مجموعة قصائد مكتوبة للسيدة رقية عليها السلام
 |
حمل تطبيق قصائد حسينية مكتوبة من هنا تحميل
القصيدة الاولى
عمه زينب والدي ابهالشده راحل
قصيدة للسيدة رقيه…..
وزن الهجري المقطوع….
.
.
عمه زينب والدي ابهالشده راحل
عمه زينب وينه عمي ابـــو فاضل
مادرى بهاي المسـيه اسمي اصبح مو رقيه
صار السبيه يا عمتي
.
.
.
والدي أمسافر يعمه ادري صعــبه اظروفه
وينـه عـمي بهالمـسـيه آنـه الـه ملهــوفـه
آنه متـعـوده يشـــمني واغفه بين أچفوفه
عمي ماظن يدري بيه بالحـــبل مچتـــوفه
.
يا هظـيمه عندي عم وما أجاني
يا هظيـمه والشـمر بلـوى بلاني
سوطه راواني المنيه اسمي اصبح مو رقيه
صار السبيه ياعمتي
.
.
.
عجب شو ما يفـزع ألنـه وما ترف راياته
عـمـي سـيفه بالـمـنـايـه ايـرتـل ابـآيـاته
يعني ما مـعقـوله يـقـبل تحترگ خيماته
عمي هم يــدري بشمرهم كاشخ ابريشاته
.
فــارگـــانه درعه ظل بيد الشماته
فــارگـــانه مـا حضـرنه بنـايبـاتـه
من ليالي الغاضريه اسمي اصبح مورقيه
صار السبيه يا عمتي
.
.
.
عمـه ماريـدن اجــرحه ولا أثـيــر احـزانـه
جـربته ترسـوها ماي وتــروي بس عدوانه
ظـل زجر يـسحـبها يمـي تعـثـر بتــربـانه
گلي جود النشمي هذا شـوفي يالعطـشانه
.
عمي وينه الســحگ روس الأفاعي
عمي وينه ماحـضر ليش الوداعي
أنطر وما منه جيه اسمي اصبح مو رقيه
صار السبيه يا عمتي
.
.
.
عندي وي عمـي عتاب ابلوعتي المضنوكه
ارد اخبـرنه بـغـيـابه دمّـعـتي مـسـفوكه
هم درى بحــال الرضـيع الفـرهدوا كاروكه
ثيابه ظلت عالوطيه امطشره و مـتـروكـه
.
والمصيبه گماطه زيّـد نايباته
المصــيبه گيدو بي كل خواته
عمه ظلت عبره بيه اسمي اصبح مو رقيه
صار السبيه يا عمتي
.
.
.
أرد أگله يا گمــرنه انته اهلــي ونـــاسي
أنته هيبة كل حياتـي وشهــگتي بأنفاسي
حارس النوگ الچتفني بسوطه يضرب راسي
وآنه اصيح افزع يعـمي بعبرتي وأحساسي
.
ما أشوفك لكن اشعر بوجودك
ما اشوفك عثرة الناگه بزنودك
هسه بلسان آل أميه اسمي اصبح مو رقيه
صار السبيه يا عمتي
.
.
.
آنه افهم يالحـزيـنه كـــل حـــروف اللوعه
چنـتي ياعـمه بحـياته دمعــــتچ ممـنوعه
هسه كل دمعه اعله خدچ بالـدمه مطبوعه
عمي مو حي ودليلي وجنـتي الـمصفوعه
.
عمي ميت بيا كتر حامي الظعينه
عمي ميت يعني ابوي امگـطعينه
وآنه من ذيچ الرزيه اسمي اصبح مورقيه
صار السبيه يا عمتي
.
.
.
والـدي مسـافر يعـمه وآنه اشمن عطـره
شفت بچعوب الـحوافر اثر من دم صدره
عمي غايب وبذكـــائي تكتمل هالفكره
يعني مذبوح وابويه سابح بدم نحره
.
بالخرابه تحضري ياعمه الوفاتي
بالخرابه راح اودع امـنـياتي
من الحبل تفتك اديه .. اسمي اصبح مورقيه
صار السبيه .. يا عمتي
.
تمت بفضل ربي وعطاء اهل البيت عليهم السلام
لا تنسوني ووالدي من فضل دعائكم المبارك
حسن الموالي الفاطمي
القصيده محرمه على منشدي الـDJ
حمل تطبيق قصائد حسينية مكتوبة من هنا تحميل
مشتاگــه ألك شيوصفه شوگ الفاگـده
ــــــــــــــــــــــــــــــــــــــــــــــــــــــــ
قصيده إلى السيده رقيه بنت الحسين عليهما السلام
قصيدة (( مشتاكه ))
مشتاگــه ألك شيوصفه شوگ الفاگـده
مشتاگــه ألك عينـــي تشوفــك رايــده
شوگ اليفارگ جمــره بالوّنــه يخلـص عمــره
يـا بويــه مشتــاگه شكــثر لگلمــة يبـــويه الدافيـه
وأتمنى انـــه بهــل المسه بحضنك أمأمنـه وغافيه
يلــي شلتنـي أعلــى المتن عالجمـر اركــض حافيه
يابويه مــن يــوم الـــرحت ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره شوگ اليفــارگ جمره
*
يابـويــه چفــي ألـــي چنــت كــل ساعــه انتــه تشمّــه
يالغالــي هســه مــن الحبـل يــا بــويـه ينـــزف دمـــه
ظليت أخـــاف مـــن الهوى جـــرحـــي يبويــه يلچمـه
ما تدري بالسـوط أنضــرب كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره شوگ اليفــارگ جمره
*
يـا بـويه تــرچيتي الذهب البيــدك جبتــها أتــذكــر
سلبوهــا بالطــف العــده ومنها يصــب دم احمــر
يــا بويه دمــي الي جـره نفسه الجـره مـن المنحر
نــار وعطش خيل وشتم واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره شوگ اليفــارگ جمره
*
ريتك تجيني بهـل المسه ونفســك يمــر بأنفــاســي
وتشـاهــد بعينـــك ذبـــل مـن الفرگه وردي وياسي
مرنـي يمن انت الهــوى وأغلــى واعــز كل ناسي
وأتمنى لو جيت أبدمــع تمســح بأيـــدك راســــي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخــدي شوف السطــره شوگ اليفــارگ جمره
*
ألفــرگــه اشــد مــن النبــل مـرنــي يبويــه الغـــالي
كـل ساعــه وتمرني صّــور وتغـفــه يبــويه أبــالــي
بصدرك شفت غافي السهم ماخــذ مكــاني الخــالي
وي نحــرك الينزف دمــــه انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره شــوگ اليفــارگ جمره
يـــا بـويه مريت وعدل خضّــر ربيــع اسنينـي
گتلك يبواليمه أبــدمــع چــا عــدمــن مخليــني
مــا ادري بـويه بالحلم طيفــك نظــرتـه بعينـي
فزيت لن طشت الذهب جــدامـــي ويحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره شــوگ اليفــارگ جمره
*
الشاعر
موسى البديري
1440
سلام الله
ــــــــــــــــــــــــــــــــــــــــــــــــــــــــ
قصيده للسيده رقيه وصبر العقيله
سلام الله
قصائد للسيده رقيه عليها السلام
سَـــلام الله على گلب العقيله سَــــلامْ الله على صبرْ العقيله
****
منين ابديلــچ سلامـــي هــالمسيــه
وأنت كــل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله سَلامْ الله علــى صبــرْ العقيله
*
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله سَلامْ الله علــى صبــرْ العقيله
*
يا مُصــابْ التنتحب وتــريد أبـوهـا
شلون يا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله سَلامْ الله علــى صبــرْ العقيله
*
يـا رقيـــه ويــا الــم محنــة سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله سَلامْ الله علــى صبــرْ العقيله
