تـسـمع اذان الحـرب عـلي الاكـبر بيها
تـسـمع اذان الحـرب عـلي الاكـبر بيها
سيـفـه صله عالركـب سـاجـده مخليها
وشهدت ابطف كربلاء حسين موجود
........
صوت بالحومة اعتـله ورتعـد ميدانهه
هـذه ابن عقد الـوله لو شبـل عدنـانهه
منه رجـفت كـربله رجـفـت ابفـرسانهه
بالحـرب جـن زلـزله تـهـدمت اركـانهه
بيده جنهه مفصله روس مـن ابـدانهه
والجثـث خـلاهه يـمهم جنهـن اسـدود
........
مـن نـزل خـلـه الـزلـم تعـثـر ابأجالـها
بالحرب صارو حرم مايشوف رجالها
وينهه رجـال الالم خـافـت مـن خيالها
علي بيهم صب ندم الحرب واهـوالها
عبـرة صارو للامم ينـضرب بمـثـالها
وضرب بيهم مثل كلهم صارو شهود
……
شال بيدة المعركة حطهه وسط عيونه
علي الاكـبر لو غضب حيـدر يسمونه
من علي دارس قتـال محتـرف بفنونه
الجيش كـله لـو هـجـم فـنهم يلاكـونه
الغـوث صاحو يا علي ضـلو يندبونه
الـفـرج بيـدك يالكـبر انـت مـشـدود
........
هنـاك ناداله الـقـدر يا عـلـي دخيـلك
لازم تحـس بالعطش والـدك يوميـلك
كـله ارجع يا عـلي يودعـك يحجـيلك
ليـلة دخلـت للـخـيـم تصلي أوتدعيلك
روح انـصـر والـدك يمه خـل ابجـيلك
ابني راح تـروح منـي وبـعـد متعــود
........
رجع للحـومه بعـجـل امه ليلة اتـودعه
يمه ابذل كل مهجتك بالحماس اتشجعه
تـنضـر حـسيـن بخجـل هـيه ام ملـوعه
يعكـس ابـوجه الابـن عينه ضلت تتبعه
شافت بوجه علي يعني طاح ابمصرعه
ويمه طـول ابطـول صار حسين ممدود
........
الشاعر
اياد الفرح التميمي
علي الاكبر من فتـــح ميـــدانه
علي الاكبر من فتـــح ميـــدانه
ماكو زلمه الصاح بيه هذه آنه
فتح ميدان ابن ابن حامي الحمه
اتخورست كلهه وتكلم صارمه
صاح بالسبعين الف ماكو ازلمه
صار واحدهــــم عظـم بلسانه
محّد ايكابل شبــــل ذاك الاســد
واحد ابسد واحد العسكر لبـــد
صاح يابن غانــــم وغانم جمد
غطّه وجهه من الجبن بردانه
علي من هد سوّه ضجه ابكربلاء
روج يردم روج خلاهه الدماء
آل اميه ابين اديه صاروا نســـاء
الجان اسمه افلان صار افلانه
هلهلتله امــه وتبــدّت غيرتـــه
وغدت تسحك عالجماجم مهرته
ابسيفه يصطر ماكو ركبه فاتته
الجاي راكب رجع حدر احصانـه
هوّس العبـــــاس الاكبر والنعـــم
هلا يبـــن اليهزم وما ينــــهزم
هلا باليسحك على اخشوم الزلـم
آنـــــه حيــدر وانتـــه جنك آنه
عيد خيبـر خلي خصمك يرتجف
وادري عنك حيدره مايختلـــف
واقلع الباب الوراه سبعين الـف
وخل يشوفك جيش ابن مرجانه
صاح يبن ازياد آنه ابن الجبـــل
الدين بيكم مات بس بينه عدل
الزهره امي وانته ابن ام الجمل
الدنيــــه وياكــــم والله اويانـه
اليوم من انطيح وانسيل الدمـه
باجر القائـــم يبشـــر فاطمــــه
من دماكم راح يشرب صارمـه
ابكربله ابنفس المكان اهنانـــه
احمد الهلباوي
عالـعــسكر الاكبـر حمـل
نزله للاكبر ع
.
.
.
