القائمة الرئيسية

الصفحات

تعديل المشاركة

60 قصيدة مكتوبة لعلي الاكبرعليه السلام - قصائد محرم مكتوبة

Abbas
(0)

قصائد حسينية مكتوبة لعلي الاكبر عليه السلام

اكثر من 60 قصيدة مكتوبة لمولانا علي الاكبر عليه السلام بجميع انواع القصائد من مقدمات واساسيات ونزلات وشور وغيرها 

 

قصائد حسينية مكتوبة لعلي الاكبر عليه السلام

القصيدة 1


قصائد محرم

لسان حال والدة علي الاكبر ليلى تقول


خيل اعوجية السحگتك… وانة انظر اعليك

يوليدي مــن بعــد الذبح… شــو مثلو بيــك

ــــــــــــ ــــــــــــ ــــــــــــ

أصك أجفوفي واتحسر

أغمض اعيوني ماأگدر

وصيحن لٱ يخيل الشر… عوفي أبني ياخيل


أبكل الغاضرية أفتر

ألم أوصالة وتعثر

بالطف جسمك مطشر… شراح الگة بالليل


من أوصلت يم جثتك… مگطوعة رجليك

يوليدي من بعد الذبح… شو مثلو بيك

ــــــــــــ ــــــــــــ

أجيت مڰبعة بحزني

وأحس بشي يعثرني

شلتة ولنة جف ابني… شلتة وصحت أه


مشيت الجسمك بهمة

وصلتة واگعدت يمة

يبس من النزف جسمة.. وعطشني فرگاه


ياجرح بجروحك صحت… يايمة ياذيك

يوليدي من بعد الذبح… شو مثلو بيك

ــــــــــــ ــــــــــــ

بجيت شگد على نحرك

من عمري على عمرك

يالاكبر ياهو المزغرك… يمعذب الروح


ردت موتي گبل موتك

لجن غفلة انگطع صوتك

بحصيرة تالي تابوتك…. شيلم الجروح


سامحني لْـۆ عنك رحت… بهالحال اخليك

يوليدي من بعد الذبح… شو مثلو بيك

ــــــــــــ ــــــــــــ

شبكتك شبگة اموادع

اعوفك مدري اتراجع

انة وحسرتي امدافع… بس عنك أمشيت


راسك عالرمح شفتة

بطريق السبي رافگتة

شسولف تذبح السكتة… محتارة ظليت


سير على امك بالحلم… مشتاگة أحاݘيك

يوليدي م̷ـــِْن بعد الذبح… شو مثلو بيك

ــــــــــــ ــــــــــــ

سكوتك يبني يلجمني

احجي وينظرب متني

ترضة الحادي يشتمني… ويجلدني بالحال


الولد من يحمل افرگة

الطولك يبني مشتاگة

شسوي واني عالناگة… ومجتوفة بحبال


لو يقبل الموت اقبلت… وبروحي أشريك

يوليدي من بعد الذبح… شو مثلو بيك

ــــــــــــ ــــــــــــ

تمت

الْحٍمَدٍ للـّہ

✍️خادمكم الاقل… حسين حمدان الدلفي

رزقهم سلام •اللّـہ̣̥ عليهم


القصيدة 2


شفت الگمـر شــايل گمـر بدينه

ابطيحت علي طاحت سمه علينه

منها وحِسَبْت إحساب

كل ساعه نفگد شـاب

ــــــــــــــــــــــ

هيچ الگمـر حاضن گمر كفّـالي و إبن أخـيّي

من شفت ابوه غارگ دمع گلت الله يرحم فيّي


علي چان شحلاته ويا حلو رسمه

وبياضه بكلشـي مالايگ عليه دمّه

على إلسانه بخدمتج أمْري ياعمّه


راح اعله طوله و راجع امشيعينه

نسخــة محمـّـد كلّش إمـوذرينه

الموت إلنه فاتح باب

كل ساعه نفگد شاب

ــــــــــــــــــــــ

بالطف طلع وين الصـدگ والبايعتنـه إتچذّب

وحسين ابو طول الحلو كل ساعه ظهره ايحدّب


مِن إمصيبه إلمصيبه كربله إتذبنه

إلطفّ من الظهــر للـ الليل شيّبـنه

أعرفه حسين نص روحه بعلي إبنه


حسين و أعرفه إيحب محمد جده

من يختنـگ يشــتم هَواه مـن وِلْده

الـ بايَع طلـع چـذّاب

كل ساعه نفگد شاب

ــــــــــــــــــــــ

من خلصت انصار الأخو حسين انلچم حسّيته

مـا لحّگ إيطيـب أنفجع بأول شــهيد إبيــته


إجالي وچان ابو فاضل يتچّـيـله

حسين الحِيد ما گادر علي يشيله

الله إيصبّر حسـين وگلــب ليله


شتســوّي ليلى من تشــوف أوصاله

حسين العظيم وهيچي صار إبحاله

گلبه اشكُبُر بس ذاب

كل ساعه نفگد شاب

ــــــــــــــــــــــ

كلش قريبه المعـركه بس طـوّل ابمشيتـه

ماكو البياض إبلحيته راجعلي حمْره إلْحِيته


فزعله إركاض رَد . ينگل جِدَم گوه

اضن شـالوه مـن أوليـده علــي توّه

سمعته يصيح دنيا بلا علي إشتسوه


مو الأولـــي رد للخيــم مالومـه

رد كلّــه دم ومتــرّبات اهدومـه

بالگـوّه ردلـي إجواب

كل ساعه نفگد شاب

ــــــــــــــــــــــ

جايب علي لو چم نبي ماضيّعيته من الدم

وياكم علــي يا بوعلي بس وصْلَه للمُخَيـّم


عسه السيف اللي وذّر هالوجه گصنه

تَعِبْتَك بس تِحِط جثّة علي إبنصنه

بعد شنسـوّي هاي التعزيه اتخصنه


إبنص المخيّم حط محمد جدنه

أول عــزه و أول شهــيد العدنـه

والفرگه عالـ أعتـاب

كل ساعه نفگد شاب

ــــــــــــــــــــــ


مهدي التقي


القصيدة3


رجع بس وجهه متعوب

شمس ماخذها الغروب

شايله ضوه مذبوح بيده وراد لخيامه

اول مره اشوف حسين منه اتطيح العمامه

....

چان عمر اوليدي ساعه وجهه احله من الصبح

علي الاكبر چان اسمه وهسه صار اكبر جرح

آنه امه اگبالي شفته بحضن ابوه رد منذبح


بـخـيمـتـي مـدَّد عـلي بينـاتـنـه

و صاح خل نشبع بچي اثنيناتنه


يشبگه بحسرته وصاح

يليله اوليدنه راح

اگبالي بدمعة اعيونه يغسل جرح البالهامه

اول مره اشوف حسين منه اتطيح العمامه

....

عادة التفگد ولدها تموت حرگه اعله الولد

ومن لگيت حسين يبچي بطلت ابچي بعد

عمت عيني يصيح بويه شَوف البعيني انفگد


اتمدد بطوله و يشم بـجروحه

خفت فوگ اوليده تطلع روحه


سكته ابچي بلا صوت

اخاف احسينّه ايموت

آنه ادري الولد لو مات ابوه ايموت گدامه

اول مره اشوف حسين منه اتطيح العمامه

....

جبت عبد الله بديه وگتله اِصبر يالولي

انشالله يكبر رضيعك بي تسد خِلة علي

إلتفتلي وگال حته البالمهد ما يبقه الي


هـذا يـا ليله علي امـغطي دمـاه

وبعد ساعه يموت عبد الله وراه


وقريت بدمعة العين

ولد ما يبقه لحسين

يبقه بس علي السجاد وايسولف عله ايتامه

اول مره اشوف حسين منه اتطيح العمامه

....

عالولد محني ورقيه اجت مسحت دمعته

تگله لا تبچي حبيبي وبأديها شبگته

هنا ابو اليمه بخياله شاف مقتل طفلته


يم علي الاكبر جرح گلبه كُـبر

اتخيّل ابنيته تموت اعله النحر


حـرت يـا هو الأودّيه

وعله اوليده يواسيه

ياهو الي يجي يصبره يفزز جرحه والامه

اول مره اشوف حسين منه اتطيح العمامه

....

اتصورت لو راح ابني البُگه يصير براس ابوه

تالي ما تالي ابو الاكبر مثل الاكبر وذروه

هنا صحت يا علي يبني حسين طاح و سلبوه


يُمه بعدك چتفو ايدي بحبل

اعله الرمح راسك وآنه اعله الهزل


انـدارت بيّـه الايـام

ورحت مسبيه للشام

درب السبي يوليدي ابد ما تنسّي ايامه

اول مره اشوف حسين منه اتطيح العمامه

....

خادم الحسين ( عليه السلام)

كرار حسين الكربلائي


القصيدة4


 

دليني يارأي العطش

انثر ورد لو دمع اطش

محتاره يحسين أصبحت حيرانه

عطشان ابني وانه هم عطشانه

ـــــــــــــــــــــــــــــــــــــــــــ

يلماي محتاجك ترد

من مشيتك لو من تهد

عطشان احسك من بعد

يبني يالاكبر


اجدامك ونبض الگلب

يتمشن بنفس الـدرب

والخوفه وي طبت الحرب

كل لحظة تكبر


تدريني والمامش سوه

انت الهوه وانت الضوه

من طحت دلالي انجوه

على الفراكه مكدر


ياربي يرجع ضنوتي

ابطوله انصب خيمتي

متحزمه يوليدي صفت دنيانه

عطشان ابني وانه هم عطشانه

ـــــــــــــــــــــــــــــــــــــــــــ

من العطش طولك هوه

ماظلت بروحك كَوه

الساني ولسانك سـوه

يبسن يضنواي


غيمة مطر ويمر هوه

امطرلك اعيوني سوه

لضماك احطن يادوه

لويخلص الماي


لاجاره بيدي ولافكَر

محتاره اروح بياكَتر

صرت اكل بروح اشكثر

ماحسبت هاي


بالمعركة وعيني تصد

ودعته واتمني يرد

أشماله قلبي تكسرن بيبانه

عطشان ابني وانه هم عطشانه

ـــــــــــــــــــــــــــــــــــــــــــ

ياربحي بسنين الشكَه

بجدامه روحي معلكة

ايمرني طيفه واشبكه

يربات السنين


أنباكن أحلام العمر

وايامه تعبي والصبر

راح الولد جاشنتظر

بس دمعه العين


يابيرغ تلفه الزلم

مثل الكمر عمه ونعم

بالفزعه يتناكط زلم

تربات الحسين


ياغيمه دلاله انفطر

شحيتي ليش من المطر

ابقلبي وبروحي العزيز أمجانه

عطشان ابني وانه هم عطشانه

ـــــــــــــــــــــــــــــــــــــــــــ

يالردتك العمري ذخر

ماحصلت من العمر

غير الدمع يمه ويسـر

والنوح يزداد


ياسبحة وطش بهوه

ظلمة درب مامش ضوه

جاوين احصلك يالهوه

والمثله يراد


عايش ولكن بالفكــر

ماحسن بيومي يمــر

ياملكه يستاهل شكـــر

الربي العباد


والشامت البينه شمت

لاعنده حظ ولابخت

بجفوفي لليوم الحبل نيشانه

عطشان ابني وانه هم عطشانه

ـــــــــــــــــــــــــــــــــــــــــــ

عكبك على الدنيا العفــه

فوك الهزل ومجتفه

ياحاله يصعب شوصفه

حال السبايا


الشام اخذ كل لهفتي

بين الخرايب كعدتـي

يايمه تكتــل غربتـــــي

جنها النهاية


ياموتي كَلي شمنتظر

بعد الاهل حادي الشمر

ياوسفه مـــرعوب الخـــدر

بدرب المنايا


حالي على حاله ينكسر

العطشان بيمن ينجبر

الدنيا بالهم والحزن مليانه

عطشان ابني وانه هم عطشانه


سعد سلمان الجياشي


القصيدة5


 

يحله البجي اعليك عطشان احس بيك

جروحك اشو وجه وكفه ميت واحاجيك

********************


سمعني صوتك ياعلي حاجيني بس احجايه

شو بيضه صارت شفتك وجروح بيك اهوايه


من ياكتر تنشال ومنين اللزمك

كلك جرح تنشاف كلشي يلجمك


بعدك علي شاب مو مالت اتراب

وظلوع بيك امخسفه ومنين اداويك

******************



عالكاع طايح عالوجه اومن النزف متغير

من صدرك الظهرك كبل براحه السهم ظل يعبر


صدرك خشب متروس من كثر الاسهام

من ياوكت عالكاع متعود اتنام


خلي ايدي جواك واتمدد اوياك

جفنك عله الرمله غفه ماريد اخليك

****************************

اختك رقيه فكدتك الاكبر تكول يحبني

يوميه جان ابهل الوكت شايلني ويلاعبني

ياخذني يم الماي ويكلي اشربي

بسمه امنكله ايكول يا بعد كلبي


ودوني يمه خلوني اشمه

من عيني شو فجئه اختفه شكلك وطاريك

وياك عندي اشكد حجي بس الحجي مو وكته

هسه الشماته كيفو كالو علي فاركته


والله وكت ظهري حانيته شمات

كتلك علي امنتروح اكظيهه صفنات


كوم امشي وياي لتشمت اعداي

بعدك عله الدنيه العفه يالروحي اسميك

*********************

ذيج امك اباب الخيم بس انتبه توميلك

يذبحهه هجرك لو رحت ردلهه بويه ادخيلك

ولخيمت ابني اتكول لا مااطبهه

لو شافتك مذبوح يوكف كلبهه


بخدهه الدمع طاش وفرشتلك افراش

ادثرك تريد ابعاطفه امك تغطيك


بجبدك اخذ حصه الرمح وحافر خنكهه انفاسك

والسيف هد حيلي وشفت نصين جاسم راسك


كل هذا صاير بيك جي انته غالي

شيب علي ابفركاك حته خيالي


لو جرحك ايطيب جا ما طلع شيب

راسي اشتعل شيب وطفه خليني اراويك

******************

تمت ____ علاء الزيدي


القصيدة6

بسم الله الرحمن الرحيم


[ علي الأكبر برز


علي الأكبر برز أوّل بَني هاشِم

ولإن مِنْ الحَرُب رادت يِرد سالِم

قرت ليلى دُعاء النُدبة للقائِم

_


مِشَه وعين الحنان اعله الحَرُب تِربه

كَلب أُم وإبنها الأكبر تحبّه

تجي بحسبة وتودّيها الف حسبة

بُقَت بالمهدي تدعي وتقره بالنُدبة


تنادي يا ابو صالح إحضر وليدي

دخيل ايدك أخاف يروح مِنْ ايدي

نَعَم غايّب واشوفك حاضر وعالِم

_


شبيه المصطفى مِنْ حاوطه العسكر

رَأَت لون الحُسين بكربلة تغيّر

قَبِل ما ينولد صاحت يمهدي احضر

أريدن سالِم ترجّع الي الأكبر


يمهدي مروّتك فَرْكَا يشيّبني

أريدن سالِم ترجّع علي إبني

أريده ينتصر عالبكر بن غانِم

_


إنتصَر عالبكر بن غانِم، كِسَر فيّه

ويكَل لحسين أريدن شربة أمْيَّه

دِخَلْهَا لخيمة امّه لكلها حنّيّه

يويلي ومِنْ دخل شافاها مغميّة


بجّه وناداها يمّه المهدي حضراني

أرجعت سالِم واجيت لشوفتّج آني

وَعَت بس الدمع فوكَ الوجن ساجِم

_


رِجَع للمعركة وبوجنته المدمع

وعِلِم عند الحُسين وليده ما يرجع

تصوّب وبسيوف الباشّطة تكَطّع

وشُمَر روحه الحُسين بصفّه بالمصرع


يكَلّه يالوِلَد شو سابح بدمّك ؟!

شكَولن لو أرد بجثّتّك لامّك ؟!

يربّي تحيّرت أرحمني يا راحِم

_


رِجَع بي، شافتّه امّه وهيّه مذهولة

يابو الأكبر .. الأكبر هذا معقولة ؟!

هنانه حسين صارت دمعتّه بطوله

وبُقَت عالجثّة أمّه تبجي معلولة


ييمّه لا تظن تُبْرَد بَعَد نارك

نَعَم والمهدي باجر ياخذ بثارك

بدولته ما يظل يحكِم بَعَد ظالِم



حيدر الموسّوي


القصيدة7


 

(( للحسين شجون مع ولده الاكبر) )



ابوك ... من شافك بزيّ الحرب

ابوك ... گــلاك الحـضني اقرب


يهمسلك يگلـــك علي

وتگله ياروحي وهلي ..... ابوك

****

وتلاگن دموع العشگ دمعةْ ابوك ودمعتك

بصفنتّ ابوك شگد حچي وشگد كلام بصفنتك

مرر أديّ فوگ الوجه وبهيده مشط لحيتك

من كثر ماينضر الك عينه تركها بوجنتك


يسالب حيل اديه

تعال ادنه أليه

دخليني وأضمك

من سيوف أميه


ابوك ... تطلع الحسره بچلمته

ابوك ... چـنها الـمنيه حضرته


ياهو اليظل يبني ألي

وتگله ياروحي وهلي .... ابوك

*

ماسك بچفك مايهد ويگلك اشبگني بعد

تيتمني رايد ياعلي حاچيني رايح يالولد

عيشني بوداعك نضر وأسگيني مو گلبي نمرد

أترسني لوعات وسهر ترجعلي واعدني وعد


يصبحي الماخذك ليل

ضعت وي هدت الخيل

أضمك وين وأرتاح

دروّ بمخيمي الهيل


إبوك .... وي حسرته يزفلك دمع

ابوك .... وبصدرك إيـشـم الـضلع


عـايفني يـانعمْ الولي

وتگله ياروحي وهلي .... أبوك

****

بكل خطوه ابوك إيشاهدك من راسك الحد الجدم

در سالم إيگلك ألي مابيه يابويه انهدم

لو ماترد بويه علي أمبارك يرد بس الهدم

نضراتك تسولف هجر بالفرگه صدگني انصدم


وداعك ذبح صوتي

وأخذ مني سلوتي

أذا جابوك مشيول

گرب معناها موتي


أبوك .... ويّ الـگـلـب حيـلـه انـكـسر

أبوك .... من يمشي أيده اعله الضهر


مــاچـنه ذاك الأولـــي

وتگله ياروحي وهلي ...... ابوك

*

شما تبعد يزود الجرح والدمعه عالوجنه تمر

مرتّ مشاعل عالخيم ويَطَشرّ بخده الجمر

يحچي ويغص بچلمته رايد يگلك انتضر

هيمني بوداعك بعد عايفني إگومن وإنهطر


يبويه الفرگه مره

تعال أحضني نضره

أريد بعيني أشم بيك

يتاركني اعله جمره


أبوك .... من ودعك عمره اختفه

ابوك .... گـلـك على الـدنيا العفه


عايفني يابويه أنولي

وتگله ياروحي وهلي ..... أبوك

**

جمره ويمر بيها الهوى هيچي الگلب يلي رحت

وعيونك بروحي احتضر يالتدري بوداعك متت

من تبرز وتسمع بچي يبني وعليهَ ولتفت

أسمع نحيبي يالولد من تسمع بأسمك صحت


الهجر يابويه چتال

متني بروحتك مال

حالي وصار ماخوذ

ودمعتي تفسر الحال


أبوك .... يگلـك يالاكبر فرحتي

أبوك .... تچوي بغيابك دمعتي


عگبك الهم مـاينجلي

وتگله ياروحي وهلي .... أبوك






عبد زينب

محمد الابراهيمي


القصيدة8


 

يالاكبر يا روح الروح شيهود كلبي المجروح

تعبني السهر يمه صوبني الدهر يمه

************

يا اجمل بشر بالكون وسط عيوني راسمتك

وتسع اشهور يوليدي بين اضلوعي شايلتك

ربيت وتعبت اعليك وليام الكبر ردتك

يبعد امك يالمدلل مدري اشلون فاركتك


جنت اسهر كل ليله وياك ما اكدر احمل فركاك

اعليك اربي النضر يمه صوبني الدهر يمه

*******************

يوليدي طبع كل ام تتاني اوليدها المغرب

وما تكدر تطب للبيت اله اتشوف ابنها ايطب

تانيت اشكثر ترجع واعله اخدودي الدموع اتصب

بيدي اعصرلك عيوني جنت يوليدي من تطلب


انه امك وتشوف الحال وناتي اتكطع الدلال

مكسورة ضهر يمه صوبني الدهر يمه

*****************

عطشتك يا حلم دنياي بمايك يمته ترويني

بعدني بعازتك يبني لا تمشي وتخليني

ترس راسي ييمه الشيب وعكبك ذبلت اسنيني

اموتن تدري يوليدي اذا ما شوفك بعيني


كلي عيوني اشلون اتنام ومنك حرمتني الايام

موتني القهر يمه صوبني الدهر يمه

********************

صحت يوليدي ساكت ليش انه امك يبعد امك

روح ابلا جسد ضليت عفتني وكلبي ضل يمك

يا تعبي وسهر ليلي اريد بنحرك اشتمك

وانام اوياك طول بطول وحضن يالولد جسمك


هاي انه امك يا رجواي فك عيونك واحجي وياي

يا بعد النضر يمه صوبني الدهر يمه

************

يوليدي العذاب ايطول ويكثر نوحي من ترحل

رافكني الحزن والضيم وبغيابك بديت اذبل

حملت اللوعه والحسرات بعد جا كلي شتحمل

اركض من يمر طاريك وعنك كل وكت اسأل


يبست بخدودي الدمعات وعثرت بشفافي الجلمات

مو مالت سفر يمه صوبني الدهر يمه

*******************

شفتك سابح بدمك يبني وجسمك اموذر

كوه انكل كمت جدمي واسكت عيوني ما اكدر

عله الدنيه العفه بعدك صحت يوليدي يالاكبر

بهجرك كطعيت احشاي ونارك بالكلب تسعر


يالنايم فوك التربان اشعنده الموت اويالشبان

بكلبي ضل اثر يمه صوبني الدهر يمه

*****************

تمت

تحسين الخفاجي


القصيدة9


 

الاكبر ع



اول مره أمك*

اتطيح وماهي يمك*

يالماخذ اوياك الحيل من امشيت

..............