*
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمّـــه نــروح ونعتنيلـه
سلام الله على جَمـــرْ العقيله سَلامْ الله علــى صبــرْ العقيله
*
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله سَلامْ الله علــى صبــرْ العقيله
**
الشاعر موسى البديري
لو ميته بسهم بالغاضرية
ــــــــــــــــــــــــــــــــــــــــــــــــــــــــ
للسيدة رقية عليها السلام
(((((((لو ميته بسهم بالغاضرية
بعدك ما بطت بوية المنية
التعشكَهه ييابه ماتت بالخرابه
**********************
ألتقت روح الحسين ويالبراءة
وبچه لمصابها وجدد عزاءهَ
من خوف السبي تلوذ برداءه
وأبو فاضل اجه وشايل لواءه
بدت تحچي القهر لحسين أبوهه
من جرو تراچيها وسبوهـه
سلبوهه بغيابه ماتت بالخرابه
********************
لمن شافها استغرب شكلهه
أنتي منين يبنيــــة يكَلهه؟
آنـه البالسبي ظلمو أهلهه
أبو فاضل أمس هوه الكفلهه
رقية آنــه يبويه الدللتهه
أجاها الموت أول ماعفتهه
من بعد المهابه ماتت بالخرابه
********************
أحچيلي حالتچ؟ كَلبي تكَطعه
يبويه شغيرچ موچنتي شمعة؟
الهوه بويه بغيابك ما اجرعه
لذالك خلص عمري دمعة دمعة
يجيني الليل وتزود النياحه
ويصَعدونَه الهزل لوطَرصباحه
يا كَلبي ومصابه ماتت بالخرابه
********************
يبو اليمه أبد ماكو بغلاتك
اول ماطحت سلبو بناتك
چنت عندك أمس كلشي بحياتك
شلون انساك وانسه ذكرياتك
يبو حضن الأبد ماكو بحنانه
يصدر المنسحكَ كون بمكانه
وأظل على الترابه ماتت بالخرابه
********************
علزينب شحچي يابويه وقهرهه
شحال الضيعت بالطف خدرهه
مو خمسين بويه اكبر عمرهه
من راح الكَمر حدَب ظهرهه
نخت عباس بالطف ما اجاهه
تركض والظعن يركض وراها
حملت كل عذابه ماتت بالخرابه
********************
بعدك ما بقت غير اليتامه
شطوله الليل بويه وما ننامه
چم واحد امس جارح كلامه
جبتلك منهم بمتني علامه
مصايب عمتي ماكو بمثلهه
يبويه كلش تغير شكلهه
لاهل لا كَرابه ماتت بالخرابه
********************
حيدر حسين الكرعاوي
ــــــــــــــــــــــــــــــــــــــــــــــــــــــــ
للسيدة رقية عليها السلام
((((((((((((يالتروحون لبويه حسين وتزورون كَبرهَ
يالتزورون أشمن كَبر ابوي حسين حسرة
************************
أنه الشيبت كَلبي الغاضرية
أنه الوي عمتي زينب سبية
بخرابه آنـه اللفت ليها المنية
بت حسين يا شيعة رقية
تجري العيون وبروحي تشب نيران كبره
************************
أنه الفوكَ الترب عافت اهلها
أنه السوط الشمرغير شكلها
أنه الفوكَ النهر طاح الكفلها
أجه من الزغر يركض أجلها
چاتموتون اذا شفتوعلى ابوي خيول عشرة
************************
أنه الجرو تراچيها من اذنها
أنه السوط اليسر وَرَم متنها
بواچي فراكَ ابو اليمه عمنها
عسنها بكربله ماتت عسنها
زركَه المتون أنام شلون واني دموعي جمرة
************************
أنه الشفت المهر صاح الظليمة
أنه الماظلت لعمتها خيمة
أنه الكَامت تدورلها على هيمة
أنه الكَامو يصيحولي اليتيمة
لو تشوفون أبوية شلون حز الشمر نحره
************************
أنه الفوكَ الهزل ما عدها والي
أنه الشيب كَلبها من الليالي
آنــــه الضيعت كل الغوالي
تالي بالخرابة تموت تالي
تصبر شلون رقية هواي ماتت موش مرة
************************
شحاله اليبتعد عنه حبيبه
طفله تشيل روحي شچم مصيبه
آنــه الكَلبي ما بطل نحيبه
أنه الماتت ودفنوهه غريبه
موتكَطعون اليجيني بالحشر باچر احضره
************************
أنه الَسه آل أميه ظالميني
أمس يردون ما واحد يجيني
ظلت عالدرب مشبوحه عيني
كل زاير يجي يسمع ونيني
لا تبعدون اليجي الكبري قبل يومين انطره
************************
حيدر حسين الكرعاوي
لطمية رقية يا رقية
لطمية على رقية مكتوبة
ــــــــــــــــــــــــــــــــــــــــــــــــــــــــ
قصيدة بحق السيدة #رقية ع
طفله مو مالت سبي * چنهه قدسية نبي
وردة چانت بالمخيم
بـيـهـه والـدهه متيم
*-----------------*-------------------*
عوداهه حسين من يطلع يشمهه
بكل صباح تعودت يهتف بسمهه
فجئة خلاهه بدمع وسهام ألمهه
تركض ونار الخيم چوت جدمهه
والمتن ما ظنه يسلم * بـيـهـه والـدهه متيم
*-----------------*-------------------*
اربـع سـنـيـن الـعـمـر اكـثر روايـه
يعني مو مالت سبي وتنظر سبايـه
ربي هالطفلة نسبت شنهي الجنايه
هايه مــا صارت كـبـل بـيـن البرايه
مدري واقع مدري تحلم * بـيـهـه والدهه متيم
*-----------------*-------------------*
يحبهه ابوهه حنينة و صغيرة بناته
بـهـالعلاقه لـزيـنـب تـرد ذكـريـاته
وچـانـت تـحـس بمحبته وسـر غلاته
تـحـضـر بـكـل يـوم سـجـادة صـلاتـه
خدهه ياسه ويحله بالشم * بـيـهـه والدهه متيم
*-----------------*-------------------*
فارگاهه و ما رجع و الحاله صعبـه
نحرمت بلحظه لحنانه وتتني دربـه
تـنـظـر الخياله يمهه و كلهه غـربه
خافت وينزف جفنهه و دمعه صبه
وبوضعهه الباري يعلم * بـيـهـه والدهه متيم
*-----------------*-------------------*
حـرگـوا الخيمه و تصد بالنار اجوهه
ركضت و تصرخ يـبـابـه و ما رعوهه
تصورت بعده ويجيهه يحامي ابوهه
والله صـعـبـه بـجـر اذنـهـه يـعذبوهه
تدري ما يرضى اتألم * بـيـهـه والدهه متيم
*-----------------*-------------------*
شـافـت الخـيـل الاعادي مــن اجنهه
مثل شذرة الدمعه نزلت عالوجنهـه
ويله ويله العــذبـاهـه وجــر اذنـهـه
تـذبـل الـورده و تـمـوت بـلا غصنهه
حبهه غالي وميتقيم *** بـيـهـه والدهه متيم
*-----------------*-------------------*
✍️ بقلم خادم الحسين ع
الشاعر رعد الچريخي
لطميات للسيده رقيه
لطميات السيده رقيه
ــــــــــــــــــــــــــــــــــــــــــــــــــــــــ
طفله تاهت بالبريه...عمه فك احبال اديه
ضاعت امن ايدي رقيه
طفله تاهت بالبريـــــــه
.......................................
