قصائد حسينية مكتوبة للقاسم بن الحسن عليه السلام 35 قصيدة مكتوبة
مجموعة قصائد مكتوبة لمولانا القاسم عليه السلام
القصيدة 1
((مولاي الحسن مع مولاتي رمله))
نذر يا رمله هذا وليدي منذور
العمه حسين من يصير عاشور
حرس واباب الخيام
نذر منذور جسام
-----------------------
من حسّ على جبينه الندى وصارت چبيره العله
صاح عله زينب بالدمع عندي وصيه الرمله
يم راسة گعدتّ وانچفت تشبه شجون الدله
تگله احوالي من حالك
يبعد اهلي شتهيالك
وصيني وأنه اگبالك..... يبونه يالحسن
يبونه وچنك مسافر
يبو سنيني وحلم باچر
تصارع گوه وتكابر ....... يبونه يالحسن
جرح البيه حاصر شوف العيون
وداعاً والصبح يارمله مدفون
وصيتي التالي الايام
نذر منذور جسام
----------------------------------------
رمله بدمعها الماسكت ذكرى وجرح تبچيله
يوصيها وبچبده عطش حسين (الابو) من الليله
باچر اذا تبدي الحرب بحنةّ عشگ حنيله
حنة وداع وعاطفه
حنة سوالف فلسفه
گلتلة ياراعي الوفه ..... يبونه يالحسن
گلتلة والچلمه ترف
ردت بحضورك من نزف
وايدك تحطها عله الچتف ...يبونه يالحسن
بحضورك ياامامي وردتك تشوف
من إيصول أبنة بيوم الطفوف
بطولگ يوكف ولآم
نذر منذور جسام
--------------------------------
گصريله ثوبي للحرب وهم لامتي حضريها
وسيفي وحيازيم العشگ بخصرة عدل شديها
مهندم اريدة بالحرب حته الحرب يچفيها
گلتله صار وراضية
ياسيدي ويالعافية
انه الكلامك شارية..... يبونه يالحسن
انته حياتي ودولتي
يالساكن بنص صفنتي
بياچف اودع دمعتي..... يبونه يالحسن
يالماشي بدرب ماضنك تعود
عگبك حته روحي تلبس اسود
ابشرك بالجرح نام
نذر منذور جسام
-------------------------------
وبدمعه عيونه حچي وين الگمر يحسبني
وگلاله عونك يالاخو ابشر يمالك عيني
اسمعني هايابو الفضل گلاله لتوصيني
زينب اعز من رايتي
زينب أخيتي وعمتي
چّفيني فدوه وهامتي .....يبونه يالحسن
موجربه اجيبلها نهر
انه المليك المقتدر
سهران اضل طول الدهر....يبونه يالحسن
وكفو يحزامي يمدللّ ابونه
ياعباس هذا حسين اخونه
انته وجاسم حزام
نذر منذور جسام
---------------------------------
ودار النضر لام الخدر هايابعد عافيتي
هايابعد كلشي المضى ونفسي البگلبي وريتي
ياخوية دربالچ جمر من فزعو وركضيتي
والخيل اجتچ مسرعه
وعباسچ عله المشرعه
وينزف كفاله مدمعه.... يبونه يالحسن
وتگله يانبض الگلب
فدواتك يلمني الترب
يادربي ويضيع الدرب....يبونه يالحسن
تغمض ياعطر باجي من اهلنه
عگب چفك بعد ياهو اليلمنه
ونشفوك بس بالاحلام
نذر منذور جسام
عبد زينب
محمد الابراهيمي
القصيدة 2
رايح ينبضات العشگ
يا يمة باچر لو صدگ
من تمشي يا لون الندة
گبل الخيم ابدي احترگ
____
من گد الامتانة الصبح.… يتشگگن رجلية
ع الگاع باچر تنچفي………حنتنك والحنية
يمنشف انجوم سماي
شاغت محاچينة هواي
ما تنترك چنك ماي
گالوا زغير اعله العرس
بس تارس اعيوني ترس
بس اليعرفك يرغبك
هو انت هم مثل الصدگ
_
لا تترك اجفوفي الامس. عرگت بخت يم ايدك
وعيوني التصب مستحة . مو تدري بيها تريدك
توجعني دورة مگفاك
خذني ارد اطيحن وياك
لا تنسة ما اتناساك
وعيوني التنگط بچي
حدر الرمش نگعت حچي
دنگت والشيب انتچة
راس اليدنگ هم عثگ
بس انت عدي والوكت… طالبني بيك طلابة
يبني يجاسم لو متت … باچر اشد عصابة
باچر يوازيك الموت
واحنة بدواوين نفوت
باچر يخنگون الصوت
مامش عرس باچر سبي
وتدمّر اتراب العبي
باچر چفافيك الخضر
بالخيمة ينسحگن سحگ
_
باچر يخربون العرس…… وامك تكض عوچية
واشموعك تموت بهوة…… وتابوتها الصينية
باچر يدوسنها الخيل
وامك تدوّر ع الحيل
ايشور ترة بچيي الليل
يوليدي بي حوبة الدمع
ويعثر الطفة الشمع
شيلحگك انت لو طحت
طبع الدمع ما ينلحگ
باچر يعورني الهجر……… و ايد الحزن تچهبني
نيشانك وثوب العرس…… باچر ترة ايغثنّي
بسيوف طولك ينباگ
واهدومك اترسها اشباگ
حظني يرف من اشتاگ
يا بعد شوغات العمر
شيعوضة لو مات البزر
ماكو هلاهل لا فرح
عرسك ترة ضيجة خلگ
____
علي هادي الخزعلي
القصيدة 3
اسهر واتعب جنت الليل // وتالي تعبي تسحكه الخيل
لا هلهوله _ تلوك الطوله _ لا مبروك ولا عالخير
/////////////////////////////
بشفافه جان ايظمهه الي _ وين الحجايه الترفه
امنيتي اسويله عرس _ الماحنه اصبع جفه
جانت ابالي الخيمته _ العباس بيده يزفه
وحسين كاشخ لبن اخو_ وبعرسه واكف وكفه
جاسم تستاهل مبروك// بس اركض خلي يذبحوك
عمك حاير _ بيوم العاشر _ عمك مانراظهه يحير
/////////////////////////////
الحنظل طلع طعمه حلو _ بس فركت ابني المره
انسه السهر انسه التعب _ وماانسه ذيج العشره
مرتاحه العدهه بس ولد _ اتريد بس اتكبره
وانه عكسهن كبرت _ والخيل داست صدره
بخدوده الحافر مطبوع// وماظلت عد ابني اظلوع
طعنه وحافر _ جسمه شصاير _ ظل ينازع مثل الطير
/////////////////////////////
لابس اعمامة والده _ جاسم شاب وجنه اهلاال
بنفاسه ريحت كربله _ بجفوفه شمرت خيال
وبطارف اعيونه الزعل _وتوقعو لحسينه شكال
بالخيمه اكعد واطمئن _ ذوله مابيهم رجال
كضت الدله كض السيف // ومر اعليهم مثل الطيف
كف اردانه _ وكلهم انه _ ابن المادنك للغير
/////////////////////////////
المخنوك ومضيع الهوه _ اشوه تره من همي
ياخيل مو بسج سحك _ وصلن اعظامه يمي
تشوفنه بهدوم العرس _ بجروحي كافي تلجمي
ناديته جاسم ها عدل _ تحنيت صاح ابدمي
يا عريس ابلا صحبان// يوليدي بعدك عطشان
شموعك يطفن _عيوني يعمن _عمري يخلص بس تفكير
/////////////////////////////
للخيمه اجه بعينه الزعل _ طاح ابن عمه الاكبر
تشابكنه تبارينه الذمم _ كال انطي لازم منحر
بلا راس من جابوه الي _ يكتل هذاك المنظر
كلبته شو كله جرح _ شو جسمه كله مكسر
ياهو الشايف منكم شاب// ينزف دم بنحره تراب
طلعت روحه _ هواي اجروحه _ كلبي كلولي شيصير
/////////////////////////////
محسوده التخلف ولد _ وبالأخص مثل اوليدي
جان الصبح لمن يفز _ يدكنك يحبني بايدي
اشبر ابطوله كل وكت _ جاسم فرحتي وعيدي
من عكب عينه وظحكته _ عالناكه امشي بكيدي
يسالن بيه العلويات // جسامج لو كلبج مات
هوه اكليبي _وحركت شيبي _ شاب وليده وبعده ازغير
/////////////////////////////
تمت _ علاء الزيدي
القصيدة 4
زفْيتـــك ابـــدمعٙه .... لاحِــنّه لا شـمــعـٙه
صوت الهلاهل ونِّتي ... يوليدي يا جسّام
...............
رمله أنه يوليــــــدي دمعي بالجِفِن جـٙفْ
يا وردة وانته من الورد يا جــاسِم اترٙف
گلبي اعله فـــــرگاك اشكثُر يبني تِحسّٙف
لا مِنْ عمـــام الزفِتٙك لا حٙـــنّٙتْ الــــچٙف
ما شافت اعيونك ... اخوانك يزفونك
لصيوانك أ يا حسرتي ... يوليدي يا جسّام
................
ما حٙسّٙبت دهري جرح فٙـرگه إلي ضام
ويذبٙح فرحتـي ابكربله سٙـــيّاف الالام
امبارك بدالي صاحِتٙك بالطـف الاسهام
أمنيتي چانت من زفـافك يبني جسّام
تناديني خــــطّارٙك ... يٙمْ جاسم امبارٙك
بحنتٙك أٙحنّي شيبتي ... يوليدي يا جسّام
................
ياذخري ذاخرتٙك ألي وبروحي أحســاس
يبني أٙســوّٙيلك عِرِس ما شــــافته الناس
عمّــك يحــــٙنّي راحِتٙك وتبوُسه عالراس
ويزفّك لحٙد خــيمـتٙك عــٙــمّٙك العـــباس
وانظـر أبـــــو الشيمه ... يطٙش ورد عالخيمه
أمبارٙك أنادي بصيحتي ... يوليدي يا جسّام
..............
ضِحكة شِفاهٙك بيها كل اهمـــومي تــنزاح
بس من طِلٙعتْ الخيمه حيلي يالـــوِلٙد راح
ساعه وسِمٙعتْ حسين زينب عٙمتــك صاح
گالــــلهه الله يعظـُــم أٙجرِچ مـــنذِبح طاح
اطلٙعتْ وشِفتْ جسمٙك ... دامي بحِضِن عمّٙــك
وهنا شٙعٙرت بكٙــسـرتي ... يوليدي يا جسّام
.............
ماراح اگلك تٙــــعب عمــري رِد أٙطُــــلـبٙك
وفـــيــّٙت أُمــّٙـك من نِصـــــرتٙه دين ربّك
ارماح وسيوف الطف هذن وگعٙن ابحُبّك
من عمّٙك حسين الشــهاده جٙـتْ تخُطبك
و اتزفّٙــــــــك احـلامٙك ... و شـموُعك اسهامٙك
بالجٙـــنّه إنته شٙمعتي ... يوليدي ياجسّام
..............
