13 قصيدة مكتوبة للانصار رئيسيات / موقع المنبر الحسيني
صرخت ظماير تعتلي فوك الذبح
صرخت ظماير تعتلي فوك الذبح
لو شايل الراس وجسد عالي الرمح
لامانعوفك يحسين ..انصارك احنه باقين
فوك الذبح
.....
قسم بالعاديات وبالصفه ومروه
وحق عباس كلنه انروحلك فدوه
اليعوفك مايظوك المن والسلوه
والف شريان وصل للعقل نخوه
باجر على جفوفك نحس معنى الفتح
لو شايل الراس وجسدعالي الرمح
بالدم الك مظحين..لامانعوفك يحسين
فوك الذبح
......
اليبايع ويه اللاهه عمره مايخسر
واذا عدنا بعد عمرين لو اكثر
رخصناهن لجل عينك يبو الاكبر
قبلنه اعله المحبه بسيف نتوذر
ليل المنايا يحزم بجفه الصبح
لو شايل الراس وجسد عالي الرمح
بكطع المناحر راظين..لامانعوفك يحسين
فوك الذبح
........
وحك خدر العقيله وهيبة اخوتها
هيه الموته وحده وهاي ساعتها
سمعنه بزينب اتسولفها شكوتها
على الانصار تنشد هايه جلمتها
من نفدي لحسين العمر هذا ربح
لو شايل الراس وجسد عالي الرمح
بغيرت علي متحزمين..لامانعوفك يحسين
فوك الذبح
.......
على الواجب وجود الدنيا نفنيها
واذا صاحب عقيده نقدسه راعيها
درسنه الغيره منك كل معانيها
يبو السجاد الك ارواح نفديها
لو ننصلب لو نحترك لو ننمسح
لو شايل الراس وجسد عالي الرمح
طول الزمن موالين..لامانعوفك يحسين
فوك الذبح
........
على واهس بواجي نصبر الخاطر
ونذوب اعله حبك والكلب صابر
الظحايا بعيد ندريها تسر ناظر
بس احنه ظحايا ابساحة العاشر
ماحصل الفوزه فقط بس ينجرح
لو شايل الراس وجسد عالي الرمح
لاخر نفسنه ناوين..لامانعوفك يحسين
فوك الذبح
.....
عين الماتنصرك مره خل تعمه
نعمه انته وغشيم الينكر النعمه
الماواله الحسين ابموقفه يدعمه
مثل قيس ويزيد بجفه ايطعمه
لوكل شراين الكلب هم تنفتح
لو شايل الراس وجسد عالي الرمح
لوكطعونه نصين..لامانعوفك يحسين
فوك الذبح
.........
الشاعر علي الحاج الصبيحاوي
یرخص لعیونك کل غالي یا سرّ الکونین
یرخص لعیونك کل غالي یا سرّ الکونین
احنه انصارك وانت الوالي عدعینك یاحسین
کلنه انادي
یبن الهادي
عد عینك یاحسین
🔘🔘🔘🔘
......تجلیبه......
مجانین ابولائك و الجدم سایر
دوت بینه و علت صرخة ابن ظاهر
اذا ماضینه عایش عدنه بالظاهر
الف عابس الك موجود بالحاضر
لو عابس شگ ثوبه ابحبك و ستقبل لرماح
عشاگك یحسین ابدربك نزعتلك ارواح
رغم العادي
یبن الهادي
عد عینك یاحسین
🔘🔘🔘🔘
تعلمنه الفخر مو بالأسم و اللون
الف حر کلها فدوه الغیرتك یا جون
اذا سبعین الك انصار ینعدون
ملایین اصبحت انصارك ابهل الکون
وینه الگص راسك بچفوفه یا عنوان الجود
راحت تیجانه المصفوفه بس انت الموجود
ثارك بادي
یبن الهادي
عد عینك یاحسین
🔘🔘🔘🔘
اذا عودك علي و کل صحبة اطیابه
ابد ماعنده عابس بین اصحابه
لون دربك خطر یاحسین منهابه
نشید الدنیه آه یحسین و امصابه
من اذکر حالك بالمصرع ینهد بیه الحیل
جسمك بین الخیل اتوزع من سحگته الخیل
