#مقدمة
ليس بالضرورة ان تكون مقدمة
علي علي
ابلا ولي............. زينب انا....... المتحيره
علي علي
من السبي...... ماضل وجه........ متغيره
....................................................
محتاجه ازورك ياعلي وحجيلك اني شبيه
ومحتاجه اكلك تره أتوجه عل عوجيه
ام عون ارد بلا اخو وسفه وارد مسبيه
لحسين ماسلمت بنت رقيه والترجيه
ياموطني
دمعاتي عل...... خدين الك...... متيسره
علي علي
من السبي...... ماضل وجه........ متغيره
..................................................
ومحتاجه ازورك للنجف ويمك اذب دموعي
وضلوعي مثل امي تره هم زركه هنه ضلوعي
نور الله طفوه وطفت ياربي كل شموعي
متحيره بروحي انا وكلش صعب موضوعي
راح الضوه
وبلا كوه....... روحي صفت....... متأثره
علي علي
من السبي...... ماضل وجه....... متغيره
................................................
محتاجه اعاتبكم هلي عفتوني وحدي ليله
محتاره انا بذاك الهوه يتجيلي لوتجيله
او
بذاك العليل محيره يتجيلي لو تجيله
ركدت تراها من البجي بصحنك اذبها الشيله
التمن عله المهره وبجن والمهره دم تبجيله
هلي هلي
ماتو تره.......والطف مسه...... جن مكبره
علي علي
من السبي...... ماضل وجه........ متغيره
................................................
مرعوبه روحي من الجره ومامش بشر اشكيله
عندك جنت ضي يلكمر كافلني وانا دخيله
منطيته من هدمي علك بي ريحتي من يشيله
من انهدم حيله وكع حيلي نهدم وي حيله
ولي ولي
طاح الكفل.....صايح يخيتي.... المعذره
علي علي
من السبي...... ماضل وجه........ متغيره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أسألكم الدعاء لوالدتي العلويه المغفورِ لها.
سيد سيف الهاشمي
#قصائد_الامام_الحسين_ع
المصدر مؤسسة منبريون
تعليقات
إرسال تعليق