مجموعة قصائد نسائية مكتوبة لعلي الاكبر عليه السلام
وني للاكبر علي ونيله
موشح لعلي الاكبر ع
مربعه +فزاعيه
وني للاكبر علي ونيله
لطمي اعليه الصدر ياليله
للمخيم جابه ياويلي الفرس
ينزف ومجروح مقطوع النفس
من العطش ويلاه وإلسانه يبس
منفطر آياحسرتي ادليله
لطمي اعله الراس وياه الصدر
صدره من لرماح ياويلي انكسر
وقلبه هل نصين عطشان انفطر
يا علي لحسين هدم حيله
ميت وعطشان شبه المصطفى
وعمره ابن حسين ويلاه انطفى
نايم المدللول بالحومه وغفى
ولجله ادموم الدمع انهيله
ياعلي والحيل يومه هدمه
ألم الزهرا البتوله فاطمه
من شفتها اجراحه تجريه الدمه
روحي بمصابه تون انحيله
نايم الاكبرياويلي اعلى الترب
وبسهم دلاله قلب امه انشعب
ياعلي وفراقك اعليه صعب
وونتك والله ييمه اطويله
بقلم بنت الشمري
من صال الاكبر للحرب وامه مريبه
شدة بحق الشباب على الاكبر وتنقرة على طور الفائزي
@@@@@@@@
من صال الاكبر للحرب وامه مريبه
وتكول لوا راح الولد ليه اشيجيبه
#@@@@@
من صال اللاكبر للحرب والسيف بيدة
ويصيح ثاري اليوم من الكوم اريدة
خله الزلم من صولته نحرت البيدة
يشبه الجدة المرتظه صاحب الهيبه
@@@@@@!
يشبه الجدة حيدرة على الكوم من صال
يكولون هاذا المرتظه الجندل الابطال
من طب الاكبر للحرب مابكه خيال
العدوان منه خايفه وظلت مريبه
@@@@@
بكر ابن غانم من برز واشجع الفرسان
وحسين من شافه بجه ومخطوف الالوان
وليله تكله اشبيك خبرني يريسان
يكلها اندعيله واقسمي الباري يجيبه
@@@@@@@
كشفت صدرها والدمع علوجن مسجوب
عود اوليدي ياالاه من الحروب
راس ابن غالب جايبه وياه مصيوب
ردعلي الاكبر والعطش ذوب اكليبه
#@@@@@@
يابوي اريد الجايزة تسكيني بلماي
امنين اجيب الماي يبني اوصافه اعداي
طب لمك ايكله تراها متيه الراي
شبكت ولدها وهلت الدنعه سجيبه
@@@@@!!
ودعها الاكبر وعتنه كزن الميادين
راجن ابسيفه من رجع نعم المياكين
صوبه ابن مرة المهر رد للصيواين
مذبوح جابوا للخيم مابيه طيبه
@@@@@@@@
ام عمار الكم خادمه ياعلي الاكبر
واريد من عندك يغاتي ابكبري تحظر
تهونون ذاك اليوم مني حساب منكر
ابجاه ابوك حسين
وزينب هلغريبه
@@@@@@
لشاعرة اهل البيت ام عمار الصائغ
ويادفان بالك من الاولاد
فزاعيه الشباب لقاسم وعلي الاكبر عليهم السلام
ويادفان بالك من الاولاد
هذوله اولادنه لب الفاد
بعدالبجي والنوح وياهم والافاد
ويادفان ذوله أولاد حلوين
استوهم بالعمر جنهم مزهرين
حلوين وعليكم نجذب الونه
بعدمنكم يايمه نكطع الظنه
يم اكبورهم خلنه ومشنه
بعدهم بعز الوردوترفين
ياشبان يانمتوبظهريه
شالتومن وكت بغير وعديه
ظلت عينكم شابحه عليه
ونسمع بالمعركه اصياح وونين
يابعدامكم يايمه هدمانه البين
وماندري رحتومن وكت وين
ونحسب بالعمر الكم والسنين
يكبرون الولديترسونه العين
وخلاف الولد ظلينه بالظيم
مثل مطرت سحب وشاله الغيم
ردناكم للوكت وحركت الخيم
هذوله من نسل نسل الميامين
شجعان وعليكم لايك النوح
افراكك بالكلب يالبسهم مذبوح
اظل اشبع مناحه ومأاطيب اجروح
ويمه وين رحتو هايالحنين
وخلافك علي يمه نهظمنه
ولاكالوامنه ظلت ام المحنه
وراح جاسم وبعدشحجي عنه
وجدهم المصطفى سيدالمرسلين
خادمة الزهراء والسيده رقيه ع
ام زهراء الايجوزحذف الاسم
لبيكي يازهراء
بضلع فاطمه بسطرة فاطمه بجنين فاطمه بعين فاطمه بنور فاطمه بدموع فاطمه بحزن فاطمه باابافاطمه بزوج فاطمه بذرية فاطمه بذبيح فاطمه بسبي زينب بذبح عبدالله رضيع بشوغة رقيه بمرض العليله بحزن ام البنين بعريس الطفوف بشباب لاكبر عجل فرج القائم المهدي عج يارب
•✯•✯•✯•✯•✯•✯•✯•
الاكبرطاح بلحومه
فزاعيه العلي الاكبر ع
الاكبرطاح بلحومه
وامه بقت مالومه
من البجي منعونه
اليبجي يضربونه
والشافك خيعونه
اليله عليه مالومه
حيسن ونن ونته
مشبوحه عينه العيلته
دنياكلهاخانته
ورحه تظل مهمومه
صال حلوه صولته
كله العده ماكدرته
العطش فطرجبدته
ابني حلوه ارسومه
مفجوعه امه بخيمته
موذرصدك ياجثته
وفارس صدك ياهدتته
وطول عليه النومه
خادمة الزهراء والسيده رقيه ع