کُبر الوادي
یبن الهادي
عد عینك یاحسین
🔘🔘🔘🔘
شرب دم نحرك اتراب الأرض یحسین
یصیر اتموت ضامي و انت ماي العین
عجب سهم الي صابك مادراك امنین
طلع من ظهرك و صار الچبد نصین
زینب شافتك بلمصرع طایح بین اعداك
صاحت ارجع یبن الزهراء لو تاخذني اویاك
ذاب افادي
یبن الهادي
عد عینك یاحسین
🔘🔘🔘🔘
یریت الي سحگ جسمك سحگ جسمي
و یریت الی سفك دمك سفك دمي
اجت زینب تلم ابجسمك المدمي
تگلك خنصرك وینه یبن امي
جمرة زینب بالطف تلهب من ضیم الأیام
زینب زینب آه یازینب من راحت لشام
ضعنك سادي
یبن الهادي
عد عینك یاحسین
🔘🔘🔘🔘
ڪلمات خادم الحسین ع: عبدالأمیر الناصري/المحمد
ياحبيب اعله الكبر جيت الطفوف ..شايل ثمانين عمرك عالجفوف
ياحبيب اعله الكبر جيت الطفوف ..شايل ثمانين عمرك عالجفوف
لجل دين الله ولجل طه الرسول ..جاي ناذر عمرك الابن البتول
يبن ظاهر ...يبن ظاهر
************************
منهو مثلك يبن ظاهر فدوه عنده هالعمر
لجل محبوبك نذرته وقدمت روحك نذر
شايل ثمانين عمرك ودعتهن للقدر
مو جديده اعليك روحك سلمته من الزغر
حتى عابس حار بامرك يا حبيب ..شگگ اهدومه علی حسین الغریب
منك تعلم عشگ یبن الاصول ..جاي ناذر عمرك الابن البتول
يبن ظاهر ...يبن ظاهر
************************
راية الانصار بيدك صحت حي اعله الضراب
ماهن ثمانين عمرك چن رجع عمرك شباب
رجفت الحومه ابحملتك وصار چن یوم الحساب
لجل دین الله وحبیبك ترتجي امن الله الثواب
گلت لا هيهات ما عوفك وحيد ...فدوه دمي يروح لجلك يا شهيد
مايهمك جيش لا فزع الخيول .. جاي ناذر عمرك الابن البتول
يبن ظاهر ... يبن ظاهر
***************************
كفو منك يبن ظاهر يوم دگیت الصدر
امن اسمعت زينب تحشم وابد منطيت العذر
گلت یا زینب ابشري ما يمسچ اي خطر
لا وحگچ یبت حیدر وحگ عباس الگمر
گلت ما دام النفس ما ترتجین .. دمي يرخص دونچ ودون الحسين
شحده یدنالچ یبت فحل الفحول .. جاي ناذر عمرك الابن البتول
يبن ظاهر ...يبن ظاهر
************************
يالثارات الزچیه رايتك بالطف علت
كبر السيف ابيمينك وللمواضي اتحزمت
صفت الليوث العرينه وياك كلها تحشمت
زلزليت الطف باهلهه والسيوف تشابگت
ابصولتك آيه وتسبح للعظيم .. جاي تذبح بيدك ابليس الرجيم
گبال سیفك دنگت كل النصول .. جاي ناذر عمرك الابن البتول
يبن ظاهر ..يبن ظاهر
*************************
يا حبيب وشلت عمرك لابو اليمه ابكربله
صار جسمك للمواضي مسجد وسجدت اله
المصرعك راح ابو اليمه وصار ثغره ايقبله
يا حبيب بسجل امه الزهره اسمك سجله
وبالنهايه حققت مطلوبك ...انطيت عمرك من اجل محبوبك
وعلى جروحك يمسح بچفه الرسول ..جاي ناذر عمرك الابن البتول
يبن ظاهر ...يبن ظاهر
**************************
الى شيخ الانصار حبيب ابن مظاهر رضوان الله عليه ..
سيدي يا حبيب سجل اسمي في سجلك من خدام حبيبك الحسين ..
