علي الاكبر برز ➖ أبعلو صوته أرتجز
علي الاكبر برز ➖ أبعلو صوته أرتجز
أنا علي إبن الحسين إبن علي➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
طالع عزيز أحسينه➖يامحله زود إيمينه➖من شاهدته أسكينه➖هلهلتله
الشامه تضوي أبخده➖مشيت محمد جده➖للخيمه أمه أترده➖سبكتله
يوليدي ليحسدونك➖فدوه السواد أعيونك➖نصبة علي بمتونك➖إي كلتله
يواحد بالحسن➖ يريعان وغصن
عشگي الاخير أبني علي والاولي➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
أوصاف الرسول أوصافه➖إينام العسل بشفافه➖يوسف أظن لو شافه➖يطبر راسه
أشتعرف زليخه أبعشگه➖أبيوسف وحبه أشتلگه➖بس الفراشه أتشبگه➖جي حساسه
شاغل دليل الورده➖أتحبه مدري أتحسده➖لو شاهده اليتعده➖يكره ناسه
يسر القل هوه ➖ يقانون الضوه
أشبيهه الشمس لو شاهدتك تنجلي ➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
أسكينه كحله أبعينك➖وامك علگ بيمينك➖معشوگ گلب حسينك➖ونص روحه
كلهم هلك يهوونك➖إيحبونك إيعشگونك➖تسكن رقيه أظنونك➖المجروحه
أبن أخو الكافل عمتك➖ومروي دلال أختك➖عمك گمر يا بختك➖كله أملوحه
گمر عمك گمر ➖ حجي أشفافه نهر
عمك شجاع وسيفه نار وتصطلي ➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
لو حيته الملزومه➖يلجم جروح الحومه➖ما ضايعات علومه➖بعده أبحيله
عطر الورد يشتمه➖الحنيه قطره أبدمه➖للحومه طب وأمه➖تندعيله
صولاته وسط العسكر➖تشبه سياسه حيدر➖زلمه خشن ومعتبر➖أعله كحيله
إيتمشه أبرهدنه➖ علي الاكبر أنه
أضربكم بالسيف حتى ينثني ➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
مو معركه جن فرحه➖كاشخ أبروحه السمحه➖بيده يفر بالسبحه➖يامحلاته
جفية أبوه تحلاله➖لمة فراضه أعگاله➖ما يشبه أبدا خاله➖كل صفاته
نسخة أصل من حيدر➖بس ماكو باب وخيبر➖سيطر عليهم سيطر➖أبصولاته
يگص روس ولسن ➖ يگص يسر ويمن
ويردهم العصر الظلام الجاهلي ➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
أبجمع العده لو ناده➖إيطيح أگلوب القاده➖الوارث عزم أجداده➖من يدناله
اليشرد يخلص روحه➖واليبقه أمه أتنوحه➖طگات إله مملوحه➖بالخياله
شتتهم وطشرهم➖وبسيفه رد ولمهم➖روه الارض من دمهم➖أو لاباله
جمع سبعين الف ➖ نزل بيهم خسف
أطعنكم بالرمح حتى ينثني ➖نحن وبيت الله أولى بالنبي
✯✯✯✯✯✯✯✯✯✯✯✯✯✯✯✯✯✯✯✯✯
الشاعر حسين باهض الحلفي
هاه علي اوياك يالأكبر
بسمه تعالى
المستهل
هاه علي اوياك يالأكبر
... هاه علي اوياك
"ليله" تنخاك يالأكبر
... هاه علي اوياك
هذا يومك يا علي
يبني يبرالك "علي"
هاه علي اوياك يالأكبر
... هاه علي اوياك
للحرب أوّل فدائي
... اختاره ابن خير العمل
ݘان گلب حسين عنده
... اوياه للحومه نزل
ايذكره ابحامي دخيله
... عالكتايب لو حمل
اشلون راح ابفتح مكه
... إيهدم اللّات وهبل
صاح راعي المرجله
او صاحت اوياه كربله
الله يرعاك يالأكبر
... هاه علي اوياك
علگت بالطف روايا
... او دگت اطبول الحرب
كأن ملك الموت حاضر
... والمنايا ابكل درب
بيها فرسان آل أميه
... مرّت ابموقف صعب
"ياعلي" "وهل من منازل"
... شكلت حالة رعب
يسمع أمه اتحشمه
تصيح يا حامي الحمه
اوشد على إعداك يالأكبر
... هاه علي اوياك
ابصدر ابو السجاد حسره
... أشد من نار الظمه
وحده بين الگوم الأكبر
... موقف ايبݘي السمه
گبل إخوته او ولد عمّه
... للمعارك قدّمه
او عين ابو اليمه اعله إبنه
... من رجع لمخيّمه
ابراس إبن غانم رجع
او صوت ابو اليمّه ارتفع
يبني حيّاك يالأكبر
... هاه علي اوياك
ساحة الميدان هاجت
... والشمس ضيها إختفه
من عجاج الخيل ݘنها
... اعليها هبّة عاصفه
امنين ما يخطف عليها
... اتظل جثث متخالفه
تحت أمره الحومه صارت
... ݘن زلمها امݘتفه
او صوت عمته امن الخدر
اتنادي بت فارس بدر
الهاي ردناك يالأكبر
... هاه علي اوياك
ثار شبل حسين بالطف
... سجّل أعظم مفخره
تفخر الأجيال بيها
... وكل عصر تتذكره
إمنين يطلبها المراجل
... والعزم والمقدره
حيدر الكرار جدّه
... أو عمّه سبع الگنطره
ذوله فرسان العرب
يا علي ونعم النسب
ربّك أنطاك يالأكبر
... هاه علي اوياك
خادم أهل البيت (عليهم السلام)
أبو حيدر المجراوي
محرم 1436 هــــ
يالرديت يوسف من مغيبه
