح امن اديهم .. خوفهم سيطر عليهم 

شلون لو قرر يجيهم

راعي الجود

الجيش من عنده انهزم * فنهم ايلاگونه


---------------------------------


صدگ ماينلو زنده .. مو فقط فارس انـعده 

بيده سيف وبيده ورده

وغصن زيتون

كل حنان الكون عنده .. يمتلـك هالميزه وحده

ما اجه ولايجي بعده

باليحـنون

الهالسبب بالباري قسم * فنهم ايلاگونه


---------------------------------


تمت والحمد لله في٢٢/ ٥ / ٢٠١٤

في حرم الامام الرضا  ع

خادم العباس حيدر تركي الكربلائي
















18- زينب إني الهاشمية/عالهزيله أمشي سبيه


زينب إني الهاشمية/عالهزيله أمشي سبيه

وتنشد الناس/وينه عباس

★★★★★★★★★★★★★

قصتي   ياهل الخلگ  قصه  عجيبه

شاهدت بعيوني چم محنه ومصيبه

من  يصدگ  بت  نبي  الله   وحبيبه

عالهزل   مچتوفه   مسبيه   وغريبه


والتفت يمنه ويساري/أظلم إعليه نهاري

ومالي حراس/وينه عباس

★★★★

صعدوني أعله الهزل مچتوفه أدينه

والشمر    وأزلامه     تتلفت    علينه

أرد   أگله    للگمر   حامي   الضعينه

بعد   عينك  ياأبو   الغيرة   أنسبينه 


من هضمنه نشتكيلك/ياأبو فاضل دخيلك 

أبو النوماس/وينه عباس

★★★★

راحت أويه  حسين  أيامي  الجميله

ومن عگب عباس صرت إني الكفيله

رحلتي   للشام   رحله  شگد  طويله

شفت چم أمصاب ما يحصل  مثيله


والحزن غير صفاتي/أو وجت إعليه عباتي

شيب الراس/وينه عباس

★★★★

...

شاهدت    بعيوني  أنواع  النوايب

وأنحنه ظهري بفگد أهلي الحبايب

ليش كل  هاي  العدواه  عالأطايب

أحنه أهل البيت مو أهل المصايب


يعرفونه وينكرونه/بغضن بحيدر أبونه

كلهم أرجاس/وينه عباس

★★★★

راس اخويه حسين گدامي تعله

مكشفينه  وحامله  زجر  وخوله

گتله ياملعون راس حسين  نزله

لا رقيه تموت من  گد  ماتصدله


روس أخوتي أبلاعمامه/وتنظر أعليها اليتامه

گلبي حساس/وينه عباس

★★★★

بكربله   تمنيت    تلفيني   المنيه

وأندفن   بين  إخوتي بالغاضريه

گبل موته حسين وصاني بوصيه

گلي أحفظي عيلتي  يل هاشميه


وصيت حسين أحفظتها/بس رقيه فارگتها

صدره ينداس/وينه عباس

★★★★★★★★★★★★★

الشاعر (أسعد قاسم الكريعاوي)



