لطميات مكتوبة للنساء اكثر من 100 فزاعيه مكتوبة لجميع المناسبات وايام محرم الحرام ,قصائد نسائية مكتوبة

6 نزلات مكتوبة لام البنين عليها السلام 
المجموعة الثالثة

القصيدة الاولى 

ليلة 4 محرّم ( أم البنين )

نزلة

يا عبّاس وصيّه .. يا عبّاس

 

يا بو فاضل آنه أمّك و استمع توصِيتي

يالذي ابّين الخلگ بالعزّه رافع صِيتي

نيّتي يوليدي باچر و انت أدره ابنِيتي

اتموت بين إيد الحُسين ابكربله أمنِيتي

 

حد گطعة وريدك .. و الأنفاس

يا عبّاس وصيّه .. يا عبّاس

 

عُــودك الكرار حيـدر ناذرك للعتره

باچرابيوم الشدايد كون توفي ابنذره

يا بو فاضل هالله هالله بالعقيله الحُرّه

أردك لوجهي تبيْـضه يبني عند الزهره

 

و ارفع بالقيامه .. بيك الراس

يا عبّاس وصيّه .. يا عبّاس

او هذا أخوك احسين يبني و اهوه ليك الغايه

و انت و اخـوانـــك ردتكــم للأجــل شرّايـه

صِـير يوليدي اعله أمره و اعله شُـوره او رايه

خل تطيح اچفوف إِديـك او لا تطيح الرايه

 

هالرايه العلامه .. و المقياس

 يا عبّاس وصيّه .. يا عبّاس

واعَدِتني يا بوفاضل وادري توفي اوعودك

يا شبل حامي الحميّه الـمِـنّه ماخذ زودك

فدوه يا عبّاس عينك ، هامتك و ازنودك

الـمُـهم بس للمخيّم خلي يوصل جودك

 

يالجمرة ثنيتك .. ما تنداس

يا عبّاس وصيّه .. يا عبّاس

يا خليل احسين بالخُـوّه فلا صح مثلك

باچـر ابيوم المعاره من توافي ابخِـلّك

عُـون او عبدالله اويه جعفر عالأمر تمتثلك

كـون تتأكد بأنهم يبني ماتـوا گبـلك

 

