قصائد حسينيه مكتوبه لشهر محرم
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــ
موضوع القصيده ...
كأني بهاشم الجد الاكبر ل آل محمد
يفتخر بمولاي ابا الفضل ...
هذا الگمر نوره أبـسمه ولاح
لمن برز (هاشم) طــلع صاح
مـــــن الگـبر جـــــده وتعناه
ها يالگمر يبني اقبض أرواح
جيشهم (حد) مقصده وأنته راعي الشيم
ورد ثـــــنايـــه الملحده يبني شيل الــعلم
يبني وأنــــــته الگـــــمر وبنضرتك غضب
رَغم أَأنوف الــــــــعـــده يــا لهيب السهم
الجيش بيّد حيله يبني وأمرد خيله
يـــا شِديد الملگه اليـــعتني يا ويله
گلبي بيك اتوالم أنه جـــدك هاشم
يا چــــبير بحبك والصــعب تمشيله
ها يا گمر هاشم ابو الفضل ...
"""""""""""""""""""""""""""""""""
يا من عِلَه فوگ الســــماوات
يا من ألك كل المقـــــــامات
يــــــالحبـتك كـــــــل النبيين
والما صبر بيك وعِشَـگّ مات
موسى والعصه ألك يالفِلَقتّ البحر
وأبن مريم يسئلك قـــــدمالك نحر
أسمك تحبه هلك يبني بيك افتخر
آدم وساجد ألك يــــــــا غلاةّ البشر
عِلَه فـــي تكوينك صرت لجل حسينك
الله خـــط عيونك وزيـنب بنص عينك
رسم محمل شايل يبـــني يــابو فاضل
يا وجود الغــــيره يـــــــا حلاةّ سنينك
ها يا گمر هاشم ابو الفضل ...
"""""""""""""""""""""""""""""""""
كل الملا الطـولك يسجدون
والما درو صـارو يعــــرفون
حتى النـــهر لمن تصـــد ليه
من خزرتك صاير يذب لون
فارس وبالمـــرجله وقادر المقدرى
وچفي يرسم كربله أرسم الگنطره
والهوى بحبك حله مــن دلالك أبي
حاصد الكل سنبله يا أبن حــيدرى
يبني ليث الغابه ياحبيب احبابه
يا ضـــواي البيه يـــالگـمر يا يابه
والوضوء بترابه والسجود أعتابه
والقنوت بحــبه والســــلام أبابه
ها يا گمر هاشم ابو الفضل ...
"""""""""""""""""""""""""""""""""
جرح العشگ يبني ويه الأنفاس
جرح الخــــــيم وأنتــــه يعباس
فرض النــــهر لازم ســــهم عين
وفرض العطش لازم بـــلا راس
كوثر حُبــــــكّ بــده وما تركت الفرض
چفك سَبـــــل عــــده والضلوع الترض
يبني وهمـــك عطش بــــــالخيم يْعتلي
أرق حتى من الندى من طحت عالأرض
وگع حتـــــى العالي من طحت يالغالي
من طحت وعيونك تبـــــچي تتراوالي
خويه صحت وهوه ضـــــل دمع يتلوه
يريد يوصــــل يمك والمـــــــدامع هالي
ها يا گمر هاشم ابو الفضل ...
"""""""""""""""""""""""""""""""""
لمن وصل وأنه انضر بشوگ
يهمس ألك گلك على السوگ
خويه الهزل تركض يعـــباس
گلك سبي وگلك على النــوگ
بخلگ مذبوح أنتچه وأنكــــساره أعتله
أبدمع مذهول وبچه وغبــــرت كـــربله
وجرح يلچم بالجرح يبني يا بو الفضل
يمك المدمع حچــــه أتـــــريدك الـعايله
وآنه صرت بحيره جدك بتصـــــويره
وفَزَعتّ كل هاشم وكل هجير الحيره
ابو طالب وينــــك والعـــــيال أزغيره
ألحگّ اعله احوالي طــــاح بدر الديره
ها يا گمر هاشم ابو الفضل ...
عبد زينب
محمد الابراهيمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
السوالي صيت بجاله خادم إله ولعياله
محبوبي الحسين
@@@@@@@@@@@
ابجاله عايش اني وأهلي يعني ملكه اني كلي
بفخر لو عبده اصير
اني صيتي كله منه بخدمته دنياي جنه
بخدمته اسمي چبير
شنهو اسمي حته ايصير دوم اويه اسمه
خادم إله وممنون هالخدمه نعمه
خادم إله واتباها ياخدمته اشمحلاها
محبوبي الحسين
@@@@@@@@@@@@@
الانطه كلشي وماتاخر وللكرامه انطه منحر
وبالسبي راحو هله
بروحي أقصر لو فديته ما اجازي شما نطيته
اني شمقدم اله
شما انطي ماجازيه من دمه گطره
لمصابه كون اگضيه كل عمري حسره
كل عمري كون انعيله دم مو دموع ابچيله
محبوبي الحسين
@@@@@@@@@@@@
البسمه أجلي دوم همي الخدمته سوتلي اسمي
هو رباني اعله اديه
اعليه يافضله اشكبره أحمد الله اني واشكره
لأن عرفني عليه
بتربيتي هو الزاد عن اهلي فضله
خادم إله وممنون خادم الاهله
الماتنحسب افضاله ومگطعات اوصاله
محبوبي الحسين
@@@@@@@@@@@@
ذكرى هو الي حياني بلا خدمته شسوه اني
تايه بدونه واضيع
هو صاير كلشي عندي وبسمه كلشي اني أبدي
اي وحگ طفله الرضيع
لو تيهت دنياي عن دربه ماتيه
لو بيدي اعمي العين وعيوني اخليه
كون اعمه ويدلوني لو ما بچتله اعيوني
محبوبي الحسين
@@@@@@@@@@@
حقي لو ما اهوه غيره العندي كلشي هو خيره
بخيره غامرني الحبيب
فدوه اروحن اني لسمه والجروحه مغطيه جسمه
وهو لجروحي الطبيب
والماتركني ودوم ماخذ بديه
لمصابه كل ايام عمري عزيه
كل يوم اذكرى وابچي بطاريه دوم اني احچي
محبوبي الحسين
تمت بعون الله
خادم ال البيت موسى الجيداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
بويه لتخليني اخذني اوياكم
طفله واستوحش انه ابلايكم
خلي بس عبدالله عندي بويه لتخليني وحدي
@@@@@@@@@@@
اني ادري بگلبك انت بويه بي كل المحنه
وادري بيك اشكد تحبني بروحك ادري العلتي ونه
الروحي بس انت دواها لو رحت مايبقى ضنه
عندي يابويه بجفاكم هيج احس موتي تدنه
روحي متعوده على ملكاكم
گلبي ما يحمل يبويه اجفاكم
دمعتي تبقى اعله خدي بويه لتخليني وحدي
@@@@@@@@@@@
البيت بيكم بويه يزهي ولمة اخواني سلوتي
منين ما اصدن الاگي واحد يهون بلوتي
عني لو رحتو احسن مختنگ يابويه صوتي
وحشه داري اتصير كلها لو جفاها صوت اخوتي
بصدري عبره وبالهوه مخنوگه
الحادي من شفته يحضر بنوگه
اشلون لو بالضعن يحدي بويه لتخليني وحدي
@@@@@@@@@@@
لو عفتني وماخذتني ادري من خوفك عليه
واني أكلك بويه اخذني فدوه وي سكنه ورقيه
المن ابقى وياهو عندي وروحي ما تحمل اذيه
بويه تخنگ كون وحدي وصار وكت المغربيه
اني افكر بويه دوم بهايه
المن افرش بويه المصلايه
اجروحي كلها اتگوم تدي بويه لتخليني وحدي
@@@@@@@@@@@
اني راح احچيها وادري احچايتي مو سهله صعبه
بويه البنيه عزيزه بحضن ابوها كون تربه
لو رحت وين ألگه مثلك هيچ حاني اعليه گلبه
كون كل الدنيه يمي وانت ماكو الدنيا غربه
العدها ابوها اتعيش متهنايه
امدللا العمها خليل الرايه
ولو جفيتو همي يبدي بويه لتخليني وحدي
@@@@@@@@@@@@
بويه لو أمرك حسمته أمرك اعله الراس اخليه
