نعي مكتوب لمسلم بن عقيل عليه السلام
الشاعراسماعيل الجوراني
أبيات نعي
--------------
أستشهاد سفير الحُسين
الأمام مسلم أبن عقيل عليه السلام
--------------------
مسلم وحده والعدوان حاطوه
أوشجاع أومايهاب الموت شافوه
أبحفيرتهم أهل كوفان غدروه
أولبن أزياد تالي الراي ودوه
أوسفير أحسين بلاعدام حكموه
أومن عالي الكصر علكاع ذبوه
وبحبل الرزايا النوب جروه
وبحر الشمس أيام صلبوه
ناده أحسين أبو السجاد أحوه
يمسلم كلبي بلشوغات أذوه
جيبولي حميده أهنانه سئلوه
شنهي أخبار مسلم كال كتلوه
على الدنيا العفا ياهاشم أنعوه
العيد أسود على الأسلام خلوه
---------------
خادم أهل البيت
الشاعر : أسماعيل الجوراني
نعي خطاب مسلم بن عقيل الى
مولانا الحسین_عليه السلام
خویه لومني وصل لیك الخبر
چان بعدك بلوطن عید النظر
ولاتجیب اویاك زینب للسفر
خاف بلکوفه یمر بیهه الدهر
تره شی ابنار شی ترمی ابحجر
الشاعر_عزیز_الفیصلي
نعي ليله مسلم ابن عقيل عليه السلام
****************
حميده حميده حاله اليوم حالتها حميده
اريده اريده مسلم والدي ياناس اريده
بعيده بعيده ابونه صارت اخباره بعيده
وحيده وحيده مشه وخلاني بدياري وحيده
وينه مسلم وينه مسلم اصيح بصوت عالي وينه مسلم
كامت اتلم كامت اتلم الدنيه بس مصايب كامت اتلم
فاركاني فاركاني انه الحلوه عشرته فاركاني
ما اجاني ما اجاني تانيته اشكثر بس ما اجاني
شخبار ابونه شخبار ابونه يطوعه ارد اسألج شخبار ابونه
ودعونه ودعونه ليش اهل المحنه ودعونه
يم ابوها يم ابوها كل ابنيه راحت يم ابوها
حيروها حيروها حميده اشلون حيره حيروها
بويه ما لاعبني ما لاعبني البنيات شو ما لاعبني
يطردني يطردني كمت كل ما اجيهن يطردني
عيرني عيرني بعمي حسين كلهن عيرني
ايشتمني ايشتمني بقصد كامن يبويه ايشتمني
يظلم البيت يظلم البيت الابو لو راح والله يظلم البيت
انه تانيت تانيت بالباب اشكثر يابويه تانيت
لو هاي هيه لو هاي هيه يردون المشو لو هاي هيه
اشلون بيه اشلون بيه انه حيلي انهدم وشلون بيه
اعله راسي اعله راسي يمسح كام شو عمي اعله راسي
خاف ناسي خاف ناسي حسباله يتيمه وخاف ناسي
ماريد ماريد عمري اخلاف ابوي الراح ماريد
الايد بالايد الايد بالايد كمت اصفك يبويه الايد بالايد
العزاز العزاز اشمالج يالنجف خلصتي العزاز
التراب التراب خرب كشختك يابويه التراب
صارلي ايام صارلي ايام تجي ابالي وفكدك صارلي ايام
اهنا يالكبور اهنا يالكبور صارو وين اهلنه اهنا يالكبور
الناس اشبيها صاحت هاي البنيه
وحته النوك عكبك ونت اعليه
بعدنه بعدنه ازغار اعله اليتم بويه بعدنه
نشدنه نشدنه محد ليش عن همنه نشدنه
ورمت العيون ورمت العيون عليك امن البجي ورمت العيون
وصبر اشلون وصبر اشلون اهود نار كلبي وصبر اشلون
طشرتها طشرتها وراك اسنيني كلها طشرتها
عتبه عدها عتبه عدها تره ابنيتك حميده عتبه عدها
علمتني علمتني يبويه اعليك تدري علمتني
ما خذتني ما خذتني اشبع موت يمك ما خذتني
