نعي مكتوب لمولاتي فاطمة الزهراء عليها السلام
((الحزن الفاطمي))
من يوم الدفعني الباب
وصدري بدفعته رضّه
مره اتوچه عالحايط
ومره اتوچه عالفضه
بالعبره اهل العين
واريّح لوعتي بدمعي
اخافن لا علي يدري
ويتأذه لكسر ضلعي
اغطي بسطرت عيوني
وامسح دمعتي بردني
ما خليت ابو حملات
يتأذه أويشهادني
حيدر حالتي اتأذيه
من ابچي ويسمع اونيني
حسباله لبوي النوح
مايدري بسطر عيني
يريت المصطفى يحضر
واخبره اشسوت العصره
مابين الرجس والباب
طحت وضلوعي متكسره
طاح الطفل گدامي
وعيني اتشاهد المنظر
صحت يافضه لحگيلي
وتمنيت النبي يحضر
فجعوني بسطر وجهي
وزادو لوعتي الاذناب
حرگو منزلي همه
والنّار اعتلت بالباب
تحملت العصر والصار
بصدري وضربت البسمار
وأدنگ من يطب حيدر
خفت لا اجرح الكرار
مهظومه ونحل جسمي
واكابر عالهضم گوه
اذّكر طحيت المحسن
وأگوم بطيحته اتلوه
عمري بزهرت اسنينه
واصرت اتنطر الموتي
اخاف انسه واصيحن اخ
وحيدر يستمع صوتي
لا اگدر ابث شكواي
واكعد يمه واشرحله
والله الحالتي يدري
غير الموت مايحله
ماتت منيتي بدنياي
وذبلت زهرت احلامي
هضموني بكسر ضلعي
وطفلي الطاح گدامي
ماچني بعمر عشرين
شح من الالم جسمي
نحلني الهضم والظيم
وصرت گوه انگل لجدمي
عاشرني الدمع والنوح
وحرّم لذتي بدنياي
اتسله بضلام الليل
وللخالق ابث شكواي
انه ام الحسن وحسين
الوديعه اليرضه لرضاهه
الگالو صحبه دفعوني
وجرحو گلبي فوگاهه
سلبو دمعتي وحگي
وخلوني اعله هذا الحال
اجرن بالنفس گوه
وصورة محسن اعله البال
*------------*---------------*
✍بقلم خادم الحسين ع
الشاعر رعد الجريخي
____________________________
لاستشهاد فاطمة الزهراء عليها السلام
ياليل وين مروَّتك
اتنوح الزچيه گضّتك
الياوكت هاذي حالتك
ياليل حدمن. غربتك
چفوف العطف ماهزَّتك
يلطولت موعادتك
بعد الأبو ماظنتك
وحشه وتعذب جيتك
بالگلب تچوي لوعتك
موانته ذاك العرفتك
لمت احباب ابلمتك
الچانت تلوذ بعازتك
ياليل موحش ملتك
تلم الشمل من رادتك
وي الاهل موشيمتك
نار الهظم مالاحتك
أونتها ماهي ونتك
وين الأبو من نادتك
ظليت ليش بسكتتك
ياليل ظل ابراحتك
گطعت الونه وعافتك
الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ
ونين الفاجـدة على الزهـره ونيت
خلگ بينه نحچـي وساكـت البيت
واشوف اعيون تحچي لمن صديت
والــياريت تاخــذنه عـــلى ياريت
يـــملح الگـــعدة يايـــمه الحــنين
موبـــس بيتـنه اضلم كلـشي بينه
جــــزه بيـــنه العــمر واتـفارگينه
لمـصــابچ ابــــد بطــــل بــــچينه
وكلمن ظام حچيهه ابطرف عينه
الحسن وحسين وي حيدر ولينه
الانــگـــاب ابعـــمايــم شــــادينه
بلا صــوت البچي يم ضلع مهشوم
يبچي ابلايه صــوت الگلبه مهظوم
أمناوب يمه صرنه انشم بالاهدوم
ونتگابل ونيــن علــيچ كــــل يــوم
علي الحميداوي
ــــــــــــــــــــــــــــــــــــــــــــــــــــــــ
نعي للزهراء عليها السلام
كسرظلع الزچيه وحال علتها
وعظم فگد الجنين ونار سطرتها
دليل على العدة بالحشر محنتها
ومحنه على النكر تهدر بلاغتها
وباب الويل لهل الويل دمعتها
حطب للذله صار الراد ذلتها
رد كيده على نحره الزاد شوغتها
على الخالق عزيزه شعظم هيبتها
بگلب حيدر جرح ينعي مصيبتها
يروح الماسلت من مشت سلوتها
ويعين الماغفت من بعد روحتها
يادار اليطبها وطفت شمعتها
الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ
الشاعر الحسيني ظاهرالهليجي
نعي للزهراء
هنياله اليعيش و امه يمه
يقبل راسها آوجفها يشمه
تراها الوالده من الله رحمه
لو راحت تجيب الوالده امنين
اليفگد أمه حگه يعيش مجروح
يخلصه الليل كله مناشغ ونوح
بعد شله ابحياته أو شله بلروح
يظل حمله ثجيل وماله امعين
حطها بنص دليك يل بعدها وياك
باريها أبكثر ما بارت ارباك
اذكر طيبها وذاك التعب ذاك
