7 قصائد نعي مكتوبة لام البنين عليها السلام
المجموعه الرابعه
القصيدة الاولى
نعي لوفاة مولاتنا ام البنين ع ..١٤٣٩
اللي ايموت تربي العين ولده
ايريد اهله ايحضرون عنده
هذا اليسبل ايده ويجبله
وذاك اللذي ابهيده يوسده
ايحضرون والدمعات تجري
وجمعتهم اكباله تسعده
واعلى ام البنين احسين مارد
وجفنها ابجفه رايته يشده
اتكله امك وحيده ابحال حيره
ويا حيرة اللي ايموت وحده
انتظرك تجي من كبل ما موت
وادورك بالهوى وعنك انشده
تصيح ابصوت يالشايل لوانه
الدهر عكبك يبو الغيره لوانه
ردت عباس يا يمه لوانه
ميته وياك يوم الغاضريه
حيلي اغياب شخصك هدم حيلاه
انتهيت وما بعد بالروح حيلاه
صحت يايمه يا عباس حيلاه
لونك حي ييمه احضر اليه
الدهر بس غيم ما لحظه صحت لا
يهد حيلي لون فرصه صحت لا
يكول الكمر ما يرجع صحت لا
يجيني وجايب الكافور ليه
خادمكم فراس موحان الساعدي
القصيدة الثانية
ابيات نعي بحق ام البنين واسالك الدعاء..
ياهو مثلچ... اطيتي لجل حسين ولدچ
ياهو مثلج... يالوفيتي وياه عهدچ
ياهو مثلج... هوة چم حسين عدچ
ياهو مثلج…سكتاچ اتراب لحدچ##
ياحنينة…يم كلب ينكط محنة..
ياحنينة… ونتة اعلى حسين ونة..
ياحنينة…ما شبعتي وداع منة..
ياحنينة… ايموت يالماشين عنة##
(عن ام البنين)
كل حياتي…اخذوها بس ردوه الية..
كل حياتي…فدوة الك يبن الزجية..
كل حياتي…اتهون لو مريت بية..
كل حياتي…هاك اخذها ورد علية..
كون ادري الزمن وياك غدار..
چا يحسين ماظليت بالدار..
لرافكم ييمة الليل ونهار..
واموت اوياك بارض الغاضرية##
انة الونيتلك يحسين ونات..
ينساك الكلب يايمة هيهات..
اطب للبيت اكولن عدل مامات..
على غفلة ويطب سالم علية##
أسالكم الدعاء رائد الاسدي
القصيدة الثالثة
نعي ليله ام البنين عليها السلام
**************
ارضعتهم ارضعتهم انه در الوفه اولادي ارضعتهم
ردتهم ردتهم يبيضون الوجه بالطف ردتهم
صحت ولدي لون قصرو عنه
انه اعليهم حليبي لحرمنه
اربعتهم اربعتهم فده لحسين ويلادي اربعتهم
علمتهم علمتهم يحنون اعله اخوهم علمتهم
ما وفينه ما وفينه وي حسين والله ما وفينه
قصرينه قصرينه اشكثر زينب وياكم قصرينه
انه ام البين وكلها تدري
وخدامه جبت لحسين عمري
اعاين للسمه ودمعاتي تجري
وصحت ما راح تعبي وذاك سهري
لا تعوفوه لا تعوفوه صحت عباس اخوكم لا تعوفوه
تشيلوه تشيلوه فوك الراس اريدنكم تشيلوه
عزيزات عزيزات خوات حسين يولادي عزيزات
حنينات حنينات مثل امهن يبعد اهلي حنينات
حمل وشال حمل وشال راعي البيت يمه حمل وشال
لا طال لا طال يريت العمر بعد حسين لا طال
لو اندلكم لو اندلكم انه اسكنها المكابر لو اندلكم
مثلكم مثلكم اشماله الموت ما حصل مثلكم
يركضون يركضون كلهم لو نخت زينب يركضون
يطيحون يطيحون كبل حسين كل ولدي يطيحون
ما يكطعون ما يكطعون من طبع النشامه ما يكطعون
يفيون يفيون كلهم جانو اعليه يفيون
كلهم كلهم نذر يروحلك يحسين كلهم
اكلهم اكلهم جنت عنك ييمه دوم اكلهم
خوالك خوالك يبو فاضل صدك تشبه خوالك
دلالك دلالك بعدهي اتفور بالحومه دلالك
ضناها ضناها تموت الوالده التفكد ضناها
شجاها شجاها الدنيه وياي شو عكست شجاها
مجاتيل مجاتيل اهل زينب يبعد اهلي مجاتيل
صحت حيل صحت حيل وراهم من مشو تانو صحت حيل
يوجعني يوجعني وعلي اصفاحي امنهدهم يوجعني
كتلني كتلني ونين الليل عز الله كتلني
***********
نسألكم الدعاء
الشاعر تحسين الخفاجي
القصيدة الرابعة
نعي بحق ام البنين عليها السلام جديد( ٨ جماد الثاني ١٤٤١هـ
___________
يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَ من تونين
________________
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
______________
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
_______________
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
________________
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____________
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
______________
أسالكم الدعاء رائد الاسدي
القصيدة الخامسة
نعي لمولاتي ام البنين
لفت ليها المنيه ومامش اولاد
يحضرون النعش وتصب العيون
كلب الوالده ينهظم ياناس
اذا ماكو الوّلد يمها وينوحون
على امهم والنعش ينسكي بدمعات
وتسمع صوتهم لمن يونون
هاي الوالده المانامت الليل
تسلهم عينها وهمه الينامون
فكدت اربعه والخامس حسين
وعلى فكد الحسين اتغير اللون
ماحسبت تبقه بدار الاحزان
وحيده والوّلد عنها يشيلون
الفكدت كمر هاشم ياضوه ايفيد
بعد عباس صاير اظلم الكون
مالحظه استراحت من المصاب
صعب فكد الولد لاوالله ميهون
هاي ام البنين الكلهم احيود
وعاشو نص كلبها بساعه يرحون
تمنتهم بيوم النعش مطروح
يحضرون النعش همه ويشيعون
وينزلوها بلحدها بحسره وباه
وتراب الكبر رادت يهيلون
بديهم والدمع لولاح التراب
تشم ادموعهم لمن يبعدون
على ام عباس دمع العين ينصاب
وكلب كل ام فكد وليان ينصاب
الليله العزه لم الكمر ينصاب
ويحضره حسين والزهره الزجيه
محمد هادي العقابي
القصيدة السادسة
أبيات نعي
حوار بين سيدة نساء العالمين
فاطمة الزهراء عليها السلام
وأم البنين عليها السلام
..................
