كل ما يحتاجة خادم الحسين عليه السلام في اول ليلة ويوم من محرم الحرام من قصائد مكتوبة قصائد الهلال
مجموعة من القصائد الحسيني المكتوبة مقدمات,رئيسيات,نزلات,نعي ,شور,زنجيل,
المقدمات
يامحرم انتضر لتهل عليه
يامحرم روحي ما تحمل اذيه
//////////////////////////
بعده بعيوني الدمع يجري لكيته
والحزن بالروح لسه مانسيته
تدري كم غالي بمسيتك ودعيته
علنحر وبلا شفاهه قبليته
يامحرم قبلك اترجه المنيه
يامحرم روحي ما تحمل اذيه
//////////////////////////
شما اصدن وانضر بعين اليتامه
اذكر اليل بخرابه شلون انامه
وأنه لا كافل بقالي ولا سلامه
والعده عليه وكف شاهر حسامه
يامحرم حسره بضلوعي وشكيه
يامحرم روحي ما تحمل اذيه
//////////////////////////
شلي بالدنيه بعد ذيج الغوالي
ماجره عله أحد مثل ذاك الجرالي
لا ابن لا أخ ولا ناصر بقالي
وأنه حرمه اتدوهن بحالي الليالي
يامحرم امشي والكيد باديه
يامحرم روحي ما تحمل اذيه
//////////////////////////
عني ارحل لا تهيج ذكرياتي
ياشهر أتمنه وي جيتك مماتي
خلصت ابعاشر محرم كل حياتي
ويه نحر حسين ذبحوا امنياتي
يامحرم انه كملت الوصيه
يامحرم روحي ما تحمل اذيه
//////////////////////////
انه زينب ياشهر أم النوايب
مرت اعله عيوني من زغري العجايب
مايمر عام اله بأهات ومصايب
كربله مني خذت كل الحبايب
يامحرم مابقه واحد اليه
يامحرم روحي ما تحمل اذيه
//////////////////////////
أصبر اليا لوعه واشكي ياهضيمه
من بقينه بكربله وماعدنه خيمه
لو عله السجاد لو قرط اليتيمه
لو عله المذبوح وعياله وحريمه
يامحرم وأنه علهزل سبيه
يامحرم روحي ما تحمل اذيه
أحمد عيسى البديري
@@@@@@@@@@
اللهم صلى على محمد وال محمد
لاتهل كون…..ياشهر حزني وعذابي
يهلال المصايب لا تجي لروحي
بجيتك ياشهر ماتهجع جروحي
اشوف اخواني موته ويعتلي نوحي
بيك شلون اشوف دموم مذبوحي
من يموتون .. يبتدي موعد عذابي
لاتهل كون…..ياشهر حزني وعذابي
انه زينب يشهر النايبه هونك
على جروحي دخيلك لا تجي عيونك
حزن بس وعذابي انته مكنونك
هونك ياشهر لمن تهل هونك
تبجي العيون… من تجي انته علبابي
ياشهر المصايب متعبه احلامك
تخلص بالبواجي عيوني بيامك
يمحرم اجيت وجايب الامك
بدليلي ياشهر لتصوب اسهامك.
تجرح شلون.. منك انته كل مصابي
يهلال المصايب كون لا هليت.
ريتك لا تهل اي والله الف ياريت.
يهلال. البواجي بخاطري شسويت
اموتن من كبل لاتوصل اتمنيت
موتي يهون.. ولا تصل انته علبابي
مجروحه بقدومك والله مجروحه .
ومثل طير بسهم يا روحي مذبوحه
ع الرمضه اخوتي هناك مطروحه
وع الشاطي دليلي تستقر روحه
تعمي العيون.. بجيتك يكبر مصابي
ذبح يرحون واحد من بعد واحد
يعين الله الخوانه
((الشاعر خالد عبد الساده البديري ))
اللهم صلى على محمد وال محمد
مو شيـبتلي راسي
يمحــرم المأســــي
لمن تهل يعني افترگ وي الكفيل
.........
شهر الحزن بالله اسألك لا تمر
يرادلك حيل ودمع والصبر
بيك الاخو من القفا ينطبر
وخاطري ماضــن بعد ينجبر
شهر الحزن دخيلك
بس لا تجي اندعيلك
مو هين عليه تره فراك الكفــيل
...................................
لمن تجي خيامي تره تحترك
وانه وجفيلي ع النهر نفترك
اسمعني مو جاي اخبرك بالصدك
بيباني عنه ابتعد لا تدگ
ع الشاطي يعني اعوفه
ماضن بعد اشوفه
الموت احس اهون ولا بعد الكــفيل
...............................
ياروحي لو هل الشهر انحبي
معنا هه جم يوم وبعده انسبي
وخيامي يحركهن علي ناصبي
والنار تاكل بالخيم والعبي
تمنيت انه وفــاتي
ولا تحـترك عباتــي
وما يرضه اعرفنهه تره طبع الكفيل
.........................
ادري لمن توصل يجي ياخبر
يكلولي كفالج وكع ع النهر
وحسين اخوي اعرف بكه بلا نحر
واعرف انه وباكي الحرم ابخطر
ع الشاطي اخوي اعوفه
وبلا جفوف اشوفه
وجفوفه مو هينه تره هذا الكفيل
................................
اسمع علي صدفه يخبر فاطمه
يكلهه بمحرم تون السما
زينب تون بس ماتون من ضمه
تبجي لان مامش بعد اي حمه
وتكله ياهو الهه
الله اكبر ويكلهه
عباس اخوهه وهذا اهو صار الكفيل
.....................................
خالد عبد الساده البديري
اللهم صلى على محمد وال محمد
لاتهل لا ياشهر .. بجيتك كلبي انكسر
منك هواي عذابي منك هواي
ياشهر لمن تهل يكبر عذابي
بيك اشوفنه الحزن باقي علبابي
اعز من روحي وعلي عليه حجابي
ولو اشوفك ياشهر يكبر مصابي
بيك اني اطلع سبي… تحترك اطهر عبي
ومنك هواي عذابي منك هواي
بجيتك توكع جتل مذبوحه اخوتي
يعني اتمنه الي لو يدنه موتي
بدمعي اصيحن يابوفاضل مو بصوتي
لا تهل لا يشهر اهون لي موتي
يروح حارس خيمتي… بيك تكبر حسرتي
ومنك هواي عذابي منك هواي
شنتظر لمن تهل من يبقه اليه
يعني اروحن للغرب واطلع سبيه
يعني اشوفنه الحبل فوك من اديه
يعني اسمعهم يشتمون الزجيه
فوكي تلهب خيمتي… من افارك اخوتي…
منك هواي عذابي منك هواي
يعني لو توصل تره يسبوني باجر
وصدر اخوي احسين مترحمه الحوافر
بالمدن افتر انه ومسبيه اسافر
بجيتك اه ياشهر دلالي حاير
الخيل تسحك ع الصدر… يذبح حسين الشمر
منك هواي عذابي منك هواي
حافي اركض بالخيم واجمع بالايتام
والله ايامك تره هاي اصعب ايام
بكلبي منك للحشر موجوده الاسهام
ياشهر بيك انذبح من يحيي الاسلام
انته انته قاتلي ..اي وحق حيدر علي
منك هواي عذابي منك هواي
خالد عبد الساده
اللهم صلى على محمد وال محمد
بداية الاحزان
قدْ رَمَـاني الحُزْنُ سِهَامْ
مُـذْ أتى شَهْـرُ الآلام
جَاءَ شَهْرُ السّبْطِ والقَـلْبُ اكْتوَى
مِنْ لهيـبِ الحـزْنِ وازْدَادَ الجَوَى
ذَا هِـلاَلٌ بـالمـآسيْ قـدْ ذَوَى
ذَاكِـراً قَتْـلَ الحُسـيْنِ بِنَيْنَـوَى
قد ندبْنَا خَـيْرَ إمَـامْ
مُـذْ أتى شَهْـرُ الآلام
يا هـلالاً تمـْلأُ الدُّنـيا عَـزَاءْ
كَيْفَ هذا؟ واختفى منْكَ الضّياءْ
كُلُّ شَهْرٍ تزْدهِيْ منْكَ السّمَـاءْ
واكْتَسَـتْ حُـزْناً لِنعْيِ الأتْقيَاءْ
أظْلَمَتْ مِنْـكَ الأيّـام
مُـذْ أتى شَهْـرُ الآلام
مثْلَ قَوْسٍ حُـزْنُ عاشُـورٍ رمَى
سَهْـمَهُ فِيْ كلِّ قَـلْبٍ فـارْتمى
كُلُّ أرضٍ قـد أقَـامَتْ مـَأتما
بَلْ غَـدَتْ كلُّ الشهُور ِمُحرّما
قـد رفعـنَاها الأعلام
مُـذْ أتى شَهْـرُ الآلام
صَارَ شهْرُ السـبطِ للحُزنِ ابْتداء
ليْسَ شهْـراً للمبَاهِـجِ والغِنـَاء
رَغْـمَ كلِّ النّاصـبينَ لَنَا العِدَاءْ
سوْفَ نبقَى شـيعةً نُبْديْ الوَلاءْ
هكذا طبْـعُ الأكـرام
مُـذْ أتى شَهْـرُ الآلام
كيْفَ ينسى القلْبُ قَتْلَ الطّاهرينْ
مَنْ فَدوا أرْوَاحَهمْ دُونَ الحسـين
هُمْ عَلُوا قَـدْراً برَغْـمِ الظّالمين
وارْتقَوا صَـوْبَ المعـاليْ خالدين
هُـمْ جنـودٌ للإسْلام
مُـذْ أتى شَهْـرُ الآلام
كيفَ ننسى الطِّفْلَ مَنْ ذَاقَ الرّدى
مِـنْ دَعِيٍّ ظلْـمُهُ فَـاقَ المدَى
مَا رَعَى الإسْلامَ في قتْـلِ الهُدَى
ذَاكَ طفـْلٌ غَـالَهُ جَـوْرُ العِدا
ظَـامِئٌ أَرْدَاهُ حِـمَام
مُـذْ أتى شَهْـرُ الآلام
سَائلاً بالحُـزْنِ كَمْ نحـْراً جَرَى
منْ بني الهـادي فادْمى المحجـرا
قُطِّعَتْ أجْسَـادُهمْ فَـوْقَ الثّرى
وانطَفَا النُّورُ الذيْ يهْـدِي الورى
