لطميات مكتوبة لشهر محرم الحرام
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حسين يقدر تعب الخادم// شوف اشنطه لسيد جاسم
خلاه قريب ____ يشبه حبيب
**
جاسم السيد تلاحظ _ عبر مرحلة الهيام
جان من يقره المصيبه _ تحسه كاعد بالخيام
شنهي من إخلاص عنده _ وصار جيران الامام
كلهه تترحمه كامت _ وكبره ليليه ازدحام
من تزوره شوف المنظر// صاير كبره كبال المنبر
منظر عجيب ____ يشبه حبيب
**
الخدمه ربت هيجي وادم _ الخدمه أصح من الصحيح
يابشر شايل محنه _ وابنه بحظينه ذبيح
يسير اعله حسين ينعه _ السيد ايطب للظريح
بطوره يقره اعله السبيه _ ويا غريبه يضل يصيح
حسين يجمع كل أصحابه// السيد جاسم يفتح بابه
وينعه الغريب ____ يشبه حبيب
**
السيد وابنه مضاهر _ اندفنو باشرف مكان
حسين يم خدامه باله _ أبو الرحمه والحنان
اليريده يجيبه يمه _ يسلمه مفتاح الجنان
يكتب حسين اعله كبره _ هذا خادم عندي جان
عالمنبر من يصعد يقره // تحظر أول وحده الزهره
ويبدي النحيب ____ يشبه حبيب
**
عاش خادم مات خادم _ وانه اتحدى النساه
من كثر ماجان مخلص _ حسين رافع مستواه
لهسه نبجي من نسمعه _ عالنعي ذاكه القراه
خلص عمره بالمجالس _ الله شوف اشعوضاه
كل بيت الكه معلك صوره// لسيد جاسم تزهي بنوره
نال النصيب ____ يشبه حبيب
**
قدوة الخدام وظح _ كلنه نذكر هيج كال
اترك الدنيه لهلهه _ ويم أبو اليمه تعال
وانه بالسيد يخادم _ تقصدت اضرب مثال
اليحفظ الخدمه تحفظه _ ابد مابيهه مجال
لحظه بلحظه عيش النعمه // غيرك يتحسر عالخدمه
الينعه السليب ____ يشبه حبيب
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
عند أعظم شفيع//////// تعبك مايضيع
**
خلي تعبك بس لامامك _ مو تعب عالفاضي
واصفن اشويه لخدمتك _ حسين عنك راضي
صفحه افتحلك جديده _ وعوف ذاك الماضي
عيش خادم موت خادم _ تدري عمرك كاظي
وعيون الرضيع //////// تعبك مايضيع
**
**
عود اللسانك يسبح _ دوم بسم حسينك
براحه نفسيتك تحسهه _ لون هملت عينك
تره بيد الزهره خادم _ وقعت تعيينك
لا تضيع دينك اصحه _ المجالس دينك
دينك لا تبيع //////// تعبك مايضيع
**
حته عد اهلك مقدر _ لان اسمك خادم
مكعدك بخيمة رحمته _ وهوه بالحر نايم
شنهي جا من كلب عنده _ اللام كل الوادم
ومثل للخدام عدنه _ خله سيد جاسم
كلبه شكد وسيع //////// تعبك مايضيع
**
هذا شهر النعمه هذا _ اتعب وشد حيلك
حسين من جيسه وحقك _ شتطلب يوديلك
بكل عزاءاته يريدك _ كون يخلص ليلك
وين لاكيهه يخادم _ حسين من يدعيلك
توفيقك سريع //////// تعبك مايضيع
**
اللبس ثوب الخدمه لازم _ مايلثك ثوبه
الله لليحظر مجالس _ مسح كل ذنوبه
شفنه بس عد أبو اليمه _ الخدم مهيوبه
الخدمه كنزك وانته تدري _ بكل وكت مرغوبه
ايامك ربيع //////// تعبك مايضيع
**
طلك الدنيه واهلهه _ حته لو تحلالك
لوله الحسين وخدمته _ كلي منهو بحالك
بكبرك يحضرك يبشرك _ بنفسه يتعنالك
باجر الجنتك يكودك _ حسين من هنيالك
يوكف للجميع //////// تعبك مايضيع
**
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هله بشهرك هله // دمع ظميت اله
أحب من الزغر // سوالف كربله
**
روحي عطشانه لمحرم بياهله تلكيته
وانه بالكاروك والله واللطم حبيته
عطرك التارس محرم بالهوه اشتميته
ياهو مثلك لليخدمه دوم فاتح بيته
اليقدس هالشهر // بعزائاتك حظر
يحصل جائزه // يسلم عالكمر
**
فوك سطحي بالمدامع علكتلك رايه
حسين اسمك من اللفظه عندي احله حجايه
لفرحتين بعمري احسب تعلم انته بهايه
احسب الجيت محرم وجيت المشايه
العله سطحي ترف // احظرلهه الجتف
واجي مشاي الك // لأنك تختلف
**
بيك ميزه شكد احبهه عكس كل الوادم
ياملك والدنيه بامرك بس تحب الخادم
بهالشهر يلجمني جرحك بيك اظلن هايم
ارزقني حركه ولوعه منك ابثواب القاسم
الك كلبي نبض // البجي اعليك نفرض
حبيبي ومجلسك// يشافي كل مرض
**
كربله هيه الوحيده التمتلك دلاالي
ولو ادور الدنيه كلهه ماكو غيرك غالي
ماكو يوم يمر عليه وانته ماكو ابالي
اسود الخاطر رضيعك لبسيت اطفالي
اجيت الخيمتك// اجدي رحمتك
مثل عابس ردت // اصير بخدمتك
**
شهرك اليجمع شملنه والله بحسينيتك
ناس عندك تنسه كلشي وانته ماناسيتك
وانته فوك من المجالس تمطر بحنيتك
الف هنياله اليحصل خيط من خاجيتك
الك لمن يهل// شهر لم الشمل
علينه برحمتك// تره مسوي فضل
**
جمرتك بكلوب ناس كلي شيطفيهه
وكلي شنهي الدنيه بله انته لو مابيهه
دمعتي صارلهه قيمه جين الك ابجيهه
انته لو كتلي اعله روحي روحي الك انطيهه
احبك من صدك // الكلب بسمك يدك
الك كاطع عهد // ابد ما نفترك
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
عاشورك قادم
اتشرف خادم
****
يبو كلب الحنين الما يرد واحد
تسوه الدنيه عندي بخيمتك كاعد
اريدك انته بس وكلشي مارايد
بين انفاسي حبك نازل وصاعد
متحظره الوادم
اتشرف خادم
**
ابوي انته واحبك للخلك كايل
وانه بشارب العباس أبو فاضل
افتح كلبي شوفه شكد عشك شايل
وين تريد اروح مغمض وقابل
يالوجهك دايم
اتشرف خادم
**
عاشورك يغالي عالخدم نعمه
شمحلات العمر من يكضي بالخدمه
اذا كرب محرم عطرك اشتمه
اذا مو صدري احمر بالعزه زحمه
ابجيك لازم
أتشرف خادم
**
يتيم اعيونك انه المستحق نظره
بيك ادري صعب من عندي تتبره
عابس شافك وضحه الك عمره
ما شفتك واحبك حب عالفطره
مجنونك هايم
أتشرف خادم
**
مثلك لو افر الدنيه والله ماالكه
مثل الخيمه كلبي وخيمه محتركه
بعاشورك بصدرك حافر ايسحكه
كاتلتك عله اختك زينب الحركه
امتاني القائم
اتشرف خادم
**
ذله الخدمه محسوبه تره الغيرك
ويكفي لليخدمتك انته تقديرك
من كد ما حنين وبينه تفكيرك
حته الما تعرفه تضمله من خيرك
موقعلك وخاتم
اتشرف خادم
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حسين يقدر تعب الخادم// شوف اشنطه لسيد جاسم
خلاه قريب ____ يشبه حبيب
**
جاسم السيد تلاحظ _ عبر مرحلة الهيام
جان من يقره المصيبه _ تحسه كاعد بالخيام
شنهي من إخلاص عنده _ وصار جيران الامام
كلهه تترحمه كامت _ وكبره ليليه ازدحام
من تزوره شوف المنظر// صاير كبره كبال المنبر
منظر عجيب ____ يشبه حبيب
**
الخدمه ربت هيجي وادم _ الخدمه أصح من الصحيح
يابشر شايل محنه _ وابنه بحظينه ذبيح
يسير اعله حسين ينعه _ السيد ايطب للظريح
