مجموعة فزاعيات مكتوبة لفاطمة العليلة عليها السلام
القصيدة الاولى
فزاعيه ســريعه للعليله
عـــلــــيــــهـــا الســــلام
حـــمل ضـــعنكم يـاهلي
والدار وحشه بــــدونكم
💔💔
حــــمل ضعنهم وارحـلو
والكربله اهلــــي مـــشو
وكـــليبي ويـــاهم خـذو
مايــــنحــــمل يــفــراكم
💔💔
مايـــنحـــمل فـركـاهـم
اتــــمنه اروح اويـاهــم
يصعب علي ممـشاهــم
اخــذوني بويه ويـاكـم
💔💔
عافـتني عمتي ورايحه
للــضــيم والـهم كابعــه
عـــيني عـليهم شابحـه
يعميني يهـلي غـيابكـم
💔💔
تبــجي العليله وتـــسئله
يبويه افراكك مــحــمله
عفتوني وحدي معلــعله
اخذوني يهلي ارجـــاكم
💔💔
ضـــليت وحدي بالـــنزل
والدمع عالــخد دم يــهـل
مـــحد بــگالي مــن الاهل
شـــديتو بويه ارحـــالكـم
💔💔
✍️العلويه ام علي الشرع
قصائد محرم 2020
ترحمو على روح المرحوم والدي
جميع قصائد فاطمة العليلة عليها السلام هنا
القصيدة الثانية
فزاعيه للعليله ع
دار الاهل / توحشني مبانيهه
عليله وحدي/ مكدر اضل بيهه
✿〰️✿〰️✿〰️✿〰️✿〰️✿〰️✿
اهلي حملو بالدار عافوني
بقت انده وراهم مايسمعوني
اصيحن ياهلي وياكم خذوني
المريضه خلافكم ياهو يباريهه
✿〰️✿〰️✿〰️✿〰️✿〰️✿〰️✿
بدمع العين حبابي اعاتبهم
خافن العتب يجرح مشاعرهم
البعدو عني ليه شيردهم
بجفاهم روحي بيش اسليهه
✿〰️✿〰️✿〰️✿〰️✿〰️✿〰️✿
عيوني لدربيهم ضلت ربيه
خلوني نحيله حيل مابيه
ماكدر اكوم امشي عالرجليه
عليهم عيني ماتبطل بواجيهه
✿〰️✿〰️✿〰️✿〰️✿〰️✿〰️✿
بغياب الاهل الليل مانامه
روحي لشوفهم ياخلك محتامه
ماتنشف دموع العين سجامه
مادري الدنيه هذا تاليهه
✿〰️✿〰️✿〰️✿〰️✿〰️✿〰️✿
يدنيه ليش ويه حسين خوانه
ابن الزهره وسفه خالي مجانه
العليله علي تون والروح حزنانه
خلافه بعد من ينشد عليهه
✿〰️✿〰️✿〰️✿〰️✿〰️✿〰️✿
بقلم الشاعره ام رائد زوين
القصيدة الثالثة
على الماشين لعميجن يالعيون
شالو بالعجل يمته يرجعون
🔺🔻🔺🔻🔺🔻
عله الماشين لعمي اليوم عيناي
وهم لبه حياتي وسلوه حشاي
بعدكم يلاهل ماتضوي دنياي
مشيتو بساع جا يمته تعودون
🔺🔻🔺🔻🔺🔻
عفتوني عليله وحدي بالدار
يضل دمعي عليكم دومه نثار
انطركم تجوني وماكو اخبار
وكولن هلبت احبابي يردون
🔺🔻🔺🔻🔺🔻
شلتو من وكت جاليش يحباب
من يوم المشيتو مكابله الباب
يضل وني عله اهلي ودمعي سجاب
مشيتو يالاهل خيبتو الضنون
🔺🔻🔺🔻🔺🔻
مشيتو بساع عفتوني يالحنان
كلبي من المصايب صار مليان
من رحتو يهلنه الحيل عدمان
والله فراگكم عاميلي العيون
🔺🔻🔺🔻🔺🔻
🔻🔺🔻🔺🔻🔺
تمت بعون الله تعالى
بقلم #طيبه_ياس_المحمداويه.