عمه درب الشام حطم ذكرياتي
اكبال عيني اتفرهدن عمه بناتي
وحده وحده جانت امجلبه بعباتي
اه من سوط الشمر دمَر حياتـــي
حيره يالسجاد حيره...زينب الجانت اميره
هسه مكيوده وسبيــــــه
ضاعت امن ايدي رقيه
..............................................
لو عدل عباس عمك حشميتـــــه
ادري راسه وياي مجبوره نسيته
دورت يا عمه روحي وما لكيتــه
الراس ابوها حسين اظنها معتنيته
استند عمه اعله متني..والراس ابوك حسين اخذني
نار المفارك سريـــــــه
ضاعت امن ايدي رقيه
....................................................
دورت ما بين الارماح وشفتهــــا
سكته تحجي ويه ابوها واسمعتها
بويه تذكرهن تراجيي الجبتهـــــا
انباكن وهل جيت اكلك ضيعتهــا
وعاينت عسكر لمحها...برمحه اذاها ودفعها
ريته جان الرمح بيــــه
ضاعت امن ايدي رقيه
...................................................
من وصلنه الشام واكعدنه بخرابه
جانت امن الظلمه تصرخ بابا بابا
دمعي هدم ساتره وشكك حجابــــه
وصحت اه يحسين يحسين ومصابه
والشمر لمن سمعني...اكباله شتمني وضربني
ويلي يا ويلي عليــــــه
ضاعت امن ايدي رقيه
.....................................................
المجلس ابن ازياد لمن دخلوهــــــا
وكفت وبالطشت شافت راس ابوها
وكعت وبالسوط كلهم كوموهـــــــا
هيه شمه وهيه موته من لكوهــــــا
وانطفت شمعة ضواها...وعندي ابوها امناها
ارجع وايدي خليـــــــه
ضاعت امن ايدي رقيه
.......................................................
خادم خدمة الحسين
الشاعر
محمد الموالي
لطمية وفاة السيدة رقية مكتوبة
لطميه للسيده رقيه مكتوبه
لطميه للسيده رقيه
ــــــــــــــــــــــــــــــــــــــــــــــــــــــــ
عظيمه عظيمه. وسفه بخرابه نومتج
....................
يالجنتي حضن حسين صاير بيتج
سارح خيالي او بالخرابه إلكيتج
ها يل العظيمه وينهه ترجيتج
عذريني يا مولاتي خاف أذيتج
يتيمه. يتيمه. هالجلمه تبدي بغربتج
عظيمه عظيمه. وسفة بخرابه نومتج
....................
يا وردة او سنينج عطش مليانه
مو ماي شفتج بالحزن غركانه
جرحج مغيب احسين كل عنوانه
والشوفته عيونج تظل عطشانه
غنيمه غنيمه. ويلاه صرتي الحسرتج
عظيمه عظيمه. وسفة بخرابه نومتج
....................
سمحلي احجي احجايه يالعلويه
بس للخرابه شوصلج مسبيه
حسرة. اونينج. تبقه تاكل بيه
اغله الهدايه او راحت الترجيه
هظيمه هظيمه. راحت هدية والدج
عظيمه عظيمه. وسفة بخرابه نومتج
....................
يا ثورة حسين ونصر عاشوره
من اذكرج روحي تظل مكسوره
او يديه تلطم عالصدر مجبوره
اتصور سبي ومتروح هاي الصوره
ظليمه. ظليمه. اتعذبت حيل ارويحتج
عظيمه عظيمه. وسفة بخرابه نومتج
....................
ياللي شبكتي الراس او بعبراتج
ما كلتي بويه وسولفن دمعاتج
مو شيعي والله الما يون الأهاتج
شنهي حياته الما ذكر حسراتج
جريمه جريمه. المايصب دمعه الدمعتج
عظيمه عظيمه. وسفة بخرابه نومتج
....................
رايد ادموع وبالحسين محلفج
ياللي تعذبتي بخرابه او طفج
لزميني يا مولاتي انتي ابجفج
خلصيني من ذنوبي اني كلفج
عظيمه عظيمه. مولاتي واني أبذمتج
عظيمه عظيمه. وسفة بخرابه نومتج
....................
تمت بعون اسد الله الغالب
الشاعرعلي الكعبي
ــــــــــــــــــــــــــــــــــــــــــــــــــــــــ
راح اكابر..... من اردن والظعن مابي رقيه
لو سئلني..... صعبه اكله بنيتك اخذتهه المنيه
يارقيه..... يارقيه
......................
صعبه اشرحله على قصه سبيهه
شلون اكله بنيتك انشدت اديهه
لو يكلي بنيتي شنهو الصار بيهه
وهو كبل السبي وصاني عليهه
والله صعبه..... دمعي ينزل حايره وشنهو بديه
لو سئلني.... صعبه اكله بنيتك اخذتهه المنيه
يارقيه..... يارقيه
....................
كتله ترجيتهه راحت سلبوهه
وهي بس البقت ذكره من ابوهه
لو بجت نص الدرب خويه اضربوهه
وبحبل شدو اديهه وكيدوهه
دمهه نازل.... من اذنهه يكلهه ها يلرافضيه
لو سئلني.... صعبه اكله بنيتك اخذتهه المنيه
يارقيه..... يارقيه
......................
كتله سئلتني عليك وانت رايح
وين ابويه بياكتر كليلي طايح
جاي اشمله عطر من عده فايح
ليش جاي اسمعهه اصوات النوايح
جاوبيني...... وين ابوي بياكتر يلحك عليه
لو سئلني..... صعبه اكله بنيتك اخذتهه المنيه
يارقيه..... يارقيه
.......................
كتله ياخويه السبي تعب متنهه
زيد عليهه الالم ضاف الحزنهه
تمنت الوالد يمر مره بحلمهه
اشتاقت ايصيحلهه يبنيتي بسمهه
كل دربهه..... مو اسمهه اليحدي كللهه سبيه
لو سئلني..... صعبه اكله بنيتك اخذتهه المنيه
يارقيه.... يارقيه
........................
من وصلنه الشام حست بلالم
طفله تبجي تريد ابوهه بنص زلم
وانه اشوف اليحدي بينه بلارحم
بلدرب كلما بجت بينه شتم
انه اعاين..... راسك اعلى الرمح ويحس بل اذيه
لوسئلني..... صعبه اكله بنيتك اخذتهه المنيه
يارقيه..... يارقيه
.........................
رادت الراس واجه الراس بطشت
هذا اصعب موقف البي شاهدت
شافته مخضب دمه اعليه نحنت
كعدتهه كلمتهه لجن علراس انتهت
حركتهه....... ثاري ماتت بلغرب صارت رميه
لوسئلني...... صعبه اكله بنيتك اخذتهه المنيه
يارقيه..... يارقيه
..........................