بطوره يقره اعله السبيه _ ويا غريبه يضل يصيح
حسين يجمع كل أصحابه// السيد جاسم يفتح بابه
وينعه الغريب ____ يشبه حبيب
**
السيد وابنه مضاهر _ اندفنو باشرف مكان
حسين يم خدامه باله _ أبو الرحمه والحنان
اليريده يجيبه يمه _ يسلمه مفتاح الجنان
يكتب حسين اعله كبره _ هذا خادم عندي جان
عالمنبر من يصعد يقره // تحظر أول وحده الزهره
ويبدي النحيب ____ يشبه حبيب
**
عاش خادم مات خادم _ وانه اتحدى النساه
من كثر ماجان مخلص _ حسين رافع مستواه
لهسه نبجي من نسمعه _ عالنعي ذاكه القراه
خلص عمره بالمجالس _ الله شوف اشعوضاه
كل بيت الكه معلك صوره// لسيد جاسم تزهي بنوره
نال النصيب ____ يشبه حبيب
**
قدوة الخدام وظح _ كلنه نذكر هيج كال
اترك الدنيه لهلهه _ ويم أبو اليمه تعال
وانه بالسيد يخادم _ تقصدت اضرب مثال
اليحفظ الخدمه تحفظه _ ابد مابيهه مجال
لحظه بلحظه عيش النعمه // غيرك يتحسر عالخدمه
الينعه السليب ____ يشبه حبيب
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
احبك ياوحي جروحي
خدمتك اغله من روحي
الكلب غيرك. عليه يحرم. يحب ثاني
***
فسرتك مابين جروحي _ وبمصابك انعه
عكس الوادم ياابو اليمه_ تنحب بسرعه
مو بااول نظره وحبيتك _ من اول دمعه
بس انته الشفتك بالدنيه _ المهتم بربعه
لحنانك سلمت كلبي
احسك عايش بكربي
انه اتشرف. عبد عندك . يسلطاني
***
يل ماكاسر خاطر واحد _ كلبك حيرني
جنت امشي واعثر بذنوبي _ ودربك غيرني
ما فكر يحسين بثاني _ عطفك يجبرني
شمقدملك هاي الحيره _ وحيل تقدرني
غيرك محد ايهمني
لان بس انته تفهمني
صريح انه . العله كلبي . عله لساني
***
كحل عيني يا ابو سكينه _ برماد خيامك
ياسلطان الحب ادخيلك _ أضعف كدامك
بجروحك الجمهه اجروحي _ وعيشني ايامك
اتمنى لو احصل ذره _ من تراب اجدامك
شعظم شخصيتك ادخيلك
دمعت عاشك ابجيلك
الجمر بارد . جواني الحب . يبو احزاني
***
انه العطفك فاتح كلبي _ مصفيلك نيتي
اتمنه اكتب كلمه خادم _ حتى بجنسيتي
صورك عندي شايل طفلك _ معلكهه ابيتي
من اتمرض واحظر مجلس _ اترد عافيتي
رغم هفواتي واقصوري
اعرفك انته دكتوري
هوه المجلس . يبو الرحمه . الي شافاني
***
لذة عشكك من تلجمني _ اتقرب منك
وانته الهسه جروح الخدر _ ادري يلجمنك
دليني بواحد بالدنيه _ جروحه يشبهنك
ياعطشان شضل بصدرك _ وخيل يسحكنك
اريد اتنفس اوجاعك
شلون نسحكن اضلاعك
حرام الخيل . يسحكنك. يقرءاني
***
شما ادك بابك ادري بروحي _ لا متمل مني
اطلب من الله ومن عندك _ بحبك تشغلني
بداعت كافل زينب فدوه _ يحسين اكفلني
لتشيل ايدك عن جروحي _ كل ساع الجمني
الهمني سيدي احزانك
كاتبهه اعله بيبانك
اعرفك راح . يبو اليمه . متنساني
***
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مقدمة ليلة محرم
محـــرم لاتجينـــي وتاخــذ الغالـي امــن أدية
هــــلالك بيـــن وباجــــر يسمــونــــي السبيّة
محــرم جيتـــك أجلهـــا خـــل عيونــي ترتاح
بعـد مابيـه حيـل أحمــل بعــد دمعـــات ونياح
ولا عندي استطاعة أنظر مناحر فوك الرماح
ولا أريـــد أنصــدم بعضيــدي بــدر الهاشمية
محــرم كافــي بســك للـدمــع ماظلــت عيــون
بـيـن الخيـل ماأريـد أنظــر أيتامـي يركضــون
وخيمنا محركـه والكـوم تنظرلـي ويضحكـون
محــرم والشـمـــر يضربنـــي ويكطـــع أديـــة
على وجه الهـلال أجـم حـزن عاينتـه مرسوم
شفت نحـر الرضيـع بجـف أبوه أبنبلة مفطوم
ومن جسم الحسيـن بكربـلاء مسلوبة الهدوم
وخنصـر منبتـر وضلــوع مسحوكــة ورخيــه
محـرم شـرد اسولـف باجر يحركوهـا الخيـام
ولا يسلــم علـي ولا بالعــرس يتهنــه جسـام
وبيـوم اهــدش تـدري بخرابــة عيونــه أتنام
وعلــى رأس الابـو تتوفــه مــن عدنــه رقيــة
محرم عندي موقف بس صعب لو ردت احجي
مـــن كلــي الكمـــر سهــــم المثلــت لا تشلعي
ياخويــه يزينــب هــــل سهـــم بعيونـــي خلي
خــاف تحشمينـــي والاخــــو جفوفــــه رميــة
بعد ماتنتهي ويروح كلشـي ويمشـي الحسين
أروح ميســرة لديـــوان آميـة ويــه النساوين
محــرم آنـه زينـــــب وينــــي ويــن الدواوين
محــرم ماكفــاك الصــــار والسويتــــه بيـــــه
شطره
امجـــد صــــاحب الشطـــــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اني اشكر ربي الك سواني
الدنيه عالم وانته عالم ثاني
ماي اعله الخيام
بديني كل عام
**
فتشت عيني ولكيتك _ انه بالحب صرت اسيرك
بالزغيره وبالجبيره _ انته ابوي واستشيرك
كلبي من صدري اشلعه _ لو لكيته حاب غيرك
خيرك التارس شليلي _ وما يخلص والله خيرك
صرت مجنون واسير عيونك
الدنيه ما تسوه وعلي من دونك
بس بيك الأحلام
بديني كل عام
**
عالمك احله العوالم _ عايش بااسمك حياتي
انه لو بيدي ظريحك _ قبله اسويه الصلاتي
جم علك بيدي عكدته _ ادري يمك امنياتي
انته كايل عاليخدمك _ راح اللفنة بعباتي
وياك اريد حسين اخلص سنيني
اعليك من ابجي اكمل ديني
انته احله الايام
بديني كل عام
**
انته شيخ الدنيه كلهه _ وانه خطار ابمضيفك
ماترد واحد يجهبك _ مدلل اليتعنه ضيفك
الباجي لختك دمعه دمعه _ جائزه توديله طيفك
خادم اقبلني الرضيعك _ وانته مشيني اعله كيفك
ماشفت واحد مثل شخصيتك
تسوه كلشي الكعده بحسينيتك
سجلني لطلم
بديني كل عام
*****
عالمك كلش عجبني _ وخادمك شفتك تقدره
لعالم اخيامك اخذني _ بلكي اسحكلي اعله جمره
تاج لابس وانه خادم _ ربي يوميه اشكره
انه من كد ما احبك _ راسي بالعاشر اطبره
مستحيل الكالي مثلك صاحب
مااعوفك لو اصيرن شايب
وياي انته مادام
بديني كل عام
*****
طفي بيه خيمه خيمه _ حسين اخذني ماي بيدك
بهيمه تيهني الظهاري _ هم احبك هم اريدك
امنيتي اشوفك وانته كاعد _ تبجي لازم جفك عظيدك
رايد افهم شنهي حالك _ وكرب السيف الوريدك
مره خليني اشوف اجروحك
وأخذ روحي وياك فدوه لروحك
ظوكني السهام
بديني كل عام
*****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يوميه افز مثل الجرح .. وأتسائل شلونك
يالخلصت عمرك بجي .. سم الله عله عيونك
من شتاك الك كون // أهديلك اعيون
سم الله عله عيونك
***
مو للدمع عينك _ فدوه ارحم اسنينك
كافي معانات
الطف سبه إحساسك _ وابيض شعر راسك
مخلصهه صفنات
ماتعرف الراحه شني _ كاتلتك ادري الحركه