علاء الجابري
صاحت الانصار جينه لكربله..نفدي هاي ارواحنه كلنه اله
صاحت الانصار جينه لكربله..نفدي هاي ارواحنه كلنه اله
الك ذني عيوني..تسمع العادوني
افدي كل عمري الك والعايله
&&&
صاحت الانصار وياهم حبيب..اليوم يمولاي بس انته الحبيب
نصيح لبيكم وللداعي نجيب..انضحي هاي الروح الكم موعجيب
خلهم يسمعوني..الرادو ايزلوني
خلي يسمع هالحجي كل المله
&&&&
هبت الانصار لحسين وتصيح..احنه كلنه اجنود لحسين الذبيح
هبت ويانه ملسمين ومسيح..ومايهمنه الطاح والبينه جريح
لو سهم يرموني..يطيح بين اجفوني
اليجي مولاي بروحي نتحمله
&&&&
اتحمل الطعنات صاحت هالجموع..مثل عابس ذبت هواي الدروع
ماتهاب الموت ماتقبل رجوع..وكالت وي حسين تبا للخضوع
خلهم يموتوني..بكل كتر وذروني
ندري احنه يهون بينه اتعلعله
&&&&
مايهمه الموت اصحاب الامام..خيرت الله البيقه والسلام
اختاره الباري وبحسن الختام..تنطق الافعال ماتحجي كلام
خلهم يصلبوني..وخلهم يعذبوني
شعدهم الكفار خلهه تفعله
&&&&
احنه عاهدنه العقيده بكل شرف..كل رجل انصاري بالمبدء حلف
يوم شاف النور وبعينه انكسف..ماعرف كلمه تعذر يا ااسف
صاح يالتردوني..وياكم انتو اخذوني
كل عدوكم بالنفوس نقاتله
&&&&
نقاتل الكفار واصحاب الشمر..فد عزم واحد لبت هالامر
صاحت الانصار نفديه العمر..نمشي وي حسين لو نسحك جمر
خلهم يذبحوني..كلهم يظلموني
لازم بنفس الفعل ونعامله
&&&&
خادم اهل البيت
ابو علي السعيدي
بالعِـزِّ أبْشِـر يا حبيب .. ذي جنَّة ُالوِصالِ .. تدعونا للنِزالِ
بالعِـزِّ أبْشِـر يا حبيب .. ذي جنَّة ُالوِصالِ .. تدعونا للنِزالِ
فالنصرُ و الفتحُ القريب .. و ساحة ُالقِتالِ .. تدوعنا للنِزالِ
_____
يا شيخ اِلنْـصار ابتشر لو دارت الدَواهي
إلنا عزم و ابكل دهر محّد إله يظاهي
أحنه اللي شرَّفنه السمه او بينه الأرض تِباهي
و بهالنصر واعدنه ربنه و النصر إلهي
لنُصرةِ السِّبطِ الغريب .. أوصانا ذو الجلالِ .. لنَبْلُغَ المَعالي
فالنصرُ و الفتحُ القريب .. و ساحة ُالقِتال .. تدوعنا للنِزالِ
______
أسيافك احنه امجرّبه من تهجم العساكِر
نبذل مهجنا و الوعد لمّن يجينه باجر
من نوعدك گول او فِعل و اسمع يبن مظاهِر
فدوه لبو اليمّه السبِط مكتوبه عالمناحِر
و لوْ دعانا نستجيب .. كهيْبةِ الجِبالِ .. بالسُمْرِ و العَوالي
فالنصرُ و الفتحُ القريب .. و ساحة ُالقتالِ .. تدوعنا للنِزالِ
__________
هاي الحَوَاري اتزَيِّـنَـتْ منتظره نلفي لها
و الحومه باب الجنّه تستقبلنه من نجيها
او بالدمعه شِجْرة طُوبى وقْـقَـتْ وِ اِفْـتَـحَـت إديها
إلجنّه فازت بينه مو إحنه اللي فزنه بيها
قد فُزنا بالسَّهمِ الرَّقيب .. و آية الكَمالِ .. مجْدٌ بِلا زَوالِ
فالنصرُ و الفتحُ القريب .. و ساحة ُالقتالِ .. تدوعنا للنِزالِ
__________
ما حاجه تِدْفعنا نخوض او ندخل الملاحِم
كل واحد ابهالمعركه على الشهاده عازِم
كون الرماح ابكل صدر و السيف عالجماجِم
بس المهم يبقه او يظل راس العقيله سالِم
ألنحر للخدِرِ المُهيب .. فلتشهَدِ الليالي .. ذي هِمَّة ُ الرِّجالِ
فالنصرُ و الفتحُ القريب .. و ساحة ُالقتالِ .. تدوعنا للنِزالِ
_______
لا اتْـوَصِّي أنصارك ولا اتْـحَـشِّمها عالمنيّه
ندري الخلود ابهالشهاده او عزّه سرمديّه
يكفينه لمّن ننرمي او نوگع على الوطيّه
يحضرنا حمّاي الحمه ويْ فاطمه الزجيّه
هذا هو الفوزُ الرَّغيب .. فغاية ُالنَّوالِ .. برُؤيَةِ المَوَالِـي
فالنصرُ و الفتحُ القريب .. و ساحة ُالقتالِ .. تدوعنا للنِزالِ
______
ميرزا عادل أشكناني
بينه دم أنصارك مــا تـــرد زوارك
بينه دم أنصارك مــا تـــرد زوارك
يجري دمنه وما نعوفك يا حسين
يجري دمنه وما نعوفك يا حسين
***** ***** *****
أحنه بينه أدموم من يـوم الطفوف