بس طلب عندي واطلبه هالطفل يمي تخليه
بوحدتي يانسني أريده واني بعيوني اداريه
بيدي اهزن مهده بويه لو بچه عبد الله اناغيه
عطر من اهلي يضل ابداري
دوم اشمنه ويبرد ناري
اعذرني بويه الهذا ردي بويه لتخليني وحدي
تمت بعون الله
خادم ال البيت موسى الجيداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
الچان كل مجلس نشوفه اويانه
وسفه شو هالعام خالي امچانه
الچان كل مجلس يحضره بالگلب خلاله حسره
@@@@@@@@@@@@@
بالمجالس ملتزم والنحسبه من الخدم الچان بالواهس حسيني وخادم
المايفارگ مجلسه الدوم اسود ملبسه ودوم يلطم ويه هاي الوادم
الچان كل همه المجالس والعزاء
ودوم يندب يا مصيبة كربلاء
فارگانه وخله بينه اصوابه ودوم لفراگه تنوح احبابه
ودوم بالمجلس نذكره بالگلب خلاله حسره
@@@@@@@@@@
ياحسين بغربتك الما نساها امصيبتك ندري ماتنساه بيوم ايريدك
ندري بالغربه إله انت كل ناسه وهله وانت تأخذ ايده دوم ابايدك
الفارگانه وخله ذكره بكل مكان
ندري يمك عايش بعز وأمان
ما نسيناه ويضل ويانه بكل مكان انگول جان اهنانه
بكل ضرف خلاله ذكره بگل كلب خلاله حسره
@@@@@@@@@@@@
لوعه خلو بالگلب حقها لو عيني تصب غير اخوي من المجالس غايب
هالمجالس للبكاء منها نتعلم وفاء ونذكر الخدام بهين واجب
اليخدم حسين بوفه ينطي اجر
ايصير واجب بالمجالس ينذكر
يصير دمعه تجري من نشتاگله خادم حسين ومنوه ايعادله
البالخدامه يعله قدره بكل گلب خلاله حسره
@@@@@@@@@@@@
الخله ذكراه بجرح ويه ذكر المنذبح وبالمجالس افنه كل اسنينه
هيجي الله مواعده وهايه صارت قاعده الغالي ربنه الغيبته ايبجينه
هو مو ياهو اليجي يسوه الدمع
لكن الخادم عزيز ويرتفع
اليسوه دمعه ياهو غير الغالي الخادم القدره جليل وعالي
الفگده بالدلال جمره بكل گلب خلاله حسره
@@@@@@@@@@@@
من نگلب بالصور نذكر ونشبع قهر وسفه ضلت بس صور ذكراهم
اه يا جرح الآخو شنهو اليعوضه ومنو ريت اخذنه الموت كون اوياهم
الفارگونه خلو العله تزيد
وثوب الأسود صار ملبسنه الجديد
مانزعنه الأسود ابفرگاهم صرنه كل دمعة حزن نلگاهم
الغالي ذكره يصير عبره بكل گلب خلاله حسره
تمت بعون الله
خادم الحسين موسى الجيداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يامجلس نلاگيك وبمصابك نواسيك
ياصاحب الزمان
@@@@@@@@@@
الله ايعين گلبك چم جرح مجروح
وندري بهالحچي ايزيد الحزن والنوح
اشلون حسين شفته اعله الثره مذبوح
ودمه اعله الوطيه بلارحم مسفوح
بحزنها تعيش ندريك وبمصابك نواسيك
ياصاحب الزمان
@@@@@@@@@@@
ماشفناها بس نسمع قصص عاشور
وواحدنه بگلب شاجر مثل تنور
گلي اشحال گلبك ياسليل النور
وانت أتشوف أهلك بس جثث ونحور
كل موقف ياذيك وبمصابك نواسيك
ياصاحب الزمان
@@@@@@@@@@@@
بكل مجلس حزن انت الك لوعه
يل من دم جرت لحسينه ادموعه
حقك لو تون وبونه مسموعه
إذا گلنه الحسين انسحگت اضلوعه
وبالدمعه نعزيك وبمصابك نواسيك
ياصاحب الزمان
@@@@@@@@@@@@@
كل مجلس نقيمه نعرف اتحضره
وويانه اعله جدك تجذب العبره
ويوم انصيح اه يحسين ونذكره
قميصه اعله المجالس بيدك تنشره
وتدرينه نتانيك وبمصابك نواسيك
ياصاحب الزمان
@@@@@@@@@@@@
شما گلنه قليله بحقك وقدرك
لكن تدري بينه بحرگه ننتضرك
معذورين بيك وانت الك عذرك
ندعي الله بمصايب كربله ايصبرك
بصبر جرحك نناجيك وبمصابك نواسيك
ياصاحب الزمان
تمت بعون الله
خادم ال البيت موسى الجيداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هاي كملت شوفها اخي
كون اموت بمجلسي وثوب الأسود ملبسي
والقصيده التنقري
اه يحسين ومصابه
@@@@@@@@@@@
يالصاير الي مجلس عزائك بيت
ومن صغري بعزائك سيدي اتربيت
كون بمجلسك يكضي العمر ياريت
يالمجلسك للروح صايرلي سلوه
بلا خدمتك دنياي كلشي متسوه
كلشي عندي خدمتك واني اعيش بصايتك
وصوت دوم بخاطري
اه يحسين ومصابه
@@@@@@@@@@@@@
شكثر هاي المجالس كبرت وادم
وشنهو قيمتي لو ماصرت خادم
لو ما خدمتك چاكلشي ما فاهم
هيه الحياة ادروس كلها بخدمتك
وماجازي يامولاي ششكر نعمتك
بخدمتك لو تنفني اسنيني لمصابك شني
اكتب بدم ناضري
اه يحسين ومصابه
@@@@@@@@@@@@
أشما انطي بخدمتك ابقى المقصر
لو اگطع چفوفي فدوه للخنصر
واهشم اضلوعي لجلك باللطم واذكر
يالصدرك من الدوس مهشوم الضلوع
كون اعله جرحك دم اجريها الدموع
ابمجلسك لو تنگطع انفاسي ما اعوف الدمع
ويبقى يقره منبري
اه يحسين ومصابه
@@@@@@@@@@@@@
وامنيتي الوحيدة أبين هاي الناس
واحلفك سيدي تگضيها بالعباس
كون ابمجلسك واگطعها للانفاس
آخر نفس مولاي من مجلسك كون
والنعشي الخدام همه اليشيعون
لو يشيعوني الخدم نعمه هاي من النعم
بهايه اختم دفتري
اه يحسين ومصابه
@@@@@@@@@@@@
كل خادم الك ربنا الرفع قدره
ويعنوان الخدم عند الله اشكبره
الجره دمعه المصابك تضوي بگبره
هنياله كلمن مات وهو ابعزائك
بگبره وتشع بنور دمعة رثائك
الماترك هذا العزه عالسراط اتجوزه
ويرتفع صوته الثري
اه يحسين ومصابه
تمت بعون الله
لخادم ال البيت موسى الجيداوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أبوذيات إلى سيدي ومولاي
أمير المؤمنين علي أبن أبي
طالب.سلام الله عليه
★★★★★★★★
أأدي ألكم تحية حب/وسلم
وصلي عالنبي وآله/وسلم
فاز الواله أبو الحمله/وسلم
وأخذ صك الولايه الحيدريه...
★★★★
لساني من الزغر يلهج / بسمه
بغديره زرع فوگ الشفه/بسمه
أفرح يالموالي وصيح / بسمه
وصلي عالنبي سيد البريه...
★★★★
علي بشباچه شدينه /علگنه
ومناشير الفرح لجله /علگنه
شموع الفرح هالليلة /علگنه
ونقدملك ورد حيدر هديه...
★★★★
يعاذل ليش متحير / ومالك
العشگ كله لبو الحملة/ومالك
أخذت الدرس من ميثم/ومالك
أضحي روحي الحامي الحميه...
★★★★
حبك من صدر أمي/علي در
تغذيته وأحس بيه /علي دار
كل الناس تشهدله/علي در
يويله الينكره يوم المنيه...
★★★★
وحگ إلي جعل للأمه /خاتم
وحگ إلي بصلاته زكه /خاتم
تهوى من الصراط بدون/خاتم
إله من علي توقع الهويه...
★★★★
يم گبرك علي الشيعه /حضرتك
يجنة عدن من ندخل/حضرتك
عدنه أمنيه نشاهد /حضرتك
يحيدر يوم تحضرنه المنيه...