محد يلومك عالبجي _ عندك خيم محتركه
شباج جدك كل فجر _ تركض تروح تشبكه
يراويك مشهد من وكع _ شلون الخيول تسحكه
الف وتسع مية جرح .. كلهن يلجمنك
رجليك من كد التعب.. مااظن يعيننك
اوصلك اشلون // أهديلك اعيون
سم الله عله عيونك
***
هلاال العطش شفته _ شنهي التذكرته
بجاك الهلاال
حزنك حزن عاشر _ ومتعبك الحافر
بعيونك شضال
غيرك يبو ادموع الحمر _ محد يحس بالوعه
المن ايده سلبو محبسه _ مطشره نص اظلوعه
الله يساعد عمتك _ بشجم اخو مفجوعه
راس الغريب اعله الرمح _ وتهل عليهه ادموعه
بجم جثه عثرت بالدرب _ تدور عله الخوه
عثرت ببنهه وحاجته _ لا انته مو هوه
يالتبجي لام عون // أهديلك اعيون
سم الله عله عيونك
***
ياهوه يندلك _ وماتو جميع اهلك
دورتك اهواي
جفنك فلا نايم _ مخلص العمر صايم
ومزاعل الماي
عبدالله مات من العطش _ تنعه الرباب بهيده
عبدالله من حس بالسهم _ من اكماطه طلع ايده
شحال الرجع بي للخيم _ مذبوح جاب وليده
اكثر مشاهد كربله _ يبجيك من تعيده
الغروب اعرفك تختنك _ يالما الك جيه
نشغت طفل من الخيم _ تسمعهه يوميه
البكماطه مدفون // أهديلك اعيون
سم الله عله عيونك
***
اكثر بشر بينه _ ماغمضت عينه
بدرب السبي يروح
سير عله جروحي _ وياك أخذ روحي
وعلمني عالنوح
لو بيه حض ياسيدي _ جاهسه اندل بيتك
عندي امل بيك التقي _ وللمجلس اعتنيتك
جفوفك اقبلهه نذر _ حالف إذا لكيتك
الخاطر الراحن عالهزل _ سامحني لو نسيتك
علويه عدكم بالسبي _ ابجي لبواجيهه
بحرك الخيم طلعت ركض _ سلبو تراجيهه
بطاريهه مجنون // أهديلك اعيون
سم الله عله عيونك
***
عاشور اجه دخيلك _ بكل مجلس ادعيلك
بجفوفي الاثنين
امنيتي يالغايب _ تقبلني الك صاحب
ونبجي اعله الحسين
ثق بالي بس بيك انشغل _ بغيرك بعد ماافكر
يالمهدي اخذني العالمك _ بداعت هذاك الخنصر
لعاشور اكثر من شهر _ وللخدمه أنا متحظر
كون بثواب اهل الخيم _ ابصدري حافر يعبر
امنيتي اطيح وانحسك _ بالعاشر بحافر
بصدر الغريب المنذبح _ حته افهم شصاير
امنيتي مثل جون // أهديلك اعيون
سم الله عله عيونك
***
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
قصة حزن عجيبة أرويها هالمسية
عن مسلم المصيبة لمن وكع ضحية
يادنيا والله حيرة مسلم بلا عشيرة
آه يامصيبة
قصة بجمرة الأحزان راح اليوم أرويها
واكشف للبشر أحداث محد كدر يخفيها
الكوفة مسلم المظلـوم أول ما دخل بيها
راد يأدي دور حسين برسالة بيعة يبديها
لمن قرة الرسالة كلها أرفعت أديها
هاي البشر ظلاله ماتثبت بحجيها
وهنا عرف مصيره مسلم بلا عشرة
من شـاف البشـر آلاف كالـت نفدي وأنبايع
واجبنا أعله أبو السجاد نموت بحبه وندافع
من صلو جماعـة ويـاه عليهم ناظره يطالع
شاف الناس عنه أتروح ومسلم قبل بالواقع
لمن خلص صلاته عالخد جرت دمعته
مامهتم بمماته لحسين كل حسرته
يامحنته الجبيرة مسلم بلا عشرة
بقه مسلم غريب هناك جلمته ماهي مسموعة
لا ناصر اله ولمعين وكل الكوفة مقطوعة
مابين الازقه أيدور وبصدره ألف لوعة
وكف حاير يدك ياباب وقلبه أخذاه لعد طوعة
مسلم أنه يكلها ضيفيني هالمسية
روحي كطعت أملها من الكوفة يالأبيه
محد رجف ضميره مسلم بلا عشيرة
قبل وجه الفجر مسلم يدري الموت منتظره
رتـل آيـة القـران وعليـه اندارت الزمرة
هذا البالحجر يرمي وذاك اليرفس بصدره
وتالي بالحبل شدوه وهنانه أنكسر ظهره
لمن دنت وفاته بعيونه ظل يباوع
كباله اطلعت شماته الكالت اله نبايع
روحه مشت اسيرة مسلم بلا عشرة
دخل قصر الإمارة وشاف ذيج الوادم الغربة
مسلم عمه حامي الجار يصير بهالوضع صعبة
كالوله أبو السجاد أترك غايته وحبه
باجر بالطفوف حسين يموت وينكسر قلبه
كلهم أنه أعله دينه والغالي ما أخونه
لمن نبض حنينه جن غمضت عيونه
ياناس ماكو غِيرة مسلم بلا عشيرة
دار عيونه صوب حسين مسلم قبل ليغدروه
على سطح القصر مجروح عن طفله يون سمعوه
حميدة ياحميدة يصيح على رأسه بحقد ضربوه
وبلا رحمه العده جروه من أعلى القصر شمروه
من القصر مسلم طاح وينه اليعينه وينه
دمه على الغبرة ساح روحه مشت حزينة
وبساعته الأخيرة مسلم بلا عشيرة
شطره
أمجــد صاحـــب الشطـــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
خايفه يروح الضعن ويردلي خالي
خايفه أترد عمتي وماعدها والي
كون نفس الفاركوني
للوطن كلهم يجوني
آنه ياناس العليلة أهلي ما أنساهم
خايفه يرحون مني وبعد وين الكاهم
ضلتي بالدار صعبة كون اروح وياهم
آنه متعودة عليهم مكدر بلياهم
عيني مشبوحة بدربهم ليلة ليلة
همه مايدرون بأحوال العليلة
يمته تنظرهم عيوني
للوطن كلهم يجوني
عشت وي أهلي سعيدة وما أحس بهمومي
وجان وياهم عجيبة بسرعة يخلص يومي
من سمعت حسين كلي للموادع كومي
رحت ملهوفة الغرفتي كمت ألم اهدومي
كتله بويه ابهل مسيه وياك أخذني
شلون أودعك وأنت مأخذ كلشي مني
ما أريد يودعوني
للوطن كلهم يجوني
عشت كل أيام عمري أبيت أبويه الغالي
وجان غير البيت هذا كلشي مايحلالي
جنت يم الباب اكعد من يجيني الوالي
والله وسفه اليوم غربة بيت أهلنا وخالي
جنت يم عبد الله اكعد يم رقية
هسه بس صوت الصدى يرجع عليه
وين أهلي الضيعوني
للوطن كلهم يجوني
هاي ياطفلة التقاوم هل العذاب القاسي
هجر تفكير ومشقة وحتى مات إحساسي
لاتسالوني عليمن (ليش شيب راسي)
راحو إعزاز من أديه وخذو كل أنفاسي
المثلي هسه آنه تنام بحضن أبوها
المثلي أهلها بهذا عمري يدللوها
ما اضن يعوضوني
للوطن كلهم يجوني
اليرحم بدلالي وينه وينطفي جمرة ناره
لليجيب أخبار منهم والله أنطي أبشاره
وصلو للغالي سلامي خل يعود الداره
كافي روحي تعيش غربة وبالدمع محتاره
قلب البنيه على الوالد حنينه
هاي إلي جم يوم أنه وروحي حزينة
الاحبهم عذبوني
للوطن كلهم يجوني
صرت من كد انتظاري ياخلك محنية
ايست وأهلي الغوالي ماوراهم جيه
لن أجه بشر ويكلي عمتج مسبيه
كتلي والغالي يكلي شيبته مدميه
لا خيم ظلت يكلي ولا حماية
بس حرم يافاطمة وراحت سبايا
للمصايب سلموني
للوطن كلهم يجوني
شطره
امجد صاحب الشطري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
سولف يابشّر وشعندك أخبار
على أوليدي الحسين شصار ماصار
حاجيني ييمه وأرحم بحالي
مو عالأربعة خبرني عالغالي
مابيه صبر والقلب محتار
حسين راح الكربله وخلاني وحدي بالمدينة