دمعي علىٰ جسمك نثــر موج الأحاسيس
حرموني منك يا عذوبة هٙوّه الرسْـــرِيس
يامِــــــعْرس الما شاف زٙفّات المـــعاريس
أنته تظل دامي وأنه يســــبوني عالعِيـس
من أٙمشي بجْروحي ... يمّٙـــك تِظٙل روحي
يسْكِن خٙيالٙك دٙمعتي ... يوليدي يا جسّام
الشاعر حاتم صبري الكاظمي
القصيدة 5
((مولاي القاسم ابن الحسن))
ضويتلك گلبي شمع
والحنه من فيض الدمع
اجمل ترافه بهيبتك يالواحد
ياجاسم بعرسك نحر متواعد
****
همس المدامع وجرن
لمن برز أبن الحسن ... للحومه
چم خيمه شبت بالگلب
ويتعثر بروحي الدرب .. ملچومه
شما يبتعد عن النضر تچويني دمعات البُعد
وترسم على خدودي رمح
وتصورتّ آنه بلحد
عطرك ترس عين السمه
يا أحلا من عطر الورد
ياحسرتي من ترتجل
والذكرى مو مدمع يهل
گلب امك بجرحه يجاسم شارد
ياجاسم بعرسك نحر متواعد
****
شما تلتفت گلبي يفز
وبنضرتك يبني تحز ... الدمعه
يادمعتي من تنرسم
وچنت انتضر هذا الحلم..بالشمعه
عرسك جرح ناغه الگلب وأمنيتي بس راح أمل
وتّبدت امنيتي بعطش وتذبحت كل الاهل
شفتك مثل ورگه بهوى ويدنه لعيونك أجل
راح الهوى وبيمن أشم
أمك تتاني ياشهم
أنته ابني بس آنه اشوفك والد
ياجاسم بعرسك نحر متواعد
****
من عاينت طاح الولد
وتذكرت سهر المهد ... وأتعابه
من الحومه للخيمه جرح
عمه ينادي منذبح ..... من جابه
وبصف علي الاكبر گعد گلبه بألف جمره أنچوه
وحط شفته بأذنه وبچه گلهم وحيد بنينوى
وزينب تگض بيدي صبر وتشبگني والمدمع سوه
وآنه اختنگ وأرجف تعب
وحّلَيًليّ من إيدي أنسلب
وضل يرفس بضلعي الگلب ماگاعد
ياجاسم بهرسك نحر متواعد
*
وحملي على الگاع انفرش
وعطشانه يايمه عطش...لرسومك
مابينك وبين الهزل
مشيَتّ أسيره وبحبل ...يايومك
جرح الهزل ذكرى وألم ولوعةّ سياط اعله المتن
هوه العشگ لازم صعب كون بهزل من يمتحن
يالعايش بصفي رمح تسمعني يايمه من أون
من تسمع بصدري الضمه
نحرك يسولفلي الدمه
وما يستچن گلب الجريح الفاگد
ياجاسم بعرسك نحر متواعد
****
من تعثر الناگه بچي
يبدي الحچي الماينحچي.. والخنگه
يبدي المتن من ينشرح
يشبهك يجاسم بالذبح...والشهگه
شما أنويّ بفرض العشگ شفت الحجر ساجد يمر
درب العشگ چه بي تعب نسحگ لطم فوگ الجمر
ماهمني يايمه الحبل بس چَتَفّ عيوني الهجر
چَتَفّ حياتي بالسبي
يوليدي يوليد النبي
وشفت الجرى راسك يجاسم شاهد
ياجاسم بعرسك نحر متواعد
عبد زينب
محمد الابراهيمي
القصيدة 6
(لمولاي القاسم ع) ... محرم 1442 هـ
رايح ...التارس الدنيا بحلاته
رايح...وطفن شموعه امهاته
عريس راح وكاشخ ويا محلاه
دم الحرب جسام بالطف حناه
يحكل عيون امه بموته محتام
اتلكنه ملكه وداع من شبكنه الاسهام
حط راسه بحضن امه اوصه جسام
يكلها اريدن رمحي شمعه يروح لشام
يلتارس الطف بضحكته
بس بجي مقسومه زفته
انطفه شمعه بكلب عمته
باقي ...بس حلم بلخيم خله
باقي ...يا عزيز بكلـب رمله
تتمنى تكضي العمر لو بس وياه
دم الحرب جسام بالطف حناه
ــــــــــــــــــــــــــــــــــــــــــ
الكمر لو مات كون اتشيعه النجوم
وجاسم من اتبده طوله التمت الكوم
بجسمه ماكو اثر باقي اله ملجوم
حسين من شافه يذبحه يطيح ويكوم
تباوع حسين لخيامه
رجـع يلطم عللهامه
مات اليعزب العمامه
طايح ...يلتفت ويصيح يمه
طايح ...الكاع ما تكدر تلمه
العباس هد حسين بس ما خلاه
دم الحرب جسام بالطف حناه
ــــــــــــــــــــــــــــــــــــــــــ
بقت رمله بالخيم تدعيله وتنوح
فزت عالصوت رد جسام مذبوح
ركضت لشكبت ابنها الماخذ الروح
لجن رد جسام عاري امطرز اجروح
امجان ماكو بي تشمه
تلولي كعدت رمله يمه
كطع كلب حسين عمه
رملة...اكباله كعدت والله حيره
رملة ...تصيح لا مو هو غيره
ابني كمر يا سيف هذا الطفاه
دم الحرب جسام بالطف حناه
ــــــــــــــــــــــــــــــــــــــــــ
وين اكو ماي بضهاري يموت عطشان
وجها من تدنه يمه تكول قران
لعبت الخياله حيل بسجمه ميدان
هيه تنشك الرساله بيد عميان
كام يشم انفاسه كوه
خربو كحلته الحلوه
ضل يصيح حسين يسوه
شحاله ...بصحره نام تبده حيله
شحاله....الدم ترس ثوبه و شليله
بصحره تجوي الكاع والدم غطاه
دم الحرب جسام بالطف حناه
ــــــــــــــــــــــــــــــــــــــــــ
حلمه جان من الطفوله يكبر بساع
حته من حسين يمشي يصيرله شراع
عيونه من تصفن عليهن ورك نعناع
امه ما متهنيه بي اتهنت الكاع
حنته مشتاكه ليده
وامه عن شوفه بعيده
اكبالها حزو وريده
شايل ...جن لكو مكتوب عده
شايل...حرز شايل اسم جده
يا علي مكتوب شافه وشكاه
دم الحرب جسام بالطف حناه
كرار فاهم الخفاجي
القصيدة 7
جسام يالجاسم دليلي
يالعگب ابوك انت خليلي
يايمة وين تريد ...فكدك تراه امچيد
حيلي انت لا ترحل يحيلي
________________
يسباح اليكظ الگلب خاف يطيح
ويا شمعت زماني العمت عين الريح
حيرة بفركتك ما يطلع التصريح
كلبي اوكف يصيح و عقلي روح يصيح
محتارة اودعك للمنيه
لو تبقة يمي تباري بيه
امفكرة لزماني تكون ...بالظلمة الية اعيون
يا گمر رملة اليضوي ليلي
__________________
يمة افراك وجهك مو عليّ بالهون
وادري الگوم يمة الجتلتك يردون
شيظل بالحيل لو شفت التعب مطعون
لجن ملزوم تكصد للحرب يالعون
لو بيدي جا ضحيت دونك
شحمل واشوف يعذبونك
خاف الجمال يروح .... وينترس تعبي اجروح
وتتوسط الجمرة بغليلي
_________________
طلعت وروحي طلعت مني وتماشيك
رايح للتعب يا عمت عيني اعليك
عطشان ومشيت وماكو ماي ارويك
وسموم الهوى حار وبالجبد ياذيك
روح المنيه تريد دمك
ما تدري بيك ارويحت امك
سلب الروح اجفاك.... بلكي الذبح ينساك
يبزغرك محلي شليلي
___________________
كبلك علي الاكبر طاح والدم سال
وبواجي امة ونعاوي تفطر الدلال
من تطيح ايسدي اعلية نفس الحال
وعلى عمك اثنين اولاد والله اثگال
شفتة انهطر من طاح الاكبر
وينهطر لو طحت انت اكثر
ينكسر كسرت عود .... مو هيّن المفگود
يا عيني عالمفگود سيلي
____________________
متبطعة اعيوني برسمك المفتون
لو يرحل جمالك كون اعمي اعيون
حر الصحرة يرسم فوك وجهك لون
وضربات السيوف تغير المضمون
مضمون حسنك لو تغير
ومضون دم وعطش يظهر
لو شفت دمك ساح ....اترس الخيمة اصياح
والخيمة توكع من عويلي
حسين حيدر الموسوي
القصيدة 8
يبني ويشمعة زماني يمه لشبابك أتاني
لتعب الأيام ضميتك تكبر جسام تانيتك
يمه لشبابك أتاني
..........
عگب التعب ذاخرتك لشيبي لا يمه فجأة تهدني وتروح
صار بغيابك حتى الاعذيبي مثل الجمر تتنفسه الروح
ما ادري يمك يا درب لو جيتك ايوديني
مات أعلى طرواك الگلب وبس شمتك تحييني
گلبي تعته المصيبة يوليدي ليك شيجيبه
من بين اخيام حاجيتك تكبر جسام تانيتك
يمه لشبابك أتاني
..............
هاي السمه لمن جنت حاضر كلش جميلة بشوف العيون
ثاريها جانت يمة بالناظر تنطي السمه بس شوفتك لون
أظلم جمال البلفضه ولون الشمس ما شوفه
ما يدري البفگدك گضه يگبرك عمر وتعوفه
عفت ام دلالك وحدها ام وتحن لولدها
روح بنص روح ربيتك تگبر جسام تانيتك
يمه لشبابك أتاني
...........
گلبي اليتاني تگله شتاني دمعة غيابك لمن اطيح
ريح اليمرني يمه بجاني ها يمه عطرك ماكو بالريح
كل الهلا بجيتك گلت للخيمة لمن جابوك
وبدال الملبس شفت بدموع اهل زفوك
كل عمري يا يمه آنه شلتك بگلبي امانه
للطف بالروح خليتك تكبر جسام تانيتك
يمه لشبابك أتاني
.................
مرت علي جم ليلة من دونك يالما افارگ شوفتك يوم
من ذاكه يومك يمه وعيونك ما لجلجت عين امك بنوم
كل لحظة واگبالي تجي واتخيل اتحاجيني
وافتح عيوني لشوفتك بس ما تشوفك عيني
ابجي عليك بحيني يسكت الفواجد ونيني
يامن للموت زفيتك تكبر جسام تانيتك
يمه لشبابك أتاني
.............
