#مقدمة
ودعوني يخوتي ... مابقت كل حيلة
ودّعوني يخوتي ... هذي آخـر ليلة
ـــــــــــــــــــــــــ
يا أهل غيرة وحمية يل كفلتوني زينب آنه الهاشمية لوتسمعوني
ردت منكم هالمسية تنملي عيوني گلبي لجفاكم يون ،، من الهجر ياويله
*
خويه يحيود العلت بيديكم الرايه خويه من زغري أنتو سوري وأنتم أحمايه
شلون ناوين الهجر من يبقى ويّايه من يباري محملي ،، الرحلة رحلة طويله
*
وين عباس أرد أنشده وناطرة أجوابه وأرد أذكره بعوده حيدر ساعة أصوابه
كلفك خدري أبوي أبدمعة سچّابة گال هاي أوصيتك ،، والضعن تحديله
*
خويه يحسين أرد أنشدك والخبر يمك لو هويت أعلى الترايب وأنخضب جسمك
من لهيب النار منهو اليحرس أخيمّك منهو يرعى أمخيمك ،، منهو ليحاميله
*
عمه يالأكبر تعال وأكعد أگبالي عمه ياطلعة محمد أنظر الحالي
عمه أحس هجرك سهم ويصيب دلالي عمه تدري الغيبتك ،، دم دمعنه نسيله
*
أنظر أبدور وأمام أعيوني تتلاله مثل حالة حيرتي ما تنوجد حاله
هذا سور البيه ألوذن والدهر زاله مني شيريد الدهر ،، گلبي وش ناويله
*
واحدٍ واحد أصدهم وأسچب أدموعي شنهو ليطمّن فؤادي أيهدي من روعي
مثل نيران وتشب ياناس بضلوعي أنتو گلبي والگلب ،، من گدر برحيله
*************
مازن غانم الزبيدي
#قصائد_الامام_الحسين_ع
المصدر مؤسسة منبريون
تع وةةةةةةاع
ردحذفةاااا
ردحذف