ام زهراء لايجوز حذف الاسم
اسم الكتاب
لبيكي يازهراء
آه يوليدي آه يوليدي
*القصيدة من ديوان📚 مسير الفواطم لارض المظالم الجزء٢*
*قصيدة لعلي الاكبر(آه يوليدي)*
❥━──➸➽❥❂❥━──➸➽❥❂
آه يوليدي آه يوليدي
يا بعد امك رحت من ايدي
❥━──➸➽❥❂❥━──➸➽❥❂
وديتك للحومه بأيدي ورحت امن ايدي ومارديت
ضنيتك سالم ترجعلي للخيمه تعود تمنيت
احسب باللحظه بغيابك ولملگاك شگد تانيت
جيتك عيدي جيتك عيدي
انتَ اهلالي وجيتك عيدي
❥━──➸➽❥❂❥━──➸➽❥❂
انتَ اهلالي وشمعة عمري وانتَ الروح وماي العين
ربيتك للعازه وردتك تكبر وتشد ضهر حسين
بالطف ضيعتك تاليها دولبني وحاربني البين
اشعندچ هيدي اشعندچ هيدي
اگعد گلي اشعندچ هيدي
❥━──➸➽❥❂❥━──➸➽❥❂
اگعد شوف الصار بحالي من بعدك گاضيني النوح
حزنانه وگلبي متفطر بغيابك يا بعد الروح
يا بعد عيوني وانفاسي شيصبر گلبي المجروح
انه شبيدي انه شبيدي
اعله الدنيه وهمهه انه شبيدي
❥━──➸➽❥❂❥━──➸➽❥❂
غير النوح ولاضل بيدي آه يوليدي اخلاف عيونك
ماحمل لحضه امن افراگك ماريدن هالدنيه بدونك
احا يرسومك متغيره من الطبره امغير لونك
هلي وزيدي هلي وزيدي
ياعين اصرخ هلي وزيدي
❥━──➸➽❥❂❥━──➸➽❥❂
ياعين اصرخ هلي وزيدي وابچي اليوم ادموع ودم
راح الغالي وثمرت روحي راح الچان ايشيل الهم
خله حسين وحيد وحاير والعسكر بالحومه التم
آه يعضيدي آه يعضيدي
وزينب نادت آه يعضيدي
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
•✯•✯•✯•✯•✯•✯•✯•
يمه ياشبان ياستوكم مزهرين
نعي للشباب القاسم وعلي الاكبر عليهم السلام
يمه ياشبان ياستوكم مزهرين
شلتومن وكت لاوين ماوين
ظلت عله خدنه دمعت العين
من وكت حملتوورحتو
وين يمه جنتووين صرتو
اصغار وبلعمرلحسين بعتو
ظلينه نبجي يمه وراكم
ونذكر ملفانه وملفاكم
يمه وشسوت بينه عداكم
ردنه يمه انروح وياكم
وماصح بدينه ملكاكم
العدويايمه ذبحاكم
من شلتو تمنينه احنه بالاتراب
والا نشوف فركتكم طويله يالاحباب
خذونه ويسرونه يمه الولدالاجناب
وظل الجرح بكلوبنه ماطاب
صارت ابعيده يافركت الغياب
نحسب باليالي احساب وحساب
من يوم الرحتوانهظمنه
وخلافكم تره مذله شبعنه
وهايالحلوين يايمه صحنه
وبعازتكم يالكلكم محنه
يمه ما شبعنه منكم بعدنه
رحتووين ماندري عنه
وخذاكم الموت شبسرعه منه
وصحنه هناهناياهلنه
ومنكم بعد خل نكطع الظنه
عله الموت رحتوونويتو
وعلينه يايمه شومااجيتو
وبعدمن شلتو اشومارديتو
خادمةالزهراء والسيده رقيه ع
ام زهراء لايجوزحذف الاسم
لبيكي يازهراء
الاكبرياضوه عيوني ونضرهه
هوسات العلي الاكبرعليه السلام
الاكبرياضوه عيوني ونضرهه
وانت للروح سلوه وامله
يمن خذت اروحي وهدمه
(بصولاته معروف الاكبر)
معروف علي يشبح جده
ولاواحدمن العدوان وصل حده
وكال ليوصل الخيام شحده
(الحميه ياخيامك بويه)
الحميه الخيام ابزوديالاكبر
وسفه علي طاح وتوذر
كلبه من العطش تفطر
(الفنيهه اجيوش اعداكم)
الفيهه العده والكص الروس
ليله دعتله يارب كون محروس
جاب اعداه منه مكطع الانفوس
(جده الكرار يعرفونه)
مثل جده حيدر الحيد
اذا طب الحرب عده عيد
مشت امه الدرب البعيد
(حزنانه ياوليدي اعليك)
حزينه روح امك عليك
ومادتدري جره وصاربيك
كطعوك وذرمارحمومك اعاديك
(عدوانه مارحموحاله)
خادمة الزهراء والسيده رقيه ع
ام زهراء لايجوز حذف الاسم
اسم الكتاب
لبيكي يازهراء
يمه الولد ابروحي افديك
هوسات للقاسم وعلي الاكبر عليهم السلام
يمه الولد ابروحي افديك
لوبيدي من الموت اخليك
ماشبع مناحه يمه اعليك
(يم واليدي خلوني اكعد )
خلوني اكعدواشيل الوجع منه
ونوب ارد اردود واناشدنه
آ ه ياسهم الافراك الطشرشملنه
(سهم افراكه بروح ايظل )
افراكك يالولد حيل ماذينه
وراح الحيل ماظل حيل بينه
وردنه الولديبره للظعينه
(ردناك النه ياوالينه )
رندنه الولد ردناه هيبه
يشيل النعش وهواليجيبه
وعله امه مايكطع نحيبه
(ردناك اتظل انته الهيبه )
تمنيت اكعدبصفك وانعاك
واظل طول العمر ياابني بطرواك
وتمنيت اروحن للكبرأوياك
(تمنيت الموت يم اوليدي )
ياوليدي اعزامن الهؤ