★★★★★★★★★
الشاعر(أسعد قاسم الكريعاوي)
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
شمحلاها صلاتي ياعلي بذكرك
مو طاهر حليبه كلمن ينكرك
★★★★★★★★★★★★
شمحلاته الآذان أبأسمك يكبُر
يمن ذكرك عبادة وريحتك عنبر
وصراط المستقيم بيا ختم أعبر
أقبلني أخدمنك مثل قمبر
يعالي والله عله شأنك وقدرك
مو طاهر حليبه كلمن ينكرك
★★★★
ياأشرف نهج نهجك يبو الحسنين
ياركن الهداية ويا عمود الدين
رسول الله يگول إعليك يابوحسين
ضرتبك ياعلي أتعادل الثقلين
بس الله ورسوله يعلم بسرك
مو طاهر حليبه كلمن ينكرك
★★★★
أسألك عن أبو سفيان وعن گبره
عن خدامه وين وملكه أوقصره
وأگصد للنجف يم حيدره ونظره
يهنياله اليحصل يم علي متره
وألف هنيال كلمن نايم بكترك
مو طاهر حليبه كلمن ينكرك
★★★★
يل تسأل عليه يانهج تتبع
وشتگول بصلاتك أنته من تركع
ومنهو يگول حب المرتضى ينفع
ياعمي. صلاتي بدونه ماتنفع
وبيوم الحشر منهو الذي يحضرك
مو طاهر حليبه كلمن ينكرك
★★★★
نحمدربنه وانشكره أعله هالنعمه
الشرفنه بولاية حيدره وأسمه
على حب الوصي أشمحله هل لمه
والينكر علي خل يرجع الأمه
خلي يعود لصله كلمن يغدرك
مو طاهر حليبه كلمن ينكرك
★★★★★★★★★★★★
الشاعر (أسعد قاسم الگريعاوي)
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
وياك وياك ياحامل حمه
★★★★★★★★★
أحياء أموات ويه حيدره
وياك وياك ياحامل حمه
غصبن على أعداك دنيه وآخره
وياك وياك ياحامل حمه
ضرغام كرار أنته وقسوره
وياك وياك ياحامل حمه
★★★★
منهو الذي رد بچفوفه الشمس
وياك وياك ياحامل حمه
منهو الذي ذل مرحب بالأمس
وياك وياك ياحامل حمه
وللعامري من لّقبله درس
وياك وياك ياحامل حمه
★★★★
أنته أول أنته رابع ماتصير
وياك وياك ياحامل حمه
وحگك يكرار لو نفرض يصير
وياك وياك ياحامل حمه
أنعدك يبوحسين أحنه من الأخير
وياك وياك ياحامل حمه
★★★★
ألمن يشيعة بيت الله أنشطر
وياك وياك ياحامل حمه
لي هسه ياناس موجود الأثر
وياك وياك ياحامل حمه
منهو إلي حصّل كل هذا الفخر
وياك وياك ياحامل حمه
★★★★
محجوزة جنه بس الشيعته
وياك وياك ياحامل حمه
وأبابها أنشوف رايه ولافته
وياك وياك ياحامل حمه
مكتوبه حيدر غيرة لافته
وياك وياك ياحامل حمه
★★★★
بسمك يبو حسين ذنبي ينجلي
وياك وياك ياحامل حمه
مايحلى الآذان من دونك علي
وياك وياك ياحامل حمه
غيرك يكرار مايصبح ولي
وياك وياك ياحامل حمه
★★★★★★★★★
الشاعر (أسعد قاسم الكريعاوي)
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أبوذيات إلى سيدي ومولاي
أمير المؤمنين علي أبن أبي
طالب.سلام الله عليه
★★★★★★★★
أأدي ألكم تحية حب/وسلم
وصلي عالنبي وآله/وسلم
فاز الواله أبو الحمله/وسلم
وأخذ صك الولايه الحيدريه...
★★★★
لساني من الزغر يلهج / بسمه
بغديره زرع فوگ الشفه/بسمه
أفرح يالموالي وصيح / بسمه
وصلي عالنبي سيد البريه...
★★★★
علي بشباچه شدينه /علگنه
ومناشير الفرح لجله /علگنه
شموع الفرح هالليلة /علگنه
ونقدملك ورد حيدر هديه...
★★★★
يعاذل ليش متحير / ومالك
العشگ كله لبو الحملة/ومالك
أخذت الدرس من ميثم/ومالك
أضحي روحي الحامي الحميه...
★★★★
حبك من صدر أمي/علي در
تغذيته وأحس بيه /علي دار
كل الناس تشهدله/علي در
يويله الينكره يوم المنيه...
★★★★
وحگ إلي جعل للأمه /خاتم
وحگ إلي بصلاته زكه /خاتم
تهوى من الصراط بدون/خاتم
إله من علي توقع الهويه...
★★★★
يم گبرك علي الشيعه /حضرتك
يجنة عدن من ندخل/حضرتك
عدنه أمنيه نشاهد /حضرتك
يحيدر يوم تحضرنه المنيه...
★★★★★★★★★
الشاعر(أسعد قاسم الكريعاوي)
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
قصيده سريعه عگيلي هوسات عن الانصار▪️
انصار حسين اشمحلاهم
▪️▪️▪️▪️▪️▪️▪️
اجتمعوا كلهم با العاشر
واتفقوا لحسين اناصر
بالروح وبالدم انخاطر
اتفقوا ونطوه احجايه
وكلهه اترفرف بالرايه
والرابه اتهوس حياهم
▪️▪️▪️▪️▪️▪️▪️
يا غيره البيهم يا غيره
موقفهم واضح تفسيره
كل واحد معروف السيره
ذلوهه الدنيا وعافوهه
والموته اعلل حق يشروهه
ذموهه وعافوا دنياهم
▪️▪️▪️▪️▪️▪️▪️▪️
شيخ الانصار الشد حيله
وشحده أليگرب يا ويله
واليلعب ويانه ابذيله
أله انخليه يكره يومه
ما يلحگ يختل بهدومه
يسراهم تردم يمناهم
▪️▪️▪️▪️▪️▪️▪️▪️
أجنن عابس شگ ثوبه
بالروح ايضحي المحبوبه
ضمأن ألكاسه ومشروبه.
اتشرف بتراب اجدامه
گللهم وگع گدامه
وعدائه ابصدره أتلگاهم
▪️▪️▪️▪️▪️▪️▪️
جون اتحزم بگرابه
وحسين الوقعله اكتابه
فرسان اتحدى ونشابه
مولايه وافديك ابعمري
گل لحسين وطيب عطري
ويه انصارك سجلني اوياهم
▪️▪️▪️▪️▪️▪️
مرعوبه أعداهم مذهوله
من عدهم ترجف مشلوله
فرسان اتخاف ومسلوله
وأحدهم الاف ايعادل
شجعان اتهابه َومتنازل
أصحابه حسين وعداهم
الشاعر،، هادي الساعدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
خاتم سليمان بيميني // وعالماي زينب تنتخيني
انه عباس ___ انه عباس
**
الحاجه التكلفيني بيهه _ تعتبر مكظيه
والنهر كتله وسمعني _ تريدك العلويه
عرش بلقيس بثواني _ جابه ابن برخيه
الماي اصيحله ويجيني _ وانه ابن بدويه
الماي اصيحله ويجيني // وعالماي زينب تنتخيني
انه عباس ___ انه عباس
**
انه كشاخ المواقف _ وانتي كعدي وشوفي
الماي لخيامج اجيبه _ لو اكطع جفوفي
بخيمتج جم ذكرى كاتب _ بيهه ماي حروفي
كلت للجربه ترستج _ عالمخيم طوفي
خليهه تتكطع اديني // وعالماي زينب تنتخيني
انه عباس ___ انه عباس
**
انه سكاي العطاشه _ بكربله يسموني
الماي اسهل منه ماكو _ صار من عيوني
زلم تردم زلم ضلت _ فنهم يلاكوني
انه سبع الدنيه كلهه _ وكلهم يعرفوني
وين المكابل يجيني // وعالماي زينب تنتخيني
انه عباس ___ انه عباس
**
ترفرف الرايه اعله متني _ بواهس تعنيته
الماي بجفوفي غرفته _ استنكفت بديته
يلوح شفتي كتله تحلم _ والله ما خليته
ماشرب عباس منك _ كبل المربيته
مستحه عركت جبيني// وعالماي زينب تنتخيني
انه عباس ___ انه عباس
**
هدهد العباس سيفي _ وعالركب وديته
وخاتم أسليمان بيدي _ جفي طلع صيته
حرزي اسم حسين الاعظم _ عالكلب خطيته
وانه الج دكيت صدري _ وشاربي كضيته
الج زينب انطي عيني // وعالماي زينب تنتخيني
انه عباس ___ انه عباس
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ياهو الغمض اعيونك// من رادو يذبحونك