يالرديت يوسف من مغيبه
سالم ريتك الأكبر تجيبه
بالحومه تأخر
مارد علي الأكبر
۞ سالم ريتك الأكبر تجيبه
منّك ما تبرينه
علي ابسوح المنايا او بعد ما رد
روحي اوياه أخذها او ربي يشهد
إلاهي إبجاه ابو الزهره محمد
كون ابني ترده او گلبي يبرد
خطاري الحزن صار ابغيابه
او بعيوني الفرح مسدود بابه
غاب او الله يستر
مارد علي الأكبر
۞ سالم ريتك الأكبر تجيبه
منّك ما تبرينه
يا رب تيهت فكري الليالي
او بالطف صار حال الظيم حالي
گلبي اعله الولد والولد غالي
بالحومه او عليه مشغول بالي
أدعي ابهاي الأوضاع المريبه
يا فگد الولد أعظم مصيبه
جمر افراگه يسعر
ما رد علي الأكبر
۞ سالم ريتك الأكبر تجيبه
منّك ما تبرينه
الموت أهون ولا فرگه الأحبه
او كل خوفي نضيع ابدار غربه
آنه ابخيمتي او عيني اعله دربه
او ساعات انتظار الولد صعبه
مل مني الصبر يمته يجيني
دوم اعله الدرب مشبوحه عيني
او نار أوهامي تكبر
ما رد علي الأكبر
۞ سالم ريتك الأكبر تجيبه
منّك ما تبرينه
يالأكبر إالك عمري نذرته
تعال الخاطر الليل السهرته
يا أجمل حلم آنه انتظرته
محتاجه الوداعك وينك إنته
أريدك تحضر اوداع الغريبه
منيتي اوداعتك صارت جريبه
ردتك هسه تحضر
ما رد علي الأكبر
۞ سالم ريتك الأكبر تجيبه
منّك ما تبرينه
آنه إعله الجمر مجبوره أتاني
وأسأل ليش الأكبر ما إجاني
والله اتحيرت والهم دهاني
مدري اشظاملي بالطف زماني
مرعوبه او عشت لحظه رهيبه
من خدري اسمعت صرخه عجيبه
ليله إبنج توذر
ما رد علي الأكبر
۞ سالم ريتك الأكبر تجيبه
منّك ما تبرينه
خادم أهل البيت (عليهم السلام)
أبو حيدر المجراوي
محرم 1436 هــــ
مثال التضحيه الأكبر
مثال التضحيه الأكبر
تربّى ابمدرسة حيدر
بطل من مدرسة أبطال
رمز بيه تقتدي الأجيال
مثال التضحيه الأكبر
تعال إسمعْ بعض ما دار
... ابحديثه القائد الثوره
مدام احنه اعله حق مشروع
... او عدنه ناضجه الفكره
سواءاً نوگع اعله الموت
... أو يوگع علينه أمره
ما نهتم يبو الأحرار
... قسم لو متنه ألف مرّه
قدر والموته ما تفرق
كلام ابغاية المنطق
او كلامه إعتبرته العقّال
رمز بيه تقتدي الأجيال
مثال التضحيه الأكبر
إمن اكبر جامعات الكون
... علي الأكبرأخذ علمه
درس في روضة التوحيد
... تحت ظل شجرة العصمه
ترعرع والليالي اتدور
... إو صار ابعين أبو اليمّه
من يجفي علي الكرار
... او من يقبل نبي الرحمه
الجسم جسم القلع خيبر
الوجه وجه النبي الأزهر
او كلمن شاف الأكبر گال
رمز بيه تقتدي الأجيال
مثال التضحيه الأكبر
ضِحى العاشر أبو السجّاد
... بعد ما خلصت أنصاره
گبل كل الهواشم راد
... يجسّد صبره وايثاره
چا ن اول فدائي اهناك
... شبيه المصطفى اختاره
مشت روح الحسين إوياه
... او گعد يتنطر أخباره
أبوه إيسمعه من كبّرْ
او نزل عالحومه موت أحمر
چفاها او طشّر الأرتال
رمز بيه تقتدي الأجيال
مثال التضحيه الأكبر
مثال التضحيه ابن حسين
... راح ايسطّر أمجاده
او يعيد ابهالحرب تاريخ
... أبوه او عمّه واجداده
ينازل مجتمع منهار
... علن حربه على أسياده
وتبع وين الطليق الضال
... او نصَّبْهم عليه قاده
خطب بالمعركه وذكّر
عدوّه ابساعة المحشر
ترك بالطف أثر لا زال
رمز بيه تقتدي الأجيال
مثال التضحيه الأكبر
إبيوم الطف رواة الگوم
... كتبت عن بطولاته
بطل يشبه لبو الحسنين
... عليالمعروفه حملاته
اذا قرر يشد عالجيش
... ينكس اعلى راياته
او تحت أمره المعاره اتصير
... او تنصاع القراراته
كسر هيبة حشود الشر
او تحدّى قادة العسكر
ابصموده انضربت الأمثال
رمز بيه تقتدي الأجيال
مثال التضحيه الأكبر
خادم أهل البيت (عليهم السلام)
أبو حيدر المجراوي
محرم 1439 هــــ/2017 م
مالت والميلها الاكبر
#القصيدة_الرابعه_للاكبر_عليه_السلام
————-
نزله
***
مالت والميلها الاكبر
طب بفقاره وزمجر
صاح .. خل تبرزلي الابطال
صاح .. وعليهم صال وجال
مالت والميلها الاكبر
....
صاحو هذا الاكبر .. لو هذا الهد خيبر
لو حمزه من تنكر .. لو هذا حسين ازغر
گاللهم اني اسمي .. كل الي كلتوهم
من ارفع صمصامي .. بالضربه تشوفهم
من يضرب صاحو ابتر
طه بسيفه ويتبختر
موت .. ضرباته عليهم سال
صاح .. خل تبرزلي الابطال
مالت والميلها الاكبر
.....