الخادم الصغير الشاعر محمد صادق الساعدي
لطميات رقية
لطميه رقيه مكتوبه
لطميات يا رقية
ــــــــــــــــــــــــــــــــــــــــــــــــــــــــ
قصيدة للسيدة رقية (ع) والامام المهدي (عج)
نـرفـعـهـه الـك مـولاي هـاي الـقـضـيـه
و أنــت الـتـرد الـثــار دمــعــة رقــيـــه
گـوم أعـلــه ثـارك ** طــال أنـتظارك
*---------------*---------------*
رقـيـه أبـلا ذنب يـالـمـهـدي هـضـمـوهـه
ومـن تـبـچـي الـعـده عـمـداً يـضـربـوهـه
چـم مـنـظـر مـخيـف ولـوعـه راووهـه
بـجرح فـگد الابو هـالـطـفـلـه جرحوهه
بـيـن الدمع والآه يلهب جــمــرهــه
شحچيلك اعلـه الحال حيرني أمرهه
جـــرّد فـــقــارك * طــال أنـــتـظــارك
*---------------*---------------*
عـگب ذاك الـدلال الـدمـعـه مـذروفــه
تـحـمـل يـا جرح يـا حـسـره يـا خـوفــه
مــن طـاح الكفيل و طـاحـت چـفـوفــه
خـذوهـه أويـه الـظعينه لبلدة الكوفـه
الـمـن تـديــر الـعـيـن و الـهـم تـذيـعـه
يـالـمـنـتـظـر مـفـگـود حـامـي الشريعه
أحـــضــر تــدارك * طــال أنــتـظـارك
*---------------*---------------*
بــعــد ذاك الـطـريق و خـوفـة أشـبـاحـه
عـلـيـهـه اللـيـل شـرع ظلمة أجـنـاحـه
نــامــت و الــگــلـب مـتـوســد أجـراحــه
وفــزت بـالـبـچــي هـالـطـفـلـه ونـيـاحـه
لـحـظـه بـحـلـم مـذبــوح ينـزف وريـده
مر بـيـهـه طـيـف حسين يـبـن الصميده
أرفــــع شــــعــــار ك * طــال أنـتظارك
*---------------*---------------*
فــرت لـلـعــقيله بـحـسـرة تـنـشـدهــه
حـنّـت والــدمــع هـــلّ أعـلـه والـدهــه
عــالـطـيـبـه أبــوهــه الـغالي عـودهـه
مـا تـحـمـل تعيش أبــدونـــه وحـدّهــه
ما تـگـدر بـهـالـحـال تــحمــل غـيـابـه
ديـن الـهـه يـالـموعود يـمك حـسـابـه
شــنــهــي أعــتـذارك * طــال أنـتظارك
*---------------*---------------*
ظـلـت بــالـغـرب ما خـمـدت العبره
ونـيران الـگـلـب يـالـحـجـه مستعره
مـا تدري الـعـزيـز أوصـالـه مـتـوذره
لـفـاهـه الـمـوت يـوم السمعت بـأمره
يـم راس أبـوهــه الحيـد مـاتـت بالمهه
أنـهـض يراعي الثـار و أنـظـر جسـمهـه
شـيطفي نــــارك * طــال انتظارك
*---------------*---------------*
✍️ بقلم خادم الحسين ع
الشاعر رعــد الـچـريـخـي
ــــــــــــــــــــــــــــــــــــــــــــــــــــــــ
حمیـد خنفـري:
قصیدة(بویه وینک)
بویه وینک تنشـد وتصرخ رقیـه
بویه وینک ماتشوف اشصار بیه
بویه وینک هاجت احزانـي علیه
بویه وینک
🍂🍂🍂🍂🍂🍂🍂🍂
فزت امـن النـوم حزنانـه وکأیبـه
اتنادي ارید الوالد ابدمعه سچیبه
واللــه مااتحمـل افراگــه ومغیبـه
آنه ویني و وین کل هاي المصیبه
عودي وینه عمـه ردیلـي جوابي
عودی وینه شایله ابگلبي عتابي
بویه وینک
🍂🍂🍂🍂🍂🍂🍂🍂
زیدت نیـران حسـراتــي اللیالــي
ابگلبي یابویه الحزن مرمرلي حالي
طفله ماعنـدي صبر علّ لـي جرالـي
آنه مـن زغري اسلبـو عـزّي ودلالـي
وین ابویه ضحکة الشامت حقیره
وین ابویه وآنه مــن زغري اسیـره
بویه وینک
🍂🍂🍂🍂🍂🍂🍂🍂
قافلـة حزنــي تسیـر وتحـدي بیـه
اطحن العبــره وجر مـن هل رزیه
خافیـه اثر الضـرب ولطـگ سویـه
لاتشـوفا عمتـــي وتــون علیــه
چني فاطم غارگه اعیوني ابدموعي
چني فاطم الزَمـت بیـدي ضلـوعـي
بویه وینک
🍂🍂🍂🍂🍂🍂🍂🍂
بویـه الیسافــر لمــن یرجــع للعیـال
ایجیب صوغاته ویفرّح بیهه الاطفال
مادریــت ابسفرتـک تسلبلي الاحوال
ونهدم سـوري وتهـدم بیـت الآمال
بویه عگبک دنیتي مظلـم فجرها
بویه عگبک ساگ بظعوني شمرها
بویه وینک
🍂🍂🍂🍂🍂🍂🍂🍂
جابو الراس وصفـت بلهـم تخبـره
باگو البسمـه وبگت روحـي مکـدره
شبگتـه ومنهـه النفـس گوه تجـره
قبلت اشفافه وتشـم ابسرعه نحره
آني بنتــک تجري العبره وتگله
آني بنتــک بیه حزن الناس کله
بویه وینک
🍂🍂🍂🍂🍂🍂🍂🍂
✍️حمید خنفري
#قصاید_رقیه
ــــــــــــــــــــــــــــــــــــــــــــــــــــــــ
فزاعيه لستشهاد السيده رقيه ع
بسوك الشام طبت ..بت الحسين
بعبايه محركه .ومترسه بطين
....
طبت بت ابوهه وحيل مابيهه
ورماد المخيم صبغ رجليهه
بعد ذاك الدلال الضيم غاطيهه
مجتوفه بحبل بت السلاطين
....
كصه وياهه الزمان وحيل اذاهه
ومثل دخان بين اليل ممشاهه
جم سوط الكطع بالدرب مكفاهه
وعليهه تشابكن لوعات السنين
....
بنص السوك وكفت ويه عمتهه
كضت فركت ابوهه وكفه كعدتهه
الناس القبل ماشافتهه شافتهه
وعليهه عيونهم جنهن سجاجين
....
كعدت بالخرابه بت الفحول
مجان البي نوم وربط الخيول
لو شافهه ابوهه عنهه شيكول
وجانت عنده اعز من العزيزين
.....
بليل وروحهه حنت لوالدهه
ما متعلمه هالكد يفاركهه
اجاهه بليل من النوم كعدهه
يبنيتي اشلونج ياضوه العين
.....
