10 قصائد مكتوبة للانصار
القصيدة الاولى
سادس إبعاشور هاليوم === نذكـر الأنصار بالحوم
ما نسينه === ما نسينه
ــــــــــــــــــــــــــــــــــــــــــــــــ
نذكر الأنصار أصحاب العقيده
كـُل فدائي فوزه بالجنــّه يريده
لازم إتنال المجد روحه السعيده
والشهاده إبكربله يهواها عيده
ما يهابــــــون المياميــــــــــن === ناصبي ما عنده أي دين
وإحنه نتبعهم نظل دوم === نذكر الأنصار بالحوم
ما نسينه === ما نسينه
ــــ
كـُلهم إينادون عد عيناﭺ زينب
غيرة الأنصار بالكلفات تلهب
كـُل موالي صار بالأكوان كوكب
من نـُصر دين الأله إو للمجد هـَب
نصروا الأسلام وإحسيـن === دم جرت من عدهم العين
نادوا إرخصنه يمظلوم === نذكــــــــر الأنصار بالحوم
ما نسينه === ما نسينه
ـــ
من حبيب إبن مـُظاهر كـُل عزمهم
صار أنصار الحـُسين إﺑﺣﮓ إسمهم
ما نزل ﻠﻠﮔـاع ظل عالي علمهم
وإنزرع بأرض الطفوف إو فاز دمهم
ليــْتــَنا ويــّاهـُم إنصير === نحظــَه بالطيبات والخير
والدرب للفـــــوز معلوم === نذكــــــــر الأنصار بالحوم
ما نسينه === ما نسينه
ـــــ
عابس إو جون إو برير الفوز همهم
حـُب أبو الأحرار يجري ويــّه دمهم
بالأعالي إنكتب أنصار إسمهم
والرسول إبلهفته الهادي يشمهم
والزﭼيــّه إتنادي يأنصار === يمـّي سكنوا إبجنــّة الدار
والجزاء إيكون موسوم === نذكـــــر الأنصار بالحوم
ما نسينه === ما نسينه
ــــ
والزهير إو مسلم الحـُب والتهاني
نالوا العز والمجد وأحلى الأماني
والفدائي الحــُر سـُطع نوره إو رواني
صار قدوه للبشر حتــّى إبزماني
ذوله أنصـــــــارك يمهيوب === هاك ﮔلبي إبحبهم إيذوب
روحي يمهم عاﺷﮔــه إتحوم === نذكــــــــــــــــر الأنصار بالحوم
ما نسينه === ما نسينه
ـــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
القصيدة الثانية
سادس إبعاشور هاليوم === نذكـر الأنصار بالحوم
ما نسينه === ما نسينه
ــــــــــــــــــــــــــــــــــــــــــــــــ
نذكر الأنصار أصحاب العقيده
كـُل فدائي فوزه بالجنــّه يريده
لازم إتنال المجد روحه السعيده
والشهاده إبكربله يهواها عيده
ما يهابــــــون المياميــــــــــن === ناصبي ما عنده أي دين
وإحنه نتبعهم نظل دوم === نذكر الأنصار بالحوم
ما نسينه === ما نسينه
ــــ
كـُلهم إينادون عد عيناﭺ زينب
غيرة الأنصار بالكلفات تلهب
كـُل موالي صار بالأكوان كوكب
من نـُصر دين الأله إو للمجد هـَب
نصروا الأسلام وإحسيـن === دم جرت من عدهم العين
نادوا إرخصنه يمظلوم === نذكــــــــر الأنصار بالحوم
ما نسينه === ما نسينه
ـــ
من حبيب إبن مـُظاهر كـُل عزمهم
صار أنصار الحـُسين إﺑﺣﮓ إسمهم
ما نزل ﻠﻠﮔـاع ظل عالي علمهم
وإنزرع بأرض الطفوف إو فاز دمهم
ليــْتــَنا ويــّاهـُم إنصير === نحظــَه بالطيبات والخير
والدرب للفـــــوز معلوم === نذكــــــــر الأنصار بالحوم
ما نسينه === ما نسينه
ـــــ
عابس إو جون إو برير الفوز همهم
حـُب أبو الأحرار يجري ويــّه دمهم
بالأعالي إنكتب أنصار إسمهم
والرسول إبلهفته الهادي يشمهم