وآنه من ذاك الوكت أيدي أعله خدي بالمدينة
وهسه جيت أنت ييمه اليوم عندي بالمدينة
سمي بسم الله يبن حذلم وابدي بالمدينة
أول يمه ماتبديلي بحسين
صار هواي غايب شمعة العين
من هذا غيابه أنفطر دلالي
مو عالأربعة خبرني عالغالي
مابيه صبر والقلب محتار
مو على بعضك أشوفـك لـيش حاير شنو بكلبك
يبني أحسك مثلي هم مكسور خاطر شنو بكلبك
يا أهل يثرب كلت والدمع ناثر شنو بكلبك
لا مقام بهل الأرض مو حجي عابر شنو بكلبك
أحس عندك حجي ومصايب هواي
أحس ضامي أنذبح ماشارب الماي
أنزل من مهرتك وأكعد كبالي
مو عالأربعة خبرني عالغالي
مابيه صبر والقلب محتار
آه مـدري منيــن أبـدي يـم البنين آه ييمه
آنه خوفـي مـن اسولفلج تموتين آه ييمه
البقـه براسـج تره طاحن الجفين آه ييمه
جعفـر وعبدالله عالغبره مطاعين آه ييمه
آني ماسالتك عن الأولاد
كتلك يابشّر وين أبو السجاد
جاويني تراني منشغل بالي
مو عالأربعة خبرني عالغالي
مابيه صبر والقلب محتار
فاطمة راعي الكفالة أعله نهر نام حالة صعبة
جسمه ماينشاف ضايع من الإسهام حالة صعبة
بكربله لا ظل خدر لا ظلت أخيام حالة صعبة
زينب بحر الظهر تجمع بالأيتام حالة صعبة
عبد الله الطفل بالنبلة ذبحوه
ست أشهور عمرة بخيل سحكوه
بعد سولفلي شنهو الصار بالتالي
مو عالأربعة خبرني عالغالي
مابيه صبر والقلب محتار
سولفت كلشي وبقت حالة أخيرة يامصيبة
هو بس حسين ظل او ماكو غيرة يامصيبة
بلا نحر خليته وشلائه بحصيرة يامصيبة
عاري جسمه وحتى أضلاعه كسيرة يامصيبة
رأسه بالرمح يالحرة رفعوه
حتى خاتمة من أيده سرقوه
هسه بكربله كلشي تراولي
مو عالأربعة خبرني عالغالي
مابيه صبر والقلب محتار
الجنت احسبله أنه أيام والليالي راح مني
حسين مايرجع بعـد الدنيا تالي راح مني
يابشّر قلبي كسرته على الغالي راح مني
دموعي عالخد تندب باسمه وتلالي راح مني
شلي بعمري بعد وحسين مذبوح
راح أبجي لحد ماتطلع الروح
ويظل السؤال ايدور بخيالي
مو عالأربعة خبرني عالغالي
مابيه صبر والقلب محتار
شطره
امجد صاحب الشطري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مقدمة ليلة محرم
محـــرم لاتجينـــي وتاخــذ الغالـي امــن أدية
هــــلالك بيـــن وباجــــر يسمــونــــي السبيّة
محــرم جيتـــك أجلهـــا خـــل عيونــي ترتاح
بعـد مابيـه حيـل أحمــل بعــد دمعـــات ونياح
ولا عندي استطاعة أنظر مناحر فوك الرماح
ولا أريـــد أنصــدم بعضيــدي بــدر الهاشمية
محــرم كافــي بســك للـدمــع ماظلــت عيــون
بـيـن الخيـل ماأريـد أنظــر أيتامـي يركضــون
وخيمنا محركـه والكـوم تنظرلـي ويضحكـون
محــرم والشـمـــر يضربنـــي ويكطـــع أديـــة
على وجه الهـلال أجـم حـزن عاينتـه مرسوم
شفت نحـر الرضيـع بجـف أبوه أبنبلة مفطوم
ومن جسم الحسيـن بكربـلاء مسلوبة الهدوم
وخنصـر منبتـر وضلــوع مسحوكــة ورخيــه
محـرم شـرد اسولـف باجر يحركوهـا الخيـام
ولا يسلــم علـي ولا بالعــرس يتهنــه جسـام
وبيـوم اهــدش تـدري بخرابــة عيونــه أتنام
وعلــى رأس الابـو تتوفــه مــن عدنــه رقيــة
محرم عندي موقف بس صعب لو ردت احجي
مـــن كلــي الكمـــر سهــــم المثلــت لا تشلعي
ياخويــه يزينــب هــــل سهـــم بعيونـــي خلي
خــاف تحشمينـــي والاخــــو جفوفــــه رميــة
بعد ماتنتهي ويروح كلشـي ويمشـي الحسين
أروح ميســرة لديـــوان آميـة ويــه النساوين
محــرم آنـه زينـــــب وينــــي ويــن الدواوين
محــرم ماكفــاك الصــــار والسويتــــه بيـــــه
شطره
امجـــد صــــاحب الشطـــــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
أول شخص حبيتك
مثل الهوى شميتك
كل لحضة من سنيني ادعي ودمعتي بعيني
خادم إلك خليني
خادم تحت أمرك عايش على ذكرك
كل عمري خلصته وياك
ما افترك عنك عمري بده منك
يابو علي آنه بحماك
ماريد شي من دنيتي بس خدمتك هاي
اقبلني وقبل خدمتي مرة يمولاي
أتشرف آنه بمجسك لو وزعت ماي
لو أخدمك كل عمري
ما وافي حبك ادري
بس نظرتك تكفيني ادعي ودمعتي بعيني
خادم إلك خليني
شهر الحزن لو هل بدموعي أتوسل
والبسهن أثياب الإحزان
انعه لقطع نحرك وجروح الــ بصدرك
ويلي على المذبوح عطشان
شلون ابخل بدمعي انه وأنت على الرمال
شلون ابخل بلطم الصدر وصدرك صفه وصال
شلون ابخل بالبس السواد وسلبو عيال
شهر الحزن لو مرني
يذبحنـــي ويألمنــي
والحسرة من تجويني ادعي ودمعتي بعيني
خادم إلك خليني
جمرة إلك بيه مشتعلة يومية
ماتنطفي بقلبي يحسين
مصابك ولا صاير بصدرك إلف حافر
ياعين توفي إلك ياعين
راسك يلوح أعله الرمح والضلع مكسور
والسهم نابت بالجبد والصدر محفور
ياعين توفي بالدمع بيام عاشور
شما عيني صبت يمك
متساوي قطرة بدمك
كل يوم من سنيني ادعي ودمعتي بعيني
خادم إلك خليني
بدونك شلي بعمري يلي أرفعت كدري
سويتلي قيمة بالناس
نطيتك فقط دمعة وحصلت هل الرفعة
منك ومن الكمر عباس
شكراً وألف شكراً على القدمته إليه
بس هذا مو همي يبو الروح السخية
كل همي أمك فاطمة ترضه عليه
والترضه عنه الزهرة
وكت المنية أتحضره
خاف الأجل يلفيني ادعي ودمعتي بعيني
خادم إلك خليني
مهما الزمن يفتر والدنيـا تتغير
تلكاني واكف على الباب
لاطمع يبعدني ولا أمر يرهبني
خليها هاذي بالحساب
أول محب لو عسرت تلكاني يمك
لو وحدي اظلن ما أهم يحسين أخدمك
غير آنه بيك اتولعت من فدوه لاسمك
آنه أقسمت للتالي
ماخالفك يالغالي
همه وعزم تنطيني ادعي ودمعتي بعيني
خادم الك خليني
قبرك الي جنة يابـو علـي اتمنه
يمك أجي واجري الدموع
محروم انه هواية ما امشي مشايه
دربك يبو اليمه مكطوع
قلب اليحبك سيدي شيطفي ناره
يايوم بالله ينفتـح درب الزيارة
مشتاك أشم عطرك وصد أعله المنارة
جم روح إلك مشتاكه
بالله شوكت نتلاكه
مديت الك جفيني ادعي ودمعتي بعيني
خادم الك خليني
شطره
امجد صاحب الشطري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
راح الكمر يازينب وظهري أنكسر
راح الكمر خليته نايم النهر
جيتج يخويه مجروح خدرج فكد دلاله
راعي الكفالة مذبوح وتكطعت وصاله
يختي زينب راح أبو الغِيرة بعد ميرد علينه
يختي زينب لاتكولين الكمر عباس وينه
يختي زينب عفته يم شاطي الفرات مسلبينه
يختي زينب جفوفه مكطوعه وسهم نابت بعينه
يم النهر ضامي وضلوعه مكسّرة
يم النهر حتى الشفاه مفطره
من نحره دمه مسفوح وشلون خويه حاله