الشاعر مصطفى الحسني
ــــــــــــــــــــــــــــــــــــــــــــــــــــــــ
قصيده بين العباس ورُقيه عليهم السلام
""""""""""
هسه يعمي::: تمنيت يمي
واشكيلك احوالي::: عباس ياوالي
""""""""
يعمي بطيحتك لوتدري بالصار
هجمت عالخيام اخيول أميه
الزلم والخيل كلها تنادي بالثار
وأنه بعمر الورد واشلون بيه
أصد العمتي زينب مره اناديك
وأنه ابهالحال واعيوني جريه
مرعوب دلالي::: عباس ياوالي
ياكبر همي
""""""""
العذر ياعمي منچ فاگد اچفوف
وسهم نابت بعيني وعمد بالراس
أصد اعله الشمر يضربكم بسوط
ويهتف بالعساكر طاح عباس
من گربت اجالي::: عباس ياوالي
ويسيل دمي
"""""""""
عليّ كونك تصد وتعرف الصار
يعمي الشمر طگني وصوباني
صحت ياعمي وينك رد الي الصوت
يردلچ ماأظن صارت اماني
السلب مني التراچي اشكيلك إياه
خله ادماي تنزف من آذاني
والأشد يبرالي::: عباس ياوالي
اشألتفت يمي
"""""""""
شفت ياعمي دمچ من جره وسال
وانه اعله الشريعه ودمي مسفوح
اسمعت صوتچ ينادي بونه واباه
فزعت وأخرتني اعليچ الجروح
ونينچ بيه أثر لاتونين
بالحسين آنه احلفچ بطلي النوح
هالگربت اج
الي::: عباس ياوالي
موذرين جسمي
"""""""""
عذرتك ياابوفاضل روحي تفداك
لچن صد الخدر زينب والظعون
وحگ چفينك الوگعن عله الگاع
لهسه اعداك من عندك يهابون
ولون الساني بطل بسمك يصيح
تردد بسمك انته تظل الحروف
ننخاك للتالي::: عباس ياوالي
محروگ هدمي
""""""""""""
أسألكم الدعاء
خادم ابي الاحرار
ضياء الكناني
ــــــــــــــــــــــــــــــــــــــــــــــــــــــــ
نادت رقيه بهاي المسيه
بحلامي جاني. حسين وخذاني
""""""""
أمس وبهدوة أحلامي
حضر ياعمه أبوي حسين
بحزن تفگد العيله
ومدامع دم تصب العين
اسمعه ينادي يازينب
انشدچ عن رقيه وين
غصب عني وغصب عنكم
شاء وفرقانه البين
طال انتظاري. ماتطفه ناري
وافرك بديه
""""""""""""
فزت من حلمها تريد
ابوها وتهمل الدمعه
فزت لاكن بياحال
يتيمه بهمها منفجعه
تناديه بصده المدمع
أما تحصل ألك رجعه
يبويه وداعت أنفاسك
البُعد عنك فلا جرعه
سهمك رماني. وظليت أعاني
مر مره بيه
""""""""""
إعانتها. أم الخدر زينب
بگلبها الظامي المجروح
بكل خطوة جدكم چن آه
تنادي وتندب المذبوح
تگلها احچيلي يعيوني
عليمن دمعچ المسفوح
تگللها بشجه الأحزان
عله حسين الدليل ينوح
كفي أنتي نوحچ. لاتگضي روحچ
وياه للمنيه
""""""""""""""
سمع بيها اللعين يزيد
وگلهم ياتُره شعدها
يگلوله التون طفله
حضرها برؤيته والدها
يگلهم هذا راس حسين
خل تصده ويصدها
خلها من الأنين تموت
أريد بعيني أشاهدها
أكسر گلبها. بلي يحبها
بس صد عليه
"""""""""
صدت راس ابوها حسين
وظلت تبچي وتحاچيه
ياهو من الجسد حزاك
وياذنب الذي مسويه
وليش مفطره شفافك
يمن چنت النهر ترويه
وليش مصوب جبينك
ألك فدوه العمر أفديه
وياك أخذني. يوجعني متني
من أسياط أميه
"""""""""""
أسألكم الدعاء
خادم ابي الأحرار
ضياء الكناني
ــــــــــــــــــــــــــــــــــــــــــــــــــــــــ
بوسط الخرابه .... صاحت يبابا
ــــــــــــ
طفله وزغيره بالعمر تجرع غصص وونين
اربع سنين من العمر شافت مرار سنين
عدها وعد من الابو وصار الوعد هالحين
خبّرها بالطف نلتقي وسط الخرابه حسين
بمحنة مصابه .... صاحت يبابا
ــــــــــــ
من نامت الطفله بهظم دمعتها تتجاره
طفله وتون من الرعب وبهمها محتاره
تذكر مخيّمها الذي متوجره بناره
وتذكر الم ذاك السبي من راحوا يساره
يوجع عذابه .... صاحت يبابا
ــــــــــــ
ازركَ متنهه من الضرب يصعب تنام عليه
مثل الذي جرحه صعب ما يكدر يداويه
نامت وهي تردد صفت اسم الابو تناديه
عل موعد بهذا الوكت تتنطّر اتلاكَيه
طوّل غيابه .... صاحت يبابا
ــــــــــــ
صاحت هلا ومية هلا يلّي غبت عني
يا بويه شنهي العطّلك اذّى الكَلب ونّي
معقوله تلفالي بحلم يابويه تحضنّي
ويّاك اخذني يالولي معقوله تتركني
حزني الكَلب صابه .... صاحت يبابا
ــــــــــــ
ومن شاهدت هذا الطشت شافتّه من بعيد
صاحت يبويه وبالحزن لطمت وجهه أبأيد
راسك اشوفه بالطشت والحسره بيّه اتزيد
آنه ابجي والشام ابفرح يابويه عدهم عيد
وشيبك خضابه .... صاحت يبابا
ــــــــــــ
الشاعر محمد حسن ضيغم
ــــــــــــــــــــــــــــــــــــــــــــــــــــــــ
رقيه عليها السلام
ليش الاحباب من يبعدون
يسولف هواي دمع العيون
وين ابوي وطيبته
عندي ظلت صورته
وسط العيون
.................
ابد ماعودني عالغيبه الطويله
ودمعي فوك الخد فلا يعرف مسيله
راح ابوي وماعرّف شنهي الوسيله
البيهه اوصله وعله جروحي اشتكيله
شكوّت الام من الفراك
بويه يحسين كلبي مشتاك
هيج اكله بجيته
عندي ظلت صورته
...................
اليل من ايمرني اسهر بالاذيه
وانتظر جيته واكول يحن عليه
عنده آنه مدلله بنته رقيه
ايحبني بس كلبي يگلي ماله جيه
ماعرف وين دهري ودا
خاف مجروح والدي الكَا
جنهه صعبه محنته
عندي ظلت صورته
...................
من شفت نار بمخيمنه اتوجر
ويحترك كلمن عليهه ايقرب اكثر
والشمر بسياطه ظل اعلينه يفتر
وعمتي محتاره وتصيح الله اكبر
صاحت بصوت ها يعباس
شو للخيام وصلت الناس
وطاح عمي وجربته
عندي ضظت صورته
....................
اغفه وين بيا حضن والكاه دافي
بس ابوي بحضنه احس نوم العوافي
بياوكت آنه انضرب والجدم حافي
لو يمرني العطش ويفطر اشفافي
اربع اسنين عمري من جان
بهذا الغياب صارن احزان
عني طالت غيبته
عندي ظلت صورته
.................
سرنه للشام الشمر حادي الظعينه
واكو راس اعله الرمح ويصد علينه
نظرة عيونه شكثر نظره حنينه
عمتي ماخلتني اصير كبال عينه
حملت هموم زينب اهواي
ابجي كل حين وتبجي وياي
دم اخوهه شافته
عندي ظلت صورته
..................