والزﭼيــّه إتنادي يأنصار === يمـّي سكنوا إبجنــّة الدار
والجزاء إيكون موسوم === نذكـــــر الأنصار بالحوم
ما نسينه === ما نسينه
ــــ
والزهير إو مسلم الحـُب والتهاني
نالوا العز والمجد وأحلى الأماني
والفدائي الحــُر سـُطع نوره إو رواني
صار قدوه للبشر حتــّى إبزماني
ذوله أنصـــــــارك يمهيوب === هاك ﮔلبي إبحبهم إيذوب
روحي يمهم عاﺷﮔــه إتحوم === نذكــــــــــــــــر الأنصار بالحوم
ما نسينه === ما نسينه
ـــــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
القصيدة الثالثة
عابس جون وحبيب * انصـــــــارك يلغريب
قسموا بالبسمله * تســــتاهل كربله
***************
لسمك حسين * يا إمامي * والرچيه * يا بن طه المصطفى
نقســم نموت * يا إمامي * للقضــيه * يا بن طه المصطفى
تســـهل وياك * يا إمامي * المــــنيه * يا بن طه المصطفى
ليهــــــم النار * يا إمامي * ال امــيه * يا بن طه المصطفى
فايز اللي تمســـــك بالامامه * خصـك الله بصلاته وبسلامه
نخدم ال النبي وهاي اليتامه * تشــــفع النه نريدك بالقيامه
يا حسيني يا امامي * نور عيني يا امامي
خـــدام العايله * تستاهل كربله
****************
ال ياســــــين * يا إمامي * جينه نخــدم * يا بن طه المصطفى
لاجلك نمـوت * يا إمامي * والله نقســم * يا بن طه المصطفى
نحمل سيوف * يا إمامي * بيهــا نرسم * يا بن طه المصطفى
نلعــن ابليس * يا إمامي * جيشه نهزم * يا بن طه المصطفى
حيدريه الســــيوف اللي نسلها * العــــدى بالحرب ضـاگت كتلهـا
احنه جيش العگر سيفه جملها * كل عگــــــــدهم امر منك نحلها
من ننادي يا امامي * بالاعــادي يا امامي
للموت انجفله * تستاهل كربله
*******************
عـابس اليوم * يا إمامي * للشــــجاعه * يا بن طه المصطفى
يضرب امثال * يا إمامي * وبذراعــــه * يا بن طه المصطفى
شـــگ لثياب * يا إمامي * عمره باعه * يا بن طه المصطفى
انت مـــولاي * يا إمامي * عن قنــاعه * يا بن طه المصطفى
يصـــــرخ وللهـــــــدى يبذل حياته * كل حرف من حسين اصبح صلاته
بالمــــــلاحم رســـــــم لوحة مماته * بالســــــفينه ركــــــــب رايد نجاته
عاري عابس يا إمامي * شــوگه لابس يا امامي
عينه دم هامله * تســتاهل كربله
*****************
إنظر لجـــــــون * يا إمامي * دمعه يجـري * يا بن طه المصطفى
رايد الفــــــــوز * يا إمامي * اوفــي نذري * يا بن طه المصطفى
روحي لحسين * يا إمامي * افـدي عمري * يا بن طه المصطفى
ترضـى يا ريت * يا إمامي * روحي تشري * يا بن طه المصطفى
جــــون خادم ابي ذر الغفاري * للمـــــنيه انتظر طـال انتظاري
لو يميني گطعتوا وهم يساري * ابقــى اخدم علي وهذا فخاري
كـــربلائي يا امامي * في ولائي يا امامي
كل عمري باذله * تســــتاهل كربله
*****************
افـدي بالروح * يا إمامي * والمنـاحر * يا بن طه المصطفى
والدي اليــــوم * يا إمامي * خل يفاخر * يا بن طه المصطفى
احمل الســيف * يا إمامي * بن مظاهر * يا بن طه المصطفى
احصد الروس * يا إمامي * بيها اتاجر * يا بن طه المصطفى