دم بريـر و نافـــــع الـــذل السيوف
مــن تلاگو والله ملگــه ويالحتوف
شمس صارو ما تمر بيهم كسوف
دمنه دمهم واحد طبعه ذل كل حاقد
دمهم يزلزل عــــروش الظالمين
يجري دمنه وما نعوفك يا حسين
******
بينه عابس ما نخاف مــن المنون
وأحنه من عابس ورثناه الجنون
يا فنـــون العشگ يـا أعظم فنـون
مــــا نخاف الموت خليهم يجـون
أخذو هاي أجسامنه فدوه لأسم أيمامنه
تبقه هاي أرواحنـــــه لحبه تدين
يجري دمنه وما نعوفك يا حسين
******
مــــا تخـــوفني أبـــد بالانــفجار
هـــوه هـذا الزود يعني الانتصار
حسين ديني ولا تسميه أنتحــــار
ما تخاف الموت ثق حتى الزغار
ما تخاف أزغارنــــه ولا ترد أكبارنـــه
أحنه ماس وبالشدد لا مـــــا يلين
يجري دمنه وما نعوفك يا حسين
الرايه نرفعه ونجيك أعلـى الجدام
نخطهه من دمنه تظل أنتــه الامام
نسحگ أعلى الموت ونحسه غرام
همنه بيك حسين منعـــوف الهيام
حبنه أنته ودينّه وأنته سر تكوينّه
واليعوفـــك سيدي مـــا عنــده دين
يجري دمنه وما نعوفك يا حسين
******
يلّـــه فجـــرني فـــلا عنـــه أحــيد
دمنه ذل مروان وي عتبه و يزيد
أنوب أنه أهــواه أكثر مـــن جديد
حسين بالشريان يمشي وبالوريد
خل تسيل أدمانه نكثر أبممشانه
بالدمـه نسجلهه هـــاي الأربعين
يجري دمنه وما نعوفك يا حسين
******
نقسم بــرب الأرض ويـه السماء
نقسـم بكـــــل الكـــتب والأنــبـياء
عهد في كل عـــام نگصد كــربلاء
نوقعه هذا العهد من فيض الدماء
بدم نحرنه الجاري عهد ويه الباري
نبقه خــــدامك يبن طــــــه الامين
يجري دمنه وما نعوفك يا حسين
*****************************
الشاعر
موسى البديري
يَم الحســـــين كلته...يم الحسين راحة الروح شفتها ... يم الحسين
الى/ الحر بن يزيد الرياحي ( رض )
يَم الحســـــين كلتها . يم الحسين راحة الروح شفتها ... يم الحسين
جيت ارجو المعذره... منـّك اطلب مغفره... شاهدي الدمع الجره ...... يم الحسين
..............................................................
اشمك والنفس مخنوك وهواك تخالط بريتي
انه الحر وكسرت القيد وي طيحت عبوديتي
ما نه أول عبد يعصيك لجنها ويـــاك تاليتي
صرت سعفه وتهزها الريح تدك بيبان حريتي
باب الحسين ادكه ... باب الحسين وعطره ياناس اشهكه... باب الحسين
روحي بيك ميسرّه وعيني لجلك ناطره شاهد الدمع الجره...يم الحسين
...................................................................
اجيتك عن قناعة روح ما تعشك شخص ثاني
ملاك تـــشوفك عيوني تكفـّر دين شــــيطاني
اطوفــك طوفة المحتاز وارتل بيــــــك قرآني
واصيح بصوتي احبنك تكسر اقفـــــال بيباني
حب الحسين ولائي... حب الحسين واجمل نجوم سمائي حب الحسين
بكثر حبات الثره ... دموعي طاحن بالسره ... شاهد الدمع الجره يم الحسين
...........................................................................
مخاير يا نفـــــس تدرين بين النار والجنــــــه
بسقر يهوى الجدم ويطيح امنميل وانحرف عنه
طريق الحك طريق حسين وباطل غيره اشوفنه
انه بوكت النفاها وياه وكت الضيج اعوفنـــــــه
درب الحســـين اشوفه. درب الحسين روحي هيهات تعوفه .. درب الحسين
شلون اكدر انكِرّه... اقسم بدم منحره... شاهدي الدمع الجره يم الحسين
اقَــــــدّم روحي ما ابخل وبنيني ومالي خدامك
واعوفن منصب القــــاده واطش ادموع كدامــك
بعد روحك شلي بروحي اروحن فدوه لجــدامك
وقلبي المــا نبض لولاك اطشـــــه نذور لايامك
نحر الحسين اشمه .. نحر الحسين وابقه للدوم اخدمه .... نحر الحسين
اوكف بسد منبره .. وروحي يمه امقصرّه .. شاهدي الدمع الجره يم الحسين
.................................................................