ها يالمكثر شيبتي..عالگاع طايح بالحر**

بعدك شباب وشيبت..شو يمه نايم بالبر**

انه الچنت يبني انلچم.. من گبل لا تتعثر**

تاليتي اشوفك عالترب.. تفاح بس اموذر**


عطشان واتصد عالخيم بعيونك***

يا جوري بس ما عرفو ايشمونك***

واگبال عيني التمو ايرفسونك***


هيچ اگبالي طايح*

بدمك يمه سابح*

يالماخذ اوياك الحيل من امشيت

...................

يا رطب مايع بالشمس.. منك چنت ما اشبع**

مفتوح جرحك والملح.. يچويك وانته مگطع**

طشوك يبني اعله الرمل.. خير الله هيچ اتوزع**

كل وردة مشتوله ابكتر.. شيلمك وشرد اجمع**


بالگوه تلگف من طحت بأنفاسك***

واعليه تنظر شفتك اتهز راسك***

عطشان چا رمحك اشماله وجاسك***


من شفتك تنازع*

بروحي گمت اجالع*

يالماخذ اوياك الحيل من امشيت

.................

طولت ليش ابنومتك.. الخيل ما ينحزرن**

يا ترف والحافر خشن.. وگامن عليك ايدچن**

بيا حيل تتلگه السحگ.. واجروحك اشگد نزفن**

مطحون دم ويالترب.. شما حست يبني ايلچمن**


أسمعهم ايضحكون من اجروحك***

يالاكبر وگوه تجر ابروحك***

عالوجه طايح والحجاره اتلوحك***


طايح وانته متعوب*

واعله الوجه مگلوب*

يالماخذ اوياك الحيل من امشيت

.................

شتحچي وترس حلگك دمه.. وياچلمه تطلع منك**

والسانك امخشّب عطش.. والخيل ما رحمنك**

اعليه شلت ايدك ردت.. تودعني بس داسنك**

لا أگدر اركضلك حضن.. والا أگدر اعوفنك**


واتشابگن عينك ييمه وعيني***

واتذكرت بيك اشحلات اسنيني***

ما حسّبت تالي الشمر يسبيني***


الطف اشگد حرمني*

ماخذ ابني مني*

يالماخذ اوياك الحيل من امشيت

..................

اسملله اعله طولك من طحت.. يالبيّه زارع لچمه**

يا أم تودعلهه ولد.. وما تگدر اهيه اتلزمه**

قداح اشوفك والسهم.. بصدرك نبت يشتمه**

الليل موعدنه ستر.. الجسمك نروح انلمه**


كل أم تدوّر وصله من اوليدهه***

واتنوح بس النوح بيش ايفيدهه***

بالشوگ تسرح والسياط اتعيدهه***


جسمك من الحگه*

يمه اشلون اشبگه*

يالماخذ اوياك الحيل من امشيت



علاء المياحي

الفاتحه لروح والدي


القصيدة10


 

رحت يوليدي يلاكبر ... بعيوني الحزن خضر

مكان شويه اشمك بيه ... ما خلولي بلمنحر

ــــــــــــــــــــــــــــــــــــــ

رحت والموت شابع موت شفته عليك يتوازه

حلمي وليدي مو مذبوح اشوفه لكبري عكازه

من شفت الجروح البيك شيب كلبي واعزازه

تمـوّت وبالكبـر تــرتــاح لأبنهه شـال الجنازه


ييمه عليك مشتاكه ... اموت وكون نتلاكه

عفته متوسدات اديه ... ضل عاريّ ومشراكه

ــــــــــــــــــــــــــــــــــــــ

شفافك يمه ذبلانات عليهن عطش متبدي

عيوني وياك متونسات ليش تروح من عندي

يمه وداعــتــك حنيت تكلــي لصــلاه كعــدي

اشمن كمت بلقمصان راح وليدي كمت احدي


اشم قمصانه ترويني ...هذا ابني ونضر عيني

امه اني ميته عليه ... جرحه هواي ياذيني

ــــــــــــــــــــــــــــــــــــــ

رحت تضحك ترد مذبوح كلبي عليك هد حيله

غطـاه وبلخيم حـــركــوه غطيته اني بلشيله

اذكره حسين من جابوك صاح بصوت يلعيله

وليدي لا يفز عطشان بهيده بهيده نبجيله


شيب راس ابوه ابساع ...من شافه وكع علكاع

ضل يبجي وضل يحديه ... راح وليدي مني وضاع

ــــــــــــــــــــــــــــــــــــــ

اشوف الموت بس لا شوف رمحك شالته الوادم

اصيح بصــوت يا هلنــاس لاكبر لا يفز نايم

كــــــل ضني تــــرد اردود وزفك انت والقاسم

ما ضنيت طــولــك ذاك يروح وما يرد سالم


افكر هسه مو عطشان ... عاري يمكن وبردان

لو جاسه الهوه يجويه ... جسمه مخضب وعريان

ــــــــــــــــــــــــــــــــــــــ

يواهس كلشي بيه يعيش متت والموت يبرالي

ييمه الموته كلهه اعزاز غالي يودع بغالي

صحت يايمه كوم وياي مجانك بلكلب خالي

حسرتي عليك من نروح راح نضل بلا والي


ييمه اليل لو جانه ... واهس ردتك ويانه

منهو عكبي اليغطيه ... ويفكهه بشبكه ذرعانه



كرار فاهم الخفاجي


القصيدة11

٠١:٣٤ ص

نادت ليلى الاكبر ياضنانه

مصابك يادليل امك حِنانه


ييمه اتلوعت مو حمل الفراگ

يجن الليل يمه وگلبي يشتاگ

بدر بالضلمه مني شلون تنباگ

وتراه البدر ياهو يسد مچانه


ييمه الهم مرار غيابك ونوب

اجاني غياب أبوك اليمرد گلوب

اصبر والصبر ياوالي چندوب

وسهم فراكم بالطف رمانه


ربيتك واتاني يخضّر رباي

ماادري تروح بعازة الماي

عساني لاشربته وبرّد احشاي

وعساه يمه بعدكم لاروانه


سكنه اتصيح وينك ياضوه العين

ورقيه ادگلي الاكبر مايرد وين

شسولف يمه آياكسرة البين

ابوك يصيح ياليلى شدهانه


ابوك يصيح ويلّي وظهره مكسور

ظل يفتر عليكم يمه ويدور

عالتربان كلهه مذبحه ابدور

بخت الموت كلكم ياربانه


ربيتك يبعد امك واتانيك

شكد ظليت سهرانه واباريك

ماي وعالتراب شلون ابديك

عسا باقي ييمه وميته آنه


وينك يمه يضهد ليل الوداع

اتاني المن اتاني وانته عالگاع

مطبر والشباب اعله الترب ضاع

ولا واحد ابد منكم لفانه


بدركم ياذخر حيدر فلا لاح

حرمكم مو حمل السياط وصياح

يم النهر عمك ساعة الطاح

مارفرف على الوادم لوانه



علي طعمه البطاط


القصيدة12

٠١:٣٤ ص

محرم 1442

---------------


هدت اعله امك زلمهه ونارهه

والمخيم دوت كل اكتارهه

**********************************

دوت واركض حايره وين التفت

بلكي يكعدلي علي ويمك رحت

حين طكاني الشمر فوكك طحت

وآل امية تريد تاخذ ثارهه

**********************************

اكعد اتلكاني ما ضل بيه روح

عذباني افراكك وكثر الجروح

اخلاف عينك يبني جا وين انه اروح

فرت السبحة العساكر فارهه

**********************************

اشلون صدرك صار عسكر للمهر

اشلون كدرولك علي ما تنكدر

انت يالخليت فوكاهه حدر

وغصت التربان من طشارهه

*********************************

نمت وارتاحيت وانه ابقبة بعذاب

اشكبر فكدي بغيبتك واصعب مصاب

موش مال اتراب غطاك التراب

كوم رد للحرب واغسل عارهه

**********************************

بتالي شيبي اعليك حسبت انتجي

والسوالف ضامتهن والحجي

راح تعمن يا عيوني من البجي

بحلم كون امك يالاكبر مارهه

**********************************

شما حسبت احساب وكتي وياه ويخون

عايشة امك بين حسبات الضنون

السافرو يا گلب ما ضنهم يجون

بلكي تلفيني وتحن لدارهه


الخادم احمد داود


القصيدة13

٠١:٣٤ ص

#تراث


اجت ليله العلي الاكبر يويلي و اوچبت عنده

تريد اتشوف اصاويبه وجرح الضـاهده تشده

ــــــــــــــــــــــــــــــــــــــ

تريد اتشوف اصاويبه واجـت ام الولد ليله

وصاحت وين زينب وين بالله وياي تچيله

وعن الشمس خل سكنه تجي ابهمه تفييله


يعماته تعالـــن جــاي

اجعدن هالولـد وياي

بالله وي علي بهداي


اجعدنه وخلني احط خدي على خده

ــــــــــــــــــــــــــــــــــــــ

عماته وخواته الكل صاحن يَم علي الاكبر

روح الولد خلصانه نجعده اشلون مانگـدر

يليله ينتبه خافن وجــروحــه عليه تسعر


گالت صدگ خلنه

نايم لا تجــعــدنه

خـافنچن تلچمنه


الشمس والعطش وجروحه عليه من ينتبه شده

ــــــــــــــــــــــــــــــــــــــ

بالله لا تجــعــدنه وبـعــد لا نايحــه اتنوحه

لما نشوف اصـاويبه او لما انجلب اجـروحه

بي ضنت رجه ويعيش يو لا كوضت روحه


بلچن بي رجه ويعيش

هده من الدهر چا ليش

وانخــاه ويــرد للجيش


الولد ما گالها الله يخلي والده وحده

ــــــــــــــــــــــــــــــــــــــ

حگها بلا فكر تحچي ام الولــد مذهــوله

وكلسا تنشد النسوان هذا ابني علي يولا

وين اهل الرحم تنده گطرة ماي جيبوله


وين البي رحم وينه

بگطرت ماي يلفينه

وليدي سـوربة عينه


وانه امه وصدن ليه عفيه ام الولد جلده

ــــــــــــــــــــــــــــــــــــــ

زينب تحچي وي ليله تگلها يَم علي بسچ

تره اصواب ابن اخوي مچيد ومسني مثل مامسچ

جــريبه الگــوم يا ليله لا لا ينسمع حسـچ


خل نجري الدمع سكته

هــذا يأم علــي الــردته

حــس ما ينسمــع حته


اخوي احسين مايقبل وبي ما يشتفي ضده

ــــــــــــــــــــــــــــــــــــــ

تگلها اشلون اتجلــد يبت المــرتضى ومــن گــال

زين وبعد بيه روح وشوف ابني اعله هذا الحال

شگولن غير هالــواحــد عندي وي الــزلــم رجال


ماني الدهر محني

كفـن يالتــلــومني

ويه الـولــد خلني


أون ولطم على وليدي الذاب من العطش چبده

ــــــــــــــــــــــــــــــــــــــ

وبعد ياعمته تدرين ماعنـدي ولد غيره

واحد ونفگد مني وضلت خاليه الديره

هـم وانه ويلومنّي والله حيرتي حيره


عساني الكربلا لا جيت

ولا بيها انبـنــالــي بيت

راح ابني علي وضليت


اصك الراح فوك الراح اكول الراح شيرده

ــــــــــــــــــــــــــــــــــــــ

زينب شافت الحاله وغدة چنهه اسعفه وبالريح

ولنها يابنات احسين يالله يا خــواتــه اتــصـيح

اريد الدمع من عدچن مثل دم بن اخوي يسيح


وهنه من الخيم هاجن

على ذاك الـولــد داجن

مثل لوجت علي لاجن


وأمه جالت وكالت ما راج الولد برده

ــــــــــــــــــــــــــــــــــــــ

شباب ابين عماته وخـواته وساعة الفرگه

وامــه فــوگهن تنــده انطـن للــولــد حگه

اريد اللطم بالهوسه واريد الصايح بحرگه


هــا يــلــلــه يعمـاته

الولد شم الهوه فاته

أيــا ورد وجــنــاتــه


يزهي چان بخدوده وهسا الخد ذبل ورده




للمرحوم الحاج

مُعين السباك


#اللهم_عجل_لوليك_الفرج


القصيدة14

٠١:٣٤ ص

نزّال للاگبر عليه السلام


كالولي .. علي برز

كالولي .. علي برز

____

شجّل اللامة .. واجدامة .. تجدح بالرمل

طب على الحومة .. وهدومة .. وازاها الثگل

يكظي الطلابة .. بگرابة .. والروس الفصل

علي طبّاهه .. بالهيمة .. شمّرها العگل


گالولي .. علي برز

گالولي .. علي برز

____

ظب خواچية .. ابچفية .. لمّاهم خرز

گبل طشرها .. وشمّرها .. وعالشگرة ارتجز

ما يهم بيها .. راعيها .. لاگاها وبرز

جدحت عيونة .. بمتونة .. والموت انحجز


گالولي .. علي برز

گالولي .. علي برز

_

هذا اكبرها .. جمّرها .. واعيونة دوَت

كوّر القادة .. والسادة .. يمّة هوّست

صاگر البيدة .. حدر ايدة .. فرسان انچفت

ايطشهم بسيفة .. وبكيفة .. لو بيها چفت


گالولي .. علي برز

گالولي .. علي برز

_

شاب ومعتبر .. ما تگدر .. كلمن لاگتة

وبنهار الله .. واسم الله .. توجع خزرتة

طگّتة اچبيرة .. بالغيرة .. تنگط گصتة

بزرة السادة .. كالعادة .. وجّر غيرتة


گالولي .. علي برز

گالولي .. علي برز

__

بيرغ رموشة .. بالحومة. .. وعيونة شهل

اليمشي من كيفة .. يم سيفة ... ظل يمشي عدل

تبرد الهوسة .. بچفوفة .. ترجع تشتعل

من يچهبونة .. بعيونة .. يكتلهم كتل


گالولي .. علي برز

گالولي .. علي برز


ثعولت نارة .. والشارة .. بالخد جمّرت

طايرة الغيرة .. والغيرة .. يمة حوّلت

تلمض الهامة… جدّامة .. عركتها حمت

شوروا بيها .. سادتها .. هذا ابن البخت


گالولي .. علي برز

گالولي .. علي برز


علي هادي الخزعلي


القصيدة15

٠١:٣٥ ص

الحسين وعلي الاكبر عليهما السلام



يبني. گوم اعله حيلك بويه

يبني. جيت اتچـــيلك بويه

يبني. للخيمه اشــيلك بويه


علي طاح. بيه المصايب وجــــــــــرت من اول اوليد

علي طاح. اجيت امن الخيـم ركض ايد اصفچ ابأيد

علي طاح. ادور عن عـــــــلي ردت حيل احضن الحيد

عاي طاح. كلما اشيلنه وگـــــــــــــع ومنين ماريد

شلون شافوني الشـــــماته

امدنگ اعله اوليدي وبچي

متت چم موته بـــطريجي

من وصلــــتك گوه احچي


شنهي من لگوه لگيتك

امسبل ويابس عطش

انفخ ابحلگك وندهك

ويدي صـارتلك نعش


اگــعد يالاكبر ولو. بس روح اوديك

لمك اسولف شني. تنطرني ارد بيك


روحك. مـــــــــــن تطلع اتأذيني

روحك. من فدوه روحي وعيني

روحك. لاتمـــــــــشي وتخليني

------------------------------

يصيحون. من غبشت الله عالذبح مستعجل حسين

يصيحون. تتوچه بيمن والــــــــولد مات امن الونين

يصيحون. حدر الفرس طـــاح ونزف وتناوشه البين

يصيحون. الحگ يبو اليـــــمه العلي يرفس بالاثنين

فرّعت يمه ومسحته

منين مالزمنه الچـمه

حيراني شلون حيره

لملميته بطرگ هدمه


والعـــساكر يمي تدبچ

بيمن اتزامــــــــط بعد

امگطعينه امن الحوافر

و واحد امصوبه ابعمد


بخاصرته نابت سهم. وبصدره طعنات

ونگطع نفسه وشهگ. ثاري الـولد مات


حيلي. اتبريد ومــــــابيه

حيلي. ضلت تخط رجليه

حيلي. ضميته بين ايديه

--------------------------------------

بالخيام. مأتم بواچـي ونايحه كل اهله يبچون

بالخيام. كضّت الباب وتنتضر سالم يرد كـــون

بالخيام. شدي يليلى معصبچ سمعي يهوسـون

بالخيام. ذبحو علي الاكبر ترا ذوله اليضحكون

اتگابلن عــــماته فوگه

فايض امــن الدم لگنه

ليش مبيوگــــه حلاته

والعطش شمخلي منه


بين اليرفسه ويسحگه

صدره طابگ عالضهر

والدللول وحلــــــــيبه

ليش صار بشــفته مر


دلال ابـــــــوك انفطر. ومـــك غريبه

يالعايف اشچم جرح. ينزف مصيبه


حزنك. لابــسته كل علويه

حزنك. شيبلي شيب البيه

حزنك. عايش على طاريه


*شاكر الصيمري*


القصيدة16

٠١:٣٧ ص

يوليدي يا تعب الربه و حلمي و دلالي

يوليدي من شفتك طحت تبدّه جمالي

وضل طولي وحده بلايه ظل عافه خيالي

يوليدي من بعدك بقه يهظمني حالي


ابجي اعله حالي لو عليك

يوليدي گلي شنهي بيك

فدوه الجمالك مدلي اديك

فدوه يغالي وكل حلالي

ولا تهظمني اكثر....يوليدي يالأكبر

__________


برسومك اتناسه هجر جدّك والاعزاز

يوليدي يا كلشي الي وبأسمك امتاز

يابو علي اسمي صبح تاليها احتاز...!

وماحسبت تالي العمر بوليدي جناز


امشي وتعثرني الضنون

وماترهم الموتك تهون

حاير بقيت اويه الظعون

اشلون اگلهم ابني فاز

بس هايه ما اگدر... يوليدي يالأكبر

___________


يوليدي عالدنيا العفه اشتسوه بدونك؟

مو تدري چانلي ضوه وبسمه عيونك

يا محله من تجبل جنت بهدلت متونك

ياحسرتي وصارت صدك وماهوه لونك


يا لوني يا ضحكة ابوك

شافوني وبحسره نعوك

گبل الحچي عرفو خذوك

وشيصبر اكليبي بدونك

وكلشي صفه يزغر...يوليدي يالاكبر

____________


يوليدي هظمتني الخيم من شلتك الها

شمس الله نزلت بالخيم واتلاشه ضلها

و يوليدي امك رادتك و مدري شگلها

ضليت اغطيك ابعباتي وعيوني اهلها


شافت دمعتي وما حجت

كالتلي هو..؟...وانتجت

ودموعي زادت من بجت

ومصيبتك يبني شيحلها

وبسرعه كمت اكبر....يوليدي يالاكبر

_______


خلصت يبويه عشرتك ودموعي خلصت

وامشي كمت خلف الخيم من بيه عظمت

واشكي هظمتي للخيم وخيامي حنت

والبالخيم سمعتني اون وال وني ونت


وعمتك يبويه لو تون

ماتغفه دمعه اعله الجفن

ونتلك ابفارغ حزن

وروحي اعله ونها ماهدت

موتك عطش بالحر ....يوليدي يالاكبر

____________


علي قيس الوريد ...