أم الكمر عباس والزهره الزجيه
يتسامرن بالدمعه هاليله سويه
ياويلي من أمصاب يوم الغاضريه
وبدور هاشم عالترب جثه رميه
.....................
يم البنين الأربعه الكلهم شهامه
ولدج مشاعل نور بدروب الخدامه
عند الحسين أوعد علي مرفوعه هامه
وانه أحضر أو أشفع الولدج بالقيامه
....................
يابت رسول الله الزجيه قرة العين
مشكوره لنك بالحشر باجر تحضرين
لو عندي غير الأربعه تدريني أبنين
ضحيت بيهم يالعزيزه الخاطر حسين
....................
كفيتي يم عباس أبد ما منك أقصور
شاركتي زينب بالمصاب أبشهر عاشور
مشكور حزنك والنعي لحسين مشكور
والشيعي لو هل دمعته من عندي مأجور
....................
يالزهره يم حسين يالبنتك غريبه
كل شيعي يذرف دمعته أبهاي المصيبه
منك نصيبه أينال من عندي نصيبه
وحسين أبو السجاد ما ينسه حبيبه
...............
خادم أهل البيت
الشاعر : أسماعيل الجوراني
الجمعه : 5/7/2019
القصيدة السابعة
نعي ليله ام البنين عليها السلام
**************
ارضعتهم ارضعتهم انه در الوفه اولادي ارضعتهم
ردتهم ردتهم يبيضون الوجه بالطف ردتهم
صحت ولدي لون قصرو عنه
انه اعليهم حليبي لحرمنه
اربعتهم اربعتهم فده لحسين اولادي اربعتهم
علمتهم علمتهم يحنون اعله اخوهم علمتهم
ما وفينه ما وفينه وي حسين والله ما وفينه
قصرينه قصرينه اشكثر زينب وياكم قصرينه
انه ام البين وكلها تدري
وخدامه جبت لحسين عمري
اعاين للسمه ودمعاتي تجري
وصحت ما راح تعبي وذاك سهري
لا تعوفوه لا تعوفوه صحت عباس اخوكم لا تعوفوه
تشيلوه تشيلوه فوك الراس اريدنكم تشيلوه
عزيزات عزيزات خوات حسين يولادي عزيزات
حنينات حنينات مثل امهن يبعد اهلي حنينات
حمل وشال حمل وشال راعي البيت يمه حمل وشال
لا طال لا طال يريت العمر بعد حسين لا طال
لو اندلكم لو اندلكم انه اسكنها المكابر لو اندلكم
مثلكم مثلكم اشماله الموت ما حصل مثلكم
يركضون يركضون كلهم لو نخت زينب يركضون
يطيحون يطيحون كبل حسين كل ولدي يطيحون
ما يكطعون ما يكطعون من طبع النشامه ما يكطعون
يفيون يفيون كلهم جانو اعليه يفيون
كلهم كلهم نذر يروحلك يحسين كلهم
اكلهم اكلهم جنت عنك ييمه دوم اكلهم
خوالك خوالك يبو فاضل صدك تشبه خوالك
دلالك دلالك بعدهي اتفور بالحومه دلالك
ضناها ضناها تموت الوالده التفكد ضناها
شجاها شجاها الدنيه وياي شو عكست شجاها
مجاتيل مجاتيل اهل زينب يبعد اهلي مجاتيل
صحت حيل صحت حيل وراهم من مشو تانو صحت حيل
يوجعني يوجعني وعلي اصفاحي امنهدهم يوجعني
كتلني كتلني ونين الليل عز الله كتلني
***********
نسألكم الدعاء
الشاعر تحسين الخفاجي
موقع #المنبر_الحسيني
المصدر مؤسسة منبريون
لاتنسوا مولانا الحجه من دعائكم واكثرو من هذا الدعاء فهو يقول اكثرو من الدعاء ففيه فرجكم عسى ان يمن الله علينا ويوفقنا لخدمته
اللهم كن لوليك الحجة ابن الحسن صلواتك عليه وعلى ابائه في هذه الساعه وفي كل ساعه وليا وحافضا وقائدا وناصرا ودليلا وعينا حتى تسكنه ارضك طوعا وتمتعه فيها طويلا برحمتك يا ارحم الراحمين
لاتنسى الفاتحة الى روح ام البنين الطاهره
تعليقات
إرسال تعليق