الظحت كل عمره وذيج السنين
الدنيه أبلايه أم شنهي نفعها
مكدره أمنل الهموم أيظل طبعها
شحال السمعة أبكسرت ظلعها
والشافوا دماهه الحسن وحسين
ــــــــــــــــــــــــــــــــــــــــــــــــــــــــ
نعي مفجع
لسان حال السيده زينب بعد فقد الزهراء ع
ريـت بـحـلـم يلـغـالـيـه ألـگـاچ
ويــرد حــنـــان الـــراح ويــاچ
غـابـت فرحتي اخـلاف عيناچ
مـــدري زمــانــي ويـــن وداچ
أگـعـد وشـوفـن خـالـيـه الدار
وتـجـري المدامع وذكـر الصار
يـوم الأجـتـنـه گـوم الاشـرار
وحـرگـوا عـلـيـنـه البيت بنّار
بـس الـمــدامـع ضـلـت ويـاي
عـگـبـچ يـيـمـه ونـور عـينـاي
نـار المصايب حـرگت احشاي
الـمـن اسـولـف ظـيـم دنـيـاي
*---------------------------*--------------------*
✍خادم الزهراء ع
الشاعر رعد الجريخي
ــــــــــــــــــــــــــــــــــــــــــــــــــــــــ
نعي
مفجع
يحيدر من تغسلني
بهداي الضلع كضه
تراهو الباب جارحني
وبثگله الصدر رضّه
خفيت اعليك ونّاتي
وحجيت بحالتي الفضه
خفت لاحاقد ايصدلي
واصيرن للنظر عِرضه
*----------------*-----------------*
ادري بحالتي صعبه
وتشاهد اثر بسمار
اصبر والصبر مطلوب
ولا تجزع يحامي الجار
بتوالي الليل شيعني
ونعشي لاتحضره اشرار
اشكي مصابي للباري
والطه النبي المختار
*--------------------*----------------*
يحيدر وألأهم مني
عينك عالحسن وحسين
وزينب صير سلوتهه
ونشفلهه دموع العين
يتيمه وتكسر الخاطر
تضل ومارحمهه البين
ألله بغيبتي ايعينك
ويصبرك يحامي الدين
*------------------*-----------------*
✍بقلم خادم الزهراء ع
الشاعر رعد الجريخي
ــــــــــــــــــــــــــــــــــــــــــــــــــــــــ
دگوا الباب وتغير لونها
بجت حتى السمه لعيونها
+++++++++
طيحت الزهره ترا طاح العرش
وهذا نعش الدين مواله النعش
الگضت بالدنيه بس اثمنطعش
وخير للوادم ترس ماعونها
+++++++++
طيحت الزهره غميجه ابلا حجي
بياذنب والبضعه خاطر تنولي
الخلصت ساعاته بس بالبجي
ميته بفراش الحزن يلكونها
+++++++++++
انتفض جبريل الحالته اعترض
وصفك بجناحه لعده ونتفض
الي يبغض فاطمه الربه بغض
هيجي بت الخاتم ايردونها
++++++++
مصاب بت الطه ترا ماينحمل
وما رضى البصار بس الي نذل
ضلع مسمار وبعدفوگه الطفل
علا الهظم والجور الله يعونها
+++++++++++
صوت من السمه ناداها بطلب
كولي يزهره وسويه حطب
الحرك والدفع البابج يطب
سوي فعله البمهد يحجونها
ابو حسين الفضلي
ــــــــــــــــــــــــــــــــــــــــــــــــــــــــ
هد حيل الزجية الباب.... بجوذعه او بساميره
.
.
شاغت وِاشْهِكَت واصوابها امچيد
ترد الباب بيد أو تحتمي بيد
ما بيها المدافع حيل إيريد
واسياط الرجز عالطاهرة اتزيد
او هي انحيلة جانت حيل وزغيره
.
.
حاطوا دارها جيمان الإرهاب
فعتلهم جزت حمال الاحطاب
رفسوا بابها بُغضًا بابو اتراب
او طاحت عالوديعة جذعة الباب
منّ الثاني كل هاي أو تدابيره
.
.
برماح أو سياط الكوم طكوها
أو بس تشتم هوه الدخان خلوها
خلف الباب چوم ازلام عصروها
صوبوها بضلعها حيل صوبوها
ضلع الزهره سمعوا صوت تكسيره
.
.
صاحت و اثغبت من قوة العصرة
واسود صار جفها أو عين منسطره
أو ما تكدر تكوم الزهرة منكسره
بالله اشلون يمشي المنكسر ظهرة ؟
والمكسور ظهره ماله تجبيره
.
.
الجان بروحه طه أو عينه حاميها
ثلثمية معادي الهدّت اعليها
وديعة امن النبي جا هيج تاليها
حركوا دارها أو جتِّفوا واليها
وام احسين والله ظلت ابحيره
.
.
بسمار بصدرها بحقد مدفوع
وتلوج بألمها الزهرة وتلوع
او يلجمه النفس لو مر كسر الاضلوع
قلبها أمن المصايب حيل موجوع
الوحيدة المن نظرها اتْحوْل وتديره
.
.
فاضل عباس الخزاع
نعي للزهراء مكتوب
السلام عليكِ يا ممتحنه
تعليقات
إرسال تعليق