مجموعة قصائد مكتوبة للامام الجواد عليه السلام
سهم الدهر وسط الضماير مضه
سهم الدهر وسط الضماير مضه
بمصيبتك صوبنه يبن الرضه
-----------
آ يالجواد وألف آه اوّسف
لسهم الدهر چبدك يصير الهدف
ومن يومك المدمع جره وما نشف
وللحشر ما ينشف حزنّه افرضه
-----------
وجّب علينه الحزن نجري الدمع
ينبوع من كل عين ما ينگطع
لمصيبتك يا مهجة ما تنصدع
ويا گلب ما بيه الحمم نابضة
------------
من يومك النوح بدمعنه اتّصل
لمن حجب شمسك سحاب الأجل
يبن الرضا أظلم نهار الأمل
وضاگت علينه واسعات الفضه
------------
ضاگت علينه الواسعه بفرگتك
ما تنسه يوم مصيبتك شيعتك
حقق الظالم غايته ابچتلتك
ابسم الغدر عمرك الطاهر گضه
-----------
لزهرة شبابك گطع چف الحتم
يا وسفه عمرك بالألم ينختم
ما بين أم الفضل والمعتصم
أيامك بآلامك مگوّضه
----------
أيامك امن الهم أبد ما صفت
وعينك على الغم والمآسي غفت
بدار الغرب شمعة شبابك طفت
وبگلوبنه أصبحت جمرة غضه
-----------
دين النبي لفگدك جذب حسرته
امصيبتك أضحت سيدي امصيبته
وسم اللي ذوّب چبدك بجمرته
غيب ضواك وأفجع الرافضة
---------
عقيل الكاظمي / الشارقة
من ديوان خواطر الافكار ج1 ص133
لطميات مكتوبة للامام الجواد عليه السلام
حمل تطبيق قصائد حسينية مكتوبة من هنا تحميل
شهيد الله ياجواد حجة الله ياجواد
ــــــــــــ◐◐◐◐◐◐◐◐◐ـــــــــــــــــــــــــ
#مقدمة
شهيد الله ياجواد حجة الله ياجواد
انت يا تاسع ولي من بعد جدك علي
ياجواد ياجواد
######## #########
انت ياثالث شخص تسميت بِمحمد
صرت مثلة بالكرم وتنطي حتى المرتد
انت التعلم العلم علمك عبر كل الحد
وانت جن جدك علي ماساجد لاي احد
حبيب الله ياجواد امين الله ياجواد
باسم جدك معتلي من بعد جدك علي
ياجواد ياجواد
######## #########
انت يالجدك علي ومنة ماخذ زودك
والشجاعة بيك اصل ياهو يصل لحدودك
انت ياباب الحوائج كلهة تعرف جودك
مثل عمك تفترش للعطاية زنودك
تاسع الاولياء ياجواد معروف بعطاء ياجواد
وبعطائك تعتلي من بعد جدك علي
ياجواد ياجواد
####### ########
جسمك الباقي بسطح ذكرنة بالحسين
باقي جوة هالشمس تحرگهن الجسمين
وبچت كلهة شيعك هالموقف متذكرين
وانت هم مثل الحسن اثنينكم مسمومين
مثل جدك ياجواد ومثل عمك ياجواد
هم مثلهم تبتلي من بعد جدك علي
ياجواد ياجواد
######## ##########
انت ياعُمرِ الشباب اصغر الائمة
وشفت من العمر شايف البس ضلمة
واحنة شباب ومثلة صح ولازم احنة نعضمة
والشباب اعلى الشباب بالدمعة هم واللطمة
نادة هالصوت ياجواد نبقى للموت ياجواد
يبقى صوت ويعتلي من بعد جدك علي
ياجواد ياجواد
######### #########
يلي عندك اي مرض اعتني واشكيلة
مايرد اي واحد راح متعنيلة
احچي كل البگلبك لاتضم احچيلة
مايردك لا ابد من تصيح دخيلة
باسمة نادي ياجواد من تحاچي ياجواد
كلة همك ينجلي من بعد جدك علي
ياجواد ياجواد
######## #########
#سيد_حسسن_الياسري
قصائد استشهاد الامام الجواد
يَمَّك الهَادِي ينُوح ابْحَسْرِتَه
ــــــــــــ◐◐◐◐◐◐◐◐◐ـــــــــــــــــــــــــ
( موشح + نزلة ) نخوة للإمام الجواد عليه السلام
يَمَّك الهَادِي ينُوح ابْحَسْرِتَه
يبْچِي وِ اتْهِل الـمُصَابَك عَبْرِتَه
****
يَمَّك ايجُر حِزْنَه وِ اسْنِين الهَضُم
او شَهْگِة اونِينَه تِعَدَّت لِلْعَظُم
ينْتِحِب وِ يصِيح آه امْنِ اليتُم
گَلْبِي مَكْسُور اشْيجَبِّر كَسْرِتَه
****
مِن نِعَى النَّاعِي او حِدَى ابْصُوت الحِزِن
هَلَّت ادْمُوع الفَجِيعَه اعْلَه الوَجِن
هَذَا نُور الله طُبَگ وَسْفَه الجِفِن
