مجموعة قصائد مكتوبة لام البنين عليها السلام
القصيدة الاولى
فاطمه انه ام الحزن -- فاطمه انه
**
عمود البيت ياذخري ولوانه
الگلب مرهون ضل عندك امانه
يبويه برجعتك رده المكانه
تسميني العليله وفاطمه انه
گلبي دگاته تون -- فاطمه انه
*
حفر خدي الدمع مهظومه كاعك
خذيت الروح بلسفره متاعك
ثواني ايصير يابويه وداعك
تظل وياي يلحلوه طباعك
وطبعي لحبابه يحن -- فاطمه انه
*
قساوة دهري بأسفاره ظلمني
الهجر عنوان علتي ومانصفني
و لادگ الفرح بابي ورحمني
ابمسيره الكربله الغالي تركني
وليلي غربه من يجن -- فاطمه انه
*
انظفر حزني كصيبه بليل الوعود
اكابر علجرح والقدر موعود
اعرفك هاي روحه ومنها متعود
سند اصل الروايه من النبي ايعود
هذا حالي الممتحن-- فاطمه انه
*
تراودني العلل يااغلى ناسي
غريبه بسفرتك شفت المأسي
يابويه اشلون من يمسحلي راسي
يادهري ارجوك طبعك ليش قاسي
ابوحشه مايغمضن جفن -- فاطمه انه
*
ياوجه الله الكريم السامي سرك
يمن شلت الحزن بحبال صبرك
الك فدوه العمر من عمري عمرك
سمعت الخيل داست بويه صدرك
صدري لجلك منسحن -- فاطمه انه
*
واذا رد الضعن تلفي المنيه
يجيني بلا حسين بلا رقيه
تنوح الگاع والزرگه سويه
امد الشوف والعبره جريه
ابكربله اتمنه اندفن -- فاطمه انه
*
الحاج سامي الكعبي
القصيدة الثانية
وَدّعـُـوني مِن بِـعِـد مَــاي ويــوَدّع وَرِد
وذبلوني
ودعوني
***
آنـــه العَـليله الـّــي طـَـبيـبي مَالِـﮔـه ادواي
عُودِي رِﭼيـﭻ وصُوبه يمشِي الموت عَناي
ونـَـاس الّي تبـَـاريني ﮔـبل واتسَاهِر اوياي
خَلـّــوني وبـﮔـَاع العِـطش نَـبتـَـه بلا مَــاي
اﮔبَالي حَتفِي مِستِعد
مَــاي ويــوَدّع وَرِد
***
مَذهـُـوله بالبـاب اوﮔـَـفِـت والقـافله اتسِـير
وادعَـيت مايمشـي الزمَـن ويصِـير تأخِـــير
مِن لـُـوعِـتي وهَـم العِـلَـي ماعندي تفكِـــير
اﭼبـيره الجرُوح وﮔلبي لا مايحمِــل ازغـير
بالمصَــايب ينمِــرد
مَــاي ويــوَدّع وَرِد
***
اتبـَـاريهُـم اعيـُــوني بقـَـت أهلِـي المَيامين
ورَجـّـفني طيف اعليّـه مَر زَيـّـدلي الونِـين
وبيـن الحقـيقه والحلـِــم ﭼَـنهـُـم امغـَـربين
وفوﮒ الخيـُـول العَابـِـره بلا رُوس ماشِين
وجسمي أصبَح يرتعِـد
مَــاي ويــوَدّع وَرِد
***
نيشـَـان مِن عدهُـم بقَـى بعَـين اليـوَدعُـون
ﭼَـف الـودَاع المِرتفِـــع وَي دَمــع العـيون
والسَـان حَـال الفاجعـَـه وصُوت اليكرهون
مِـن ﮔـال أهلِــﭻ هالمِشـَــــوا لا مــايردّون
شِـفتي ميّت هَـم يرِد
مَــاي ويــوَدّع وَرِد
***
محـّــد بقـَــالي امن الأهَــل كلهُم جفـُــوني
وروحي خِـذوهـَـه وابجِـفـَــاهُم رَوّعـُـوني
ﮔلـتلهـُـــم اويـَــــاكم أرُوح وما خِـــــذوني
عبــد الله ﮔلــتلهـُـــم يظـــل واتعـَــــذرُوني
وزاد بـﮔليبي الوَجِـد
مَــاي ويــوَدّع وَرِد
................................