غير مبري الذمه من يحذف اسم الكاتبه
القصيدة الرابعة
فزاعيه للعليله عليه السلام
⚫️⚫️⚫️⚫️
مريضه والمرض هدني
يهلي سألو عليه
⚫️⚫️⚫️⚫️
يهلي رحمو بحالي
ظلمه والنزل خالي
عليله ورايده الوالي
وانظر عيني اربيه
⚫️⚫️⚫️⚫️
بويه لاتخلوني
وحدي يرحن عيوني
كلي ليش عفتوني
مريضه وحيل مابيه
⚫️⚫️⚫️⚫️
وحيده ولااهل يمي
ابجي وغاركه بهمي
ولاواحد دره بهضمي
ولاطارش اجه ليه
⚫️⚫️⚫️⚫️
عيني تنظر عله الباب
اتاني جيت الاحباب
بلكت ترجع الاطياب
وتضوي الدار بالجيه
⚫️⚫️⚫️⚫️
يبويه حسين حاجيني
محتاجه الك تدريني
والله المرض كاضيني
ولاحيل البقه بيه
⚫️⚫️⚫️⚫️⚫️
✍️تمت بقلم خادمة الحسين ليالي ام علي
القصيدة الخامسة
لخادمة الحسين سراء الموسوي
فزاعيه للعليله
عليله وفاكده الوليان
خل نتكابل وياها.
........
نلطم على حسين لراح
ابوي بكربله هل طاح
ويلي الجسم كله اجراح
وبس للهظم عافاها
............
مصوب والدموم اتسيل
اخوي وما يعينه عليل
ونايم علنهر لكفيل
كلنه ننحب وياها
.........
عليله وانحب عليهم
ومدري وين اراضيهم
صدك علثره امخليهم
وضاعت بعد ولياها
............
بعدهم داري حزنانه
تنحب على وليانه
بس للنوح عافونه
خل نلطم انه وياها
........
وعباس ابتعد عني
اجفوفه ع النهر ذني
عليكم ما بطل وني
رحل عباس ماجاها
........
القصيدة السادسة
فزاعيه لعليله الحسين ع
تون وتنوح بتكم يالسلاطين
العليله بداركم بس تهمل العين
🍂١ 🍂
حزينه الْيَوْمَ شايل عنها والدها
مرحلين النشامه عن وطن جدها
المرض سلها يويلي وما أحد عدها
أخذوني أويه الحريم أهنا يماشين
🍂٢🍂
أخذوني يالمشيتوا لا تخلوني
تراني مدوهنه ومتغيره ارسومي
خلاف أهل الكرم بس يبچن عيوني
اريدن عمي العباس چا وين
🍂٣🍂
اريد اعتب على العباس ابو الغيرة
يدري انا مريضه وحيرتي حيرة
عافوني بغربتي وحسرتي چبيرة
تون وتنوح بتكم يالمرحلين
🍂٤🍂
ها يحسين بويه ليش عفتوني
أويه سكينه ورقيه ما خذيتوني
شالوا كل هلي أو وحدي خلوني
بقيت محيره وصفگ باليدين
🍂٥🍂
أتاني سنين يهلي لو ترجعون
علي يهل الحميه ما تحنون
بقت بالدار طفله تهل العيون
أضل العمر كله أجذب بالونين
☘️☘️☘️☘️☘️☘️☘️☘️☘️☘️☘️
✍️ نور الهدى بنت الملة ام سلام ✍️
تم بعون الله مجموعة من الفزاعيات المكتوبة لفاطمة العليلة عليها السلام
اشعار سروده شده توسط فاطمه العالیلا
موقع المنبر الحسيني
مصدر القصائد مؤسسة منبريو ن
لاتنسوا الفاتحة لروح مولاتي فاطمة العليله ع
اقرأ ايضاً
بارك الله فيكم
ردحذفالله يوفقكم بحق دمعه رقيه
الله اي وفقكم يارب
حذفالله يوفق كل من يجدد شريعه الحسين
ردحذفهنه حلوات بس (تون وتنح بتكم يسلاطين)تصلح لطمية سريعه وشكرن 🌹
ردحذف