صَوِّبُوا طَه ابْجَوَادَه او عِتْرِتَه
****
گِلِّي يَاضِيم الأَحِمْلَه ابْغِيبِتَك
شَيِّبَت رَاسِي يَبُويَه امْصِيبِتك
لُو تِظَل اعْيُونِي تِغْسِل تِرْبِتَك
مَا تِطَفِّي نَار هَمِّي او جَمْرِتَه
****
مَا تِطَفِّي ادْمُوعِي جَمْرَات الصَّدِر
او خَاطِرِي يَا بُويَه عُگْبَك مِنْكِسِر
أَبْچِي فَگْدَك فِي ( الشَّفِع ) وِيَّه ( الوِتِر )
آه مِن دَهْرِي او عَجَايِب غَدْرِتَه
****
قَصِّرَت عُمْرَك يَبُو الهَادِي الـمِحَن
شَابَهِت بِنْتِ النِّبِي أُمِّ الحَسَن
وِ الفَرِق جِثْمَانْهَا ابْلِيل انْدِفَن
تِشْتِكِي السَّطْرَه او ضِلِعْهَا
او عَصْرِتَه
****
بُويَه بَغْدَادَك نِزَل بِيهَا الأَلَم
او كِل مَنَارَه طَاح مِن عِدْهَا العَلَم
أَقْسِم ابْـ ( ذَا النُّون ) وَ اقْسِم بِلْقَلَم
عَايَنِت لِحْسِين يصْفِگ عَشْرِتَه
****
يصْفِگ العَشْرَه او يصُب دَمْعِ القَهَر
وَاگِف او فُوگ النَّعَش مِحْنِي الظَّهَر
مِثِل حَنْيِة ظَهْرَه يَم شَاطِي النَّهَر
ينْظُر العَبَّاس او فَجْعِة طَبْرِتَه
****
مِنْحِنِي وِ دْمُوع عِينَه دَم تِسِح
يفْحَصَك بَلْچِن يعَايِنْلَك جِرِح
لُو يشُوف ابْصَدْرَك اسْهَام او رُمُح
او نَبْرِة الثَّكْلَى تِشَابِه نَبْرِتَه
****
يَا جَوَاد العِتْرَه يَا شِبْل الرِّضَه
مِعْتِنِيك ابْوَنِّتَه التِّمْلِي الفَضَه
بَلْچِن ايشُوف الضُّلُوع امْرَضْرِضَه
وِ الدِّمَه اتْصُب مِن مَنَابِع غُرِّتَه
****
ينْعَى وِ بْزِينَب يذَكْرَك مِصْطِلِي
مِن بُقَت عُگْبَه غِرِيبَه ابْلا وِلِي
بِالسِّيَاط اشْلُون حُرْمَه او تِنْوِلِي
او تِشْتِكِي مِن سَب عَدُوهَا او سَطْرِتَه
****
علي أحمد العاشور
20 ذو القعدة 1438هـ
أبُو شُبَّر
استشهاد الامام الجواد
حمل تطبيق قصائد حسينية مكتوبة من هنا تحميل
يالتنشد اتريد اجواب إلمن ذرفنه الدمعه
ــــــــــــ◐◐◐◐◐◐◐◐◐ـــــــــــــــــــــــــ
#رئيسية
قصائد (الامام الجواد ع)
(3)
قصيدة( باب المُراد)
******
يالتنشد اتريد اجواب إلمن ذرفنه الدمعه
والياسبب هذا اليوم هاي البشر مجتمعه
إلبسنه السواد
لاجل الجواد
******
يهل تنشد تريد اجواب إلمن كل جفن دامع
وتناشد ليش هالدنيه ظلمه ولاگمر طالع
وسواد ابكل مكان اتگول ومواكب سدّت الشارع
فگدنه لَن مثل هاليوم الإمام الهاشمي التاسع
تاسع أيمتنه غاب واختفت صورة بدره
واحتشد گاصد بغداد عالم الشيعه ابأسره
من كل بلاد
لاجل الجواد
******
ابهذا اليوم كل مسلم مخلص للنبي وآله
گصد بغداد ودموعه من دم صُفت همّاله
يبچي للجواد وذاب بالحسرات دلّاله
وياويلي على المسموم بقت صرخاته تتعاله
كل مخلص الآل البيت للكاظميه حاضر
لابس إجه اثيابه السود يامن تصد واتباصر
هذا الحداد
لاجل الجواد
******
اوضحلك بعد أكثر صور أحزانّه ابهاليوم
واخَبرَك ليش يالتنشد گلبنه املوّع ومالوم
مثل هاليوم لَن احنه فگدنه حجّة القيوم
گضه نَحبه وسافه اعليه ابسم ام الفضل مسموم
بنت الزنيم المأمون غدرت جواد اليمّه
وشبل الرضا لمّن مات صارت إله ملتمه
وتبچي العباد
لاجل الجواد
******
يمن شنهو سبب هالنوح تنشد وبلهف ظلّيت
لوَنّك دارك وعارف منو اللي مات لاهل البيت
چان ابحزنك اويانه لَعِد گبر التقي اتعنيت
ومو دمعات لمصابه دم تبچيله چان ابگيت
لو مطّلع عالتاريخ وتعرف شباب العتره
عالجره اعليه چان ابگيت مفجوع تجري العَبره
وتدمي الفؤاد
لاجل الجواد
******
ابو الهادي الجواد ايكون ابحياته تبحث وتقره
وتطالع صفحة اسنينه وتخوض ابمدرسة فكره
عگب چتل الرضا عُوده ابحقد مأمون وبغدره
قاد الأمّه بعلومه رغم سنّه وزغر عمره