وضربو جاسم وعله الكاع هؤ
وياعلي الاكبر ماتوبالمعرك سؤ
(احاه يالظلو بالحومه )
خادمة الزهراء والسيده رقيه ع
ام زهراء الايجوز حذف الاسم
لبيكي يازهراء
وين يالأكبر عايفني اورحت
•✯•✯•✯•✯•✯•✯•✯•
#فزاعيه _عن _الشباب _علي الاكبر ع
#جديد_محرم_1441
┄┉❈❥❀❥❈┉┄
وين يالأكبر عايفني اورحت
بيه يوليدي شو مافكرت
┄┉❈❥❀❥❈┉┄
وين جانت هاي الي مخفيه
علي يطلع مايعود عليه
اضل بديار الغرب مسبيه
وين جانت هاي الي ماحسبت
┄┉❈❥❀❥❈┉┄
عالنومه ستعجلت يالغالي
ياعلي يومك مرد دلالي
ريتك تشاهد يبني احوالي
اني خلافك يوليدي ضعت
┄┉❈❥❀❥❈┉┄
لهبت الدلال نارك يالولد
ياعلي تدريني ماعندي سند
ريته ضماني قبلك الحد
كلي بالدنيه يبني شحصلت
┄┉❈❥❀❥❈┉┄
ضاكت الوسعه علي يامهجتي
خابت أمالي يبني اوضنوتي
ذخر ماعندي تدري بكبرتي
من يباريني يبني لوطحت
┄┉❈❥❀❥❈┉┄
عليك يوليدي حيلي انهدم
زاد حزني والمئاسي والالم
شحصلت ليله الواحد ماسلم
عليك ماتنشف تهمل دمعتي
┄┉❈❥❀❥❈┉┄
ريتني ميته ولا اشوف الاجره
ولاتضل نيران كلبي موجره
شلون اصبر وشوف عالثره
شمعه التضوي حياتي نطفت
┄┉❈❥❀❥❈┉┄
تمت بعون الله بقلم الشاعره ام رائد زوين
●—>>﴾«﷽»﴿๋<<—●
໋৩❥ू┈┈┉💙
قناة ✿℘
الشــاعرة العلويه ام رائد زوين ✍️
بعلي الاكبر يدنيه لاتفجعيني
#قصيده _عن _شباب _علي الاكبر ع
#جديد_محرم_1441
┄┉❈❥❀❥❈┉┄
بعلي الاكبر يدنيه لاتفجعيني
ماعندي ذخر غيره تدريني
┄┉❈❥❀❥❈┉┄
اوليدي اعز من الهوه اليسري
علي سومي يدنيه بالعمر اشري
بعد عينه شلي انه بعمري
وياه اكضي العمر يادنيه خليني
┄┉❈❥❀❥❈┉┄
خلي ابني العزيز اوكرت عيوني
وانه ابداله اموت وخل يدفنوني
شلون اصبر عله فركاه يردوني
اضل صبح اومسيه مايبطل اونيني
┄┉❈❥❀❥❈┉┄
يدنيه شلون بعد العيش يحلالي
شلي بعمري وانه مفاركه الغالي
ريت الاجل يلفيني ولاينصاب دلالي
بوليد علي مني يادنيه ورحميني
┄┉❈❥❀❥❈┉┄
تضل الروح لشوفة علي مشتاكه
بعد ليه شيرده يطول فراكه
اذا عني رتحل هيهات نتلاكه
ضوه عيوني عله دربي يدليني
┄┉❈❥❀❥❈┉┄
هيهات استقر بعده وانام الليل
للون والمناحه منين اجيبن حيل
تضل امك بسمك ياعلي ترتيل
عله الغابت رسومه انه شبهديني
┄┉❈❥❀❥❈┉┄
وين اشوف بعد الغابت رسومه
عليه روحي حزينه بقت مالومه
لمك ياعلي ياريت هل نومه
وانت ياعلي الاكبر بالحفره تواريني
┄┉❈❥❀❥❈┉┄
لمك ياوليدي ريته يلفه الموت
اوعله متونك يبني تحمل التابوت
تصلي عالجنازه بعالي الصوت
أمل هذا جان اخر سنيني
┄┉❈❥❀❥❈┉┄
تمت بعون الله بقلم الشاعره ام رائد زوين
●—>>﴾«﷽»﴿๋<<—●
໋৩❥ू┈┈┉💙
قناة ✿℘
الشــاعرة العلويه ام رائد زوين ✍️
#هوسات لشباب _علي الاكبر ع
#جديد_محرم_1441
┄┉❈❥❀❥❈┉┄
وين ارباي كلي ياعلي الاكبر
وانه سنين يبني اتنطرك تكبر
تاليها اشوفك عثره مطروح ومطبر
بحزاني وهمومي اضل ياعلي اتعثر
يبني عليك ضهري نحنه وتكسر
ماحسبت يبني هذا تاليهه
نايم عالرمل وامك مخليهه
┄┉❈❥❀❥❈┉┄
تصيح الراح بعد منين اجيبه
شلون اصبر لون طالت الغيبه
تدري ياعلي يبني الفركه رهيبه
تهد حيل الوالده هذي المصيبه
شلون بالضلت وحدها بديار الغريبه
مهضومه مايبطل ونهه
نيران الراح يجونهه
┄┉❈❥❀❥❈┉┄
الهوه شح بغيابك ياعلي يبني
تعال اوشوف حالي يالرحت عني
تره فركاك يبني حيل خانكني
بس الدمع يرد للعنك يناشدي
تبده الشوف البعيني الضهر محني
العمر خلافك ماريده
المضيع عمره شيفيده
┄┉❈❥❀❥❈┉┄
يبن حسين بعدك عيش مايحله
المفارك عزيز بهل عمر شله
يضل بس بونينه اونوحه يتسله
علي يبني الفركه ابد موسهله
فراك الولد شلون الوالده تحمله
شلون العين تغمضيهه
الفركه يكتل طاريهه
┄┉❈❥❀❥❈┉┄
تمت بعون الله بقلم الشاعره ام رائد زوين
●—>>﴾«﷽»﴿๋<<—●
໋৩❥ू┈┈┉💙
قناة ✿℘
الشــاعرة العلويه ام رائد زوين ✍️
•✯•✯•✯•✯•✯•✯•✯•
من ابجي ونوحن لاتلوموني
#للاكبر ع
ــــــــــــــ❀•▣ ♣️ ▣•❀ـــــــــــ
من ابجي ونوحن لاتلوموني
خلهن عالشباب يروحن عيوني
ــــــــــــــ❀•▣ ♣️ ▣•❀ــــــــــــــــ
راح ابني الوحيد اوين اشوفنه
بحياتي شلون بعد اوليدي اتهنه