راعي الكفالة مذبوح وتكطعت وصاله
من اجيته شفتـه نايـم منهضم بـس ماعرفته
من اجيته من الم صدره عضيدي يون سمعته
من اجيته طحت يمّه بحيرتي وبيدي حضنته
من اجيته كتلـه ياخـويـه تـره ظهري كسرته
لا تعتذر كتلـه أبـد لاتعتذر
لا تعتذر قلبي وي قلبك منسكر
خليته عاري مطروح صوتي بحزن تعاله
راعي الكفالة مذبوح وتكطعت وصاله
والله حيرة بعين وحـده يالحبيبـه يصد عليه
والله حيرة يكلي ياخويـه اعتذرلي من رقية
والله حيرة شلون أرد لخيمتي وماعندي أديه
والله حيرة كتله بعدك يابو فاضل منهو إليه
صاح بألم مابيه أردن للخيم
صاح بألم بعيوني خليه السهم
ظلينه نبجي وأنوح مر أسمج اعله باله
راعي الكفالة مذبوح وتكطعت وصاله
شلون حالة خويه وبذاك العمد مهشوم رأسه
شلون حالة شفته حاير كافلج بآخر أنفاسه
شلون حالة ماكو شي من جسمه صاحي الخيل داسه
شلون حالة عليج وأعله العايله ينبض حساسة
شفته أنهضم من عينه صبت دمعته
شفته أنهضم يدري شيصير بعيلته
وهنانه صعدت الروح راح وترك عياله
راعي الكفالة مذبوح وتكطعت وصاله
هذا حالي من بعد عبـاس يختـي هـذا حالي
هذا حالي منكسر قلبـي ودمع عيني يلالي
هذا حالي صرت وحدي بغربتي سافر الغالي
هذا حالي شلون لو سيف الشمر باجر دنالي
يابت علي بالعاشر بوكت الظهر
بانت علي يكعد على صدري الشمر
يذبحني وآنه المجروح هذا الفعل حلاله
راعي الكفالة مذبوح وتكطعـت وصاله
يالعقيلة شلونه حالج هالمسيه بلا بوفاضل
يالعقيلة ومن بعد عباس هم حسين راحل
يالعقيلة لا خيـم باجـر تظـل ولا محامل
يالعقيلة من بعد موتي تصعدين الهزايل
من كربله ضعنج يزينب ينسبي
من كربله واليحدي بيج الأجنبي
لا ولي وياج يروح ضعنج منو البكاله
راعي الكفالة مذبوح وتكطعت وصاله
شطره
امجد صاحب الشطري
h
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
علامات النصر لاحت بدينه
حسين ونصرتك واجب علينه
لا والله يبن الهدى لن ننسى عهد الولاء
صوت الحق نسمعه من الخيم كبر
هل من ناصر لبيـت النبي وحيدر
هتفنه بكل عزم يمك يبو الأكبر
منعوفـك قسـم لـو كطعـو المنحر
نجيب العسكر مدنـك أمامك
وفلا واحد يصد عينه لخيامك
لبينـا لك النداء لن ننسى عهد الولاء
تركنه بيوت أهلنه وجينه للنصرة
حي أعله الجهـاد الوعـد ننتظره
إشارة أنريد منك ياضوه الزهرة
اليوصل يمنا حتماً ينكسر ظهره
ثياب المعركة لبسناها كلنه
فقط أمرك بقه ويهب جدمنه
في البيداء أهل الوفاء لن ننسى عهد الولاء
صحنه بكربله صيحت أسد غاضب
وين أزلامكم خل تطلع أتحارب
كل جند المعسكر عافت الواجب
يحسين وعلى الهارب وكع هارب
أنخطف لون الشمر مثل البقية
عرف بينه ولّد حامي الحمية
عاهدنا في كربلاء لن ننسى عهد الولاء
الجيش بكربله شكبره أعله مد العين
مايتساوه وي الواحد وسبعين
إذا ردنه نقارن نحجي بسم الدين
يزيد أعله الطمع واحنه أعله حب حسين
نعم جيش الغدر أكثر عددهم
ولكن بالعزم احنه أقوه منهم
كي تبقى تلك الدماء لن ننسى عهد الولاء
ندري بكربله يصير الدمه الطوفان
ونحصلها الشهادة بساحة الميدان
من شافو محبتك تسـري بالوجدان
غدرونه ووكعنه جبـال عالتربان
خسرنه الدنيا وربحنه محبتك
يبو اليمه وشرف هذي صحبتك
إذ قلنا إلك العطاء لن ننسى عهد الولاء
باجر يشهد التاريخ بالأمجاد
مابين الشمر وأنصار أبو السجاد
ياهو أتخلد وياهو أسمه صار أرماد
ياهو الصـارت بوجـه الطغـاة أسياد
مسيل الدم كتب لوحة نضاله
وتخلدنه بأمر وحي الجلالة
في الزمان نحن بقاء لن ننسى عهد الولاء
شطره
امجـــد صاحـــب الشطـــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مقدمة ليلة محرم
أمرنا يابن فاطمة
هاي المناحر والدمه
واجبنا كلشي أنقدمه
ياسيد الشباب
عن نصرتك مانعتزل
بس آمر وكلشي سهل
نتمنى يمك ننقتل
نتمنى يمك واجب نخدمك
صح احنه اقل منهم عدد
بس عدنه من حبك مدد
مانخلف وياك العهد
يالعالي أسمك واجب نخدمك
كل واحد باسمك قسم
محد يصل صوب الخيم
دام بادينه أيرف علم
ياسيد الشباب
هاي الجيوش الغادره
نسحكها يبن الطاهرة
يم الخيم نوكف سره
نصطف حوالك نحمي عيالك
منعوفك بهذا الوضع
لو هل المناحر تنكطع
حبك يبو الأكبر درع
صاحت رجالك نحمي عيالك
يم خيمتك فنه اليمر
ظهرة يقينا ينكسر
خل يسمع اليوم الشمر
ياسيد الشباب
يابن علي عقد الوله
كلشي إلك نتحمله
تشهد علينه كربله
لامانعوفك احنه سيوفك
ماردنه منك ننحرم
قلب اليحبك ينهظم
ميهمك بجيش الخصم
لهذه ظروفك احنه سيوفك
الله ومحمـد وعلي
ويانه وأنت يل ولي
هاي العساكر تنجلي
ياسيد الشباب
لمن كلت يبن الفحل
عوفوني آنه بهل المحل
مانتخذ ليلك جمل
يبن الصميده عدنا عقيدة
لو ميت الف موته قسم
لعيونك انكلهم نعم
غايتنا نحيها القيم
والحك نريده عدنا عقيدة
لو نصبح أرماد او وذر
ونطشر بماي البحر
هم نرجع بمر الدهر
ياسيد الشباب
لو ننذبح لو ننصلب
مانرجع بهاي الحرب
درب الشهادة أجمل درب
وأنت البداية وأنت النهاية
دم النحور شما نزف
بهل الدم نحقق كل هدف
هذا اكبر وأعظم شرف
نوكع ضحايا وأنت النهاية
ورب السماء السابعة
غيرك نعم منبايعه
بالدم عهدنا نوقعه
ياسيد الشباب
باجر يخلدنه الزمن
وأنت التصير ألنه وطن
قبة منارات وصحن
تخضر دمائك في كربلائك
كلها تطفوف بجنتك
وأنت تحيي الزارتك
شيعتنا كلها بخدمتك
تحجي بوفائك في كربلائك
كل احنه يمك ننجمع
نورك علينه أيضل يشع
وراية محمـد ترتفع
ياسيد الشباب
بغداد
امجـــد صاحــــب الشطـــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
علي الأكبر كتب تاريخه بدماه سجــل تضحياته
نجـم فـوك النجـم بارينه علاه فاز بكـل بحياته
بسمه أتخلد الدين وفه بدمه لحسين
علي الأكبر من محمـد والنبي من الجلالة
كل خصال الغِيرة عنده والشرف أعظم خصاله
هل فتى جده الصميده ماوصل يوسف جماله
سجل بدمه مواقف يشهد الطف بقتاله
فتى الحومة علي لا مايطخ رأس متهمه المنية
أخذ فن الحـرب مـن عمه عباس ليث الغاضريه
عنه نبتدي منين وفه بدمه للحسين
علي الأكبر هدف عنده شق طريقه باختياره
مغريات الدنيا كلهـا يـدري بالتالـي خسارة
أذن بوجه الظليمة حسين ما أترك مساره
شال سيف الله بيمينـه حتـى يعلن انتصاره
وكف مثل الجبل ويردد بصوت وتسمعه الدعيه
علي الأكبر أنه ماخايف الموت رَجّــف آل أميه
لا ماهمه كل بين وفه بدمه للحسين