قد غَشَى الأكْوانَ ظَلام
مُـذْ أتى شَهْـرُ الآلام
قَتْلُ سِبْطِ المصطفى أَدْمَى القلُوب
فهْيَ طُولَ الدّهْـرِ والدنيا تذُوب
لوبصُرْنا الدَّرْبَ من ثقْلِ الخطوب
لا نرَى إلاّ المـآسِي في الدروب
مِنْ لَظَانا لاحَ خِـتامْ
مُـذْ أتى شَهْـرُ الآلام
**
ـــــــــــ
لخادم الامام الحسين (ع) الحاج: ناصر الوسمي
الرئيسيات
اللهم صلى على محمد وال محمد
لخادمكم الشاعر احمد عيسى البديري
07808368692
عادت هواجس كربلاء زينب
(1)
هل الهلال - وكربله رجعت عليه من جديد
هل الهلال - وبينت بجفوفي اثار الحديد
استمع صوت اليتامه
هيه هاي اول علامه هل الهلال
--------------
يامحرم كلي شنسه واصبر اليافاجعه
من لهب ذاك المخيم وانا اركض مسرعه
اجمع صفوف اليتامه الفزعت من الواقعه
والحرم تبجي وتنادي والجفوف مشرعه
وين الاحباب - لا اخو عندي ولاباقي كفيل
وين الاحباب - حملوا ركبي لمسرانه الطويل
لو صحت وين النشامه
هيه هاي اول علامه هل الهلال
--------------
ياعذاب الطف شسولف من مرار مصيبته
هيه مو سهله علواحد لو يفارك اخوته
بين التوذره القواطع والحوافر داسته
وانا اصد رمل المعسكر يختلط وي جثته
دمعي لو سال - يرسم عله اعيوني اهات وعذاب
دمعي لو سال - اقره اخر صفحه من هذا الكتاب
ليلي من طول ضلامه
هيه هاي اول علامه هل الهلال
--------------
كمت كل ساعة اودع غالي مايرجع الي
لحد ما صار المخيم خالي من عصبة هلي
لا اخوي حسين يمي وعلنهر ضل كافلي
من بعد ذيج العشيرة انا اضل بلا ولي
انسبي شلون - إسئل ايامك اذا تكدر تكول
انسبي شلون - وانه شمس الله اذا اطلع تزول
بالخرابه وليلي انامه
هيه هاي اول علامه هل الهلال
--------------
ياهلي وكل المصايب تبتدي بهذا الشهر
حملوا ركبي السفرهم وانا ما احمل سفر
كالوا القصر الامارة من بعد ذاك الخطر
اني لو موتي ب اديه جا متت يم النهر
شهر الاحزان - يبتدي هلال النوايب والنحيب
شهر الاحزان - ماترك غالي اليه ولا حبيب
عني ارحل بالسلامه
هيه هاي اول علامه
هل الهلال
--------------
ويلي من ردينه نسعه لكربله بعد السبي
صحت ياكافل اخيتك من يباري المركبي
انا مشتاكة ارد اشوفك وانته ادره بمطلبي
خل نزور حسين اخونه بي نشم عطر النبي
ادري بالمات - يودع احبابه ولا الهم يعود
ادري بالمات - اهله ماتترك ونينه ولاتهود
تعبت حروف الملامه
هيه هاي اول علامه
هل الهلال
(2)
يامحرم انتضر لتهل عليه
يامحرم روحي ما تحمل اذيه
--------------
بعده بعيوني الدمع يجري لكيته
والحزن بالروح لسه مانسيته
تدري كم غالي بمسيتك ودعيته
علنحر وبلا شفاهه قبليته
يامحرم قبلك اترجه المنيه
يامحرم روحي ما تحمل اذيه
-------------
شما اصدن وانضر بعين اليتامه
اذكر اليل بخرابه شلون انامه
وأنه لا كافل بقالي ولا سلامه
والعده عليه وكف شاهر حسامه
يامحرم حسره بضلوعي وشكيه
يامحرم روحي ما تحمل اذيه
-------------
شلي بالدنيه بعد ذيج الغوالي
ماجره عله أحد مثل ذاك الجرالي
لا ابن لا أخ ولا ناصر بقالي
وأنه حرمه اتدوهن بحالي الليالي
يامحرم امشي والكيد باديه
يامحرم روحي ما تحمل اذيه
-------------
عني ارحل لا تهيج ذكرياتي
ياشهر أتمنه وي جيتك مماتي
خلصت ابعاشر محرم كل حياتي
ويه نحر حسين ذبحوا امنياتي
يامحرم انه كملت الوصيه
يامحرم روحي ما تحمل اذيه
-------------
انه زينب ياشهر أم النوايب
مرت اعله عيوني من زغري العجايب
مايمر عام اله بأهات ومصايب
كربله مني خذت كل الحبايب
يامحرم مابقه واحد اليه
يامحرم روحي ما تحمل اذيه
-------------
أصبر اليا لوعه واشكي ياهضيمه
من بقينه بكربله وماعدنه خيمه
لو عله السجاد لو قرط اليتيمه
لو عله المذبوح وعياله وحريمه
يامحرم بيك اعدن كم اذيه
يامحرم روحي ما تحمل اذيه
الشاعر احمد عيسى البديري
اللهم صلى على محمد وال محمد
(3)
لا تهل لاتهل يهلال الاحزان
لا تهل لا تهل يهلال الاحزان
من تهل أفكد كمر
وترجع بعيني الصور
يهلال الاحزان
-------------
ودعت بيك الغوالي وعذبوني
راحوا ابدرب المنايه وما اجوني
من يمر اسمك دمه تنزف عيوني
انه بت حيدر سبوني وشتموني
والوعد والوعد فوك الهزل جان
لا تهل لا تهل يهلال الاحزان
يكثر بروحي العتب
شافت عيوني العجب
يهلال الاحزان
-------------
خدري مامره الهوه لمن اجينه
والكوافل عن يساره وعن يمينه
من بعد أم الخدر صرت الحزينه
وحدي ارجع علهزل لأرض المدينه
والركب والركب بمصابه حيران
لاتهل لا تهل يهلال الاحزان
صوبت كلبي ابسهم
شفت بيك اعظم الم
يهلال الاحزان
-------------
صعبه كلش صعبه لمن دخلوني
للقصر مثل السبايا كيدوني
والاشد بكليبي لمن وكفوني
بين جتالت هلي والسلبوني
لو تصد لو تصد بكليبي نيشان
لا تهل لا تهل يهلال الاحزان
بيك دلالي انجرح
شفته مذبوح الفرح
يهلال الاحزان
-------------
انه كل ليله استمع نوح الخرابه
واليهد حيلي وسبب همي وعذابه
من تدور اعليه ايتام النجابه
كل طفل انضر عله عيونه مصابه
والألم و الألم مايرحم انسان
لا تهل لا تهل يهلال الاحزان
بيك ودعت الاهل
لاجواب ولا أمل
يهلال الاحزان
-------------
ياشهر كل المصايب والاذيه
ماجره عله أحد عذاب المر عليه
ريت كبلك حلت ابروحي المنيه
ولا اودع أخوتي بالغاضريه
والاجل والاجل ما خله وليان
لا تهل لا تهل يهلال الاحزان
من حضر وقت الاجل
ما أخذ روحي ورحل
يهلال الاحزان
الشاعر احمد عيسى البديري
اللهم صلى على محمد وال محمد
زينب ترى في هلال محرم كل اهول السبي قبل حدوثها ... ٢
—————————
جن اعاين بالسمه
بيها هل سبي وضمه
ما اشوفاً هل شهر
ينعمي بعيني النضر
جن اعاين بالسمه
—————————
هلال اشوفاً .. ساعه احس بي مركبي
بعيني لاحت .. نار ذيج البلعبي
هيه والله .. اني ذيج الانسبي
وذاكه منهو .. شمر يسحل معصبي
وينه عباس الكفل
ما فزع ليه وحمل
شمر يمشي بلا قدر
وينعمي بعيني النضر
جن اعاين بالسمه
—————————
وحدي اروحاً .. لا جذب عن كافلي
اني ابعد .. اصحي لا تتخيلي
حرمه وحدي .. عدو يجرلي بمحملي
والله لالا .. وين جا راحو هلي
شلون وانه ام الخدر
انضرب وامشي بيسر
تنطفي شمس وكمر
وينعمي بعيني النضر
جن اعاين بالسمه
—————————
عله الهزل .. صاعده ومامش ستر
عيوني تنضر .. صوبي وانه ام الخدر
والله كلفه .. انه يحديلي الشمر
بعد اخوتي .. احله شي نوم الكبر
ولا اعيش بذلتي
كلها شافت دمعتي
صبت وكلبي انكسر
وينعمي بعيني النضر
جن اعاين بالسمه
—————————
ضلمه صارت .. وانطفه كلشي وتهت
وين الانوار .. وين اخوتي جا صحت
تتركوني .. بالزجر عنكم رحت
اه زورك .. حت خيالي تزوركت
موت امتوني الضرب
حالي عالكافر صعب
شگد صعب هذا السفر
وينعمي بعيني النضر
جن اعاين بالسمه
—————————
جن رقيه .. دموم تجري من الاذن
والتراجي .. منها ما خوذه وتون
ومن تعاتب .. تنضرب فوگ المتن
سوط المها .. عرش ربك بي يجن
والغضب لون السماء
احمر بلون الدماء
انضر يلوح الاثر
وينعمي بعيني النضر
جن اعاين بالسمه
—————————
حيدر عيسى البديري
اللهم صلى على محمد وال محمد
هلال محرم
————
هل الدمع هل الحزن هل الالم هل هلال
باجر صبح وييا مشي وييا دمه وبي اهوال
باجر سبي
وحرگ العبي
باجر محرم
هل الدمع هل الحزن هل الالم هل اهلال
.....