عالـعــسكر الاكبـر حمـل
حيـه علـى خـير العـمل
ـــــــــــــــــــــــــــــــــــــــــــــــــــ
هـله هله . وميت هـلـه . بالاكبــر وصـولاته
بالحرب . جدا صعب . يشبه علي ابحمـلاته
حيــدره . ومــن فســره . مــاتـنـــقره أيــاته
صارمــه . بالملــحمـه . بـس تستمع اصواته
ياويل لو منهم زعل
حيه على خير العمل
ـــــــــــــــــــــــــــــــــــــــــــــــــ
موعـــده . توه ابتده . بنحــورهــــم فقـــاره
بالـزلــم . لا مايـــهم . مــحد عرف اسـراره
ابيــمنتــه . وبيسرته . حاوطـهم وشــن غاره
قسوره . ومايندره . ابياساعه تبدي اخطاره
والخطر بعيونه انجعل
حيــه على خـير العمل
ـــــــــــــــــــــــــــــــــــــــــــــــــ
عاصـفه . من يكـشفه . الاكبر نــزل بالحومه
والجمع . صوته ارتفع من خوفه ياهو ايلومه
ينحــني . لو ينفنـــي اتــحدد نهـــاية يـومـــه
مبــتلـي . صار ابعلي . والرهبــه بيه مرسومه
فقاره بالحومه اشعمل
حيه على خير العمل
ـــــــــــــــــــــــــــــــــــــــــــــــــ
وَكـــلـــه . عزريل اله . اقـبض يـگله ابكيفك
لاتـــهــم . من تنــــتقم . لابد وتـــاخذ حيفك
بالحرب . نارك تـشب . سجيل يمطر سيفك
والفزع . من هالوضع . محـتار لو مر طيفك
وشلون لو واقع حصل
حـيه علــى خير العمل
ـــــــــــــــــــــــــــــــــــــــــــــــــ
هـابتـه . من شافته . جيوش ال اميه اطباعه
عرفتــه . بـس نظرته. وفهمت شنو اوضاعه
اتوادعو . حين اسمعو . ليهم أجه ابهالساعه
اتــزلزلو . يـوم انزلـو . عمر ابن سعد اتباعه
واتذكرو يوم الجمل
حيه على خـير العمل
ـــــــــــــــــــــــــــــــــــــــــــــــــ
اتغــيرو . لمن اجـو . والطف صبح واديهم
اتباصرو . واتحـيرو . والموت حايط بيهم
وعالــنهر . صار المفر . خـافو علي يفنيهم
مــاهــدو . واتمرمرو . قادتهــم اتـــناديهم
صاحو علي الاكبر وصل
حــيه علــى خير العمل
ـــــــــــــــــــــــــــــــــــــــــــــــــ
بالــغــدر . صــار الامر . للأكبـــر ايصـوبونه
وانرمه. وسيل الدمه . من جبهته ايشوفونه
واَلـــده . مـن شاهده . بالمعركه ايگــطعونه
أعتـنه . ويمه انحنه . وتجري دموع اعيونه
والخيمته الاكبر حمل
حيه على خير العمل
ـــــــــــــــــــــــــــــــــــــــــــــــــ
تمت والحمد لله في 24\10\2012
خادم الحسين حيدر تركي الكربلائي
علي الاكبر من فتـــح ميـــدانه
ماكو زلمه الصاح بيه هذه آنه
فتح ميدان ابن ابن حامي الحمه
اتخورست كلهه وتكلم صارمه
صاح بالسبعين الف ماكو ازلمه
صار واحدهــــم عظـم بلسانه
محّد ايكابل شبــــل ذاك الاســد
واحد ابسد واحد العسكر لبـــد
صاح يابن غانــــم وغانم جمد
غطّه وجهه من الجبن بردانه
علي من هد سوّه ضجه ابكربلاء
روج يردم روج خلاهه الدماء
آل اميه ابين اديه صاروا نســـاء
الجان اسمه افلان صار افلانه
هلهلتله امــه وتبــدّت غيرتـــه
وغدت تسحك عالجماجم مهرته
ابسيفه يصطر ماكو ركبه فاتته
الجاي راكب رجع حدر احصانـه
هوّس العبـــــاس الاكبر والنعـــم
هلا يبـــن اليهزم وما ينــــهزم
هلا باليسحك على اخشوم الزلـم
آنـــــه حيــدر وانتـــه جنك آنه
عيد خيبـر خلي خصمك يرتجف
وادري عنك حيدره مايختلـــف
واقلع الباب الوراه سبعين الـف
وخل يشوفك جيش ابن مرجانه
صاح يبن ازياد آنه ابن الجبـــل
الدين بيكم مات بس بينه عدل
الزهره امي وانته ابن ام الجمل
الدنيــــه وياكــــم والله اويانـه
اليوم من انطيح وانسيل الدمـه
باجر القائـــم يبشـــر فاطمــــه