القصيدة17

٠١:٤٣ ص

ليلة مولاي علي الاكبر ع


عشگ ترف وبصفاتة ،، شايل علامة

گطن ابيض يا حلاتة ،، وبخده شامة


بالليل ،، وايميل

يلاعب ازلوفة النسيم

الحيل ،، بيه هيل

وعشگ گلبي أشگد عظيم


وطن روحي الضهر غفلة من يدي ينباگ

وضعن دمعي يسيل ابغربة ويسولف افراگ

صاحب غرامي اوليد الاكبر لعيونة اشتاگ

،،،،،،،،،،،،،،،

شبگت ابني اخر شبگه ،، بسته بجمالة

لام البنين تسهيل امر ،، فاتحه اقرالة


النظرات ،، والدمعات

شدن حيلهن بالنحيب

حيلي مات ،، والشبگات

فززن ابروحي شيب


صوت الفرگة كاسر گلبي وتعب العمر راح

گلبي ما بين ايدية احسن يتلولح وطاح

وشنهو حياته العاش ابضلمة وضيعلة مصباح

،،،،،،،،،،،،،،،،،،،،

نازل للمذبح ابهيبة ،، وملامح صافية

مو ماي الطشيتة بضهره ،، دمعاتي الدافية


الجمال ،، والدلال

راح ايثلمنة الجراح

بالخيال ،، وذهن البال

اشوف ابصدرة الرماح


صوفرن نسمات الهوه بريتي وشفت الهجر موت

طبرة اعله طبرة ابراسة ثجيلة ابكل واهس تفوت

واسمع اتكسرن اعظام المحنة وبيهن يطگ صوت

،،،،،،،،،،،،،

وجه قراني من انخطف ،، هيّج ادموعي

وگلبي من الخوفة احس ،، كسّر اضلوعي


الحنين ،، بالونين

وفصلت لجروحي شوگ

والسحين ،، امسلبين

ضنوتي وتعبي مبيوگ


شيب طير العويدي اعله وني من انا ونيت

صفگت ايدي ولزمت اصفاحي ومحنية ظليت

ثكلة وضايع مني حناني والطولة حنيت

،،،،،،،،،،،،،

شفت ملك المخيم ،، شايل اوليدة

محني الضهر ويتعثر ،، وايطيح من ايدة


الجسم ،، منثلم

قطعة قطعة اگبالي اشوف

والزلم ،، بيه تلم

وجسمة ملخنة السيوف


سابح ابدمة الولد شفتة ونص راسه مفشوگ

واثر طعنة اعله طعنة ابخناجر ابصدرة مطگوگ

ابني اگبالي امدد اشوفة ودلالي محروگ


محمد جهاد الحطاب


القصيدة18

٠١:٥١ ص

نعي ليلة التاسع من محرم

يوم الاكبر عليه السلام

*******

نار الاكبر نار الاكبر تشب وسط الكلب يا نار الاكبر

تعفر تعفر بدم نحره تره اوليدي تعفر


راح مني راح مني فاركني الحنين وراح مني

يكتلني يكتلني اصورك لو شفتهن يكتلني


وشمعة البيت وسمعة البيت يا سباح كلبي وشمعة البيت

اعليك ونيت اعليك ونيت ييمه اهواي تدري اعليك ونيت


وتترك ارباي وتترك ارباي ليش اتروح يبني وتترك ارباي

يالولد ماي يالولد ماي كلي امنين اجيبن يالولد ماي


سالم تجيني سالم تجيني ردت من رحت سالم تجيني

اشبيها عيني اشبيها عيني ترف وكت الغروب اشبيها عيني


كلبي مصيوب كلبي مصيوب الف مره ييمه كلبي مصيوب

بعيده الدروب بعيده الدروب انه اشتاكيتلك وبعيده الدروب


يالولد نام يالولد نام صحت نوم العوافي يالولد نام

من ضيم الايام من ضيم الايام تره حيل اتعبت من ضيم

الايام


ونشد اعليك ونشد اعليك انه امك يالاكبر ونشد اعليك

خليني اداويك خليني اداويك ياريع الكلب خليني اداويك


عالكاع عالكاع اصيح اسم الله كل ما طحت عالكاع

والامل ضاع والامل ضاع رحت امن ايدي يبني والامل ضاع

***********

الشاعر

تحسين الخفاجي


القصيدة19

٠١:٥١ ص

نعي بحق علي الاكبر ==((ع))



صرت لمزاحم الحسرات

ودموع الجفن عبـــــــره

خنگني وزّغر الوسعــــه

يالاكبر جرحك شكبـــره

اخاف اتحسدك الــــــوادم

چنت يالاكبر اتحـــــــــذر

گلي شلون اصبرهـــــــه

روحي وجسمك مـــــوذر

من اذكر حـــــــلات البيك

گلبي يزيدن اهمومــــــــه

اشوفنك وذر عالگـــــــاع

و وجهك غارت ارسومه

چنت استأنس بطــــــولك

وجفني ما يهز رمشــــي

ردتك يا علي بدفنــــــــي

وانت تشّيع لنعشـــــــــي

رايح يالــــــولد يبنـــــي

ومنك خابت اضنونــــي

اخذني بموتتك ويــــــاك

وگبلك غمض عيونــــي

مـــــا چني اسهـــرت بليل

وكبّرت وعمــــر لـــوليت

بلحضـه تخيب احلامــــي

وثكلـــه بغيبتك ضليــــت

يهلال السمــه الوضــاح

رسمك ســاكن اخيالـــي

شلـــي بدنيتــي بدونـــك

والله المـــوت يحلالــــي

مجروح واصبره شلون

گلبي وصورتك ينســـى

ردتك تسمع ونيــــــــني

عِشر ما ونته الخنســه

أأيس لــو ترد يبنــــــي

وترد عيوني تتسلــــــه

واصدن وجهك اگبالــي

وبنوره النظر يحلــــــه

امك يالعزيز تمـــــــوت

من يروح واحدهـــــــه

التفگد ضواهه العيــــن

بالدنيا آشيضل عدهـــه

خليني اندفن ويـــــــاك

يمه شيحمل اجروحــك

ما اريد العمر بنـــــوح

فدوه رويّحتي لروحـك

=========================


ابو ذيات على لسان ليلى ام علي الاكبر (ع)


الدهر يم الاعادي بحـــــــزن.. يبني

خلص صبري وصدك مليت.. يبني

ردت چفك عليـــّــــه گبــــــر.. يبني

وتجازي ارباي ساعات المنيه

-----------------------------------

يالاكبر رخصت دمعي.. وياريت

وقست دنياي بغيابــك.. وياريت

گبل موتك ردت موتي.. وياريت

مثل ما صار بيك يصير بيه

-----------------------------------

تركني الموت مدري شلـــون.. وياك

ترف عودك واشوف العطش.. وياك

عسانـــي مكطعه بســــــيوف.. وياك

ولا ميت يجيبونك اليه

✍️ بقلم خادم الحسين ع

الشاعر رعد الجريخي


القصيدة20

١١:٥١ ص

لمولاي الاكبر محرم١٤٤٣هــ #اساسية


ليله علي الاكبر


تلكـيته وشبـكـتـه وصـار الاضـياع

ومدري البينه ياهو الطاح عالكاع

الاكبر مدري الحسين

الطايح شـافت العين

=========================


لحـكـت اعـله آخـر نـفـس بـي چان

وشفـت امثـگـله ارمـاح اعله جسمه

من راسـي شـلـت لعـمـامـه والـطم

علـي اشـلون انـه ارده هـسه ل امه

كسرني اوليدي كسرت شيخ مهيوب

شـاف ابـعـيـنـه حـگه ايـضـيـع يـمـه

ادعي امن الله كـون ايموت الحسين

ولا عــالــخــيــمـه اردن بــيــه دمــه


ما أعـرف شسـوي بهـاذه الافراك

اروحن خطوه خطوه ارجع اشتاك

حـيره وانه اسـمع

علي مات وميرجع

=========================


ضـاكـت روحـي والـيوجـعني ضهري

لـمـن شـفـت لـسـهـام اعـله ضـهـره

يا سـهـم الاطـلـعـه ايـصـيح بـي ااخ

وكعدت ابجي بجي الثكله اعله كتره

العيـشنـي مـصـيـبه وكـضـلي كلـبي

مـدري اشـكـد رماح الخـذت صـدره

ويــا رمــح الاوخـره ايـهـد الـحـسين

ابصـدري انـه احـســن وجـع صـدره



اغمض واذني اسدهه واسمع ال ااه

وكل مـا طلـعـت تطـلع روحـي وياه

علي هوايه هضمني

التـوجـعه يـوجـعني

=========================


كعـدت ابصـفه انودن وابـچي محتار

اروحـن مـدري اضـلن كـسـرته اتعيل

يـعـز اعـلـيـه اكـول اولـيــدي الاكـبـر

خـذت طـوله الـرمـاح ابـيـنهه الـخـيـل

واحـد علـى الـثـانـي نـبجـي صـرنـه

ومـدري الـبـينـه مـنـهو الصاير ايميل

يعـازت ضـهـري لبـني هـسه بالـطـف

علـي راح وسـلـب مـن عدي هالحيل



عطشان ابن ضهري وهدلي الامتون

ششربه وحـته دمـعي جـف بالعيون

وصـرنه ابكـلب تعبان

عطشان اعله عطشان


=========================


ثكل جـدمي واحس الدنيه ضكت

اشـيله ويـوكـع امـن ايـدي الاكـبر

هـاي الـحيـره مـا صـارت قـبـل لا

ادور فــزعـه بــيـن الــغـربـه افـتـر

يهاشم صحت لحكو كضني خوفي

وبنفاسـي الـهـوه ضـل گـوه ينـجر

اعيش شلون مـيـت حيل الحسين

على الخطوات صعبه يمشي يكدر


الهاضمني وغزه شيبي على الراس

انه ابجـي واشوفن تضحك الناس

الحـزني بـهاذه طرحي

يضحكون اعله جرحي

=========================


صفينه اثنينه نبجي اعله الحسين

هـوه حسـين يـاهـو البـينه مـدري

واشمه امـنين حيره اشباقي هالبيه

علي خله اعله طولي ايصير كسري

ويـن الله النـهر واتـمـوتـله اجـروف

مـثل مـا مـوّت اليـه احـزام ضـهري

كون من عمري لعمره يرجع اوياي

ولا ممـدود اشـوف اكـبـالي عمري



راح ارجـع لـ (لـيـله) والله الامـعـين

ليله تبجي ابنهه وانه لحسين

وتكلي واكل لمه

علي الله يرحمه

===========================

رزق الاكبر

سجاد ابراهيم الكعبي




#اللهم_عجل_لوليك_الفرج


القصيدة21

١١:٥٣ ص

لمولاي الاكبر محرم١٤٤٣هــ #مقدمة


يبني ياعلي... ماترد الي... نتوادع بحركه

شلي بالعمر... ضهري ينكسر... ما احمل الفركه

..................


اسولف مقتلك يبني وبكلبي الحزن والويل

گمر من الخيم تطلع وآنه ايموت بيه الحيل

علي يبني وحك عيناك النهار بعيني يصبح ليل

عليك الحومه كلها ادير يوليدي الزلم والخيل


كلبي ينلجم حيلي ينهدم تخنكني كل شهكه

شلي بالعمر ضهري ينكسر ما احمل الفركه

..................


يبني ياعلي عيونك اخر يوم اشوفنهن

بعد هيهات اصد والكاك وعيوني تكحلهن

لامنك تضل اثياب يوليدي واشمنهن

وهاي ارسومك الحلوات سيوف العده يغيرنهن


لوني ينخطف ما إلك وصف تحيرني بالشبگه

شلي بالعمر ضهري ينكسر ما احمل الفركه

......................


اجيك المصرعك عناي وانظر دمك بعيني

احير شلون الم جسمك يالاكبر والله تاذيني

وعله حَملك يروح الروح ميعينني جفيني

اشوفك ذابل اعله الكاع ويمك تذبل اسنيني


موقفك صعب ايفطر الگلب وهذ الگلب حكه

شلي بالعمر ضهري ينكسر ما احمل الفركه

...................


حيره والله يدري شلون راح احتار من دونك

يبو ضحكت الحلوه هواي انه معلم عله عيونك

بعدني اشتم هوه وبخير ولاكن من يحيطونك

طعناتك يجن بيه يبويه شما يطعنونك


حرورت السهم شيحمل الألم ايصير النفس خنكه

شلي بالعمر ضهري ينكسر ما احمل الفركه

....................


اشوف الموت بعيوني يبويه واحتضر يمك

من اتطيح علتربان اخضب لحيتي بدمك

الله ايعيني ابفركاك والله يعين گلب امك

الجانت كل صباح ايصير من وجناتك اتشمك


دمعتي تصب وانته عالترب ذابل مثل وركه

شلي بالعمر ضهري ينكسر ما احمل الفركه

..................


للخيمه ترد مذبوح ويصير الوداع اهناك

خواتك يبني يلتمن ودمعهن ينخلط بدماك

ومك ياعلي امك بكسرة گلب من تنعاك

واني حسين ابوك بصوت اصيحن يبني الله وياك


عني لو غبت بونتي صحت مايرجع الملگه

شلي بالعمر ضهري ينكسر ما احمل الفركه



محمد هادي العقابي




#اللهم_عجل_لوليك_الفرج


القصيدة22

١١:٥٤ ص

لمولاي الاكبر محرم١٤٤٣هــ #اساسية


علي بأختك فكّرت اموذر لوطحت. شيصبره الگلب

علي بعدك يالاخو ايذبحون الابو. وانسب وانضرب

ــــــــــــــــــــ ــــــــــــــــــــ

يالطولك عليّه افيــاي واروه بوجهك امن اضمه

تدري اتشيّم بطاريك وهنيالي اختك اتسمّه

يالتشبه رســـــول الله ياضحكة ابو اليمه

يالعيني بضواك اتشوف بس اتفاركك تعمه


الي خيمه انت وسند من ترحل بعد توليني الغرب

الي ماشــــوفن حمه ويجرحني الضمه وانسب وانضرب

ــــــــــــــــــــ ــــــــــــــــــــ

عمّتنه بحمه العبـــــــــاس وآنه اختك حماي انته

عن خدري لمَن نشــــــدوك گلتــــــلهم تكفّلته

خل من وجهك اشبع شوف انسه الماي اذا شفته

ليش اول ذبيح اتريـــــــــــد من مثلك يبچّي اخته


العطش وجهك ذابحه يمحلي الضّحَه. يالفگدك صعب

العطش من ترحل يهد ويگطع الجبد. وانسب وانضرب

ــــــــــــــــــــ ــــــــــــــــــــ

لونك يالبــــــــدر مخطوف سولف يابعد لوني

لو جانك يخي عطشـــــــان خل اعصرلك اعيوني

لو تبجي اعله ابوي اوحيد حگّك وآنه فجعوني

آنـــــــــه الكم فده العدوان خليهم يذبحوني


اموت ولا شوفن ابوي محني ويبجي اخوي يالماتنغلب

اموت ولاشـوفك وذر ومكطوع النحر وانسب وانضرب

ــــــــــــــــــــ ــــــــــــــــــــ

عشت احله السنين اويــــاك رايد ياعلي انساهن

ذني بعيني مطبوعــــــــــات حتى بنومتي الگاهن

الگعده السالفه الضحكـــــات الخويه العايشه اوياهن

كل ما املك بدنيــــــــــــــــاي ليش الموت راداهن


حرام منك انحــــرم وانطگ وانهظم. وعمري اگضيه رعب

حرام اركض عالجمر. وضيم اكضي العمر وانسب وانضرب

ــــــــــــــــــــ ــــــــــــــــــــــــ

حسين الصبّراني ومــــــــات بوداعك بعد شصبر

گول اصبر اذا ذبحـــــــــــوك واتحمّل واجرعه المُر

من تهجم علينــــــــــه الخيل بالركضه وعليك انمر

من تلتلف بديّـــــــــــه احبال ويمك بيّه شمر ايجر


اصيح وانطــر فزعتك تقبل غيرتك. للديوان اطب

اصيح ماشين بسبــــي ابولية اجنبي وانسب وانضرب

ــــــــــــــــــــ ــــــــــــــــــــ


علي محسن الزيادي




#اللهم_عجل_لوليك_الفرج


القصيدة23

١٢:٤٢ م

لمولاي الاكبر محرم١٤٤٣هــ #مقدمة


اجروحك هاي مدري جروحي

روحك حيل تشبه روحي

بويه عليك يكثر نوحي علي بويه

**********************

يالاكبر بكد الهوه محتاج الك تدريني

غير انته عيني ولو رحت ما راح اشوف بعيني

يوليدي لو بيدي يصح جملتك من اسنيني

الخاطر ابوك اكعد صحت فك عينك وحاجيني

انته المات لو هذا انه

روحي اعليك اشكد عطشانه

عفت حسين غيمه احزانه علي بويه

**************

دوم اشبر بطولك جنت لمن تصير اكبالي

حسبالي تكبر يالولد اتفاركني ما حسبالي

كل غالي ما يرخص ابد يرخص تره المو غالي

والشيب من كد فركتك اشكبرك صرت كلالي

من رديت كل حيلي انهد

بس رديت كبران اشكد

ايعين حسين عكبك محد علي بويه

*****************

لمن طحت ليك اركضت وبجدمي كمت اتعثر

بعدك عله الدنيه العفه يبني صحت يالاكبر

ما تدري ابوك بغيبتك اشكد ذبل وتغير

وياك يبني اتمددت وبكلبي نارك تسعر

احنه اثنين وينه اوينه

ياهو المات بالطف بينه

وفوك الكاع عاف اسنينه علي بويه

****************

بكلي مشيت المصرعك ورديت ميت كلي

والله يعينك عالجرح كل الجروح اتكلي

فاركتك وحيلي انهدم يالجنت اشوفك ضلي

يوليدي انته دنيتي وبالدنيه عكبك شلي

طول الليل جنت اتسرني

من تروح شيصبرني

ادخيلك كوم لتحيرني علي بويه

**************

هذا انته طايح عالترب لو انه طايح مدري

بالخيل صدرك منسحك مدري يالاكبر صدري

من شفته ضهرك منكسر كضيت يمك ضهري

يوليدي وشماله السهم ماحن عليك بكثري

تدري حسين لمن شالك

كلك غاب وين اهلالك

حته الماي يبجي الحالك علي بويه

***************

صبت دمعتي اعله الوجن وشتد يبويه اونيني

وشلون اشيلك للخيم وادري امك اتانيني

اتمنيتك اتفك الجفن ويالاكبر اتحاجيني

خليني ابوسك بالنحر حد ما تفز خليني

هاي اوياك اخر كلمه

جرحك نام خاف اتلجمه

عطرك هيل من اشتمه علي بويه

***************

تمت

تحسين الخفاجي




#اللهم_عجل_لوليك_الفرج


القصيدة24

١٢:٤٢ م

لمولاي الاكبر محرم١٤٤٣هــ #اساسية


مذبوح الجمال .. طاح وحملي مال

آه يا ليلـى راح .. تعبـچ والـدلال

چا .شلّي إبحياتي

ذبحـوا أمنيــاتي

ــــــــــــــــــ

بعده بس ألم .. تخنگ الخيم

موتي راحه ليـّه

أبقى بالغرب .. وإسمي ينگلب

أم علي السبـيه


الما يفارگ محمل إمه .. مابقــت بي روح

بالعمر شتسوي ليله .. خلافه وين تروح


والموت الخـذاه .. ماخـذني واره

إبني الچنّه ماي .. يا موت الرواه

راح وحَلْ ممـاتي

ذبحـوا أمنيــاتي

ــــــــــــــــــ

طايح العَمَد .. أم بلا ولــد

شنهي يبقى بيها

توأم الورد .. بس وِذَر يِرِد

ياهو يرتضيــها


والسيوف شبيها عميه .. ما تِشوف النـور

ياهو ما يعرف محمد ؟ .. هــذا مامعـذور


وادم مــا تشــوف .. ياسين الطفـوف

ضل ينزف حنان .. من ضرب السيوف

ميته وطش رُفاتي

ذبحـوا أمنيــاتي

ــــــــــــــــــ

بوجهه چم نبي .. والذِبَح علي

نيته يذبح أمّـه

وشّـل الهوه .. وذبحـوا الضوه

بعيني كلشي ظلمه


طبّـــروا ســـورة تبارك .. والنبأ والتيـن

ابني مصحف عمره بالطف ماوصل عشرين


سورة أنبياء .. غسّــلها الدماء

ثلثين الكتاب .. طاح ابكربلاء

مـا يحضر وفاتي

ذبحـوا أمنيــاتي

ــــــــــــــــــ

گلبي صَبْ دمه .. وطاحت السمه

حملي مِن يشيله ؟

ابني من رحل .. مادره الأجل

ياخذ أمــه ليله


ابني الاكبر طوله ينشـم .. يمه يوسف ضاع

إبني نعمه وزحمه بالطف .. ينشمر عالگاع


ابني الغالي راح .. جثّه وعطره فاح

يحسين أرد اموت .. ويّــاه واسـتراح

چفنوني إبعباتي

ذبحـوا أمنيــاتي

ــــــــــــــــــ


مهدي التقي




#اللهم_عجل_لوليك_الفرج


القصيدة25

١٢:٤٣ م

لمولاي الاكبر محرم١٤٤٣هــ #مقدمة


بآية الطف / چنة مصحف/ سيفك اتحوّل

الحومة گلها / طالع الها / الهاشمي الاول

علي علي علي علي

~~~~~~~~~~~~~

يأول هاشمي امحظر .. بدگة صدرك امبخر

انريد العلگمي منهم تنظفه

اليگطفك بالورد بسهام اگطفه


سيفك لامع نشوفك .. عصة موسى بچفوفك

هزهز سيفك واگطع نسلهم

بكيفك ظلت اتشدهم تحلهم


دوهنتهم / صفنتهم / شدة احزامك

فرقه صاحت/ روحي راحت/ وخّر الثامك

علي علي علي علي