شلون انته ترتاح ___ بعينك رمل طاح
****
توني طفيت المخيم _ وبلكي كلت ارتاح يمك
رمح البصدرك طردني _ حسين ما خلاني اشمك
يالتراب مغطي نحرك _ ارد امسحه وخاف الجمك
طشروك عناد بيه _ حته اتعب من المك
كالو ابقي متحظره// شويه ونرجع انطشره
شامت الي صاح ___ بعينك رمل طاح
****
ولا شريف بكلبه رحمه _ ماي ياخذلك يشربك
بالشمس باقي تنازع _ وحافر ايدوس اعله كلبك
للخيم زاحف مسافه _ من التعب تيهته دربك
مطرت أحجار اعله راسك _ بذمته كلمن يضربك
قصدهم بس يعذبونك// عدل بعدك يسحكونك
الحافر اجه وراح ___ بعينك رمل طاح
****
بالشمس نومك يخويه _ تدري مو نوم العوافي
من الرمل خدك تجرح _ وانته ميت مدري غافي
بروحي ماادري من اجيتك _و الجمر ساحكته حافي
الخيل ماتتعب شفتهه _ ومحد ايكللهه كافي
بخدك يبسن ادموعك // ترسن كربله اظلوعك
مكسور الجناح ___ بعينك رمل طاح
****
خالي مهرك من رجعلي _ عالي ونك جنت اسمعه
كتله راعيك تمدد _ عالرمل سولفلي وضعه
كلي واحد جر قميصه _ يسحك برجله اعله ضلعه
اواحد ابخنجر اجاله _ عفته هسه يكص بصبعه
انطمت بالرمل عينه// ينازع عفت ابو سكينه
حته المهر ناح ___ بعينك رمل طاح
****
خيمه خيمه ارماد صارن _ وانه كلبي اعليك حاير
جسمك الما منه باقي _ فوكه تل أحجار صاير
حسين ياكشخت خواتك _ فرهدوك بيوم عاشر
بيش اغطيك امن اروحن _ للسبي ياخويه باجر
غريب انته يسمونك// واهلك مايشيعونك
غارك بالجراح ___ بعينك رمل طاح
****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
زغير الخيم مات // والله حرامات
اشكد ندهته وماكعد
المن اللولي جا بعد
****
بخيمه عشنه اثنينه عيشه سعيده
حته لو مذبوح الي جيبوه اريده
كاطع اكماطه الطفل ومطلع ايده
شنهو ذنبه بالسهم ذبحو وريده
نحره حجه وياي// يمكن طلب ماي
نومته مذبوح بمهد
المن اللولي جا بعد
****
حسين لفه بالهدم لخيامه راجع
روحه فاظت صاح مالحك ينازع
مات عبدالله بعد هلي المدامع
بركبته الترفه السهم لاحظته طالع
بهذا الوكت جان // يلعب بالاحظان
بدموعي ناغيت الولد
المن اللولي جا بعد
****
حرمله شاف الطفل لمعت ركبته
صاح اشهدولي بسهم انه ذبحته
حسين كاعد بالشمس تجري دمعته
الماي مثلي ياعبد هم ما شربته
ظل حرمله يكول // ذبحو الدللول
ازغر طفل عدنه نفكد
المن اللولي جا بعد
*****
العمره ماكمل سنه تعبني جرحه
عله خدوده الدم يبس وشلون امسحه
تره اليعطش بشربت اميه تفرحه
مو اليعطش حرمله بسهمه يذبحه
صدر الطفل حار // من العطش صار
كلبي كبل كلبه نمرد
المن اللولي جا بعد
****
امن ايد الحسين الولد ليد العقيله
كلبي ماينطيني ابد بحظيني اشيله
لو مخليته صحت يم العليله
طفل الخيام العطش فطر دليله
مذبوح الخيام // بدمه غفه ونام
عبدالله ياطير السعد
المن اللولي جا بعد
****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
خل تعذرني مو كايل// عاذرتك يبو فاضل
وكفاتك اهواي ___ يمرخص الماي
*****
بعد بيه حجي وارد اكعد وياك _ حنين هواي اعرفك
يالكايدني جفك صارله سنين _ من يلكالي جفك
جفك بنالي خيمتي _ بس هوه يمسح دمعتي
تالي انكطع ياحسرتي _ اتمنه ابوسه من الكاه
لو بيدي اجيك من العصر _ بس ليلي تانيته ستر
لا تعتذر انه اعتذر _ ما قصرت لا والله
سيرت بكلب حاير// وكبلي مسير الحافر
كبلي طلع جاي ___ يمرخص الماي
*****
حكه ينكسر يا ظهر الحسين _ مشيب راسه راجع
جفوف منيلك ياهو التلكاك _ اعله وجهك خويه واكع
مالت اخوك اعمامته _ وسكينه تركض لاكته
عنك بجه من سألته _ عطشانه سألت عطشان
شو راجعلنه بلا اخو _ بويه الكسر ظهرك منو
ومتشمت بطولك عدو _ مشيب رجعت وتعبان
ساكت والحجي بعينه // طاح الواعد سكينه
ضل يبجي وياي ___ يمرخص الماي
*****
ونينك يابوفاضل هز الخيام _ شلع كلبي ونينك
تدري السهم مايستاهل ارموش _ ليش انطيته عينك
احتركت يعباس الخيم _ ياحيلي مو حيلي انهدم
ماتكعد تجر السهم _ دمك يبس فوك العين
بصدرك شفت واكف رمح _ وبيك الجرح فوك الجرح
بس امشي عنك تنذبح _ يذبحوني رايح مرتين
امشي لو اضل يمك _ باجر محد ايلمك
منك ردت راي ___ يمرخص الماي
*****
رجعت بذكرياتي بذيج الايام _ شكد مرتاح بالي
عتبت بيتنه بزودك يعباس _ ما شافت خيالي
يالنايم بشمس الضهر _ كاتب على جفوفك نذر
ذني بثواب ام الخدر _ مشكوره منك عباس
توادعنه بالخيمه ورحت _ بروحك ابد مافكرت
لا تعتذر ما قصرت _ يالخوتك رفعت راس
شايل احله حنيه // تسمي الخيمه علويه
يالطولك افياي ___ يمرخص الماي
*****
كلبي اعله الشريعه محمل اعتاب _ شعدهه وي اخوتي
عزيز بصف عزيز امن العطش مات_اعرفتهه تريدموتي
اسمع يسبع الكنطره _ الدنيه وكفت ضد مره
صار الما جنت اتصوره _ ويالمشرعه عندي اعتاب
وجهك مسحته بشيلتي _ جنت انته تمسح دمعتي
يمك كعدت بغربتي _ وعالراس اهل كمت اتراب
يخويه سولف مروتك// مااسمع بعد صوتك
تعذبني دنياي ___ يمرخص الماي
*****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
لازم ظهري وبطولي دمعتي
طحت والكومتني زينب اختي
تعال تريدك ام عون // ما ضل للخيم لون
**
خطوه خطوه اشاهدت حد ما وصلتك
ليش عايفني صحت خويه اعله بختك
من الجروح البيك صدك ماعرفتك
شلون سولف ياجبل صارت وكعتك
صارت بيضه من شفتك لحيتي
احسب لو رحت داسو ثنيتي
كوه مفتش العيون // ما ضل للخيم لون
**
حيره اشيلك لو اغطيك ابعباتي
وياك ماتت يابو فاظل ذكرياتي
جنت خيمه اعله الخيم لمدلاتي
وجانن يركضن يلاكنك بناتي
هسه حيرتي مامنهه حيره
وجهي اعله الخيم كل ساع اديره
اعوفك وارجع شلون // ما ضل للخيم لون
**
بخيمتك كعدت تتانيك العقيله
تكلي اخيك غيبته صارت طويله
شي اكيد من العطش مجوي دليله
يا ابو فاضل طيحتك كلش ثكيله
حجي تشمر تره هواي الشماته
مات من العطش كافل خواته
كفيل الحره يدرون // ما ضل للخيم لون
**
غصن شجره ونكسر ياخويه ظهري
ياابو فاضل دمعي كام بطولي يجري
بفركتك مثل الكطن لو شفت شعري
شصار بيه من رحت بس الله يدري
كوه تحملت اسمع ونينك
خفت من السهم يشلعهه عينك
الشماته خل يشمتون// ما ضل للخيم لون
**
صارلي ساعه يخويه فوكك افتر
وين شمرو جفك الايمن والايسر
راح شوفي وبلكت الله بيهن اعثر
ياهو اربيه اعله ايدي شو تطشر
اعتبرتك ابني وبعيني اشوفك
الله ايعثر الكطعو جفوفك
الكاهن صحت كون // ما ضل للخيم لون