كل لحضه بغابه الموت اتمنه
عمره ثمنطعش اوبي ثكلوني
ــــــــــــــ❀•▣ ♣️ ▣•❀ــــــــــــــــ
شيصبر الروح يلي رايح محسر
بعدك مااريد العمر يالاكبر
عيني انطفت وكلبي تفسر
بمصابك يبن حسين فجعوني
ــــــــــــــ❀•▣ ♣️ ▣•❀ــــــــــــــــ
يا لتشبه محمد سيد الاكوان
وشجاعة علي جدك داحي البيبان
شكال حسين من شافك عالتربان
نحنه ضهره وكال عليه عينوني
ــــــــــــــ❀•▣ ♣️ ▣•❀ــــــــــــــــ
الله يساعده عالمصابه ابو اليمه
لمن شاف الاكبر وذرو جسمه
باب الخيم تنطر جيته امه
وتنادي عن اوليدي خبروني
ــــــــــــــ❀•▣ ♣️ ▣•❀ــــــــــــــــ
يالرديت سوسف رد علي سالم
ماكدر اشوفه عالثره نايم
هل واحد اليه والعكل هايم
الاهي لاتخيب منه ضنوني
ــــــــــــــ❀•▣ ♣️ ▣•❀ــــــــــــــــ
يالرديت يوسف رد علي اليه
للحومه عيوني ضلت اربيه
ع فركاه والله حيل مابيه
ماعندي ذخر غيره تدروني
ــــــــــــــ❀•▣ ♣️ ▣•❀ــــــــــــــــ
الشاعره ام رائد زوين
#قصيده _عن _شباب _علي الاكبر ع
#جديد_محرم_1441
┄┉❈❥❀❥❈┉┄
علي يبني اصيح اوماتحاجيني
انه امك لاتروح اوتخليني
┄┉❈❥❀❥❈┉┄
خلافك اضلن ياعلي بحيره
هالواحد ابني ماالي غيره
ينور عيوني يابعد العشيره
انه بعازتك ياعلي تدريني
┄┉❈❥❀❥❈┉┄
علي يبني شنهو الحصليته
نظر عيني يوليدي طفيته
قبلك الكبر ضماني ريته
ولاضل ياوليدي تسله بونيني
┄┉❈❥❀❥❈┉┄
نايم عالرمل يوليدي مطبر
عالشوفك اضلن يبني اتحسر
ضهري انحنه ياعلي الاكبر
يدنيه حني لحالي ورحميني
┄┉❈❥❀❥❈┉┄
شنو محصولهه يبني الربت
تاليهه تون وحدها ضلت
يريت الاجل وافاها اوماتت
تصيح الوالده شلي بسنيني
┄┉❈❥❀❥❈┉┄
شيطفي ياعلي نيران فركاك
ريض ياوليدي خذني وياك
ماريدن حياتي خلاف عيناك
تدري ماتنام الليل عيني
┄┉❈❥❀❥❈┉┄
تنام شلون عين الماتشوفك
عني ياعلي غابت ارسومك
تمنيته يومي قبل يومك
ولاشوفن عله الغبره جنيني
┄┉❈❥❀❥❈┉┄
تمت بعون الله بقلم الشاعره ام رائد زوين
●—>>﴾«﷽»﴿๋<<—●
໋৩❥ू┈┈┉💙
قناة ✿℘
الشــاعرة العلويه ام رائد زوين ✍️
الشاعره ام رائد زوين:
#جديد_محرم_1440
#للشاعرة_ام_رائد_زوين
✿〰️✿〰️✿〰️✿〰️✿〰️✿〰️✿
#قصيده_مقدمه
لشبل الحسين علي الاكبر
الام تفكد الواحد صعبه صعبه
تضل دمع النواظر دم تصبه
✿〰️✿〰️✿〰️✿〰️✿〰️✿〰️✿
تضل تون عليه وفاكدر الراي
الدنيه بدون ابنهه تصعب هواي
تصيح وياك خذني يلي موجاي
يبني الماي احرمه بعدك ماشربه
✿〰️✿〰️✿〰️✿〰️✿〰️✿〰️✿
عله عيوني الوسن يحرم فلايمر
وكسر خاطر امك بعد مايجبر
يبني من تمر شبان اتحسر
ليله راح مايرجع الي تحبه
✿〰️✿〰️✿〰️✿〰️✿〰️✿〰️✿
راح الجان ترسهن ضوه عيوني
صعب فركاه من ابجي لاتلوموني
بمناحه اكضي العمر عليه خلوني
الراح من العطش مفطور كلبه
✿〰️✿〰️✿〰️✿〰️✿〰️✿〰️✿
فطر كلبه العطش يبس شفافه
حسين نهدم حيله لمن شافه
الضمه فت مهجته الحلوه اوصافه
عيونه لدرب ابنه بقت تربه
✿〰️✿〰️✿〰️✿〰️✿〰️✿〰️✿
يكله جيت تطلب ماي مني
وانه مثلك يبويه العطش فتني
الماي منين اجيبه علي يبني
يبني محاوطتني جيوش غربه
✿〰️✿〰️✿〰️✿〰️✿〰️✿〰️✿
بقلم الشاعره ام رائد زوين
قصيده لشبل الحسين علي الاكبر ع
───✤◐►🖤◄◐✤───
الاهي عليك اقسم بالزجيه
علي الاكبر سالم رده اليه
───✤◐►🖤◄◐✤───
يالرديت يوسف من مغيبه
علي الاكبر الي سالم تجيبه
لاتفجع بي حال الغريبه
الاهي عينها لدربه ربيه
───✤◐►🖤◄◐✤───
صعب الوالده تفارك ضناها
بالدنيه بس هوه رجاها
من الوالده تطلب رباها
تبقه تون والدمعه جريه
───✤◐►🖤◄◐✤───
الاهي العمر مايسوه بلا ياه
يهد الحيل ما ينحمل فركاه
شلون الوالده للضنه تنساه
تون عليه صبح ومغربيه
───✤◐►🖤◄◐✤───
ليله تنادي ربي ردلي الاكبر
ماحمل غيابه كلبي نطر
عله هذي الرزيه شلون اصبر
خاف يروح الاكبر من اديه
───✤◐►🖤◄◐✤───
صاح حسين ياليله ندعيله
ابنج العطش ذوب دليله
عليه الشمر كثر خيله
الاهي بحبيبك حن عليه
───✤◐►🖤◄◐✤───
الشاعره ام رائد زوين
•✯•✯•✯•✯•✯•✯•✯•
خاصه للشباب ونهدي ثوابها
لعلي الاكبر والقاسم ابن الحسن
وزن مثلث تلث ترباع الشيعتي
┉❈❥ًً❀(«🦋»)❀ ❥❈┉
