حمل تطبيق قصائد حسينية مكتوبة من هنا تحميل
ليس بالضرورة ان تكون مقدمة
جتنه الكَوم يحسين أندب وعباس
انعـه اليوم يحسين اندب وعباس
ظلمه وخوف بالصـــيوان زينب واندب بحسره
خويــــه اهنا واويــــــــلاه والله عبرتي عبــــره
لاحمــــــاي تاه الــــــراي انعه ودمعتي جمــره
طاح حسين بالمــــــــيدان ويلي وانكَطع نحـــره
حزني ايدوم يحسين اندب وعباس
انعـــــه اليوم يحسين اندب وعباس
آخ أحـــــــــاه آخ احـــــاه يايوم الجـــــرح والبين
للصـــــــيوان جتنه الخيل هدت هالكفــــر صوبين
اتصيح الناس بالهوســات خل نحرك خيام حسين
شــــــــبو نار والاطفـــال محتاره المفــــر لاوين
يالمحروم يحسن اندب وعباس
انعه اليوم يحسن اندب وعباس
*
**
شـــــبت نار والايتـــــــام تصرخ عمه ياعــــــمه
اسكينه اهنا جيبــي الراح خلي اليوكَع انلــــــزمه
طفله اهناك هـــــذا اينوح بجروح ونــــــزف دمه
انــــدب آخ ياعــــــــباس دلالي انجرح لجـــــــمه
يالمظلــوم يحسن اندب وعباس
انعه اليوم يحسين اندب وعباس
****
صار انــــياح صار اصياح واتراب وعجاج ونار
ضرب اسياط عالأطفـــــــال وبحيره الدليل احتار
حدر الخــــيل علـــــــــويات سـحكَته بعمد كفــــار
اشيل ابهـــاي اجــر ابهـــاي وانخه بصاحب البتار
دمعي اهموم يحسين اندب وعباس
انعـــــه اليوم يحسين اندب وعباس
*
اهواي اجروح تنعه الروح والأفجع يمــــر بيه
طفله اتطــــيح ويضربــون بيهه وتصرخ ارقيه
وهيه اتنـــــوح آخ احـــــاه لجمت كَلـــبي البنيه
بويه حســـــين بويه حسـين سلبو مني ترجــــيه
وتجري ادموم يحسين اندب وعباس
انعــــه اليوم يحسين اندب وعباس
****
طاح حسـين عالتـــــربان وعالشاطي وكَـــــع عباس
والشــــــبان جنهه ابـدور وسفه اعله الارض تنداس
مصروعـين مذبوحــــين وآنه ألطـــم وادك عالراس
وسفه اشلون بين اجــناب مسبيه وتســـــبني الناس
كافي النوم يحسين اندب وعباس
انعه اليوم يحسين اندب وعباس
****
عاللجمــات عفيــه الروح هالكَد ها كــــــــــثر تصبر
بالحرأووف ويلي حســين نايم وآنه اصــــــــد وانظر
وخيل اعداه بالميــــــدان بعظام الصـــــــــدر تكسر
عمد وحــيل تسحك بيــه ولحمه اعله الرمـل تنــــثر
يا ملجــوم يحسين اندب وعباس
انعه اليوم يحسين اندب وعباس
*
يا عــــــباس ياعـــــباس ألحك عالأخــــــــو داسوه
عشره الخيل والله اثكَـال جسمه امن الـسحك مردوه
آيحســـــين آيحســـــــين صدره اعله الظهر طبكَوه
يامظلــــوم يامذبــــــوح متنه وركَبتـــــــــه فصلوه
وماكو ارسوم يحسين انبد وعباس
انعــــــه اليوم يحسن اندب وعباس
أبو علي الركابي
قصائد_الامام_الحسين_ع
المصدر مؤسسة منبريون
تعليقات
إرسال تعليق