**
رايح ارجع للخيم بس بالي يمك
هاي اخر شمه ياعباس اشمك
الخوه بس عندك صدك تجري ويه دمك
أخ طاري الماي يلجمني ويلجمك
حابس دمعتك سهمك عرفته
عباس وعلي ظهري كسرته
سويه نرد يتانون // ما ضل للخيم لون
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
افرزنكم بالاسامي وبالصور
اليبجي دمعه الله يهديله نهر
ليلة السابع تخص ابني الكمر
عباس ____ عباس
*****
شكو واحد من صلب حامي الحميه
ينحسب يا ناس من ولد الزجيه
بكسر ظلعي ودمعتي احظر عزيه
ابوصله خظره لافه اجفوفه الشفيه
ابو فاضل ابني ماكو كل فرق
وخل يكون بعلمك الدمعه رزق
ظلعي مرتين اعله عباس انكسر
عباس ____ عباس
*****
ابني أبو فاضل منوه الما يعرفه
بيش اجازي المنطي عينه ومنطي جفه
الليله من دون الليالي عندي كلفه
بلا كمر يعني الخيام الليله تصفه
للشريعه زينب اشودت عتب
لان هيه بالهجر جانت سبب
شحال زينب بله من جاهه الخبر
عباس ____ عباس
*****
قصه شاهدهه الوفه مابين الاخوان
الميت بصف النهر بس هوه عطشان
لخته ماوصلت جربته مستحي جان
انه عالعباس انوح وحيلي خلصان
كبل أبو اليمه فلا ظاك العذب
الخوه إذا موهيج ابد ماتنحسب
حكه الحسين اعله اخو محني الظهر
عباس ____ عباس
*****
عيني حمره والكلب فز ابونينه
وأبو فاضل بالسهم مصيوبه عينه
بالمجالس كاعده وكلش حزينه
يخدام الليله صعبه اتمر علينه
عله كافل زينب ابجو يالخدم
مات حيلي بعينه من شفت السهم
وفوك هذا كصته صابوهه بحجر
عباس ____ عباس
*****
ليلة السابع ارجع لازم الدين
اكو وحده تصيح اسمع يمه يحسين
وانه يا عباس اصيح بدمعت العين
استقبلو الليله ابدمعكم ام البنين
استقبلوهه الخلفت لحسين اخو
معتبره والنعم من عدهه وكفو
يالوفه الشايلته ماشاله بشر
عباس ____ عباس
*****
اليبجي وياي الدمع هاي المسيه
نهر بسمه ينكتب مني هديه
الجاي متوكل عله الله وجاي اليه
ما اعوفه لو دنت منه المنيه
كاتبه بيدي الاسامي بالسجل
الف هنيال المانسو ابل الفضل
يشكر العباس كل واحد حظر
عباس ____ عباس
*****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
باابن الرباب اتعلقت روحي
من جنت اشوفه يهيدن جروحي
اليوم الصبح فاركته// عبدالله ماودعته
****
غابشه النوك الفجر _ وانكسر كلبي كسر
طفله وعليله الوحدي ظليت
سهرانه وعيوني غفن _ عبدالله ماشي ويالظعن
خنكتني يهلي وحشة البيت
ظليت ادور بالغرف _ من البجي كلبي وكف
بموقف صرت ميته تمنيت
يرجعولي كون بسلامه _ وعبدالله اشوفه وعمامه
واشمرهه روحي بحظنهم _ والليل مرتاحه انامه
كل لحظه اموت من الهجر واعدل
من الوحشه صدكوني بديت اذبل
بكاروكه من ماشفته // عبدالله ماودعته
****
البيت يصبح مو حلو _ من تجهبه بلا أبو
بلكت ابوي يردلي الغروب
بيدي افرشت سجادته _ بالباب أتاني دكته
كلبي يدك مو مثل الكلوب
راح اليحبني بكصتي _ وبردانه يمسح دمعتي
دمعي البجيته بلل الثوب
ابصفه اكعد واصلي _ ياروحي انتي يكلي
كتله صدك لو تحبني _ بس لا تكلي هنانه ظلي
بويه الرضيع العلتي سلوه
لكاروكه اكومن هسه بالكوه
هنانه جنت شابكته // عبدالله ماودعته
****
تتراوه اليه ضحكته _ وبحظيني جانت كعدته
يناغيني عبدالله واناغيه
يابويه ابشرنك صحت _ عبدالله اكمطه تعلمت
حيل الرضيع تعلقت بيه
لوليتله لحد ما عفه _ مثل الحلم ليش اختفه
جنت انه أبدله واباريه
كمت اركض وجدمي حافي_ رجعولي بسمت شفافي
عبدالله لو هسه نايم _ كلوله نوم العوافي
يشيلني كوه والله رجليه
لو هوه يمي كلشي مابيه
ياحلمي ماكملته // عبدالله ماودعته
****
اكعد وره الباب العصر _ وأيدي اعله خدي وانتظر
ترجعولي جا يمته يالحنان
ظليت بس دمعه ونفس _ دخيل الله شو ريجي يبس
لازم رضيع حسين عطشان
امحسبه هيجي ويالدهر _ يكفلني هوه لو كبر
ابالي ماكو هالسفر جان
عد راسه اسهرنه ليلي _ يكبر ابعيني ودليلي
مثل الكمر والعقيله _ عبدالله يصبح كفيلي
ويه الدمع روحي أحس تطلع
عبدالله ماشوفه الي يرجع
لو بيدي ماعايفته / عبدالله ماودعته
****
زغيره وتره كلبي نجرح _ البكدي طارن بالفرح
كل وحده تعلب وي اخوهه
التفتلي اشوف واشرن _ ابجي وعلي يتضاحكن
هاي العليله الما خذوهه
فاركهه حته البل مهد _ ومحد يمرلهه بعد
حته اهلهه ماخذوهه
ياخذني روج امنياتي _ بيكم اشوف حياتي
كمت اندعي المغربيه _ ياربي رجع خواتي
جانت رقيه ألي تتجيلي
واسمع سكينه هوايه تدعيلي
المآخذ كلب اخته / عبدالله ماودعته
****
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
تشهدلج الشريعه _بأاربع مناحر
لو مثلج التخلف _ لو تبقه عاجر
سويتي المستحيل ** ظحيتي بالكفيل
**
بخارطت افكارج الحب _ بس لبو اليمه حلاال
الوفه يفتخر بااسمج _ لان صرتيله مثال
الظعن من راد يمشي _ صحتي أبو فاضل تعال
كل لخوتك امي كالت _ بكربله ماعدنه خال
الله عله المواقف _ يعظم وفيه
من كلتي فدوه ولدي _ لولد الزجيه
وبكربله الدليل ** ظحيتي بالكفيل
**
انتي يالبدويه عندج _ الهه قدسيه الخيام
حارس العباس الهن _ الليل كله ما ينام
ولدي كلتي حيل اتعبو _ المهم يرتاح الامام
واليبيض وجهي رايد _ يدلي بعيونه السهام
يوفيلي بالااريده _ الراضع حليبي
اتسابقو اربعتكم _ لخدمة حبيبي
اربع خدم قليل ** ظحيتي بالكفيل
**
الدنيه تشهدلج يحره _ لكربله وديتي أسوود
الاربعه ماتو عطاشه _ حته الشايله جود
ليش عنهم ماسالتي _ ولا سالتي اعله الزنود
بس عله واحد سؤالج _ حسين كلولي يعود
بس هوه شاغل بالج _ تنتظره عينج
شفتج ولا بجيتي _ دمعه البنينج
ماكو الج مثيل ** ظحيتي بالكفيل
**
نخبصت الدنيه اعله ولدج _ وانتي ما رفيتي عين
كلتي ولدي همه وامهم _ فدوه لتراب الحسين
بالشمس يخلص نهارج _ وليلج يخلص حنين
هوه اليفارك حبيبه _ حته بحلامه حزين
والظحت ابزرهه _ اكبر وفيه
تسبيحج بسبحتج _ يا ابو رقيه
ياخلكج الطويل ** ظحيتي بالكفيل
**
قماش خيمت أبو اليمه _ يغار من عنده الحرير
حسين كالوله بمكانك _ عنده تطلع مايصير
والشمس نرفض تلوحك _ خدم احنه وانته امير
هوسو بالرايه ولدج _ وجابو الشاطي اسير
كلتي إذا اجوني _ ماارضه عنهم
ما قصرت نشامه _ طاهر لبنهم
صاح الوفه دخيل ** ظحيتي بالكفيل
**
مثلج النسوان كلهه _ تمنت تخلف زلم
الج من ينجاب طاري _ تصيح كلهه والنعم
مو مهم كلتي بنيني _ عندي الحسين المهم
حسين من يرجع اليه _ عود يله ابتسم