بيد البواجي تهدني يا ويلي وتفارگ امك لا يجسام
حيلي الهدمته يا بعد حيلي شلون امشي بيه يوليدي للشام
كلهن هظم يمه البجن لو محد يگلهن هاه
كلشي انتهى وراح الضعن وجتالكم ماشيناه
منكم رحلنه ومشينه خلصنه گد ما بجينه
بكوفان وشام وابجيتك تكبر جسام تانيتك
كرار المحمداوي
القصيدة 9
#قصيدة_شور
#لشجاعة_القاسم_ابن الحسن ع
- يا سلام الله على الحنه البديك
_________________________________
دايخه الخياله من صوت الرعيد
القاسم وهوس بشوباش العرس
حاط الحنه اعله سيفه ومن بعيد
گطع صيت الهوه وضحكات الضرس
- هلا بالعاف المخيم وانتفض
- هلا الگل العمه ظل مالك غرض
- راح اعاند بيهم اعناد المرض ،
يا هله بعريسهه == الدنيا صيف يجيسهه
ترس چفه وظلت = الحرب فارغ چيسهه
- يا سلام الله على الحنه البديه
_________________________________
هلا بريحانة الطف ابن الچريم ،
صال وانفتحت شهيته اعله الحرب
شال جيش الطف حطب لجدور ابوه
يولن السهلات اجه الزلمه الصعب ،
- هلا برس الغيره ضهضاب السمه
- هلا بريحة فاطمه وبت فاطمه ،
- هلا يا شداد راس الموزمه ، ،
يا مصوگر بيهه = روسهه ورجليهه ،
هلا بصيت القاسم = بكيفه شاخ اعليهه
- يا سلام الله على الحنه البديك
_________________________________
ما ايثني حچاية الحد مثل ابوه
اجه بمبدء انما النصرُ قريب ، ،
الضربه لازم لو تصيب ولو تخيب
ورمي القاسم لو يصيب ولو يصيب
- هلا بحطاط الحروف اعله النقط
- هلا الفحط جيشهه ورد ما فحط
- راح واعله ازلامهه بكيفه انشرط ،
يا امتون النيبه = شاب هيبة شيبه
هلا بعرس الحومه = بصغره وبترتيبه
- يا سلام الله على الحنه البديك
_________________________________
يعوفهه الما تارسه عيونه اكيد
ابن شيخ وحصته الصيد الكلف
وين ابو الراس الچبير اليبدي بي
حاسبلهه وما امتيه بالعرف ، ،
- ادخيل صولاته ليطيحن كالمطر
- سافر بروس الزلم ذاك السفر ، ، ،
- راح چمل ماي لعيون النهر
- الحرب شدت حيلهه = تتعب يتچيلهه
كطع نسل حروفهه = تسكت ويحچيلهه ،
- يا سلام الله على الحنه البديك
- علي مهدي المالكي
القصيدة10
القاسم ع
أئذنلي يعماه.. بگلبي جمرة الآه
أِرحل للمنيه.. ارد افدي الزجيه
_
الگلب محتار.. العطش چن نار.. ومرار الغاضريه
الخيم آهات.. الحچي دمعات.. وعليّ تنظر رقيه
اعاين للعطاشى وتجري دمعاتي
واسمع بالخيم آهات عماتي
من نار الدليل أشعَلت شمعاتي
گبل الرزيه
حچي المنفجع ويل.. وترعب ركضة الخيل
خل عينك عليه.. ارد افدي الزچيه
_
تلوج الروح.. المعاره جروح.. او ولا واحد يعينك
غريب اتصيح.. الدموع اتسيح.. وتصد للخيمه عينك
تجول او تلعب أو تسحگ الخياله
والطف تچوي نار الموگد ارماله
ومن حر الهجير شمصعب الحاله
وانه اسمع ونينك
هيه الدنيه لحظات.. تخلص بالجراحات
حسرات واذيه.. ارد افدي الزجيه
حياتي اثنين.. گمر وحسين.. او ولا اريد السلامه
العمر ترحال.. غريب الحال.. معاناة او ملامه
العمر ما يسوه دمعه اطيح من غالي
وحال المنذبح عالنص مثل حالي
واتعثر گمت من امشي بخيالي
وخايف عالامامه
ليش أتدير العيون.. يالساكن بالضنون
يالشايل قضيه.. ارد افدي الزچيه
_
الگلب ملچوم.. الحياة هموم.. بهالدنيه الغريبه
ونين اطفال.. واحس آجال.. تگرّب بالمصيبه
يقرأن المصيبه اترتل اطفوفك
يالزينب تصلي وتقره بحروفك
غريب بكربله يا ريت ما اشوفك
وجمر الطف لهيبه
تدري بگلبي حساس.. مثل الغالي عباس
وستر الهاشميه.. ارد افدي الزچيه
بضميري ارماح.. اريد ارتاح.. واردلك نحري دامي
يَعم حزنان.. يَعم عطشان.. على گلبك سلامي
اريد ارتاح من هذا العمر كافي
وادعني ينهر الغيره يا صافي
خليني احس بگلبك الدافي
احبك يا امامي
ماخذ حبك وياي.. وشارب غيرتك ماي
وايماني هويه.. ارد افدي الزچيه
يروح الروح.. تريد اتروح.. يبو طول المناره
اخاف عليك.. الحرب تاذيك.. وتطيح بهالمعاره
يعمي اقراك ما بين الحرب آيه
وباسمك يا غريب شمحله الحچايه
اذا دامي ارجعت غطيني بالرايه
بچف تاج الغياره
خل تاخذني السهام.. ولا عماتي تنظام
ولا ترحل سبيه.. اريد افدي الزجيه
________________________
علي صابر السراي
نسألكم الدعاء
القصيدة 11
مولاي الحسين ومولاتي العقيله
بعد مقتل ابن اخيهم
زينب اجيتج
جبت ابن اخــونه القاسم اوياي
زينب اجيتج
گوه امشي مايل يختي مگفـاي
مشه وفـارگ خيامه
تـرك كـسره بعمامـه -- اويلاه
...............
استقبليني اهنا يخويه -- اخذي جسام الخواته
راح يـازيـنب حبـيـبـي -- و انكسر گلبي ابمماته
بجيـته اشگـد بجيته
بـلا روحــي اعتنيته
رحت صوبه بدمعتي
جــرح ينزف لگـيته
اخبري اخته شريفه
بجرح ماكف نزيفه
الحسن ذبحو حبيبه
منو اليفتح مضيفه
وبهذا وضعه
لـو شافته إمه يمـــكن اتمــوت
وبهذا وضعه
جبته الخيامي وانعى بسكوت
هدم حيلي بمنامه
ترك كسره بعمامه -- اويلاه
..................
اشمحله جسـام وجمالـه -- وصوته مـن يگلي عمي
والله احـس يرتـاح بالي -- امـن الگلب ينزاح همي
الجنت يوميه اشمه
لزمت بجـفي دمـه
اخبره بحالي يدري
انكسر بوداعه عمه
مشه وفارگني صوته
كســر دلالي مــوتــه
يزينب ابــن اخـونه
اشـو طـول سكـوته
مايحجي جاسم
عذبـني والله بسكتـته هـاي
مايحجي جاسم
عطشان گلبي وجلمته ماي
احن والله الكلامه
ترك كسره بعمامه -- اويلاه
................
عـرسـه مادامـت فـرحـته -- ولا تهـنيـنه بــزفافــه
راح مـن ايدي ابن اخونه -- ياهظيمه ويـا حسافه
رحل من بين اديه
خـذته الغاضــريـه
مصابه وجرح الاكبر
ســوه طاحن عليه
طفه جن عمره شمعه
ولا لـحـگـت اودعــه
هـدم حيلي مـصابـه
الحزن مـر اشيجرعه
طفوا شموعه
الشوباش بالطف صاير اسيوف
طفوا شموعه
مـابيها فرحه گــاع الاطفـوف
الحزن بالطف علامه
تـرك كـسره بعمامـه -- اويلاه
.....................
اليوم يازينب شـمسنه -- اشـرقـت واضـح حزنهـا
خبري امه وخلي تنعه -- الوالده اتموت اعله ابنها
گلب رمله الحزينه
اريــد الله يعــينه
لان هاي المصيبه
ولا سهله عليــنه
يعين الله خــواته
اذا يــدرن مماتـه
يزينب رمله خلها
تـنـوح النايـباتـه
يسوه المناحه
جسام يسـوه صـوت الاونـين
يسوه المناحه
بفاتحته ينعى گلب الاحسين
اون اعله الشهامه
ترك كسره بعمامه -- اويلاه
................
اقــري ياخـويه نعاوي -- اتگابلي انتي اويه رمله
بالخيم نصـبن عزائه -- امصيبته مـاگـول سهله
عزيز وعندي غالـي
الحسن عنه حجالي
وداعه ايــعز عليه
تـرك ثلمه بخيالي
وجرح امه اشيجبره
بــعد فارگـها عـطره
يزينب سـاعديــها
وانه راح ابجي بره
انا وعضيدي
العبــاس نـتقـاســم بالاجـروح
انا وعضيدي
الجسام نبجي بصوت مبحوح
الدهر صوب سهامه
ترك كسره بعمامه -- اويلاه
....................
ابو حميدة الشويلي
القصيدة 12
طالع جاسم علي. علي
بيدة الصارم. علي . علي
والسادة هوست
واخيمهم هلهلت
_
تضهضب وانچفة بسيفة بزر هاشم تبختر
اجه وضب وصلتة براسة مشة لعمة وتخوصر
يگلة عگال ابوي آنه واچوي الموت الاحمر
العرج طگ ابوريدة وطبها چم فارس تعور
دخن راسة. علي. علي
يم عباسة. علي. علي
ابرجلة المهرة انچفت
و اخيمهم هلهلت
__
هدل ظهر الفرس جاسم اجه وصاعد مهرتة
زغير وهيبتة تخوف نزل تسطر كشختة
جمال اعيونة يتبدة ونگع مگفة شگرتة
بخت مالح بدة ينگط لمَن عرگت جبهتة
كر الهيمة . علي. علي
وشاف الخيمة. علي. علي
وامة اعليه باوعت
واخيمهم هلهلت
_
نزلها مشچل ابثوبة وعمامة يهوسولة
شمر چفيتة بمتونة وجدح عظم الرجولة
حدر سيفة الزلم طاحت چفاهم من اجولة
گلبها وگمنة نستورح عطر ثوب البطولة
طبها وصاحت. علي. علي
ماي وطاحت . علي . علي
بيدة الروس انثنت
واخيمهم هلهلت
_
صعد خيال الكحيلة ركب بيها وگرمها
ندسها بچازة وانشگت خواصرها وعظمها
نزل والخضرة شداها وفوارسهم لظمها
الشجاع البيهم اجدامة يطلعها ويظمها
موش،ازغيرة. علي. علي
ايدة اچبيرة. علي. علي
يمة الحومة انحنت
واخيمهم هلهلت
_
رفع خاچيته الحسين وتبسم واشارلة
ويهز بالبيرغ الكافل حچي اعيونة حچالة
الرمش سواه قلم بيدة وبده يكتب رسالة
كتب عفية ابن اخوي المابرد موگد دِلالة
امن يچهبونة. علي. علي
زرگة عيونة. علي. علي
اگلوب اسباع ارتخت
واخيمهم هلهلت
_
علي هادي الخزعلي
القصيدة 13
#تراث
وين الفاجده الشبان وين الضايگه اللوعه
هاي ام جاسم العريس بالعريس مفجوعه
ـــــ
وين الفاجـــــده الشبــان خــل وياي تتعنه
لأم جاسم نريد نروح نساعــدها على الونه
ونرد الحوفة العريس ونجيم بحوفته حنه
ونلگه ام الشباب اتجـول
على بنها العگـل مذهـول
وتتنعه على الولد وتكول
يشمامة المن سباح هرش الچبد مگطوعه
ـــــ
لگينه ام الشباب اتجول وگمنه نجول وياها
ام وفاجــــده اعله النــوح مايحتاج ننخاها
اولگينه شمعت العـريس مطفيه او علگناها
وشــدينه الطم والنـــوح
ابحرگه والگلب مجــروح
ومن شفنه الولد مطروح
شفنه چثه العريس أسهام ونبل مزروعه
ـــــ
بين الطـــــم والصـايح وبين الدمـعـه والحسره
اجتهن عمت العــريس زينب شـــــابچه العشره
ولگت شمع العرس داوي وصاحت لاچن ابعبره
شنهي الشــمـع وي البين
احنه وعرس جاسم وين
لايسمع اخــــوي احسين
ومن يسمع يجي بهمه ويطفي الشمع بدموعه
ـــــ
بالله الشمع طفنه نريد اعله الولد نلطم
انه عمته وامــه وهـــــاي اموجله وتهم
للطف جيت ماظنيت اليه البين متـولم
وثبت بالدلـيــل اســهــام