~~~~~~~~~~~

مألوف الوجه رسمه .. گصة راسك امغيّمة

خبره و من بطل تضوي بشمرتك

حدر ايد الگمر دارس خبرتك


رشمت مهرك امكفية .. تخنگ كل هوه الدنية

سيفك يكتل وتخنگ رشمتك

حبو بالرعب حافر مهرتك


ذللتها / ركعتها / قادة القادة

صاحوا ابذل/ والله تكتل/ طگة السادة

علي علي علي علي

~~~~~~~~~~~~~~

امن الله امكحلة اعيونك .. لون اجدادك ابلونك

محمد يسرتك واليمنه حيدر

ادري انت نبي لو انت الاكبر


اعيونك زرگة فد مرة .. عله لون السمة امكسرة

يمناوش ضواك اوجوه الغيوم

بخدودك لمع سد سوگ النجوم


صاحت امك /وين اضمك/ منگطع نِفْسي

ارسومة خضره / بيهن اقره/آية الكرسي

علي علي علي علي

~~~~~~~~~

الله يحبك ابطبعك .. اشتاگالك واجه ايرفعك

الله ايريد يوم اعليك يرهم

ورهملك عدل تاسع محرم


يعرفونك وره الثامك .. يل بس الوغه اولامك

سبحة امسوي بيهن صوغة الروس

ارموشك هنه ذن لو هذا طاووس


ابدگ صدرها/ وطگ صبرها/ الزلم تتسمة

مو سوالف/ بالمواقف/ تندل الزلمة

علي علي علي علي

~~~~~~~~~~

طولك الله اليديمة .. آيه بسورة الخيمة

روحية حلاتك بيها مغزه

امن اباوع عالگمر چف ايدي اهزه


حته المستحيل انته .. سويته وعدل جبته

إشراقة ضوه سيفك توضح

يأول محرب اعله اگرابه يذبح


انت واحد/ جندي قائد/ رتبة اعلومك

الحومة ملكك/ هلهلتلك/ والله وانعومك

علي علي علي علي