عن علمه هذا التاريخ چم حادثه سجّلهه
ابقصة ابن أكثم شوف مسئلته لمّن حلهه
تلگه الرشاد
لاجل الجواد
******
بعد ما صار بحر الجود ايتناشر عالمَلَه علمه
صار المعتصم يرتاب على مُلكه وعرش حُكمه
وابخطّة غدر سلّم بيد ام الفضل سَمّه
والمعصوم من سمهم صارت چبدته امخذمه
بالسم سليل المختار ودّع حياة الدنيه
وانّصب چم مأتم ليه وسط الأرض والعليه
ومدمعنه جاد
لاجل الجواد
******
هذا اللي ابسطح داره ظلّت جثّته اموسده
ثلثتيام مثل احسين بگه ومحّد حضر عنده
اندفن يم موسى بالتالي وصُبَح گبره گبر جدّه
مناير اربعه وگبتين عليهه الناس محتشده
ينطي الحوايج للناس شابهْ الكاظم شخصه
وقدّسه الباري المعبود وبهالمُسمّى خصّه
باب المراد
لاجل الجواد
******
كلمات خادم اهل البيت( عليهم السلام)
الشاعر-مهند قاسم الكاظمي
حمل تطبيق قصائد حسينية مكتوبة من هنا تحميل
اليوم دين الله أنفجع قرآنه
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
في شهادة الامام الجواد عليه السلام
*
اليوم دين الله أنفجع قرآنه
ومحزنه الاسلام كل اركانه
*
اليوم من أتجاسرت جف الرجس
وكطّعت بالسم جبد خيـــر الانس
أنفجعت أبهالنايبــــه أنوار القدس
حكــــــه هالمدمــــع أذا ماينحبس
حكـــه من ما ينكطــع جريانــــــه
*
اليوم أمام الشيعـــــه أصبح منفكد
شاب سموا جبدتــــــــه أهل الحقد
امصاب هز هاليوم عرش المنعبد
وصوبوا بصوابــــــه أعلام المجد
وخلوا أملاك السمــــه حيرانــــه
*
اليوم سموا جوهــــر آيات الكتاب
كوم وألطم يالمحب في هالمصاب
أنسم ابو الهادي وهو بعز الشباب
خلص عمـــره حجــة الله بالعذاب
صبــوا أعليـــه الحقد عدوانـــــه
*
الكون كفكف دمعته وأعلن حداد
حين بالسم غيبوا شمس العبــــاد
شصار في بغداد من ناده المنــاد
وين شيعـــة حيـــدره عن الجواد
مات مولاكم العالي شانـــــــــــه
*
كوموا عالروس ألطموا يالرافضه
وشيعوا ياشيعة نعش أبن الرضه
أستشهد ونصبت عزه أهل الفضه
وسهم فكده بكل كلب فات ومضه
اليوم بمصابـــــه أظلمت دنيانـــه
*
يارسول الباري شاهد عترتك
شوفهم بيهم شســـــــوت أمتك
التدعي اتباعك يوسفــه خانتك
عذبت ولدك يطاها وآذتــــــك
اليوم خلوا عترتك حزنانـــــه
*
كل ضغينه أتوارثتها الادعياء
ولبنينك يالنبي نصبوا عـــداء
شتتوا ولدك يسيد الانبيـــــــاء
سيدي راووهم أنواع البــــلاء
أشكثر ضيم أتحملوا وليانـــه
*
ســلام المشــعل
يمهدي سيف حيدر بيدك
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
يمهدي سيف حيدر بيدك
يمهدي تضهر احنا نريدك
,,,,,,,
گوم شد إعله فقارك ايدك وصفيها
گوم مجروحه الگلوب بطلعتك داويها
گوم محترگه الخيام وانته التطفيها
يمهدي للنصر ترديدك
يمهدي تضهر احنا نريدك
,,,,,,
كل محب دمعه يگلك يا اعز كل ناسي
والله لوما حروف اسمك ماتعيش انفاسي
شوگي مثل خيام زينب وانتظر عباسي
يمهدي بلكي دمعي يعيدك
يمهدي تضهر احنا نريدك
,,,,,
صرت اعد نجوم صبري والگمر ماشوفه
واسمي مجنون المجالس حالتي معروفه
روحي بالسهله زرعتها والگلب بالكوفه
يمهدي بالقدس تأييدك
يمهدي تضهر احنا نريدك
,,,,,,
صرت مو كل جمعه اقره الندبه كل يوم اسألك
ادري بذنوبي تعطــــلك بــــس اگـــــول شعطلك
حبك اليغـــســــل ذنـــوبي وانا جيـــت اتوســـلك
يمهدي حطني وي عبيدك
يمهدي تضهر احنا نريدك
,,,,,
يا حلم كل العوالم يمته تحقيق الحلم
من كثر شوگي وحنيني بالضهر شفت النجم
گتله يانجم الظهور شوكت حزني ينختم
يمهدي ... بالفخر تمجيدك
يمهدي ... تضهر احنا نريدك
........