حر وما ها ب المــوت حدي وياك للوحــــــه
غمه الشاهداك بضيج وما ينذر الك روحــه
واليبخل عليك بسيف ما ينفع بعد نوحــــــه
وحيد بعازة الخوان عيوني عليك مشبوحــه
دم الحسين قضيتي...... دم الحسين انصر اليوم مُنيتي...... دم الحسين
من الجيوش الغادره ....والجموع الكافره ....شاهدي الدمع الجره يم الحسين
....................................................................
حسين الما يرد اعذار حســــين اليقبل التوبه
يا اول ســــطر اقراه بصفحة شوك مكتوبه
اليحبك يدخل الجنات ومنـّه تنمحي ذنوبــــه
وباجر عالصراط الكاك حبيب ايتاني محبوبــه
شـفت الحسين شفاعه . شفت الحسين امشي وياه بقناعـه..شفت الحسين
يمضّي بيده التذكره.. امن اسمي اسجله بدفتره .شاهدي الدمع الجره
يم الحسين
نسألكم الدعـــــــــــــــــــــــ (والفاتحه ) ــــــــــــــــــــــــــــاء
علي صادق المجراوي 24 شوال
يبن النبي المختار كلنه إلك أنــــصار بالغــــاضريه
بسم الله الرحمن الرحيم
يبن النبي المختار كلنه إلك أنــــصار بالغــــاضريه
حبك صبــــــح بتار بي نِرهِب الأشرار بالـــغـاضريه
***
خط حبـــــــيب الــــــوالد الـــيمه ولائه
باسم الانصار انـكتب عهده ابــــــدمائه
ينادي من ﮔبل عــــاشور على رايـــــتنه خطيته
أنصار ونضحي انحـــور لحســــين وأهـــل بيته
بصوت العهد يلهج مسلم إبن عوســــج يالجــــعفريه
والحرعلـى المنهج دم منحـــره اتــوهج بالـــغاضريه
***
ياحسين الـــــكربله وياك اجينـه
للشهاده ابروح ملهـوفه اعتنينه
مو مره نريد الموت خلي انموت الف مره
نتشيع بـــــلاتابـــوت ودمنه ايخـضب الغبره
بالدم نخط يحــــسين ياقــــرة العينــــين حبـــك قضيه
نشري ابدمانه البـين انضحي نوفي الدين بالــــغاضريه
***
انقبل ايدك لــــــو أذنـــتنه نقاتل
ابلادروع انريد نتلـﮔـه العواسل
أحبابك نريداتشــــــوف فعلنه ابساحة الميدان
نزحف للمنايه ازحوف ونصبح للعشـﮔ عنوان
ندري الينصـــــرك كون بمحبـــــتك مفـتـــون واعله السجيه
وݘم عابس وݘم جون بعشـﮔك صبح مجنون بالـــغاضـريه
***
يا إمام الناس بس أمرك نطيعه
لوملكنه الكون من أجلك نبيعه
عبيدك وانته ســـيدنه أأمـــــــرنه يبن حيدر
من الذر تعاهــــــــدنه وموعدنه عله الكوثر
وبالطف يبوالسجـــاد جينه عله الميــعاد مــوعد منيه
ونقــــــاتل الأوغــــاد زمرة ثمــود وعاد بالــــغاضريه
***
تمتلك أوصاف يوسف وانته يعـﮔوب
واليحبك حـــﮔـــه بيك ايموت ويذوب
جمالك نورك الزاهر على ساﮔ العرش أسمك
يهنياله الصبح ناصر إلك وتـــــشرف ايخدمك
نقسملك ابعـــباس نسحـﮔ عله الأرجاس جيش آل اميه
للشر نهــد الساس ابزودك يخــيرالناس بالغــــاضـريه
***
حانت الســـــاعه ابأذن منك يجيدوم
من نودعك نلتـقي بس ملتقى ايدوم
بجنات الخلد نلــــتم يبن خيــر البشرطه
الشملنه إنته تتـــقدم بيك اهناكه نتباهه
رب العرش عــلاك رتبه عظيمه انطاك يبن الزݘيه
انطب الجنان اوياك يالغالي من نفداك بالـغاضريه
***
تمت بعون الله تبارك وتعالى وفضله وإحسانه والحمد لله رب العالمين
وصلى الله على محمدٍوآله الطاهرين وعَجل الله فرجهم
وسهل مخرجهم اللهم صلِّ على محمدٍوآل محد
حيدركريم جارالله الكربلائي
أنصــرك كل مرامي كل مرامي ياحسيـن
أنصــرك كل مرامي كل مرامي ياحسيـن
أخـــبــرك ياإمــــامي ياإمـــــامي ياحسيـن
إلك ثابت ولائي عهد افدي دمائي حبيبي ياحسين