يمه ليش اتغمض عيونك يغالي
انه امك ساهرت بيك الليالي
الولد يبني الولد يبني
┉❈❥ًً❀(«🦋»)❀ ❥❈┉
يمه من يوم الرحت ما بطل وني
عيوني مانشفت ابد يبني وعمني
ساهرت سود الليالي او عذبني
تدري من بعدك اضل بالهضم حالي
انه امك ساهرت سود الليالي
الولد يبني الولد يبني
خادمه ال البيت
ام سجاد العسكري
┉❈❥ًً❀(«🦋»)❀ ❥❈┉
يمه تكتل يالولد نومة التربان
والوجه ذاك الحلو من الكبر خربان
يمه فگدك بالگلب خلالي نيشان
بس صور ااه يالولد ظلت اگبالي
انه امك ساهرت سود الليالي
الولد يبني الولد يبني
زهره الكناني
┉❈❥ًً❀(«🦋»)❀ ❥❈┉
من رحت عن عيني يا يمه هضمتني
وعلى الونه والمناحه علمتني
صورتك تنضر بعيني او حيرتني
النومه وياك ابگبر يمه اتحلالي
انه امك ساهرت سوداليالي
الولديبني الولديبني
ام زهراء الفاطميه
┉❈❥ًً❀(«🦋»)❀ ❥❈┉
يمه صوبني الدهر بيك اوعماني
اشگد ضلمني و مارحم بيه زماني
ريت يبني الموت وياكم خذاني
ولا اشوف امجانكم هالصبح خالي
انه امك ساهرت سود الليالي
الولد يبني الولد يبني
✍🏻ام بنين العيفاريه
┉❈❥ًً❀(«🦋»)❀ ❥❈┉
من رحت عني ييمه عيوني تربي
ايهلن عليك الدمع تيهت دربي
ااه يدورات الدهر بس الله حسبي
من غبت عني ييمه تاه بالى
انه امك ساهرت سود الليالى
الولد يبني الولد يبني
ام البنين
┉❈❥ًً❀(«🦋»)❀ ❥❈┉
حلو طولك يالولد من تجي تمرني
وافرح ابجيتك وگولن هذا ابني
بالگلب فگدك يالأكبر شو طعني
حيف بيكم يمه شو ضايع دلالي
انه امك ساهرت سود الليالي
الولد يبني الولديبني
✍️العلويه ام علي الشرع
┉❈❥ًً❀(«🦋»)❀ ❥❈┉
عليك يايمه الولد مهدود حيلي
نار تسعر فرگتك تحرك دليلي
صورتك يمه عله بالي هالتجيلي
ضاع مني ارباي انه وخابت امالي
انه امك ساهرت سود الليالي
الولد يبني الولد يبني
ام عباس السكيني
┉❈❥ًً❀(«🦋»)❀ ❥❈┉
تـــمـ بعون الله تعالى ـــت
باقـــ✍️ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻قناة خادمه الزهراء (ع)😭💔 المله والشاعره العلويه ام علي الشرع💔
اللهم صل على محمد وآل محمد ربي اشرح لي صدري ويسر لي أمري واحلل عقده من لساني يفقه قولي
إلي تحب تقرأ اي قصيده ويصعب عليه اللحن تتصل عليه اني بخدمته
الشاعره ام رائد زوين:
#جديد_محرم_1440
#للشاعرة_ام_رائد_زوين
✿〰️✿〰️✿〰️✿〰️✿〰️✿〰️✿
#نزله_للاكبر ع
لليوم التاسع
الحيل هديته النظر طفيته
ياعلي الاكبر ياعلي الاكبر
عاثره نايم ياشبل هاشم
ياعلي الاكبر ياعلي الاكبر
✿〰️✿〰️✿〰️✿〰️✿〰️✿〰️✿
شافتك امك مخضب بدمك
منين تشمك يالصعب فكدك
علي حاجيهه شوفهه شبيهه
ياعلي الاكبر ياعلي الاكبر
✿〰️✿〰️✿〰️✿〰️✿〰️✿〰️✿
تعبي ضيعته وليدي فاركته
مارد ولاشفته هدتني فاجعته
بعلي ثكلوني اون خلوني
ياعلي الاكبر ياعلي الاكبر
✿〰️✿〰️✿〰️✿〰️✿〰️✿〰️✿
ناره شيطفيهه الجثته موذريهه
امه شيهديهه دموعهه تجريهه
مهضومه بغيابه النحرم شبابه
ياعلي الاكبر ياعلي الاكبر
✿〰️✿〰️✿〰️✿〰️✿〰️✿〰️✿
يالرايح محسر امك شتتنطر
عالفركه ماتكدر دلالهه تفسر
راح واحدهه الغيره ماعدهه
ياعلي الاكبر ياعلي الاكبر
✿〰️✿〰️✿〰️✿〰️✿〰️✿〰️✿
بقلم الشاعره ام رائد زوين
نزل بالحومة البطل<>يشبه الفارس مضر
#محرم1440هـ #2018م
#نزلة
#طلب_خاص
((( علي الأكبر "ع" )))
نزل بالحومة البطل<>يشبه الفارس مضر
بهيبته الأكبر علي<>اعداه ترجف لو نضر
••صال بيهم صولته^^علي منهو بشيمته••
برايته وبتاره
---------------------------------------------------
صال عالعدوان الاكبر بيده رفت رايه
گلهم أنة ابن الرسالة البينا نزلت آيه
وارث لطه محمد جيت اضحي ادمايه
لاجل دين الله أقاتل ذبحي هاي الغايه
~روحي لانطيها
~للدين افديها
~واعداي افنيها..واندب انـة ابن البطل
بوالدي حسين الشهم<>يبقى عالي راسي
راسي مادنگه أبد<>لحد گطع انفاسي
••بالمعاره هيبته^^علي منهو بشيمته••
برايته وبتاره
≈≈••••••≈≈••••••≈≈••••••≈≈••••••≈≈
شهر سيفه بالمعاره بوسط جيمان الكفر
خله جيش الظلم يرعد والعدو منه يفر
يا صفاته ويا جماله چنه عباس الگمر
علي وشمحلات أسمه شوفته والله تسر
~الغيرة من عمه
~اتحزم وبعزمه