باجر نروح عله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانضر بعين الغيبه
من تحترگ بينه الخيم نفزع نلم بلاطفال
وننضر اقمار عله الثره وعيون مدمعهن سال
يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان
جن حومرت منها السمه دم تنزف بعيني تشوف
لكل هالمناضر استعد كل ما يهل ليه تعود
دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النضر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها
وحدي صرت بين الخيم للنار اطفي ويانار
نار العبي لو بالخيم لو نار البكلبي احتار
الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانضر جسد فوگ السهم فوگ الطعن بي رمحين
وانضر المحبس ينسلب والخيل داست بحسين
وانضر على الشاطي عمد بالهامه يم الجفين
ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد
هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني
هذا الخبر وي هلتك راح استعد للهزل
يهلال اروح بلا اهل لدروب ما بيها اندل
وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانضر عيون اطفالك
انضر رقيه عله النحر خلت جرح تدنالك
جنها تگلك والدي ابرالي من ابرالك
انضر الاذني والدمه اشبه يبويه بحالك
نفس الدمه بس يختلف دم منحرك واذاني
انت بمنيتك وسدك بس اني بويه اذاني
يم سالبي
وحرك العبي
باجر محرم
هل الدمع هل الحزن هل الالم هل اهلال
...
حيدر عيسى البديري
اللهم صلى على محمد وال محمد
للهلال
........
كلشي مات كلشي مات
من لطم وجه الصبح وجه الحياة
هل محرم بالدماء
هلاله ما خله حياء
تسبه بي اركان ايات الصلاة
....
مات حتى الفجر والشمس بجراح
طلعت وما هل نفس ذاك الصباح
الطير ما غرد ولا صوت بصياح
والورد اسود فتح وبلونه لاح
بالسواد بالسواد
مكدر بلون الحزن شافه العباد
جن ينادي للسماء
هل محرم بالدماء
تسبه بي اركان ايات الصلاة
....
هل محرم وابتده وياي العزاء
لازم البس اسود ودمعي دماء
وبالمواكب الطم وكلي وفاء
للدماء السالت بكرب وبلاء
بالعزاء بالعزاء
نقتدي بجون ونلبي بالفداء
نركض بارض البلاء
هل محرم بالدماء
تسبه بي اركان ايات الصلاة
....
صبح باجر لاتجي تكشف الطفوف
تذبح بشمسك تراتيل وحروف
تذبح العتره وتگطعلهم كفوف
وتهدم الكوثر ولا تترك جروف
والكتاب والكتاب
تدمع حروفه وترتل بالعتاب
ويصدح بصوته نداء
هل محرم بالدماء
تسبه بي اركان ايات الصلاة
.....
بيك زينب تنسبي فوگ الهزل
الجان من خيالها كل ضي يزل
كام فوگ متونها اليضرب يمل
سوده خلاها مثل لون الكحل
ومن تنوح من تنوح
يشتموها ويلجمو بيها الجروح
وينه حمال اللواء
هل محرم بالدماء
تسبه بي اركان ايات الصلاة
....
يا هلال وعن رقيه اكتب كتاب
بيك هم تنضر يتم تنضر عذاب
طفله هايه شلون جانت شباب
سلبو منها التراجي شهالمصاب
من بعيد من بعيد
گلي وانطيك التراجي لو تريد
ادري ما ينفع رجاء
هل محرم بالدماء
تسبه بي اركان ايات الصلاة
.....
حيدر عيسى البديري
اللهم صلى على محمد وال محمد
قصيدة اول ليله لمحرم 1438
استقبال شهر محرم
هل محرم والعرش اعلن عزاء
ونادى جبريل بحزن يا كربلاء
تبجي ودموعك دمه
وتندب أمك فاطمه. يابوصالح
شهر آهات وحزن
بي سياط وبي متن. بالغاضرية
بي بواجي وبي دمع
چنه محسن والضلع. وحال الزجيه
والعريس وشمعته
والدموم الحنته. وسهم المنية
وبي تراجي اسلبن
وطفله حزنانه وتون. آه يارقيه
وانت تذكرها المصايب والبلا
وتبجي حال ايتام ظلت بالفله
وتدعي يارب السما
وتندب أمك فاطمة. يابوصالح
طف بواجي وفاجعه
والكفل والمشرعه. تكول الرواية
جربه بالطف ونهر
وعم يسمونه الكمر. وجفوفه آيه
والعقيله تيسرت
عالجمر يوم المشت. وية السبايا
يامصايب هالدرب
كعبه عثرت عالترب. احتركت عباية
عالكفل صاحت عقيلة حيدرة
شفت خدر الله احتركت فوك الثرى
حال عمتك تفهمه
وتندب امك فاطمة. يابوصالح
ام تنوح ويالمهد
تنادي يايمة الوالد. هالدر حليبي
صورتك يبني البقت
دمعه بعيوني العمت. شهكة نحيبي
يادللولك حزن
جمرة ظلت بالجفن. ناري ولهيبي
كلبي مايحمل الم
وردة يذبحها السهم. نحرك حبيبي
يمه ابوك حسين من رد للخيم
وانته بيده ونابت بنحرك سهم
طفل مات من الضما
وتندب أمك فاطمة. يابوصالح
سكنه ظلت عالوعد
راحت تحاجي العمد. وين الكفلني
من جرحته بهامته
وسفه صاحت جربته. جي ماروتني
راح اروح المصرعه
وابجي يم المشرعة. واشكيله حزني
ارد اكله مروتك
خدري نار بغيبتك. جمر وحركني
وركضت عطشانه والنار بكفاي
من التفت الكه الشمر يركض وراي
وحته حيدر شتمه
وتندب أمك فاطمة. يابوصالح
شلون حال اخت الولي
الفاركت غيرة علي. وآية خدرها
من بعد خدر الكفل
عمر يكضي عالهزل. آه ياصبرها
بعده وسفه تيسرت
وهي عالناكه وبجت. بس ماحضرها
بعد ماتحمل صبر
وهي تمشي عالجمر. آخر عمرها
والعمر فوك الهزل يخلص عجيبة
واسمي جان ام الخدر صرت الغريبة
وليلي ابد مانايمة
وتندب أمك فاطمة. يابوصالح
علي طعمه البطاط
اللهم صلى على محمد وال محمد
هلال محرم (ع) عمار هليل الواسطي
أشوفن بيك كل حزني ... عذابي ولوعتي وني
عسه يهلال يا هليت ... اليه امن اخوتي شخليت
عذابي ولوعتي وحزني
********************************************
اطالع والكَلب حيران ... من تهل علـــيّ يهلال
تردني الكربله وهمهه ... والمنهه عذابي طال
يهلال الكدر إلمن ... أتانيــــــــــك بدمع همال
لوما فاجع الروحي ... لوما كَاطع الآمــــــــال
غريبه وروحي محتاره ... وصولك لاحت أخباره
كَلت لو ما تهل يا ريت ... اليه امن اخوتي شخليت
عذابي ولوعتي وحزني
********************************************
أعيش بذكريات النوح ... محرم من تجيبه إويـــاك
أتصبر واكَول أنسه ... ويكَلك كَلبي ما أنســــــــــاك
شلون أنسه الجره بعاشور ... يذكرني جرح بسماك
ويساير جرحي بمصابه ... ويكَله اتركني أترجــــاك
أنا أم الحزن زينب ... المثل جرحي كلف يصعب
دريت بحالتي شسويت ... اليه امن اخوتي شخليت
عذابي ولوعتي وحزني
********************************************
اشوفن قوسك إمن اتهل ... محني ومثله ظل ضلعي
وأشوف حسين كَدامي ... اجاني ينشف الدمعــــــــي
احس يكَلي يا زينب ... وضعج يفتهــــــــــــم وضعي
ويكَلي الصبر يا خيتي ... وآنه الصابره وانعــــــــي
شصبّر علتي يحسين ... يخويه والصبر لي وين
لجرح فكَدك يخي ناديت ... اليه امن اخوتي شخليت
عذابي ولوعتي وحزني
********************************************
وبعد أصعب على روحي ... تذكرهه بجرحهه النـــــاس
ومنهو الكَال ناسيته ... وهوه إمساير الأحســـــــــــاس
شلون أنسه الكفل كَلبي ... أخويه وكافلي العبـــــــــاس
شلون أنسه علي الأكبر ... وطفل حسين أبو النوماس
القدر حزن الكَلب راسم ... فجعني بطيحة القاسم
المسه هذا عليّ رديت ... اليه امن اخوتي شخليت
عذابي ولوعتي وحزني
********************************************
مصايب والدليل يلوع ... ونيران البعد تسعــــر