والترجم الخويه _ عباس اعرفه
وصيته عالشريعه _ خل ينطي جفه
خله النهر سبيل ** ظحيتي بالكفيل
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هاي الروحه ابد مامنهه جيه
شبكتك ياعلي بثنين اديه
علي صدرك جواني// طحت بويه بمكاني
*****
كدام النهر والناس _ تشابكنه وبجينه هواي
فريت الخيم كلهه _ علي وما حصلتلك ماي
العطش بايك معانيك _ طولك محني اشوفك جاي
الشمس ماترحم العطشان _ علي وبالهيمه ماكو افياي
سواد اعيونك ابيض صاير شلون
العطش اول مصيبه يعمي العيون
علي مصابك عماني // طحت بويه بمكاني
*****
يالمدلي اعله راسي الشيب _ اودعك كوه مو بيدي
شمرت اعمامتي اعله الكاع _ رحت من عندي يوليدي
يأابني بفركتك حسيت _ وحيد وفاكد اعظيدي
درت وجهك واون ظليت _ علي يالشوفتك عيدي
خشب يابس علي صاير لسانك
اموتن لو شفت فارغ مكانك
حرت حيره بزماني // طحت بويه بمكاني
*****
ثكيل اوداع المدلل _ الابو دلاله يتفطر
برجلك رايح اعله الموت _ دخيلك ياعلي الاكبر
من مهرك ملت للكاع _ تميل وانه اميل اكثر
بديت تنازع وعطشان _ اعوفك بويه مااكدر
عليك من المهر روحي اشمرتهه
شفت اعمامتك واركض شلتهه
متت كبلك عساني // طحت بويه بمكاني
*****
شحيحه الغيره هالايام _ واول غيرتك تنعد
يالمعطش دليلي اعليك _ اريد ابطولك اتمدد
أشد بجروحك التنزف _ العطش يجروحه ماتنشد
ابيض شعري صار اليوم _ الكون بعيني صار اسود
بحظني للخيم يوليدي اشيلك
تموت امك إذا تدري برحيلك
يبو حلو المعاني // طحت بويه بمكاني
*****
مرورت فركتك بالريج _ فراكك بين ابلوني
إذا كالو علي وينه _ شجاوب لو يسألوني
بدمع كمت اللتفت كل ساع _ مبينه الوحشه بعيوني
كلتلك انته والعباس _ اموتن من تعوفوني
علي انته الطحت لو انه طايح
خذت روحي تره من كتلي رايح
المهر خالي اجاني // طحت بويه بمكاني
*****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يا صاحبي _ جنه سوه نسولف امس
يا صاحبي _ مو كتلي احظر بالعرس
كتلي تجي الايام // الأكبر يزف جسام
**
كومتنه كعدتنه سوه _ جنه احنه الثنين
لو ردت انام اتكول الي _ تصبح على حسين
ماكو مثلنه لليوم _ هم ولد عم وصحبان
شكد ناس جان يكولون _ القاسم والاكبر خوان
نكعد سوه نصلي الليل_ وللصبح نقره القرآن
دمي اويدمك لحظات _ ويتلاكن اعله التربان
تانيني _ روحي ويه روحك يلتقن
تانيني _ لحظات من عمري بقن
ولجنت الأحلام // الأكبر يزف جسام
**
ذاكرتي متروسه علي _ وكفاتك هواي
كتلي إذا جاسك عطش _ اتبده الك ماي
يم خيمتك رايح جاي _ وعيوني راحن يعمن
تسألني امي جسام _ وينه علي مابين
بحر الشمس مااخليك _ الصحبه تنراد المن
بصفك اطيح وبالخيل _ اظلوعي خل ينسحكن
وصيتهم _ عله جنازتي شعلو الشمع
وصيتهم _ جانو علي وجاسم ربع
وللصحبه أشد احزام / الأكبر يزف جسام
**
توادعنه بجينه الخيم _ ظل فكري محتار
فوك المهر شفتك الي _ كل ساعه تندار
امك تكلي بدموع _ الهسه مارد عيدي
كل ما اشوفك جسام _ أتذكر انه اوليدي
يا صاحبي فراكك نار _ وياك انه تعويدي
اتحنه راح امن ادماي _ ولا حنه ترهم ليدي
امنيتي _ يم جثتك اوكع جرح
امنيتي _ عريس وبفرحه انذبح
كاطع عهد مادام / الأكبر يزف جسام
**
اتهدد انه امن الصبح _ ولازمني عباس
كتلهم الأكبر وكع _ وتولته الناس
امتاني رخصه من حسين _ جم مره وديت امي
مستحي منك ظليت _ تأخرت يابن عمي
درعي لبسته والسيف _ ومتبرع انه بدمي
لعيونك اتمنه الموت _ وسالم تضل كل همي
حاجيني _ عينك علي افتحهه الي
حاجيني _ حلفتك بداعت علي
لا مو محلهه تنام / الأكبر يزف جسام
**
انه بثواب اهل الخيم _ استشهد اليوم
بثوب الشهاده ياعلي _ اركض عله الكوم
يا صاحبي الصحبه تريد _ واوفي اريد العشره
شمحلاته حسيت الموت _ يستاهل ابن الزهره
طفو الشمع صحت بصوت _ وانطوني الرايه الخظره
ابن الحسن كض السيف _ كافي بعد طك صبره
ودعني _ عمي ورجع يم خيمتي
ودعني _ وماتنوصف يافرحتي
نازل بلايه اللثام / الأكبر يزف جسام
**
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حي الله شبل الساده // بالدم كتبهه امجاده
حي الله __ حي الله
**
القاسم لزمهه الرايه _ وانطه العمامه احجايه
عالحومه مشه رايه _ طباهم بزعل
هيبت علي يتبختر _ يوصل اله من يكدر
الشارد يكوم ويعثر _ النشمي من حمل
القاده تحبحب بيده_ بس الثكيل يصيده
شاب الحرايب عيده _ من مهره مانزل
يستنكي وين القاده // بالدم كتبهه امجاده
حي الله _ حي الله
**
للعركه كف اردانه _ مايخطي ابد نيشانه
ابن الحسن هذا انه _ عالعسكر ارتجز
كض سيفه ذب اكرابه _ واكف يلف بنكابه
صاح انه عندي اطلابه _ لسبعين الف برز
خيل وزلم لاكاهه _ تردم بعض خلاهه
من روحي اعز كالاهه _ عندي الحسين اعز
الجيش من اذانه كاده // بالدم كتبهه امجاده
حي الله _ حي الله
**
الما رايد اصلن روحه _ مات اليمنته تلوحه
حته بسطرته املوحه _ سطراته تختلف
عينه بزعلهه حمره _ صاح اله اكسر ظهره
اليدنه لبن الزهره _ ناداهم الكلف
عفت الشمع وأحلامي _ كلش مهمه اخيامي
الزلمه يجي كدامي _ شو كلهه ترتجف
طلعو زلمكم ناده // بالدم كتبهه امجاده
حي الله _ حي الله
**
كل ساعه ويشن غاره _ خله الزلم محتاره
لحسينه جاب بشاره _ هوسله بالعلم
ابن الاخو كر عينه _ ظحه بشبابه لدينه
جاب النصر لحسينه _ وحسين الة ابتسم
كله الحسن وصاني _ وخاجيه الك انطاني
القاسم لبسهه متاني _ استرخص وهجم
وبسيفه سوه الراده // بالدم كتبهه امجاده
حي الله _ حي الله
**
حاجب تلاكه بحاجب _ تعنه العساكر غاضب
ما كابله ولا شارب _ منه خذو حذر
ما لحظه يرجف كلبه _ عباس اكيد مدربه
يتعنه وين الصعبه _ طالع عله الكمر
هيجي الزلم لو لاله _ تسولف عليه افعاله
يطرد وره الخياله _ يشعر بقه بفخر
السيد ثكيل اعناده // بالدم كتبهه امجاده
حي الله _ حي الله
**
بيده نفظهه الحومه _ الطف نقلهه اعلومه
طفه شمعته بيومه _ وبطلعته انسعد
من عمه مأخذ فتوه _ عمله بجثثهم سوه
ما لاكه واحد يسوه _ ماهمه ابد عدد
صفنت عليه الوادم _ دخيل الله صاحو قادم
صاحو اجانه القاسم _ والماشرد شرد
ومن حصل الشهاده // بالدم كتبهه امجاده
حي الله _ حي الله
**
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أقرب شخص بالنسبه الي
كلهه تعرف ابني علي
اشسوه بيه // راح من اديه
***
ادنيتله حضن بحضن _ شيب وضمه تلاكينه