خادم أهل البيت / لقمان البدران
القصيدة الثالثة
اهلي عافوني ومشو طول سفرهم
واعداني حسين كال ايرد خبرهم
*********
اهلي العافوني وحدي وراحو لديره غريبه
بين حزني ونوحي بويه عشت ذكراه المصيبه
الراح يابويه من اديه وكلي بالراح شيجيبه
هاي دنيه بويه صعبه والاشد بيه العجيبه
انتظر بويه تجوني كل مسيه..وانطر اخبار اليجي من الغاضريه
عيوني يابويه تناطر عالدرب يوصل كمرهم
**********
تحملت بويه الهظيمه من رحت يابويه عني
بويه خاواني الدمع انه منه وهوه مني
الاشد شفت عليه لو اجه الليل وهظمني
واكعدت عالدرب اناشد واعتذر للي سئلني
لو نشدني وسئل يابويه عليه..انتي من ياديره انتي يل البنيه
مني ينتظر الجواب اشد من جويه جمرهم
**********
من مسه الليل وعليه وحدي وبداري حزينه
استمع للبيت بويه حسرته وياي أو أنينه
بين جدراني الحزينه اصبحت انه سجينه
ونظر لمهد الطفل خالي ماتسمع بجينه
هم ترد ايامنه ونكعد سويه..وترجع انت لدار ك من الغاضريه
اتذكر يابويه خواني من جنت بزغرهم
***********
سالت الدمعه عل خدي وصحت صوتي يامجيب
انت يارب اللي تعلم وتعلم بحال الحبيب
لاابو اليمي ويخفف ولا حضر يمي طبيب
متى ياربي تعوده ويرجع عليه المغيب
نحجي ونسولف يبويه انه ورقيه..صعبه يابويه اليفارك ويترك بداره صبيه
اهلي غياب ومشو ادري هم عدهم عذرهم
********
حلم يابويه بحياتي وكل طفل يتمنه بيه
يحلم بحلم الطفوله والابو يوم اليجيه
ينتظر يرجع ابوه وهوه فاتح كل اديه
يحضنه يشيله عل صدره يكعد ويسمح عليه
يمسح براسي ايده وهم عليه..يخاطب ابنيته ويكله ياعزيزه الفاطميه
ابقى ياهل الناس كل عمري انتظرهم
***********
خادم اهل البيت
ابو علي السعيدي
القصيدة الرابعة
(العليله والغُربه)
راح....راح التصلي بشوفته العين
راح....راح وبعد ما يرجع حـسين
..............
غاب الحنــان ورقته
والغالي ذبلت وردته
بس عطرهه.... صرت اشمه
راح وترك بيه جرح
كلما اداوي ينـــفتح
لو ذكرته..... الغالي آسمه
ولكــــربله لمــن سِـــــدر
من شوگي احجي ويه الكمر
ياگمرنه.....خذني يمه
راح.....حته الگمر ما يدري لا وين
راح.....راح وبعد ما يرجع حسين
.............
اقرة بمـــــــفاتيح الامل
وكل فترة انهض بالعجل
لمن اسمع.... صوت خطوة
ويصيح قلبي شما سمع
بلكت ابو اليـــــمة رجع
كل فرحته.... هوة هوة
واركض عله الباب وأصد
واتأمــــل الغــــــالي يرد
بلكي يرجع....ويه الاخوة
راح.....للباب كافي لاتفــــتحين
راح....راح وبعد مايرجع حسين
.............