27


نزله للعباس ع

19- يازينب شني الماي      يازينب


يازينب شني الماي      يازينب

عباس واسمي سكاي    يازينب

وداعة ام الاربعه     الا اجيب المشرعه

يازينب    يازينب

@@@@@@@@@@

من الخيم اطلع يرف بيدي اللوه

انه والجربه ومهرتي انطب سوه

الزلمه بيهم خل يشم يمي الهوه

سيفي اسرع علركب من الضوه


يازينب تامرين يازينب

فدوه اغدي للحسين يازينب

لمن اقرا القارعه...الا اجيب المشرعه 

@@@@@@@@@@@

ياهو كلج طايح بصف الفرات

هو طاح بصفي ويريد الحياه

كون زلمه الماي جا مو بيدي مات

كطره كطره بسيفي سويته شتات


هو وهاي الاحزاب يازينب

صارو جوه التراب يازينب

والسماء السابعه ...الا اجيب المشرعه .يازينب


@@@@@@@@@@@@

لا تخافين العطش مو فد عناء 

رايح اذبحلج نهر دفعه بلاء

غير اغركها بجربتي كربلاء

فدوه اروح الاسم بت خير النساء


جايبلج شط اوياي      يازينب

واهديلج نهر ماي        يازينب

والشمس ماطالعه ... الا اجيب المشرعه .يازينب


*

الا اجيب النهر يم رجل الرباب

يكلها شربي الماي لا صيرن سراب

غير يم الخيمه اعلك جروفه باب

انه موجود الكمر بالسمه غاب


وبرجلج تدوسين    يازينب

شط يمج تعطشين    يازينب

انه سيد الواقعه ..الا اجيب المشرعه.. يازينب


بكصتي ماي يروي جيش الكافرين

لجن رايح للنهر كطعت ادين

مواعد امي انطيج جفين ويه عين

كالت انته لاترد ردلي الحسين


سجليني بخدمكم     يازينب

وين الكه مثلكم      يازينب

وهاي خواني اربعه ..الا اجيب المشرعه يازينب

**

انتي كولي اشرايده اعتبري اجاج

الماي اخزرنه ركض يركض وراج

جاي اسولف بي واشوفنه اعتناج

جروفه تتوسل تكلج فدوه هاج


شربيني دخيلج      يازينب

شتدرين بكفيلج      يازينب

شال بيده ورجعه ... الا اجيب المشرعه ..يازينب 

*

زيد عدنان الزيدي



نزلة ... للعباس عليه السلام

طورها ملا باسم

اي وحگ زنودك.    احنه كنه جنودك











 

20- رايته هزاها.           المشرعه اتعناها

هذا ابو الغيره ابو فاظل كلهم يعرفونه

من يصول عله الاعادي والزعل بعيونه

تشرد الفرسان منه فنهم يلا كونه

بيمنته البتار يلمع رايته عله متونه

ترتجف خلاها.          المشرعه تعناها


حشمت زينب اخوهه والاخو شد حيله

كله يازينب ابشري انه اروي العيله

عسكر ابن ازياد هذا افني جيشه وخيله

هذا سيفي واليضدني بالحرب ياويله

والعده ذلاها.        المشرعه تعناها



كبر العباس صوته وصاح ياعدواني

انه جيت وهذا سيفي منهو يتلكاني

مااخلي اليوم بيكم افني كل سفياني

هاي اطفالي عطاشه تنتظر وتاني

بالصبر اوحاها.       المشرعه اتعناها


الموت شده بطرف سيفه كام يحصد بيها

صاحت الغوث الاعادي اول وتاليها

جن حجر سجيل سيفه كام يرمي عليها

بس جثث يم الشريعه ظلت بواديها

عالنهر افناها.          المشرعه اتعناها


للنهر طب ابو فاظل للشريعه بزوده

تملك الماي بيمنته وكام يملي بجوده

وعتنه صوب الشريعه حته يوفي وعوده

هذا بوالغيره بوفاضل حارس عله حدوده

والحرم رواها.       المشرعه اتعناها


مله جوده من الشريعه وعتنه الصيوانه

تلكته زينب تنادي هله يارجوانه

وبوفاظل بيده روه عيلته العطشانه

ورتوه عبدالله جبده ونطفت نيرانه 

هيبته محلاها.        المشرعه اتعناها

للشاعر سيد زيد الفحام















حمل تطبيق قصائد حسينية مكتوبة من هنا تحميل 

موقع المنبر الحسيني 

قسم قصائد الامام العباس 

المصدر  مؤسسة منبريون 
هل اعجبك الموضوع :

تعليقات

تعليق واحد
إرسال تعليق
  1. ونعم بابوفاضل عليه السلام 😊😍

    ردحذف

إرسال تعليق

التنقل السريع