~من علي حلمه..عزمه من جده علي
بزود عباس البطل<>شامخ انه بصيتي
أفدي لحسين النحر<>لو وذر تاليتي
••صاح بيهم چلمته^^علي منهو بشيمته••
برايته وبتاره
≈≈••••••≈≈••••••≈≈••••••≈≈••••••≈≈
صاح بيهم گال قادم وينه لي لاويني
خطي خطيته الشهادة أمشي درب حسيني
تضحية يحتاج ديني بدمي أحفظ ديني
خل اموت العطش عادي حيدره يرويني
~بدماي اتعفر
~ولساقي الكوثر
~يرويني حيدر..بچفه يغرف و ارتوي
الموت لو جاني وگرب<>والله ابد ماهابه
رجّفت گوم الكفر<>ويلي صاحوا يابه
••نزل يضرب ضربته^^علي منهو بشيمته••
برايته وبتاره
≈≈••••••≈≈••••••≈≈••••••≈≈••••••≈≈
شلون گالو بالهواشم هذا أولهم نزل
خله قادات العساكر بيها ماندري شحصل
غاضب ابن حسين اجانه والگلب مملي زعل
خلي نرجع عن قتاله هذا ابن خير العمل
~بسيفه يفنيهم
~بظلمة يخليهم
~بضربة يمحيهم..اتوسط بسوح الحرب
لاجل زينب أنتفض<>تبچي ما خليها
بزوده الاكبر من دخل<>صاح انة حاميها
••كل شموخ بهامته^^علي منهو بشيمته••
برايته وبتاره
≈≈••••••≈≈••••••≈≈••••••≈≈••••••≈≈
بي شموخ وعزم حيدر من نزل بالحومه
ويشبه لجده محمد منه كل ارسومه
عمره بالعشرين بالطف خلي هالمعلومه
صال بالعاشر محرم وكان آخر يومه
~من برز الاكبر
~لحسين اتحير
~والگوم التغدر..يَذبَحوا من منحره
وسفة ميرد للخيم<>تغدّره هالناصبه
تحاوطه بكل ناحية<>وامه صاحت نادبه
••ليها يرجع رادته^^علي منهو بشيمته••
برايته وبتاره
تــمـت بــعــون الله
13/9/2018
بأقــ✍🏻✍🏻ــلام خـادمـات أهـل البيـت
✍🏻#ولائــية_وافتــخر (دعاء العامري)
✍🏻#الــعــلـويــة_الــمــوســويــة
❌لانــجيــز حــذف الأسـمـاء❌
#محرم1440هـ_2018م
#تقرأ مربعه وفزاعيه
#علي الأكبر لسان حال والدته ليلى
اون اعله الشباب الراح متوذر
واصيح بصوت يبني ياعلي الاكبر
✹✹✹✹✹✹✹✹✹✹
وين الكاك يبني ويانظر عيني
يازهره حياتي وسلوه اسنيني
صحت بصوت صبرك يمه تانيني
✿موذره جثتك يفجعني هالمنظر✿
✹✹✹✹✹✹✹✹✹✹
اون اعليك واهمل دمع العيون
يل طولك حلو و منك يهابون
اظل انحب عليك وكلبي محزون
✿يامحروم نارك بالكلب تسعر✿
✹✹✹✹✹✹✹✹✹✹
اشلون انساك وانسى رباك يمه
يل شوفك يسر ويشيل هظمه
صعبه انساك صعبه حيل صعبه
✿دعيت الله يردك الي وتحظر✿
✹✹✹✹✹✹✹✹✹✹
هم ترجع ييمه وهم عليه اتعود
للعازات يبني الولد مريود
ياشذره ثمينه صاغها المعبود
✿يريت اتعود كلب امك تفطر✿
✹✹✹✹✹✹✹✹✹✹
يبني ياعلي بأمك اشخليت
ياضنوة دليلي وياعمود البيت
تمنيت المنيه يمه انه اتمنيت
✿ولا اركض وادورك واطيح واتعثر✿
✹✹✹✹✹✹✹✹✹✹
تمت بحمد الله
#الاكبر
علي الاكبر ينور العين
يفتشة عين ابوك حسين
طولك ما حصل مثله
وسافه وذراك البين
يمهجة قلبي واسنيني
نايم عالثره امطبر
ييمه ناذره عمري
أعله طولك حلمي واطشر
عفتني بغربه يوليدي
بگلبي الونه واتحسر
طايح بالدمه امغسل
وجبدك ما روى بمعين
🏴🏴🏴🏴🏴🏴🏴🏴🏴🏴🏴
أعله طولك يمه وناتي
تجرح يا علي وتلهب
نايم يمه جدامي
ونار ضلوعي بس تشب
النوايب باگت اسنيني
بنومك وانته متخضب
جمال الباري البوجهك
عليه أقره انه ياسين (يس)
🏴🏴🏴🏴🏴🏴🏴🏴🏴🏴🏴
يالأكبر يمه حاجيني
صوابك مرّده الجبدي
يزهرة عمري يوليدي
يريت اموسده بلحدي
ولا شوفنك بهالحال
وجرح گلبي علي يدي
بعد عينك ييمه اشلون
راح اقضي العمر بونين
🏴🏴🏴🏴🏴🏴🏴🏴🏴🏴🏴
يماي العين يالاكبر
عگبك انه بالحسرات
اعوفنك على الغبره
وعنك امشي بالاهات
جسمك عالثره يبگه
ابجيله الدمه بدمعات
تظل وسط الگلب جمره
جسمك ماله امشيعين
🏴🏴🏴🏴🏴🏴🏴🏴🏴🏴🏴
وداع الاگشر عليه
فوگ الناگه مجتوفه
أعله جسمك من يمروني
يصبر العندي بس عوفه
اشلون امشي ييمه گول
وعليك الروح ملهوفه
يريت الموت يلفيني
ولا بحيره و أدير العين
تمت بعون الله تعالى
خادمة الزهراء /ليلى زغيب
طور التغريد الحزين
.............
اجه الاكبر لعند حسين، يطلب للحرب يطلع
اريدك بوية ترخصلي، و منه يهمل المدمع
كله لصدري يوليدي، تعال بحضني نتوادع
اجه الاكبر كعد يمه
يبجي نوبة و يشمه
يحب المنحر و جسمه
يكله يا ضوة عيوني، يبني مابعد ترجع
.......