****************************************************
إلك عاشــــــﮔ يغـــالـــي ومــــــــاأعـــوفـــك للأبد
إلك نـــــاذر حيـــــــاتي وكــاتـــب ابدمــي العـهـد
عشــــﮔ ﮔلبي الـــــــمنيّه وعنـــدي أحله امن الشهد
واذا جسمـــــــي تــــوذر يعــنـي وفّيــــــت الوعد
فدائك تبقه روحي أخطهه ابدم جروحي حبيبي ياحسين
************************************************************
أريد اســــــــمي ابسجلك ينكـــــتب يـــوم الطفوف
رجائــــي بالمعـــــــــاره تلـثم اجروحـــي السيوف
ونــــــادي آنــه عــابس ماتخـــــــوفنــــي الألـوف
أنازل وحــــدي جيش البـاغي واخــترق الصفوف
اشتــــتهه الكتايب إذا طُـــب الحرايب حبيبي ياحسين
************************************************************
حبيــــب الـــرايه بيـــده وشـــدعـــزمنه ابرايته
إذا عيـــــــني تشــــوفه أرتشــــــــف من همته
وزهيرانظـــر عيــونه وبيهـــــه أنــظرنخـوته
وأذا للحراشــــــــــاهد أذكـــــــرامــه السمـته
صدﮔ حُرياولينه فخرخيم علينه حبيبي ياحسين
************************************************************
صرت عنهم أســـولف واصبحت إلـــهم لسان
أسود الغــــــــاضـريه وأذنــــــــوهـــذا الأذان
اجـــــــــــــينه للمنـايا وشـــدنه للموت الحنان
عرين الهم طفــــوفك واصبَحَت أقدس مكـان
يــريدون المنيّه لجل أعظم قضيّه حبيبي ياحسين
************************************************************
نسولف بالمـــراهف ياسبـــط طــه الرسول
تحت أمـــرك ننفـــــذ ياإمامي اشمــــاتـﮔــول
نخـــــلي آل امـــــــيّه منّه تنـــصاب ابـذهول
بعزم حيـــــــدريغالي ابصولة الغيره نصول
قَسَمنه يارجانه إلك نجري دمــانه حبيبي ياحسين
************************************************************
محبـــتنه نخـــــــبرك وصــلت الحد الجنـون
ألف مره منــــــــانه الأجـــلك انـول المنون
يساكن بالضـــــماير يلّي ســـــاكن بالعيون
منـــــــازلنه عظــيمه ابآخــــره ودنيــه تكون
إذا نلنه الشــــهاده يبن تاج السياده حبيبي ياحسين
************************************************************
تمت بعون الله تعالى وتوفيقه وفضله وإحسانه وتسديده وعونه
والحمدلله رب العالمين وصلى الله تعالى على محمدٍوآلهِ الطاهرين وعَجَلَ فرجهم
وسهلَ مخرجهم اللهم صلِّ على محمدٍوآلِ محمد
حيدركريم جارالله
انصار -- عالي يضل لواهم
لانصار الحسين عليهم السلام
انصار -- عالي يضل لواهم
احرار-- خطوهه بدماهم
مثل للكون سبعين
ذوله انصار الحسين
خطوهه بدماهم
------------------------
ذوله انصار غير حسين ماعدهم
حبيب وياهو مثله يصير قائدهم
وفي وبراية العباس عاهدهم
جيش يصير بالميدان واحدهم
انصار -- شجاعتهم عجيبه
احرار -- واحدهم كتيبه
لا ماهمهم البين
ذوله انصار الحسين
خطوهه بدماهم
------------------
صارت ليل بيهه هلال صارمهم
فوك اركاب جيش ايزيد واعدهم
خوف الموت شنهي الموت ماعدهم
جف جبريل قابض فوك ساعدهم
انصار -- كتبو ا بالصوارم
احرار -- عشاك الهواشم
أسود وبالميادين
ذوله انصار الحسين
خطوهه بدماهم
-------------
كلهه ابطال هل انصار معروفه
بدين وتضحيه واقدام موصوفه
ذابوا بالحسين وعشكوا حروفه
نموت بغربته وحسين منعوفه
انصار -- عشاك الولايه
احرار -- بدروب الهدايه