نار تصب عيونه .. فنهم ويلاكونه
من يدنه يعرفونه .. الموت من يشوفونه
يضرب گام بكيفه .. يمنه ويسره عليهم
يتبختر بالميدان .. عصف ويخبط بيهم
يشرد وين اليدناله
الجيش الموت اتراواله
وين .. من سيف اليشرد گال
صاح .. خل تبرزلي الابطال
......
اكبر كبر وبصوت .. گال انه عليهم موت
اليوصل يمي ومبخوت .. ميرد اله بتابوت
فر سيفه وصاح بزود .. لا يبرزلي اله القاده
وخل يعرف يم ضرباتي .. ألموت اصبح ميعاده
عرفو كل اهل الميدان
للموت عليهم عنوان
حيد .. اليوصله بسيفه انشال
صاح .. خل تبرزلي الابطال
مالت والميلها الاكبر
....
شاب بعمره ومحلاه .. مبتسمه الدنيه وياه
من طب للجيش انطاه .. دروس بضربة يمناه
غير لون الشجعان .. وخافت يوصل ليها
يدرون بطگ يمناه .. من حيدر راويها
راويها بضربة حيدر
معروفه الطگه التشطر
موت .. من تنزل ع الانذال
صاح .. خل تبرزلي الابطال
مالت والميلها الاكبر
.....
غيره وزود افعاله ..منهو الي يدناله
الراجل والخياله .. .. من يوصله اگباله
بس يأشر سيفه .. ما رد منهم واحد
سيل الضربه وتنزل .. ما يبقه الهم شاهد
يعصف بالجيش بزوده
كل اليدنه اعله حدوده
موت .. ما يبقه الهم امال
صاح .. خل تبرزلي الابطال
مالت والميلها الاكبر
.....
من هاشم ماخذ طبعه .. يخجل جن لون الشمعه
لاچن لو سيفه يرفعهه .. بس لو منصور يرجعه
يرجع صوته يكبر .. يوصل يم حسينه
يشبكه بروحه الترفه .. ويبوسه بنص عينه
ويوعده بجنه وكوثر
وطه عليه يتنطر
گام .. رد وبمشيه الاجلال
صاح .. خل تبرزلي الابطال
مالت والميلها الاكبر
.....
حيدر عيسى البديري
طمنوني طمنوني
#القصيدة_الثانية_للاكبر_عليه_السلام
————-
طمنوني طمنوني
عن علي بس طمنوني
جاوبوني جاوبوني
ابني يرجع جاوبوني
..................
طمنوني عن علي بارض الطفوف
نزل للميدان ميدان السيوف
ميته ريت وريت عيني ما تشوف
كمر ابني وواكف بنص الالوف
علموني علموني
شنهو حاله علموني
جاوبوني جاوبوني
ابني يرجع جاوبوني
...........
ياحسين الكلب ذاب من الحزن
والله لو مارجع ابني والله اجن
كله اسكتي برز صوب اقوه المحن
بالاسانيد اسمعت للام دعاءاً ممتحن
ياجنوني ياجنوني
ادعي اللهي ياجنوني
جاوبوني جاوبوني
ابني يرجع جاوبوني
................
وكفت الساتر الخيمه وحرب ابنها
رجع يمها حسين حلفها بضعنها
دعوتج بس يرجع ابنج هذا ونها
الاملاك اتهايئت تكلب وطنها
لا يجوني لا يجوني
بجاه زينب لا يجوني
جاوبوني جاوبوني
ابني يرجع جاوبوني
................
ياللهي يوسف وشافيت ابوه
ويحيى من الحوت باسمك طلعوه
ونوح بالطوفان فلكك انقذوه
وعلي والطير المحمد خلصوه
خلصوني خلصوني
من محنتي خلصوني
جاوبوني جاوبوني
ابني يرجع جاوبي
......
حيدر عيسى البديري
جمع بين النبوه والامامه... علي الاكبر صلاة الله وسلامه
جمع بين النبوه والامامه... علي الاكبر صلاة الله وسلامه
علي وياسين والكوثر... علي الاكبر علي الاكبر
.............
ابدي عيوني طاسة ماي بخدودي
واسويهن زرك من الطم زنودي
للاكبر يروحي تبرمكي وجودي
اشلعي ضلوع من صدري وبعد زودي
صريخ الفاكد الاكبر اريده ... تسمعه الطرشه لو جانت بعيده
صيح وهزه للمنبر.... علي الاكبر علي الاكبر.
...................
اهيل تراب فوكي وينوصف نوحي
واطين راسي لكن ما شفت روحي
رايد صم ملح بيه الجم جروحي
ميت لو يمر طاريك اطك لوحي
اطر تابوتي واصرخ يا مصابه ... هيلو على الجفن صم من ترابه
يشفع ليه بالمحشر... علي الاكبر علي الاكبر.
...................
لولا المستحه جا شكك هدومي
واتعرى واسولف حزني وهمومي
واصرخ حد اطبك حبال زردومي
وانصب لك عزاء بطول كل يومي
ساعه شلون انصب لك عزائي ... يومك يا علي طف كربلائي
ادك زنجيل واطبر... علي الاكبر علي الاكبر.
...................
سولف لي الحسين شلون من شافك
محمد والجروح مغيره اوصافك
لون الموت الاكبر للحشد عافك
احط مدري شكثر نجمات لاجتافك
يا قائد سرايا الله ومحمد ... تعال الطف رجع والدم تجدد
بعدها راية اهل الشر ... علي الاكبر علي الاكبر.
...................
اخاف الجم ضلعها الزهره باحزاني
ما دك باب زينب يوجع لساني.
راح اسكت واعوف لفكرك الواني
وانته ارسمها زينب كاعده اتاني
ساعه وما رجع الاكبر عليها ... طيحت نص وجهها بجف اديها
صرخت وانته تتصور ... علي الاكبر علي الاكبر.
...................