ارخصـــــــتها لجل عينك سنيني * تشهد جروحي بيساري وبيميني
حاربت وي علي وحـــميت ديني * انتظــــــر يومـــــك ورايد تجيني
للولايه يـــا امامي * والهدايه يا امامي
كل عمري باذله * تســـتاهل كربله
عاشق ال المصطفى
القصيدة الرابعة
أنـه الحـر الـريـاحـي وجـيـت تعذرني
وتحت ألواك اقاتل سيدي ارخصـني
واذب عنك مهجتي واضحـيـلك ركبتي
--------------------------------------------------------------
اجـيـتـك يـبـو الاكبـر شايـل اذنــوب مايسهل صعبها
وروحي ابـيـعـتـك يـاسـيـدي اتوب وتـكـفـر ذنـبها
من اسـمـع نـدائـك روحـي اتـذوب ماتحمل عتبها
أنه السدّرت بيكم لارض الحروب والباري كتبها
خـفـت ياسـيـدي ما تـقــبـل اعـذاري
وانه الهـذا الـذنـب ما تـنـخـمـد ناري
تظل تسعـرجمرتي واضـحـيـلك ركـبـتــي
--------------------------------------------------------------
هـلـه ياحـر يكـلــه حسين حياك هله ابجيتك عليه
واعلم من اجـيـت الموت وياك يخط جدم البليه
اذهب انته حـــــر والموت لباك امجهزلك منـيه
يامن بالحرايب صـيـــت يمناك يهز الغاضريـه
صـولاتـك يـحـر للـنـاس مـشـهـوده
صول ولاتهاب الجيش وحـشــوده
يكله الحر رخصتي واضحيلك ركبتي
--------------------------------------------------------------
صاح ابصوت انه بكل حرب معروف انه الحرالرياحي
غضب طش الرعب بالجيش والخوف مـن كل النواحي
موسـيـف ابـيـمـيـنـي اشـهـر اسـيـــوف واشرعهن رماحي
واطـعـن واظرب وليل الـشـر ايـشـوف من يشرق صباحي
آنه الحر الرياحي الكل يعـرفـونـي
وبسيــفي اراوي العـسـكـر افنوني
واراويهم ظربتي واضحيلك ركبتي
----------------------------------------------------
دخل للمـعـركـه و خـلاها طشار وبـرمـحــه يلمها
وسيفه اعله العساكر يستـعــر نار تـتـلاهـب حممها
كل ظربه يـنـادي يـابـو الاحـرار ويــجــندل زلمها
لـبـسـهـم ثـيـاب الـذلـه والـعـــار وهالملبس رهمها
لجن اهـل الرذيـلـه الـعـار مـيهـمهـا
اذا اصبح يـزيـد الـطاغـي حـاكـمها
النصر ناطر حملتي واضحيلك ركبتي
--------------------------------------------------------------
من كل صوب حـاطت بيه عدوان فزعت فرد فـزعــه
صاح ابصوت ياشيـعـة الشـيـطان حربكم هاي بـدعــه
اهل الـشـر تحارب بـنـي الرحـمـن والـبـاطل تـشـرعـه
وانه الناصر طلعت امن اجل قران العده الجسمي توزعه
خلوا ارماحكـم تـتـسـابــك الجسمي
وخلوا اسـيـوفـكـم تـتـروه من دمي
انه الموت ابجعبتي واضحيلك ركبتي
--------------------------------------------------------------
طــاح ابـطـيـحـتـه هـز الـمـيـاديـــن لابـو الاكـبـر وفـاله
ولمن صاح صوته ادركني يحسين ابـو الـيـمـه اعـتـناله
كـعـد يــم راسـه والـدمـعات بالعين عله امصاب الجراله
دنـيـه واخــره حـــر انـتـه بـثـنـيـن بـأمــر رب الجلاله
روح الجنة الفردوس مـتـحـنـي
ولجدي الرسول اخذ العهد مني
تظل عالكاع جثتي واضحيلك ركبتي
--------------------------------------------------------------
خادم اهل البيت عليهم السلام عما ر العيساوي