****************
نسألكم الدعاء
الشاعر تحسين الخفاجي
قد تحتاج المواضيع التاليه
نعي بحق مسلم
-------------------------------
بوية ياحميدة ما دريتــــــي
عنچ رايح وكاصد منيــتي
بأبراهيم ومحمد وصيتي
باريهم اخوتچ ياحنــــــــينه
----------------------------------------
عليكم منعصر كلبي يالولاد
من ونه الكلب يابوية ماهاد
انة بعيد وانتم عنــــــــي بعاد
لاتكولون بوية هم تجيــــــنه
----------------------------------------
اروح وما اردن بالســــــــــــــلامة
لاحت لليتم بيكم عــــــــــــــلامة
ومدري شلون بيكم ياليتامة
حان وداعنه وحنه وبچيــنه
----------------------------------------
يخونوني وتجيني الكوم غارة
وتنكص ركبتي ابقصر الامــــارة
ومن فوك القصر دمي ايتجاره
ويجرون وسط السوك بــــــــــــــينه
-------------------------------------------
اوصيچ بيهم ياحميــــــــدة
تظلين بس انتي وحيــدة
تطشون وبديرة بعــــــــــيدة
وابوچ بعيد عنچ دافنينه
---------------------------------------
----------------------------------------
أسالكم الدعاء رائد الاسدي
حميده ع تقول:
سافر والدي وراشد...........بنيته
وقصر الاحلام في أثره........بنيته
كلت يرجعلي ويدلل أبنيته...بنيته
طلع حلمي سراب وكطع بيه
***
جهاد البصيراوي
(نعي لمسلم سفير الحسين عليهما السلام)
ردوا للمدينة يالمضعنين
خانوا ببن عمك تدري يحسين
هاي الناس ما عدهم وفه وين
نقضوا بيعتي ويحجون وجهين
وصفيت وحيد وين انطي الوجه وين ....
هظيمة يا هلي وبصدري لوعة
وگلبي ما سكن ما هدٲ روعة
الوحيد حگة تهل دموعة
يصعب للوطن يصعب رجوعة
انصاري خانوا اونصرتني طوعة
وصيتي الكم يٲهلي بدمعة مذروفة
انشدوا عله الغريب لخانته الكوفة
رجلي امشبگه للايد مجتوفة
وخلوهه حميدة مصرعي تشوفة
مشتاگة لابوهه وحيل ملهوفة ...
(ابو ذية)
غريب وانعي وحدي منعالي * ولا واحد حضرني منعالي
خذوني الگوم گوه منعالي * القصر يحسين ذبوني رميه ...
فكري من المصايب تاهمني * وتهايم هاليالي تاهمني
ادور بالازقة تاهمني * الدرب والكوفة خانت كلهه بيه ...
الخادم سيد عبدالله المگصوصي
(أبوذيات./).
أنه امي راحت أمنيدي...صفت وين
عليها الباب عصروها...صفت وين
جروحي مفصله عليه...صفت وون
اجن تفصال يايمه عليه.
--------------------------
جروحي يلتمن ييمه ...ونتي يمنه
عجيبه الدار بفراكج...ونتي يمنه
لون تدرين يا يمه...انتي يمنه
نشد اجروحنه كلهن سويه.
---------------------------
اعاتب عالزمن لو عاتب...الباب
حرت مابين دمعي وبين...هالباب
انه قبالي الزمن وكبالج...الباب
ليش وماطبك هالباب بيه
--------------------
ل-مسلم-الخفاجي
تم بعون الله نعي مكتوب لمسلم بن عقيل عليه السلام
موقع المنبر الحسيني
مصدر القصائد مؤسسة منبريون
لاتنسو الفاتحة الى روح مولاي مسلم بن عقيل عليه السلام
كلمات دلالية
نعي حزين
ردحذف