وي عبيد حسين جدك حطني واحسب دمعتي
عالمشن فوگ الهزايل على خدودي لطمتي
انا اصيحن اه زيني وانته نادي عمتي
يمهدي ..... وياها ينزف جيدك
يمهدي ....... تضهر احنا نريدك
.........
.... ابو ولي الفاطمي
بالشهاده كرّمك رب العباد
مؤسسة مــﮠــبـريــۅن للالــﺡــــــان
#الــﮠـاشــر_اﺡـــمد_الزوار
🖤الســلام علـــيك يــا بــاب المـــراد 🖤
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
قصائد(الامام الجواد ع)
(2)
قصيدة(قدوة الشباب)
******
بالشهاده كرّمك رب العباد
وللشباب اصبحت قدوه يالجواد
******
بعدك ابعز الشباب وزهوته
وعمرك اچفوف المنيه خطفته
يوم فگدك صعب نوصف حالته
والمصابه اهتزت السبع الشداد
******
ياشباب العتره يالبيك الشباب
تقتدي ومنك خذت علم الكتاب
اتحيّر اليسئلك بفنون الجواب
ويحيى بن أكثم شهدلك بالرشاد
******
خصّك الباري على كل المَلَه
من زغر سنّك وعلمك تحمله
وصرت حُجْته وبين خلقه اتمثّله
انشرت دينه ولبّسك ثوب الرشاد
******
گبل ما لدروب موتك تتجه
دورك أديته على أكمل وجه
وبغيابك دينّه أصبح ولهْ
والشرع لاجلك توشّح بالسواد
******
يالصرت بآل النبي تاسع إمام
حگهه لو تتحسّر اعليك الأنام
چنت بيهم مثل مبعوث الاسلام
منبعث للرحمه والبِر والوداد
******
رغم كل إنوف گوم العادتك
ورغم ما گطّعوا بالسم چبدتك
الخلود انحنى وقبّل عتبتك
گاصدك يدريك لجروحه ضماد
******
صرخ لمّن صار لضريحك يفوت
متت لا ماگولهه وحاشه تموت
تظل للأجيال يبن الرضا صوت
ايردد ويهتف على الظالم جهاد
******
يامن اتفانيت. من أجْل الاله
يبو الهادي وقدّمت عمرك فداه
قدّسك رب العرش وانطاك جاه
تصبح الكل الخلگ باب المراد
******
كلمات خادم اهل البيت( عليهم السلام)
الشاعر-مهند قاسم الكاظمي
للجواد دموعنه تنقري بموضوعنه
ــــــــــــ◐◐◐◐◐◐◐◐◐ـــــــــــــــــــــــــ
للجواد دموعنه تنقري بموضوعنه
ابد ما مات الشهيد
,,,
تبقى عايش بالضماير سيدي مشعل الثوره وهدى لليهتدي
منو غيرك يستحق بي نقتدي ياإبن اشرف نسل يا أحمدي
انته سرك جوهري بيهه يشهد منبري
راح احچيهه واعيد ابد ما مات الشهيد
,,,
اليوم يا شاب الايمه من إجيت من نعيت ومن لطمت ومن بچيت
زينب وطف ومصيبه تذكريت تحضر الزهراء لو لجلك قريت
والمصيبه الراتبه بالدليل مچلبه
تحضر الزهراء اكيد ابد ما مات الشهيد
,,,
اليوم بمصابك يبن داحي الباب اتذكريت طفوف زينب والعذاب
نلطم وحگ الشباب عله الشباب صورة القاسم رسم ليه المصاب
شمعة القاسم ضوه انته والقاسم سوه
قصدي بالشمعه شأريد ابد ما مات الشهيد
,,,
يا شباب بساع ذبلت زهرته بس روه الدين بعلومه وسيرته
زغير عمره بس عظيم بنهضته خضّع خصومه بعلومه وفطنته
نسأل ارباب السّير واهمه ينطونه الخبر
من هوه گباله العنيد ابد ما مات الشهيد
,,,
ياإمامي العاش عمره بإهتضام من عبر الازمان ابعثلك سلام
روحي بالحضره تطير وي الحمام يا إمام إبن الامام ابن الامام
سلسله من الذهب بيهه شفنه شگد عجب
يجري حبك بالوريد ابد ما مات الشهيد
,,,
الك مولاي المدامع هامله جدديت مصاب وقعة كربله
لون نعشك عامحاجر نحمله حسين ضل مطروح محد غسله
زينبك راحت سبي لا كفيل وطالبي
والكفيل عله الصعيد ابد ما مات الشهيد
,,,,
ابو ولي الفاطمي
يا جَـــوادَ الآلِ يا نِعْـــمَ الجَـــــــــــــــــــــــواد
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
الشـعـــر القريض
يا جَـــوادَ الآلِ يا نِعْـــمَ الجَـــــــــــــــــــــــواد
بِلَضَــى الأحْــزَانِ تَنْعَــاكَ العِبَـــــــــــــــــاد