بآسم العظيم المقتدر
روحي تبسمل بالصبر
عن رحيله....اشكي حالي
ادعي الفجر ادعي العِشة
ياربي رجعــــــلي المشة
صعبه ابقه...بلايه غالي
والساكن بگلـــبي نبض
مو يدري خلاني بمرض
صعبه اسهر...هالليالي
راح.....وزاد المرض عالمرة مرتين
راح.....راح وبعــد مايرجع حسين
.............
كل طفلة مرة لو بجت
لوالدهه حتما لو شكت
تنسه كلشي...من ضحكته
من يبتسم تنسه الالم
شمحلاه لو مرة ابتسم
وبأسمهه... تنادي شِفته
وانه اليواسيني منو
لا اخ بقـــالي ولا ابو
عالحبايب....ابجي سكته
راح.....وبدمعي اكتب عالحياطين
راح.....راح وبــعد ما يرجع حسين
...........
وبيوم نمــت وبالحلم
واتخيلت فارس شهم
شفته يمي...وامشي وياه
ولــــحالته گــلبي انكسر
بلا راس اشوفه بس نحر
وبچفوفي...امسح ادماه
فزيت من حلمي وصحت
ياوالـــــــدي بس لا متت
اه يبوية...واحسيناه
راح......وتآكدت من حلمي بعدين
راح......راح وبعد مايرجع حسين
(كلمات حاتم صبري الكاظمي)
القصيدة الخامسة
أحچي أويه خلاني عافوني بحزاني
ــــــــــــــــــــــــــــــــــــــــــــــــ
ليل أهدعش هاب الخـــيم متوجرة
وخواني ضلوا بس جثث مــتوذرة
وشلون سطرة من زماني سطرة
خلاني بديار الغرب متحــــــيرة
دهري ألي أذاني عافوني بحزاني
ــــــــــــــــــــــــــــــــــــــــــــــــ
وين الكفيل ألي كفل أخــيته
يجاوبني مرة لو أنه سألـته
عباس أجيتك والعلم عگــدته
معقولة صوتي هذا ماسمعته
وبگلبي نيشاني عافوني بحزاني
ــــــــــــــــــــــــــــــــــــــــــــــــ
وحسين أخويه من رحت أشـكيلة
بتنه يخــــــــويه بلاخيم هللـيلة
شحچيلك شصار على هاي العيلة
هد حيلي ونين الرباب ولــــيلى
والهم تولاني عافوني بحزاني
ــــــــــــــــــــــــــــــــــــــــــــــــ
وسـط البراري بلاية والي الخدر
ياهــــــــو الأندهنه ألي يتعذر
لأرض النجف ناديـــت وينك حيدر
من هو الذي يحرسنه بويه بهالبر
ياحيدر أخواني عافوني بحزاني
ـــــــــــــــــــــــــــــــــــــــــــــــ
خمسين طفلة وي طفل بحــــماية
وآنه على خمسين العــــمر شچاية
والشيب أكل راسي وعماني أهواية
لية تعــــــــــــالوا يا هلي بالراية
زينب تره آني عافوني بحزاني
ـــــــــــــــــــــــــــــــــــــــــــــــ
وين الهواشم خلي تفــــــزع ليه
آنه عقيلة طالب المـــــــــــسبيه
شحوا أخوتي ودهري جار عـــليه
ها يخوتي البيـــــــــكم يريته بيه
ريت الأجل جاني عافوني بحزاني
ــــــــــــــــــــــــــــــــــــــــــــــــ
إلى خادم الحسين (عليه السلام) :
علي نجاح الكناني /محرم 1438ه
القصيدة السادسة
لعليله ع
....
بس تعال .. سنين عمري انثرها وي ضحكاتي
بس تعال .. افرش دروبك ورد نضراتي
لا تطول بالبعد
يمته يا نسمه ورد
بس تعال
....
داعيه الله وناذره يال رايد تروح
اگطع انفاسي لما ترد ليه يا روح
بويه يالفرگاك ليل وصبحه مذبوح
طل علينه يا شمسنه وبرد النوح
يا جمال .. برد جروح العليله بجيتك
يا جمال .. احضني ارداً روحي شمه بحضنتك
ارد اصيحاً واستعد
يمته يا نسمة ورد
بس تعال
.....