~~~~~~~~~~~

كلها امهبّطة الهامة .. .. تعمي لصفة اللامة

صفره اللامه تشبه وجه الييخاف

اولاية امن الخضار امخضرة الجتاف


يمذّهب ذهب عازة .. خوذة راسك المازة

طبراتك عدل كلها اعله كيفك

ابن فقار حيدر هذا سيفك


هذا ورثك / عاليغثك / سيفك اموسّم

بسرعه تنحب/ چم مؤدب/ منك اتعلم

علي علي علي علي

~~~~~~~~~~

علي هادي الخزعلي




#اللهم_عجل_لوليك_الفرج


القصيدة26

١٢:٥٦ م

لمولاي الاكبر محرم١٤٤٣هــ #مقدمة


يبني ياعلي يبني ... جيتك والضهر محني

جيتك كوة ممشاي ضلمة بعيني دنياي

ــــــــــــــــــــــــــــــــــــــ

يادرة كلب عــودك جدمي المصرعك شدني

يادمــــــع اليـــكفــــيلك يـــبني لـــوغبــت عني

جيتك واركـــض بهمي وهــذا آخــر طلب مني

خل ايدك على امتوني فـــدوة العـــينك اشـبكني


لآخر شبكة بحضاني انفتحت بوية ذرعاني

خل اشتمك اهواي ضلمة بعيني دنياي

ــــــــــــــــــــــــــــــــــــــ

تصلي الطولك اعيوني وعــمري يسبح العمرك

ما اكدر علـى افراكــك راح استاحش العطرك

امسـح خــدي بخدودك ولصدري اضم صدرك

واحط انفاســي بنفاسك وراح اتــــمـــدد بكترك


يل تارك اثر بية دير اعيونك اعلية

العينك تبجي عينايضلمة بعيني دنياي

ــــــــــــــــــــــــــــــــــــــ

يل شايـــل جمــــال الله شـــوصف وجهك الازهر

شامة بخــــد ابـــوفاضل جمــــالك ياعــــلي الاكبر

بكد حسنك صبح جرحي وجرحي اعليك ضل يكبر

سلامي الكل حسن وجهك الصــاير بالـــدمة احــمر


وسلامي الكل ضوة بدرك ولكل احجاية من ثغرك

وصوتي يردد بهايضلمة بعيني دنياي

ــــــــــــــــــــــــــــــــــــــ

يالمــــالك شبه ثــــاني ســـكوتك هيج اهاتي

ساكـــت ليش يالــغالي ونضـــراتك لنـضراتي

احسنك تـــريد اتكـــول سلــملي اعــلة عماتي

وسلملي اعلة ابوفاضل ورقيــــة كـــل اخياتي


اقرة بعينك ورسمك تريد اتسلم اعلة امك

ارحم حالي يضناي ضلمة بعيني دنياي

ــــــــــــــــــــــــــــــــــــــ

كلـــفة اعـــلــة الابــو والله اوليدة يمــوت نص حضنة

يتــمحـــرك دلـــيلـــــة بنـار اذا جــفة ايغمـــض جفنة

وفاضـــت روحــك بحضني وكلـــبي اتفايض بحزنة

وشهكت اعليك شهكتموت ترســــت كربـــــلة ونة


ما اتحمل المنضر تموت اكبالي يالاكبر

يا هو اليبقة وياي ضلمة بعيني دنياي



مرتضى عبد الامير السماوي




#اللهم_عجل_لوليك_الفرج


القصيدة27

١٢:٥٨ م

لمولاي الاكبر محرم١٤٤٣هــ #مقدمة


قصائد محرم

لسان حال ام علي الاكبر ع


حلمي جان بعيني يكبر

حلمي اشوف ابنك يالاكبر

بس شفت جسمك توذر… ياحبيبي

ــــــــــــ… ــــــــــــ

ه‌َـَْـُذآ حلمي الما تحقق ما شفت بزرة ضناي

كتلي عطشان وكلتلك اشرب من عيوني ماي

لْـۆ متت جــان بخيالي اخــذ اوليدك معاي

يبني وي راسك مشيت وجسمك موذر وراي


أبني راح ومات حلمي

ردت موتي وانتة يمي

رسمك بعيني تطشر… ياحبيبي

ــــــــــــ… ــــــــــــ

لٱ أبن عندك واشمة خاطر يذكرني بيك

الطف خذاك وما بقالي حيل اليوصلني ليك

لٱ اني أگدر انسة طولك لٱ اني أندل حتى أجيك

روحي لْـۆ تنباع أبيعن وأجي الموتك واشتريك


م‌ـــِْن حياتي ما بقالي

لٱ أبن لٱ طاري غالي

حگي باقي ايامي أسهر… ياحبيبي

ــــــــــــ…. ــــــــــــ

ليلي يگظي بلا حبايب باقي بس الذكريات

حلمي اشوف ابنك يغالي ماردت شي بالحياة

صوتة يند۵ جدة جدة للأسف بس حلمي مات

أبني مات وهوة ضامي عطشاه نهر الفرات


ضامي مات أكبال عيني

سافر وضل بس ونيني

كلشي كام بعيني يزغر… ياحبيبي

ــــــــــــ… ــــــــــــ

بالسبي وراسك أشبگة ويكبر بروحي الحنين

أشبگ برمحك ييمة والرمح ماعندة أدين

كلشي صا ومانسيتك والدمع ماخلة عين

مرة اصيحن أه يالأكبر مرة اصيحن ياحسين


راح أبوك وانتة رايح

كلبي ضل بس للنوايح

دمعي صاير لونة أحمر… ياحبيبي

ــــــــــــ… ــــــــــــ

م‌ـــِْن بعد غربة يسرنة للوطن ردينة تالي

غـِْاليّے جان حسين عدنة هسة اجينة بلاية غالي

بس بقاية امن الضعينة والضعن يايمة خالي

رحت وية ضعون اهلنة تالي اجيت انة وخيالي


أكبالي وام عبدالله تنعة

ذبحو ابني شلون ارضعة

ويلي يبني شلون منظر… ياحبيبي

ــــــــــــ… ــــــــــــ

يبني وامنيتي الأخيرة كون اموتن فوڰ لحدك

خدي مو فوڰ الترايب خدي اوسدنة اعلة خدك

لٱ حظيت بولدي تالي ولا شفت ياييمة ولدك

لٱ أبوك الظل ولاانتة شنهو طعم العيشة بعدك


لْـۆ يــرد الحــيل بــية

الــة ارد للــغاضــرية

يمك اسكن وأبني مهجر… ياحبيبي

ــــــــــــ… ــــــــــــ

تمت

الْحٍمَدٍ للـّہ

كلمات الخادم… #حسين حمدان الدلفي




#اللهم_عجل_لوليك_الفرج


القصيدة28

٠١:٠٢ م

لمولاي الاكبر محرم١٤٤٣هــ #اساسية


مولاي الاكبر ع عندما رجع الى الامام الحسين ع يطلب الماء يقول


نساني برسومه العطش من سولف وياي

جنه نهر ذاك الوجه يسوه الف ماي

ماينشبع منه

مافاركه اتمنه

__________

استحي من اشفافك كمت من كثر ما ماذبلانه

برسوم وجهك تنروي كل ناسنه العطشانه

شيخ العشيره ابكربله تارس الطف امجانه

ساعه جبل بالمعركه وساعه دفو النسوانه


ترست الحومه ريحتك من كل الاطراف

رسمك نبي وطولك علي بيا كتر تنشاف

ام الحسن جنه

مافركه اتمنه

___________

لا همته كثرت عدد بس عطش غير لونك

يحسين يا ملح البخت مو حلو كلش ابدونك

من عمت عيني ولا شفت صبت دمعها اعيونك

ماطايح وشفت الضهر قوس انرسم بمتونك


اسمع حجي كلبك كمت ماداعي تحجي

يابويه اول مره الك جدامي تبجي

يستاهل الونه

ما فاركه اتمنه

____________

كلي علي طب للخيم يأخرني احس يتعمد

خلاني بس درت الوجه بطوله اعله مهر تمدد

بنبرت الفاكد من حجي ماشفت حب بهل حد

بكل خطوه يتغر شكل ذاك الجبل شفته نهد


فاتح اعيونه والحضن واللحيه نكعت

مودع بالله يا علي بالكوه طلعت

يگربني وادنه

مافاركه اتمنه

___________

نسوانه من الخيم طلعها صوت ونينه

حتاريت اباوع للخيم لوشوف دمعت عينه

يكسر الخاطر والكلب يضم دمعه عن سكينه

جلمت على الدنيا العفه يرددها بيني وبينه


كبل الحرب عندي جرح من شفت حاله

مابيه من شفته بعد مدمعه ساله

للحسره يتعنه

ما فاركه اتمنه

____________

يباوعلي ويده اعله المهر ومبينه رجفت ايده

ضاك الهوه اعله من رحت شهگاته من اوريده

مايحس واحد بالجرح بس المودع اوليده

امشي واباوعله كمت والخطوه جنها بعيده


تيهت صوب المعركه وعليه اباوع

لابيه اردله ولا اضل كل فكري ضايع

لمن رحت عنه

مافاركه اتمنه

_____________

ندارو عليه ومن طحت احتضر شفته كبالي

يكلي علي كبال العده بويه نمرد دلالي

واشمتت بيه الخلك لمن طحت يالغالي

بيك ارد اردن للخيم ياعلي اتشتت بالي


والعثره جدام خلك يولدي ذله

من شفت دمك تيهت دربي اندله

من خيبت ضنه

مافركه اتمنه



بسام قابل الياسري




#اللهم_عجل_لوليك_الفرج


القصيدة29

٠١:٠٢ م

لمولاي الاكبر محرم١٤٤٣هــ #اساسية


شو چنهه عشره وخلصت

ودعتك وحيــــــــــلي أنهد

يلعذبتني بروحتك

يا نار بعدك تبرد

الله وياك يمه الولد الله وياك

**************************


تعبان وهدوم الحرب فوگ العطش أذنه

يشبه محمد بالشكل واخلاقه كلهـن مـنه

شميته حد گطع النفس والموت منه ادنه

معقوله جنه وتنذبح يا وجه لون الجنــه


خيمتنه هم ناحت علينه

بالله كريم تفارگـــــــينه


وعيوني تتبع خطــــــوته

ودموعي تجري اعله الخد

يلعذبتني بروحتك

يا نار بعدك تبرد

الله وياك يمه الولد الله وياك


،،،،،،،،،،،،،،،،،،،،



يا يمه رايح للحرب چا ظلتي ألمن گلي ؟

خليلي عطرك يلولد بس دمعه لا لتخلي

دون الولد ظلمه العمر يا گلبي لا يا كلي

يا دنيا تسوى بلا علي بالعمر بعدك شلي


مذبوحه من شفتك عفــتني

للموت رايح ودعتـــــــــني


ظليت انوح بخيمتي

ودموعي لا ما تنعد

يلعذبتني بروحتك

يا نار بعدك تبرد

الله وياك يمه الولد الله وياك


*********************


ما ينحمل فگد الضنى يـــــــــم الولد ودوني

يلماشي وبروحك عطش نشفت گلبي ولوني

ها يا بعد شيب التعب والسهر حتى عيـــوني

رد بيه لمناغى الجهل من نمت فوگ متوني


يا بعد روحي شهلمصيبه

طولك بعد ياهو اليجيبه


من هسه احضرلك نعي

الما گاله فاگد لاحد

يلعذبتني بروحتك

يا نار بعدك تبرد

الله وياك يمه الولد الله وياك


******************


رديت للخيمه وأون چــــا وين رايح يمه

آنه البقيت بلا نفس ها يالــهوى الأشتمه

يا ربي من هاي الحرب بس كون اليه تسلمه

هم يرجع ونلتم سوى وظليت اصيح بأسمه


يا بعد روح امه وهـــــــــواهه

عيني الدمع لاجلك عمــــــاهه


ما اريد اعيش ابفرگتك

يلتوه غصنـــــــك وّرٌد

يلعذبتني بروحتك

يا نار بعدك تبرد

الله وياك يمه الولد الله وياك


***********************


وجه الحسين من الخيم متغـــــير وشاهدته

حاچيته بدموعي وگلت بشرني ابنك شفــــته ؟

يا بو علي شنهي الخبر بس لا علي ضيعته

خافنه ما يرجع الي والمــــوت حاضر وكته


وجهك اشوفن بيــــــــه علامه

ما يرجع ابنچ بالســـــــــــلامه


خليت اديه اعله الگلب

بس گلبي لا مـــــا هوُد

يلعذبتني بروحتك

يا نار بعدك تبرد

الله وياك يمه الولد الله وياك


رعد الفريـــــــــــــــجي

1443 محرم الحـــرام




#اللهم_عجل_لوليك_الفرج


القصيدة30

٠٢:٥٢ م

لمولاي الاكبر محرم١٤٤٣هــ #اساسية


واكـفه تـــباوع عليه -- أباب خــيمتها

ياعلي تكــلي أريدك -- أمي نضرتها

دمع سال -- ع الرمال -- أباب خيمتها

ــــــــــــــــــــــــــــــــــــــ

دللولي وسهرها - وتعب ذاك عمرها - والمــناشغ وجلــمة يمه يمه

والعيون ودمعها - حنان أمي وطبعها - والمعاتب سمعـته جلمه جلمه


قريت عـيون أمي طاحت بشده

الولد البـعازه أمه ياصبر عـده

يحس بروحه تـذبل ذبلة الورده


رحت أركض بستها -- ثنين رجليها

أمي شبكتـني شبكه -- حيل بـيديها

والخيال -- ع الرمال -- أباب خيمتها

ــــــــــــــــــــــــــــــــــــــ

ترس أذني بجيها - أدي نامت بديــــها - أصحيها ويرد يطــــبك جفنها

يالحبــيبه ييمه - اليموت الله يرحمه - أصبرها وضل أبجي أعله ونها


يكشخة خــــيمتي تكلي سبي باجر

الحبل يوجع جفوفي وأنته ماحاضر

أروح بناكه وأنته تــروح بالحافر



ياعلـــــــي تكلي جبيره -- زلم يسبوني

والله مو سهله بحبلهم -- جر يـجروني

تره أثــكال -- ع الرمال -- أباب خيمتها

ــــــــــــــــــــــــــــــــــــــ

تعال أعدل وكفتك -- أحسن توني شفتك -- حلو طولك يالعيونك سبتني

الدرع خليني أرتبه -- رمح خافن يضربه --يصد الرمح عــــنك شيبتني


السهم من ينرمي ياعي يسد عينه

شيدري الياصدر وألمــــن مودينه

بس يـــفجع كلـــــب أمك معلمينه


شلون بضلوعك حبيبي -- من يهشمها

وحدك أبيــــــن العساكر -- محد يلـــمها

حمل مال -- ع الرمال -- أباب خيمتها

ــــــــــــــــــــــــــــــــــــــ

من توكـــع أكلك - شيل أيدك الأهلك - أعرفنك طحت كاعــــد تنازع

الوالد من يجيلك - وبمتـــنه يشيلك - نفس مابيك وأمك بس تـباوع


أدور عـــــن مجان الأمك تبوسه

بجسمك ماكو وصله ماهي مديوسه

أذا مو سهم بيها بفرس مرفوسه


شويه من دمــك ألكه -- باقيه الشيبي

صحت بجروحي أحذري -- بالــج أطيبي

بعد طال - ع الرمال -- أباب خيمتها

ــــــــــــــــــــــــــــــــــــــ

أجن كل العلاوي - لطم يبني ونعاوي - لعد راسك كعــــــــدنه شم نشمك

تكابلنه وبـجينه - نصيح أكعد ولينه - وزينب صاحت أكعد فدوه الأسمك


صحت ياعلي أفرشني الخدك وساده

ماتسمع أمن أمك صوت المـــناده

شجاله الموت مـــــنك ياخذ مراده


عالـــرمح راسك مشيته -- ومشيي عالناكه

والحبل ما يرضه أشمه -- وأنه مشـــــتاكه

ضعن شال -- ع الرمال -- أباب خيمتها


الخادم عبد الجليل المالكي




#اللهم_عجل_لوليك_الفرج


القصيدة21

٠٢:٥٣ م

لمولاي الاكبر محرم١٤٤٣هــ #تجيبله


مشيت وگلبي خايف لايحسدونك

تالي امگطع اعله امك يردونك

ــــــــــــــــــــ ــــــــــــــــــــ

يتعب ارباي هيج اتجازي تعب ارباي

سمعتك تطلب امن حسين شربة ماي

بجيت وگمت اجمعلك دمع عيناي

خفت لابالنبال الگوم يسگونك

ــــــــــــــــــــ ــــــــــــــــــــ

يالمدللني جانت دمعتي اتهضمك

لون بيدي يصح بعيوني جا اضمك

عفت بمك جرح من وادعيت امك

مثل وجه النبي جانو يوصفونك

ــــــــــــــــــــ ــــــــــــــــــــ

يبو طول الحلو جاوينه طولك ذاك

وأنه بالخيمه كل طبره انطبر وياك

المهر رداك لعداك اشيعرف اعداك

گطعت الهوه اعليهم مايرحمونك

ــــــــــــــــــــ ــــــــــــــــــــ

جنت بعيون ابوك اخبارك اعرفها

اذا مستبشر ادموعي يوگفها

واذا وجهه انخطف الواني يخطفها

واصيح اوليدي بالك لايغدرونك

ــــــــــــــــــــ ــــــــــــــــــــ

لحد ما وصل صوتك وانگطع گلبي

ابوك يصيح وينك تيهت دربي

صحت ياعيني مو مدمع دمه صبي

اليشيلونك اگلهم لايلجمونك

ــــــــــــــــــــ ــــــــــــــــــــ

جرح جرحين حسبالي واداويهن

گلت امه امن اشم اجروحه اشافيهن

شفت اوصالك وظليت الم بيهن

وانشدك ليش شمسوي ويگطعونك

ــــــــــــــــــــ ــــــــــــــــــــ

علي محسن الزيادي




#اللهم_عجل_لوليك_الفرج


القصيدة32

٠٢:٥٤ م

لمولاي الاكبر محرم١٤٤٣هــ #نزال


حرك ايمينه الشهم..حياه..حياه

غطت ارگبها الزلم..حياه..حياه

استأذن وگل للگمر

ارخصني اوصل للنهر

وغطت ارگبها الزلم..حياه...حياه

.......................

سيفه ذواق الرگب..كلش فطن.. يهوى الخشن*

يفرح ابطاري الحرب..يطوي اللسن.. طوي الردن*

برهدنه اعليهم نزل..كلش رزن.. يوزن وزن*

شمر طرف اعمامته..فوك المتن.. رمشة جفن*


صوتً نادى فوق العسكر.. نصراه.. فوزاه.. رباه..ولداه..**

انا اعطيناك الاكبر.. اسرار.. مغوار..كرار..بتار**


تحزم وكض رايته.حياه..حياه

هيبة الله هيبته..حياه..حياه

كاسر اعيون الخطر

ارخصني اوصل للنهر

وغطت ارگبها الزلم..حياه..حياه

..........................

گهوه دگ روس الزلم..حط دلته.. بنص جمرته*

اصطكت وكض النفس..طگ رايته.. بچف يمنته*

هزهه فنيان الدمه..وما كفته.. وما شبعته*

صهلت ودگت رجل..من شافته.. هنا مهرته*


وقضى ربك كلٌ يركع..في نزال.. لجلال.. لجمال..لخيال**

صوت عليٌ في الطفْ يسمع.. هدير.. زئير..مصير.. کبیر**


کلهه صعدت عالنخل..حياه.. حياه

یحوي بیهم هوه ضل..حياه.. حياه

هاشمي بثوبه الخظر

ارخصني اوصل للنهر

غطت ارگبها الزلم..حياه..حياه

....................


اختنگو ابطف نينوى..خم النفس.. زلمه الهمس*

خيّط السان الحچي..الطف انخرس.. خوفه انعكس*

غطهم ابعينه وخزر..كلمن عطس.. راسه انتكس*

يعاين ابگلب البشر..خوف انترس.. رمح انغرس*


انا انزلناه موتآ..وعذاب.. وعقاب.. لرقاب..لهّاب**

ان الساعةَ تأتي حتمآ..واكيد.. لعبيد.. وعنيد.. وبعید**


كبّر الحيله العرش..حياه..حياه

بيهم ايبدي ويطش..حياه..حياه

اليغفل اشويه انشطر

ارخصني اوصل للنهر

غطت ارگبها الزلم..حياه..حياه

........................

سمحلي گله يالگمر..ذاك النهر.. جرفه انعصر*

هيه بس شمرة عصا..وحسبه انشمر.. روجه انكسر*

عمي يالسبعين الف..لبدو بحفر.. سمعو الخبر*

الوي شوارب اليجي..واكسر ظهر.. يمي العبر*


فليعلم كُلَ محتالٍ..وحسود.. موجود.. انا طود.. ووجود**

يكفيكم خنصرَ لشمالٍ..لحسين.. كلجين.. دمُ عين.. وجبین**


سمعو عنكم ما اكف..حياه..حياه

كل صبع اخذ بألف..حياه..حياه

بكل رجل عندي اثر

ارخصني اوصل للنهر

غطت ارگابها الزلم..حياه..حياه

.......................

وصته ليله وگعد..بيهم يلم..يثلم ثلم*

وكّر وجر صارمه..وصار الردم.. زلم بزلم*

اهتزت الحيله الفرس..چن تفتهم.. ماكو سلم*

عجت اتراب وصعد..مثل النسم.. يحوي النجم*


وتجلى في الكون شهاب..وهاج.. كسراج.. معراج.. افواج**

وتنّزل للعطش شراب..بمذاق.. لفراق.. وعناق.. رقراق**


ماتو وأهوه عدل..حياه..حياه

للعشگ بيه نستدل..حياه..حياه

بوجناته انشق القمر

ارخصني اوصل للنهر

غطت ارگبها الزلم..حياه..حياه




علاء المياحي

الفاتحه لروح والدي




#اللهم_عجل_لوليك_الفرج


القصيدة33

٠٢:٥٤ م

لمولاي الاكبر محرم١٤٤٣هــ #نزال


شافو علي شد الحيل والخيل عثرت بالخيل

وخله الزلم محتاره

انخبص كل العسكر من طب عليها الاكبر

****************

طبها علي بغيرة علي وشايل الموت بجفه

روعهم وخله الزلم من عنده بيهم رجفه

دار الحرب ديرت رحه وعالموت كلهم صفه

يخطف عليهم كالرعد هيج الجنود اتوصفه


شافوه اجاهم عناي والزلم ركضت حفاي

واحد يلوذ بواحد

لون الوجوه اتغير من طب عليها الاكبر

*************

يرعد اجاها بصارمه وخله الزلم مختبصه

بعده علي بأول شخص والجيش يرجف نصه

العباس باوع وابتسم كله بقتلك حصه

فرصتهم الشرده وملك الحظه بهاي الفرصه


من جاب طاري العباس خله الزلم راس براس

ويتباها كام بعمه

ضيع عليها المعبر من طب عليها الاكبر

**************

عالميمنه من طب علي البل ميسره ضم راسه

امدافع الهم من وصل بمهره البرز ليه داسه

اوجوهم صارت صفر وحابس الكل انفاسه

عالموت كلهم بالسره كله وكفو عباسه


من عندي وين اتروحون كلكم اليوم اتموتون

وماكو مفر من عندي

راوه العده موت احمر من طب عليها الاكبر

*******************

عالكثره متعلم علي بقلت عدد ما يقبل

وما يقنع بسبعين الف بكدهم يريد اتخيل

اختلفو منو اليبرز اله كلمن يكول انته اول

امبين زعل روحو ركض يخسف الطف من يزعل


عليه الزعل لايك حيل وبسيفه راواهم ويل

تعب علي الخياله

وشكثر تاهت بالبر من طب عليها الاكبر

****************

عطشان الاكبر للحرب وحالف الجيش ايركضه

ويهجم علي بفارغ صبر منتظر هاي اللحظه

ايموت لو يبقى عدل اليبرز له هو وحظه

وما اضنه الاكبر بالحرب براس ابن غانم يرضه


اجثثهم ترس بيها الكاع ودرب المفر بيهم ضاع

انجوم الظهر راواهم

ضنو اجاهم حيدر من طب عليها الاكبر

**************

من صال خلاهم علي الخياله عالخياله

عالصف الاول من هجم الثاني طاح شماله

معناها وصلت للعظم ومتأخره حيل الحاله

هذا علي او وارث علي يتورط اليدناله


جدامه ركضو من صال وعالموت كلهم بالحال

الموت صار بكيفه

الزلم كامت تعثر من طب عليها الاكبر

***************

تمت

ميثم العمري




#اللهم_عجل_لوليك_الفرج


القصيدة34

٠٢:٥٥ م

لمولاي الاكبر محرم١٤٤٣هــ #نزال