القصيدة الخامسة
عابس أنه الشـاكري - بحبه مجنون- -حسين كل شي بناظري - بحبه مجنون
بيه مجانيــــــــــــن - - - - - حب الحســــــــــين
****
انه أبو السجـــاد شــــــفته -- أوســـع ابواب الرحـيــــــم
منهجــــة منهـــج محمــــد-- بل صــــراط المســـــتقـيم
والتمســك بيـه ينجـــــــي -- ويعبــــــــــر لبر النعــــــيم
يهدم عروش الظـــــــــلالة -- ويقـهــــــر أبليس الرجـــيم
مايخاف من المهــــالك - كل الأيام - - ويحضه بالرحمة ليشــارك - كل الأيام
ويالمعـــــــــــــزين - - - - - حب الحســــــــــين
****
وقعينه عهـــود حبنــــــه –- وبالدمـــــــــــه كتبنة العهـــد
ويا ابو السـجــاد نبقــــى –- ننتظـــــــــــر يوم الوعـــــــد
جون جان ويانــه خـــــادم –- درس بالطف وجتهــــــــــــــد
ونال من أرقى الشــهايـد –- منزلــة عضمى صعـــــــــــد
ترجم الطف الشهادة – ودون دروس - - - شاف بحسين القيادة – دون دروس
بدربه ماشــــــيــن - - - - - حب الحســــــــــين
******
حب ابو السجـــــــاد عجبة –- من النبض والدم بــــــــــده
وهاي أسولفــلك حقيقـــة –- صــارت بجيش العـــــــــده
كبل جان الحــــــر معــارض –- قائـــــــــــد بجيش الــــرده
بلحظـــة يتغيـــــــــر كيـانه –- وجيش أميـــــه يهـــــــدده
فاز بالجنـــة الرياحي – صبح عنوان - - - بصدره يتلقه الرماحي – صبح عنوان
بس يقــــر عين- - - - - حب الحســــــــــين
******
لا تلومونــــــي يــــــا وادم –- كون بســــمه أنــــــه صحت
تملك الـــــروح ودليلــــــي –- وغير حبـــه مـــــــــا شفت
ما تهمنــــي الدنيـــه دونـه — لو ألف موتـــــــــــــــه متت
المهــم أحضــــه بصحبتـــه –- ونعـــم منـــــه لصــــاحبت
روحي وياجروحي تحجي – وصبت دموم--والسمه ويالارض تبجي – وصبت دموم
بدمعة باجيـــــــــن - - - - - حب الحســــــــــين
******
بلا درع وبلا جـــــــــــــــــواد-- دخلت ســـــوح المعركـــة
حسين حبه بوسط كلبـــــي-- مثل جمــــــــــرة محركــة
بعــالم الذر وأنـــــــــه أعرفه –- وبيــــــه روحي مشربكة
شلون هل الموقف وأعوفـــه –- وحيــــد بالطف وأتركــــة
ألا طيحن دون جسمـــه – وأفـدي الروح – ودمي يسفـك كبل دمه – وأفدي الروح
هيبـــة الديـــــــــن - - - - - حب الحســــــــــين
******
و أبن عوســـج عنــــده موقف –- وســـــط ميـدان القتــــل
يهمس بذانـــــه ابن ظـــــاهر— ليث حومتـــــــــــــها الكهل
كبل هاشم طيـــــــــح كـــله –- خويـــــة لومــــــال الحمـل
وهب ســـــجل عرسه بالدم –- وســوه بالحومــــة الحفــل
سوه بالميــــدان زفتــــــه – ملبس سهام – وأمه بالحومـــــة لكته – ملبس سهام
ليـــه مضحـــــــين - - - - - حب الحســــــــــين
*********************
شاعر أهل البيت
عبد الحسين المنصوري
القصيدة السادسة
#مقدمة
أنصارك تعرف بينه ...سيف بچفك خلينه ********************
عاهدناك بهالكلمه
أنصارك يابو اليمه
وياك بنفس الهِمه
واعله الموعد ظلينه