لكن حكمتي وصبري ... تكَلي هذا المكَــــــــــدّر
يهلال وعلى اعيوني ... رسمت بجيتك المنظــر
رسمت اخيامي واعيالي ... مذعوره غدت بالبر
إلك جم ذكره جم فجعه ... أسيل إكَبالك الدمعه
ونه بحركَة كَلب ونيت ... اليه امن اخوتي شخليت
عذابي ولوعتي وحزني
اللهم صلى على محمد وال محمد
في شان هلال محرم
-------
بالحزان لفانه شهر المحرم بالحزان
بالحزان ذكرنا ذبحة الشبان بالحزان
لمصابـك تـهمل العيـن
نصيح بصوت ياحسين. بالحزان
-------
يانور العرش ورحمة المعبود
وسره بـالخلق ونوره الموجود
بالنهضه حـميت دينه الموعود
وبشهر الحزن ضحـيت وبزود
بالاولاد حتى بالنفس ضحيت ياحـسـين
بالاولاد لجل طاعة الخالق يبقى هالدين
لجل تبقى الشريعه
يذبحونا بفجـيعه. بالحزان
-------
يهلال الحزن بـالكدر هليت
جمره بالقلب يهلال خـليت
قلي شـالذنب للـزهرا وفيت
نصبت للعزا ليهم بكل بيت
بالنياح تصيحن راحو اولادي ابعاشور
بالنياح ذبايح والدمه يجري بالنحور
تصيح بصوت ياحسين
لمصابك لعمي العيـن. بالحزان
--------
يهلال الحـزن قـلبي صدعته
بعملت كربـلا والله فجـعته
اهلالك من يهل اذكر ذبحـتـه
مقلبي بالالم يحچي بدمعته
بالمصاب اصيحن ولطم الهامه على حسين
بالمصاب على المذبوح ظامي قلبه نصين
على الي اقطعو نحره
وداسـو الخـيل صدره. بالحزان
----------
بشـهور السنه تفرح الوادم
وبشهرك انا انصب الماتـم
ع حسين الولي والقمرجاسم
والأكبر علي نـور الهواشـم
بالدموم شبيبه مصرعه اع الترايب
بالدموم بفعلت كربلا جـات النوايب
حريم اتصيح چاوين
وبناته تندب حسين بالحزان
--------
ياشهرالحـزن شـيبت راسـي
بطيحت البطل والعمد قاسـي
بوفاضل عضيدي تاج راسي
وبقطع الزنود خمد انفاسـي
انا صيح ياخويه قوم ياكافل حرمنا
انا صيح ردنـا للـوطن ورفع علمنـا
ولا تبقى بالتراب
وانخى داحي الباب. بالحزان
------------
يـاهلال الحـزن ذايب افـادي
من شفت الولي بحر الوهادي
يعفر ياخـلق والقلب صـادي
شربه لچبدتي والدمع بـادي
يهالناس انا ابن النبي وش تطلبوني
يهالناس لادين وجـرم وتعاتـبوني
جرمي حفظه لدين
يخـلونـا مطاعيـن. بالحزان
---------
لجل المعتقد حسين مذبوح
ورضو الصدر والقلب مجروح
وسلبو الثياب والدمه مسفوح
وخذو عيلته اسره بالجروح
بالسياط اشـقف عن يتـاماكم بـديـه
بالسياط وصيحن صوت والدمعه جريه
فدوه نروح كلنا
لحـسـين واملنا. بالحزان
----------
يابن العسكري طول اغيابك
قلبي بالحزن صاح لجنابك
يمته الثار وتـروي شـهابـك
شيعه وتنتخي كلها اع بابـك
يامحجوب يمته الفجر يطلع من مغيبه
يامحجوب ونحضه بطلعتك يابن النجيبه
ونصيح الثار الثار
يامهدي يابن الأطهار. بالحزان
عاشقة الولايه
اللهم صلى على محمد وال محمد
إجـــه اهــلال الشـهـر .. وحـــزن گـلـبـي ظـــهر
ياللّـه يَـچـفـوفي استعدن للـ لطم زيـن
تـره مِـنّ العـام باقــي ابـرگـْـبـتي دَيـن
-----------------------
واللـه خجلان .. شحچي ويّه احسين عـن حـبّي الدرسته
واللـه خجلان .. مِـسـتـحي وثــوب الخجــل آنـه لـبـسـته
واللـه خجلان .. العــام مـــنّ اللّـطـم صـدري مــا تـرسـته
واللـه خجلان .. السنه كُـون اشعـر امكـسّـر لـــو لـمسـته
اكِـسْـره ابـمـنـبـره .. فِـــداء الـمـنـحــره
شنو قيمه هالصدر واچفوفي الاثـنـيـن
تـره مِـنّ العـام بـاقـي ابـرگـْـبـتي دَيـن
-----------------------
حالف اليوم .. انـچـان فـشّـلْـتَــنّـي ويّه احسين ثـاني
حالف اليوم .. تـره مـنچَـن يـا اچـفـوفـي اتــبـرّه آني
حالف اليوم .. ابــ قـُــل هُــوَ ويـاسين وبسبع المثاني
حالف اليوم .. والـله اگـطّـعْـچَـن جـنوني لـو اجـاني
ألِـطـمـن مـن صـدگ .. لَـحَـد مــا يـنـفــتـگ
صدري فدوه ايروح كُون الصدر الحسين
تــره مِـنّ الـعـام بـاقــي ابــرگـْـبـتي دَيــن
-----------------------
هذا معـروف .. بلا بحـر ما تــگدر اتعـيش النّوارس
هذا معـروف .. وآنـه مـا أگـدر أعـيــش بلا مجـالس
هذا معـروف .. ياللـه يَچـفـوفي بِـده يـوم التنافـس
هذا معـروف .. كُـون اريدَنْچَن مثـل چفـّيـن عـابـس
بعـد مـاكـو عـذر .. الصدر ما ينكـسر
مــو كـسـر لا لا أريـــدن بـيّه كـسـريـن
تـره مِـنّ العـام بـاقـي ابـرگـْـبـتي دَيـن
-----------------------
إجه عاشور .. وعـله تقصيري حرِت ياهو اشتكيله
إجه عاشور .. وآنــه غـيـر حسين ما عـندي وسيله
إجه عاشور .. رايـد الـطـُم لَـطـُم لا مـاكـو مَـثـيـلـه
إجه عاشور .. كُـون حـتّه الجـلِد من صدري أشيله
أنه مسـودن لطم .. واحس ما مِنفطم
لَـبَـو الـيـمّـه جاي احـسّ بـصدري طَـفـيـن
تـــره مِـــنّ العـام بــاقـي ابـرگـْـبـتي دَيــن
-----------------------
يعـني معـقـول .. عـشـرتـيّـام امـن ادگ بثـنـين ايـديّه
يعـني معـقـول .. عـاهـه مـنّـــا للـطــبگ متـصيـر بـيّه
يعـني معـقـول .. حسين ساعه وحده برض الغاضريّه
يعـني معـقـول .. شـوِّهَــت صدره حـوافـر خـيـل اميّه
طعِـن صـدره انـتـرس .. وسَحَگ فوگه الفَـرَس
اشلون ما ألطـمله واجري دمعة العين
تـره مِـنّ العـام باقـي ابــرگـْـبـتي دَيـن
-----------------------
اعـليّه مفروض .. آنـــه لِــهْــلال الـشـهـــر أبـقــه أراقــب
اعـليّه مفروض .. يومي ويّه احسين ماحس بي متاعـب
اعـليّه مفروض .. امـن الصـبح لليـل اخَـلْـصه بالمواكـب
اعـليّه مفروض .. عَـلَه غـيري مُـستحب واعـلـيّه واجـب
الحُسـيـن ابمـجـلـسه .. الحــنـان اتــنـفـَّـســه
اشگد أحب عـطـر المجالس والمُعَـزّين
تـره مِـنّ العــام باقـي ابـرگـْـبـتي دَيــن
-----------------------
تمّت والحمد لله في 22/8/2016م
حيدر تركي الكربلائي
اللهم صلى على محمد وال محمد
النزلات
2.مؤسسة منبريون لنشر القصائد, [٢٣.٠٩.١٦ ٢٠:٣١]
ياامامي وديني ابجي الك خليني
عمري عاشگ بس لطم وقراية
ابجي كد نهر الفرات وماية
واكصد العطشان شايل راية
كون يم بابة واطش سنيني
ارد أذوب بحضرته صبي عيني
خل يبجي الدنيا صوت ونيني
ابجي الك خليني
سر صلاة جفوفي يم أعتابة
الطم وانعه المصيبه ابابة
يعله صوتي حسين آ ... ومصابة
بلايه مجلس ما اريد ايامي
انذر سنيني لطم للضامي
دمعي يكتب عالخدود حسيني
ابجي الك خليني
ارسم بدمعي عله اعتابك نهر
جربه يمه ورايه حمرة وجف كمر
وخنصر من جفوف روح الله انبتر
وخيمه ترسم دمعتي لايتامه
شافت عيونه لهيب خيامه
وصاح ركضت زينب التأذيني
ابجي الك خليني
جمر يلهب رمل دامي وحر شمس
دنيا غيمه وصافي دخان النفس
تركض وتابعه بالسوط الرجس
للنهر صدت تحشم بالكفل
صاحت بعبرتها والمدمع يهل
واعدتني بغربتي تباريني
ابجي الك خليني
خويه جابو نوك والحادي ابتشر
جنها خلصت كربله وحان السفر
ظلمه صارت دنيتي وغاب الكمر
صرت ذكرى وجن بعد مااشوفك
والحدتني جفوف ماهي جفوفك
شلي بيها وماتشوفك عيني
ابجي الك خليني
علي طعمه البطاط