* ..... * ..... * ..... * ..... * ..... * ...... *
أنت يا شِـبْـــــل َ الـــرِضـــا وأبــن الأميــــــــــــــــــن
يـا جَــــــــــواٌد يـا سَـبِيــــــلَ الـمُــؤمـنـيـــــــــــــــــن
قَـــــــــدْ حَـــبــــــاك اللَّـهُ ربَّ الـعـالـميــــــــــــــــن
رِفـعَــــةً لـلـحشــــرِ تَـبْـقـــى فــي إزْدِيــــــــــــــــــــــادْ
* * * * * *
أنـــت نَـجْـــمٌ فـــــي مـعــــالــــي مـذهـــبـــــــــــي
لَـــــــــــكَ أُمـــــــــي أَفْــــتَـــديــهـــــــا وأَبـــــــي
قَـــدْ أُوتِيـــتَ الــعِـلْـــم َ والـحُـكْــــمَ صـبـــــــــــي
مِـثْــــلَ يـحــيــــى صِـــــرْتَ مـا بيـن العــِبـــــــــادْ
* * * * * *
يـــا أبــــن طـــه الـمـصـطفـى وأبـن الــرِضـــــا
قـــــد بكــتـــك الأرضُ حــــزنــــاً والــفــضــــــى
أَنْــــتَ مِـثْــــلَ المُــجْـتَـــبــى ظُلـمــاً قَـــضـــــى
سـيــــدي بـالـسُـــــــــمِ قــــــد ذابَ الـفُــــــــــــــؤاد
* * * * * *
يـا جـــــــــــوادٌ جــــــادَ عِـلْمـــاً وأصــــــــــــــول
قْـــــــــدَ بَـكَــــاكَ المُصطفـــى الهـادي الرَسُـــــول
وعـلــــيٌ يبـكــــــــــــي والـــطهـــرُ البتـــــــــــول
أعْـلَـــنُـــوا الـــيــــومَ مَـــــراسِـــيــــمَ الـــحِـــــداد
* * * * * *
آدَمٌ جــــــــــاءَكَ و الجِــفْـــــــنُ قَــــرِيــــــــــــــحْ
وآتــــــــــاكَ نُـــــــــــوحُ و الـقــلــــبُ جــريــــــحْ
و هـــــــــوى مُــــــوسَــــى لِـتَقْـبـيـــلِ الضَـريـــحْ
و آرتــــدى لِـلْـحُـــــزْنِ جِـلْـبـــــــــابَ السَـــــــــوادْ
* * * * * *
أيْــــنَ ذاكَ الـظـالِـــــــــــــمُ أيْـــــــنَ الـقُـصُـــــــور
مـا لَـــــــــهُ قَـــبْــــرٌ غَــــــدى بَيْــــــــنَ القُـبُــور
وضـــــريــــــــحٌ لَـكَ يـعـلــــــــــوا مِـنْـــــهُ نـــــور
وغَـــــــــدى كـعـبـــــــةَ عـلـــــــــمٍ ورشــــــــــاد
* * * * * *
أنـــــت جُـــــــــــرْحٌ فـي نُفُــوسِ العَـــاشِقِـيـــن
يُــؤْلِــــــمُ الـقَـلْـــــبَ عـلــــــــى مَـــــرِ الــسِنـيــن
لَـكَ تَــبــكـــــــي يـا إِمـامِـــــــــي كُـلُ عَـيْــــــــن
بـالأســــى حُـــــزْنَــاً الـــــى يَـــــــوْمِ الـمَـعَـــــاد
* * * * * *
شعــر
أبـو يقيـن الصالحي
يالكاظم دمعتك خلها هماله
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
يالكاظم دمعتك خلها هماله
اتلگاه للجواد وعاين الحاله
-----------------
يالكاظم ادموعك خل تهل اليوم
وبحرگة گلب عاللي گظه مسموم
والبس للحزن سوده المصابه اهدوم
واگعد لوردت يالكاظم اگباله
---------------
اكباله تگعد ونشده شنو الاسباب
وبعينك تشاهد چبده بالسم ذاب
ماتنفع ملامه ولايفيد اعتاب
سم النال چبدك چبده هم ناله
-----------------
اتلگاه للجواد وياهظم عنده
بكظم الغيظ اجاك ومنگطع چبد
شوفه ياذنب والياجرم عنده
بالسم هالخصم ياوسفه يغتاله
--------------------
يغتاله عليمن سولف انته اوياه
هم مثلك قساوه راوته دنياه
مثل ماتنغدر هذا الغدر يدناه
يالكاظم ومثلك غيبوا اهلاله
--------------------
اهلاله غاب وانصب للحزن مأتم
يالكاظم ومنكم ياچبد يسلم
لوبالسيف لو بالينچتل بالسم
لو من الذبح ماتسلم اطفاله
------------------
بهذا الحال واحدكم بعد واحد
بني اميه وظلمهم للوكت شاهد