********************
ظلينه نتاني العاشر
عونك يحسين وتامر
يوم الطف كلنه نباصر
فدوة لأسمك نادينه
********************
إسمك يحسين الغالي
يا بيرغ حبنه العالي
عاهدناك وللتالي
غيرك لا ما حبينه
********************
لو صوت العاشر كبّر
گدامك بي نتوذر
تربات الضيغم حيدر
حيدر هوه إمربينه
********************
شنهي الروح وشنهو الدم
گبلك إحنه النتقدم
بشّر زينب لا تهتم
يا زينب لا تنخينه
********************
عالفطره وإلكم نهوه
لا ما نحتاج النخوه
نسحگ عالموت وگوه
دين الله وننصر دينه
********************
ما نتخلف عالموعد
عن درب الحق ما نبعد
ولو بالحومه ونستشهد
ريت نجازي ووفينه
********************
هنيال اليوهب عمره
قربان لأبن الزهره
ما نطلب منه الأجره
مقصرين شما ينطينه
********************
عمار هليل الواسطي
محرم الحرام ١٤٣٨ هجرية
القصيدة السابعة
نفدي الاعمار
احنه الانصار
لحسين وماغيره انعاهد احنه ونختـار
---------------
على ادروب المنايه ارسمنه لوحتنه
حتى بكـل شــــرف تعـله كـرامتـنـــه
انصـار الحسـيـن الـدنـيـه سمـتــنـــه
والــزهــراء خـتـمـتـهـا الهـويـتــنــه
قدمنه انحـور
احنه بعاشور
چنه بظلمه بغير حسين وياه شفنه النور
---------------------
بذلـنـه الغالي لجله ونشعـر بحسره
اذا قصرنه بـيـش انـواجه الـزهـره
لأن لحسـيـن كلمن ما اجــه ينصره
باچـر بالحشر الــزهــره مـتـعــذره
قـدمـنه الروح
من شفنه اتلوح
لسيوف الرادت تشربها ادموم المذبوح
------------------------
عـرفناها الحـقـيـقه وكلنا بـايعـنـاه
لذلك كل عـزيــز وغالي قــدمــنـاه
رخصناله بعـمرنه من مشينه وياه
و لاخـفـنـه المنايه وكلنا عاهــدناه
لجله مضحين
ولهذا الدين
نرخص كل ادمانه ونشعر احنه مقصرين
------------------------
مشينه بكل عـزمنه الـثـابت بأيمان
ندافع عـن حقوق و ذات كل انسان
المايمشي بنهج دين النبي خسران
يعـني مايـوالـي العـتـره والـقــرآن
واحنه بكل زود
صرناله جنود
ودمانه النرخصها بحبه تصير النه شهود
----------------------
تركنا اعيالنه وصحنه بعلات الصوت
لجل حسين نمشي وعالمنايه نـفــوت
شلناها المحـبـتـــه وبالگلـب منحوت
لذلك مايهـمـنـه ونفتخــر بــالمــــوت
اصبح عـنـــوان
حب العطشان
حسين الخله بدمه الطاح تموج الاكـوان
القصيدة الثامنة
يالله بدمــانــا نجــــود
يالله يالله اعلى الخلود
هذي ضنوة فاطمة اليوم نكتب ملحمة
يالله يالله اعلى الخلود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جمّع احسين الصحابه ووضح أمره هالجموع اتــــــريد دمّي وانتم أدره
الراد من عدكم يروح الليــــل ستره واليريد ايضل على الرحمن أجـــره
سالوا بكتــره الدمع
گالوا أحنا الكم درع
اليوم يوم الموزمة اليوم نكتب ملحمة
يالله يالله اعلى الخلود
**********************
زينب ويَ حسين وإبن اهلال مَرهم لنّه يسمع زينب أتگله اختبرهـم
شوف گصد اصحابك ونيّـــة أمرهم گلها ضامنهم أنا وأعرف صبرهم
نافــــع اتعنى الحبيـــب
يروي له اشگال الغريب
لن حبيب أيكلّمه اليوم نكتب ملحمة