و ابدمكم أفاخر .. بين الناس

 يا عبّاس وصيّه .. يا عبّاس

---------

ميرزا عادل أشكناني

المنبر الحسيني 

القصيدة الثانية 

نزله

🏴🏴🏴🏴🏴🏴🏴🏴🏴

یازینب اهتمّي...وصّتني بیچ أمي

گالت یبني اختڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

وصّتنی بیچ ام البنین ابکل وعد

من چانت اتلولیلی بطراف المهد

گالت حلال اعلیڪ تعبــی یالولد

لو توفی اختڪ وافی ویّایه العهد

شد رایتڪ یبنی...لختڪ أذا اتحبنی

بالطـــف لو نخـــتّڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

عهد الکفاله امن الزغر لیچ انڪتب

ڪل الخلیقه اتراب بس انتی الذهب

مادام أنا موجود میمرّچ تعب

ماتنسبی الی عدها من حیدر نسب

ماتنسبی زینب...عصّابة المذهب

توفي الحره ردتڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

طاهر حلیب ألی شربته ابدنیتي

علّمنی معنا الخوه کلها ابشیمتي

سترچ یزینب یالله گومي رایتي

رایة محمد تحله یختي ابیمنتي

ابسیفي والرایه...آنه احمي هالثایه

یولیـــدی ابوگــفتڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

مد و جزر رایح اطب آنه الگمر

واتصوّری اشرایح اسوي اعله النهر

عصّاتي چفي و گابلت بالطف بحر

راید أذب چفي و أشق مای النهر

لو چفي ذبّیته ...وعد أمی وفـّیته

گــالتــــلي ابیمـــنتڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

مو بس نهر یم خیمتچ کل شئ وصل

عباسچ اویه الدنیا لعیونچ فصل

سبعین الف لا مو الف ڪلهم عصل

ناتچ عـــتب ام البـــنین اهنا حصل  

بس گولي یالحره...مو أمي منتظره

نادتنی اعله ذمتڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

اگطع چفوفي الهیبتچ یم الخدُر

و بني ابسیوف الملحمه الطولچ ستُر

عباسچ آنه و فدوه الچ هذه العمُر

لــــو ینگــــطع نــــحری ابـــد ما أعتذُر

محروسه بالعباس...زینب یتاج الراس

خادم یبــنی جبتڪ

دللــــها اعلـــه بختڪ

وصّتني بیچ أمي

🏴🏴🏴🏴🏴🏴🏴🏴🏴

ڪلمات خادم الحسین ع

عبدالامیر الناصری محرم1438

من هنا تجد 10 قصائد مكتوبة لام البنين ع مقدمات 

القصيدة الثالثة 

2.مؤسسة منبريون لنشر القصائد, [٠٢.١٠.١٦ ٠٧:٣٤]

نزلة 

وصية ام البنين لأولادها الاربعه

.

.

.

زيـنــب البحـماكم * آيــاكـم * تـنـسـوها

زينـب البحـماكم * أيــاكــم * تــنـسـوها

●   ●   ●

هــا يولدي الأربعه . أمـكــم اتوصـيكم

أمّـنِـتكم بت علي . وانتو گدها ادريكم 

تره هاي  امّ الخدر . كـــون ماتـشكيكم

والله لو مسها خطر . الـذمه ما ابـريكم

موتوا لو تنخاكم   ...   إيّــاكم ..تـنـسـوها

●   ●   ●

مـن تنادي يخوتي . فزّوا زينب هايه

طلب لـَـتردُّون ابــد . إلـهـا يـا وفــايه

جيبوا لو ماي اطلبَت . الفـرات ومايه

تـــره أمّ الأربـــعه . ابزينب امـوصايه

وعلي هم وصاكم   ...   إياكم ..  تـنـسـوها

●   ●   ●

مـن تروح الكربله . التفـّو انـتو اعليها

يُـمّه عـبّاس الگمر . ابـرايـتك غـطـيها

لا تشاهدها الشمس . حــارّه وتاذيـهـا

امدلـّـلــه أمّ الخـدر . يــاگـمر تــدريـها

رايحه وياكم    ...   إياكم   ... تـنـسـوها

●   ●   ●

سمعوا وِلدي الأربعه . لـزينب اتسِِـمعونها

هيهَّ تـآمــركم امــر . وانـتـم اتـطـيعـونهـا

من تـظل ابكــربله . امحـيّـره اتـشوفونها

اعليكم اقسم بالضـلع . ابحـيره لـتخلونها

رفـُّـوا يُـمّه الواكم  ...  اياكم ..  تـنـسـوها

●   ●   ●

أرْدَ اخـــبّـركــم أمـــر . ولازم اتعـيـنــوني

اشگدّ احبّ امّ الحسن . كـلكم اتعرفـوني

عفْـيه وِلـْـدي الأربــعـه . اوياها لتفشلوني

بيــكم آنــــه بالحــشـر . ارْد اگـــرّ اعيوني

الموت لو يلفاكم  ...   إيّـــاكم .. تـنـسـوها

●   ●   ●

انتـــو تِـربات الفحَـل . وبيكم ارفــع راسي

ما تخيبوني اعـرفـت . هيچ گال احساسي

ما أوصــّـيـكـم بـعــــد . السفر يمكن قاسي

 داري اخـتك بالـــدّرب . يُــمّه يا عــبّـاسي 

تتعب ابلياكم ...   إيّــــاكم   ...   تـنـسـوها

●   ●   ●

الظعن باچر من يرد . راح انه اسئلها

القَصر بحـق زينبه . اعذاوه ما اقبلها

وارد اشوف ابكربله . وشعمل كافلها

المهم زينب من ترد . راكبه ابمحملها

مومهم ملكاكم ... اياكم .... تنسوها

................................