الجرايمهم كلمن يطلًع رايد
ينشد كربله اعله حسين واعياله
---------------------
ورثوها البني العباس اعاديكم
اخذوا من بني اميه الظلم ليكم
كلها اتجمعت بحقادها اعليكم
ومنهم للجواد اليوم چتاله
-----------------
سموا للجواد ومن گبل سموك
يالكاظم وچم عام بسجن خلوك
بالسم غدرته الوادم اللي غدروك
ودلالك تفطر مثل دلاله
-----------------
سيد عدنان الحمامي
شبيها هاشم ماتحشم رجالها
ــــــــــــ◐◐◐◐◐◐◐◐◐ــــــــــــ
قصيدة نعي الأمام الجواد عليه السلام
شبيها هاشم ماتحشم رجالها * *وتطلب بثارالجـــــواد عيالها
ـــــــــــــــــــــــــــــــــــ
شبيها هاشم ماتشد غوج الوفه* * وتنتصر هاليوم لبن المصطفه
وتوصل لـﭽبد الجواد وتسعفه * * وتضرم بنار الوغى واهوالها
ـــــــــــــــــــــــــــــــــــ
شمالها نامت على ثار الجواد * *وماتـﮔص بسيــفها روس العناد
بعد شنهو العذر وانهار العماد * * وسمم ﭽفوف النده دجـــالها
ـــــــــــــــــــــــــــــــــــ
والمصيبه نترك بالدار الغريب * *يريد ماي وليش مايسمع مجيب
سدت البيبان اوتعذر طبيــب * * حتى لايـﮔضي ويمـــــــوت ﮔبالها
ـــــــــــــــــــــــــــــــــــ
عجب شنهو السبب يا بيت المجد * * ولظلمكم بنو الباطـــل تتحد
ﭽم جريمه وﭽم ظلامه وﭽم حقد * * وﭽم عظيم البات بين اغلالها
ـــــــــــــــــــــــــــــــــــ
ﭽم ﭽبد مسموم عدكم ﭽم وريد* *وﭽم ابن مروان طاغي وﭽم يزيد
وﭽم سجين مـﮔيد بنار الحديد * *وﭽم لهب نار اللي لاح اطفالها
ـــــــــــــــــــــــــــــــــــ
مالْ هالثارات يهل الله دوه * *
بغير ماينــــــهض يرفرف باللوه
ويظهر المهيوب ويطر الضوه* *وتزهر الغبشه وجمــــيع آصالها
ـــــــــــــــــــــــــــــــــــ
ويطر نور الفجر ويـﮔوم الحساب * * وسيفه مثل الصاعقة يـﮔص بالركاب
أول الطبرات عل الحرﮔت الباب * * وصاحبات النوﮒ وي جمـــــالها
ـــــــــــــــــــــــــــــــــــ
لأسس الفتنه واعلن حرب العناد * * بيده سم المجتبى وسم الجواد
والسقيفة الـﮔـادت الحــيد بنجاد * *ﮔـادت اولاد النــــــبي بحبالها
ـــــــــــــــــــــــــــــــــــ
ابو امنه
نعمه تبقه وحـلمك يظـل ياجواد
ــــــــــــ◐◐◐◐◐◐◐◐◐ـــــــــــــــــــــــــ
#مقدمه
نعمه تبقه وحـلمك يظـل ياجواد
ويـبقــه بـابك سيدي باب المـراد
كبـر جـرحـك سيدي والحزن عم
يــوم ﮔـلـبـك ذاب وتــــفــطـر بسـم
يبـقه ذكـرك بـالكلب ننـزفـله دم
وحـك جــدك سيــدي وسبـع الشـداد
وحــك جـدك سيدي صوتك يظل
رمز عـزتـنــه الحـقـيـقي ومــا رحل
قـائـمه الـثوره وتظل خير العمل
ويشهــد أعـليهـه بـفخـر رب العباد
الباري يشهد واحنه ننزفلك دمه
ويــوم مـوتـك يـبـقه ثــوره وقـائمه
الــدنيه حـزنـانه تظـل ومظــلمه
بيــوم فـﮔـدك عـلـنـت الــدنيه حــداد
لابسه الــدنيه سواد بـمـوتــتــك
أنـظر أنـته وشوف حـالـة شـيـعـتــك
كـلها حـزنانه وتـدﮒ بمصيـبـتك
يــاجــواد ولـبست أعــلـيـك السـواد
مـثـل جــدك هـم ثـلـث تـيام صار
جسد مـرمي أعــله الـثـره ليل نهـار
جدك أعله الغبره وانته فوﮒ دار
يـاعـمـاد الـغـيره ما عـدنـه عــمــاد
أنته سم وحسين حــزوا مـنحـره
وهـم ثـلـث تـيـام ظـل أعـلـه الـثـره
أبلا غسل وبلا دفـن بس للـذره
مــثـل جسمك جسم جــدك يـاجـــواد
خادمكم
رياض الرسل
الكون وي الزهره هم ناصب حداد
▪️خل نواسيها الزجيه... عالجواد ابهالمسيه ▪️
ــــــــــــــــــــــــــــــــــــــــــــــــــــــــ
#وآجواداه
الكون وي الزهره هم ناصب حداد