عكب ذاك الوداع الصار، انطه الرخصة للاكبر
طلع و الصارم بيده، يصرخ للعده و كبّر
ساعه و لن ابوه حسين، تغير وجهه و تكدّر
سألت ليله شنهو الصار
ولدي ذبحته الاشرار
كلي سيدي الاخبار
كلهه حسين ادعيله، يرجع للخيم الاكبر
........
دخلت ليله للخيمة، دعت لله بحبيبه
مثل ما يوسف ليعكوب، رد سالم من مغيبه
اريدنك علي الاكبر، ترده عليه و تجيبه
رد لخيمته الاكبر
كلهه هذا المقدر
ونينج بالكلب يسعر
لاجن يمه هذا اليوم، بي تجره هالمصيبة
..............
✍🏻ذكرى الخفاف
(اسم المنبر :جروح الغائب)
جديد لشهر محرم الحرام ١٤٤١
شبيه المصطفى خَلقا وخُلقا ومنطقا
#علي_الاكبر
نزل شبه طه النبي بالحومه يفتر
گلب اراضي كربله شبل الغضنفر
شد حيله شبه المصطفى عالحومه يفريها
انگلبت اراضي كربله جن الحشر بيها
ما همه جيش الانذال سيل وهدر بيها
شردت الابطال لنه كسّر مواضيها
اتحيرت بي هذا علي لو هذا حيدر
نزل شبه طه النبي بالحومه يفتر
🏴🏴🏴🏴🏴🏴🏴🏴🏴🏴🏴
سمعهه زينب بالخيم گامت تحشمه
دگ صدره واتجنه والسيفه لزمه
رجعهه صولة حيدره والحمزه عمه
ذكرهم خيبر واحنين والشرد زلمه
نادى بجحافل اعداه هذا انا الأكبر
نزل شبه طه النبي بالحومه يفتر
🏴🏴🏴🏴🏴🏴🏴🏴🏴🏴🏴
نزل ويه ملك الموت يحصدها الانفاس
يتباهى ظل والده وي عمه عباس
هذا الشبل جنه حيدر يا رفعة الراس
تفري الكتايب خزرته متروسه احساس
جندل بكر بن غانم حقه يتبختر
نزل شبه طه النبي بالحومه يفتر
🏴🏴🏴🏴🏴🏴🏴🏴🏴🏴🏴
يخاطب احسين بلهفته ويگله عطشان
شربة ماي يا والدي جن جوفي نيران
لون تحصل يابوعلي امسحهه الجيمان
گله سهله طلبتك تلگاها يم العدنان
ارجع الميدان يالجبدك وجبدي انفطر
نزل شبه طه النبي بالحومه يفتر
🏴🏴🏴🏴🏴🏴🏴🏴🏴🏴🏴
لن ساعه واتگنطر علي بحومة الميدان
والتمت اعليه العده بأرماحٍ وزان
ولن صوت رجاها الخيم لحگني يعطشان
وجه السمه اتغير لاحت علي العدوان
صاح على الدنيا العفى طاح وتوذر
نزل شبه طه النبي بالحومه يفتر
تمت بعون الله
خادمة الزهراء /ليلى زغيب
الشاعره ليلى زغيب
اين الطالب بذحول الانبياء وابناء الانبياء
جديد لشهر محرم الحرام ١٤٤١
شبيه الرسول الاكرم
#علي_الاكبر
نادت بالخيم ليلى
يزينب بالله سنديني
اوليدي راح للميدان
وآنه ضاعت اسنيني
بخيمتها تون وتنوح
ليله من الحزن تنحب
ما ضاع اربايه يا يمه
لجنهه الشوغه بي تلهب
رايح يا علي الأكبر
ودمع عيني ما ينضب
صفات الهادي اوصافك
ومصابك يمه عاميني
جلست بخيمتي انطر
بحسراتي ودمع يمه
اخذت اثيابك بحضني
وريحك بيها اشتمه
اسولف وي جرح گلبي
هم يرجع علي وضمه
ويمسح بيده كل دمعي
ويسكن روعي وونيني
ولن ساعه الخبر الاگشر
اشوفنه بوجه الحسين
تغير لونه من شافك
وحيد ابوسطة املاعين
اسيوف ارماح تتشابگ
وجسمك وذراه البين
طلع للحومه يتعثر
واصفگ انه جفيني
ييمه البيك آمالي
يفتشة عيني يا ضيها
بغيابك تدري تذبحني
وروحي الحزن يسليها
انادي لعمتك زينب
تبجيني وابجيها
ارسومك غيراها الموت
وسود ايامي تحديني
عمري انذرته لسنينك
يغصن أمن النبي احمد
اتروح أمن ايدي يالاكبر
وعمري اتوشح بالاسود
لأيام الشيب انه اترجيت
وبيدك للگبر تلحد
حسافه ابكربله عفتك
واعداك اليوم تسبيني
تمت بعون الله
خادمة الزهراء /ليلى زغيب
الشاعره ليلى زغيب
اين الطالب بذحول الانبياء وابناء الانبياء
انظر بالعين ،،،هذا انه حسين ،،،،يبني يالاكبر
#علي_الاكبر
انظر بالعين ،،،هذا انه حسين ،،،،يبني يالاكبر
شابح بالعين ،،،، من جاك البين ،،،،،،يبني يالاكبر
يابني يا علي ويا شمامة هلي
يا شبيه المصطفى وجدك علي
بفقدك يالولد ماظل كل فكر إلي
بطيحتك يبني الحراير تنولي
بطيحتك هاي ،،، يالب حشاي ،،،توليني اعداي
انظر بالعين ،،،، من جاك البين ،،،،يبني يالاكبر
$$$$$$$$$$$$$$$$
يوليدي من اشوفك قلبي ينسعد
من تمر اقبالي جن جدك يرد
صعبه اشوفك للحرب يبني ترد
بموتتك مات النبي وحيدر بعد
جن جدك مات ،،،، يبني هيهات ،،،،،، ترجع لعيوني
ناداك الحسين ،،،، جن جاك البين ،،،،، يبني يالاكبر
&&&&&&&&&&&&&&&&&
ويلي ومن رجع منك محني الظهر
يعين الله الحسين وينطيه الصبر
يحمل أبنه من الحرب لا ماكدر
صاح راح الولد يازينب صدر