وهد حيلي بعرس جسام
آيا بـــــدر ســعــدي التام
راح وصورته ضلت وسط احشاي مطبوعه
ـــــ
من ايدي بن اخـويه راح راح الچــان الي ونسه
حسبت احساب ظني خاب عمته وتفرح بعرسه
راح العرس من جسام وضلت حــســرته بنفسه
ويا حسرت بني هــاشم
المفجرعه بعرس جاسم
مبــارك عــالــثــره نـايم
وعمك يبن اخوي عليك نار وسرت بضلوعه
ـــــ
يومك يبن اخوي يوم هد حيلي ولوه جيدي
وامــك بالخيام تصيح راح الــولــد من ايدي
اريــدن موتتي ويـــــاك ياعـــــريس يوليدي
يجاسم شوف حال امك
تــلــوج وجــاعــده يمك
تخضـب راسها بــدمــك
حكها ام الولد عنها حچاية العتب مرفوعه
ـــــ
هاي امك يجاسم هــاي بيك الدهر دوهنها
سهرت ربت اوتعبت وخاب من الربه ضنها
تصيح ارباي اريد ارباي گلي اشتعتذر منها
تصيح ارباي اريد ارباي
منـك يا ضـــــوه عيناي
يجاسم مو مروّه هـــاي
تروح وضلت اعله امك دواهي الحزن مجموعه
للشاعر المرحوم
معين السباك
#اللهم_عجل_لوليك_الفرج
القصيدة 14
((مولاي الكريم الحسن ))
اكذوبة إيحاء العصر بحصانه حاتم ينغرس
عدنه الحسن ذابح وطن بالطف ذبح اجمل عرس
ذابح مخيم للعشگ والحومه تارسها ترس
ياكارم بحنةّ ولد لله درك من نفس
الجودِ بالنفس أسمى غايةّ الجودِ
ياخالق الحب ادمى مهجة الطوّدِ
كرم.. ادب.. وجروحك تون
علم.. شهم.. مولاي الحسن
حسن مولاي..... كرم مولاي
_____________
بالطف غده يزود كرم والدمعه والدم يلتقن
ضل يفرش السفره(ولد) وحسين اخذ دور الحسن
قدم شكو بگلبه عطش والدمعته منطي اذن
والخيمه بالياس نچفت وجابت رماد بيا وهن
الجودِ فعلاً يغلي شيبةّ الرأسِ
العشق يدمي واهماً القلب كالنفسِ
عشگ.. حرگ... والحب مايلي
كرم..نعم..... ياهيبةّ علي
حسن مولاي...... كرم مولاي
______________
بالطف محابس تنطي بالطف تراچي تنهدي
بالطف حوافر تنطبع بصدر الشموخ الاحمدي
بقمة محنته ومامنع كل سائل بصفه إيحدي
هوه الكرم لازم جرح تدفع اهل بيتك وديّ
إيثارك النفس أوحى جُرحك الروحُ
ابديتُ بالنحر يعلى رمح مذبوحُ
ذبح.. رمح... ياعالي القيم
سهم.. الم... بس دمعك خيم
حسن مولاي......... كرم مولاي
______________
ياواهب بحبك ضعن مشكاته نسمات العمر
بي زينب وبي فاطمه وعيونه بالنخوه خدر
تعبد الاهك بالكرم ياقائم بفرض اليسر
معنى الوجود بثورتك هوه الذبح يعني النصر
السهمُ بالقلب يطرا شعرا ابنائي
ياغارق الحب خيرا غفلة انبائي
وفه... وصفه... ياعرش السمه
روه... وهوه... من نحرك دمه
حسن مولاي كرم مولاي
____________
ياقافله وكلها كرم من الجبير ومن طفل
حيره ولياليهم سبي ويبدي الصبح جرح الهزل
حتى الحبل من يرتخي زينب تجي تضب الحبل
ماقصرت هذا الكرم أصل العشگ من تحتمل
لاتبرح العين سلوى مقلةّ الدمعِ
ياجودِ احسان اقصى جوداًِ ضلعِ
حبل.. هزل... زينب قدمت
مشي... وبچي... بحبه تلوعت
حسن مولاي كرم مولاي
______________
عبد زينب
محمد الابراهيمي
القصيدة 15
ليلة مولاي القاسم ع
الهيل شايل شوگ وسوالف خظار
ايطشهن ابروحي واشمنهن هوى
لو كشخ بالصاية تسجدلة النجوم
ابكسرت الوجنات ايضيّع الضوه
يوليدي ،، يالمخجل الليل
بنفاسك ،، يالمدوخ الهيل
بضحكاتك ،، النسيم يعيش
وهدومك ،، امزهبتهن حيل
يوليدي ،، يا جسام
،،،،،،،،،،،،،،،،،،،،،،،،،،،،،،،
الورد يتمايل عشگ وكت الصباح
والشمس تغبش تبوسة وتبتسم
ترف بس بيه من يطگ عرج الزعل
الزلم من خزراتة تردم بالزلم
اشمحلاتة ،، والعيون اوساع
يشوفونة ،، چن غصن نعناع
ومن ايدة ،، الشرد ريال
ليشوفة ،، ايذب هدومة بساع
يوليدي ،، يا جسام
،،،،،،،،،،،،،،،،،،،،،،،،،،،،،،،
معبد اسنيني اطوفنة ابهيام
ابجمالة اشوفة چن كسرة فجر
وحتى سطراتة مبخرهن بخور
معدل ودرعه يركا اعله الصدر
مستناس ،، وللحرب يهوة
وبجفوفة ،، العرك يسوة
العريس ،، كسر خشم الجيش
وفرحانة ،، بهيبة الحلوة
يوليدي ،، يا جسام
،،،،،،،،،،،،،،،،،،،،،،،،،،،،،،،
شايل ابگلبة الي اجمل حنين
وطن عمري بضحكتة يفطر ورد
ثنه اردانة ويهز ايدة عنده عيد
الهزبر اعلة الصيده متونس يهد
بعيونة ،، يگنص من ايصيد
وابخدهم ،، تلگا سطرت ايد
اليشرد ،، من خزرتة يموت
صاگرهم ،، بالمطارد حيد
يوليدي ،، يا جسام
،،،،،،،،،،،،،،،،،،،،،،،،،،،،،،،
افيش يا نسمة هواك ابريَتي
ينتعش بيها يظل هرش الگلب
يمة گامت الزلم تهمس همس
چنهم من الخوفة شابعهم ضرب
ضنوتي ،، يگطف الانفاس
بالحرب ،، يشبة العباس
يا روحي ،، عاشت ايمينك
للكوفة ،، شردتها الناس
يوليدي ،، يا جسام
محمد جهاد الحطاب
القصيدة 16
نعي اليوم الثامن من محرم
ليلة القاسم
**
وياك وياك اشماله الموت ما ياخذني وياك
فركاك فركاك سلاني يجاسم حيل فركاك
ما يردون ما يردون بعد ايس يكلبي ما يردون
يكطعون يكطعون ابد مو من عوايدهم يكطعون
اعزاز الاولاد اعزاز الاولاد ييمه وداعت الله اعزاز الاولاد
تنراد تنراد وكت الضيج دوم الولد تنراد
وتوادعينه وتوادعينه كظيناها بجي وتوادعينه
صارت حزينه وصارت حزينه وحشه بيوتنه وصارت حزينه
الما مخلفات الما مخلفات الله ايعين كلب الما مخلفات
والولد مات والولد مات بعد شلي بحياتي والولد مات
سهرت اهواي سهرت اهواي عيني اعليك يبني سهرت اهواي
وتضيع ارباي وتضيع ارباي اشلون تعوفني وتضيع ارباي
بشيلت امك بشيلت امك تعال اتغطه يبني بشيلت امك
وحيل اشمك وحيل اشمك اريد اشبك عليك وحيل اشمك
الوكت ذبني الوكت ذبني عكبك عينك ييمه الوكت ذبني
بالبيت يبني بالبيت يبني ضلت ريحتك بالبيت يبني
بوكت الغروب بوكت الغروب مو زين الونين بوكت الغروب
والله متعوب والله متعوب كلبي امن المصايب والله متعوب
*******
الشاعر
تحسين الخفاجي
القصيدة 17
مجموعة ابو ذيات على لسان رمله ام القاسم ((ع))
بـچـت مـن سمـعـت العدوان.. حــنــاي
بـهـيـمـه وگـمـت احـن يالولد.. حن ناي
ابـدمـك بالطـفـوف اصبـحت.. حــنــاي
ونـصـبـت بــيــوم نــيــشــانــك عَـزيــه
====================
بــنــات الــنّــايــبـــه بــالــعــيــن.. لاحن
ولا يــنــفـــع ونــيــن اعــلـــيــك.. لاحن
الــســيــوف الــلاحـتـك بـحـقـاد.. لاحن
دلـيلـي وگـــوم تــلــگــه جــروح بــيـــه
===================
اشـتـكـيـت وأمـري للـبـاري.. وحــسـبـي
وطـلـع مـگـلـوب كـل ضني.. وحــسـبـي
يـجـاسـم جـرحـك بـگـلـبـي.. واحس بي
الــمـــوت اهـــون ولا بُـــعــدك عــلــيـــه
=====================
اطـفـي ابــيــش نــار الــدهــر.. لو شاب
گــلــبــي وبـالـحـزن مــعــذور.. لو شاب
افــز وتـــرخـــص الـدمــعــات.. لو شاب
يـــمـــر واذكـــر شــبــاب الـغــاضــريـــه
=================
✍️ بقلم خادم الحسين ع
الشاعر رعد الجريخي
القصيدة 18
{نزلة لمولانا القاسم ع }
طلع شباب امن الخيم ... كومي يزينب هلهلي
——————————
طالع بدر لا مو بدر قرص الضوه ايكنونه
كلما عطش يحله و بعد يحله الزعل بعيونه
وجها مثل وجه الحسن نشاف الكرم بجفونه
جاسم نعم جاسم حيد ... طر حومته بهيبة علي
——————————
طب جاسم الحومه بعزم سيفه الزلم لاواها
و من الجهات الاربعه يهجم تفر خلاها
صال وطوه الكاع وبعد يوم الحشر سواها
( اني انا شبل الحسن ) ... صاح الطفوف تزلزلي
——————————
بشسع النعل ساوه الزلم واعليه تباوع اهله
لو ما امر رب السمه منهو الذي يوصله
راس انطبر طاح البدر بدمه تحنت رمله
وام الولد فوك الولد ... طاحت وادمعتها تهلي
——————————
عاف العرس طفه الشمع بعمر الورد ايامه
وجم جاسم بهذا الوطن يبجن عليه احلامه
لحفظ الديانه استشهدو اهل الدمع والقامه
والله يصبره الفاجده ... بهاي المصايب تبتلي
——————————
جاسم لبس ثوب الجفن والعمه صار الناصر
وجم جاسم ابثوب العرس ضحه النفس عالساتر
جان وكبل عام الرحل بهاي المجالس حاضر
وامه البقت تبجي وتون ... وتنادي هدمو منزلي
علاء عبد الحسين الكربلائي
القصيدة 19
لمولاي القاسم محرم ١٤٤٣هـ #اساسية
علمني أعله نسيانك ... حتى ارتاح
يجاسم تذبح أحزانك ... روحي أصياح
أنه توني اعلگتهن ليش أطفيهن
شمعاتك يجاسم وين أوديهن
رايح يالولد .....
*****************
بزغ عمرك سوالف من ثنايا ارباك
وتسعّ تشهر وليلي اليخلص مناغاك
يبو عطر الحسن ودخيله من صاغاك
ليش تعوفني يايمه أخذني وياك
فراگك يذبح بسجينه عميه
فراگك ياخراب بعيني دنيه
فراگك بالضلوع أنصاب رميه
فراگك يمه احزاني ... حزن الروح
مو بالهون تنساني .... يالمجروح
سنين اتلطعش مو چنت أداريهن
شمعاتك يجاسم وين أوديهن
رايح يالولد .....
*****************
عسيره الروح يبني وتشتهيك شلون
تريد تروح أخذهن هنه بس عيون
دونك مالي حاجه الاجو واليرحون
بس اللون الاسود مارهم كل لون
الاسود يرهم ومفگود عريس
ياحزني بعد بدموعي شتقيس
يالمحول عليه بگلبي شتجيس
عودك گلت ازفنك ... ون يازين
تاليها استمع ونك ... لجل حسين
يمه انطيني أديك وأرد أحنيهن
شمعاتك يجاسم دوم أحاچيهن
رايح يالولد .....
*************
كلام الدمعه اطول من كلام الروح
وسنيني أعله مگفه وجهك المملوح
وين انطي الدمع ذابحني يمه النوح
رايح وآنه أحس البيه كله ينوح
مسافات الهجر تبدي برحيلي
رايح يالولد وآنه يَوَيلي
أتاني وشبعد يمه تجيلي
تجيني لو وداعيه .... يا جسام
يبعد عيوني معميه ... يالمحتام
أنه هدوم العرس بعيوني أخليهن
شمعاتك يجاسم وين أوديهن
رايح يالولد .....