الراح من عدهه الابو تتمنه شوفه
وآنه شفته بنص طشت والدم يطوفه
قررت لا امشي عنه ولا اعوفه
الصدري ضميته ولا ضمني بجفوفه
ماكو جفين تغير الحال
جاني بس راس بلا صدر ظال
شلون احضن رگبته
عندي ظلت صورته
محمد هادي العقابي
لطمية وفاة السيدة رقية مكتوبة
لطميه للسيده رقيه مكتوبه
لطميه للسيده رقيه
ــــــــــــــــــــــــــــــــــــــــــــــــــــــــ
بويه بهذا العمر....محتاجه لطيبتك
روحي الماتستقر....تتنطر شوفتك
اريدن مره انظرك
واحط راسي اعله نحرك
....................
بويه الكلب مايحتمل اكثر بعد اذيه
بيوم الغبت عن ناظري تمنيت انه المنيه
احزاني كلهه اتجمعت وتفصلن عليه
بهل حاله اظل الياوكت يابويه انه رقيه
ماترحم دنيتي....وانه بعمر الورد
ما تنشف دمعتي...بويه لهذا الفكد
يمن عمري اعله عمرك
وحط راسي اعله نحرك
...................
مااكدر بهذا الوضع يابويه اظل واكابر
واني عليك معلمه وماينكسرلي خاطر
شفت العجب من هالبشر ومشابحه النواظر
تمنيتك بذاك الوكت كون انته يمي حاضر
عينك لا شافته...منظر حرك الخيم
ناس الي سوته...شبعو بنتك الم
اخاف ازيد اقهرك
وحط راسي اعله نحرك
..................
بويه وهديتك مابقت من عندي سلبوهه
شكد صيحت من والدي ذكرى ولا ردوهه
ويه التراجي روحي طلعت بويه من خذوهه
وثيابي نكعت بالدمه حين الذي جروهه
وذاك الخد الترف....بغيابك منصفع
وحالي ماينوصف .....كون تشوف الطبع
اريد بهاي اخبرك
وحط راسي اعله نحرك
........................
بويه ومشيت انه بدرب مادايساته اجدامي
وين التفت من كل كتر الكه الشمر كدامي
وبعيوني لو شاف الدمع يكصد علي متحامي
يضربني ويظل الاثر ازرك يبويه ودامي
ماظل عندي صبر...وانه زغيرة كلب
بويه وهذا الشمر....طاح البنتك ضرب
يالتحطني اعله صدرك
وحط راسي اعله نحرك
......................
هسه انه اريد اسمع خبر عنك وافرح روحي
ومايهده اله بشوفتك يابويه تدري بنوحي
لن طيفك يكلي شبعد يم والدج دروحي
وجابولي راسك بالطشت فزيت انه وجروحي
ماشفتك من كبل....يابويه ابلا حضن
روحي الماظن تظل....بعدك لاما اظن
صعب يابويه هجرك
وحط راسي اعله نحرك
......................
حرت ابامر يابويه وانه يابّسات اشفافي
يمته تكلي امن الدمع يرقيه بنتي كافي
عندي امل من ننجمع ظاهر وماهو خافي
يابويه راسي بياوكت عالنحر اشوفه غافي
عبد الله ينتظر ...من ايام الجيتي
لافركه ولاهجر....واخلص من دنيتي
وشم يابويه عطرك
وحط راسي اعله نحرك
محمد هادي العقابي
قصائد على رقية
قصيدة على رقية
ــــــــــــــــــــــــــــــــــــــــــــــــــــــــ
رقيه
زغيره وهالعمر مو مالت افراگ
ولا مالت صبر واصبر على اجفاك
الك مديت اديه وتجري العيون
يبويه عاالرمح صعدني وياك
غيمه من البچي متروسه الجفون
تمنيت اصعد امطرهن على اشفاك
صدگ صارت بعد ماشوفك النوب
ولا ترجع عليه وما اتلگاك
فتحت اچفوفي الك تشبگني ظنيت
بس تفاجأت مو ذاكه ملگاك
ارد ليامنه واتذكر الراح
وگولن اخ شيرده الزمن ذاك
سعد العبودي
لطمية رقية تصيح بابا مكتوبة
لطمية رقية مكتوبة
--
ــــــــــــــــــــــــــــــــــــــــــــــــــــــــ
اخر نظره امن عيونك
ارد اعرف بويه شلونك
ما اصبر تدري بدونك
متعنيه لديرة غربه
...................
مر بيه بويه بغربتي خاطر تسكت اظنوني
اهلي اسألتهم بالسره وجواب ماينطوني
مليت من كد النشد بويه وتغير لوني
انه العزيزه ابنيتك ماتصبر انته بدوني
مهضومه وبُعدك جارح
ومل الساني امن الصايح
كلبي المايحمل رايح
الشام وتعرف دربه
....................
هذا الدرب ياوالدي ما دايساته اجدامي
وعدوان اشوف اويه الظعن والكمر مو كدامي
خليني اخبرك فد امر جف رجلي اصبح دامي
ولو كلت اخ امن الالم جاني الشمر متحامي
بويه ايخوف بعيونه
واني ابنيه ازغيرونه
بلكت بويه تمنعونه
لو بس ايبطل ضربه
.....................
من يعله صوتي بالبجي واعليك اكومن انحب
جوه عبايتهه تره بويه تضمني زينب
عمتي يبويه تلوعت فوك الضرب تسمع سب
وين الكفلهه خل يجي راس العقيله شيب
إمن السوط تشاكف عني
بويه ومنهم تحضني
تصَيّح وين الكافلني
يحضر هل حاله الصعبه
....................
كل ظنتّي من ينتهي هذا السفر اوصّلك
يابويه عن الّي جره كله انه اريد اكلك
اتحطني على صدرك كلت تسمعني لو سولفلك
هواي الحجي ماينتهي وعن التراجي اشرحلك
بويه انباكن من يمي
جيتك واثار بجسمي
لو شفت بعينك دمي
سايل بويه اعله الركَبه
................
تدري الطفل من ينهظم يركض لبو يشكيله
ويفرح لون شاف الابو ايدنك علي ويشيله
كلبي تعب من البجي والجسم بايد حيله
ونمت بخرابه وانتظر جيتك تجيني اليله
الوجهك يرجف دلالي
شيجيبك بويه الغالي
كلبي اتعذب يالوالي
يرتاح وانته ابكربه
.................