من دماكم راح يشرب صارمـه
ابكربله ابنفس المكان اهنانـــه
أحمد الهلباوي
نتكاتف إيد بإيد وانواجه جيش ايزيد
قصائد محرم
****************************************
قصيدة( عترة حَيْدَر)
-٧٤-
نتكاتف إيد بإيد وانواجه جيش ايزيد
خَل نظهَر يالأكبر
وانواجه جيش ايزيد
***********
لَوّح السيف ابيمنته جاسم وناده الأكبر
متجمّعه اجيوش العِده والجيش كِلّه اتعسكر
خَل نبرز السوح الوغه وانگابل اجنود الشَر
وانشوُّف افواج الخَصُم مِنهُمّه عترة حيدر
سِل سيفَك يالصنديد وهِم نَفسَك خَلْنه انبيد
هالعسكر يالأكبر
وانواجه جيش ايزيد
**********
يامَن الجَدّي المُصطفى وارث صرت لاوصافه
جيت وعفت ذاك العرس والحِنّه والزفّافه
ماريد فرحه ووالدك خَصمه شِهَر أسيافه
أرد عمّي ابمهجتي ويگول عنّي وافه
گوم انهض نفدي احسين يبن العَم واحنه اثنين
مِن حيدر يالأكبر
وانواجه جيش ايزيد
**********
حطني اعله ساعد يمنتك جاوَب شبيه الهادي
وهاليوم يومي وصارمي بالموت يصْبَح حادي
وبسيفي ياجاسم جثث أگلبهه گاع الوادي
وهاي الجيوش الحاشده تسمعهه غوث اتنادي
ناده القاسم حَيّاك غيرتلي وبس أنخاك
اتهز البَر يالأكبر
وانواجه جيش ايزيد
*********
جَر سيفه الاكبر واتجهْ صوب الخيام الأُمّه
ودّعهه والاُم ابحزن صارت لابنهه اتضمّه
والتَمَن ارباب الخدِر صارن ينوحن يَمّه
ومِن بَعَد هالنسوه نهض ودّع ابوه وعَمّه
بوداعه اويه الوليان گالوله دورك حان
عالمُنكر يالاكبر
وانواجه جيش ايزيد
*********
من عُگب توديع الاهل غضبان طَب للحومه
ولخصومه وسط المعركه بالسيف ليهم أُومه
إعليهم حِمَل حَملة علي من يحمل اعله اخصومه
مرتابه خلّاهه العِدَه من حملته ومهمومه
كَرّر كَر الكرّار وخلّاهه اتصيح اشصار
ياهو الكَر يالاكبر
وانواجه جيش ايزيد
*********
جاسم ايعاينله بُگه ابهِمّه وعزم وينُظره
من صال ابن عَمّه وجعل روس وجثث متطشره
ومن شافه. غدروه العِدَه وطاح ووگع من مُهره
جاسم اتفجرت دمعته وصاح وصرخ ياحَسره
يالأكبر تجري ادموم آنه الدَمّك هاليوم
راح أثْأر يالاكبر
وانواجه جيش ايزيد
**********
شبل الحَسَن سَل صارمه وللعده ابهيبه اتقدّم
ظَل يضرب ويصرخ علي كل ضربه الك يبن العَم
هاليوم اخلّي الغدرتك لِرْچابهه ايفيض الدّم
وماعوف سوح المعركه ومثلك اريد اتخذّم
خَلْهم يفروني الگوم ياخذ ثاري القيّوم
بالمحشر يالاكبر
وانواجه جيش ايزيد
*********
كلمات خادم اهل البيت( عليهم السلام)
الشاعر-مهند قاسم الكاظمي
قتَل الله قوماً قتلوك
الامام الحسين يدعو على قتلة
ولده الاكبر
قتَل الله قوماً قتلوك
°:°:°:°:°:°:°:°:°:°:°:°:°
يبني ما بالگوم ذرة عاطفه
يبني كسرو بيك گلب المصطفه
يبني من بعدك على الدنيا العفه
شبه طه ولكن انكروك
°:°:°:°:°:°:°:°:°:°:°:°:°
الله يگطع رحم كل من گطَّعك
الله لا ينطي التِشّفَه بمصرعك
الله ياخذ عمري گبل اموادعك
ابعد الله قوماً ابعدوك
°:°:°:°:°:°:°:°:°:°:°:°
يا علي عطشان چبدك ما روه
يا علي طولك مثل غصن التوه
يا علي اتمنيت لو متنه سوه
بسيوفٍ ونبلٍ شيعوك
:°:°:°:°:°:°:°:°:°:°:°
بيك يوليدي يهنياله الحضه
بيك يزهي چان بعيوني الفضه
بيك اشوف المصطفه والمرتضه
ليتَ قومي بعيني ينظروك
:°:°:°:°:°:°:°:°:°:°:°
وين هاشم تجي تحمل جثتك
وين حيلي مالي حيل لفرگتك
وين وجهك وين راحت بسمتك
بدماكَ حبيبي خظبوك
:°:°:°:°:°:°:°:°:°:°:°
بالخيم وسدتك وظليت انوح
بالخيم امسح واعدد بالجروح
بالخيم متعجب وظلت لي روح
في فؤادي جراحاً اودعوك
:°:°:°:°:°:°:°:°:°:°:°
✍️ ياسر حسن
تعليقات
إرسال تعليق