*************
أنه معطره العمامه والعرس هل جاي
وعلگت أبخور يم ثوبك يلب احشاي
يا ماي العطش حاچيني وين الماي
يا مبسم حياتي يالضخين أفياي
سهر عمري تبده وماله تاي
دللولي بچت يمه أعله حالي
يا والي العمر رايح دلالي
يوالي براسك الطبره ... وفيض أدماك
يكاسر چم گلب زهره ... گلبي وياك
المصايب من رحت لعيوني أدليهن
شمعاتك يجاسم وين أوديهن
رايح يالولد .....
*************
صعدت أعله الهزل وبچفوفي حبل الشوگ
وتعديت أعله جسمك يا نبع مخنوگ
ودعتك يجاسم راح أطبن سوگ
ودعتك وادري بگلبك المحروگ
عاد انته برحيلي اعلگلي شمعه
لان يايمه مالي بحالي رجعه
أنعاك بعمر دمعه أعله دمعه
خلصت عشرتي الحلوه ... باللوعات
عفتك يبني بالگوه .... بالطگات
سنيني من رحت لوعات اسميهن
شمعاتك يجاسم وين أوديهن
رايح يالولد .....
عبد زينب
محمد الابراهيمي
#اللهم_عجل_لوليك_الفرج
القصيدة20
لمولاي القاسم محرم ١٤٤٣هـ #مقدمة
وين وين ذاك العرس وين
العين العين شبعت بجي العين
يبني يبني
*********************
يوليدي التعب هدني وليام الكبر ردتك
وتسع اشهور يوليدي بين ضلوعي شايلتك
جنت كل يوم الوليلك ولحضه تدري ما عفتك
وصيح اسم الله يوليدي وركض لو تون شفتك
راح راح ذاك التعب راح
طاح طاح بيت السعد طاح
يبني يبني
********************
اشوفك يالولد عريس تدري جان كل ضني
يسباح الكلب ناديت شبسرعه رحت عني
يجاسم خابت امالي وعكبك دهري دوهني
يبست حنتك يبني وثياب العرس ذني
شاب شاب بعدك صحت شاب
ذاب ذاب حته الشمع ذاب
يبني يبني
******************
يبعد امك يالوحيد تعال وعاين الحالي
جنت انسه التعب يبني من تكعد تجي اكبالي
يمه من تودعني تكطع راح دلالي
ارجع يا حلم دنياي ليش تخيب امالي
نار نار افراك الولد نار
جار جار عليه الزمن جار
يبني يبني
***********************
كل عمري كضيته وياك وماريد العمر بعدك
ياروحي اصيح اشلون ينام اعله الرمل خدك
اجيتك والكلب ملهوف وخليت الكلب عندك
ومن كثر العطش شفتك يوليدي انفطر جبدك
ليش ليش ترحل صحت ليش
بيش بيش اصبر بعد بيش
يبني يبني
**********************
انته شمعتي بدنياي وانته سلوتي تدري
ربيت وتعبت اسنين وفراكك كسر ضهري
ما اكدر انام الليل ونارك بالكلب تسري
غير انته الهوه والماي ومن بعدك شلي بعمري
نام نام يمه الولد نام
ظام ظام شنهو الوكت ظام
يبني يبني
******************
يجاسم من تودعني غيابك يصعب عليه
جنت اتنفسك كل يوم وحسبنك هوه الريه
ما اكدر ييمه انساك يالعايش عمر بيه
حنيتك يبعد امك ابد ما منها حنيه
مال مال يبني الحمل ماي
شال شال اليسوه العتب شال
يبني يبني
*********************
تمت
تحسين الخفاجي
#اللهم_عجل_لوليك_الفرج
القصيدة 21
لمولاي القاسم محرم ١٤٤٣هـ #مقدمة
مخنوك الحسين بدمع ردالي
شفت الحسن بعيونه من صدالي
راجعلي ينحب منكسر راجعلي ينحب
_______
اجويعده اباب الخيم ودرب النفس شو مسدود
مابي بعد لجمه وجرح كلبي بمصايب ممرود
هستوه بالاكبر رجع حسين وعله وليده ينود
وكام وفزع لبن الحسن متانيته جا يمته يعود
ضليت الوج وكلبي ينغز بيه
بسلا يروح القاسم امن اديه
هاي انه زينب وانتظر هاي آنه زينب
______
اتكسر بريتي النفس وكمت انشد النسمه منين
من شفته ذابل منحني ايخط جدمه راجعلي حسين
مشية الفاكد تنعرف من امتونه هادلهه البين
والجايب وليده انذبح اشلون وتشيله الرجلين
رجليه ماتت وانفجع دلالي
شو محني راجعلي ويون الغالي
ضهره تحدب عالولد ضهره تحدب
______
اتلكيته اركض خايفه عن لا يموت ابهمه
ردت آخذ من ايده الولد ولكيته حيل يشمه
صدره اعله صدر ابن الحسن وعن وجهه يمسح دمه
ويشبكه الحسين ويون طاح وتمدد يمه
يشهك اسمعه وجنهه تطلع روحه
يفسر الحجر بين المخيم نوحه
من دمه خضب لحيته من دمه خضب
_____
خليته بحظيني الولد وبدموعي كمت احجي وياه
مابي ضوه ذاك البدر حاجب ضواه سيل ادماه
جسمه انطعن من كل كتر ميت القاسم بضماه
راح اليذكرني الحسن بسوالفه وبممشاه
متجمع خضاب وثره اعله عيونه
ومن كد نزيف الدم تغير لونه
ظل جبده يلهب بالعطش ظل جبده يلهب
______
ياحيرتي بهذا الخبر اشلون اطبن للخيم
وادريهه رمله مناطره يرجف كلبهه وكله هم
واشلون اكللهه رجع لاجن صريع وكله دم
يارمله حلمج منذبح جسمه من السيوف انثلم
تكتلهه حسره الفاركت ضناهه
والدمعه ماتنشف تعيش وياهه
ساعتهه تكرب عالمشه ساعتهه تكرب
___
ركضت لعد جاسم ركض واعله الولد طاحت تون
بيديهه سدت كل جرح واتْقَبِّله فوك الجفن
الواحدهه ميت تنعذر لو فوكه ماتت بالحزن
تنعه اعله ابنهه بكل صبح واشما سده الليل ويجن
لا ما تعيش الام بعد ولدهه
ياخذهه موت بكل نفس ويردهه
محجرها شيب بالدمع محجرها شيب
مهدي عباس الهلالي الكربلائي
#اللهم_عجل_لوليك_الفرج
القصيدة 22
لمولاي القاسم محرم ١٤٤٣هـ #اساسية
قصيدة ليلة مولانا القاسم بن الحسن عليهما السلام
يا حلم عمري وحنيني
فدوة لعيونك سنيني
عرسه صار بمقتله آه يشمعة كربله
فدوه لعيونك سنيني
........
يا حنين البيه عايش عفت گلب امك وحيد
يلجنت من كلشي اقرب حتى من حبل الوريد
يمه يلحنيت اديه وصرت عن عيني بعيد
كحلت عيني برجعتك وي ولد عمك شهيد
امودع الله يلجنت لأمك عمر
راح أضل لوحدي يمه بلا ذخر
ابجي كل دمعاتي سكته وروحي كل طاريها انته
بدمعي اريد استقبله آه يشمعة كربله
............
يالجمالك مالي ليلي وتارس الگمرة ضواك
انته دوم تعيش بيه الموت مني ما خذاك
بيا هوى تستلذ ريتي لو يفارگها هواك
توه قدح ورد عمرك بعده ما نازل نداك
جنت اشمك واشعر بطعم الهوى
رحت مني وگلبي يوليدي انجوى
يا ورد عمري السكيته سبح وميت لگيته
ورد والدم بلله آه يشمعة كربله
............
وين ما افتر ييمه يرسمك بروحي الحنين
انسد يغالي باب عمري وغمضت عين السنين
فارگتني وراح بعدك ما يفارگني الونين
جفاك شوفني البواجي يلجنت بالعين عين
ما خذت منك على الجية وعود
يمه من بعد انتظارك هم تعود
شگد اضل يمه أتاني يردك لگلبي زماني
ما يرد وأتأمله آه يشمعة كربله
......
تموت يمه المات ابنها اتعيش عمر اللا حياة
يضل بيها يعيش حسرة الناس بس تشوفه مات
الفاجدة ما الها سلوه بس ونين الفاجدات
الضيعت شاب بحلاتك على يا دمعة تبات
يمه يالزاهر جمالك بالخيم
لشوكت ابقه اتانيك بألم
يمه شيبني شبابك گلبي مكسور بغيابك
يالعفت بس جمرة اله آه يشمعة كربله
...........