من برز للحومة الأكبر خله جيش الشام يندم
بكــر ابـن غـانـم تنكطـر سيفـه وداه لجهنم
حسين بعيونه يباوع وأمه صاحت يبني تسلم
يبني شد حيلك عليهم أنت والقاسم تقدم
هجم مثل الأسد خطاف الأرواح وجاسم عن يمينه
الشمر شاف الحدث من المهر طاح كلهــم طب علينه
منه نشرد لوين وفه بدمه لحسين
علي من أتشد قتاله علي الهارب وكع هارب
شافته عيون العساكر يطلع من أربع جوانب
كالت الأبطال عنه علي هـذا أفضل محارب
لا عساكر بقـت يمه ولا جيـوش ولا كتايب
الزلم خلاها كلها كباله تحتار سحك أهل الخيانة
لحد قصر الإمارة وصلت أخبار علي الأكبر سبانه
شافت معضله العين وفه بدمه لحسين
حقق بـزوده أنتصـاره لأكبــر بقــوه وإرادة
والنصر لحسين جابه من بعد صولة جهاده
ودع أمـه ورد تقـدم للحـرب وحسين ناده
يبنـي يـل أكبـر وداعــاً أنـت رايـح للشهادة
يليلى هذا الأكبر كومي اشبكي رايــــح للمنية
بدموعج هالمسية أنتي ودعي تره مامنه جيه
بعيونج تشوفين وفه بدمه لحسين
نال بالطف الشهـادة وخلـده الباري بسمائه
وأنتصر عالسيف دمه يشهـد حسين بوفائه
ألف وأربع ميت عام وماخفـت ثـورة دمائه
مايموت الينطي روحه من اجل دينه أولائه
علي الأكبر هتف للذلة هيهات ماخذ حكه بيده
علي حي يرزق لهل ساعة مامات اسمه وي العقيدة
يبقى مر السنين وفه بدمه لحسين
شطره
امجـــد صاحـــب الشطــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مقدمة ليلة محرم
شلون مصيبة العباس يازينب حملتيها
يازينب عضيدج راح ويلي ومنسكر ظهره
ضامي أعله النهر والخيل عميه وتسحك بصدره
خويه شلون أرد بي وكل أجزائه مطشره
رأسه مهشم بعامود ولايمنى ولايسرى
زينب جثته العباس ريتج لاتشوفيها
يم شاطي النهر مطروح شفت عيونه مطفيه
والجود بسهم مصيوب يم جفوف راعيه
شفت اشفافه متفطرات وآنه اشبكته بديه
كتله اكعد يخويه وياي ماتدري شسده عليه
سكنه واكفه أتانك تنحب لاتخليها
ياخويه شكثر طعنات موجودة على جسمه
ردت اجمع جسم عباس بس عباس شيلمه
يازينب صرت محتار بس أنحب وون يمه
جبده من السهم نصين شفته وسابح بدمه
حتى شفافه متفطرات كمت بدمعي ازكيها
حاجيني يخويه شلون أمسح وجهه المعفر
بعيونه أشوف أتراب مخلوط بدمه المنحر
لا اكدر اجيب الماي وغسل جسمه الموذر
ولا عندي دوه العباس واجبر ضلعه المكسر
ارجع للخيام شلون وهاي أوصاله أخليها !
يازينب شبكه عليه ولن صوته يحاجيني
عذراً خويه أبو السجاد ماشوفن تره بعيني
لا تاخذني للخيمات كلي اهنانه خليني
شلون ارجع يخويه شلون وآنه مكطعه أيديني
هذا دمعة الوفاي يازينب عرفتها
عفته وعيني تربه عليه يبجي ودمعته أتلالي
صاح بصوت خويه حسين سلملي على أطفالي
آنه الخميتي رديت شفت الناحية كبالي
لن سكنه ورقيه تصيح وين الكافل الغالي
كلتهن ذخرجن راح وصرت بصبري اواسيها
بغداد
امجـــد صاحـــب الشطــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
هليلـة مـو ليلــة عـرس ليلـة دمـع يايمه
باجر يذبحون الشمس طفي الشمع يايمه
والحنــة لتعجنيها بدم النحر خليها
يايمه يايمه
هاي الليلة آخر ليلة من عمري
مو ليلة شمع ليلـة كسر ظهري
وصية والدي حافظها أنه بصدري
ومن هسه ييمه سلمت أمري
خليني أودع عمتي وكل أخوتي يايمه
جم ساعة وتحل ذبحتي يامحنتي يايمه
وأجنازتي أتلقيها بدم النحر خليها
يايمه يايمه
اودعج هالمسية وأنتي ودعيني
عنج راح أروح وماتشوفيني
أنه من اوكع ردت بيدج تلميني
خاطر من دمه المنحر تحنيني
باجر ظلوعي مكسّرة فوك الثره يايمه
والجثـة منـي معفـرة دمهـا جره يايمه
بالدمعة لتغسليها بــدم النحر خليها
يايمه يايمه
ييمه مثل الأول بعد مانرجع
أنتي بخيتمج وآنه أهوى بالمصرع
لو جيتي ولكيتيني أنه مكطع
واسيني بنحيبج يمه والمدمع
يـايمـه مـن بعـد الـذبـح راح أندبج يايمه
راسي تشوفينـه برمح ويصـد ألج يايمه
وثيابي لتبدليها بــدم النحر خليها
يايمه يايمه
عفت عرسي أعله مود حسين أبو اليمه
خليني اموتن وانذبح يَمّه
جسمي يالحنينه مو مثل جسمه
عمي مكطع أعله الكاع شيلمه
ماريده عرسي الخاطره فدوه صحت يايمه
من قبل كطعت منحره آنه متت يايمه
جلمة عهد حاجيها بــدم النحر خليها
يايمه يايمه
بعد ما انجتل ويسيل كل دمي
شنو حالج ييمه وأنتي مو يمي
لا يمج علي الأكبر ولا وعمي
الله يساعدج عالمحنه يا أمي
باجر يجي بسوطه زجر بعد الظهر يايمه
ويشتم أبنات الخدر وأم الصبر يايمه
عن لوعتي خبريها بــدم النحر خليها
يايمه يايمه
مو سهلة عليج وحيرتج حيرة
بعد جاسم فتى لا مايصح غَيرة
خواتي الجان كافلهم أبو الغِيرة
من ديره وسافة يروحن الديره
من عدهن يغيب الأمـل ذاك المحل يايمه
وجروحج تصيح بوجل وي الأهل يايمه
روحي تون شبيها بــدم النحر خليها
يايمه يايمه
شطره
امجد صاحب الشطري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصائد محرم الحرام (الليله الخامسه)
نزال (مسلم أبن عقيل (ع)
...................................................................
من دخل للكوفه الجيش حط بي خوفه
...................................................................
اليوم يومك ياشهم الكوفه طبلها بعزم
وخلي كل هاي الزلم أگبالك أنتـه تنهزم
دخل للحومـــــه ابوطاهر والزلم بچاها
العركه تحلاله أبوطاهر والحرب يهواها
الجيش سل سيوفه من دخل للكوفه
...................................................................
مسلم بصوته هتف وبعلي حيدرحلف
الجيش وضعه أختلف الجيش ضل يزحف زحف
زحوف ماتمشي الزلم بالحـــــرب خلاها
أمن الكوفه طلعها أبوطاهر للنجف رداها
الجيش لا ميعوفه من دخل للكوفه
...................................................................
بالحرب لمن تطوف الزلم غيرك ماتشوف
بگلوبهم زارع الخوف ذل الكتايب والصفوف
بالحرب انتـــــه ياابوطاهر ياهو اليدنالك
والجيوش تخاف ضلت حتى مـن خيالك
الجيش طش صفوفه من دخل للكوفه
...................................................................
بالكوفه مسلم من حضر صاح يااهل الغدر
اليـــــــــوم أروايكم سقر بركان مسلم وانفجر
أمس يهل الكوفه كلكم والله بايعتوني
اليوم نكريتوا عهدكـــم والله وخنتوني
بالغــدر معــــروفـــــه من دخل للكوفه
...................................................................