طشر اخيول وزلم

علي الأكبر والنعم

ميت اليسمع بأسم

علي الأكبر

................

صال بيها وصاح بيها وجر سواد الحومة جر

قبل لا تحجي يمينه بكربله الجيش انكسر

من خزر خله زلمها شارب بشارب عثر

البالمواجه راس گوم شبيه بالخزرة انكسر

ابن حيدر يا هله

ذل شوارب كربله

الغيرة بيه مأصلة

.............

خاضها وخله زلمها كالهمل مستنفرة

يبست احلوگ الفوارس فرت من القسوره

علي الأكبر بالنزال علي اسمه وحيدره

جيوش من جرد حسامه أتقدمت بس ليوره

سيفه بالحومة ارتجز

توله روس القادة حز

گطع شاهود الخرز

علي الأكبر

.............

اليوم عدو العاديات ودحو بيبان الحرب

اليوم حيدر علي الأكبر وأمه مفجوعة اليطب

يمنة الجيش بيسارة انصدمت وگض الگلب

انحشرت اليوم الوحوش وساگها بسيف الرعب

طر گلب عسكرها طر

على جم شارب عبر

سوه گلب الحومة بر

علي الأكبر

.....

مرج الجيش بحسامه والتقن طول بعرض

برجله من طگ حومة الطف نزلت لسابع أرض

وين ما انطوا وجههم روسهم ما تنحفظ

ركضوا ومن صاح بيهم بطلوا حتى الركض

تبريدت يمه وهوت

البعساكرها اجت

فرت بنصها ثبت

علي الأكبر



كرار المحمداوي




#اللهم_عجل_لوليك_الفرج


القصيدة35

٠٢:٥٦ م

لمولاي الاكبر محرم١٤٤٣هــ #نزال


يشبه جده الهادي الأكبر.


.......... ١


من خلصوا أنصار العتره.

أول واحد ضحه بعمره.

راد الماي وماصح گطره.


گلبه الظامي أصبح يتفطر.

يشبه جده الهادي الأكبر.


..............................٢


حسين يودعه ويشتم نحره.

ضل أيشم بي عطر الزهره.

من ايودعه ابأخر نظره.


روحه يودعهه ويتصبر.

يشبه جده الهادي الأكبر.


...................................٣


صال الأكبر واشتد حيله.

وليله أمه الضلت تدعيله.

وزينب ضل مدمعهه أتسيله.



وليله التدعيله وتتنطر.

يشبه جده الهادي الأكبر.


..................................٤


مثل الكرار أومن يحمل.

اشچم فارس چم قائد يكتل.

يكتب والتاريخ أيسجل.


يوصل يمه محد يگدر.

يشبه جده الهادي الأكبر

................................٥


أبن المايخضع للذله.

برگبهم سيف الحق سله.

ضل رافع راسه وضل يعله.


هذا الفارس يشبه.حيدر.

يشبه جده الهادي الأكبر



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،..


حيدر موسى الرميثي




#اللهم_عجل_لوليك_الفرج


القصيدة36


٠٣:٠٠ م

لمولاي الاكبر محرم١٤٤٣هــ #شور


بين مولاتي ليلى وعلي الاكبر صلوات الله عليهم


………


لازمته گلبي بروحتك حدما اترد

قلل طلعتك يمه وادم تحسد

ياشذر ومنگش حلاتك الحسين

حگه الگمر من شافك يرد يلبد


يااترف انسان بوجودي ودنياي

من بعد ابوك الحچي كله بلا راي

صح انه احبك بس ابوك ابمرتين

ذاك الهوه والعين والشوگ وماي



يمه اخافن لايصيبك شي واچمل نوحي

ماعايز احسين التعب ولا اولام فگدك روحي

يربات گلبي والعمر الينتضر لحضه يموت

يمشافي بيه اچم جرح تقبل تزيد اجروحي


علي يمه …. علي يمه


…………………………………


شاهگتك بكد النفس من اتغيب

يالماسمعت عليك ذاك الثغيب

وعيونك الحلوات ماحمل شوگ

ومامش جرح بفراگك يرد يطيب



بالدنيه كلشي يصير وحشه ومتعوب

من تغيب لحضه وانه اضل لچم دوب

يلچمني گلبي حيل اخاف من الناس

مابيهم اليعرف غلات المهيوب


يرويحت امك ياهلي متلوگ بيك الفرگه

مافاكه اذراعي ابد بس الك تحله الشبگه

جا غير سبحاح الگلب انت وغلاتك كلفه

خافن نويت اعله السفر تكتلني يمه الحرگه


علي يمه …. علي يمه


……………………………….


توك مشيت وگمت اعصر بيدي

واسم الله خافن ماترد يوليدي

محسوده بيك انه يبعد عيوني

وعنك سالت حسين گال عضيدي



اشگد يحبك يمه ابوك وتدريه

ويشتاگلك وبصفه انته تحاجيه

ايحبك اكثر منه واتريد اتروح

ترضاها يالاكبر ابوك تاذيه



يمكحله عيونك نده ابهيده وي گليبي

يالتسوه روحك جم سلف ردتك العون لشيبي

ماتسوه تاليت العمر يالاكبر ونتفارگ

الگيض دگ باب النفس رد شمتك يعذيبي


علي يمه…… علي يمه


……………….


اشگد احبك تدري بيه بواهس

ويابعد امك حيل بيك استانس

مشكولة ذمت كل عطش مر اعليك

ماتحجي من الشوگ ريجك يابس



سومر ضواك وبهت كلشي بلونك

والموت سير يم الي يحبونك

من عمري يايمه اعله عمرك لتروح

شسوه العطش غير سواد عيونك



امفرفح وماتحجي ابد تستحي من الطلبه

هاك اعصر عيوني الك والضال بيهن شربه

ربك يعوض كلشي بس انته شلون

ياصبر يكسر فرگتك ياگلب يحمل غربه


علي يمه …… علي يمه


……………………………..


رد الحسين وباوعت يتحسر

ولازم اصفاحه وللحجي مايكدر

كتله عليك وباوعت كله تراب

گلاله ليله راح مني الاكبر


المنه خفت صار وتبعته الضني

وكلشي يحبك بيه ضل يوجعني

معقوله صرت تعوفني ترافگ موت

وانه الكسرت الخاطر بكد بوني


مكسوره خاطر والتعب هد حيلي واصفر لوني

ولحضات صارت فرگتك والتنشد يتيهوني

ضاجت الوسعه وصارت الطف اگبور

وياريت يمه وخل تصح ابصفك ايدفنوني


علي يمه …… علي يمه


…………………………..



الاقل شرفاً

كرار اللامي

محرم الحرام




#اللهم_عجل_لوليك_الفرج


القصيدة37

٠٣:٠١ م

لمولاي الاكبر محرم١٤٤٣هــ #شور


علي راح ......وروح الحُسين اوياه

علي تصيح ......وتتبع اثر ممشاه

والعيون .......مشبوحة آه وآه


قدّم جماله

وأكبر دلاله

وينك سؤاله .... ومنه علي خطوات

وصار النَفَس آهات

وانظاره مشبوحات

بعيونه ....من شافه يروح

لا ترحل....صاح ابلايه روح

*؛****؛***

أمن الخيام .... ينظرله بالميدان

علي يصول ... جنه گمر عدنان

تعب حيل .... بالحومة طب عطشان


كض بيده گلبه

وحس كلها غربة

وما شافه دربه ..... بويه ..علي من صاح

گام الحسين وطاح

وينادي الأكبر راح

يابويه ....صاح ابحيرة وين

ما يندل .... ظل دربه الحُسين

*****؛***

ركض غاد ... وينك يبويه ايصيح

وعله الگاع ..صار اعله وجهه يطيح

بقى يميل ...حسين ابمهب الريح


وينادي وينك

لتسهدهه عينك

يلي سنينك ..... بويه بعمر عشرين

يا روحي طايح وين

هالجاك ابوك حسين

يتعثّر .... ودموعه تسيل

بعيونه ....كل الدنيه ليل

*؛*******

وصل ليه .... وعالغبرة نام وياه

يحاجيه ..... هذا انا ابوك هنا

أمن العيون ... يمسح مسيل ادماه


حاير يكلمه

يحضنه ويشمه

ومن وجهه دمه .... شما يمسحه ايغطيه

وصار ايتوسل بيه

ايفك عينه ويحاجيه

يابويه ... يحجي بلايه صوت

حاجيني .... يمك راح اموت

*****؛***

يناديه ... ويگله گوم اوياي

بلا حيل ... وينظر جروحه اهواي

بالدموع ... شال الولد بهداي


خايف يلجمه

زيدله همه

وينادي باسمه ...... شما يمشي خطوة بويل

يوگف يتعبه الحيل

ودم الجروح ايسيل


لا تنزف .... يا بويه يصيح

متحير ...... خايف بي يطيح

****؛****

بعلي عاد ...... وشيوصله يم الخيام

بالتراب .... اتخط من حبيبه اجدام

يعباس ...... صاح بدموع آلام


خطوة ميگدر

هد حيله الاكبر

حيرة تحير ...... لا حيله ظل لا صوت

ويشهگ يريد ايموت

ماخذ الحبيبه الموت

عينوني ... اينادي عله اخوته

يا گلبي ...... الاكبر فتته



أسألكم الدعاء بالرحمة

لروح المرحومة عمتي " أم علي"

قاسم المالكي




#اللهم_عجل_لوليك_الفرج


القصيدة38

٠٣:٠٨ م

لمولاي الاكبر محرم١٤٤٣هــ #شور


استأذنتني

وكتلي رايح

وين رايح كلشي صاح


وادعتني

وحيرتني

ارد اشبكك حيلي طاح


عودتني

ارتاح يمك

لو رحت وين استراح


بهيدة يبني

الشوف يعطش

من يحس محبوبه راح


خل افرغ شوفي بيك

اشبكني لاتبعد اديك

كلي بويه وخل اسمعك

كلبي يرتاح بحجيك


ديرة ضهرك تعلن ذبحي

وتحيرني وتلجم جرحي

لتفاركني وتكسر صبحي

انت احزامي وحيلي وملحي


يامؤنسي علي علي

....



ياهواية

شلون تبعد

شلون اعيش بلا هواي


حسين طايح

وانت رايح

يعني فارغ ضل كفاي


خطوه خطوه

تروح مني

تبعد ويشتد ضماي


تبعد اعطش

ترجع اروه

شوفتك صارتلي ماي


وانت يمي العطش مات

شوفك اغله امن الفرات

تبتعد مني واكلك

ارجع اروي الضاميات



واعدني وكلي ارجع سالم

مذبوح تريدك هالوادم

ارحم كلبي البسمك هايم

بويه لذبحك شفتك عازم



يامؤنسي علي علي





قوتي شوفك

صبري شوفك

عيني انت البيهه اشوف


من عفتني

بالمخيم

كلهه مرفوعه الجفوف


ادعي ترجع

بس دعائي

شفته جارحته السيوف


يبني يبني

احله جلمة

اتمزكت وشلون اروف


بعد ماحملتني كاع

احلامي ضاعت والضياع

من تشوف ابنك ذبيحك

ومنه ماشابع وداع


اخر شبكة المنك ضلت

ترستني فراك وما طلعت

اول دمعة بفكدك نزلت

لمت كل الحيل ووكعت



يامؤنسي علي علي



صوت منك

صاح بويه

ادركني انه ابنك جريح


صوت يدوي

واتجاهه

منين ما التف يصيح



من سمعتك

ما لحكتك

كمت بس اوكف واطيح


جيت مسرع

على اصياحك

بويه ولكيتك ذبيح


هاي اكبر صدمة هاي

ماكدرت اجمع قواي

مددت طولي اعله طولك

وجن سمعتك كتلي ماي


من خليتك يبني بحضني

صحت بهمي ونوحي وحزني

ماشارب ماي وراح ابني

هم مذبوح وهم ذابحني


يامؤنسي علي علي




اشلون اشيلك

وحدي بويه

والعزيز شكد ثكيل


هدل متني

وباد حيلي

وبمعزتي شلون اشيل


شلون كلبي

طاواعاني

وشفتك مدمة وجتيل


انت اعز واحد عليه

حكي لو بالمشيه اميل


يبني يا احلى الشباب

حيلي طاح من العذاب

يابني هاشم افزعو

شيلو روحي امن التراب



فكدك حمّل صدري بعبره

حيرة وخوف وغربة وحسرة

يومك يوم المامنتظرة

ماتدري بصدري اجم جمره




اه يبني

شلون اردك

للخيم وانت الحبيب


مو علي ابني

الشلته بيدي

شايل بجفي نحيب


ابجن ابجن

يالفواطم

جبت جرحي المايطيب


ع الترايب

علي طايح

هسه صار اسمي غريب


انظر لوجهه واكول

راح تسحكني الخيول

فاكد احزامي وخيامي

والعمر هم ويزول


ماطابتلي اللحظة بدونك

وانت المذبوح يسمونك

طايح بس غطيت عيونك

خاف الشافوك يحسدونك


حيدر شايع




#اللهم_عجل_لوليك_الفرج


القصيدة39

٠٣:٠٩ م

لمولاي الاكبر محرم١٤٤٣هــ #نعي


هاي المنيه وهذا الوداع

شبساع يمه تروح شبساع

يا دمعة أمك حنه للگاع

حال اليموت اليوم حالي


ما بيه اودعك شده الفراگ

من حظني فرحة عمري تنباگ

وياك خل اتشابگ اشباگ

للحرب شو رايح دلالي


عطشان يمه العطش ماذيك

حاچيني يمه شبيك ما بيك

للموت راح بچفي اوديك

ما ظن تردلي وردت اوصيك


عازة وليدي شلون عازه

ردتك ترى وگلبي توازه

صعبه الگلب يفگد اعزازه

چا ياهو اليشيل الجنازه



تعبان والحر ياخذ الروح

فوگ العطش وملاگه الجروح

ها يمه خلصت ناوي اتروح

ظليت بس بالخيمه وادعي


يحسين راح اليشبه الماي

بهداي اموت اليوم بهداي

راح الولد بس ما اظن جاي

بس الله يدري شلون وضعي



بظهر اليروح الماي ينذب

هذا الصعب والحيل أصعب

لو عندي ماي اطيه يشرب



بس ريض شواي يمه الولد بس ريض شواي

ما تبقى وياي امك صحت ما تبقى وياي

يا ضيم الهواي صاير علي يا ضيم الهواي

بهداي بهداي خلي الموادع يمه بهداي




خلصت بعد والشوف رايح

بعد ابني حيلي ودمعي طايح



علي مر الصعب يمه والادهى

ويدهري القفل بيبانه ولدهه

انه الام العدل ميت ولدهه

عطش وسيوف ياهو يرده اليه


رعد الفريجي




#اللهم_عجل_لوليك_الفرج


القصيدة40

٠٢:٤٢ ص

محرم ١٤٤٤هـــ #اساسية


هاي الروحه ابد مامنهه جيه

شبكتك ياعلي بثنين اديه

علي صدرك جواني// طحت بويه بمكاني

*****

كدام النهر والناس _ تشابكنه وبجينه هواي

فريت الخيم كلهه _ علي وما حصلتلك ماي

العطش بايك معانيك _ طولك محني اشوفك جاي

الشمس ماترحم العطشان _ علي وبالهيمه ماكو افياي


سواد اعيونك ابيض صاير شلون

العطش اول مصيبه يعمي العيون

علي مصابك عماني // طحت بويه بمكاني

*****

يالمدلي اعله راسي الشيب _ اودعك كوه مو بيدي

شمرت اعمامتي اعله الكاع _ رحت من عندي يوليدي

يأابني بفركتك حسيت _ وحيد وفاكد اعظيدي

درت وجهك واون ظليت _ علي يالشوفتك عيدي


خشب يابس علي صاير لسانك

اموتن لو شفت فارغ مكانك

حرت حيره بزماني // طحت بويه بمكاني

*****

ثكيل اوداع المدلل _ الابو دلاله يتفطر

برجلك رايح اعله الموت _ دخيلك ياعلي الاكبر

من مهرك ملت للكاع _ تميل وانه اميل اكثر

بديت تنازع وعطشان _ اعوفك بويه مااكدر


عليك من المهر روحي اشمرتهه

شفت اعمامتك واركض شلتهه

متت كبلك عساني // طحت بويه بمكاني

*****

شحيحه الغيره هالايام _ واول غيرتك تنعد

يالمعطش دليلي اعليك _ اريد ابطولك اتمدد

أشد بجروحك التنزف _ العطش يجروحه ماتنشد

ابيض شعري صار اليوم _ الكون بعيني صار اسود


بحظني للخيم يوليدي اشيلك

تموت امك إذا تدري برحيلك

يبو حلو المعاني // طحت بويه بمكاني

*****

مرورت فركتك بالريج _ فراكك بين ابلوني

إذا كالو علي وينه _ شجاوب لو يسألوني

بدمع كمت اللتفت كل ساع _ مبينه الوحشه بعيوني

كلتلك انته والعباس _ اموتن من تعوفوني


علي انته الطحت لو انه طايح

خذت روحي تره من كتلي رايح

المهر خالي اجاني // طحت بويه بمكاني

*****

تمت ____ علاء الزيدي




#اللهم_عجل_لوليك_الفرج


القصيدة41

٠٢:٤٣ ص

محرم ١٤٤٤هـــ #اساسية


علي يبني يماخذ گلبي بوصافك دخيلك

علي يبني دليلي يموت اذا فارگ دليلك

علي يبني لا تذبح گلب ليله برحيلك

آآآآآآآآه علي بويه علي

آآآآآآآآه علي بويه علي

••••••••••••••••••••••••••••••••••••••••••

ودعتك وكلشي انجرح بحسينك

يال توه غصنك ورَّدْ بعشرينك

يبني العفه اعلى الدنيا عگب عيونك

طولي الكسرته ويه دورت عينك


گلت رايح وعله صايح

بروحي وماگدرت احجي بدليلي شصار


وصحت بسمك وطحت يمك

ودخيلك گتلك وداعك حرگني بنار


يدم گلبي وثمر تعبي

بعدك مارحت يمي وبوك احتار


علي يبني رحت وبخيمتك گاعد وتاني

علي يبني رفْ گلبي وكمت مدري شجاني

علي يبني وگمت اركض ورد بويه بمجاني


•••••••••••••••••••••••••••••••••••••••••••••

صوتك وصلني وجدمي مايندلك

وراحت اعيوني ابكثر مايبجنلك

جم مره گلبي يموت ويرد يعدل

لا روحي تطلع قبل لا توصلك


صحت بسمي وركض جدمي

ولكن ماندلك يبني طايح وين


علي وينك عَلّي عينك

ترى متشوف دربي امن البواجي العين


وثگل كلشي الهوى امن مشي

ياخذني ويردني وانه ابوك حسين


علي يبني وصلتك بس لگيت شبعد تالي

علي يبني وجمالك تارس الحومه يلالي

علي يبني طحت فوگك گلب غالي علغالي

•••••••••••••••••••••••••••••••••••••••••••

معقوله الأكبر أنت گلب حسينه

صح هذا عطرك بس جمالك وينه

اگعد وشوف حسين ميت يمك

حاجيني مو گلبي ذبحني ونينه


طبع عندك اذا گصدك

تگوم امن نعتنييك وهسه ماصد هاي


اشو نايم وأنَّه هايم

اجیتك بويه جيت للماي المحترگ عالماي


ارد لأمك؟ اضل يمك؟

اردك للخيام امك تموت اوياي


علي يبني مفرع يمك ابجي وانت سكته

علي يبني ولا حيل البقى ضهري وكسرته

علي يبني رايي انطيني مو گلبي ذبحته

••••••••••••••••••••••••••••••••••••••••••

يالأسرت گلبي بجمال اعيونك

ترضاها اردن للخيم من دونك؟

شلون ارجع الأمك ابهاي الحاله

وتشوف كاسر ضهر اليحبونك


يالأكبر گوم ترى مهدوم

گلب امك تتاني بعتبت الخيمه


يحلو الطول تضل معقول

بهجير الحومه عاري وماتصح غيمه


صعب فرگاك اريد اوياك

اموت ابسدك اولا هجرك او ضيمه


علي يبني وغلاتك يا گمر ليل الفواطم

علي يبني ترف وعل الرمل مو حلوه نايم

علي يبني تعال اغفى علگلبي البيك هايم


•••••••••••••••••••••••••••••••••••••••••

ياحيرت حسين بوصالك يجمع

شيلم جمالك وآنه اشيلك توگع

شالوك وآنه بجفي لازم گلبي

بويه اندعيلي عدل لأمك ارجع


بگلب يلهب وراك انحب

وجمر يطلع يالأكبر ويه تنهيدي


وصحت ليله اليحگیله

رجع لأكبر ولكن منذبح بيدي


الحلو رسمه اجه بدمه

زينب خويه گومي انعي على وليدي


علي يبني عمتك تنعى يم طولك يهيبه

علي يبني يعُود حسين ياذخره المشيبه

علي يبني يجرحه الضاهده وانت طبيبه


محمد الربيعي




#اللهم_عجل_لوليك_الفرج


القصيدة42

٠٢:٤٥ ص

محرم ١٤٤٤هـــ #اساسية


يا شلعان گلبي

يوليدي يلأكبر

من نومتك هايه

ضهري أنه تكسر

__

"بويه علي"

گوم اعله حيلك لو اون ونت ثكاله و غربه

بويه علي

انه الي نزلت دمعته و دمعاتي تنزل صعبه

بويه علي

و الزلمه لو يبچي ترة صارت مصيبت گلبه

..

يبني حلالك نوم التراب ؟

لفرگه يبويه تحز الرگاب

بس صد علية و شوف العيون

و عيوني تبچي لفگد الاحباب

..

اااه .. راح اذبن گلبي يمك

اااه .. منين يابويه اشمك

اااه .. شلون اشمك طاح دمك

..

رد بويه عليه

عظمي بروحي كزبر

من نومتك هايه

ضهري أنه تكسر

__

بويه علي

لو طاحت الدمعه بجرح تكزبر عليٓ كل روحي

بويه علي

شجم علة صارت بلگلب صارت جروحي التوحي

بويه علي

و الدمعه من طاحت ترة كامت تهل جروحي

..

تدريها طاحت بويه لدموع

مشلوع گلبي يبني مشلوع

ليش انته نايم فوگ الاتراب

غير انته نومك فوگ الضلوع

..

عين .. ذبلت بكد ما بچتلك

عين .. بكل نضرها باوعتلك

عين .. گبل لاسولف حچتلك

..

دمعي الطاح مني

تارس يبني هل بر

من نومتك هايه

ضهري أنه تكسر

___

بويه علي

اتمدد بطولك انه بس انته طولك وينه

بويه علي

يوليدي تدري بوالدك لوليدة ينطي سنينه

بويه علي

حگ الابو ويه الابن من يحجي يفتح عينه

..

ياريته موتك بيه يندار

لا ابقه وحدي بويه و احتار

ولحيره موتك تدري يل اااه

لدنيا گمره و شمعه الدار

..

ليش .. ساكت وليدي أكلك

ليش .. بفرگتك يابويه شلك

ليش .. بويه ماكو الي يملك

..


من كثرت سكتك

دم گلبي تگطر

من نومتك هايه

ضهري أنه تكسر

____

بويه علي

بلساني گطره من النهر چا گطرت بلسانك

بويه علي

معَلم على حسانك أنه مترد عليٓ بحسانك

بويه علي

مچانك بقه بنص الخيم منهو اليسد مچانك

..

تدريني ابچي بويه ابچيك

هوة اليحبك يبني ياذيك

يا جرح ابوك الما رضا يهيد

گلبي يبويه بس يلبيك

..

وين .. كل جمالك وين رايح

وين .. گلبي تدري يبني طايح

وين .. دموعي طاحت بلجوارح

..

تدري بدمعي يبني

دمعي اليوگع احمر

من نومتك هايه

ضهري أنه تكسر

__

بويه علي

ياجرحي يمتعب الگلب فك عينك و حاجيني

بويه علي

يلموتك يخلص العمر موتي گرب تانيني

بويه علي

اخر نفس من ريتي واخر دموع بعيني

..

تانيني يبني گرب الموت

خلصن دموعي و خلص الصوت

لو بيدي بويه ابقه ابچيك

بنص عيني طولك عيني تابوت

..

ليل .. الدنيا تضلم بويه بعدك

ليل .. ينزل بعيني و أودك

ليل .. يبني لأكبر هاذا حدك

..

ليلي بسدت العين

لتسدهن يلبتر

من نومتك هايه

ضهري أنه تكسر


~~

الخادم .. علي حسين الخفاجي




#اللهم_عجل_لوليك_الفرج


القصيدة43