اللهم صلى على محمد وال محمد
قناة الشاعر عمار هليل الواسطي (عمار هليل الواسطي)]
قصيدة نزلة إستنهاضية للإمام المنتظر عج
ضمن منهاج محرم الحرام ١٤٣٨ هجرية
يا غيرة الله المنتظر نادينه
بحماك شيعة علي يا مهدينه
******************************
بحماك يا آية شعظمهه الآية
وامحبتك يبن الأطايب غاية
بيدك يبو صالح ترف الراية
وكل احنه عد عيناك ياغالينه
******************************
عونك نصيح ومن يهل اهلالك
تلگانه سيف بيمنتك وارجالك
متخيب يبن العسكري آمالك
أشر بأصبعك عالشدد ودينه
******************************
أشر بأصبعك تنتفض انصارك
وامجرب بيوم الوغى بتارك
وياك حد ما بيدك ترد ثارك
احرارك بهذا الفخر نادينه
******************************
نادينه يربات الفخر والنوماس
نوفي الوعد إي وحق هوه العباس
حشمنه يالمحجوب يا تاج الراس
خلينه رهن إشارتك خلينه
******************************
لابد يزول الجور لمن تظهر
الدين نصرك نصره بسمك يفخر
ترجع أيام البطل قالع خيبر
والنعم منك يا نسل والينه
******************************
والنعم منك يا إبن ليث الغاب
يا سيف الله اليگطع بحده ارگاب
مظلومه هالشيعه وتعرف الاسباب
وانته بوجودك انته التنجينه
*****************************
تنجينه من تزيح هاي الغمه
وشمسك تشع وتزول كل الظلمه
يا رحمة الله العالي واعظم رحمه
يا نعمة من رب العرش بارينه
******************************
يا نعمة الله ويسبحان المعبود
بحماك نادينه ونعرفك موجود
من تظهر بأذن الله كل حق يعود
وحاشاك يبن الطهر ما ناسينه
******************************
حي ويهنيال اليشوف ويلگاك
وياك حد گطع النفس نبقه اوياك
وعيونه تراقب متى تشوف الواك
يا حجة الله وكم سنة تانينه
*****************************
شگد ننتظر واسنين نحسب مرت
طال الغياب وكم علامه الظهرت
آمال عدنه وويا وعدك كبرت
وافينه يا نبع الفخر وافينه
******************************
بحماك يالغايب ننادي بكل يوم
وسيفك يرجع ثار كلمن مظلوم
ارواحنه الشوفتك يالمهدي اتحوم
بيا كتر تحصل شوفتك دلينه
******************************
اللهم صلى على محمد وال محمد
هلال محرم ( النزلة ) عمار هليل الواسطي
يهلال النوايب ... يهلال النوايب ... مهموم كلمن طالعك ... يهلال النوايب
*******************************
من تهل وتلبس أسود هالسمــــه
تفجع الهادي البشير وفاطمــــــه
وينكسر كَلب الولي حامي الحمه
وهاي ما تحتاج أصلاً ترجمـــه
عالطف ومصابه ... عالطف ومصابه... مهموم كلمن طالعك ... يهلال النوايب
*******************************
الأنس والجان مفجوعه بحزن
شما عليهه بالقهر ليلك يجـــن
الكربله ولحسين واعياله تحن
هيجي موقف يفجع الدنيا شتظن
ويصيح واحسيناه ... ويصيح واحسيناه ... مهموم كلمن طالعك ... يهلال النوايب
*******************************
ريت لا هليت لا صار الكــــــدر
جم كَلب جم خاطر الليله إنكسر
هالسواد اللبسته هاي البشــــر
صوره عالأحزان من بين الصور
وبهاي المواقف ... وبهاي المواقف ... مهموم كلمن طالعك ... يهلال النوايب
*******************************
اليوم واحد من محرم من بــده
مهّد لأحزانهه بكل المـــــــــده
ويوم عاشر هذا تعرف موعده
منه يا ضيم وقهر بيهه إبتـــده
بشيعتنه الحزينه ... بشيعتنه الحزينه ... مهموم كلمن طالعك ... يهلال النوايب
*******************************
والله يهلال السمه كونك تشـــــوف
شلون مزدحمه المجالس بالصفوف
ريت ويه الي لطم قوسك يطـــوف
لكل جرح ينزف يريتك لو تروف
وبمجلس عزانه ... وبمجلس عزانه ... مهموم كلمن طالعك ... يهلال النوايب
*******************************
نحسب الأيام من نتنطـــــــرك
بالحزن والفاجعه نتذكـــــرك
ربنه بالأحزان لينه كَـــــدّرك
بيا امل يهلال لو نتصــورك
ماظلت أماني ... ما ظلت أماني ... مهموم كلمن طالعك ... يهلال النوايب
*******************************
من يمر عاشور يحتار الدليــل
يساعد الله كَلب زينب والعلــيل
من يشوفونك جرح عالي تميل
لكن بحكمه ودرايه امن الجليل
والهذا ننادي ... والهذا ننادي ... مهموم كلمن طالعك ... يهلال النوايب
اللهم صلى على محمد وال محمد
أول إبعاشــــور هاليـــــــوم === ندخل إويـَه إحسين للحوم
ما نسينه === ما نسينه
ــــــــــــــــــــــــــــــــــــــــــــــــــ ـــــــــ
عاد عاشور إو إجانه إو ما نسينه
والتعازي الزهرة الهادي نبينه
وإحنه لحسين الأبي نرفع إدينه
نحيي أول يوم بالدمعه الحزينه
نزفت إجـــروح المواليــــن === من جـُرح عباس وإحسين
وإحنه جينه إبشوﮒ وإهموم === ندخـــــــل إويـَه إحسين للحوم
مانسينه === ما نسينه
ـــ
ما نسينه زينب الحـرّه الأبيــّه
من إجـَت ويــّه الكفيل الهاشميــّه
نزلت إبأرض الطفوف إو هاي هيـــّه
باﭼــر إتهل الرزايه إعلى الوفيـــّه
تدري زينب تنملي إجروح === واﻠﮔلـــــــب ينعــــاب وإينوح
كل موالي إوياها ﻣﻠﭼـــوم === ندخل إويـَه إحسين للحوم
ما نسينه === ما نسينه
ـــ
عادت أيـّام الحزن والآه ويلي
باﭼـر إتنادي العقيله ياكفيلي
إرجع إبليــّاك إنهد خويه حيلي
وإبتدت رحله طويله إبهذا ليلي
عــــــــــــــــــادت الآلام والآه === والحـُسين إشلون ننساه
فاز أبو السجـّاد مظلــوم === ندخل إويـَه إحسين للحوم
ما نسينه === ما نسينه
ــــ
عادت أيـّام المآتم والمواكب
وينك إحضر طالت الغيبه يصاحب
إحنه واجهنه إبعزم زيف النواصب
داعشيـّه اليوم إجونه إبجور لاهب
ما نسينه زود عباس === بالمواقــف نرفع الراس
والدرب للفوز مرســـــوم === ندخل إويـَه إحسين للحوم
ما نسينه === ما نسينه
ــــ
زينب إبهل يوم ما بين الهواشم
كلهم إيهتفون عد عيناﭺ فاطم
ما تشوف الطيبه زينب جور ظالم
نحمي عزها إو ما نذب هاي الصوارم
وإحنه جينه نذكر الصار === نوﮔف إبعز وﮔفة أحرار
ما نهاب الشر نظــــل دوم === ندخل إويـَه إحسين للحوم
ما نسينه === ما نسينه
ــــــــــــــــــــــــــــــــــــــــــــــــــ ـ
مع تحيات شاعر اهل البيت / جابر النجفي
اللهم صلى على محمد وال محمد
يامحرم ياشـهر احـزاني يامحرم مانسـيتـك انـي
يامحرم الك والله امتاني
-------------------
انه من زغري حسيني هذا شاني وافخر
امـي مـن جابتـني چـانت لازمه بالمنبر
بالـطلگ صـاحت حسـين وياعـلي ياحيدر
ابچيت من انه اسمـعتها وبعد لا ما اگدر
يامحرم تعرف البچاني* * يامحرم مانسـيتـك انـي
يامحرم الك والله امتاني
-------------------
الهالشهر مو هسه عشگي گبل ما انه انفطم
چنـت ماتـغفه عـيوني انـه الــه اسمـع لطم
اهــلي مـيرضـوني ابـدن والله لمـن انهـظم
وبس يحلفوني بحبـيبي ارضـه اورجع ابتسم
يامحرم ساكن بوجداني يامحرم مانسـيتـك انـي
يامحرم الك والله امتاني
-------------------
الـسنه يـوم بيوم احـسب انه گـظيت العـمر