يصفچ بالراح ،،،،، يزينب راح ،،،، الأكبر الغالي
لفاه البين ،،،،، ضنوة حسين ،،،،يبني يالاكبر
&&&&&&&&&&&&&&&&&
جاب الاكبر حطه مابين أخوته
گام يندب علي وصاحب رايته
حيف اعله الشباب تنادي عبرته
على الدنيا العفى كل غالي خطفته
بدموع العين ،،،، ناداهم وين ،،،،،بدموع اعيونه
راحوا الاثنين ،،،،نادى الحسين ،،،يبني يالاكبر
&&&&&&&&&&&&&&
طبت الخيمه بحزن تبجي وتنوح
تنادي يبني ياعلي ذابت الروح
يمه فقدك ما اجرعه لا تروح
جنت سور حماي شو صرت مذبوح
تنادي يحسين ،،،، يا ضيا العين ،،،، مذبوح وليدي
تهمل العين ،،،، من جاك البين ،،،، يبني يالاكبر
خادمة الزهراء / ليلى زغيب
#علي_الاكبر
عندما رجع الحسين من مصرع ولده علي الأكبر
صوت دوى بكربله وزاد الصياح
يزينب نادى وصفگ راح براح
أمن ايدي يزينب علي راح
واظلمت يخويه الغاضريه
نادى ويهمل العبرات عالخدين
شبيه النبي طاح اموذر بالميادين
يزينب ردي لخيمتج زيدي الونين
و ليلى وي سكنه يونن سويه
يزينب راح وعلى الدنيا العفى
يزينب الدهر خان وياي وجفه
يزينب شمعة اسنيني طفى
طاح الأكبر يخويه اعله الوطيه
خادمة الزهراء /ليلى زغيب
#علي_الاكبر
ناديت واهمل بالدمع ياضنوة حسين
ييمه بگلبي المنفجع ياضنوة احسين
بعدك على الدنيا العفى
ياضنوة احسين
ييمه بالخيمه اجلست واتنطر اخبار
بكر بن غانم من نزل ظل گلبي محتار
دعيت بغربتي يرد الي اليشبه المختار
أمن دعائي والدك وبلغني بالصار
رأس الشرك بيمنتك يوليدي مشكور
تنادي العطش ياوالدي بگليبي تنور
بعدك على الدنيا العفى
يا ضنوة احسين
&&&&&&&&&&&&&
ييمه ناذرتك نذر لتخيب اظنوني
ادري بنزولك للحرب تاليها يسبوني
يا شمعة سنين العمر وإلمنها حرموني
يالتشبه الطه النبي يوليدي فجعوني
شفتك على حر الرمل سابح بالدموم
نوبه انادي يالولد نوبه يا مظلوم
بعدك على الدنيا العفى
يا ضنوة احسين
&&&&&&&&&&&&&&&
بعدك يبعد امك جمر والفرگه تجويني
ما شوف مثله بالبشر وبطوله سابيني
گضيت الليالي امساهره اوبربايه وافيني
اقسم عليك بونتي يا يمه تانيني
روحي وي روحك ياعلي ريتن يصعدون
ما أكدر امشي وي الغرب لنهم يشتمون
بعدك على الدنيا العفى
يا ضنوة حسين
&&&&&&&&&&&&&&&
بجف الضراعه واندعي يا ربي عالظالم
ادعيت من رب السمه ترجع إلي سالم
ربي استجاب الدعوتي واقتلت بن غانم
طولك نظرته ياالولد لو نظرة الواهم؟!
ممدود طولك ياعلي بالخيمه يمي
والثغر منك مبتسم والنحر مدمي
بعدك على الدنيا العفى
يا ضنوة حسين
&&&&&&&&&&&
لكربله يا يمه علي كون انه ما جيت
بوادي المصايب والبلا كل حيلي ذبيت
شفتك على جمر الأرض وبصوتي ناديت
بعدك على الدنيا العفى يالروحي اخذيت
من جابك احسين الابو وبعيني شفته
يوليدي دمعاتي انزلت والونه سكته
بعدك على الدنيا العفى
يا ضنوة حسين
تمت بعون الله
خادمة الزهراء / ليلى زغيب
•✯•✯•✯•✯•✯•✯•✯•
وابن حسين/طايح بلميادين*
شاعرة الحزن السرمدي }} 109
للاكبر (ع) 💚
حربي 💙
👈وابن حسين/طايح بلميادين*
وامه تندعيله بلصواوين/👉
👆 المستهل
علي الاكبر طلع صايل لميدانه
وامه بلمخيم تدعي حيرانه
يربي انصر علي الاكبر على عدانه
(وتدعيله//كشفت شيبتها)🎤
كشفت شيبها وتصيح ياقيوم
احفضلي علي من غدر هاي الگوم
وابوه اعليه گلبه مفرفح ومالوم
(انهدحيله//وحسين اعلى ابنه)
ينظرله الحسين وگلبه يلهب نار
خايف علولد من صولت الكفار
ويدري بلعطش گلبه اشتعل بلنار
(للجيمه//عطشان وطالع)
عطشان وطلع والعطش هد حيله
ادعيله بلمخيم گومي ياليله
يربي رده اليي سالم وتانيله
(متانيته//وباب الخيمه)🎤
امه تانته والروح ملهوفه
يصول اعلى العده صوبين وتشوفه
وروح امه تحاوط بيه وتطوفه
(يطيحونه//وتخاف عليه)🎤
✍️لخَآدِمَةّ أّلحسيّنِ (ع)
{{ الــ؏ـلّويــه َّسـهِــيِّــلَـهِ حـسـيِّـنِ }}
( غٌير مَبِريِّ أّلَذمَهِ مَنِ يِّحذّفِّ أّلَأّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ )
💚 ملَأّحضّهِ ...
أّلَأّخَوِهِ أّلَروِأّدِيدِ مَنِ يِّصعبِ علَيِّهِ ذّګر أّّسمَ أّلَشٍأّعرهِ انسبو القصيده ب أسم
{{ هِأشٍـمَ أّلَـهِـآشٍـمَــيِّ }} 💙
•✯•✯•✯•✯•✯•✯•✯•
موقع المنبر الحسيني
المصدر مؤسسة منبريون احمدالزوار
تعليقات
إرسال تعليق