انه ضيعتك يغالي وصار كلشي بروحي نوح
عايشة بلا روح احسّن فاگدة من انفاسي روح
مبلي بافراگين گلبي يابعد روح الجروح
رحت مني بعاشر انته وباهدعش عنك اروح
يمه بفراگين گلبي انه ابتله
افراگ عينك والمشي من كربله
آه يا جمرة دليلي يا صباحي اليجلي ليلي
اوداعك بنص الفله آه يشمعة كربله
كرار المحمداوي
#اللهم_عجل_لوليك_الفرج
القصيدة 23
لمولاي القاسم محرم ١٤٤٣هـ #اساسية
آلـهـي
أرقـنـي بـالطـف كــل ألـم
ولعـمـي لا يـوصـل سـهـم
ولا تنحـرم خـيـره الخيـم
لا ينجـرح لا يِـنِـسـبـن علـويـات
بالطـف آلـهـي أرزقـنـي...وقبـل الذبـح وفـقـنـي
بضـلوعـي يگـضـن الاسـهـام
وعـمـي تِـسَـلِـم صـدره...وما يدنـه سيف لنحـره
ولا يـدنــه شـامــت لخـيــام
ريــت...انـطـش خـرز واتطـشـر بكـل كـربلـه
ومـاي...يـروه الرضيع وكل طفل يوصل إلـه
وكـون...ما يبـقـى بالدنـيـا ذكـر لأي سنسلـه
آلـهـي
كون اليجي ايچـتف طفـل
يلتـف على چـفوفه الحبـل
وينـشد على اظهـور الهـزل
حتى ايعَرِف شوغـة طفل بيهن مـات
ـــــــــــــــــــــــــــــــ١ـــــــــــــــــــــــــــــــ
الدهـر بـزغـر يـتـمـنـي...وعاشـت احچـايـة إبنـي
من عمي لاحساسي افيـاي
وما تعطـش ايسألونـي...مـن عـمـي مـا يدرونـي
ناگـع ضــوه وحُـب ومـاي
ويــن...هذا العـطش شنهي العـطش يـم العـشگ
ودوم...أعـطـش هـوه ومـاي ونـظـر من نفـتـرگ
وآه...يا خـوفي كل هذا الضـوه ايلوحـه السحگ
آلـهـي
دَلَـي الحـوافــر بـيـه بـس
وعشره اليجنّي بكل نَفَس
ولا يـگـرب لـعـمـي فـرس
ولاجله انسحگ كون بحوافر خشنـات
ـــــــــــــــــــــــــــــــ٢ـــــــــــــــــــــــــــــــ
لاجـلـه الذبـح يحـلالـي...ومـو موتـي شاغـل بالـي
بـس موتـي خـاف ايـأذيـه
عـمـي الحـنـيـن الطيـب...خاف من امـوت ايشيب
ودي أنــذبـح مــا ابـچـيـه
مــوت...وين الگـه اليـه وعمـي بس ما ينجـرح
وجيش...بصـوت الهلاهل يشـمت بكل منـذبـح
وصـــار...كـلـمـن يـذبـحـونــه يـعـزلـولـه رمـح
آلـهـي
لا يسلم بجـسمـي ضلـع
ولعـمـي لا يـهـمـل دمـع
كل خوفي بيه وينفجع
وبگـلبه ما اريد العده اتشوف آهـات
ـــــــــــــــــــــــــــــــ٣ـــــــــــــــــــــــــــــــ
هـاي الحـرب محـلاهـا...وشـگـد أحـب ملـگـاهـا
وشگـد أحب بيهـا الموت
وكل سيف من يجرحني...هواي وعلي ايفرحني
فرحة الناجي من الحوت
بسيف...ما ارضى وآنـه القاسم وشبل الحسـن
كون...للزهـره ابوي ايگلها شوفي ابني انطحن
وصاح...عفيه ابني وضلوعك فده لعمك گضـن
آلـهـي
واليگـضي بالطف يعتـلـي
وبـي يفتـخـر بـاچـر علـي
ويـا ربــي سـهـلـهــن إلـي
سحـگ الحوافـر والذبـح والطعنـات
ـــــــــــــــــــــــــــــــ٤ـــــــــــــــــــــــــــــــ
أمـي بـگـلبـهــا اليـنـعـه...منتظـره مني الرجـعـه
والرجـعـه بـس للمـذبـوح
صَـبـرّهـا مـن تنـظرنـي...سيـف الغـدر ناحرنـي
وما بيه شي ما مجـروح
النـوح...بالخيمه ما يهضـمني والخيمه ستـر
الآه...لَـمَـن سـتر هـاي الخـيـم يصـبـح جـمـر
وخاف...نوح أمي وانياح النسه أگبال الشمر
آلـهـي
كون البواچـي ابلايـه حِـس
وتمشي السبايه ابلا شمـس
ومـا ينـظـر اعـليـهـن إنـس
وبلكـي الظـلام ايقلـل مـن الشمـات
ـــــــــــــــــــــــــــــــ٥ـــــــــــــــــــــــــــــــ
أحمد البصراوي العبادي
#اللهم_عجل_لوليك_الفرج
القصيدة 24
لمولاي القاسم محرم ١٤٤٣هـ #مقدمة
جاسك ذبح يالما جست حنه
يالبلذهب حچيك تره انثمنه
الجنه الخيم شتسوي بالجنه
يمه يمه .. يمه يمه
~~~~~~~~~
اسنينك شمع روح اثنعش بيهن
من التعب چنت انتچي اعليهن
اليوم گلبي ايصيح بية .. يصير دمك واهلية
ياعلگ يا شارة اشدها .. امعرّس اتردك الية
ليش ايدك اليمنه ابدمة حمرة
الياس انچفة بچفيتك الخضرة
ضيّج خلگ حاچينه گللنه
يمه يمه .. يمه يمه
~~~~~~~~~~
ضل بالسحگ وين اصبَعَك ينكض
دمك صعد للجنه طير ابيض
مو حنينة الگاع يمك .. المايعرفك ما يضمك
انت اول بزر شفته .. من تموت اتيتم امك
شمعة عرس مشتعلة بعيوني
ياتعبي يا لوني وبعد لوني
دورة گفاك اليوم موش النه
يمه يمه .. يمه يمه
~~~~~~~~~~~
طولك يذكرني ابسهر تعبي
يالمشيتك لمسة وجع گلبي
وجهي يتغير ودمي .. من تصيّح يمّه يمي
من اريد ابتسم مره .. چنت اگلك گلي بسمي
طرزته طولك ارجع اسم الله
رَملَه عفتها ونمت ع الرملله
خيل الهجر سحگت ملامحنه
يمه يمه .. يمه يمه
~~~~~~~~~~
يالقاسم اعله اسمك اجه احساسك
من طبرتك هم ينقسم راسك
ها يروحي ويا تعبها .. ها يعوزي ويا ذهبها
عله اعيونك عطشت ايدي ..الحومة موش ايدي وتحبها
ابني انحسد يا وادم ابچفة
وشفت السهام اشموعه بالزفة
للخيمة گام الموت يندلنه
يمه يمه .. يمه يمه
~~~~~~~~~~
سيد شباب الجنه ابوك انته
وسيد شباب الطف اجه وكته
ابشيلتي اتنگب ورتّل.. قل اعوذُ العين تكتل
يحفظك الله من امس ادعي ..حته تعبت التوسِل
بزاني گلبي و دره وما گتلك
تزهگ عليك الناس وتكتلك
عالوسعه عينه العين تحسدنه
يمه يمه .. يمه يمه
~~~~~~~~~~~~
يا فلْذَه من گلبي ومشت گوه
اليسوه شحلاته اتقدمه لليسوه
راسك وشمعة خيامك .. فدوة تندار لإمامك
بكلشي تتأخر عليهم .. وبالذبح تسبگ عمامك
الحلوه بعمامك كل بشر شاهد
بالفزعه واحد يلزم ابواحد
ساده اعله كل الكون ميزتنه
يمه يمه .. يمه يمه
~~~~~~~~~~~~~
علي هادي الخزعلي
#اللهم_عجل_لوليك_الفرج
القصيدة 25
لمولاي القاسم محرم ١٤٤٣هـ #مقدمة
ليش الورد فوك الكاع شميته ونباك بساع
كل ضني اشوفك عريس وتزفك الوادم
******************
اول مره اشوف الماي يعطش والنهر يكبر
واول مره اشوف حسين يلزم ضهره ما يكدر
هذا الميت العريس لو ميت علي الاكبر
اول مره صدر الخير اشوفه بحافر اطشر
خلتني الايام اكبر الف عام
وهذا تره الشيب كله اعله جسام
يا واهسي بذاك الليل مشتاكه اضمنك حيل
كل خيمه اطب ليها تصيح باجر عرس جاسم
**********************
حرامات الورد ينداس ويروح العطر منه
بعمري ما شفت عريس جفه مزاعل الحنه
ازفه الخيمته تمنيت مو للموت ازفنه
ماضل كتر مابي سيف حرت امنين الزمنه
ذبحتني الجروح ووليدي مذبوح
ضليت اون حيل عالماخذ الروح
عكبك صرت شمعه بريح يا كتر الزمنه ايطيح
حسبالي يبني امن اتروح ليه ترد سالم
********************
المثلك مو عله التربان كون اعله الكلب يغفه
اذا طفو شمعتك هاي معناها الشمس تطفه
انته اول بشر عالكاع كلهم حارو بوصفه
اذا مو للحسين تموت امك المن امخلفه
صح خايفه اعليك بس ما اعز بيك
جازيني بحسين الله يجازيك
يالبيك ما ضاع ارباي انته الهوه وانته الماي
بدمك تحنيت اشلون واعله الترب نايم
********************
جادر فاتحه ومنصوب عرسك وين اهاليه
الحنه الما لكت عريس هاي الحنه منسيه
اسم الله امن المنيه اعليك يالعايش عمر بيه
هاي الدنيه كلها تصير يم عيونك اشويه
بعدك صحت شاب مو مالت اتراب
اشكد شبعت دموع عيني امن الغياب
ليش الاحبهم يمشون وفركتهم اتريد عيون
بالصحره كلبي الحيران من سافرو هايم
***********************
جنت لمن تريد اتروح روحي وياك اوديها
ومو يوليدي طاست ماي وراك عيوني ابديها
من تشتم الورده تعيش ويرد النفس بيها
يجاسم صحت وين اتريد امك لا تخليها
يا راحة البال ليش الهجر طال
اسال وره المات يا جلمه تنكال
عايفني وجروحي اكبار وحته الهوه يخنك صار
يا روحي واعله الماشين ابجي صحت لام
******************
ميت لو شفت عريس حط اعله الكبر شمعه
الميت يعتب امن ايشوف ما يلكه وراه دمعه
بوكتها الما بجه اعله الراح البجي بعدين شينفعه
اصعب موقف امن اتشوف ايودعك غالي وتودعه
كمت اصرخ بصوت ما يرحم الموت
يبني اعله كدك وين الكه تابوت
طول العمر ما انساك ضهري كسرته بفركاك
عايفني واعله الحيطان صورة حزن راسم
**************
تمت
تحسين الخفاجي
#اللهم_عجل_لوليك_الفرج
القصيدة 26
لمولاي القاسم محرم ١٤٤٣هـ #اساسية
ربيته ابدمع اعيوني*وسهر ليالي
تانيته يكبر حلمي. * ونجمي ايلالي
ياحيف ابدمه اتحنه* كل آمالي
-------------------------
ربيته ابسهر*
ولوعات وقهر*
يكملي گمر*يضوي ضلمتي
كل تعب العمر*
ضميته ذخر*
ليام الكبر* يانس وحدتي
ياحلم الغفه ابعيني وخبر موته ندهني
ابعالم خاطري عشته فرح جاسم يلمني
فزت صفنتي بجلمة ذبح ولميت ابني
ديره امن الفرح ابني عمر تالي هدمني
حلمانه ابحنه وزفه* هاي احلامي
موش ابحومه متمدد* ونحره دامي
مفجوعه بذبحت ابني* وميت ضامي
------------------------------
احلى امن الصبح*
ترباته ربح*
لامو للذبح*ربيته تره
تجايه وسند*
من يوم المهد*
احسب للولد*بجاله امخدره
هيه الام فرحهه كله من ايشب ضناهه
وبتالي العمر من تنحني يخضر رباهه
واني بس ترف عين الكدر مدري شجاهه
تالي ذبحت اوليدي خبر فَجٌر بجاهه
فجر مبجاي اخباره * من طب حومه
وگالو عريس اتحنه* من ادمومه
وانه المتحزمه ابأسمه* وبي ملزومه
----------------------------
جاوين العرس*
وكل حيجي الامس*
ضيعت الونس* حالي اشگد صعب
مزفوف ابرمح *
متحني ابجرح*
ولي ماتصح * امشي وي غرب
امشي ابزفته حلمي وصرت تالي سبيه
وجفوفه ردت من حنته اتحنيهه اديه
عشته واقعي لمن شفت جثته رميه
ماتت بسمتي وراح الفرح بالغاضريه
مطروح ودامي وينزف* شفته ابعيني
ارباي وكل البيه. *و تعب اسنيني
ياحيف الموت ايفرق* بينه وبيني
-------------------------
شفته اعله الثره*
ينزف منحره*
من دمه جره * ذابت مهجتي
شفت ابني وگع*
بدمومه نگع*
ع الرمضه انصرع* زادت محنتي
مابين الخيول انه شفت جسم ابني صاير
وطشر شباب ابني شفت بين الحوافر
الگاع ارتوت من رگبته ودم المناحر
انه اصعب جرح عشته جرح ذبح الخواطر
هوه المذبوح اوانه * الينزف نحري
ماتحمل عيني ارسومه* وشل صبري
خدر امه وشفته اگبالي* طايح خدري
----------------------------
مفجوعه صرت*
ابهمي اتگبعت*
كلشي ماردت*بس يبقى الي
شمعاته انطفت *
الدنيا ضلمت*
بحزني غيمت* ماضن تنجلي