والشـهر عاشور عـمري كـله خلـصته انتظـر
تبــتدي احـزاني لمـَن تنتهـي ايـامه وتــمر
العاشر ايعيش ابكياني وكون كل لحظه انطبر
يامحرم كلمك شرياني يامحرم مانسـيتـك انـي
يامحرم الك والله امتاني
-------------------
عن الاعوام الي فاتت عنـدي صوره باقيه
للطـَم مشـتاگ انـي وللـطـبخ والــتعزيه
موكب الزنـجيل احـبه وذكـرياته الـماضيه
والمـشي بالاربعين اويه الجموع الماشيه
يامحـرم كربله عـنواني يامحرم مانسـيتـك انـي
يامحرم الك والله امتاني
-------------------
الخدمه بس بيك اعرفتها وصار اسمي الخادم
وبـخدمتي لبـو اليمه احـسدني حـتى العالم
اتنـدمت سـئلونــي مـره ? گلـت لامـانادم
الـگالي نـدمـان انــته هـذا قطـعا واهــم
يامحرم خادم ومـتفاني**يامحرم مانسـيتـك انـي
يامحرم الك والله امتاني
-------------------
بخدمتي حسدوني اهلي وصحبتي وكل ناسي
خدمـة حسـين ابو اليمـه تـاج شـلته بــراسي
اتعلـمت هالخدمه انـي امـن الـگمر عــباسي
خــادم حسيـن ابـقه اني الـحد گـطع انفاسي
يامـحرم لاتهـاجر ثاني يامحرم مانسـيتـك انـي
يامحرم الك والله امتاني
-------------------
بيك ابو اليمه اذكـره من بـقه عالغبره
والخيول الاعوجيه هـشمت لــه صدره
وعالهزل راحن سبايه كل بنـات الزهره
انه ما انسه الطفوف بگلبي خلت حسره
يامحرم لو نسيت انساني يامحرم مانسـيتـك انـي
يامحرم الك والله امتاني
-------------------
تمت والحمد لله
خادم الحسين حيدر تركي الكربلائي
اللهم صلى على محمد وال محمد
يا هلال امحرم الصبر اشيـجـيـبه ؟
شما تجيني وياك جايب لي مصيبه
*
كـل مـحـرم بـــي أعـايـــن آل أمـيه
مــن جـديـد تـعـيـد يـوم الـغـاضـرية
وآنـه بـالـحـادي عـشر أمشي سبيه
وأترك جسوم أخوتي بالطف سليبه
*
حسـين جـم مـرّه انذبح لليوم تدري
وآنـه جـم مره انسلب يهلال خدري
حركَوا اخيامي أمس واليوم قبري
يــنـهـدم يــردوه بـديـاري الـغـريبة
*
آل أمـيـه مـــرقـدي تـريـده ايـتـهـدم
ومـن جـديــد تـعـيـد نـيـران المـخـيم
جــم بــقــيع يـصــير يـهـلال المحرم
يـمـتـه الـمـخـيـم بــعـد يـخـمـد لهيبه
*
ترمي فوكَاي الـرصـاص وما أظنك
ترحم بحـالي وتـظـل تـرمـيـني جنّك
الله يـسـتـر يـا هـلال الــضـيـم مــنك
قلبي حـتى بـقـبري وسهامك تصيبه
**
يــا وسـف يـهـلال هـيـج يـصـير بيه
قـبل ورّم مـتـني ضـرب سـيـاط أميه
الـرصـاص الـيـوم يـتـهـدّف عــلــيه
يـنـهـدم قـبـري عـلـيْهْ والله عـجـيـبه
*
يـا هـلال بـمـرقــدي شـيـصــيـر أكثر
مثـل قـبـر العـسـكـري خاف ايـْـتفجر
يمته عـباس الـعـصـر يـهـلال يظهر
يمحي كل سفياني من يخلص مغيبه
*
عمر فاروق البدراوي
اللهم صلى على محمد وال محمد
أسمـــــع إونيـــــن الزﭼيـــّه هجري ( نزله )
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ﭼــن محرّم هـَل عليــّه === وأسمع إونين الزﭼيـّه
ــــــــــــــــــــــــــــــــــــــــــــــــ
أسمع إونين الشفيعه == تنزف إعيوني الدَمـِع
تملي آهاتي الوسيعه == وأطفي أنوار الشـَمـِع
وين حاميها الشريعـــه == يحضر إيشوف الوَضـِع
عاد عاشور الفجيعه == والحزن عـَم الجـَمـِع
وإنرُفع عالي السواد === حزنـت السبع الشداد
أذكــُر أيّــــــــام السبيـّه === وأسمع إونين الزﭼيـّه
ــــ
حسرتي تجرح فؤادي == ينــزف إهموم إو دِمــَه
وإبعظـُم حزني أنادي == ساعـــــــد الله فاطمــــــه
ألعن أشرار الأعـادي == وأدعـي يارب السـِمـَه
إقبل أعمالي إو جهادي == بالوصـي حامي الحـِمـَه
دوم أنادي ياحـُسيـــن === إشفع إبيوم الحنين
إحضر إويــاي المنيــّه === وأسمع إونين الزﭼيـّه
ــــ
بالمآتـــــــم والمواكب == أﮔﺿـي أيـّامي إبألم
ألعن الشر والنواصب == للحـــــــــــزن أرفع علم
أحظه وإبأعلى المراتب == أنحســـــــــــب من الخدم
لازم إبثاري أطالــــــــــب == من أميــّه إو كـُل صنم
آخذ إبثار الذبيــــــح === ﮔلبي ﻣﻟﭼـوم إو جريح
أنتفـــــــض بالغاضريــّه === وأسمع إونين الزﭼيـّه
ــــ
أنصـُب إبلهفه المآتم == وَيْ إمامــــــــــي المـُنتظر
وأﺑﮔـه للخدّام خادم == خدمتــــي إتنال الظفر
نور أبو صالح أسالم == يحلـــــــــه للمهدي النظر
وأدخل الجنــّات غانم == بالحشـــــــر أنسه الكدر
تشفع الزهره إو أفوز === والرِضــَه البــاري أحوز
ما أخــــاف الناصبيـّه === وأسمع إونين الزﭼيـّه
ــــ
آني من أكتب قصيده == أنزف إدموع إو أهــِل
بس رضا الباري أريده == بالأعالـــي أشعـُر أحـِل
مأتم إبروحي أعيـــده == عن طريقي ما أزل
كل زمن ألعن يزيده == للنواصــــــــــب ما أذِل
دمعتـــــــــي ويــّه الحروف === واﻟﮔلب ﻳﺑﭼـي إو يشوف
والألـــــــــــم فيــّاض بيــّه === وأسمع إونين الزﭼيـّه
ــــــــــــــــــــــــــــــــــــــــــــ
مع تحيات شاعر أهل البيت / جابر النجفي
اللهم صلى على محمد وال محمد
هل محرم والدمع يتلاله يذبح بنحر الغريب أهلاله
* * *
هل محرم والدمــــــع مــن دم جـــــره
چني شفــــــت حسين طايـــح عالثـره
شفت شمــــر أتعنـــه يگطـــع منحـره
وچن علــي السجــــاد لـم أوصالـــــه
*
هل محـرم وأنظــــر هلالــه أنــرسم
زينب الحــــوراء محتــــاره بحـــرم
من أشوف أهلالـــــه أنظـــر للخيــم
أبنـــار ملتهبــه وركـــــض خيالــــه
*
هل محرم وأنظـر بزينب تطـــوف
أبلا كفيل أنوب مچتوفـه الچفـوف
چنهه نادت وين أبو فاضل يشوف
شمر يضرب بالسيـــاط أعيالـــــه
*
هل محرم وأنظر الأكــــــبر وگــــع
وجاسم العريس طفولـــه الشمــــع
وشفت چن ليلى تهل مجرى الدمع
ورمله عالقـــاسم دمـــــــع يتلالــه
*
هــــل محرم شفـــت بهلالـه النبل
صاب نحر حسين لكـن بالطفـــــل
بيا ذنب عبــدالله راواه الأجـــــــل
حسين فطمــو بالسهـام أطفالــــه
*
هــل محــــرم شفت بهلاله الگمــر
بالعمد مصيــوب طايـــــح عالنهــر
وچن أشوف حسين مكسور الظهر
راح يـــــم عبــــاس وتعنالــــــه
*
يا هلال أنظـــــرلك أگليـبي يــــون
چني أشوف أعيون يبچنلك حزن
طفله معلوله ومشه عنه الضعـن
تبچي وبحــور الدمــــع همــــاله
*
الشاعر
موسى البديري
النعي
اللهم صلى على محمد وال محمد
عي ليلة أول محرم
محرم هل . يعالم سدو العيون
اجت ام الحسين تشوف بتها
بيديها عبايه و رايه هالعــام
عـــبايه چبيره حيل معذبتها
اذا تنكتها يوكع تل الاحزان
السياط الحاقدات أمزّگتها
وبيديها قميص وليدها حسين
وجروحه من المجالس خطيتها
وبيديها چفوف مفارگه المــاي
بس امن المواكب شـــرّبتها
أنه الناذرني أبويه * وأمي لحسين
ادنگ روحي كلي * وأومي لحسين
ادگ صدري بمحرم * وأم الحسين
تدگ عالهامه اذا شافت عزيه
ــــــــــــــــــــــــــــــ
مهدي التقي
اللهم صلى على محمد وال محمد
#نعي
هلال النوايب مانريده
يحملونه لديار البعيده
يا دهر من عدنه شتريده
(&&&&&&&&&&&&&&&&&&&&
جينه بعزم من المدينه