خادمكم محمد المالكي
طاح الاكبر يالكمر – وانكسر ظهري يخوية افزع يعباس
طاح الاكبر يالكمر – وانكسر ظهري يخوية افزع يعباس
طاح الاكبر يالكمر – كلب اخوك اموذر وتتشمت الناس
خوية ياعباس افزع - كلبي عطشان وتكطع
----------------1----------------
طاح الاكبر يابو فاضل طاح الاكبر
طاح مابين الاعادي وكلبة يسعر
تدري سيف العطش وذر جبده وذر
ماسكوه ماي السيوف بنحره تنحر
طاحت اوياه الشمس – وانكسر وجه النهار وغطته غيوم
طاحت اوياه الشمس – صعدت دموع الرضيع ومطرت دموم
والشمس مابعد تطلع - كلبي عطشان وتكطع
---------------------2------------------
هذا وكتك يابو فاضل وانت سكاي
بلكي جفك يمطر بحلكه اليبس ماي
انت رفعت راسي انت ورافع الواي
اليشبه الهادي تكطع شيله وياي
جنه جدي المصطفى - ونزلت اعليه السيوف بغار حراء
جنه جدي المصطفى – ابني قرأن وتقسم صار اجزاء
كل جزء بالدم تشرع - - كلبي عطشان وتكطع
-------------------3---------------------
خوية باب امي عصرني وكسر ضلوع
عين زينب غيمة ظلت تمطر دموع
شافت الاكبر تمدد يمي مصروع
وانت كافلهه وتشاهد اختك تلوع
انطبر راس المرتضى – بطبرت الاكبر يصيح بصوت جبريل
انطبر راس المرتضى – انهدمت اركان الحسين وبجه التنزيل
واليموت شلون يرجع - كلبي عطشان وتكطع
-------------------------4----------------------
شيله ياعباس للخيمه نوديه
امة ليلى ابكل وكت تنشدني اعليه
خوية كلساع تكلي اشبيه مابيه
عدهه بس دموع بيهن خل تداويه
نمتلك بس الدمع – اذن اذان الدمع بعيون الحسين
نمتلك بس الدمع – ماتنشف دموع زينب الا جفين
عالترب كلبي توزع - كلبي عطشان وتكطع
-----------------------5-----------------
اشهد ان محمد نبي الاسلام
ليش يتكطع شبيهه وينزف اسهام
اشهد ان عليا ابا الايتام
ليش يتطبر حبيبه وينزف الهام
على التل الفاطمي – وكفت جروح الغريب ابيت الاحزان
على التل الفاطمي – بين باب وبين سيف انذبح قران
فاطمة بهالوعة تسمع - - كلبي عطشان وتكطع
---------------------------------ت---------
حيدر موسى الرميثي
يالاكبر لورحت مني يـــــيمه
يالاكبر لورحت مني يـــــيمه
اموت من البواجي وعيني تعمه
انت النفس والروح يبني ورايد تروح
شجرتك روحي جذرهه اسكيهه احساس وخواطر
لوتموت تموت روحي تجري دم تبقى النواظر
من تغيب احسبني ميته واحيه يبني لون حاضر
ربيتك بدمعي اليصب لورحت عني للحرب
خليني وياك انصلب خل ترض صدري الحوافر
جسد انه ييمه وانت الي الروح
لوتطلع اموتن عني لتروح
مااتحمل جروح يبني رايد تروح
كسر كلبي حسين يبني من يشمك يجري دمعه
دمعه تحجيلي المصيبه ودمعه تحجيلي اعله وضعه
خاف كلب حسين يوكع سيوف اميه اتظل تكطعه
كطعو كلبي ابطيحتك سيوف الاعادي طعنتك
يالاكبر وما رحمتك اوصال جسمك من توزعه
اجاك حسين يبني وعيني اجتك
تطيح اعيوني وياه اعله جثتك
اتكطع كلبي بالنوح يبني رايد تروح
اتوذرك سيوف المنيه طيحتك يبني مصيبه
طاح ابو السجاد يمك روحه متوذره وخضيبه
نار العطش نار الجرح بنار جتلك شب لهيبه
2
زينب يالاكبر نادته جسمه الموذر نظرته
هذا ابن اخوهه الشبكته تون مهظومه الغريبه
زينب تبجي وتنادي يمظلوم
اعليمن وذروك وليش مظلوم
دمك ليش مسفوح يبني رايد تروح
حسين مايكدر يشيلك شالتك يبني اخوتك
الخيمتي جابوك مدمي كمت انشدك عن سكوتك
يبني حاجيني انه امك يبني مشتاكه لصوتك
تدري انه امك يالولد جاوبني مو كلبي انمرد
تكعد يما تكعد بعد لو اموتن ويه موتك
هوايه جروح انظر يالولد بيك
بس دمعات عندي ابيش اداويك
يبني اكبالي مطروح يبني رايد تروح
عمك العباس يبني ماي راح يجيب النه
يبني بس تكعد اوعدك راح اشربك يبني منه
يبني اغسلك جروحك ابماي عيني ياضخرنه
انهض لبوك بغربته استعجل ييمه بنصرته
انذبحو يلكبر اخوته ترجع تنصره تمنه
عمك منطبر وانغدر عباس
ظلت عالشريعه اجفوفه والطاس
وانت وليدي مذبوح يبني رايد تروح
3
يبني يالاكبر مصابك نار وي خيمنه تسعر
حركوا خيمنه يالاكبر وشردت الايتام بالبر
يبني حتى الطفل ماظل انذبح عبدالله يالاكبر
جم طفل بالخيل انسحك جم طفل بالنار احترك
جم سوط لمتونه لحك يبني والقاسم توذر
ماسلمت يالاكبر حتى الخيام
مارحمو يالاكبر حتى الايتام
نار امصابك تفوح يبني رايد تروح
طيح حسين المثلث وحده ظل وماله ناصر
يحشم ومحد يسمعه سمعته بس الخناجر
سيوف نامت فوك جسمه كوم انصره لون كادر
يبني نزل ليه الشمر شوفه تربع عالصدر
سيفه يحزراس البدر انكطعت انفاس النواظر
بمصاب الاكبر ننفجع
ليله تصب دم ودمع
نواسي الغريب وننصدع
لحسين كسرو جم ضلع
يبني بطيحة حسين انولينه
حشمنه يالاكبر ماتجينه
يبجي ادريس وي نوح يبني رايد تروح
...........