والسمه تبچي عله مصاب الجواد
كون كل الدنيا تلبسله حـــــــــداد
وتبقى تبچيله العيون إدموعها
``
بعده عمر الورد وبريع الشباب
ليش بالسم يهالوادم چبده ذاب
ظل ثلاثه اعله السطح آيالمصاب
ولوعة السم ويلي ياهو يلوعها
``````
بعد ياهاشم شنو يفيد النياح
الجواد ابن الرضا مسموم راح
طلبوا ثاره وثار الـ بكربله طاح
وثار أمه الــ لسه تدمي ضلوعها
`
چفنوه أهله الجواد وشيعــــــــــــوه
مو مثل جده اللي من مات اسحگوه
هم ثلثتيام بس إوصل لگــــــــــــوه
مثل شجرة وگطعوها فروعها
``
الميرزا علي حسن المنصوري
باب الله اليگصدك مايخيب
▪️خل نواسيها الزجيه... عالجواد ابهالمسيه ▪️
ــــــــــــــــــــــــــــــــــــــــــــــــــــــــ
باب الله اليگصدك مايخيب
ــــــــــــــــــــ
مستحيل ابلا وسيله تريد توصل غايتك
سجد ل الله ابليس ليش ايگله لادم سجدتك
المعنى من الباب لازم تجي وتطلب حاجتك
وانت باب الله الوسيعه وعبدك آنه بعتبتك
مضطر جيت واعرفنك مجيب
ــــــــــــــــــــ ــــــــــــــــــــ
آنه خادمكم عليكم من طفوليتي عشت
حتى بازغر حاجه ليكم اعتني ومابطلت
انتم اهلي وماادگن غير باب اتعودت
حاجتي صارت بديه وانا ساكت ماگلت
للمجروح ولاغيرك طبيب
ــــــــــــــــــــ ــــــــــــــــــــ
يمك الكاظم واسأله وانت ادره بغايتي
منه اطلب حاجتي والگاها يمك حاجتي
والله الف هنيالي بيكم خل ترفرف رايتي
عبد ماصير السواكم فقط انتم سادتي
احلى ادروس خذتهن من حبيب
ــــــــــــــــــــ ــــــــــــــــــــ
غير بابك من ادگه حتى لو باب اهلي اذل
ولو سجدت ابابك اكبر واحبو الك حبو الطفل
عزتي وجاهي الجبير وصيتي هاي امن انسأل
معتصم بيك اليشكّك خل يظل ابلاحبل
للمعبود ولامثلك قريب
ــــــــــــــــــــ ــــــــــــــــــــ
ماكو عندك صعب يامن دنيا بيدك واخره
عندي جم حاجه واحلفك بالزجيه الطاهره
كون تگضيهن واعرفك ماتگلي المعذره
حاشه بس عن لاتردني اعليك سبع الگنطره
ما أذيك واحلفك بالغريب
ــــــــــــــــــــ ــــــــــــــــــــ
حاجتي الاولى سلامي للامام المنتظر
وگله يقبلني بعبيده كون باجر لوظهر
وعمري اخلصه بهالمجالس لايغيرني الدهر
وكون مايجوي دليلي غير مگطوع النحر
بس لحسين ونيني والنحيب
ــــــــــــــــــــ ــــــــــــــــــــ
علي محسن الزيادي
يابوالهادي جمر غيابك . چواها بنيران أحبابك
▪️خل نواسيها الزجيه... عالجواد ابهالمسيه ▪️
ــــــــــــــــــــــــــــــــــــــــــــــــــــــــ
لاستشهاد الإمام محمد الجواد عليه السلام. ( عگيلي )
يابوالهادي جمر غيابك . چواها بنيران أحبابك
يابو الهادي جمر غيابك
ايامك من غربه الغربه.
مفارگ خلانك والصحبه
جابوك البغداد برهبه .
لاعن شوره ولاعن رغبه
ملتمه الحراس ابابك
يالهجه الي عدهم ترهم
غير السيف.وجريان الدم
جلمود گلوب الماترحم
يم دارك عسكرهم ملتم
ماعدهم غير استجوابك
چم خطه الدرسوها بخطه
بالتهديد وفرض السلطه
يلمالك وياهم غلطه.
بجلد الريم الذيب تغطه
بحد السيف يريد اعتابك
بمنطق سلبي وسابق فكره
ظل الحاكم حقده بصدره
يوم الجمع ذيچ الزمره.
كل عالم رد حاير بأمره
خجلهم علمك وادابك
ياتاسع أنوار العترة.
رادوا تضعف يبن الزهره
علمك اصبح الهم عثره.
غير السم ماعدهم فكره
مصاب الزهره اليوم مصابك
ياخمسه وعشرين اسنينك.
ناذرهن للباري ودينك
وسفه العدوان مخلينك
ظلمه ورهبه الدنيا بعينك
بالقوة الحاكم من جابك
من سموه وسدوا بابه
مايدرون أهله وأصحابه
مثل حسين ونار مصابه.