انه وفرحتي وحلمي على اضعون السبايه
رافگني وجه جاسم على ارماح المنايه
وانه ماردت كلشي ردت حگي وربايه
خلصت قصتي بنحره وجسد عفته ورايه
رافگني راس ابرمحه *ومامش جسمه
ماتمت فرحت گلبي * وفاض ابهمه
وضلت مدفونه ابصدري*جلمت يمه
---------------------
علي سليم الحسناوي
#اللهم_عجل_لوليك_الفرج
القصيدة 27
لمولاي القاسم محرم ١٤٤٣هـ #اساسية
عرسه وفاتحته بنفس الخيمه
من دم أحلامه محني الهيمه
طفه الهوه الشمعات// كلبي وحبيبي مات
◇◇◇◇◇◇◇◇◇◇◇◇◇◇◇◇
الربيته بتعب حيلي _ جمعت أحلامي ليامه
كلت يكبر واعرسله _ احط صينيته كدامه
البخده صلاة الليل _ انرسمتله بشكل شامه
ابيرغ من خيم زينب _ القاسم شده بحزامه
لا حنه وشمعه ولاهلهوله
حرمو من يمهن مامعقوله
افتر عله الخيمات // كلبي وحبيبي مات
◇◇◇◇◇◇◇◇◇◇◇◇◇◇◇◇
كشخ بعمامته ودرعه _ هواهه ابن المعتبر
المثل جسام لو عرس _ كون ابخيمه يتبخر
كال بدمي حنيني _ مسح دمعاتي وتعذر
كال انه بعدني ازغير _ بعين احسين اريد اكبر
باس ايد حسينه وكله اقبلني
عمي آمن انصارك بس سجلني
كرر ثلث مرات // كلبي وحبيبي مات
◇◇◇◇◇◇◇◇◇◇◇◇◇◇◇◇
يعكازت كبرتي ارباي _ يجاسم يابعد عمري
الخيمه البيهه جنت وياي _ شلون اجهبهه ماادري
كل ما تنطفي شمعه _ اكثر ينحني ظهري
ينايم والجروح اهواي _ ورمل فوكاهن ايذري
بس ارفع راسك بس حاجيني
حته اعرف انته ما ناسيني
بخدي دمعتي تبات // كلبي وحبيبي مات
◇◇◇◇◇◇◇◇◇◇◇◇◇◇◇◇
يشيبت بختي وين الكاك _ غطه الهيمه وجه الليل
الكبرته بتعب هظمه _ عله الحاظر تسحكه الخيل
نجفت بجفيتك عالكاع _ كلي امنين اجيب الحيل
دخيل الله شثكل حزنك _ يبن الما طردله ادخيل
كطعت امتوني بلطمي اوني
كل ساع يركضن ويلزمني
يمدلل العمات // كلبي وحبيبي مات
◇◇◇◇◇◇◇◇◇◇◇◇◇◇◇◇
التشم بيك الحسن جانت _ الحنينه عمتك ام عون
مكبل كابلتني اعليك _ البجي ماخله عدهه عيون
بنفس الخيمه كالتلي _ فاتحته تصير شلون
الخيمه البيهه الف مبروك _ الله يرحمك ايكولون
لونك مو هوه شكد متغير
لو شايف وجهي الظل متحير
ظليت اجر حسرات // كلبي وحبيبي مات
◇◇◇◇◇◇◇◇◇◇◇◇◇◇◇◇
ما يتراهمن جسام _ فرحتي ادري وي حزني
لوجهك ياجمال الله _ حنيني المغرب يهزني
بكدك لو شفت شبان _ كلبي يذكرك يبزني
بقائمت الفرح وياك _ الحزن متعمد يجزني
نسلبت راحتنه من تفاركنه
ريحت اكليبي من تشابكنه
ارتاح انه هيهات // كلبي وحبيبي مات
◇◇◇◇◇◇◇◇◇◇◇◇◇◇◇◇
تمت____ علاء الزيدي
#اللهم_عجل_لوليك_الفرج
القصيدة 28
لمولاي القاسم محرم ١٤٤٣هـ #اساسية
جـــابـــــو خبر موتة وگلــــت ما يترك إمــــــة
وأنـــــا الـــهوى الأتنفسة من طاري إســــــــمة
جسام ـــــ يمة وياك أخذني
جسام ـــــ گبلك محلى دفني
ـــــــــــــــــــــــــــــــــــــــــــــ
يا ماي روحي لـــ ياعطش... أمك تظل... والـــــمن عفتها
يل كلشي ماخذ بالنفس.... روحي شعجب.... شـو ما خذتها
يل طلگت شمعة عرس... مــو حنة دم... إيـدي إصبغتها
من غمضت عينك علي... عيني الــــبقت... ما غمضتها
جسام ــ عين الـــ ما تمرها
جسام ـــ چا شلـي بنظرها
شتســــوي عيني لـــــ ياضوى ما بيها رسمة ـ
وانا الهوى الأتنفسة من طاري إســــــــمة
ـــــــــــــــــــــــــــــــــــــــــ
خيرت روحي وردها الي... صاحت علي.... ممشانه وياة
لو روحي تندگ تنطحن.... هلبت يصح... من تندگ دواة
كل ورد نشتم بي عطر.... بس الصعب.... من نشتم دماه
انطيني كلشي الـــ بي جرح... طعنة برمح.... لو بالسهم آه
جسام ــ طعنت روحي فرگاك
جسام ــ يبني إخذ إمك وياك
كل طعنة أحسها بگلبي ما چنها إعلى جسمة
وانا الهوى الأتنفسة من طاري إســــــــمة
ـــــــــــــــــــــــــــــــــــــــــ
يا هيل مطحون بـــــ مسچ... وجة الصبح.... ملگاك أليــــة
ميتة وترد الروح الي.... لـــمن تشم.... چفين أديــــة
طعم المنية شگد صعب.... بس هسة الي.... حلوة المنيــــــة
تتنفس شلون الهوى.... الــــ عدها ولد.... حدر الوطية
جسام ــ غافي وعايف إمك
جسام ــ حدر الغبرة جسمك
يا ريته جسم أمك گبل جسمك تطمة
وانا الهوى الأتنفسة من طاري إســــــــمة
ــــــــــــــــــــــــــــــــــــــــــــ
مدري شوراها نومتة.... شو طولت... هالنومة منــــــــة
خام الچفن ما يحلى إلـــــه.... بثوب العرس خلوني أچفنــــــــــة
وجناتة ترفة وبالــــرمل.... لا يندفن.... بضلوعي أدفنة
ما أخلي كافور وســـدر.... ياس وشمع.... جيبولـــــة حــــنة
جسام ــ خيمة زفتك هاي
جسام ــ من يبنيها وياي
صار شكثر أنطر خبر عرسك ييـــــــــمة
وانا الهوى الأتنفسة من طاري إســــــــمة
ــــــــــــــــــــــــــــــــــــــــــــ
يا يـمة أحلفك بالـــــلبن.... لو بالسهر.... ذاك السهرتـــــــــة
حاچيني لو حتى بـــهمس.... أرضى انا بس.... لا تبقى سكتـــــــــة
أوميـــــلي لو بس بالرمش.... حتى الگلب.... تبرد لـــــهفتـــــة
يل عايش بروحي نفس.... ليش النفس.... لـــــ إمك خنگتــــــــة
جسام ــ ياعيني وشمســها
جسام ــ يا ريتي ونفــــسها
خنگة النفس حتى الشمس بعيوني ضلمة
وانا الهوى الأتنفسة من طاري إســــــــمة
ـــــــــــــــــــــــــــــــــــــــــــــ
لـــربعك شــــگلهم من أرد.... مات الولد.... لــــو عرستــــــــلة
خليت دم لــــــو حنتـــــــة.... چفي لــــطم.... لــــــو هلــــــهلـــــــــتــلة
و شـــــچم جرح فوگ الجسد.... مـــو بالورد.... من شـــــــوبشـــــــتلة
چانت صباحيتة بــــــــ عسل.... لـــــو بالـــــنبل.... نبلة إعلى نبلـــــــــــة
جسام ــ شوباشــك بـــــــ الأسهام
جسام ــ و نوح بنص الخيام
ما ادري أهلهل يـــــــ الولد لـــو صدري الـــــــطمة
وانا الهوى الأتنفسة من طاري إســــــــمة
ابو سجاد البزوني
#اللهم_عجل_لوليك_الفرج
القصيدة 29
لمولاي القاسم محرم ١٤٤٣هـ #نزال
#بحر_طويل
امفارگ وانحب اعله الراح وصوتي بالخيم يفتر
يا جسّام يا جيدوم يالنشمي علي الاكبر
......................................
اعله طولي ابّينهم واجف وعلى خدودي الدمع جاعد
موت ابن الاخو يچتل وگطعه امن الگلب فاجد
ويلذع بالدليل اهواي فراگ الولد والوالد
آيفراگ شباني
وحدي بضيمي خلاني
انطفت انوار صيواني
وچلچل حزني عالدلّال والدلّال يتفطّر
......................................
يتفطّر بده گلبي و بعد هالنايبه شحچي
على كل حال راح الزين وعگب فرگاه اضل ابچي
انهدم ركني وحيلي انهد ولرب العلى اشچي
اون ولدمعتي مامش
بشحم عيني علي عايش
ومثله بالبشر مامش
بدهر الشوم ابد هيهات چالاكبر بعد يحظر
......................................
ولا يحظر مثل جسّام الدهر وياه ما انصف
جمال ابن الزچي المظلوم بهيّ الطلعه يتوصّف
چوچب دري وجهَ چان مثله ما نجد بالطف
طاح الما يصح مثله
وگضه نحبه ابن رمله
ومتوسّد على الرمله
جمال ابن الحسن وسفه طوله اعله الثره اتطشر
......................................
جسّام وعلي الاكبر عافو گلبي بعويله
ابن چشّاف كل كربه چيف الكربه تلفيله!
وأَنه الواگف ابّين اثنين بسببهم گلّت الحيله
العسچر كشّر انيابه
وتتشمّت الذيابه
شيسوّي الفاجد احبابه
امدوهن ما بگالي حيل وبعين الشماته اعثر
......................................
امدوهن حاير وطبّن رمله وليله للصيوان
كل وحده اعله ابنها اتصيح اوگف يجمل الشبّان
گوم وشوف تكليفك انهض حورب الطغيان
وام چلثوم اجت ليهم
وزينب تنحب اعليهم
تحشمهم بأساميهم
يا جسّام يالاكبر گومو خافن الخدّر
(يا جسام يالاكبر)
محمد اياد السعد
#اللهم_عجل_لوليك_الفرج
القصيدة30
لمولاي القاسم محرم ١٤٤٣هـ #نزال
يبن الحسن .. يا دخيلك
يبن الحسن .. يا دخيلك
~~~~~~~~~
يحلى قديس .. يعريس .. طلع باللامة
يا ضوه اخيام .. للحسين .. دخيل اخيامة
صفّن الناس .. والعيون .. مكان الشامة
الله راسم طولك .. چم نبي اليبرولك
امن الحسد ورقة حرز .. بالزند شدولك
يبن الحسن .. يا دخيلك
يبن الحسن .. يادخيلك
~~~~~~~~
الله شافاك .. يمحلاك .. رزن بحساسك
كامل اكمول .. وَجِه طول .. نقص ما جاسك
خوذة اسباع .. ضوه اطباع .. تلالي ابراسك
الله چان العالم .. حته تطلع سالم
يشغل اعيون الحسد .. يمطر اعله الوادم
يبن الحسن .. يادخيلك
يبن الحسن .. يادخيلك
~~~~~~~~~``
الحسن ما مات .. علامات .. ورث بولاده
مشية احيود .. يصايود .. يشمرة ساده
ارموشك اجيوش .. والارقام .. تعد باعداده
اشتد وطيس احساسه .. بالحرب مقياسه
جندي اصبعك ينگلب .. الحنه خوذه براسه
يبن الحسن .. يادخيلك
يبن الحسن .. يادخيلك
~~~~~~~~~~~~~
يبن الدلال .. يخيّال .. تردهن سيفك
اخزر الجيش .. بعد ليش .. تضم ابحيفك
يسرة الگوم .. والايمين .. تفرها بكيفك
الحومه تانت صيدك .. ياسبعها اتريدك
فوت بيهم للگلب .. والامر حدر ايدك
يبن الحسن .. يا دخيلك
يبن الحسن .. يا دخيلك
~~~~~~~~~~~~~~
درعك ايلوگ .. حدر فوگ .. لصف ياقوته
عينك اگدار .. ضوه بغار .. نحت منحوته
اول انسان .. عصافير .. تلملم صوته
الله حب اعلومك .. عدل جاب ارسومك
كخشتك نار بعَلَم .. هيچي واضح دومك
يبن الحسن .. يادخيلك
يبن الحسن .. يا دخيلك
~~~~~~~~~~~
ياجمر گيض .. مطر فيض .. كصص تتضاوه
اعيونك اكبار .. يجمّار .. يما تتراوه
ألْيَلْ الليل .. بالرموش .. كفر يتساوه
شمعتك مختلفة .. ع النجم تتكفّة
يسوه سدر المنتهى .. عطر ياس الزفة
يبن الحسن .. يادخيلك
يبن الحسن .. يادخيلك
~~~~~~~~~~~~
طب عالمهور .. يعابور .. مهرتك زينة
الحسن ضماك .. حچة اوياك .. نذر لحسينة
من الحسين .. للحسين .. يبن چفّينة
گلك بكل حيلة .. عمك اتّچيلة
كلشي اطي ابلا افّه .. او گفة لا تنطيلة
يبن الحسن .. يادخيلك
يبن الحسن .. يادخيلك
~~~~~~~~~~~~~
علي هادي الخزعلي
#اللهم_عجل_لوليك_الفرج
القصيدة 31
لمولاي القاسم محرم ١٤٤٣هـ #نزله
هالله هالله يبني يا جسام
...