والوليان محفوفه بينه
ما ندري الوكت اشظام لينه
(&&&&&&&&&&&&&&&&&&&&
جيت وي خوتي كلنه لمه
ويبره الظعن عباس المجنه
هاي شيمتك يابو المحنه
(&&&&&&&&&&&&&&&&&&&&
مشينه بدروب لبعيده
وعباي لزم محملي بايده
يكوي بعزمي ياشر بايده
(&&&&&&&&&&&&&&&&&&&&
ياشر بايده للاضعون
مثل اليهوس وي اليهوسون
خاف اعلئ گلب اخته من الاظنون
(&&&&&&&&&&&&&&&&&&&&
انه خايفه وگلبي بوجل
علئ اهل المراجل خاف ترحل
ويضل الحمل بيد النذل
(&&&&&&&&&&&&&&&&&&&&
كلساعه ويجيني الولي
يكلي يخويه امني
بس الهوئ يمرج يابت علي
(&&&&&&&&&&&&&&&&&&&&
ريتك يخويه تضل سالم
وما شوف عكبك الهظايم
وتدوم اللي يا حلو الجهايم
(&&&&&&&&&&&&&&&&&&&&
خادمه الزهراء ام زهراء الكعبي
فصيح
اللهم صلى على محمد وال محمد
قصيدة في هلال محرم
هلالُ الحزنِ قد هَلَّ ... وصبرٌ مِنْك ما مَلَّ
عجيبٌ أيّها المهدي ... فمازلنا على العهدِ
وصبرٌ مِنْك ما ملَّ
___________
هلال الحزن لـمَّن هَلْ ... تـهـــــــــل ويَّاه دمـعاتك
الـمالحظة تجف أبداً ... ولا خف صوت ونّاتك
آه .. ابـآه تـحملها ... وش يـحــــــــــــــــملها آهاتك
ثاراتك ﭼـثيرة وهاي ... عـــــــــــــــــاشر زاد ثـاراتك
تعاهدنا من الـذّرِ ... جنودكَ نحن في الثأرِ
وجئنا الروحَ كي نُهدي... فمازلنا على العهدِ
وصبرٌ مِنْك ما ملَّ
___________
يفت صم الصخر صبرك ... يمــــهدي وتبـﮕـى تتــــــــــصبّر
حزن ينعاد كل ساعة ... عليك اشلون ما تظهر
تفطّر منّه ﮔـلب الكون ... وأدري المهجتك فطّر
وكل ما عادت الذكرى ... عادت بالـحزن أكــــــــــــــثر
يُقرِحُ جفنك القيحَ ... وتبكي الليل والصبحَ
ونجري الدمع بالخدِ ...فمازلنا على العهدِ
وصبرٌ مِنْك ما ملَّ
___________
تعهدت ابحزن تبـﮕـى ... يمــــــــــــــهدي اتعاهدينه وياك
إذا تنعى الحسين السـا ... نوِن يحسين ما ننساك
إذا ليل وصباح اتنوح ...إحنه بذاك ســـــاعدناك
إذا تلطم عليه الـهام ... بلطم الهام شاركــناك
وتجري الدمع بالدمِ ... وتُجلي الهمَّ بالهمِّ
ونحنُ الحزنَ كم نُبدي... فمازلنا على العهدِ
وصبرٌ مِنْك ما ملَّ
___________
تعهّد خالق القدره ... للزهرا وابنها حسين
يخلـﮓ شيعة اتندبه ... وتجري اعليه دمع العين
من الذر تلطم اعله الهام ... وتبـﭽـي له ليوم الدين
واحنه ابها العهد هذا ... ليوم الـدين ملتزمين
فعهداً مِن مُحبيكَ ... مدى الدهرِ سنبكيكَ
فهذا العهدُ للحـدِ ... فمازلنا على العهدِ
وصبرٌ مِنْك ما ملَّ
___________
يا لـلـي اخـتارك الـــــــــــــــباري ... تاخـذ ثـار أجـــــــــــــدادك
عهد ويّاك هـاك الصـوت ... إحـنه الثـارك اجنودك
وعـدك يـمـتى يتحــــــــــــﮕﮓ ... يالـما تـخلف اوعـــــودك
عهد نبـﮕـى اعله حدّ السيف ...ﮔـوم او وفـيّ اعهودك
فـــــــــــــــيـومُ الطّـفِ أدمانا ... وبالأحــــــــــــــــــزان أشجانا
أشاب الطفلَ في المهدِ ... فمازلنا على العهدِ
وصبرٌ مِنْك ما ملَّ
___________
تمّت بعون الله
يا من هي منك اجعلها إليك
للمتوسل بآل محمد
أبـو حـيــدر الإحـسـائي
كعدة
كعدة
اللهم صلى على محمد وال محمد
يمكن قراءة هذه القصيده بنفس طور قصيدة ( مفروض عالناس حبّك ياعلي ) التي قرأها المرحوم حمزه الزغير
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
أنساك هيهات يبن الطاهره
يحسين خادم أظل للدوم
وأهتـــف يمظلــــوم
ــــــــــــــــــــــــــــــــــــــــــــــ
عاﺸﮓ آني إو كـُل هيامي == بيـــــــــك ياروح الزﭼيـّه
حسرتي تحمل سلامي == مـن أطـُب للغاضريـّه
أذكـُر المذبح يظامي == وأذكـــــُر آلام السـِبـِيـّه
يحسين إقبل خدمتـــي === ﺗﺴﮔيـها من دم دمعتي
وأترجـّه تحضر دفنتي === من توافينــــي المنيــّه
أنخاك مولاي لو ضمني إﻟﮔبــر
والنور يملي إﻟﮔبـر موسوم
وأهتـــف يمظلــــوم
ـــ
خادمك بالعزّه يـِحـْظـَه == ما يذل يـِرْقـَه المعالي
روحه بالميزان تـِرْضـَه == ينوزن حـُبـّك يوالــــــــي
أدّه وإبدنيـــــــاه فـَرْضـَه == من خدمكم صار عالي
من الخدم آني صـِرِت === ثابــــــــت أبد مـَتـْغـَيـّرت
تشفع إلي ما أيـّسـِت === تاخــــــــــذ إبأيدي يغالي
وأﻟﮔـاك ويـّاي وإبيوم الحشر
جنــّات أدخل وعد معلوم
وأهتـــف يمظلــــوم
ــــ
آني خادم بالمجالس == طول أيـّامي إو حياتي
حتـّى من جسمي يلامس == تــُربتــــــــــــي وإيحل مماتي
ﮔلبي ﻳﺑﮔـه إبزود حارس == بالعـــــــــــــــــزه هاي إمنياتي
ما أترك المأتم أبد === إوفــي لبو الثار العهد
أتنطــّر إيحل الوعــــد === آني أشوف المهدي آتي
موعود بالفوز شيعي إو جعفري
وأنـْطــُر ظهور الفرج مهموم
وأهتـــف يمظلــــوم
ـــــ
تحضر الزهره إبعزائي == وَيْ دمعها إيسيل دمعي
تسمع إو تعرف ندائـــــــي == خادم آني إو هذا وضعي
آني لحسيني فدائـــــــي == سـِمـْعي يادنياي سـِمـْعي
روحي تذوب إبخدمته === ياريـــت أسكن حضرته
همــــــــــــّي يزول إبجنــّتــَه === من أصلــّي إبشوﮒ وأدعي
وأتمنــّه والله يسمع طلبتي
يهديني إحيي الأمــُر كـُل يوم
وأهتـــف يمظلــــوم
ــــ
أخدم الزوّار آني == وأﻋﺸﮓ الخدمه الجليله
وأﺑﮔـه خادم كـُل زماني == خدمتــــــــــي لله وسيلــــــــــــه
يرتفع بالخدمه شاني == والأجـُر ماكــــــــو مثيله
يحسين حلوه خدمتك === تزهــــي إبمجدها ثورتك
أرفع وَعـَلــّي رايتك === ناكـــــــرك يحسين ويله
ﻣﻟﭼـوم يحسين ما أنسـَه النحر
ما أنسـَه زينب بعدك إتحوم
وأهتـــف يمظلــــوم
ـــــــــــــــــــــــ
المصيبــــــــــــــــه
ـــــــــــــــــــــــــــــــــــ
صوتك المجروح يهتف هـَل ؟ لدين الله ناصر
وإسمعت آني النداء إو للحشد لبـّيت ثاير
آني إبن المرجعيـّه وإرسم إبزودي المفاخر
يخسه النواصب سيـّّدي == أهـْوَه المجد من مولدي == سيفي ينال المعتدي == وإبنورك أمشي وأهتدي == ويــّه إمامي موعدي
أنصـُر المهدي أبو الهدّات والأحزان أنساها
ــــــــــــــــــــــــــــــــــــــــــــــ
مع تحيات شاعر أهل البيت / جابر النجفي
شور
اللهم صلى على محمد وال محمد
قصيده شور لليوم الاول من محرم
رحلت عذاب
┋✺❁━┅┉┈
♡♡
زينب يازينب بين هلال المصاب
يازينب يازينب بدت رحلت العذاب
┋✺❁━┅┉┈
♡♡
بدت وامضة الحزن من الرحيل
صبن دموعج ع عتاب النزل
انحنيتي وايدج بإيد الكفيل
لونج تغير يبت حامي الدخيل
والعبايه تخط يزينب بالتراب
يازينب يازينب بدت رحلت العذاب
┋✺❁━┅┉┈
♡♡
ها يزينب شنهو دار بخاطرج
ها يزينب الدمع خاطب كافلج
هايزينب عباس ما يتعذرج
هايزينب اليوم يبره لمحملج
ها يزينب صاير لضلج حجاب
يازينب بدت رحلت العذاب
┋✺❁━┅┉┈
♡♡
كفو والثلث تنعام سبع الكنطره
غيره اونوماس ضنوت حيدره
بجاله يازينب عزيزه مخدره
بخزرته يطيح النجوم عالثره
من يمر عالخصم مثل السحاب
يازينب يازينب بدت رحلت العذاب