صوتي اعتله وجابوك الي وشميته بويه نحرك
وياك اخذني ومااظل مابيه احمل هجرك
بحزاني بويه انه اطبعت بوسه تره اعله ثغرك
عالراس صارت نومتي ماشفته بويه صدرك
يامحله النومه اليمك
حته اتخضب من دمك
ارقيه انه وادري بهمك
مذبوح وعينك تربه
محمد هادي العقابي
شعر على رقية
اشعار حضرت رقيه
ــــــــــــــــــــــــــــــــــــــــــــــــــــــــ
بلسان حال السيده رقيه عند وفاتها كأنه توصي عمتها زينب بامانه للحسين عليه السلام عند زيارته في الأربعين
عندي امانه ازغيره ابداعة الخدر السليب
لو وگفتي أگباله سلميلي اعله الحبيب
باربعينه باربعينه
_______________________________
عمّه يازينب وصيتي كلّش ازغيرونه
باربعينه لو رجعتوا والدي اتزورونه
اهواي سلميلي اعله ابوي الغاليات اعيونه
عمّه گليله رقيّه ماتت ومشتاگه الك
چانت اهواي اتّمنه تحضنك واتّقبّلك
عمّه بس گلّيله مانفع بنتك طبيب
لو وگفتي اگباله سلميلي اعله الحبيب
باربعينه باربعينه
_______________________________
عمّه گليله اعله حالي وراحتي المسلوبه
هوّه وين ايشوف راحه الگطّعو محبوبه
گولي التقدّس وجهّا ع الوجه مضروبه
حتّه بالدفنه يعمه گولي مشلوعة گلب
احسين مدفون اويه ربعه وٱنه مدفونه الغرب
والله يصعب حاله المندفن وحده غريب
لو وگفتي اگباله سلميلي اعله الحبيب
باربعينه باربعينه
_______________________________
زينب اتگلها اعله هونچ گلبي اتگطعينه
عمّه لتموتين عمّه اوحالي اتعذبينه
لاربعينه اوياي ظلّي احسينچ امتانيه
لو يعاتبني شگّله من أصل يم الگبر
مات ماوصه اعله روحه. وبيچ وصاني اشكثر
ينتظر نرجع له وشوگه يتلاهب لهيب
لو وگفتي اگباله سلميلي اعله الحبيب
باربعينه باربعينه
_______________________________
اتگلها يالمسبيه اعوفچ والصبح ماشوفه
من احط راسي اعله رأسه لا بعد ماعوفه
عمه حلوه الموته يمه ماتظل كل خوفه
لاكن الشيب الأشبگه عني رايح يبتعد
آنه اظلن بالخرابه وهو يم گبره يرد
وهالامر يآذيني ميته وارجع للنحيب
لو وگفتي اگباله سلميلي اعله الحبيب
باربعينه باربعينه
_______________________________
خلّ اكمّلّ لچ وصيتي لو وصلتي اطفوفه
گولي للنسوان يلله گبر اخوي انطوفه
بالنيابه عن رقيه الوصّت اوملهوفه
عمه اقلدچ للزياره وبوسي اتراب اللحد
گولي هذي من رقيه مرسله ابعطر الورد
رشّي گبره ابأيدچ بلكي يتروه الخضيب
لو وگفتي اگباله سلميلي اعله الحبيب
باربعينه باربعينه
_______________________________
النوب للعباس عندي الحديث اهوايه
سلميلي اهواي عمه اوقبليلي الرايه
الجود گليله رقيه ماروت من مايه
الچانت اتحبها اوتحبك الوكت بيها لعب
ماتت ابذيچ الخرابه امبين اعليها التعب
ياگمرنا أو عينك حالها كلش رهيب
لو وگفتي اگباله سلميلي اعله الحبيب
باربعينه باربعينه
_______________________________
ابو فاطمة الطائي
قصيدة عن رقية مكتوبة
قصيدة علي رقية
ــــــــــــــــــــــــــــــــــــــــــــــــــــــــ
شهادة السيده رقـــيه ع
.
.
.
اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه
_______
عــمـه هاي انـي رقــيـه طـفــلـته المـسبــيه
رايحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه
مـن السـفر كلمن يجـي ياعـمه تعبان
بالماي اريد استقبله ادريــبه عطشان
وخاف ازيد انه ابعذابه
ارد اراويـه هــالـخـرابه
انه رقيه
_______
عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسـر انه الخاطر
ابحضنه غفيت انه اشكثر من چان موجود
اتـراب الـخرابـه ردت اگــله چـوه الخــدود
نومي صار اعله الترابه
ارد اراويــه هالــخرابه
انه رقيه
_______
لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها
لا مـا اريـده ينفـجـع مـن بعـد الغـياب
ماراح اراويه اذنــي اغطيها بالحجاب
وخوفي ازيد انه ابمصابه
ارد اراويـــه هـــالخـــرابه
انه رقيه
_______
مـن يــرد والـدي عـمه عـنــه لتــبعـدوني
رايـده ويــاه احچــي ابـراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفــه زيـن اعـيوني
بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه
_______
انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اضم اچفوفي
ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______
حيدر تركي الكربلائي
قصيدة للسيدة رقية
قصائد عن رقية مكتوبة
ــــــــــــــــــــــــــــــــــــــــــــــــــــــــ
(يارقيه ياعزيزة ابيها الحسين ع)
عمه ابوي حسين وينه..
ليـش مايـسـمـع بچينه
مااظن ياعمه يدري. من اذاني دمي يجري
وين.ابويه وين ابويه
******
چني بالطفله رقيه تحچي ويه ام الخدر
من عله الناگه ودمعها ينزل آهات وجمر
شماتناشد عن ابوها يجي يضربها الشمر
زغيره ماتحمل سياطه شمايطگها تنهطر
دگله چف ايدك ثجيله.
وانه هم طفله وهزيله.
من الضرب شگيت ظهري. من اذاني دمي يجري
وين ابويه. وين ابويه
*
وين ابوي حسين عمه ليش طالت غيبته
ما اظن ياعـمـه يــدري سـلـبوها عيــلـته
عمه شو چني اشمّن هسه اجتني ريحته
ثاري واحد فات شايل للحُـسين اعمامته
رقيه طاحت من بچيها.
الناگه چا داسـت علـيها.
تصيح ارحموني اعله زغري. من اذاني دمي يجري
وين ابويه. وين ابويه
****
الـعـل رمح ذاكه يمعه چنه شـو يگرب الي
بعيد عني بس اشمّـن منه بـي ريحة هلي
راس مَن هذا الاشوفه عالرمح ظل معتلي
ليش كل ماآنه اصدله دموعه من عينه تهلي
بعيد. بس ينظر عليه.
وبچه مـن شَـدّو اديه.