 حيدر تركي الكربلائي

تمت والحمد لله في ٣٠/ ٨ /٢٠١٤

القصيدة الرابعه 

زلمه من ربيتي

عالصعب باريتي

ام البنين

....

حضر خط عالحومه بسمه واليمر ما يرجع

نجم لو مر بسماها يطيح يمه ويركع

ضله لو مر عالمعسكر من ارضهم يقلع

مو شخص لو مر عليها جيش چنه توزع

بالفعل خطيتي

زلمه من ربيتي

ام البنين

.....

شنو راضعته بحليبج كلشي ما هز طوله

اضن راضعته الشجاعه من علي منقوله

هاي بس هاي الاصدك هاي بس معقوله

ولذلك لو تلثم حيدر يصيحوله

من علي خليتي

زلمه من ربيتي

ام البنين

.......

موت خطاه برگبهم سيفه سوه المستحيل

من يميل الحومه بيده بكيفه يا خذها وتميل

يكبر يأدي بفروضه الحرب فرض من الجليل

انتي ربيتي يفاطم انته يم زينب كفيل

كافل تخليتي

زلمه من ربيتي

ام البنين

.....

لون لو١٠ انتي امهم والله چا صار الحسين

مالك الدنيا بعزمهم قائد الكون بيقين

چا بقت زينب اميره وما يمر بيها اي لعين

چان دين الله ونبينه ما بقت بي ملحدين

والله جا وافيتي

زلمه من ربيتي

ام البنين

.....

كافل انطيتي واخوته وفو بأقدس كمال

انطو بسر الوجود وقدسه للخوه المثال

والله اني اشد بهايه وغيره متاكد محال

بالسمه ابين الملائك تحت عرش الله يقال

انتي شسويتي

زلمه من ربيتي

ام البنين

.....

حيدر عيسى البديري

اذاء اردت قصائد رئيسيات لام البنين فادخل من هنا تجد 18 قصيدة مكتوبة لام البنين عليها السلام  المجموعة الثانية 

القصيدة الخامسة 

نزله لام البنين عليها السلام 👇🏻

اقبلينــي00 اصير لحضرتج خادم

واكفليني00 تحت راية كمر هاشم

عليج ابغربة حسين 00الج مديت الايدين 00 دخيلج يم الابنين 00اقبليني

 

ياكلشي ابحياتي وعمري واسنيني     

اقبليني اعله شيني ابعطفج وزيني

ادري مــــــن اطلبــــج ما تردينــي     

والله من حنانج نظــــره تكفينــــي

كتاباتـي00 ابدعائــج انظم واقـــــــره

يمولاتي00على حسين وعلى الزهره

اريدن تهمل العين 00الج مديت الايدين 00 دخيلج يم الابنين 00اقبليني

 

 

بــيدج عالــــم الامكــــان تدبيره        

والج ايد ابقضاء الله ومقاديـــــره

مو ماي ابحليبچ الله حط غيـــره         

وعباس الوجـــود امنعـــم ابخيره      

ســلام الله 00على اسمج ليلي وانهاري

عليه صله 00 دمــــــــع حنّيتج الباري

وعليه صلّه النبيين 00الج مديت الايدين 00 دخيلج يم الابنين 00اقبليني

 

 

لو ما حسين ماكــــــو آدم وحوّه      

ولولا ابو الفضل جا ماتت الخوّه

ولو ما انتي جا ما ظلّت امـــروّه      

الكون ابغيركم جا شني بيه يسوه

اعذريني 00 مقصـر دوم وانخاكم

وارزقيني 00 الادب مولاتي وياكم

احبكم وانتي تدرين 00 الج مديت الايدين 00 دخيلج يم الابنين 00اقبليني

 

