#رئيسية
یحسین العقیله مهضومه ونحیله
یمهه الطفل مذبوح و تفطّر دلیله
شنهو البصر و الرای طفلک یرید المای وتفطّــر دلیلــه
اجت الحـرّه تنحب یم ابوالیمــه
تعثر بالمصایب و انحنت یمـــه
اتگله ابنک یخویه ایلوج من همه
عطشان و یرید المای من عمّــه
ایون و من ونینه اتصدّعت امــه
بمدمعهه الیصب اتحظنه وتشمه
طفلک یبن حیدر بالخیمه یتوجّـر
حاله یفت الروح وامن العطش یسعر
تلتهب نار احشای طفلک یرید المای وتفطّــر دلیلـــه
شرید اصبر یخویه و حالتی حالـه
و عالوجنات دم ادموعی همّالــه
لطفلک جیت اگلک شنهو یجراله
یلوج امن العطش وانفطــر دلاله
اجه حسین الرضیعه،قبّله و شاله
و یم مهده الرباب ابهمهه تنعالـه
شال الطفل بیده ویحشِّم اعضیده
امن الکفر یطلب مای بس گطعوا اوریده
تتجاره دم عینای طفلک یرید المای وتفطّــر دلیلــه
یخویه اشذنبه عبدالله یذِبحـونه
یطیح بشدّه عالغبـره و یصَوبونه
من مای العذب طفلک یحرمونه
و ابسهـم المنیـه ابنحـره یرمونه
ریت ابذَبحته نحری انذبـح دونه
ولاشوفه یصب دمّـه علیٰ اعیونه
ظامی انذبح نحره واتوسّــد الغبره
ابیاعین اشوفنّــه و دلالی شیصبره
خویه انگطع رجوای طفلک یرید المای وتفطّــر دلیلـــه
أحشّم گمت أبو فاضل یحامینـه
یجیب المای و ابجــوده یروّینـه
لچن یحسین اشوفـه یعتذر لینـه
ویم المشرعه امـوذّر یبو سکینـه
شفت مگطوعه منه ایساره و ایمینه
وسهـم النایبـه متفـرّس ابعینـه
رحت ابدمع ساجم أنخــه گمر هاشـم
شفته بلایه اچفوف یم النهــر نایـم
ودّعنـــی الوفّای طفلک یرید المای وتفطّــردلیلــه
ودّعـت الگمــر ودموعـي تتجاره
ظل طفلک ذبیـح و تلتهب ناره
جفن امّه الرباب ایهل دِمـه اعباره
تنتظرک تســوّی الهالطفل چـاره
اشوف ارویحتک بأطفالی محتاره
ضدّک جیش امیه و شنّــوا الغاره
فزعت علیک اشرار و شبّوا خیمنه ابنار
وامْن الگفه مذبوح یبن النبی المختار
ابذبحَک ولتنی اعدای طفلک یرید المای وتفطّـــر دلیلـــه
__________
بقلم الرادود یعقوب البوغبیـش
#قصائد_الامام_الحسين_ع
المصدر مؤسسة منبريون
احسنتم وبارك الله فيكم الي خدمه الإمام الحسين عليه السلام
ردحذف