٠٢:٤٦ ص

محرم ١٤٤٤هـــ #مقدمة


ابحزن ماطاب لحظه جبت السنين

على اوليدي الحنين... على اوليدي الحنين

»»»»»»»»»»»»»»»»»»


على اوليدي بچيت آنه وبچه اوياي البحر والبر

ونواعي بروحي تتراكض من اوصل لهيب الحر

واشوف اوليدي متوسّد غبره وكلها لون احمر

وضاعت بالنزف واتراب هذنيچ الــ الف واكثر


وجرح ابني تخفّه... شلون اگطعله نزفه

ضليت اچفي الدموع.. على جسمه وانشفه

وانشف جسمه آنه ايطگ الوتين

على اوليدي الحنين.

+++++++++++++++++


على اوليدي خلص گلبي و اله يامه لطمت الخد

الحنين العطشوا گلبه ابشمس ما ترحم امدّد

واجيت اصبر لچن شصبر وحبيبي چبده الاتمرد

وصبح بيه العذاب اوقات ما حدهن زمن لا حد


عذابي الما رحمني... وجرعة المُر على ابني

و الطم لآخر الحيل.. لحد ما صبري ملني


وبزغ طارف عذابي وذبّل التين

على اوليدي الحنين

++++++++++++++++++++


على اوليدي بقيت افتر ادور مجلس ايذكره

كل واحد بچه اعله ابني طحت يمه الف حسره

وكل دمعة بچتها الناس هاي انه و اَنه الاقره

اريد ابكل عيون الكون ابجي ابني الصبح عَبره


انه امه واريدن .... بچي اعله ابني ازيدن

وماكُف الدمع يوم.. ولا يحصل و اهيدن


وحرام انچان لحظه تنشف العين

على وليدي الحنين

++++++++++++++++++++


يهل شهر الحزن وآنه بقميص ابني اضل انشر

قميص البيدي حايكته امزّگ ما بعد يستر

و اشهك شهگه تبچيها الملائك والذي ينظر

و اون لحرمة العريان واركان العرش تفطر


قميص ابني اليه... حزن صُبح ومسيه

وابوي وحيدر وياي..ينصبون العزيه


ونضل نتناوب احنه ابفرض الونين

على اوليدي الحنين... على اوليدي الحنين


+++++++++++++++


على اوليدي اون انه واشوف ابني يون لخته

واروح لزينب ابچيها وانه الگاها تون سكته؟؟

على حسين الگه مبچاها ونواعيها سهم عشته

حرت والحيره بيه اتحير عشيره اوليدي سالفته

وانه ام العشيره.......... الما لَــمتها ديره

اعله ياهو اهدم الحيل..وانه بالهم كسيره


و اون ونت سبايه ابشبچ الإيدين

على اوليدي الحنين... على اوليدي الحنين

»»»»»»»»»»»»»»»»»»»

علي قيس الوريد




#اللهم_عجل_لوليك_الفرج


القصيدة44

٠٢:٤٨ ص

محرم ١٤٤٤هـــ #اساسية


ماشبكتك خايف الجملك جرح

وانته سكتة وجلمة منك ماتصح

من للخيم جابوك يمي

اونيتلك ونتي اعلة امي


#########################


انه والد للخيم جابو جبيرة

لانفس ينجر ولا شوف اليديرة

وحيرة الفاكدلة ابن مامنها حيرة


حيرت افراكك .. ياضوه اعيوني ..شيبتلي روحي


وكسرتك هاية ..حتى بخيالي ..اتبين جروحي


ابيوم كالو طاح صارت طيحتي

ومن نظرتك كلشي مال ابدنيتي


ومابيهة حيل الوكفة جدمي

اونيتلك ونتي اعلة امي

وانته سكتة وجلمة منك ماتصح


#########################


يالربيت ايام واسنين اعلة صدري

هاي اول امرة احط ايدي اعلة ضهري

جان ضني وياك يخلص بوية عمري


موحمل سكتة .. تعرف بروحي ..ماتحاجيني

ياكبر اجروحي .. ابنومتك هاية ..لاتأذيني


روحي تطلع من جسدهة ابسكتتك

كبرتني اوموتنني ابومتتك


واحنيت ضهري وزاد همي

اونيتلك ونتي اعلة امي

وانته سكتة وجلمة منك


#########################


جفك الشلتة اووكع طيحلي حيلي

وباك من عيني الصبح والضلي ليلي

وروحي ضلت من حسرتك تشتكيلي


حسرت اوداعك ..تلچم ابروحي ..تشكي المصيبة


اتكلي ضي عينك ..وشمعت سنينك ..راح شيجيبة


حتى جرحي ايكلي ضي عينك افل

وجنت حلم الشيب بس ضاع الامل


يبني انذبح وياك حلمي

اونيتلك ونتي اعلة امي

وانته سكتة وجلمة منك ماتصح



#########################


يالفرشت وياه طولي محاذي طولة

وناشغتلة ومات حجي الردت اكولة

واذكرت وياه امناغات الطفولة


عرضت ابالي ..ذكرت اصيارك ..وساعة فرحتي


وهسة كدامي .. بلانفس باقي ..وصاير حسرتي


من عرضت ابالي بيام الزغر

الدمعة تنزل سيف تذبح بالعمر


وبموتتك ثكلان غمي

اونيتلك ونتي اعلة امي

وانتة سكتة وجلمة منك ماتصح


#########################


ردت اغمض اعيونك وسديت عيني

ومالزمت ادموعي وابديت ابونيني

هاي هية ولا بعد رجعة وتجيني


انفلت العشرة ..وخلصت ايامي ..بوية برحيلك


وسدت اعيونك..ذبحت الملكة ..وكسرت خليلك


راح كلشي وياك لكبر من رحت

ويالحياة تحاللت واتواهبت


اوبعدك وكف بعروكي دمي

اونيتلك ونتي اعلة اني

وانته سكتة وجلمة منك ماتصح


#########################


ذوالفقار الزيدي




#اللهم_عجل_لوليك_الفرج


القصيدة45

٠٢:٤٨ ص

محرم ١٤٤٤هـــ #مقدمة


راح.. الاكبر مذبوحي

راح.. خلاني بنوحي.

راح.. تسبيحة روحي.



طالع وماخذ دليلي. وگلب الاخيام انكسر

وكلهه مالت وره طولك. الكاع والمي والشجر

ذاك من ذاك اليكابر. وكوه يالاكبر صبر

وعلى روحك من خذوهه. يحرك بروحه الكمر


ليش. تسبيحة آدم

ليش. تكطعهه العالم

ليش. تسبيحة روحي.

........................


يموت كلشي ولاتموت. الفركه جتاله تره

وين ماعاين اشوفن . اثر دمك عالثره

يالجمالك خرزه خرزه .وعلى الكاع مطشره

امتلت كاع الغاضريه .الكاع كلهه مشذره

مات.. كلشي بدلالي

مات.. من مات الغالي.

مات..تسبيحة روحي.


.................................


جايبك للخيمه ضامي وشايل بحظنه ضماه

من اهل بيتهه انت اول واحد موذر اجاه

يالكبل عباس تكسر بروحتك يبني كفاه

من يروحلهم الوحده والحرم تفزع وراه


خيل.. ذولاك العكسر

خيل.. لو فوكاه تفتر

خيل ..تسبيحة روحي


الماي هذا شكثره يمه.. ليش موتكم ضمه

واكثر من الماي ماكو. بس عليكم ينحمه

رحت مني وياحلاتك . ارجعت جثه مثلمه

وانه وحسين اعلى جثتك. تكابلنه وفاطمه


حسين.. واكبالك ذابل

حسين.. مكسور وخاجل

حسين.. تسبيحة روحي

...................


هاي اول مره اشوفه. حسين مكسور الگلب

يعاين الخيمتك يبجي. يشوف جثتك مايطب

اي يواهسنه انتهينه. وصار موقفنه صعب

وهاي ناس تريد ابوك . الوحده بهاي الحرب


ضال .. الوحده وي اخيامه

ضال.. وكلهم جدامه.

ضال.. تسبيحة روحي. راح


...........................

نسالكم. الدعاء

ايوب السويطي




#اللهم_عجل_لوليك_الفرج


القصيدة46

٠٢:٤٨ ص

محرم ١٤٤٤هـــ #اساسية


أوليدي - طيح أعله كيفك - صلبه كاع الغاضريه"

أوليدي - أتجه أعله سيفك - مات حيل أمتوني بيه"

صوتك يبويه لمن أسمعته

من يا مكان الصوت تيهته

أوليدي

………….

يالربيتك بين اضلوعي - وسكيتك من ماي أدموعي - حد ما غصنك خضر عوده"


أعليك حسين أمن إيسألونه - إيكلوله الرمان أشلونه - عن اليحسد غطي أخدوده"


كبرت وأنه أكبر يبني ياتجوه-

شلون أتموت كبلي أيامك الحلوه-


بويه - يافي خواتك - أمنين أجتني هالمصيبه"

بويه - أشسويت بيه - يا أبن كلبي وحبيبه"

مو أنته التفاركني مو أنته

من يا مكان الصوت تيهته

أوليدي

……………

توكف طول أبطول أبصفي - أتدنك راسك وتحب جفي - بيك أحجايه وتخجل تحجي"

متغير شكلك والوانك - كتلك أحجي أتمد السانك - أمدنك بس أعيونك تبجي"


جبت ألساني خليته على شفتك-

نزيت ورجعت أبلا وعي شفتك-


حالي - من حالك اكثر - والعطش فلشلي كلبي"

حالي - الماي التريده - أمنين أجيبنه يتعبي"

ماي النهر لو بيدي جا جبته

من يا مكان الصوت تيهته

أوليدي

………………

ودعني أبريته المختنكه - وجوه أضلوعي أبهاي الشبكه - وضل يعثر كلبي أبنبضاته"


راح وجان الجيش شكثره - أوليدي أوحيد أواحد نحره - والواحد تكثر طعناته"


ورده وجان شوك أرماحهم يابس-

حربهم مال وليه يكسر الواهس-


مجروح - مال اعله مهره - إيمينه هدلت طاح سيفه"

مجروح - الفارس يجيله - متونس إيطكه أعله كيفه"

جا جم رمح طبو أبخاصرته

من يا مكان الصوت تيهته

أوليدي

…………………

صاح وصحت أوليدي أدخيلك - خل أوصل لا يضعف حيلك - موت أبحضني وأرحم حالي"

أطلعت أمن الخيمه أبلا فكره - عاليمنه أركض لو عاليسره - منا منا طاح الغالي"


أطلعت عكس أتجاه الصوت وتعثر-

ورقيه أتكلي منا طايح الأكبر-


وينك - سمعني صوتك. - خليني أسمعه"

وينك - بس أسمع الخيل - وطكات ضلعه"

لو ما الخيل أوليدي ما شفته

من يا مكان الصوت تيهته

أوليدي

………………

أوصلته أبأخر نبضه الكيته - لا أوصافه أولا عافيته - ملتم ويمسح بجروحه"


ينزف راسه وينزف نحره - طعنه أبضهره وطعنه أبصدره - أبفية أضلوعه حابس روحه"


دنك شفته طاحت وصله من راسه-

يلوح أمن الطبر والدوس بنفاسه-


أمكطعيه - ياوسفه جسمه - أمن أطراف اصابيعه الوريده-

أمكطعيه - هم الشبكتي - شال أيده أبني وطاحت أيده-

كتله الكلب من عندي كطعته

من يا مكان الصوت تيهته

أوليدي

………………

وأكثر موقف أثر بيه - من وصاني أبأخته ارقيه - أشكد إيحبهه وهيه تحبه"


وحسيت أبفد شي إيوجعه - عاينته ولن رمح أبضلعه - ثاري مجلب بي نص كلبه"


حلكي أبحلكه خليته وشهك شهكه-

أمكطع جسمه كلت أوليدي ماشبكه-


أحملته - وصله أعله وصله - أمطشر وحيرتي حيره"

أحملته - بس والله كوه - رغم ما جثته زغيره"

من التراب أوصال جمعته

من يا مكان الصوت تيهته

أوليدي

…………….


حسين باهض الحلفي




#اللهم_عجل_لوليك_الفرج


القصيدة47

٠٢:٥٠ ص

محرم ١٤٤٤هـــ #مقدمة


لسان حال الإمام الحسين عليه السلام يخاطب علي الاكبر ع

علي يبني ///علي يبني

.............

كبر بيه الهضم والشيب كلاني من طحت يبني

وعدن بلجروح اهوي وكلهن يبني اذني

يبني هل عمر يفدك بمجانك علي حطني

مو طبعك تطول النوم ولا طبعك تجافيني


نايم يلولد**** ماتكعد بعد

علي يبني ،.... علي يبني

...............

اغار من الهوه اعليك وحته ابدوست اخيالك

طشوو جن نجم جسمك ما رحموو علي بحالك

مني جن شمس اغروب باكك مني جتالك

بيه ضاك النفس بس كوم تحاجني علي شمالك


يبني شيبت**بفراكك متت


علي يبني _ علي يبني

...........

يا اول فرح مبيوك ومن عيني الزمن ضمك

كبالي نايم المدلول شكولون من ارد لمك

كلب امك اشكله عليك وانه كلبي بقه يمك

علي يبني اشتهيت الموت فز يلسابح ابدمك


كبالي منطرح*** اضمد ياجرح

علي يبني علي يبني

.........

كلساعه عزيز يموت يبويه الموت اخذ حيلي

اودعكم ورد اردود وزينب يمي اتدعيلي

صبر ضاك الصبر وياك بعد ياهو اليتجيلي

ابشوفك جنت اكحل العين يبني ويا كمر ليلي


يبني تحيرت/// جم موته متت

علي يبني علي يبني

........

النفس انته وبكايه الروح يلمامش بشر مثلك

يعثر جدمي بلخطوات كلما اردن اوصلك

طحت وكلي طحت وياك مو تدري عزيز أهلك

ياتنين النبي المختار علي يبني ترف كلك


أبلا حيل ارجعت ///يبني اتعذبت.


محمد الجياشي




#اللهم_عجل_لوليك_الفرج


القصيدة48

٠٢:٥٠ ص

محرم ١٤٤٤هـــ #مقدمة


حاجيني ودليني

يالاكبر عاين حالي ليش اتكطع دلالي يوليدي

*

وجه حسين ضل كل لحضه يتغير

وانه كلبي لجمني وخفت يبني اكثر

عالفركه بعد يوليدي ما اكدر

صحت ياراد يوسف رد علي الاكبر


ادعيلك وبجيلك

موتك ضل يتراولي ليش اتكطع دلالي

***

عايفني بعذابي ولوعتي وهمي

من كد ما لفظت اسمك نسيت اسمي

شبسرعه متت توك جنت يمي

جيت المصرعك وتعثر بجدمي


ناديتك وحاجيتك

شفتك مذبوح اكبالي ليش اتكطع دلالي

*

يالوجهك مثل وجه الكمر جنه

اشلون اعله الترب مرمي اشوفنه

الخيل اشما كمت صدرك يدوسنه

والمثلك صحت كفره يسحكنه


عالمبسم شفت الدم

يا بعد امك يالغالي ليش اتكطع دلالي

****

صحت بحيرتي اشلون الضوه ايسافر

يبني بفركتك كمت اكسر الخاطر

يلاكبر تعال وكحل الناضر

يبني بيا وكت تهوه الترب صاير


اتحسر وتأثر

يالوجهك جان ايلالي ليش اتكطع دلالي

****

عنك كمت ادور والدمع تجري

اريد ارباي منك يا بعد عمري

ما ادري تروح امن ايدي ما ادري

حته ايوب يبني ما صبر صبري


يالضامي بخيامي

عكبك خابت امالي ليش اتكطع دلالي

*

اون اعليك يبني وما كطع وني

يالكلبي كسرته وخيبت ضني

شيريد الزمن عكبك بعد مني

اكثر من عذابي لا تحملني


مهظومه ومالومه

عاينت امجانك خالي ليش اتكطع دلالي

***

تمت

تحسين الخفاجي




#اللهم_عجل_لوليك_الفرج


القصيدة49

٠٢:٥٧ ص

محرم ١٤٤٤هـــ #مقدمة


أقرب شخص بالنسبه الي

كلهه تعرف ابني علي

اشسوه بيه // راح من اديه

***

ادنيتله حضن بحضن _ شيب وضمه تلاكينه

ابني الجبير من العطش _ بالكوه فاتح عينه

ما لحظه عايفني تره _ خلص هذيج اسنينه

كتله علي رد للخيم _ اتموت راح سكينه

شلته وعله متني انتجه

كال اعتذر بويه وبجه

جته المنيه // راح من اديه

***

طحت اعله طوله بلوعتي _ وظليت اشم بعطره

بس الله يدري اجم سهم _ لاحن دليله وصدره

اشفافه متروسه رمل _ المن العطش متفطره

صحته علي لو غمضت _ ظهري يبويه تكسره

احتاريت انضف ياجرح

ادري الرمل كله ملح

طحنه سويه // راح من اديه

***

طاح اعله وجهه من المهر _ وعليه صارت هوسه

هذا اليطعنه بالرمح _ وذاك اعله صدره يدوسه

كلوب الشماته بينت _ بس بالحقد متروسه

صاحولي كطعنه ابنك وذر _ ماضل مكان تبوسه

كلبته لا حس ونفس

بخدوده أثر حافر فرس

يصعب عليه // راح من اديه

***

محني طلعت من الخيم _ يبست عله ابني شفافي

ناديتهم بسكم طعن _ مو مات ولكم كافي

طاحت يبويه اعمامتي _ واركض اجيتك حافي

تعبان لو ميت علي _ بلكي الله تطلع غافي

خل للخيم نرجع سوه

يالغمضت كلبي نجوه

مامنه جيه // راح من اديه

***

الابو من يفكد ولد _ الله يعين اعيونه

والشايف ابنه منذبح _ لحد يكله شلونه

بحر الشمس طايح علي _ والعطش غير لونه

دوم الولد أقرب شخص _ عند الابو تعرفونه

فراك الولد صدكوني مر

مايسوه من دونه العمر

الغطاني فيه // راح من اديه

***

تمت ____ علاء الزيدي




#اللهم_عجل_لوليك_الفرج


القصيدة50

٠٢:٥٧ ص

محرم ١٤٤٤هـــ #اساسية


((ابوك))



ابوك .. مـــن شافك بزيّ الحرب

ابوك .. گــلالك الحـضني اقترب

يهمسلك يگلـــك علي

وتـگله ياروحي وهلي ... ابوك

"""""""""""""""""""""""""""''''''''''''""


وتلاگن دموع العشگ دمعةّ ابوك ودمعتك

يوليدي رايح يانبع وبالـگوه تطلع كـــلمتك

مرر أديّ فوگ الوجه وبچفه يمسح لحيتك

من كثر ماينضر الك عينه تــركها بوجـنـتك


يسالب حيل اديه

تعــال ادنـــه أليه

دخليني وأضمك

من سيوف أميه


ابوك .. تطلع الحسره بچلمته

ابوك .. چـنها الـمنـيه حضرته

ياهو اليظل يبني ألي

وتگله ياروحي وهـلي ... ابوك

"""""""""""""""""""""""""""''''''''''''""


مـــاسك بچفك مايـهد ويگلك اشبگني بعد

تـيـتمني رايــد ياعلي حاچيني رايح يالولد

عيشني بوداعك نضر يالتدري موگلبي نمرد

أترسني يالحزنك حـزن انطيني بالرده وعد


يصبحي الليل أجاني

ضعت يبني بحـناني

أضمك ويــن وأرتاح

غــيرك مـــاكو ثـاني


إبوك .. وي حسرته يزفلك دمع

ابوك .. وبصدرك إيـشـم الـضلع

عـايفني يـانعمّ الولي

وتگله ياروحي وهـلي ... أبوك

"""""""""""""""""""""""""""''''''''''''""


بالخطوه يتعثر ألم ويتمشه بنفاسه سهم

رد سالم إيگلك ألي مابيه يبني أعله الألم

لو ماترد بويه علي يعني المـــخيم ونهدم

نضراتك تگلي هجر بالفرگه دلالي انـصدم


وداعك يـبنـي حيره

يبو الفــرگه الچبيره

أذا جابوك مشـــيول

عمتك تمشي أسيره


أبوك .. ويّ الـگـلـب حيـلـه انـكـسر

أبوك .. من يمشي أيده اعله الضهر

مــاچـنه ذاك الأولــي

وتگله ياروحي وهلي ... ابوك

"""""""""""""""""""""""""""''''''''''''""


شما تبعد يزود الجرح ياحسره يوليدي تمر

مرتّ مشاعل عالخيم ويَطَشرّ بخدي الجمر

عايفني ميت يالولد يــالرايح وبــس انتضر

هيمني بوداعك بعد عايفني إگومن وإنهطر


يــبويه الــــفرگه مره

تــعال أحضني نضره

أريد بعيني أشم بيك

يتاركني اعله جــمره


أبوك .... من ودعك عمره اختفه

ابوك .... گـلـك على الـدنيا العفه

عايفني يابويه أنولي

وتگله ياروحي وهلي ... أبوك

"""""""""""""""""""""""""""''''''''''''""


جمره ويمر بيها الهوى هيچ الگلب يلي رحت

وعيونك بروحي احتضر يالتدري بوداعك متت

مـــن تــبرز وتسمع بچي يبني وعليهَ ولتفت

أسمع نحيبي يالولد من تسمع بأسمك صحت


الهجر يابويه يكتل

متني ترضل يـهدل

حالي وصار ماخوذ

ودمعتي لا فله تـمل


أبوك .... يگلـك يالاكبر فرحتي

أبوك .... تچوي بغيابك دمعتي

عگبك الهم مـاينجلي

وتگله ياروحي وهلي .... أبوك






عبد زينب

محمد الابراهيمي




#اللهم_عجل_لوليك_الفرج


القصيدة51

٠٢:٥٨ ص

محرم ١٤٤٤هـــ #اساسية


يليل التاسع إصبر والحچي إهـواي

علي الأكبر عقيده وعطّش الماي

يعطَش وهوه طوفان ؟

دين إبهيئـة إنسـان !

ـــــــــــــــــــــ

يليل التاسع أوگف .. فَصِّل كلشي بالّطف

لعلي يراد تسعه من الليالي

هم عندك خبرهن .. المقتل مختصرهن

سطرين اعله دينه ما حچالي


الآيه .. سوره الحسين وچن علي الآيه

إمرايه .. وگبال أبوه من يوگف إمرايه


الهاتف حين ناده الأكبر إشگال ؟

بس هاي الروايه إبتسعَةْ إليَال

منطق كِـلّه قرآن

دين إبهيئة إنسان !

ـــــــــــــــــــــ

لَتْحطّ إلعلي حَدّ .. سولف عن محمد

علي مو منّه مآخِذ بس جماله

چان اشكبره بالطف .. شاب وچنه مصحف

علي بالطف وگف صاحب رساله


إمصيبه .. صح من توذّر چانت إمصيبه

هيبه .. إبنصّ المُعسكر چان إله هيبه


عَلَى الحگ گلّه بويه دام ماشين

سهله انموت كلنه ويسلم الدِّين

صاح ومَدْ لَه شريان

دين إبهيئـة إنسان !

ـــــــــــــــــــــ

سولفلي اعله دينه .. علي يشبه علينه

سولف عن سماحة علي الاكبر

إشرح عن وجوده .. شيگول ابسجوده

شنو معناة نسخة جَدّه حيدر


ساجد .. بالصفّ الأول بالحرب ساجد

عابـد .. من زغره للطف وانقتل عابد


بَعَد تسبيح فاطم بِرَز وانصاب

يشبه علـي وهـذا وذاكَ محراب

ينزف طيبه وإحسان

دين إبهيئـة إنســان !

ـــــــــــــــــــــ

شِبْه حسين يمشي .. مآخذ منه كلشي

علي العابد الزاهد مثل أبيّه

يَـ ليل التِسعه قَيّد .. أبوه للجنّه سيّد

وعلي سيّد شباب الغاضـريه


جامِع .. كل الخصال البالسِبط جامِع

طالِع .. چان أعله مَبدأ مو أَشِرْ طالِع


خطّ حسين خطّه ومن خرج صاح

يا ناس احنه جينـه لَجْل الإصلاح

هيچ إشرح علي چان

دين إبهيئـة إنســان !

ـــــــــــــــــــــ

علي غِيره وحميّه .. مو شَرْبَة أميّه

ذاك الكاس الأوفى يشوفه أحله

من عباس هِمْتَه .. خادم ضعن عمته

إشما زينب تأمره يگلها سهله


غِيرَه .. من راسه حَدْ جِدمه إنترس غيره

سِيرَه .. چا عمـره مو بـس كربله سـيره


وي دين الله عنده إهواي وگفات

هيچ إشرح جوانب مو عِطَش..مات

مو بس عمره ميدان

دين إبهيئـة إنسـان !

ـــــــــــــــــــــ


مهدي التقي