الاسد وابن الاسد الكوفه طبها مستعد
وصاح ياحيدر مدد بالجيش ميهم والعدد
مايهم بالجيش مسلم ماتهمه أعــــــداده
دارس فنون الحرايب من علي واجداده
واحد بعينه يشوفه من دخل للكوفه
...................................................................
هاشمي وطگ العرگ الزلم يطبگها طبگ
عشــــره بعشره يطگ الزلم يسحگها يسحگ
الروس تتطايـــر بقت عالارض خلاها
اليوم بالكوفه أبوطاهر ملحمه سواها
عالأرض مگطوفــــه من دخل للكوفه
...................................................................
الشاعر عماد محمد الدراجي
الثلاثاء //
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصائد محرم الحرام (الليله السادسه)
قصيده رئيسيه (للأنصار)
...................................................................
يالتسأل علـــــــــى الصحبان ركـز وافتهم زيـن
الصحبه الزينـــــه تلگـاهـا بس بربــــع الحسين
...................................................................
استعجلنه وعلى العــــدوان مثل الموت طبينه
هدينه فـــــرد هــــده شحــــــده الــــي يلاگينه
ذلينـــــــه العساكــر هــاي كل الجــــيش ذلينـه
دمنــــه حــــار لو نغتاض محـــد يگــــدر علينه
العمــر لحسيــــن قدمناه وبكلشي اله مضحين
..................................................................
مثل أنصار أبـــــوالسجـاد بالـــــدنيا فلانلگـــــه
كل واحـــــد تره بيهم يحب حسين ويعشگـــه
وگبل لاينداس صدر حسين الخيل يريدها تسحگه
وعابـس أول العشاگ قميصه بالحـــرب شگـــه
قميصه بالحرب شگاه ضحه بروحه لاجل الدين
...................................................................
حبيب بشيبته تقـــــــدم والحومـــــه دخل ليها
العساكر هـــــــاي متهمــــه العساكر كلها يفينها
شايب والنعــم منــــه الــــــــزلــــم كلها يبچيها
حبيب الحومــــــه طباهــــا گلب سافلها عاليها
يصيح الجــــيش وينادي هـــــــذا الجانه منين
..................................................................
ربــــــع حسيـــن عيالــــــــه خلوها الزلم طشار
ماهمهم حــــرب لامــوت تحدوا والله الاخطار
واحـــــــدهم بألف ينعـد واحدهــم بطل مغوار
حگـه حسيـــــن يتباهـا ويزامط والله بالانصار
درب حسيـن ماعافــــوه بدربـــــه للابد ماشين
...................................................................
الملح والـزاد ماعافــــــــوه كلهم غيــره ومروه
وگفـــــوا وي ابوالسجاد سنـد صارولــه وتچوه
بأنصاره يتباها حسيـــــــن خوتهم صـدگ خوه
اصحاب حسيـن وفايــــــــه كلهم غيره ونخوه
ماخلفوا عهـــد وياه بعهدهــــــم للابـــــد باقين
...................................................................
الشاعر عماد محمد الدراجي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصائد محرم الحرام (الليله الخامسه)
نزال (مسلم ابن عقيل (ع)
...................................................................
كثر شوگي وحنيني شوكت گلي تجيني
...................................................................
أون ودمعي ساچب أون وگلبي ذايب
يبويـــه وعني لاوين رحت يغلى الحبايب
أون ليلي ونهاري وصعب بويه أنتظاري
اناطر جيتك أنه شوكت ترجع يغالي
أنطفت شمعه سنيني شوكت گلي تجيني
.................................................................
اليفارگ والده شلون ماضن شدته تهون
يــــــــون ليله ونهاره وأبد ميغمض العيون
اليسافر فتـره ويعود يخلي لسفرته حدود
وانـــــه الغالي تركني أعيـــش بنار الوعود
نار الهجـر تچويني شوكت گلي تجيني
...................................................................
بقيت أصفگ بديه واون صبح ومسيه
واگولن يمته ترجع تـــــــرد يايوم أليه
الزمن ياذيني بعدك يبويه وانه أودك
الزمــــن مارحم بيه بعدني بويه عنك
كثر بويـــــه ونيني شوكت گلي تجيني
...................................................................
بگلبي عاش ذكراك فلالحضه انه أنساك
كل عمـــري تمنيت اعيشن بويــه وياك
يايوم أنتــــــه النه ترد ياابوالمحنه
وبالبيت أنته تگعد وبحضنك تلمنـــــــه
تشوفك يمته عيني شوكت گلي تجيني
...................................................................
غيابك طول هواي يبويه وزاد بلواي
يايوم انــه أشوفك گاعد بويــــه وياي
تــون بنتك حميده وتگول الغالي أريده
يمته يـــــــــرد أليه امـــــن اديار البعيده
فراگك والله ياذيني شوكت گلي تجيني
...................................................................
الشاعر عماد محمد الدراجي
الاربعاء //
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مقدمة ليلة محرم
هاي آخر مسيه وياكم اكضيها
باجر خيمتج ياهو اليطفيها
ويلاه ياكربله ويلاه ياكربله
من هسه يزينب قلبي مامرتاح
شيصير الوضع من ينطر المصباح
على صدري يزينب يكعد الذباح
يلزم ركبتي ويبدي يحز بيها
ويلاه ياكربله ويلاه ياكربله
باجر خويه زينب كلشي يتغير
لا عبد الله يبقه ولا علي الأكبر
كل أنصاري فوك الغبرة تتطشر
وحوافر آلــ أميه تسحك عليها
ويلاه ياكربله ويلاه ياكربله
باجر جم عزيز أعله الترب نايم
باجر تطفه بالطف شمعة القاسم
وأنت عليج زينب تلتم الوادم
وأطفالي النذل يتجاوز عليها
ويلاه ياكربله ويلاه ياكربله
باجر ينفكد غالي ويشيب الرأس
باجر عالنهر يتكطع العباس
باجر بالحرم يتشمتون الناس
بعد عين الكمر من هو اليحاميها
ويلاه ياكربله ويلاه ياكربله
باجر حتى عبد الله الطفل يرموه
بالمثلث يزينب ضنوتي يذبحوه
عطشان أعله الرمضه كربله يخلوه
وأمه من الخيم أسمع نواعيها
ويلاه ياكربله ويلاه ياكربله
باجر خيمة ماكو الياكتر ترحين
باجر بالخربة زينب تنامين
على الرأس الرمح مرفوع رأس حسين
من اتصدلي طفلة شلون أحاجيها
ويلاه ياكربله ويلاه ياكربله
باجر تنسبين أنتي وعلي السجاد
باجر بالسلاسل تنجر الأولاد
يمشوكم غصب ياخويه لابن أزياد
سبايا والشمر ياخويه حاديها
ويلاه ياكربله ويلاه ياكربله
باجر جم مصاب عيونج اتشوفه
باجرعالهزل والأيد مجتوفه
صعبة عليج زينب طبت الكوفة
راح الجان بالكفات حاميها
ويلاه ياكربله ويلاه ياكربله
بغداد
امجــــــد صاحــــــب الشطــــــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيدة اساس ليلة محرم
يــــايـمـــــه تعــالي راح من أيدي غالي
هــذا حسيـن متــوسـد الغبرة
آنــه ويـــاج خلينـــه نحضره
مــن طلـع مـن خيمتـه وجـدمـت مهرة
يمــه بستــه بـركبتــه وشميــت صدره
جنــــج تعـــرفينـــي مــا أرجـــع يحره
كلي اخـوج الشمـر باجــر يحــز نحره
كتله عليك جدي لتخلينــي وحدي
ما أتحمل أعله الغِبره أنضره
آنــه ويـــاج خلينـــه نحضره
وي مشيتــه عيونــه داراهــــن عليــه
يمـه من نضـراتـه إلـي مامنــــه جيــه
نـاحـت وركضـت عليــه بنتــــه رقيــة
تكلــه بـويــه ويــن رايــــح هالمسيــه
ظــل يتعالـه ونها رد ليها وحضنها
قَبّل طفلته وضمها أعله صدره
آنـــه ويــــاج خلينــــه نحضره
مـن وكـف بالحومـة وعيـونـي تصد ليه
ظـل يودعني وصـدمنــي بــرفعــة أيديه
يُمـــه شفـــت الخيــل كامـت تفتـر عليه
كلـت راح أبــن أمــي راح ومـن يحاميه
يمّـه الشمـر شفتــه
حط سيـف بركبتــه
شلـون أتحمـل المـوقــف يزهره
آنــــه ويـــــاج خلينــــه نحضره
خل نروح أنشـوف أخويـه ويـن واكع
نجـر سهـم النايبـه المـن ظهـره طالع
يمـه مـن نوصـل نعــايـن عــل أصابع
لان خنصـر كـالـو مــن جفوفـه ضايع
خــل نــدوره وينــه
لا واحــــــد يجينــه
نــايـم عـالثـرى ومكسـور ظهره
آنــــه ويـــــاج خلينــــه نحضره
ردت قطعـة قمـاش أستـر بيهـا جسمه
خــاف تجويـــه الشمــس باجـــر ييُمه
يمـــه لا يمـــي نعــــش خـاطــــر ألمه
ولكـدر أتــرك كــل عيالــي وأبقـه يمه
مايرضـــه عليــه
مــن أتـرك رقيــة
خلــه بقلبــي أبـو السجـاد جمرة
آنــــه ويـــــاج خلينــــه نحضره
حسيـن راح واحنــه بالغــربـة بقينــه
الخيــــم باجـــــر يحــركـوهــا علينــه
أبـلا اخــو بألطف نصير شلـون بينــه
باجــر ايكلــي الشمــر عبــاس وينــه
يضـرنــي ويسبني
وبحبلـــــه يجــرني
والعبــاس هـــل المــوقــف يقهره
آنــــه ويـــــاج خلينــــه نحضره
شطره
امجـــد صاحـــب الشطــــري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نعي 😭
بهزله خذوني وشوفي اديره
لحسين والبدر العشـــــــــيره
وگلتلهم الجبتوها اميــــــــره
عنكم مشت يخُوَتها اسيـــره
ماتحمل الفركه الجبيـــــــــره
جا بعد شيصبر الزغيـــــــــره
حيره بخوتي حرت حيـــــره
اللّمتني لمّوها بحصيـــــــــره
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصائد محرم الحرام (الليله الخامسه)
قصيده رئيسيه (مسلم أبن عقيل)(ع)
..............................................................