شجاعة ومبدأ ودين
ذوله انصار الحسين
خطوهه بدماهم
--------------------
يم خيمة الحره لبوا الناصر
يازينب وكلنه للفده حاضر
وحك رب الجلاله الواحد القاهر
مايبقه صدر دون السبط عامر
انصار -- لحسين وعياله
احرار -- هبو للكفاله
مثلهم ينوجد وين
ذوله انصار الحسين
خطوهه بدماهم
-----------------------------
كل موقف بطوله بكربله صامد
بقه الهم عله طول الدهر شاهد
دون حسين واحد من بعد واحد
طاحوا بالأثر ماجد بعد ماجد
انصار -- بدروب الشهاده
احرار -- من يوم الولاده
فازوا بالوسامين
ذوله انصار الحسين
خطوهه بدماهم
احمد عيسى البديري
يا سبعين الف هدو السبعيـــــن
(محمد الابراهيمي)
يا سبعين الف هدو السبعيـــــن
فدوه ارواحنه يصيحون لحسين
حلفوب الزجيه عسل عدنه المنيه
********************
تاريخ المجــــــــد صارو يخطـــــــون
رهبان المنايــــــــــــه وما يخافــــــون
لرض المعركــــــــــه كلهم يتانــــــون
وعابس حسرته صارت مثـل جـــــون
خله الجيش كله انصاف وارباع
كوه الكاع ضلت لازمه الكـــاع
اكورهم بديه عسل عده المنيه
********************
سنبل جيشهم من الهـــــــوه يميـــــل
ومن خيولهم هم خافـــــــت الخيــــل
الخيل اطير صارت طير ابابيـــــــل
وهب شايلالتربه وموش انجيــــــــل
امه تصيحله لا ترجـــع اردود
عليهم يمه خلي الدرب مسدود
تهلهله بشجيه عس عدنه المنيه
********************
الجندي وهوه واكف يهـــوه ويطيح
بجفه يأشر وما يكــــــدر يصيـــــح
اختنكنه صاحو وقدمو تصريــــــح
شنهي بكربله هم شردت الريــــــح
الريح بكربله شـردت مسافات
كلشي بكربله حتى النهر مات
كتبو بالهويه عسل عدنه المنيه
********************
انكسار الجيش دوم تسولف الناس
ما سامع الجيش بكبره ينـــــــداس
ماتعرف هذيج الطاس لـــــو راس
مو وهواس طــــــب للجيش عباس
الجيـــــــش يصيحلك عباس ينخــــــــاك
النخـــــل والمشرعه هم صاحــــو وياك
عيونه تكول ميه عسل عدنه المنيه
********************
شردو والمؤخـــــــــر صار جــــــدام
هلا يبن الحسن من دخــــــــــل جسام
مو فرسان صارو فعـــــــلا انعــــــام
خيرهم بكـــــــــه يحبب بالاجــــــدام
جروهه الاذان وبعــد منعيـــد
العذر مولاي يا شيخ الاجاويد
الاكبر صاح هيه عسل عدنه المنيه
فدوة احنا الزينب - يبن الكرار
فدوة احنا الزينب - يبن الكرار
وصلو لرض الطف – كلهه الانصار
ياهو اليوصلهه – واحنا النكفلهه – يحسين وكلهه
كلهه الانصار
*******1******************
يازينب – صاحو انصارك بالحرب يبن الصميدة
يازينب - زينب تضل بكل عصر اشرف عقيدة
يازينب - اليوصل لزينب بت علي نكطع وريده
يازينب – تبقى العقيله ام الخدر والحق نعيده
توصل فكرتنه – الكل الاجيال
زينب ثورتنه – تربي الابطال
ثوره نسجلهه – يحسن وكلهه – كلهه الانصار
*******2*******************
ذب السيف – عابس لزينب بالحرب قام الشعائر
ذب السيف – يقلع بصوته وخزرته كلوب العساكر
ذب السيف – يتناوش بجفه الزلم بيهم يشامر
ذب السيف– بحب الحسين اتجننت واكطع مناحر
نحيا وضلينه – موتنه الموت
من يوصل زينب – نرفع هالصوت
راية ونحملهه - يحسن وكلهه – كلهه الانصار
**********3*******************
بس سبعين – زينب تكلهه وعادلو كل الملاين
بس سبعين – من كون الباري الخلك للساعه باقين
بس سبعين - ماصح مثلهم بالبشر يعني الزلم وين