بويه تدري ايامي بعدك ما هي ايام
بويه كل لحضه تعادل عندي ألف عام
ذابله وخاواني بس حزني والالام
بويه ما اضحك تره بس لحض الاحلام
من اشوف .. جفك يلمني بعطر احضانك
من اشوف .. تنضر عليه بجمال اجفانك
احضن وما ريد اهد
يمته يا نسمة ورد
بس تعال
....
وسألك بحلامي بويه بفرحه طفله
يمته عيني بشوفتك يا بويه تحله
اه افز من نومي واني انطقها جمله
ليش ما جاوب عليه واني اسأله
والدموع .. چوت الگاع الانام عليها
والدموع .. بس تجاوبني وانوحاً ليها
نحسب ايام ونعد
يمته يا نسمة ورد
بس تعال
....
اثر جفي انطبعت ابيبان داري
من كثر ما وكفه بليلي ونهاري
بلكي نسمه وي الهوه العلناس ذاري
بيها من عدكم خبر يطفيلي ناري
بيها اعيش .. امل واتنطر يهل ملكاكم
بيها اعيش .. انتظاري وتنتهي فركاكم
جسمي بهدومك اشد
يمته يا نسمت ورد
بس تعال
....
گلبت هدمك يبويه اشتم عطر
هذا اول مره اشمه وما يسر
بي طعم من كربله وجن بي غدر
بي اضن رمح وخيم يسبگ يسر
وبيها نار .. جني اشم ريحة رماد خيامك
وبيها نار .. جني ما حساً اثر لاعلامك
من البجي عيني رمد
يمته يا نسمت ورد
بس تعال
.....
حيدر عيسى البديري
القصيدة السابعة
خاف رحلة هالظعن طويلة
في أمان الله يالعليلة
###########
في أمان الله يانور العين
يابنيتي والدج انه حسين
خاف نتأخر عليج وتبقين
والظعن يتأخر برحيلة
###########
في أمان الله والدمع صب
آنه عمتچ العقيلة زينب
أدري لو رحنه الگلب يتعذب
والدمع ما يوگف مسيله
###########
في أمان الله ودنگ الراس
يالعليلة آنه عمچ عباس
آنه ارجعلچ يبت خير الناس
وانه ادري همومچ ثجيله
###########
في امان الله گلبي تفطر
آنه أخوچ انه عزيزچ الاكبر
يختي انه ارجع اذا نتأخر
وبلكي ايام الهجر قليله
###########
في امان الله يالحنينه
بالمدامع انه سكينة
لفرگتچ گلب الله يعينه
يختي بُعدچ ما بينه حيله
###########
في امان الله اتركچ خيه
يختي انه اختچ رقيه
وداعچ شگد يصعب عليه
وانتي تبقين بمرض نحيله
###########
في امان الله ودعتوني
بقيت منتظره وتصب عيوني
عمي والاكبر ما جيتوني
البيت خالي ياهو أشتچيله
###########
#علي_حسن_المنصوري
القصيدة الثامنة
ثالث إبعاشور هاليوم === للعليله نذكــــر إهموم
ما نسينه === ما نسينه
ـــــــــــــــــــــــــــــــــــــــــــــ
ودّعوها والضعن سار إو جفاها
ﭼـانت إتريد السفر والهم علاها
لكن الوالد تركها وإبعزاها
تنتظر ﮔـاللها صبري إو ما نساها
رجعت إتحاﭼـي الحياطين === ما بعد يرعاني الحسين
وإحنه ما ننساها للدوم === للعليلـــــــه نذكر إهموم
ما نسينه === ما نسينه
ــ
ودّعتها العالمه إو ﮔـالت يــَعـَمــّه
صبري يابنتي أبوﭺ آذاني هــَمــّه
ﻳﺣﻓﺿﭻ الله الليالي سود ظــَلـْمـَه
راح ﻋﻧــّﭻ كـُلنا نرحل دهرﭺ أعـْمـَه
فاطمه يانور العيـــــــون === صبري من أﻫﻠﭻ يرحلون