يالله يالله اعلى الخلود
**********************
جمّع اصحابه حبيب وگـــال رايـــه آنـا رافع وي حبيب الزهرة رايــــة
ردت أوضّح الكم أمر من البـــداية هالحرب ما منها منجى الكل ضحايه
جاوبوا كلنا فـــده
وعالمنية انعـــاهده
ننتظر هالخاتمة اليوم نكتب ملحمة
يالله يالله اعلى الخلود
دام واحــــــد راينا ونبغي الكـرامة يالله كلنا انروح لحسين بخيـــامة
يالله گومو وكل فــرد يشهر حسامه خل نروح انطمّن ابيوت الإمامة
خل يشوفون العـزم
ثابته اجـــدام الزلم
أنگلهم ارخصنا الدما اليوم نكتب ملحمة
يالله يالله اعلى الخلود
**********************
يالله اهتفوا بصوت زينب سمعوها سرّوا دلّال العقيلة وطمئنوهــــــــا
يالله خل اتشوف زود اصحاب اخـوها چلمة(احنـا افداچ)يمها ترددوهــــا
رددو بهذا الهتــاف
انتي يارمز العفاف
سور خصمچ نهدمه اليوم نكتب ملحمة
يالله يالله اعلى الخلود
**********************
وعلى باب الحرة والحرة تناظر سچبوا الدمعات وي سلة البواتر
گبل اخوچ انقدم الخصمه المناحر راح تبقى تسولف اعلينا المنابر
عدنا ويـــاكم عهد
واحنا ما نخلف ابد
قسم بأمچ نقسمه اليوم نكتب ملحمة
يالله يالله اعلى الخلود
ـــــــــــــــــــــــــــــــــــــــــــــــــــــــــــــــــــــــ
مازن
القصيدة التاسعة
شنهو رايك بينه؟
هم تظن وفّـينه؟؟
بخدمة الغريب ... گلي يا حبيب
هم تظن وفّـينه؟؟
ـــــــــــــــــــــــــ
أهمس لشباچ گبرك وبدمعتي اتوسلك
ياحبيب ابن مظاهر هالخدامة شتعني الك؟
هالسواد وهالمواكب هالجموع التوصلك
شنهو راي احسين بينه؟ گاصد اليوم اسألك
تســـألك زواره
باعتبارك جاره
بمأتم السليب .. گلي يا حبيب
هم تظن وفّـينه؟؟
ــــــــــــــــــــــــ
يوم يوم الموسم الحب لهفة العاشك تِعِد
كل سنه من ايهل محرم غيرة اصحابك ترد
للحرب شدّيت عزمك واحنا للخدمة نشِد
گلي يا شيخ الاطايب بالله بينه شتعتقد؟؟
الي رافع رايه
والحسين الغاية؟
سعيه هم يخيب؟.. گلي يا حبيب
هم تظن وفّـينه؟؟
ـــــــــــــــــــــــــــ
عاهديتو احسين عالدم والسيوف امشرعه
حاوطيتو اخيام زينب والنداكم تسمعه
واحنا لو ناعي محرم صاح يحسين ونعه
عدنا سيف أسمه (الشعائر) وي سيوفك نرفعه
لو لطمنه اصدورنه
وسلسلة اعلى اظهورنا
لو نعه الخطيب.. .. گلي يا حبيب
هم تظن وفّـينه؟؟
ــــــــــــــــــــــــــــ
للمنية ايسير جدمك تدري بيهه الخاتمة
يمكن آخر كلمة عندك(يا رضا الله وفاطمة)!!
يا حبيب واحنا مثلك هالقليل انقدمه
ندري لو لحسين نلطم تحضر أمّه المأتمه
فاطمة اتصد لينه !!
يعني لو ونّينه
يكفي هالنحيب؟؟. .. گلي يا حبيب
هم تظن وفّـينه؟؟
ـــــــــــــــــــــــــــــــــ
انتو طمنتو الفواطم يوم روّعهه الدعي
احسين بيكم گال كلمة يشكر الكم هالسعي
و أنا ابن خط الشعائر (خادم احسين) أدّعي
جيت و بطرگ المدامع والقصايد والنعي
حسين بس لو يومي
إلا اذب اهدومي
مثل ابن شبيب .. گلي يا حبيب
هم تظن وفّـينه؟؟
ـــــــــــــــــــــــــــــ
أنا احس عندك سؤال تريد تسأني بألم
ليش كل ساعه ويمرّك شاب ملفوف بعلم؟؟!!