#اللهم_عجل_لوليك_الفرج


القصيدة52

٠٢:٥٨ ص

محرم ١٤٤٤هـــ #مقدمة


#وداع_الاكبر


ويلي يالاكبر ودعتك

ويلي يالاكبر ودعتك

--------------------------------

اودعك بيش من ياصوب اودعنك

فريد ابعالمك مامش ابد منك

إلمعطشني مو ماي النهر اسمك

يالمطفي ضوه اعيوني ابجفه رسمك


ويلي يالاكبر ودعتك

---------------------------------

من ساعت گلتلي عنك انه امشي

احس كلشي انتهه بيه انته الي كلشي

يالميبس ارياج حسين ماضل شي

عگبك فاض شيبي وغرگه الرمشي



ويلي يالاكبر ودعتك

---------------------------------

اون اعليك ونت الفاجده الثكله

ورافج دمعتي وبالونه اتسله

يالاكبر والدك سهم الهجر شله

تعال وشوف گلبي كبرت العله



ويلي يالاكبر ودعتك

-----------------------------------

تعال وردلي حيلي الي انهدم مني

يالبجلمت ابوي انته تحزمني

مو طبعك جفه جا ليش تحرمني

يالموذر جروحك بيهه تلجمني



ويلي يالاكبر ودعتك

-------------------------------------

انشدك يبني من جرح الهجر جاسك

ماحسب گلب عايش على انفاسك

گلب والد يحسك هاي مو ناسك

عذب وشگد شربت اعذوبت احساسك


ويلي يالاكبر ودعتك

----------------------------------------

علي سليم الحسناوي


#محرم_الحرام




#اللهم_عجل_لوليك_الفرج


القصيدة53

٠٢:٥٩ ص

محرم ١٤٤٤هـــ #نزال #زنجيل


#تراث


مقتل سيدي ومولاي علي الاكبر


الاكبر لاح ظهر الغـوج و ارزم

او علیه احسين دمعه انحدر واسجم

ــــــــــــــــــــــــــــــــــــــ

سدر للحرب و العطش بي مـض

او هز غدارته او عالخيل عرض

صـل ارمـول بـلسانه أيـتلمض

من يـدنا او مـنـه يگـطر السم

ــــــــــــــــــــــــــــــــــــــ

تـچنـه ابـوالده او عالخيل ذبهـا

او يمنه الحـرب عـاليسره گلبها

چسب نوماسها اوضيع دربها

اولف راياتها او للسرب حـطم

ــــــــــــــــــــــــــــــــــــــ

عگب ما بالطفوف ابده الفـراسـه

او راواهم حرب حیدر اوباسه

العبدي الغافله اوصابه اعلى راسـه

او تغیب نور وجـهه بحـمر الدم

ـــــــــــــــــــــــــــــــــــــــ

كثر ويد المسامي او غدت دوجه

عليه او بالخيم صـارت اللوجه

دم راسه جره اعلى اعيون غوجه

طفح مذعور و على الخيل درعـم

ــــــــــــــــــــــــــــــــــــــ

اعلی سرجه انحنه اوگام الغوج يصهل

ايتخيّله الحـريب ايـريد يحمل

گصد للگوم و علیه دارت الكـل

لمـن جسمه ابمـواضـيها تخـذم

ــــــــــــــــــــــــــــــــــــــ

وگف بالكون و العسكر عليه غار

مثل دور الجـفـن عـالعين بي دار

غدوا جسمه ابمواضي البيض طشار ضرایب عـالرمل مـا بـعد يلتم

ــــــــــــــــــــــــــــــــــــــ

هوه اعلى الگاع لاچن من وگع صاح

اولعد احسین نگلت صوته الارياح

ثلث مرات گام او عالوجه طـاح

اخذ روحه او بي بس النفس تم

ــــــــــــــــــــــــــــــــــــــ

نـده يحسـين ليه اسرع تـراني

طحت بالكون و العسكر ولاني

یبویه امن العذب جـدي سگـاني

عليه لا يـظـل گـلبک امـولم

ــــــــــــــــــــــــــــــــــــــ

تعناله او عـلى ابـنيه تخوصر

او صاح ابصوت منه الصخر ينطر

على الدنيه العفه بعدك يالاكبر

عگب عیناک ريت الكون يعدم

ــــــــــــــــــــــــــــــــــــــ

یگله یـا ضـوه اعـيوني يمصباح

يحاوي كل سجايه الخمسه الاشباح

يبويه من طحت مني الگلب طاح

او طـود الصـبر لفـراگک تهـدم

ــــــــــــــــــــــــــــــــــــــ

يبويه من وصل لیک او تـدناک

اوخضب وجهک الشعاع بدماک

یبویه ريت روحي اتروح ویاک

اولا شوفک خضيب الوجه بالدم

ــــــــــــــــــــــــــــــــــــــ

يبويه اشلون اشوفنك ابها الحال

اموزع بالمراهف فوگ الارمـال

يبويه العـذر شـنهـو عـنـد العـيـال

ليهـا مـن آخـذك و انـتـه امـخـذم

ــــــــــــــــــــــــــــــــــــــ

شـالوه الهـواشم للـصـواويـن

وهو يمشي او على ابنه شابح العين

طلعت زينب او باجي النساوين

تخمش اخدودها او عالوجه تلطم

ــــــــــــــــــــــــــــــــــــــ

هوت فوگه تحب خـده او تشـمه

او غدت تصبغ شعرها ابفيض دمه

عسـه ابـعيد البـلـه اتگـلـه يـعمه

عـلى التربـان نـايـم يـلمشيم


السيد المرحوم عبد الحسين الشرع





#اللهم_عجل_لوليك_الفرج


القصيدة54

٠٣:٠٠ ص

محرم ١٤٤٤هـــ #نزال #زنجيل


حسين الموت شافه بمصرع اوليده

شاف اوصال الاكبر تارسه البيــــده

ـ&&&&&&&&&&&&&

صوت الولد حين الوصل للوالــــد

ركض ويصيح دلوني العلي رايــد

ماينلام من يتدوهن الفاگـــــــــــد

وحگه اشما يعلي اونينه ويزيــــــــــــده

ـ&&&&&&&&&&&&&&&&&&

طول بطول ويه الاكبر اتمـــــــــــدد

يصيح ارحمني بويه وخله خد بخد

مثل جسمك تگطع حيلي واتفرهــد

ليش الشاد حيله تروح وتبيـــــــــــده

ـ&&&&&&&&&&&&&&&&&&&&

يلم اوصاله والصدره نوه ايضمه

وبيده اتطشر وطاح وكثر هظمه

لوما صوت زينب محــد ايگومه

جا فوك ابنه مات وموّت اعضيـــــــده

ـ&&&&&&&&&&&&&&&&&&

شالوه للخيم وحسين يم راســــه

حسرات اعله الاكبـر تطلع انفاسه

حاچه اوليده شمّه برگبته وباسه

وشاب وصبخ شيبه من دمه اوريــــده

ـ&&&&&&&&&&&&&&&&&&&

كوه ايجر نفس والحسره كاتلته

حاجيني يگله گلبي گطعتـــــــــه

آنه الگطعوني بويه لو انتـــــــــه

المات اوليده يبني الونه شتفيده

ـ&&&&&&&&&&&&&&&&&&&&

عطش يابعد صوتي سمعي الصوتك

ابوك يموت يادم گلبـــــــه وي موتك

رقيه تريـــــدك اگعد يا علي امروتك

عمري ابلا اخوي اتصيح ماريده

ـ&&&&&&&&&&&&&&&&&&&&

ها يابعد ابــــــــوك اشيوجعك گلي

عگب اعيــــــــونك بهذا العمر شلي

عميه اعيوني بيك الجيش شمخلّي

طولك وينه ابوك ايلم وذر بيده

ـ&&&&&&&&&&&&&&&&&&&&


علي محسن الزيادي




#اللهم_عجل_لوليك_الفرج


القصيدة55

٠٣:٠١ ص

محرم ١٤٤٤هـــ #نزال


نزله. للاكبر ع


لكَ يومٌ غيرُ هذا لو الي ؟

العمك اشخليت يالاكبر علي

++++++++

گلت الاول ابرز وإخذ اوله

يعني مو معناها جيش اتعزله

لو شفت ذبح الزلم بيدك حله

يابعد عمك يالاكبر چا شلي

++++++++

هاي بس حمله احملت نصهم گضو

ما بقى چا آنه راح اذبح منو

ماكو غير انرجع بروس الهوو

بلكت انرجع عددهم لولي

+++++++++

انت طشر روس منهم وآنه الم

بالذبح مرتيـن نرجع عالـزلم

بكـر ابن غانـم طلـع مايفتهم

مادره اليبرز للاكبر ينولي

+++++++++

عمّتك زينب حصل عدها خبر

علي الاكبر واصل احذات للنهر

اتگول گلوله النهر حصته الگمر

المشرعه مذخوره حصت كافلي

+++++++++

ال عالنهر سبعيني رحمات الهلك

عاد خلي المشرعه والباجي الك

وليش ماتطبرني كـلمن يسألك

گله للعباس انت مو الي

++++++++

بيك نور للمصطفى وصولة فحل

ومثلي يالاكبر حلو اعليك الزعل

شعرك من الطاس لمتونك نزل

بالوسامه البيك حگه اليبتلي

+++++++++

من جمالك حته ظهرك بي وجه

انته رايح جاي حگه اليشتبه

الجيش كله ايشوفك اعليه متجه

تظلم وسيفك يطبها وتنجلي

+++++++++

عينك اعله الجربه وشنيتك بعد

اعذرني ما انطيها يالاكبر ابد

عالشريعه عندي وي سكنه وعد

اله بيدي سكنه رادت تنملي

+++++±++++

لكَ يومُ گالو اعليه اشكثر

منتظر يومي بأحر من الجمر

من امس لابسها ريشاتي الخضر

ليله من تنعاك اگلها اتدللي


ثائر الربيعي




#اللهم_عجل_لوليك_الفرج


القصيدة56

٠٣:٠٦ ص

محرم ١٤٤٤هـــ #نزال #زنجيل


نزال الاكبر


الحومه طلبت ونتخت راعيهه

وعلي الاكبر سيفه شاخ اعليهه

-------------------------------------

طلع من صوب الخيم مثل النجم

يشبه المختار بفعاله الشهم

مايهم للجيش لحدوده يهم


وللشاهده گاصد وشاريهه

-------------------------------------

برز ليهم قسوره ابن الفحول

كوور الجيشين وندهشت عقول

ميسره ولميمنه بيهم يجول


وخله عاليهه صبح ناصيهه

-------------------------------------

صاح بيهم جفل الخيل وزلم

طشر الفرسان وبسيفه يلم

إلخلص من ضربته شبهه الحلم


اشجع الشجعان ضل يرميهه

------------------------------------

قال قوله المشتهر يوم الطفوف

انه ابن شجعان وربات السيوف

صاح بيهم ماتگابلني الالوف


اليوم ناوي اعليهه الا افنيهه

------------------------------------

برق سيفه اعليهم وصار الرعد

وزلزلاهه الگاع جن يوم الوعد

فتك بيهم ولشرد منهم شرد


ويردم الاول غده ابتاليهه

------------------------------------

صال بيهم هذه بن عقد الوله

حير القاده بقت متذل له

جائزه صاحو لمن يوصل اله


وهذه الاكبر موت ضل يرويهه

------------------------------------

علي سليم الحسناوي




#اللهم_عجل_لوليك_الفرج


القصيدة57

٠٣:٠٧ ص

محرم ١٤٤٤هـــ #نزال #زنجيل


🔻(البحر الطويل)

عد جثّة علي اْو جسَّام ليلى گابلت رمله

هم شايف گبل هاليوم ثكله اْو تسعِد الثكله

--

امْگابل گِعدَن النسوان و التِسْعِد طبعها اتْهِيج

بالوَنْ و اللّطم و النوح و الويلا اْو شگِّ الزِّيج

اشما يوسع اِبْرَحبه الكون اِبْعين امِّ الفِجِيد ايْضيج

مصاب الوِلَد چايدها

اِعْله فگده الله يساعدها

تِنادي او تخمش ابخدها

سلاني الروحي ما تسلاه اْو صرِت بالنوح اتسلَّه

--

الگلب چانون وجِّ ابنار اِشما چَيَّمِت, گلَّك زِيد

اْوعله اللّي راح من الإيد بعَد مَيْفِيد صفْج الإيد

لچَن الفاجده المدلول تريد اِمْعين عالتعديد

تريد عله الوِلد لَمه

وحده التنتحب يمه

او وحده التنعه ويْ امّه

وحده التلطم اعله الراس, وحده المدمع اتهلَّه

--

ليلى اتعنَّت ام جسَّام تگلها ابنِچ مثل إبني

او مثِل ما فَتْني فگْد إبني فگد إبنچ بعَد فتني

شِبَـيِّـب ما بلغ حلمه و لنَّه ابدمَّه متحنِّي

ما اْخْضَر شارِبه بعده

ولا دَبْ عارضه ابخدَّه

او تاليها ذِبَل ورده

زين ايْظل عگل بيها التفگِد بالوِلَد مثله !

--

رمله لأم علي اتگِلها عله الونَّات مشكوره

گبلچ ما شفِت لليوم تجبُر وهْيَه مكسوره

أريد أوَّل اِنَّوح اوياچ او تالي إبني يجي دوره

تعاي اِنّوح لوليدچ

شباب او راح من ايدچ

عله اللّي عافچ اوْحيدچ

حِله وكت اللطم هالساع اْو عله مثله اللطم يِحله

--

أفا يمْ جاسم اتگلها عليچ او عالوَلد وَسفه

ردنا ابعرسه نوگفلچ نجيم الحوفه و اِنزِفَّه

ما چان الرِّجه تالي تصير ابماتمه الوگفه

يعظَم النايبه العَمَّت

عليْه و الصايحه التمَّت

يفرحه البِـيْه ما تمَّت

آ يَـمْـفارگ العِرِّيـس الخِلَّة فرْگِته خِلَّه

--

اهناك اْو زينب الحُرَّه إجَتْهِن و الفِكِر مبهوت

تنادي ابساع يالنسوان گومن لا يفوت الفوت

بالله للرباب اوْياي دَلِحْگَـنْـهَـا گبل لا اتموت

خوفي اعله المَهَد تِهْلَك

امْگابِلْته اْو مَتِتْحرَّك

لا تبچي ولا تضحَك !

عگلها امن المصايب طار و امْن الصار منذَهْله

--

إذا للنوح بيچَن حيل خلّو النوح ويّاها

بلچي اتهيج عبرتها اْو تجرِّ امن الصدر آهَه

تره سكتة المفجوعه تصير أكلف من اِبچاها !

عينَـنها ابدمِع و انياح

تره المنها ضناها راح

إذا ما تبچي ما ترتاح

حزنها البالگلب مدفون يا گلب الذي ايحمله!؟



ميرزا عادل الاشكناني




#اللهم_عجل_لوليك_الفرج


القصيدة58

٠٣:٠٩ ص

محرم ١٤٤٤هـــ #شور


باب الخيمة طلعت ليلى تدعيلة

حاجي حسين ابوك انهدم كل حيلة

افراك اوليدة غير كل تفاصيله

خاف حسين كبله ايموت

يندهه وما يرد الصوت

كود الله الحسين ايطول الليلة


رد اجواب ابوك الكاعد احذاك

ساعة يون عليك وساعة ينعاك

ايكلك لو ترد لو اموت وياك

يمة علي يمة علي

×××××××××××××××××××××

كعد عد راسة يبجي ويمسح ادمومه

اوليدة وما ايعرفه امغيرة ارسومة

موتك يبني هذا اليوم مو يومه

الخيل الداستك كلهن

لحم ضل بحوافرهن

بدربهه الخيل منه امسلبه اهدومه


اشيلنك وتتطشر والم بيك

حرت ما بين اشيلنك و اخليك

لعبت لعب بيك الداست اعليك

يمة علي يمة علي

×××××××××××××××××××××

كضاهه حسين يبجي ويلم بوليدة

يلمهن وصله وصله اطيح من ايدة

اموتن علي عكبك عمري ما اريدة

ترد يا بوية لخيامك

لو اموت انه جدامك

شيردك للخيام وعنك ابعيدة


بوية وداعت الله وللخيم راد

شيردني وحيل ابوك بموتتك باد

الكعدة وياك ما ضن علي تنعاد

يمة علي يمة علي

×××××××××××××××××××××

لخيمة علي رد وفرفحت ليلى

بدموع الفاكدة ام الولد تبجيله

كلهه الفاتحة اعله اوليدج اقريله

الدمع والحسرة شتفيدج

بعد ما يرجع اوليدج

مشة اوليدة وبعد ياهو اليتجيله


سبعين الف فارس صاح شوفوه

كلما دنك على اوليدة طكوه

ابنج يم الأكبر وذر خلوه

يمة علي يمة علي

×××××××××××××××××××××

حاجاهه الحسين ودم تهل عينه

إذا تمشين لابنج وين تلكينه

لو شفتيه خافن ما اتعرفينه

ضايع جسمه بالكاع

لحم وي خيلهم ضاع

بحوافرهن تفرهد جسمه واسنينه


سوية اتكابلو يبجون سكته

يكلهه اوليدي كوه الا عرفته

طحت فوكه وصحت بوية وحضنته

يمة علي يمة علي

×××××××××××××××××××××

الخادم أحمد داود




#اللهم_عجل_لوليك_الفرج


القصيدة59

٠٣:١٠ ص

محرم ١٤٤٤هـــ #شور


.

والــد عـالــولد مكسـور احسين وابنه الاكـبر

گدرت عينه جسمه اتشوف بس گلبه فلا يگدر

جمال وهيبه لـب الروح نــاده اشلـون يتوذر ؟

لطم بيده اعله وجهه وصار وجه بالطم احمر


متغير عليه ابني .. من شلته وگع مني

وكسر طولي

ياهو اتوذر اوليده .. وشال اوصاله ابيده

تگــلــولي


فوگه وصحت ياحسافه

مـذبــوحه كــل هالترافه

گـلبي انشلع يبني شوفه

مـن ايدي تـرحل وسافه

……………...……ـ


تخوصر فوگ ابنه وصاح گوم وياي مو غربه

وره حسينك ذبـح وخيول كافي تشلع ابگلبه

ششيلـن منك احتـاريت تكتل حـالتـك صعـبه

ردت تشرب أميه وصار رمحك دمـك ايشربه


يابويه بكثر نوحي .. وحگگ طلعت روحي

وهدل حيلي

بنهار الله وصفه دربي .. اظلم والظهر يحبي

صحت ويلي


ابني اعله اديه اشيلمه

شلته وترس هدمي دمه

حـايـر وحگگ صحتله

خفت انه اشمه والچمه

……………...……ـ


يشم بوليده ضل كلساع نـاده بويه مذبوحي

علي بگد ما تعب اعليك وحگگ تَعبت روحي

اول تالي وانه حسين الـوادم تضحك بنوحي

اجيتك شاب ارد شايب هضيمه ابكبر جروحي


بعد شيردني للخيمه .. گلبي امفتت ابضيمه

علي يبني

صاح ابني يرد حيله .. بلكي الله امن اتچيله

عله متني


رد للخـيـم وابنحيبه

گلبي تعب من حبيبه

راح الــولد يا هضيمه

ابني علي امنين اجيبه

……………...……ـ


جابه ومــدده وايصـيح يا زينب تعــاي النه

كتر صاحي الطعن يم عون ماخله وعلي منه

اوليدي مات بس من مات شلته وانلچم چنه

اشتاگيت اسمع صوته اهواي لا نايم واگعدنه


هذا اوليدي وعيوني .. خطف روحي خطف لوني

تره افراگه

مو نـايــم واگعدنه .. حرگت گلبي ودمنه

تره اشواگه


يا ويلــي وامــن المسيه

زينب عله ابني اشبديه

جسمه انترس بس دمايه

وضل عطـره باقي ابديه

……………...……ـ


بعد ما بيه اصيح احــاا صوتي راح بــونيــني

وموش اوذر علي عالگاع ذني الطاحن اسنيني

بعد شرجه بحياتي هاي حبيبي وما يحاجيني

بجيت اعله الولد حد ما طاح ابكتره فص عيني


مثل ؤن الگطه ؤني .. جرح اوليدي هاضمني

وزرف گلبي

صبح الله انگلب ليلي .. اخذ من عندي كل حيلي

تره تعبي


شمع العمــر مــن تبده

واعله الترب يغفه خده

والله اكرهت كل حياتي

ذبلت تـــره اغله ورده


……………...……ـ

- خيري الصفراني




#اللهم_عجل_لوليك_الفرج


القصيدة60

#تراث


نعي مولاتي ليلى لمولاي علي الأكبر


اجـت شـايطه وشبكت ولدها

والولـد كطعـه مـن جبـدها

اوچبـت عد راسه تنـدها

يالي جبتتها كوم ردها

امك تـداعيك بجهدها

تــره خلتك محد يسدها

يـابدر عزها ويا سعدها

أشخليت يامدلول عدها


يبني علي يالبالحرب منعـوت

اناديك ليه ما تسـمع الصوت

يالولـد ردتك ســاعة المــوت

وينشال بحضورك التباوت

يالي كضيت بكـربـلا فـوت

مبطـل عليـك النوح للمــوت


اشلون استكن يهيد ونـي

علـى ابني الليالي البي چوني

واحـد وباگه البين مـني

گبل كـربلا ميتـه عـســني

وعكـب الـولـد لا ضحك سـني


انـه امـك واريـد اتـودع ويــاك

دريــض يمـــن روحـي فداياك

انه بـخيمتي ارد اكعـد اتناك

تـره خيمتي توحش بالايـاك

حسبتك عليـه تخلـف ارباك

وين الربه اويـن التعـب ذاك



الحاج المرحوم مُعين السباك


#اللهم_عجل_لوليك_الفرج




#اللهم_عجل_لوليك_الفرج


القصيدة61

,

#_مصيبة_ونعـ٢ـي -5

___

وكأني..

بمولاي علي الاكبر-ع- حين ودع اباه وبرز الى القتال خرجت خلفه اخته الصغيرة الحبيبة

رقية-ع-باكية حزينة خائفة على شبابه وتخاف من بعده الضياع ، فجلس على الارض واجلسها في حجره واخذ يقبلها ويطيل النظر الى وجهها ويستمع الى كلامها ويتألم لإلمها ، (فقالت له)

___

يــبـو طـــول الحلو لاوين رايح

خيام حسين صــاير بيها صايح

بجي ولطمه ونحيب وصوت نايح

هاي وعود بعدك مــوش طايح

بعد ياهو الصبح عكبك نصابح

ويـــاهــو يشيلني والمن امـازح

عكب جفك الجف الموت اصافح

الحجي خلافك بعد ماصار مـالح

نشوفك غيم رغـم الدنيه بـارح

••


ثم أخذت تقبلهُ بين عينيهِ وهو يقبلها بيَديها. ويطيلُ النظر الى وجهها. وتطيلُ النظر الى وجههِ وهي تقول ..

___

اروحن فدوه لرسوم الحواجب

يكشخة بني هاشم وال غالب

هـــي التلزم هـاي الــشـوارب

ابــوك حسين جـا للنور طالب؟

••

اروحـن فـدوه للعين الكحيله

التشمهن ما تمل عمتي العقيلة

يـكعبه تصلي لعيونـــه القبيله

دخيله بـشاربك انــه دخـيـلـه

••

اروحن فـدوه لربات المضايف

ورى عيونك بعد مامش سوالف

إجيتك يبن ابوي بگلب لاهف

يـــل عيونك امان بليل خايف

••

اروحن فـدوه لدموعك يهيبه

غــريـبـه خلاف حنيتك غريبه

المصيبة من تسد عينك مصيبه

عجيبه الماي من يعطش عجيبه

••


اخافن من بعد عينك يغاتي

تموت وتنفطر بالدم لهاتي

وتـلـوح النار يالاكبر عـباتي

نخاف من السبي ياعز خواتي

••


وهنا جرت دموعُ عينيهِ على خديه. واخذ يشمها طويلاً ويقبلها بلهفة. ثم ودعها وخرج. ولم يطق ان يرد عليها بكلمة واحدة لأن العبرة قد تكسرت في صدره..

____

اكلك تان وانـت امشيت - متناي

كبل طولك يريت الموت - موتني

اريـدك تـمسح بجفيك - مـتـني

وتقرا الفاتحه من السوط اليه


••

خديجه وفاطمه اشتاكن - وداعــــن

اودي لـجدي دم نـحـري -اودي عين

يـــبــعد الـروح كــاللـهــا - وداعـــــاً

عمت عيني اعلى متنج يارقيه

____

🖊#_الشيخ_حيدر_الحميداوي

محرم الحرام/ 1444 / 2022



هل اعجبك الموضوع :

أخر المواضيع من قسم : 100 قصيدة مكتوبة

تعليقات

إرسال تعليق

التنقل السريع