بس سبعين – خالقهم الله الكربله ينصرون الحسين
خالقنه الباري – ننصر زينبنه
سبعين ولكن – فنه اليحسبنه
كل صعبه انحلهه - - يحسن وكلهه – كلهه الانصار
***********4*****************
هالانصار – رباط هوستهم قفل بسم العقيله
هالانصار – ودو رساله للشمر رعبو دليلة
هالانصار– سبعين الف عدنا العدد كلش قليله
هالانصار– وياهم ترى حدنا الضحة العسكر نزيله
سيوف الحدينة – الكطع الاركاب
باجر وياهم – عدنا احنه حساب
النصر انجيبلهه - - يحسن وكلهه – كلهه الانصار
***********5******************
هالابطال – حبيب ونافع وي وهب دكو صدرهم
وابن القين – والحر اجو للمعركة ونذرو عمرهم
يشهد جون – مسلم تعاهد وي انس من يكدرلهم
بالقرآن – برير يرتل بالحرب اية نصرهم
اليوصل يم زينب – الا ابلا ر اس
لامحد يكر ب - لا والعباس
هالانصار الهه - يحسن وكلهه – كلهه الانصار
******6*********************
للاجيال – زينب امانه بكل وكت بيد الموالين
للاجيال وصو وصية بنصرتج للشيعه كل حين
للاجيال – انصارج وما قصرو خدام الحسين
للاجيال – محميه انتي ومرقدج بيد المحبين
ثورة انصارج - فوك المريخ
ضل عنهم عاجز - يحجي التاريخ
الحومه انزلزلهه - يحسن وكلهه – كلهه الانصار
***.**************************.*
الخادم – حيدرموسى الرميثي
خـل زينب اتـشوف مشـهوره السـيوف
خـل زينب اتـشوف مشـهوره السـيوف
إلقتل النه عاده
انخلقنه للشهاده
خـل زينب اتـشوف
--------------------------------
احنه انصار ابو الـيمه حسين والينه
الخوف وعـيونچ يـزينب مـايمر بيه
الكون لــو ضدنه تحـزم مـايلاوينه
باچر بأرض المعاره انـتي شوفينه
واستمعي الاخبار بصولات الانصار
بينـه عزم وارده
انخلقنه للشهاده
خـل زينب اتـشوف
--------------------------------
عسـكر اجنود ال امـيه شاهدي احشوده
بـصوله وحـده يالعـقـيله يتـرك احـدوده
آمني واعتبري العـساكر ماهي موجوده
واليـمس خـدرچ يزيـنب نگطــع ازنـوده
كل احنه حراس اعتـبرينه عـباس
صوت الانصار الناده
انخـلقنه للــشهاده
خـل زينب اتـشوف
--------------------------------
زينب اخيام ابو اليمه من يصل ليها
ارتاحي مادام الانصار بهمه حاميها
كربله بـدم المـناحر والله نــرويها
انتي بس أشري العساكر مانخليها
مايبـقه موجـود عسكر ولا اجنود
خاب الجمعنه عاده
انخلـقنه للشـهاده
خـل زينب اتـشوف
--------------------------------
جيشنه عالي العزيمه وشاعت اخباره
وجـيشهم مرعوب كله وشابح انظاره
صحنه ابو السجاد فنه اليوصل ادياره
والله بحزام المـنيه امـحزمه انصاره
متهمــنه الالاف ومن عدها منخاف
نفني الجند والقاده
انخـلقنه للــشهاده
خـل زينب اتـشوف
--------------------------------
مانبالي بجـيش اميه وكثرة اصفوفه
والله باچر بالمعاره ايصـيره سالوفه
احنه من انصول يهرب يوصل الكوفه
المـفر يازينب اعيـونچ حتمـاً اتشوفه
معروفه الاسباب تتـطاير ارگاب
ننهي الجمع بعداده
انخـلقنه للشــهاده
خـل زينب اتـشوف
--------------------------------
عــدنه بالكـلـفات قــدوه والله منــجامل
والــوفه اتـعلمنه مـنه هــذا ابو فــاضل
درب ابــو اليــمه دربنـه ولازم انــواصل
مـستـعـدين الجمــعهـم بــاچـر انـقـابل
تربات ابو حسين ** ليـث الــميادين
عدنه الحرب سعاده
انخـلقنه للــشهاده
خـل زينب اتـشوف
--------------------------------
تمت والحمد لله
خادم الحسين حيدر تركي الكربلائي
تعليقات
إرسال تعليق