┋✺❁━┅┉┈
♡♡
عباس يبره محملج طول الدرب
بجفه يمسح دمعتج لمن تصب
اومن يدكلج صدره يسر الكلب
سيرت العباس انقه من العذب
من تغمض عينه شيكون الجواب
يازينب يازينب بدت رحل العذاب
┋✺❁━┅┉┈
♡♡
الشاعره ام رائد زوين
عكيلي
نستقبل عاشور إبحسره عگيلـــي
ــــــــــــــــــــــــــــــــــــــــــــــــــ ــــــــ
نستقبل عاشـــور إبحســـره === وإنواسي المظلومه الزهره
ـــــــــــــــــــــــــــــــــــــــــــــــــ
وإنواسي الزهره إنعــزّيها == وإنعـــزّي القايـم مهديها
والأرواح إبعز نفديهــــــــا == عالباطل نعلنها الثوره
ــــ
عالباطل نعلـــــــــن ثورتنه == من إحسين إلحﮛ همــّتنه
وإنزيح الناصــب غايتنه == نيران الغاصب مستعره
ـــ
نيــــــــــــران الغاصب ببلادي == هاي التــــُربه إبهمها إتنادي
فـــِزْْعوا إبهمّّتكم يولادي == هذا الظالم حل إبغدره
ـــــ
هذا الظالم جاني إو غادر == وإلحيدر والينـــــــه ناكر
والمؤمن مهموم إو صابر == لكنها الجمـرات إبصدره
ـــ
لكنها الجمره التچــوينـــــــــه == يغدرنه العايــََشــْْنــَه إسنينه
نقسم بالهادي إو بحسينـــــه == نمحي إيزيد إو أرذل زمره
ــــ
نمحي إيزيد إو كل أزلامه == وإتزول الغيمه إو أيـــّامه
وإيرد منحــــــــــــور إبآلامه == ينزاح إو يرحل كل شـــرّّه
ـــ
ينزاح إو يرحل كل ظالـم == يوم اليظهر نور القايم
وإحنه إوياه إنحيــّّي إنسالم == أرواح الظلـــّت منتظـــــــره
ــــ
أرواح التــُُنطر أنـــــــــواره == تفرح وإتعيش إبأسواره
كلها إوياه إو تاخذ ثـــــــاره == ثار إحسين الگطعوا نحره
ــــــ
ثار إحسين إو ثار أبناءه == لازم ناخذ من أعــــداءه
ما أحلى إو ما أعظــــــــم لاءه == ما بايع من نادى إو أســْرَه
ــــــــــــــــــــــــــــــــ
مع تحيات شاعر أهل البيت / جابر النجفي
اللهم صلى على محمد وال محمد
زنجيل
#زنجيل
يهلال ألهموم =يهلال ألهموم
ريتك عسن لابينت =من شفتك بعيني صحت
يهلال ألهموم
*****
لويعتب عليك ألكــــلب شيفيد ألعتــــــــاب
صوابه وسيع ولاتظن يتحمل أصـــــواب
ما فارك أحزانه وسكن من عاف ألاحباب
ذيج ألمسيه ذيج ألمسيه
تمنيت وياهم متت =من شفتك بعيني صحت
يهلال ألهموم
****
زينب أنه وحكي من أون ونه عل ونــــــــه
مهظومه خلاني ألوكـــت من عكب أهلنـــه
عفت ألغريب علل ألثــره وجافل ضعنــــــه
فوك ألشريعه فوك ألشريعه
ومن عكب عينه أتيسرت =من شفتك بعيني صحت
يهلال ألهموم
******
جم لوعه راواني ألدهر وجم مصيبـــــــه
ومن حكه لوظل ألكلب شاجر لهيبـــــــــه
عكب ألدلال وهبتـــــي أصبح غريبــــــه
من عكب أخوتي من عكب أخوتي
ذيج ألمسيه تحيــــــرت= من شفتك بعيني صحت
يهلال ألهموم
*****
رديت ليهَ وهيجت جرح ألمصـــــايب
وعليك شيفيد ألعتب لوردت أعاتـــــــب
شيطَيب جروحي بعد وهلالي غايـــــــب
حادي ألضعينه حادي ألضعينه
يهلال عكبه أدوهنت =من شفتك بعيني صحت
يهلال ألهموم
جروحي جثيره وياجرح تكدر تشـــــــــــــده
جرح ألغريب ألماسكن دلالي بعـــــــــــــــــده
لوجح جفين ألوفــــــــه رايد تضـــــــــــــــمده
يصعب عليه يصعب عليه
مايبره عنه شماكلت =من شفتك بعيني صحت
يهلال ألهموم
*****
لليوم كلبي ماكطــــــع نوحه أونينــــــــــــــه
عل ألوافه بعهوده وفده أيساره ويمينــــــــــــه
لاوحك ظلع ألطـــاهره ألزهره ألحزينـــــــــه
مهظومه ظليت مهظومه ظليت
عكب ألخدر تالي أصبحت= من شفتك بعيني صحت
يهلال ألهموم
*****
رديت ليه وهيجـــــــت يهلال ألاحـــــــــزان
بعيوني للماي من أصد اصرخ يعطشـــــــان
يهلال تدي تنولــــــــي ألماعدهه وليــــــــان
حكي من انادي حكي من أنادي
أتعنه ويــــــــاهم ردت =من شفتك بعيني صحت
يهلال ألهموم
******
تمنيت يهلال ألحـــــزن هاي ألمسيـــــــــــه
تاخذ دليلي ودمعتـــــي للغاضريــــــــــــه
يهلال هم يرجع بعــــــد عباس أليــــــــــــه
وتنشف دمعتي وتنشف دمعتي
ويطَيب أجروحي ألوكت= من شفتك بعيني صحت
يهلال ألهموم
******
مسلم محمد ألسماوي
اللهم صلى على محمد وال محمد
من يا مصيبه تبدي الغريبه
من حسين لومن الكمر هل اليله يهلال الشهر
من يا مصيبه تبدي الغريبه
*****************
من شفتك بعيني صحت يهلال الهمــــــــــوم
شخليت وشعندك بعـــــد من عندي هل اليــوم
ولياني كلها بكربـــــــلا راحت يميشــــــــــوم
ورديت اليه بهاي المسيه
شفتك ودلالي انفطر هل اليله يهلال الشهر
***************************
من حكي يهلال الحزن هاي المسيـــــــــه
اجري المدامع من دمه وصفج بديــــــــه
دنياي من عكب الاهل وحشه وخليـــــــه
بدموعي ناديت مهظومه ظليت
ومانشفت ادموع النظر هل اليله يهلال الشهر
***************************
وياك لوي الدهــــــــر يهلال العتــــــاب
ظلعين اليه اتهشمــــن وشتد المصــــاب
واحد تهشم با الحرب والثاني با البــاب
والهم ولاني ميته عساني
ولاشفت بعيوني النحر هل اليله يهلال الشهر
***************************
كظيت عمري امدوهنه ومحتاره با البيـن
ولاكلبي بطل ونتـــــــه ولانشفت العيــن
انه الشفت سيف الشمر حز منحر حسين
وشفت الكفلنه راعي المحنه
مطروح جسمه علل النهر هل اليله يهلال الشهر
زينب انه وما ينوصف خدري ودلالـــي
بوجود اخوتي مانظــر واحد خيالـــــــي
يهلال تذكر حالتـــــي وظيم الجرالــــي
محد رحمني ولاسكن وني
مثل امي خلاني الدهر هل اليله يهلال الشهر
*************************
للحومه تذكر من رحت يهلال الاحـــزان
وحيده وغريبه لااهــل لاعندي وليـــــان
للماي اصدن والكلـــب يصرخ يعطشــان
من فاركتني بحيره عقتني
وذبلت اجفوني من السهر هل اليله يهلال الشهر
***************************
عفته ورحت للمشرعـه بلوعة دليلـــــي
بلجن يحن الحالتـــــــي ويكعد جفيلــــي
ناديته ياراعي الوفـــــه هدمت حيلــــي
عكبك ولوني ياضوه عيوني
بحالتنه هم عندك خبر هل اليله يهلال الشهر
***************************
كلبت جسمه وماشفت سالم كتر بيـــــــه
يهلال ضيعت الفــكر جاوين اوديـــــــه
ياريت ينطر الكلــــب وبنصه اخليـــــه
مكدر اعوفه وبعيني اشوفه
مطروح بن فارس مظر هل اليله يهلال الشهر
***************************
حكي من اكلك لاهله بجيتك يلـــــهلال
بيك الخدر راح وبعد ماظلت امـــــــال
فكد الولي ماينحمـــل للحره جتــــــــال
هذا الجرالي ماعندي والي
حشمت صبري ولا حظر هل اليله يهلال الشهر
*******************************************
مسلم محمد السماوي
تمت بعون الله قصائد حسينية مكتوبة للليلة الاولى من محرم الحرام
(قصائد الهلال)
موقع المنبر الحسيني
المصدر مؤسسة منبريون -احمد الزوار -على التلكرام
قسم قصائد الهلال
لطميات مكتوبة , قصائد حسينية مكتوبة
موقع المنبر الحسيني
جميل
ردحذفبارك الله بيكم لكم الجر
ردحذف