هذا مسلم والنعم لوحده مبچي الزلم
مــــــــن لزم فقاره شـن عليهــم غــاره
..............................................................
الكوفـــــــه صاحت ياهـــــــو اليوم هذا الجانه
يشبـــــه لحيدر علي مــــــن يطب ميدانـــــــــه
دخلت انــــــذار الكوفه الكوفـــــــه بيه حيرانه
مسلم بسيفـــــــــــــه تـــره بچــــــه كل عدوانه
دخلت انذار الزلم اگباله گامت تنهزم
الزلم بي محتاره شن عليهم غــــاره
..............................................................
واحــــد بواحـــــــــــــد يطگ الـــزلم تـردم ردم
الجيش خــــلاه محتار لاقــــــوم عنده ولاعزم
للكوفه طب بــــزوده نعــــــــــم منــــــه والنعم
الكوفه ماتگــــدر عليك كفـــــــــوا منك ياشهم
على العسكر من حمل البطل وابن البطل
بيــــــــــــده سل بتاره شن عليهم غاره
..............................................................
الكوفه ماعدهم وفــــــــه لاذمه عدهم لاضمير
خانوك يامسلم تـــره وانتـــــــه أبــن عم الامير
للكوفه دزاك الحسيــــن واصبحت انته السفير
غدروك أهل الكوفـــــه وضليت وسفه بلانصير
أصبحت كل الكوفه بالغدر معروفه
خانــــوه كل انصاره شن عليهم غاره
..............................................................
دخلت انــــــذار الزلم والجــــــــــيش رد ليوره
اتوقعوا مومسلم دخل ضنوا اجـــــاهم حيدره
صاح ويـــن الماسمـــــع وخله يـــــدري المادره
اليگرب لحـــــــدي يموت بسيفي احزن منحره
بالحومه لورايد يطب چنه حيدر بالحرب
مـــــــــن علي أسراره شن عليهم غاره
..............................................................
بهاي العساكــر مايهم والجيش هالضل محتاره
الجيش طش صفوفـــــــه الجيش سواه طشار
الكوفه ضلت حايــــــــــــره الكوفه دخلها أنذار
الكوفـــــه طباها بعــــــزم ولـزم بيــــــده الفقار
الجيش ضل يتراجف منك أنته خايف
الجيش يمحي أثاره شن عليهم غاره
..............................................................
الشاعر عماد محمد الدراجي
الاربعاء //
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصائد محرم الحرام (الليله الرابعه)
نزله (لأم البنين)(ع)
...................................................................
نذرت أربع ولد يريت أكثر بعد
يريت اكثر بعد نذرت اربع ولد
...................................................................
عبـاس گلــي يمـــــــــه تــــدرينـي
ناذر حيـاتـــي كلها وسنيـنــــــــــي
يايمـــــــــــــه كلهن فدوه لحسيني
ماحاجه بيـــــــــــــه أنتي توصيني
نعم من هالولد بكلامه مايرد
بكلامـــه مايرد نعم من هالولد
...................................................................
عبدالله مايخلف وعـــــــــــد دومه
دزيته وي اخـــوانه للحومـــــــــــه
حاچاني أبنـــــــــي وگلي بعلومـــه
للسفـــر جاهــــــز منتظر يومـــــــه
اوليدي أنطه وعد على العسكر يهد
على العسكر يهد اوليدي انطه وعد
...................................................................
ولــــدي نشامـــــــــــه والله ادريهم
ولحسيــــن فـــــــدوه كلهم أفديهم
غيره وشجاعه أنــــــــــــــه اغذيهم
بحسين دومــــــــــي والله أوصيهم
ولدي أنطوا عهد بخدمتـــــــه للابد
بخدمتــــه للابد ولــــدي أنطوا عهد
...................................................................
أنطاني جعفــر أبـني حچايــــــــــــه
لحسيـــــــــــن گلي نبقى وفايــــــــه
للمــــوت گبله نعـتني أعنايـــــــــــــه
يامرنـــــه هــــــو ونمشي برايــــــــه
وعد يمـــــه وعد لخونه نضل سند
لخونه نضل سند وعد يمـــــه وعد
...................................................................
زينب أختكــم يبنــــــــــي تـــــدروها
محتـاره اختكم هايولــــدي لاتخلوها
أنـــــه أربعتكم رايــــــــــده تحرسوها
برواحكم ولـــــــــدي انـــــــــه تفدوها
ولد حيدر ولد عزمهم مابرد
عزمهم مابــرد ولد حيدر ولد
..................................................................
الشاعر عماد محمد الدراجي
الاثنين //
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حسين الموت شافه بمصرع اوليده
شاف اوصال الاكبر تارسه البيــــده
ـ&&&&&&&&&&&&&
صوت الولد حين الوصل للوالــــد
ركض ويصيح دلوني العلي رايــد
ماينلام من يتدوهن الفاگـــــــــــد
وحگه اشما يعلي اونينه ويزيــــــــــــده
ـ&&&&&&&&&&&&&&&&&&
طول بطول ويه الاكبر اتمـــــــــــدد
يصيح ارحمني بويه وخله خد بخد
مثل جسمك تگطع حيلي واتفرهــد
ليش الشاد حيله تروح وتبيـــــــــــده
ـ&&&&&&&&&&&&&&&&&&&&
يلم اوصاله والصدره نوه ايضمه
وبيده اتطشر وطاح وكثر هظمه
لوما صوت زينب محــد ايگومه
جا فوك ابنه مات وموّت اعضيـــــــده
ـ&&&&&&&&&&&&&&&&&&
شالوه للخيم وحسين يم راســــه
حسرات اعله الاكبـر تطلع انفاسه
حاچه اوليده شمّه برگبته وباسه
وشاب وصبخ شيبه من دمه اوريــــده
ـ&&&&&&&&&&&&&&&&&&&
كوه ايجر نفس والحسره كاتلته
حاجيني يگله گلبي گطعتـــــــــه
آنه الگطعوني بويه لو انتـــــــــه
المات اوليده يبني الونه شتفيده
ـ&&&&&&&&&&&&&&&&&&&&
عطش يابعد صوتي سمعي الصوتك
ابوك يموت يادم گلبـــــــه وي موتك
رقيه تريـــــدك اگعد يا علي امروتك
عمري ابلا اخوي اتصيح ماريده
ـ&&&&&&&&&&&&&&&&&&&&
ها يابعد ابــــــــوك اشيوجعك گلي
عگب اعيــــــــونك بهذا العمر شلي
عميه اعيوني بيك الجيش شمخلّي
طولك وينه ابوك ايلم وذر بيده
ـ&&&&&&&&&&&&&&&&&&&&
تعليقات
إرسال تعليق