حيدر موسى الرميثي
علي الاكبر تشوفونه
#القصيدة_الثالثه_للاكبر_عليه_السلام
————
علي الاكبر تشوفونه
النبي من تنظر عيونه
نزل والخجل يحله
مثل جرت الكحله
علي الاكبر
جيش الشافه تحير تغير لون واحتار
هذا الي نزل منهو النبي لو هذا كرار
اثار الجدم من الملائك ماخذ اثار
نظرة عينه نور ويشتعل باطرافها النار
تحير من نظر صوبه
بمشيته يسطر اعجوبه
يشوف الجيش كله
مثل جرت الكحله
علي الاكبر تشوفونه
...........
قبض روح الهواشم من نزل يمشي
يسوه الدنيه كلها وبيها هم كلشي
حسين من اعتناله روحي بي تغشي
يكله ياترافت هوه وي رمشي
تبرگع لا يشوفونك
اخافاً لا يحسدونك
بيك الكون ابدله
مثل جرت الكحله
علي الاكبر
...........
علي واسمه علي وبوصافه بين الناس
يعرفه الما يشوفه يشوفه بالاحساس
من جرت النفس تسبيح بالانفاس
معروف بوصف مو عالبشر ينقاس
اذا همك صفاته
اخذهن من صلاته
النبي لو ردت امثله
تواضع هيبه شكله
مثل جرت الكحله
علي الاكبر
......
رجز بين الكتايب سيفه ابابيل وتطشر
عله خشوم الجيوش انطه الامر وبأيد اشر
نزل عزريل لم ارواحها يمه وكبر
وصاح انت علي الكرار انت كبالي تزئر
اسد حيدر الاكبر
عليهم صوته زمهر
يجر ارواح مثله
مثل جرت الكحله
علي الاكبر
.......
حيدر عيسى البديري
ياقل هو الله احد --- انخاك وانه ام الولد
الشاعر ظاهر حبيب الهليجي
ياقل هو الله احد --- انخاك وانه ام الولد
من الحومه رجعلي علي - سالم علي ترده الي
---
ام الـولـد من تـنـتـظـر لوراح ابنهـــــــه
حسبة يروح وما يرد تـبـقـه بـذهـنهــــه
ليله وي الاكبر هل المسه يودع حضنهه
امـك يـبـعـد امـك تظـل يـلهب حزنهــــــه
ودعـت الاكبــر للــذبـــح --- ياجرحي مامثله جرح
روحي وضناي وكل هلي --- سـالـم عـلي ترده الي
---
يا رافع السبعه العلا كلبــي تصــــــــدع
جن اعرف وليدي علي مذبوح يرجــع
من كثر شوغاتي احس ابروحي تطلـــع
وعيوني من كثر البجي ما بيها مدمــــع
روعة بنينه المصطفى --- بوليدي كلمن وصفه
كلبي بمواجع يمتلـــي --- سالم علي تــرده الــي
---
شيعوض الراح ومشه من بين اديــــه
الماي اليطيح اعله الارض شيلمه اليه
ووليدي ودعته لسيوف الغاضريـــــــه
وانته الجليل بقدرتك رده عليــــــــــــه
فراك الابن كلش صعب --- لينتظر موته بالحرب
ليل الحزن ما ينجلي --- سالم علي ترده الي
---
بكر ابن غانم من برز يطلب نزالـه
انخه بمدامع هاملـه رب الجلالـــــه
ام وضناهه بالحرب تنظـر قتالـــــه
اتباصر بلوعه والم شنهو الجرالـه
ادعي بمدامع هامله --- تحفظلي ابني بكربله
صوتي بونيني يعتلي --- سالم علي ترده الي
---
مرعوبه اخاف بكربله مذبـوح اشوفـــه
وامشي سبيه وعل الارض ابني اعوفه
ياجرح الموادع صعب وين اليروفـــــــه
ابقه حزينه وعايشه ونطر طيوفــــــــــه
ربيتك بدمع النظر --- تاليهه فاركنه الدهر
حرمه وغريبه بلا ولي --- سالم علي ترده الي
--------------
جفنـــي...ذبل من السهـــــر
جفنـــي...ذبل من السهـــــر
ونّـــــي...يفت حتّه الحجـــر
منّـــــي...أخذ حيفه الدهــــر
...........................................
ذبلت اجفوني من السهر واتحسّر واونيني فت حتّه الصخر يالأكبر
يتشفّه من عندي الدهر واتصبّـــر أركض وراك وأندبك واتعثّـــــر
أعثــــر..واصيح بلا وعــــــي
يكثـــــر...ونيني اومدمعــــــي
يبنـــــي...صحت كَلبي انكسر
....................................
يايمه لاترحل وانه اتخلينـــــي يــوليدي مـــوتدري الدمع يعميني
يايمه أرحم مابقه من اسنينـــي وارحملي دمعي ولوعتي وونيني
أبجـــي...وانوح اعله الدرب
أحجــي...واصبّـــر بــالكَلب
عنّــــي...مشه وليدي بسفــر
......................................
كَمت الدرب من الدمع مااشوفــه وشتسوّي كل أم عالولد معروفه
بالمهجه هجرك يبني حط سيوفه والوالد بحيره وغرب بطفوفـــه
نـوحـــي...بعد مــــــاينكَطع
روحــي...بــــوداعك تنفجع
جنّـــــي...سفينـــه بلابحـــر
كل يوم ارتلك من جنت قرآنـي عكَب الربه وتعب السهر تنسانـي
اللهُ أكبـر لـــوكَلت بـــــآذانــــي أتذكر اسمك يــــالــولد تلكَـــانـــي
أقــــــره...ويهل دمع الحــــزن
زهـــره...انكَطعت من الغصن
يحنـــي...وداعـك كـل ظهـــــر
......................................