نار احس ياعمه تسري. من اذاني دمي يجري
وين ابويه. وين ابويه
********
ليـش ياعـمـه تأخـر ارد انام بحضنه واغفه
هيچ ياعمه ويردلي واعله راسي يخلي چفه
الحبل گطع اديه خشن وانه اچفوفي ترفه
تنسبي العلويه صعبه ونسبينه والله وسفه
وينه ابوفاضل يعمه
ارد اشوفنه واكلمه
ارد اسولفله اعله يسري. من اذاني دمي يجري
وينه ابويه. وينه ابويه
*
وصـلو الـشــام الـمـصـيـبه آه ياشـام الـبله
زيـنب اوياها الـيـتـامه تنـظـر اعليها المله
بالحجار وبالشـتايم وكـلـها زينـب تـحـمله
وطبت السوگ چانت اشد من طف كـربله
هناكه ماعدهن عشيره
والله حـيـرتهـن چـبيره
رقيه تصرخ آيدهري من اذاني دمي يجري
وينه ابويه. وينه ابويه
**
طـبّن الـديـوان امـيه بالـقـصـر وگفن سره
بالحبال مشدديـهن مــره تــتـبـعـهـا مــره
نوموهن بالـخـرابه رقـيه نامـت بــس تره
الوساده حجاره چانت افراشها تراب الثره
فزّت وصـاحـت رقيـه
حسين كضاني من اديه
مااريدن هذا عمري. من اذاني دمي يجري
وينه ابويه. وينه ابويه
*****
خادم بني فاطمه
الشاعر عمار حسن الدراجي ٣٠ محرم ١٤٤٠
ــــــــــــــــــــــــــــــــــــــــــــــــــــــــ
《من وحي رقيه》
الماتت بغُربتها ماتُطفه جَمرتها
طِفله ومننساها بالگـلب ذكراها
****
ياطفله بطـفال البشر شافـت مثل محنتها
هذي رُقيه الفاگــده ما تـنوصـف حالتــها
هالـورده ذبَّلــها الدهـر خـلاها بمصيبتها
مانشفت اليوم الأجل تجري بحزن دمعتها
بالحاله محتاره والدمع يتجاره
من حزن بلوها بالگلب ذكراها
*****
ظلت تنوح اعله الولي وتناشِد اعله أخباره
تهتـف يزينب عَمتــي والگلب تلــهب نـاره
طالــت أبــويــه سَفـرِته ومــا بَيــنت اثــاره
ياعمه يرضه بحالتـي بگيت بحزن محتاره
بدمع الحزن سئلت بهذا الأمل ظلت
هل سبــب خلاّها بالگــلب ذكراهـا
******
بعد الطفوف تجرعت هضم اليسُر ومصابه
تنشد دهــرها بالدمــع وتــريد منـه اجوابه
والدي عنـي يبـتعد ﻻ ما حســبت احسـابه
ما صدك بهــذا الوضــع يتـرك ابويه احبابه
والدي ايخليني وشلون ناسينـي
طفلته الرباها بالگلــب ذكراها
******
ظلت تنـادي عالهزل يابــويه أنظــر حالــي
بعدك شفت چـم نايبه وبيها انفــجع دﻻلـي
منهوالذي ايسد خلتك منهواللي يصبح والي
أَصـبر واتاني رجعــتك وانته العطوف الغالي
چم نايبه بروحي بيها كثر نوحي
والدهر اخــفاها بالگلب ذكراها
*****
دخلت الشام العايله مـن بعد ذاك المَسره
تالي بخرابه امن التعب هالعيله نامت فتره
نامـت رُقيه اوبالحــلم والدها يمـها اتنظره
چنَّهَ يِگللــها الصــبر مـوعِــدنه يــمّ الزهــره
لمن رحت مني منهو اليصبرني
شوفتك محلاها بالگلب ذكراها
****
فزّت الطفله امدوهنه الله الذي ايساعدها
تصرخ بحسرات الگلب تنـشد على والدها
لن زُمرة الظالم اجت بطشت المنيه عدها
شافت الرأس المنذبح شُبگته براحة يدها
وبهايه شوفتها صارت منــيتها
ساعة مناياها بالگلب ذكراها
خادم أهل البيت ع
الشاعر زيد الكاظمي
قصيدة رقيه مكتوبه
قصائد للسيده رقيه مكتوبه
ــــــــــــــــــــــــــــــــــــــــــــــــــــــــ
《من وحي رقيه 》
طفله ومحتاره بغُربتها
ولفراگ الوالد لوعــتها
*
رُقيه اسمع يهل السامع مُصايبها
حــزينه والمــحن ظلت تعــذبـها
تريد حــسين أبوها وهذا مَطلبها
(الله ايساعد) الفگدت أبو ايحبها
تتلاهب نار امصيبتها
ولفراگ الوالد لوعتها
**
لفــراگ الأبو لوعتــها تِظـــهرهــا
بدت مِــن عاشر بعاشور مصـدرها
ولا نسمــة فــرح مــرت تِصـــبرها
يتيمه وبالطــفوف انذبح خـاطرها
تكسر كل خاطر حالتها
ولفراگ الوالد لوعـتها
*
تناشد زينب ومنها الدمع همّال
يعــمه راح ابويه وراحـت الامال
اتمنه يشوف بعــينه هذا الحال
واتمــنه اشُبگه بلهــفة الاطفال
وزينب محتاره بمحنتها
ولفراگ الـوالد لوعــتها
*
بُگت كل الدرب بمناشده وحسره
والفــاگـــد أبــو ياناس شيــصبره
تتلـفـت رُقــيه وبالچـفــن عَبـــره
ومــا أگــدر اگضي العـمر منتظره
تتــوجه وين بحيرتها
ولفراگ الوالد لوعتها
**
دخل ظعن السـبايه بالأهل للشام
لن يســمع يزيد ومجـــمع الظلام
صوت أمن الخرابه تــصرخ الأيتام
رقيه تريد أبوها وتلطم اعله الهام
فجعت هالكون بصرختها
ولفراگ الــوالد لوعتــــها
**
جابوا رأس أبوها وجابوا الها البين
نظرت والدمع يتجاره من العين
صاحت فرگتك طالت علينه وين
شُبگت رأس أبوها ونادت (آيحسين)
وچفوف الموت اتلگتها
ولفراگ الــوالد لوعـتها
**
خادم أهل البيت ع
الشاعر زيد الكاظمي
قصائد رقيه
ــــــــــــــــــــــــــــــــــــــــــــــــــــــــ
《 اعتذارِها لرسِ ابيها /رُقيه》
طُول المسافه بيَّ هموم
راسك مشفته يامــظلوم
بالغاضريه تمنيت اليه نظرة منيه
يامظلوم
***
يبــويه مـنگطِـع راســك مــا أدري ولا أعلــم
ولا مَرت علـى فكري تتخـضب يغالـي بدم
ولا صَـدَگت بالمَـــرَّه تــروح وبعـدك أتيـــتم
لَچن بالطف عِمَه عيوني لهب دُخان المخيم
بيــن المُخــيم شفت الموت
يحسين أنادي بعالي الصوت
انه رقيه تمنيت اليه نظرة منيه
يامظلوم
******
لون أدريك يابويه الراس انفصل عن جسمك
چان اتعنه يم جثتـك واگلك شنــهو اليألمك
وبچفوفي الزغار اگطع يبويه امن النحر دمك
وبالطف اعله نحرك چان أموت وأندفن يمك
ليك اعتذاري لو ادريك
جِثــتك رمـيه مـا خلّيك
بهاي الرزيه تمنيت اليه نظرة منيه
يامظلوم
*******
سبايه اطلعنه للكوفه وللشام بگلب يلـهب
وبطول المسافه ابگيت أسأل عمتي زينب
يعــمه والـدي ويـنه يرضه الوالـي نتغرب
تجاوب والدچ سافر وانادي بدمعتي (يارب)
يارب أنادي بدمع العين
رَجعه بسلامه ليه حسين
راح من اديه تمنيت اليه نظرة منيه
يامظلوم
********
دخلـنه الشام اه الشام بيــها انفــجع دلالـي
وبعد اتأمــلك ترجع واشــوفك بويه يالغالـي
رِدت اشرحلك الحاله بطشت لن راسك گبالي
أريدك تشرح شصابك واترك لوعتــي وحالي
لوعاتي سهله عندي تهون
راسك نظرته وضاق الكون
بس رد عليه تمنيت اليه نظرة منيه
يامظلوم
********
شفتك والدي بهل الحال اخر شوفه بسنيني
لچن اطلب طلب منك أنظر دمعتـي بعـيني
أريدك تنــطق بكلمه رُقيه بأسمـي نادينـي
بعدها تغمض اعيوني أموت وانته تدرينــي
خلصت حياتي دمعي دموم
وبالــطف يريــته هالمحتوم
حسراتي بيه تمنيت اليه نظرة منيه
يامظلوم
خادم أهل البيت ع
الشاعر زيد الكاظمي
حمل تطبيق قصائد حسينية مكتوبة من هنا تحميل
قصائد مكتوبة لرقية عليها السلام
لطميات عن رقيه
لطمية على رقية
المصدر قنوات مؤسسة منبيون على التلكرام
احسنتم بتوفيق ان شاء الله؛
ردحذف