 

عبدج آنه وانتي الآمــــــر الناهـي      

واعله الكون كله إبهاي متباهـــــي

بـس بحسين خليني ارد اظل لاهي      

يل منـــج كبرتـي وقيمتي وجاهـي

تره الزهره 00 توصي ابحيدر اوصيه

كلب حـــره 00 تزوج بعـــــــدي بدويه

تربيلك ميامين 00الج مديت الايدين 00 دخيلج يم الابنين 00اقبليني

يابحر العطاء المانشـــف مايه        

اظل من هاي ايدج خــــــــادم لهايه

اريدن ظل حنانج يكسر افيايـه       

علي وابقه اعله زينب احضر اقرايه

فلا صايـر 00 مثل حبج لابو اليمه

ونه امناطر00سمية فاطمـــــه امه

اتاني ابين نارين 00الج مديت الايدين 00 دخيلج يم الابنين 00اقبليني

 

 

للطف والسبي حبـــج عـــرج بيـه    

ومن حزنج على المشوهه مبسيه          

وصرت مدمن بواجي ولطم يوميه   

اذا ماكو عزاء اسمعلــــي لطميـــه

ويجي ابالي 00 صريخ ايتام مهضومه

ايتراوالـــــي 00جسد وامسلبه اهدومه

ووكفات الدواوين 00 الج مديت الايدين 00 دخيلج يم الابنين 00اقبليني

أحمد الهلباوي

القصيدة السادسة

..الك موقف ع النهر...حكَي اسميك الكَمر 

يمه روح وداعت الله كَلبي راضي ومهجتي..

ياعزيزي ونبض كَلبي بيك تكبر شيمتي.. 

بيك شيمت علي انته وبيك يبني غيرتي.. 

زينب وصيتك يغالي لاتعوف وصيتي.. 

لا يصل يمها بشر... الك موقف ع النهر.. 

المروه بحد نفسه ماتصل لمروتك.. 

روح واني ادري المواقف راح تبدي بروحتك.

افتخر والله ييمه لان بطني الجابتك.. 

حته ابوس اجفوف اديه لان ياما شالتك... 

بالوفا سيد البشر.. حكَي اسميك الكَمر. 

ياشهم يابو المحنه ياخو اخيتك يا كلف.. 

راسك الينقط مروه براسك انته ينحلف.. 

جيش وحدك بالمعاره بزود تنعد بالف.. 

يم اخيتك طير جنك انه اشوفنك ترف.. 

تارس الدنيا عبر.. حكَي اسميك الكَمر.. 

ع النهر كالولي توكف يذبل اشفاك الضمه.. 

كلت مايشرب حبيبي قبل ضنوت فاطمه.. 

اني اعرفك ماتتنك راسك بعلو السمه.. 

تعطش الماي انه اعرفك من شفافك تحرمه.. 

الوفا بيك استقر.. حكَي اسميك الكَمر... 

يمه اخوتك بيدك انته كون تنذرهم نذر.. 

لجل ابو الاكبر ييمه لا يعز واحد عمر.. 

اربعه يطيحون عادي بس ولا تنطي شبر.. 

احدود المخيم امانه كون اريده مستقر.. 

اني اشكرك يابو فاضل بيضت وجهي ونعم.. 

حضني شرفته بفعالك صار مدرسة الزلم.. 

بالمدينه بعالي حسي صحت اني ام الشهم.. 

الموادع صعب ادري بس ييمه لاتهم.. 

بموقفك كَلبي بتشر.. حكَي اسميك الكَمر... 

الحمد لله على هاي النعمه

هنا تجد جميع قصائد ام البنين عليها السلام 

 

لاتنسوا  الفاتحه لام البنين عليها السلام 

#المنبر_الحسيني

مصدر القصائد من مؤسسة منبريون