بستاني ذبلت من رحت أزهاره وادموعي فوكَ الخد بدت تتجاره
مـــــــاتنفــع بكَلب الفكَد أعذاره وامك يالاكبر عالدرب محتــــاره
بعــدك...تحير ويـه المحـن
فكَــدك...كسر ظهر الزمن
أَبنـــي...ويهدّملــي القـــدر
....................................
ناديتك وروج الهظم بعيونــي وهجرك اوموتي توسدن بظنوني
يالأكبر بفكَدك لمن يسبونـــي أتذكرك واسيــــــاطهم بمتـــونــــي
خدري...أذا راح بيســــر
أدري...أسير ويه الشمـر
ظنّـي...وره الهزّل عثـر
علي صابرالسراي (نسألكم الدعاء)
ياحبيبي رايح بدرب المصايب للمنيه
ياحبيبي رايح بدرب المصايب للمنيه
ياحبيبي يمه يالأكبر يشمس الغاضريه
..............................................
يمه ياشمس الضوه يانسيم من الهوه
جفني منك ماروه والله يمه
ياللي ربيتك عمر جبته كل شبر بنذر
تعبي لتراب الكبر وسفه اضمه
أدعي ليك بكل فرض وتدعي وياي الأرض
بكلبي يالعايش نبض وانته همه
ياصلاة العاطفه يمه عالدنيه العفه
يبجي ليك المصطفى بهالملمه
والصميده وهاي اجت مجروحه يايمه الزجيه
ياحبيبي يمه يالأكبر يشمس الغاضريه
.............................
الكمره منك تستحي ويقره بانفاسك وحي
الذنب يمك ينمحي ياصلاتي
بالصلاة امعلمه تخشع وياك السمه
ياغصن من فاطمه وأمنياتي
يالمثيلك مايصح الكطره من نورك صبح
أبقه بغيابك جرح كل حياتي
ياضوه بعيني اونظر ياكمر شايل كمر
ترسم عيوني صور ذكرياتي
يمه ويلي يالوداعك تارك ابكلبي رزيه
ياحبيبي يمه يالأكبر يشمس الغاضريه
.........................
يمه تحسدني النسه اتقبل ايدي بكل مسه
انته يالماتنسه بعيني دمعه
يالضوه اتشع جبهتك ومثل عمك هيبتك
من دعاك اوسجدتك عمري شمعه
يالدموعك سابله من تحين النافله
عمرك من انحلله يساوي ركعه
من ثمر كل دنيتي يبقه وني اودمعتي
والجروح اوعبرتي واكعد انعه
من رباتي من بعد كل هالعمر تبقه العزيه
...........................
من يمر ليل الهجر يعثر ابكلبي الصبر
وابقه كل ليله احتضر من حنيني
راسي شيب من كلت مودعه بالله او رحت
مدري ليش اومامتت من أنيني
ألزم لجام الفرس واطلب من الله النفس
والثره بدمعي انترس تجري عيني
كلبي لاجمني وأحس بعمري ماتشرق شمس
وانته يا نفس النفس ماتجيني
كلبي يدري ياحبيب امك فلا ترجع أليه
......................
حسينك اوعمك أجو وكفو اكبالك بجو
وكلمة اوداعك حجو وي حناني
ويه نيراني التشب حته مهرك ينتحب
وتهتف جروح الكلب فاركاني
الله يعلم ماألي بدنيتي غيرك علي
منكسر ظهره الولي يازماني
يمه لمن تنضرب كلبي يوكع عالترب
وتنبت اسهام الحرب وي أذاني
شرد اكلهه لوطحت عمتك ييمه الفاطميه
.......................
واكفه اباب الخيم بلكي يرموني بسهم
ونحري ينزف منه دم ياعذابي
وموتي يسبك موتتك ونحري يسبك ركبتك
ولا أعيش بروحتك وي مصابي
يالعليك امعلمه أرد اموتن بالظمه
وارتوي بنزف الدمه من شرابي
وعمتك أم الحزن زينب اتنوح اوتون
وسكنه تبجيك اوتحن ياكتابي
ورمله تنعه ويم جوادك واكفه او تنحب رقيه
.......................................
علي صابر السراي
نسألكم الدعاء
واويلاه طاح الأكبر/واويلاه گلبي تحير
ــــــــــــ◐◐◐◐◐◐◐◐◐ــــــــــــــــ
واويلاه طاح الأكبر/واويلاه گلبي تحير
★★★★★★★★★★★
هذا الأكبر نور عيوني
سل سيفه وطب للميدان
ظليت أنظر عيني بعينه
چن گلي بويه عطشان
هاك أشرب من دمعة عيني
حتى المدمع هم خلصان
گلبي وگلبك مثل الجمره
يوليدي ومثلك لهفان
واويلاه لسانه تفطر/واويلاه گلبي تحير
★★★★
رد لحسين وضمه الصدرة
آخر لحظه يودعه حسين
يوليدي لو ترحل عني
وين الگه مثلك لاوين