ابني الجبير من العطش _ بالكوه فاتح عينه
ما لحظه عايفني تره _ خلص هذيج اسنينه
كتله علي رد للخيم _ اتموت راح سكينه
شلته وعله متني انتجه
كال اعتذر بويه وبجه
جته المنيه // راح من اديه
***
طحت اعله طوله بلوعتي _ وظليت اشم بعطره
بس الله يدري اجم سهم _ لاحن دليله وصدره
اشفافه متروسه رمل _ المن العطش متفطره
صحته علي لو غمضت _ ظهري يبويه تكسره
احتاريت انضف ياجرح
ادري الرمل كله ملح
طحنه سويه // راح من اديه
***
طاح اعله وجهه من المهر _ وعليه صارت هوسه
هذا اليطعنه بالرمح _ وذاك اعله صدره يدوسه
كلوب الشماته بينت _ بس بالحقد متروسه
صاحولي كطعنه ابنك وذر _ ماضل مكان تبوسه
كلبته لا حس ونفس
بخدوده أثر حافر فرس
يصعب عليه // راح من اديه
***
محني طلعت من الخيم _ يبست عله ابني شفافي
ناديتهم بسكم طعن _ مو مات ولكم كافي
طاحت يبويه اعمامتي _ واركض اجيتك حافي
تعبان لو ميت علي _ بلكي الله تطلع غافي
خل للخيم نرجع سوه
يالغمضت كلبي نجوه
مامنه جيه // راح من اديه
***
الابو من يفكد ولد _ الله يعين اعيونه
والشايف ابنه منذبح _ لحد يكله شلونه
بحر الشمس طايح علي _ والعطش غير لونه
دوم الولد أقرب شخص _ عند الابو تعرفونه
فراك الولد صدكوني مر
مايسوه من دونه العمر
الغطاني فيه // راح من اديه
***
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اشكرج _ يم البنين الحنينه
كفيلي _ دله السهام اعله عينه
فداهن _ عالمشرعه اثنين ادينه
****
من الزهره ودتلج شكر _ شرضعتي ابنج بالزغر
شرضعتي عباس
مكمطته بكماط الوفه _ شسوه من أخيه كلفه
متعجبه الناس
السبعين الف لمن طلع _ من طوله رجعو ليوره
لو ما من حسين استحه _ يكلبهه راد بخنصره
أخيه _ يركض ركض من يكلفه
تكطع _ وما تيه الرايه جفه
وصيتج _ نفذهه بالطف اعرفه
****
خلفتي جيش من اربعه _ كسرو حصار المشرعه
شكد ولدج اسباع
راسج عله الغيم ارتفع _ عباس اخبرج من وكع
ماشالته الكاع
شاف السهم اعمه الاجه _ صاحاله شيخ المرجله
من اعيونه وحده للسهم _ انطاهه ثواب بكربله
يكله _ واعدني واحفض كلامي
اخذهه _ بس ابتعد عن خيامي
عيوني _ ذني ثواب الامامي
****
يم البنين انتي صدك _ سويتي قيمه للعشك
وظحيتي لحسين
ابنج عجبني بفزعته _ صوغه جبتلج رايته
يا ام البنين
عصات موسى برايته _ شايلهه عباس بفخر
دخيل الله صاحو معجزه _ بالجربه خلاه النهر
معاجز _ صارتله تسلم يمنته
الشريعه _ خلاهه كلهه بجربته
دخيله _ بجفوفه بسته وشكرته
****
الربيته بيدي من الزغر _ لبسني تاج من الخدر
اشتاكيت اله اهواي
فاركني وعيوني انعمن _ اجفوفه اعله مودي تكطعن
الما ظايك الماي
كتله اوكف بداعت علي _ امك يغالي شوصتك
كلتيله اريد بكربله _ تفدي الخويه بركبتك
ابشرج _ ما قصر ويانه حاشه
تلقب _ يسمونه ساقي العطاشه
احبه _ كافلني كل عمره عاشه
****
ماشيته راسه اعله الرمح _ يطلع صبح كبل الصبح
يحرسني كل ليل
والزهره ابشرج حظرته _ بشيلتهه جفه ضمته
وظلت تون حيل
يم البنين اعله الوفه _ تجازيج باجر فاطمه
ابنج إذا اسمه الكمر _ معناهه انتي اسمج سمه
اخيي _ فوك الرمح وشحلاته
يخزره _ ابن امه يوصل خواته
وحقج _ للخوه قدم حياته
****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اربعطش شمعه _ لاربعطعش عمره
بخرته بالخيمه _ بسم الله والزهره
كلت افرح بيومه// بس نادته الحومه
*****
كشخ ابن الحسن بعمامته الخظره
وعن عين الحسد آيات اله اقره
شعلت اربعطعش شمعه عله كد عمره
كتله اليوم اريدك عمك اتنصره
تشابكنه بالخيمه _ودنك يحب ايدي
عمك بقه الوحده _ روح اركض اوليدي
حظرت اله اهدومه // بس نادته الحومه
*****
جبت راية عمامه وكظهه المعدل
مو بشموعه اشوفه بسيفه يتغزل
بثواب الزهره كتله جاسم توكل
إذا سالم تجيني احسبني راح ازعل
اوكع جبل يبني _ احفظ هالحجايه
فرح وجه عمك _ وحيل ارفع الرايه
دمك غله سومه // بس نادته الحومه
*****
نبض عرك الهواشم عركت الكصه
وكال حسين اله بدمي بعد حصه
المواقف صح فرص مادام اجت فرصه
يلسان الشمر القاسم اجه يكصه
لمن لبس درعه _ يستشهد اتمنه
كله يبو اليمه _ ماريدن الحنه
واحسبهه محسومه // بس نادته الحومه
*****
صحت عماته كومن ركضن بلهفه
تعالن للمنيه القاسم نزفه
بعد اشويه دمه حنته بجفه
بعد اشويه تنحز ركبته الترفه
ودعنه خياتي _ واشتمن بعطره
اشجم سهم رايح _ يتلاكن بصدره
وتتغير ارسومه // بس نادته الحومه
*****
جابه الخيمته حسين ويهل دمعه
وين ام الولد خل عالولد تنعه
شعل عد راسه بيده اربعطعش شمعه
يصيح الراح راح وبعد شيرجعه
اتمدد بطوله _ ويلاه ابو سكينه
يتلمس بشعره _ ويظمه لحظينه
شمحلاهه هالنومه // بس نادته الحومه
*****
شلت بيدي بخوره والكلب هايم
وبخرت السهام الي بصدر جاسم
كافي من البجي خلو الولد نايم
شاب ومن جماله حسدته الوادم
معجبني بخلاقه _ ماينسمع حسه
جاسم كلت يكبر _ ردت افرح بعرسه
من وليدي محرومه // بس نادته الحومه
*****
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
عابس _ يوصي بصحبانه
عابس _ موتتنه اهنانه
عابس _ شككهه هدومه __ بالحومه
**
من رخصت ابنه مظاهر _ عابس بداهه بكلامه
للصحبه اثبتو المواقف _ وانه ادري بيكم نشامه
هيامي _ غرامي _ ياربعي بالدم اكتبه
جنوني _ بمحله _ خل اليلوم شيحسبه
قميصي _ اشمره _ واصرخ ابو اليمه احبه
بالي _ شيريح بالي
بالي _ ظل يم الغالي
بالي _ حافظهه ارسومه __ بالحومه
**
فشله أقدم حياتي _ للدنيه محبس بصبعه
كلش جبيره علينه _ اختارانه ابو اليمه ربعه
حبيبي _ واميري _ من عمري كون اعله عمره
اشهدو _ يربعي _ الجيش بحسامي اكسره
مصيري _ الشهاده _ وادعولي هاليوم انصره
نوفي _العشره لصاحبه
نوفي _ بالدم واجبنه
نوفي _ فرصه ومقسومه __ بالحومه
**
خلونه نمشي نهوس _ محتاره بت الزجيه
منعوف ابواليمه لحظه _شكد حلوه عدنه المنيه
سويه _ نقاتل _ ياخوتي ماكو استراحه
تعبكم _نكله _ عدنه يبو اليمه راحه
ركضنه _ ننافس _ ياهوه الاكثر جراحه
الشايب _ يركض اولنه
الشايب _ حيهم صاحلنه
الشايب _ كلمن وبيومه __ بالحومه
**
من الخيم بلكي احصل _ بيرغ اشده عله زندي
طر الفجر وانه حالف _ اله انه اولكم ابدي
أودعه _ العشكته _ كبال الخيم راح اشبكه
انظرو_ عله موده _ صدري وقميصي اشكه
بحياتي _ اظحي _ وما انطي بس بل اعشكه