يبني صيد احيودها وطب لعساكرها صگر
غير بين اصفوفها وابتر مواضيها بتر
اللاحته ايمينك اريد ابعيد طاح من المهر
خلني بجفوفك اشوف ما يگوم الينسطر
بصولتك شيمني يا جسام
هالله هالله يبني يا جسام
............
يبني كض احدودها وتيها يا صوب الدرب
الجايه بمگصودها روحلها حطلها گلب
يبن هاشم ياشهم علمها بفنون الحرب
حوشها يمنه اعله يسره واگلب الحومة گلب
بصيحتك سمعني يا جسام
هالله هالله يبني يا جسام
........
اجفوف التلاويها علمها الملاوه كلف
الأول وتاليها طبلها واخسف خسف
سد عليها كربله يلي بيمنتك ينحلف
وخمسة لو ستة عددها شوفه مو سبعين الف
حودهم واسعدني يا جسام
هالله هالله يبني يا جسام
.............
هلهلت حي الله هذا ابني وسط الحومة طب
عجت وخلاها بس ضجة ومگاطف رگب
اتراب صار الطف نشوف بزود جسام انگلب
يا شباب آل ابو طالب عالحرب والسيف شب
يا ربه التعبني يا جسام
هالله هالله يبني يا جسام
كرار المحمداوي
#اللهم_عجل_لوليك_الفرج
القصيدة 32
لمولاي القاسم محرم ١٤٤٣هـ #نزال
انى القاسم…. شبل هاشم
م‌ـــِْن والدي وعمي
زودي وفعل عزمي
……………………………
انى ابن الما يرد ضيفة
سوة بماعونة وبسيفة
انى مثل الحسن طالع
اليجينة ظلت بكيفة
الكرم عدنة. بسواعدنة الكرم احنة هلة
اليجي يمنة. مضايفنة. أتلگاه أبـُ هَــْـِْـْْـِلاّ
صبح زودي… مثل عودي
زلمة وخشن عظمي
زودي وفعل عزمي
……………………………………
الشجاعة أمن الله اجت لينة
عــمــي الــيذبــح بعينة
دخيل الشارة البراسة
تــهــز اجــبال جفينة
أسمعت أني علي الثاني يسمونة العرب
أبو فاضل هتف قائل أڰص كــل الرگب
أبو الشارة… علي أختارة
وياه كــبر حلمي
زودي وفعل عزمي
……………………………
اذا ندخل سوة نحارب
ندوس الروس والشارب
تشاهد كل شخص بينة
علي أبــن أبــي طــالب
علي جــدي اليصل حــدي ترة ناقص يرد
أگص راسة وهوى انفاسة انى احصدهم حصد
منو اليدنة… المخيمنة
موت الزلم يمي
زودي وفعل عزمي
……………………………………
أنى أﮔطع هوى السبعة
الشارد عمي اليرجعة
اذا يغضب ابو فاضل
يموع من الغضب درعة
اسل سيفي وأرد حيفي العزم بيه اشتعل
ولا كلمة انهدر دمــة اليكول اعبد هبل
الحرب خدعة… ولا بدعة
م‌ـــِْن ينعرف أسمي
زودي وفعل عزمي
……………………………
أللبد من شاهد افنوني
أكتلة بخزرة اعيوني
ترة السبعين الف وحدي
وخــايف مــا يكفوني
الارض كلهة انى أشتلهة ركب مثل الزرع
اظل واكف ولا خايف ولا ألبس درع
أطش بيهم… وذريهم
حب الوصي بدمي
زودي وفعل عزمي
……………………………………
الحسن عودي وانى أبجالة
أخــدر زلــم بــدلالــة
ماحط كهوة بالهاون
احطن روس خيالة
أبو ألاكبر نظر وأشر ينــادي والنعم
ندب حيهم. وانة بنصهم وسطر بالزلم
النكر قدرة… نزل سعرة
أسهام الغدر ترمي
زودي وفعل عزمي
……………………………
تمت
الْحٍمَدٍ للـّہ
✍️… حسين حمدان الدلفي
#اللهم_عجل_لوليك_الفرج
القصيدة 33
لمولاي القاسم محرم ١٤٤٣هـ #شور
جاسم يعريس العمر ..
تفتحلي عينك انتظر
يا شمعتي ..... وآخر حلم ....
يا وردتي ..... بجفك اشم ....
دمك سلب منك عطر
جيت وعيونك مگصدي ..
هالليلة عرسك يولدي . ..افتحلي عينك
اعلگلك العشرة شمع ...
... واسبل هلاهل مو دمع...الوردة سنينك
مو حلوة بالدم نومتك ..
مكسورة خاطر شمعتك
فرحانة عود ابزفتك ....هالليلة ..هالليله
*؛******
يا أحلى شمعة بكربله
كلمن يلاگيك ابهلا
ذاك الگمر .... عمك يون
وينادي يا .....خويه الحسن
اگعدلي خل نمشي اله
يل عينك بليلي شمس
ما دامك بثوب العرس ... اگعد يغالي
بعباتي اشدن طبرتك
اگعد جبتلك حنتك ... ارحملي حالي
شمحنّي جفك يالولد
ما حاجة للحنّة بعد !
گلبي يبعد اهلي انمرد ...حاجيني ...حاجيني
****؛****
ذاب الگلب مثل الشمع
دمك يصب ما ينگطع
بجرحك اشد ... بس ما نفع
نكعت دمه ....... اعباتي ودمع
ما ظل بعد وجهك يشع
بخدودك اتراب ودمه ...
ذابل ييمه امن الظمه ... جا وينه حسنك
نايم يسباح الگلب
جن الحسن فوك الترب...بثيابه جنك
گلت ابني هالطايح اظن
لو هذا عالغبرة الحسن
دمعاتي يايمه انجفن ....من عيني ..من عيني
****؛****
من هظمي يمه اتحيرت
اشعل شمع يمك ردت
مات الفرح ......شفرح بعد
الخدك صبح ......دمك مهد
بعدك عدل ؟ يبني متت !
بيك ادري ميت يالولد
ما سامع امبارك بعد ..ياهو الي كلك
بعدك شلي يمه بعمر
مابي ضوه اعيونك يطر ... وين الگه مثلك
هلهولة عود امحضرة
وتالي اشوفك عالثرى
دمعي على اعيونك جرى.. بونيني ...بونيني
****؛*****؛****
حزنانة الك كل الخيم
عرسك جَرح گلبي بسهم
يل حنّتك .... دم وترب
يل زفتك .... وسط الحرب
وجهك حلو بس كله دم
شبيدي ييمه اعله القدر
لو بيدي اضمك بالنظر ... يمدلل أمك
جرحك سلب حيلي الي
يشبه جرح جدك علي ... جا وين اشمك
بخدك دمه ومشتاگة اشم
يل بعدك ابعمر الحلم
دمك صبغ يمه الهدم ... هد حيلي...هد حيلي
قاسم المالكي
#اللهم_عجل_لوليك_الفرج
القصيدة 34
لمولاي القاسم محرم ١٤٤٣هـ #شور
يا شوغة يمه الضلت وراك
ويمسيّر لچمه وچافي ضواك
لو تدري الخيل شراحت تدوس
تسحگ روحي من توصل گفاك
عرسك بعيوني اتغير سراب.. شوباشك سهم
يا أول معرس شابع عذاب.. حنة عرسه دم
مشيّب يوليدي وبعدك شباب.. تارسني ألم
شمعك حظّرته وهاي الثياب.. زينت الخيم
من تخطي..يم عمك.. وايشمك.. تبدي الجروح
من تخطي..يصب دمعه.. وانسمعه..يوليدي روح
من تخطي..للمنحر.. يتحير.. بسكته اينوح
.................
عطشان اشفافك طگن جروح
بمصباحك تالي يبني تروح
يا أم المثلي اتزفك ذبيح
كفيت اهدومك بيدي وانوح
مخنوگه وشفتك يبني اجيت.. ضميت الدمع
بالخيمه اگعدنه ويمه انحنيت.. مكسورة ضلع
تشابگنه وسالت عيني وبچيت.. واعرف تنوجع
يا جرحي البيك اهواي انچويت.. غصني الينگطع
متيهني..بنظراتك.. خطواتك.. يبني هناك
متيهني..من ترحل.. ما اندل..وين الگاك
متيهني..ياطبعي..كل دمعي.. شگد اذاك
.................
محبس عرسك شيله من ايديك..يالشابع قهر
يوليدي أموتن لمن اجيك.. والگاه انبتر
سويعه وهاي الخيل اتهد عليك.. اتدچّ اعله الظهر
يمحلي الدنيه شلون الگه بيك.. للحافر أثر
واعيونك..ذبلانه.. وعطشانه.. يا جسام
واعيونك..عالخيمه.. وبالهيمه.. شلون اتنام
واعيونك..يا سهري..وكل عمري.. تفيض احلام
...................
يا كلشي ايروح وبزر الدلال
يمونس عيني بهذا الجمال
هذا الطف يشرب حيل الشباب
والحرمه يشد بيديهه الحبال
اتروح ولا رايه اترف لا خيام.. بس صيت الحرگ
نعمة الله اعله التربه تنام.. يمه تنسحگ
وَشّل صدرك عطشانه السهام.. ارويهن عشگ
لحسين اتبده اسوالف غرام.. لمّن نفترگ
تباوعلي..وكل نظره.. بالحسره.. تفيض اعيون
تباوعلي.. تودعني.. تشبگني.. وانزف لون
تباوعلي..كل خطوه.. بالگوه.. انساك شلون
.................
ويه اول نبله ابصدرك أحير
خشنه وانه ادري ارسومك حرير
يمتيه فكري بچلمة وداع
عالتربه اتنام وانته الامير
هيچ اول فرحه ابعمري تغيب.. تغفه عالترب
يا ديرة حزني وصوت النحيب.. تسمعها الغرب
مملوحه اجروحك وانته سليب.. وادمومك تصب
يا اطول آه ابعمري الغريب.. محروم الشرب
ما اشوفك..يالرايح.. والطايح.. بيّه انداف
ما اشوفك..يالجرحك.. يهل صبحك..ما ينراف
ما اشوفك..يا ناري.. والذاري.. ليك الحاف
علاء المياحي
الفاتحه لروح والدي
#اللهم_عجل_لوليك_الفرج
القصيدة 35
لمولاي القاسم محرم ١٤٤٣هـ #نعي
نعي ام القاسم عن مصرع ولدها
اون بكل وكت عكبك. ونه بناي
نهدم يايمه جن بيتي. ونه بناي
الولد مرت بهاليهه. ونه بناي
يصحلي بطيف لو مايمر بيه
يمه فدوه لشوفتك يوليدي
جنت احلم بيدي ازفك للعرس
هسه شومذبوح تنزف بس شباب
وشابعه حافرهم بصدرك رفس
يل شبابك جان يعنيلي الحياة
جنت اشوفك والله مشراگة شمس
جنت اسمع يمه منك كل صباح
وهسه اسمع اه يايمه همس
حسين الكرغولي
#اللهم_عجل_لوليك_الفرج
تعليقات
إرسال تعليق