طب للخيمه أو ودع أمك
ودعها وبوس الچفين
خلها تضمك خلها تشمك
خل تشبع منك هالعين
واويلاه تصيح الخدر/واويلاه گلبي تحير
★★★★
ودع أمه ولنها دگله
يالأكبر لتظن أنساك
كل تعبي وكل ليل سهرته
بهاي اللحظة راح أوياك
يامن ضميتك بعيوني
ومابين الرمشين أغطاك
لحظات وراح أنظر جسمك
متخظب من فيض دماك
واويلاه بيش أتصبر/واويلاه گلبي تحير
★★★★
طب للحومه وظلت أمه
تدعي للباري المعبود
ياربي أحفظلي الأكبر
سالم ريته الساعه أيعود
ياجامع يوسف وي أهله
ردلي الأكبر ليه ردود
إدعيتك وأنته إلي تعلم
بحالي وبگلبي الممرود
واويلاه لو مايحضر/واويلاه گلبي تحير
★★★★
لحظات ولن عاد الأمه
عطشان ويتمنى الماي
قطرة ماي أشرب وأتعنه
أتگوه بيها أعله أعداي
يايمه الحر هدم حيلي
جيتچ وأتخطه بجدماي
دگله أشرب ماي عيوني
ياضي عيني هاي وهاي
واويلاه حالة تغير/واويلاه گلبي تحير
★★★★
رد للحومه وبين العسكر
وعين حسين تصد عيناه
لحظات ولن طاح الأكبر
وتخظب من فيض أدماه
الله يساعد گلب حسينك
وشكبره صبره الله
چم محنه چم صورة يشاهد
چم حسرة بصدره وچم آه
واويلاه نايم بالحر/واويلاه گلبي تحير
★★★★★★★★★★★
الشاعر (أسعد قاسم الكريعاوي)
هذا الأكبر هذا الأكبر
ــــــــــــ◐◐◐◐◐◐◐◐◐ــــــــــــــــ
هذا الأكبر هذا الأكبر
ما يتعذر هذا الأكبر
★★★★★★★★
طب للحومه ويسعر جبده
يسحك هذا العسكر وحده
منهو يگدره وحيدر جده
حاشه يخاف وجده حيدر
هذا الأكبر هذا الأكبر
ما يتعذر هذا الأكبر
★★★★
من حيدر وارث كل عزمه
وراث صولاته وحتى إسمه
والعباس الضيغم عمه
وشحجيلك يالسامع أكثر
هذا الأكبر هذا الأكبر
ما يتعذر هذا الأكبر
★★★★
شافه العباس وهد بيهم
ناداه ها ياعمي أعليهم
زلمه اليشرد من أيديهم
واليوگع عدهم يتوذر
هذا الأكبر هذا الأكبر
ما يتعذر هذا الأكبر
★★★★
شد عاليمنه وشد عاليسره
صاير چبده مثل الجمره
وحسين أمن بعيد أينظره
والأكبر يسحگ عالعسكر
هذا الأكبر هذا الأكبر
ما يتعذر هذا الأكبر
★★★★
ماهاب الجيش ولاخافه
إنه أشبه جدي بأوصافه
ليه إيصد كلمن ماشافه
نفس الصورة ونفس المنضر
هذا الأكبر هذا الأكبر
ما يتعذر هذا الأكبر
★★★★
منكم هاليوم أخذ حيفي
وفرسان أتصيدهه بكيفي
وبكرابه مايرجع سيفي
هاليوم أرد صولة خيبر
هذا الأكبر هذا الأكبر
ما يتعذر هذا الأكبر
★★★★
كل ظالم هاليوم أنكله
من عدنه هيهات الذله
لحسين شحدك توصله
خل يسمع كلمن يتجسر
هذا الأكبر هذا الأكبر
ما يتعذر هذا الأكبر
★★★★★★★★★★
الشاعر (أسعد قاسم الكريعاوي )
وليدي يل بعدك شباب وياك اريد أبدي العتاب
ــــــــــــ◐◐◐◐◐◐◐◐◐ــــــــــــــــ
وليدي يل بعدك شباب وياك اريد أبدي العتاب
::::"::::::::::::::::::::::::::::::::::::::::::::::::::::::::::::::
يالولد فركاك هدم حيلي
بلا طعم بعدك يايمه سنيني
عليك انوح ودمع هلت عيني
ودمعي يبني عليك صاب
"""""""""""""""""""""""""""""""""""""""""""""""""""""
يالجنت شمعة وتضويلي الدرب
حقي دمعي عليك ياوليدي يصب
لفركتك يبني احس ذاب الكلب
والصخر يالغالي ذاب
---------------------------------------------------------
جنت احسب وياك اخلصنة العمر
من رحت يبني خذت حتة الصبر
يبني وفراكك عصر كلبي عصر
علة امك تهيل التراب
//////////////////////////////////////////
يبني ما حسبت من عندي تروح
بعدك تخاويني ياوليدي الجروح
صار دمعي سلوتي بعدك ونوح
جرح يتركلي الغياب
---------*******----------*******----------******
امنيتي جانت يبني ازفك بيدي
وافرح بزفتك ردت ياوليدي
بيك اريد افرح وانت وحيدي
حنتك دم الخضاب
---------------------------------------------------..