واظح _ عشكي لقدسيته
واظح _ حسين بحنيته
واظح _ صارت معلومه __ بالحومه
**
نعمتنه كلش جبيره _ ومحد يحصل مثلهه
استعرضو حدو البواتر _ هاي الحرب احنه اهلهه
نعوفه _ استحاله _ كلشي ولا نشوفه حاير
لخيامه _ نسوي _ بهاي الجثث نبني ساتر
ربحنه _ بنصرته _ يجازينه والزهره باجر
بدمنه _ نفديهه عيونه
بدمنه _ خلي يدفونه
بدمنه _ شمحلاهه النومه __ بالحومه
**
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
الهسه الحسن ماسد مظيفه
سلم مفاتيحه الشريفه
بيوم الحسن مات ___ باب الكرامات
سلم مفاتيحه الشريفه
****
خطارهه تشبعه هله _ الفقره بصحنهه مدلله
بنت الحسن هاي
عدهه ابو الكل عرفته _ مالحظه بردت دلته
للرايح وجاي
مثل ابوهه ماترد واحد يجيهه
العنده حاجه وبالحسن يقسم عليهه
تنطي من كد الكرم بثنين اديهه
دمعت المحتاج غالي تشتريهه
تنطي اليجيهه بسم ابوهه
باب الحوائج لقبوهه
شكد الهه وكفات ___ باب الكرامات
سلم مفاتيحه الشريفه
****
اول مضيف اعله العرب _ قصر الحسن باني كصب
بس يرفع الراس
شايل كرم بس يختلف _ ينطي العرف والمو عرف
ويهلي بالناس
يالكرم خادم طلع عنده دخيله
الجايه بعازه ذهب يترس شليله
علم أسرار الكرم البنته الجليله
تكظي اي حاجه تره لو مستحيله
سر الكرم عند العظيمه
مثل الحسن طلعت كريمه
واليقضي حاجات ___ باب الكرامات
سلم مفاتيحه الشريفه
****
شاهد عله الحاله الزمن _ سلم مفاتيحه الحسن
سلمهه مفتاح
البت الحسن كلمن نوه _ الكل مرض عدهه دوه
الكيصدهه يرتاح
الطب صحنهه يشتكي توكف تسمعه
مستحيل المعتني خالي ترجعه
البسم اخوهه القاسم اليشعله شمعه
موش حاجه وحده لا تكظيله سبعه
العنده مرض ضايع طبيبه
خلي يكصد يزور الغريبه
يكومه بسلامات ___ باب الكرامات
سلم مفاتيحه الشريفه
****
وصاهه ابو وجه السمح _ بسمج مظيفي ينفتح
تكصدله زوار
لزواري كولي صح متت _ فاتح مضيفي بكل وكت
ماردلي خطار
سلمت مفتاحه بيدج يالغيوره
لان كبري ينمنع محد يزوره
الحنه البحايط ظريحج احله صوره
انطي اي واحد يجي وسهلي اموره
شيخت هله الوادم تصيحج
اطوف الملاين ابضريحج
الكطعو مسافات ___ باب الكرامات
سلم مفاتيحه الشريفه
****
الراحلهه يرجع مطمئن _ ينسه التعب ينسه الحزن
لهله بفرح راد
جم واحد بواحد كصد _ العلويه رازقته بولد
منطيته المراد
شكرآ البت الحسن جم قطعه شايف
تقدر اي واحد يجي بت المضايف
عن كرمهه شايف وسامع سوالف
وبصحنهه انجمعت اشكال الطوايف
بت الحسن فدوه الاسمهه
مايخسر بعمره الخدمهه
اقره العبارات ___ باب الكرامات
سلم مفاتيحه الشريفه
****
تمت ____ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
كل مغرب انتظره _ تسبيحت الزهره _
عمري على عمره_ انه ام البنين
****
حسين من يوم العرفته _ عندي هذا احله يوم
تعودت بس بسمه الهج _ حته من اكعد واكوم
سافر وكلبي لجمني _ عيوني مامر بيهه نوم
ناذره لوجه الله نذري _ عمر من يرجعلي اصوم
لجيته اعكد الشيله _ بس يرجع ادعيله _
مايدري جم ليله _ ماغمظت العين
****
اليحب لازم يظحي _ بهل المثل عندي قصد
حسين اعز من روحي عندي _ وحته اعز من الولد
الموت كل مغرب يجيني _ عالدرب خالي اصد
من يرد سالم واشوفه _ الدنيه اترسهه ورد
اشبع بجي ابابه _ كاتلني يغيابه _
ارد اشبك اثيابه _ واشتمهه مرتين
****
حسبه تاخذني وتردني _ منه ما جاني جواب
بظعن ابو اليمه بنيني _ لوجهه مطيتهم ثواب
انتظرته ساعه ساعه _ ويمرد ابروحي الغياب
بالشمس يوميه اكعد _ انتظر سيد الشباب
من الدار امل واطلع _ بلكت خبر اسمع _
كالو فلا يرجع _ بسج تنشدين
****
محظره لليل اليجيني _ شموع احظرهه العصر
ابابه اشعل شمعه شمعه _ وابقه بحسين انتظر
ياهو يوصله ويخبره _ راح اموت من الهجر
فراك ولدي شوايت الله _ فراكه ظكته فراكه مر
حيل نشغل بالي _ انشد عله الغالي _
مو زين ابد حالي _ منتظره الحسين
****
بدمعي اسير عالعليله _ لدار ابو صدر الوسيع
تبقه تبجي بحظني تكعد _ وشايله اهدوم الرضيع
جن خريف سنيني صارن _ عكب ما جانن ربيع
من كثر مابحسين افكر _ كمت بين اجروحي اظيع
كلما تلاكينه _ زادت بواجينه _
عنه محاجينه _ نخلصهه بونين
****
تمت _ علاء الزيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
راح راح _ حيل انه مستحيه _ بس اربعه مظحيه
راح وحاجاني بااخر نظره
تضحيتج هايه بعين الزهره
****
فرق بين اليحب روحه _ وفرق بين اليحبونه
فرق بين اليذبحه الشوك _ وفرق بين اليذحونه
انه شجره وحظن دافي _ وكمت اطيحن وركه وركه
خلفت اربع شوارب _ وما ردت من ولدي ملكه
جان خوفي حسين بالطف _ يذبل وحافر يسحكه
ريت ريت _ عندي ولد اكثر _ يفدون ابو الاكبر
ريت مخلفتلي للطف عشره
تضحيتج هايه بعين الزهره
****
المغرب كعدت المشتاك _ وره الباب ودمعته تصب
يا ناس اليحب حسين _ بعد مايقنع بأي حب
يا ابو فاضل صحته اوكف _ طلب عندي ارد اطلبه
الماي لو رايد رضاتي _ كبل اخيك لا تشربه
تالي ما تالي حبيبي _ السهم ماخذ ثلث كلبه
آه آه _ ياسيد أحلامي _ بحر الشمس ظامي
كون تموتني اعليه الحسره
تضحيتج هايه بعين الزهره
***
شجاني وما رحت وياه _ واظوك حرورت الهيمه
كتله امشي اريد أخدم _ لزينب اكنس الخيمه
لهوه شثكله كوه اشمه _ من مشه وانطاني ظهره
شكد صحتهه وياك اخذني _دموعي هلن عشره عشره
مامصدكه الخبر هذا _ حسين كطعو حته نحره
ليش ليش _ ظامي بقه ينازع _ ومحد اله فازع
صدري يسحكنه السحكن صدره
تضحيتج هايه بعين الزهره
***
راح اليسوه كل اهلي _ بعد ماتسوه أحس دنياي
يوميه الظهر اطلع _ بثواب حسين اوزع ماي
راح اعز واحد عرفته _ ماي وتبده من اديه
راح كالو ما يجيلج _ وبلكي اكولن منه جيه
انه من ابجي اعله ابني _ الناس ليش تلوم بيه
حيل حيل _ مستحيه من عنده _ كالو بقه الوحده
اربع بنين انطيته مقصره
تضحيتج هايه بعين الزهره
***
ودعته بكلب مكسور _ انتظرته وروحي ملهوفه
عجبني بموقفه العباس _ لخيه مكطع جفوفه
فدوه ولدي اربعتهم _ المهم يرجعلي بسلامه
جذب عيني بعد تغمض _ ليلي مااكدر انامه
حسين سلبو كلشي منه _ وراسه ظل بلا عمامه
كون كون _ جروح الجسد بيه _ الالف وتسع ميه
يلجمني افراكه وابقه انتظره
تضحيتج هايه بعين الزهره
***
تمت ____ علاء الزيدي
ـــــــــــــــــــــــــــــــــــــــــــــــــــــــ
تعليقات
إرسال تعليق