حسين بسهم الطف صوابه
وانته بسهم السم صوابك
الشاعر حسن لعيبي الحريشاوي
انته الجواد وحاجتي عندك
▪️خل نواسيها الزجيه... عالجواد ابهالمسيه ▪️
ــــــــــــــــــــــــــــــــــــــــــــــــــــــــ
شهادة الامام الجواد ع
انته الجواد وحاجتي عندك
تگضيهه ادري وما ترد عبدك
الله وكيلك .. واگع دخيلك
ادركني يبن الرضا ادركني
""""""""""
علّموني اطلب الحاجة امن اهلهه
وكل مصيبة إلهه حل يعني انت إلهه
وحضرتك يبن الرضا عبدك دخلهه
وانته مفتاح الفرج وانته التحلهه
داخل عليك بنظرة تسعفني
ولا مرة اذكر انته عايفني
بلا ما اگلك .. امغرگني فضلك
ادركني يبن الرضا ادركني
"""""""""
بحضرتك مولاي اشم عطر الجناين
واشعر بجبريل اكيده اهناكه ساكن
يبن ثامن ضامن انته مثله ضامن
كلمن البابك يدگ معناهه آمن
انته الجواد وبابك اندگه
لاهل الحوايج دوم تتلگه
تحت المناره .. أگعد خفاره
ادركني يبن الرضا ادركني
"""""""""
تگضي حاجات اليحبك والتحبه
گبل ما يحچي لأنك تقره گلبه
وعادتي بزيارتك لو عندي طلبه
قرُبة لحسين الزيارة اهدي قُربه
للضامي قربة اهدي كل عمري
وبجاهه تنظر حاجتي ادري
بجدك احلفك .. متردني اعرفك
ادركني يبن الرضا ادركني
""""""""""
عبدك اني وادري ما تترك عبيدك
الحاجة اطلب بالعجل يوصل بريدك
چن تگلي لو بعد رايد أزيدك
وآنه اگلك كفو والله وعاشت ايدك
كلما اجيلك انت تكرمني
منك دعيت الله ليحرمني
يبن الاكارم .. ممنون وخادم
ادركني يبن الرضا ادركني
""""""""""
يالجواد انتو سُفن لاهل العقيده
وانه اريد اركب سفينتكم اكيده
امنية يبن الرضا عندي وحيده
نظرة منك والله بس هذا الاريده
بالغيب تدري وتعلم النيه
معناهه تدري شبيه ما بيه
من فدوه لاسمك .. حاجاتي يمك
ادركني يبن الرضا ادركني
"""""""
يا أمير الجود يا سيد المعاجز
بوصفك انه لو اغالي والله جائز
انت باب الحاجة واليگصدهه فائز
نظرة منك تسوه الاف الجوائز
وكت الشدد يبن الرضا بصحنك
اطلب من الله حاجتي ومنك
الله اللي شاهد .. بس نظرة رايد
ادركني يبن الرضا ادركني
انيس الخفاجي الكربلائي
▪️ قناة اليوتيوب الرسمية رابط الاشتراك بالقناة
ما يضيع اجرك لا والله هيهات
ما يضيع اجرك لا والله هيهات
يم ابو الهــادي باب الكـرامات
~~~~~~~~~~~~~~~~~
يالتزور الكاظميه اخذ هـــاي البُـــشرى
زاير اللـي يدخللها بيـــده ياخـذ اجــره
والمُحب من يوصللها الله يرفــــع قدره
باب المراد العظيمه الكرم بيها شكـبره
يوصـل وينــسه تعب المسافات
يم ابو الهـــادي باب الكــرامات
~~~~~~~~~~~~~~~~~
جعل رب الكون نوره بهل الارض واسراره
والتـــــقدم للـــزيــــاره كــــأن للرب زاره
وابو الهادي حـــاشه والله ما يرد خــطاره
واليجـي نار بدلــيله يَمّــه تخمُــد نـــاره
ينفض بصـحنه اغبار المُعاناة
يم ابو الهــادي باب الكرامات
~~~~~~~~~~~~~~~~~
ايخاطبك رب الجلاله الزايـري مكتــوبه
عند ذي العرش كرامه بالفخر محسوبه
للجواد بلهفه يگصد السيده ومحـبوبه
يعتنيله مثــل لهــفة يوسف اليعــگوبه
يوگــف ويــقره ابابه المُناجاة
يم ابـو الهادي باب الكرامات
~~~~~~~~~~~~~~~~~
هالجواد ابن الأكـــارم ما يرد اضيــوفه
للبشر ياناس فاتح بالعــطايا اچفــوفه
وبالسمه كل الملائك سبّحت بـحروفه
امتداد العرش گبره وسيرته المعروفه
بگبره موجوده. ابرز عــلامـات
يم ابو الهــادي باب الكرامات
~~~~~~~~~~~~~~~~~
لمن اتطوف ابضريحه بالدموع اتْقَبْله
هذا شبل الرضا الطاهر للحوائج قبـله
والده السلطان تذكر من تشاهد شبله
هذا حبل الله نعرف والتـزمنه بحــبله
هذا الذي جده قاضيَ الحاجات
يم ابو الهــادي. باب الــكرامات
خادم اهل البيت ع
الشاعر زيد الكاظمي
حمل تطبيق قصائد حسينية مكتوبة من هنا تحميل
المصدر قنوات منبريون على التلكرام
الله اكبر
ردحذف