اللهم تقبل منا هذا القليل بحق الحسين الشهيد
خادم الحسين عليه السلام
الشاعر بلال الدراجي
علي شبه المصطفه بالحـــومه يـزهر
ــــــــــــ◐◐◐◐◐◐◐◐◐ــــــــــــــــ
بسم الله الرحمن الرحيم
علي شبه المصطفه بالحـــومه يـزهر
*
ݘنه جده الـــــــــــهادي والخيمه كسائه
منهه محـــــــلا من طلع سـاطع ضيائه
وجهه شــمس الله وارض الطف سمائه
أعلن ابصـــــــــــــــرخه لبواليمه ولائه
هلال بيــــده مَرهــفه ولــــــــسانه كبر
*
يخطي خطوات الأسد ﮔـــاصد عريـنه
حيدره صـــــاحـــــو برز سيفه ابيمينه
هيــــــــــبته من الحسن نـوره بــجبينه
وغيرة العـــــباس مرسومه اعله عينه
حمزه جدد مـــوقفه مــــن قاتل الــشر
*
روح ابواليمه عــلي وعالموت عازم
قدمه للحـــــــــــــومه أول بني هاشم
وبارز ابسيف الشرف شر الصـوارم
ابصولته الأوله قـــــتل بكر ابنَ غانم
الباري بالعِــــز شرفه ونـــــصره المــؤزر
*
من رجع لحســــين رد ضامي دليله
ذابله اشفافه العِطَش هـــد منه حيله
راد شربت ماي بي يروي غليــــــله
والده بي يشعر ومـــــــــابيده حــيله
روحه صارت لاهــفه وﮔــــلــبه تحـــــــير
*
واصعب اللحــظات لــــمن ودع امه
بالأنين وبالدمــع صـارت تكــــــلمه
ابلوعه مـــره اتقـــبله ومره تشمه
ورادته يخـــتم وداعه ابأحــله ݘلمه
وﮔلــــهه يُمه بعاطفه ودمـــــعه تفـــجر
*
للمعــــــــاره عـــــــاد ﮔـاصد للمـنيه
اتخضب ابدمه شبه هـــــادي البريه
واعتناله والـــــــــــده روح الـزݘيه
اوي علي الأكــــــبر تمدد عالــوطيه
ايصيح عالدنيه العفه بــــعدك يالاكبر
***
تمت بعون الله تبارك وتعالى وفضلهِ وإحسانه والحمد لله رب العالمين وصلى الله على محمدٍوآله الطيبين الطاهرين وعَجَلَ الله فرجهم وسهلَ مخرجهم اللهُمَّ صلِّ على محمدٍوآلِ محمد
حيدركريم جارالله الكربلائي
عالي يجـهر صوت الاكبر للحسين وأهل بيتي أفدي عمري
ــــــــــــ◐◐◐◐◐◐◐◐◐ــــــــــــــــ
بسم الله الرحمن الرحيم
عالي يجـهر صوت الاكبر للحسين وأهل بيتي أفدي عمري
*
مايهمـــني المـــوت خـــلي ينســـفــك دمـــي
روحي فـــــدوه للـــــــديانه ديني كـــل هـــمي
في سجل الخلـــــــــد رايد ينـكــتب أســـمـي
عالشهاده ﮔــــــلبي عــــازم ثــابــــت ابعزمي
ﮔلبـــي عزم أرخــص الدم للحسين وأهل بيتي ربـي يدري
*
اشبه الهادي بخــــــصاله وعزمي من عزمه
او وارث الـــــكرار حيدر واشبـــــهه ابإسمه
خلي تسمـــــــــع آل اميه مـــــــــني هالكلمه
روحي جاعلهه هــــــديه الـــــــــوالد الـيمه
زين يدرون أنطي العيون للحسين وأهل بيتي ودمه نحري
*
للنواصب والأعــــــادي ما أطـــــخ هامي
هاشمي عالحــــﮔ ثباتي نهجــــي أسلامي
قدوتي المجتبى عمـــي هيبة اعــــمامي
وعمي ابوفاضل فــخرنه زمــزم الضامي
أصلي معروف نبذل اݘفوف للحسين وأهل بيتي دروع صدري
*
ﮔلبي درعي مـــن اقــــاتل زودي بــيميني
ماتخوفني المـــــراهــــف يالتــــعـــــاديني
ﮔلبـــــي منـــــبع للشجاعه مــــن يلاﮔــيني
وغايتي ابكـــــــــربله دمي ايعفرجبـــــيني
أشري الجروح وافتدي الروح للحسين وأهل بيتي دمي يجري
*
شهد عندي الموت طعمه وهل ﮔرب يومه
والداليـــــــــــمه ابدربنه ﮔــــــلي بعلومه
تســـــــري ويانه المنايه وحتفي بالحومه
وكربله ݘــــني شفــتهه العيني مرسومه
ݘانت اسرار ودمعي مدرار للحسين وأهل بيتي وحاسم امري
*
تمت بعون الله تبارك تعالى وفضلهِ وإحسانه والحمد لله رب العالمين
وصلى الله على محمدٍوآله الطيبين الطاهرين وعَجَلَ الله فرجهم وسهل مخرجهم اللهُمَّ صلِّ على محمدٍوآل محمد
حيدركريم جارالله
يمه عنك يا علي شكد دورت
ــــــــــــ◐◐◐◐◐◐◐◐◐ــــــــــــــــ
ام الأكبر تخاطب ابنها .......
يمه عنك يا علي شكد دورت
عدل بعدك ها يالكبر لو متت
بصدرك انته الخيل
يبني داست حيل
ولذالك عالأرض ما بينت
انه طريت الدرب وابحث عليك
ردت اشوفك يمه اشرلي بديك
تدري من كد ما انه متعلقه بيك
اجدامي مو هنه الكلب جاباني ليك
من وصلت أو انه اجيت الجثتك
تستحي ونزلت عللخد دمعتك
والخيول أبليل
يبني داست حيل
ولذالك عالأرض ما بينت
اهواي شفت أثار يمه اعله التراب
وحده منهن چنك ادور شراب
أو ما لكيت ألماي يمك بس سراب
اهنانه نور الله بعيونك يمه غاب
او غابت اوياك الشمس من السمه
شافتك عالغبره فايض بالدمه
امن الفرس يا ويل
يبني داست حيل
ولذالك علأرض ما بينت
يمك ولوليت حد ما صوتي راح
عاري جسمك وانته ابد ما مستراح
يبني غطيتك يالاكبر بالوشاح
ليش ما فزيت لمن دمعي طاح
يمك ودنيت اسمعك من حجيت
اتكلي ما وفيت ابوي اشكد بچيت
فاح منك هيل
يبني داست حيل
ولذالك علأرض ما بينت
وسفه يبني وهيج يفتر الزمان
اشجابك اشخلاك انته بهالمكان
ما اصدك باليكول الدنيه امان
يا امان وهالكفاك اكبالي بان
كلشي بعدك انه يالأكبر تركته
منهد ما بطف كسر ضلعك سمعته
ابچي من اسيل
يبني داست حيل
ولذالك علأرض ما بينت
بحضني متعود چنت لمن تنام
وهسه علتربان نايم بضلام
راح اغطيك انه يبني بهالسهام
وبعدك انه اقره علدنيه السلام
ضاگت الدنيه علي لمن رحت
سالم وترجع الي يبني ردت
ما الك تبديل
يبني داست حيل
ولذالك علأرض ما بينت
احمد النوري *
موقع المنبر الحسيني
المصدر مؤسسة منبريون احمد الزوار
أحسنت النشر
ردحذف