نعي مكتوب للامام الصادق عليه السلام
حمل تطبيق قصائد حسينية مكتوبة من هنا تحميل
نعي للأستشهاد الأمام الصادق عليه السلام
*
على نعش الولي ألتمن بنـــــاته
طاحن ســـــــوه وشمن عــباته
اويلي اعليــــــه يالحانت وفاته
بكدر وهمــــوم كَظاها حـياته
****
وصاحن هونكم يلــي تشيعون
ريضو بالنـعش يلــــي تدفنون
والدنه عزيــــز الـروح تدرون
نريد انوح يمـه وتجري العيون
****
يالشايلين النعـــش نزلـــــــــوه
مابين الحبايـــــب بالله خلــــوه
معجلين هالليلـــه تدفنــــــــوه
ابداره ايبات يهل الرحم عيفوه
****
يالشايلينــــــــــه وين ماشين
بجعفــر الصادق ويـن ناوين
هذا أبونــــــــــه وهو الحنين
ارحمونه يناس اشكثر باجين
****
جعفر الصـــادق مات بالــــدار
مو عالتــــــراب ولا رمل حار
ولا ضامي دليله ويلتـــهب نار
ولاصاير عليــه الماجره وصار
****
ولا أهله بغـــدر ظلو ضحايه
ولا راحن بناته اوي السـبايه
ولا ودو خواته للبــــــــغايه
ويه الغـــــــرب وابلا حـمايه
****
واويلي الصـادق من الدار شالوه
مومثل الــــــذي بالشــمس خلوه
وثلث تيام عاري النـــاس عافوه
ضامي حسين آخ الكَـــوم ذبحوه
أبو علي الركابي
حمل تطبيق قصائد حسينية مكتوبة من هنا تحميل
ــــــــــــــــــــــــــــــــــــــــــــــــــــــــ
(( آنه الوالده ))
ابيات نعي في إستشهاد الامام جعفر الصادق عليه السلام
¤•••••¤•••••¤•••••¤•••••¤••••¤
آنــه الــوالـده و الـگــلـب مهموم
جـيـتـك يـالـذي بـالـغـدر مسموم
آنه فــاطـمــه أم ضــلــع مهشوم
و دمعي ما نشف عَلْجرَه مسجوم
يـجـري ع الـوجـن بالنوح و اللوم
آنــه الفاگِدَه اعـيـالـــي عَلَه الدوم
و أمـشـي لكل بلد أنعاها كل يوم
ويلي إمْن الدهر بأشجانه ميشوم
لطمني بفاجعه و ظل خَدّي ملطوم
و تـركـني للحزن و افّادي مهضوم
أعاين كل ولد من بــعــدي مظلوم
و بـناتـي بالسبي بأيتامي و تحوم
يَجعفر عالنعش من شفتك الـيـوم
و مشيت اجنازتك و اگليبي مضروم
و انادي بالأسَه يـالـغـالـي ما تگوم
تراني حـاضــره و الحـيـل مهدوم
مـصـابـــك يالولد بالروح مَوْسوم
و مُهْجتي ذايبه و الـديـن ملچوم
و نعاك بـلـوعـتـه محراب و علوم
وسافه بـالـتــراب يحلالَك الـنـوم
¤•••••¤•••••¤•••••¤•••••¤••••¤
الشاعر : ابو شهيد الأحسائي
الجمعه ١٤٤٠/١٠/٢٤هـ
---------------------------
*لا يجوز و محاسب شرعاً حذف او تغيير التوقيع*
---------------------------
نعي بحق الامام الصادق //ع
انطفت دار العلوم بساع..وخمد نور العلم ضيه
بمصيبت صادق اهل البيت..الطف انعاد ماضيه
سمو چبد ابو ا لكاظم..بالچف السبه ارقيه
البني العباس هذا اليوم.. فعل يشبه بني ميه
×××××××××××××××
الگبل حرگو خيم بالنار..هم حرگو علّي داره
وهم فرن بناته بخوف..وشاف النار بكتاره
خلص عمره بضلم وحزان..يهل تسئل عله اخباره
العلم واهل العلم تنعاه..ودمعهه اعليه يجّاره
××××××××××××××
عادو كربله اهل الشر .. وسمو چبد والينه
بعد ذاكه الضلم والجور..الصادق غمّضت عينه
عله افراش الأجل مطروح..يويلي وخلصة اسنينه
حاله ايشيب منه الراس.. يشبه حال ابو اسكينه
××××××××××××××
دار المجد وحشه اليوم..وضلت خاليه وضلمه
لو ينكتل لو مسموم .. ولدك يا نبي الامه
طفت شمعة ابو الكاظم..بغدر الحاقد وضلمه
تفتت چبده مثل حسين..حيف والف ياهضمه
××××××××××××××××
نگول ايهون هذا الصار..فزعت كلهه مفجوعه
عله الصادق تنوح الناس..وكلمن يمسح ادموعه
بس لحسين محد صاح .. ومحد غسله بلوعه
ثلث تيام فوگ الگاع.. عاري وطحنو اضلوعه
××××××××××××××
ابوذيه
الدهر ماگطع چف ضالم..وشاله
بچيت بچفني ماضلت..وشاله
الصادق غسله الكاظم ..وشاله
بس حسين ضل اعله الوطيه
××××××××××××
✍️الشاعر رعد الجريخي
حمل تطبيق قصائد حسينية مكتوبة من هنا تحميل
ــــــــــــــــــــــــــــــــــــــــــــــــــــــــ
شيعي أبقه وموالي الكل يعرفوني
والصادق أمامي وﮔرت أعيوني
*
شيعي وأفتخر واليت للعتره
لن بيهم وصية طه ابو الزهره
أواليهم وأظلن لو ألف مره
أموت وأحيا وأنوبه يفجروني
*
يفجروني ويظل صوتي بفخر ناطق
شيعي انه وامامي جعفر الصادق
مشيت بهل درب والله بجدم واثق
وكل هاي البشر ما أذل يعرفوني
*
ماذلن أوالي لثنعش معصوم
وأمامي جعفر الصاق يظل للدوم
بسمه جعفري أتسمه بين الكوم
أمامي وجعفري كلهم يسموني
*
أمامي وجعفري وعالي يظل الراس
والصادق أمامي دك أليه الساس
شيعي وجعفري والغيره من عباس
وفده المذهب أضحي براسي وعيوني
*
نضحي لمذهب الصادق مهج ورواح
وحبه نشيله بالدنيا درع وسلاح
بوجه تكفير أميه كل موالي صاح
أنه أبن العقيده يالتكفروني
*
أنه أبن العقيده وأهوى داحي الباب
أنه الما أذلن يوم للإرهاب
لو جسمي يتوذر لو أصير أخضاب
قربان لعلي خلهم يقدموني
***
الشاعر
موسى البديري
حمل تطبيق قصائد حسينية مكتوبة من هنا تحميل
تعليقات
إرسال تعليق