راح أگلك كربلائك باقية وننطيهه دم
أي نعم يبن مظاهر ما طفت نار الخيم !!
الي صاب انحوركم
رد يريد أگبوركم
واحنا ما نغيب .. گلي يا حبيب
هم تظن وفّـينه؟؟
ـــــــــــــــــــــــــــــــ
ريتك اتصد للسواتر والحشد تتأمله
آنا متأكد عيونك راح تنظر كربله
بينه الف عابس تشاهد والخصم بيه حرمله
جاينه ورايد يذلنه ، والظلم ما نقبله
شأسهل من المنحر؟!!
نفدي راية حيدر
للأجل نجيب .. گلي يا حبيب
هم تظن وفّـينه؟؟
ــــــــــــــــــــــــــــــ
خبّر احسين اعلى حالي سجل اسمي بدفتره
گله اضل للموت خادم ما افارگ منبره
گله جمرة يوم عاشر تبقى بيّه اموجرة
راح اضل اروي مصابك للدره وللما دره
كل حياتي انطيته
وادري ما وفيته
هالأمر عجيب.. گلي يا حبيب
هم تظن وفّـينه؟؟
ـــــــــــــــــــــــــــــــــ
مازن
القصيدة العاشرة
من مدرستكم – ينصار الحسين
نتعلم دروس – وانتم عناوين
******1***********
منكم اتعلمنه – حسين ابونه وأمنه –مانبالي بدمنه
خل يجري اعله حبه
عابس ايفهمنه – اعله الجنون وفنه – بدرسة وتجننه –
طعم الحب نشربه
وجون وضح رايه – ماتطيح الرا ية – حسين اعظم ايه
ونموت اعله دربه
من جامعتكم – اعظم قوانين
نتعلم دروس – وانتم عناوين
******2***********
من بري راياته – رتل بصولاته – بالحرب طكاته
تاريخ البطوله
من زهير القائد – العسكر اصبح شارد – للعقيدة ايجاهد
عنوان الرجوله
ونافع بحملاته – لسه تحجي ابياته – مانسو ضرباته –
نافع فعله كوله
بينه تعيشون – كل لحظة باقين
نتعلم دروس – وانتم عناوين
******3**********
وهب لا ماقصر من وفه بالمنحر – من تحدة العسكر-
ماننساهه امه
ضحت وماخافت – وي ابنهه وثارت – للشهادة اختارت
والباطل تهزمة
بيهم اتباهينة – بالشدد ضحينه- الدنيا تشهد لينه-
شجم شاب النقدمة
فن الشهادة – ودرس المضحين
نتعلم دروس – وانتم عناوين
******4***********
من حبيب الباسل – درس منه انقاتل – مانذل للباطل
نتحده الشدايد
وانس ضل قرآنه – ينقره بميدانه – اتحيرت عدوانه-
صنديد ومجاهد
شيعه وتربينه – بحبهم تغذينه – ياهو يندك بينة –
نحميهه المراقد
يرخص دمانة – فدوة احنا للدين
نتعلم دروس – وانتم عناوين
******5***********
والحر بحريتة – بتوبته وتضحيتة – من كتب بوصيته –
فايز كل حسيني
والحر اشرف قائد – تاب لله الواحد – للعقيدة يجاهد –
يصرخ من يجيني
درس بالحرية – وثورة حسينية – الواحد احنه ابمية
انصيح الحر يقيني
عابس قبلنه – احنه المجانين
نتعلم دروس – وانتم عناوين
*****6**********
مانعوف الغالي – حسين يبقى العالي – بكل شمر مانبالي
خل يسمع خصمنه
بدربه لو نتوذر – هذا درس المنحر – للخطر نتحظر
ونتعب عدونه
ودوم نرفع راية – بيهه نكتب ايه – والحسين الغاية –
ونحبه ويحبنه
من طين الانصار – صرنه الموالين
نتعلم دروس – وانتم عناوين
******.*****************ا
لخادم - حيدرالرميثي
قصائد للانصار مكتوبة
تعليقات
إرسال تعليق