هاي صعبه إو فاطمه إتحوم === للعليلـــــــــــــــــــه نذكر إهموم
ما نسينه === ما نسينه
ـــ
تنتظر ظلـّت خبر يوصلها منهم
تسأل الطير اليسافر دوم عنهم
والأمل عدها يرجعون الوطنهم
ينتهي عدها الحزن ويــّه حزنهم
من يجون إتحل الأعياد === والفــــــــــــرح يتواله ينعاد
لكن الدلاّل مهضـــوم === للعليلـــــــه نذكر إهموم
ما نسينه === ما نسينه
ـــ
طالت الغيبه عليها إو خاب ظنها
ما إجاها أي خبر يطفي حزنها
ظنــّت الطيبه نسوها إو فاض ونها
راﻓﮓ الروح الألم ما راح عنها
مادرت مذبوح الحسين === مادرت عـَمـّتهــــا بالبين
مادرت عباس ﻣﻠﭼـوم === للعليلـــــــه نذكر إهموم
ما نسينه === ما نسينه
ــــ
يا مـُصيبة فاطمه إتهز الرواسي
مظلمه الدنيه إو دهرها حيل قاسي
ظنــّت إحسين التركها إلها ناسي
ما بعد يحضن ألمها بالأماسي
ما بعد يحضنها عباس === مادرت ذبحوه الأرجاس
والعقيله إبولية اﻠﮔــــوم === للعليلـــــــه نذكر إهموم
ما نسينه === ما نسينه
ـــــــــــــــــــــــــــــــــــــــــ
مع تحيات شاعر أهل البيت / جابر النجفي
القصيدة التاسعة
فاطمة العليلة ع
يابويه يمته تعودلي وتنوّر البيت
بويه يحسين جنك وداع المنيــــه ودعتنـــــــي
بويه يحسين ماكلت عندي عليله وبارحتنـــــي
بويه يحسين حتى لاطارش وصل بي واصلتنـي
مثل اليتيمه بلا أهل يابويه ضليت
**********************
عمي عباس مااضن تنساني ماتنشد عليـــــه
عمي عباس يمته جا تذكرني يمته تعود اليه
عمي عباس انه مشتاكه أشوفك ها لمسيــــــه
ايام مرت يالكمر غايب مهليت
***********************
عمه زينب شلون رحتي بها لدرب ياعمه تمشين
عمه زينب دربج بعيد وجبيره وما تكدريــــــــن
عمه زينب روحي مشتاكه الج يمته تردّيــــــــــن
ناطور كلبي عله الدرب ياعمه خليت
************************
يازماني ارد انشدك عن ضعن يحدي بالاحباب
يازماني صار اكثر من شهر عن عيني غيـاب
يازماني لو شفتهم كلهم انه مكابله البـــــاب
كلهم تراني من السهر يحبابي سليت
*******************************
ياهوه الهــاب شوف الاكبر وين صار اوين جسام
ياهو الهــاب شوف عبدالله الرضيع بياحضن نـــام
ياهوه الهــاب روح وانشد عن رقيه أبين الخيـــــام
روح كلهم كافي فركه ومنها مليت
****************************
روحي صُبري بلجــــــــن يعودون غيابج تفرحين
روحي صُبري ودعي من الله يجيج اليله الحسيــن
روحي صُبري لو تطلعين وتروحين وتنشـــــــدين
كبلج اشجم طارش الهم اني وديت
**************************
السيد كريم دانه الاعرجي
تمت مجموعة من القصائد المكتوبة للسيدة فاطمة العليلة عليها السلام مقدمات
موقع المنبر الحسيني
مصدر القصائد موسسة منبريون
لاتنسو الفاتحة لمولاتي فاطمة العليلة عليها السلام
تفضلو علينا بدعوه جميله تنفعنا في الدنيا والاخره جزاكم الله خيرا
اقرأ ايضاً
تعليقات
إرسال تعليق