مجموعة قصائد زنجيل وشور مكتوبة للامام العباس عليه السلام محرم الحرام
اللهم صلى على محمد وال محمد
نادت العباس زينب يالكـفـيـل
نادت العباس زينب يالكـفـيـل
بس حرم واطفال ضلينه وعليل
تــرضه ياعـبــاس زيـنـب تنـولي
وانته چنت اتبـاري خـويه محملي
راح اصد للنجــف واصرخ ياعلي
الصار بيــه يبو فاضل مــو قـلـيل
راح اعـوفــك يبو فاضل عالـثــره
وامشي وي الشمر خويه اميسره
شلون ترضه شلون وانه امخدره
امشي وي اعداك والممشه طويل
ذكـرياتــك عـاشت بــروحي جرح
مـا انــام وابـقـه اسهـــر للصبــح
خويه ما انساك يالــوجهـك سمح
وانه وانته اثـنـيـنه خـل وخـلـيــل
راح اعوفك وامشي خــويه لليسر
ويـمــك اسنـيـنـي اودع والعــمــر
راح امشي وبـيــدي رايات النصر
وغـير رايات النصر مالي بـديــل
وداعـت الله يالعـشت بـيـه ضـــوه
راح امر اعـليك واشتمـك هـــــوه
غـصب نتفارگ بعـد منــرد ســوه
خويه عـود انساك صدك مستحيل
شلون شفتك نايم اعله المشرعه
چفوف ماعندك يخويه امگـطعـه
زينب اتشاهـد اخـوهـا اتـودعــه
شلون اخو العباس ماله أي مثيل
الشاعر السيد رياض الرسل الجابري
اللهم صلى على محمد وال محمد
قصیدة(یمته امن الشاطي ترجع)
اتنــادي اطفـال ورضـع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
اَبمدمــع تصیــح وتجــذب الونـه
چا یمتــه یـرد بلمــاي ها عمنــه
کل صرخه احسهه ابچبدتي طعنه
شردْ اصبر بعــد وتخطـه یا محنه
مابیهــم واحــد یهجـــع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
لـو أدري تـروح ومـاتـرد لینــه
چــان ابمَدمَــع اعیونــي تروینـه
نیــران الضمــه ظلــت تچوینـه
لحظــه ابلحظــه نتنطــر یوالینــه
ویاهــم هـــمْ اتجــرّع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
طالــت غیبتــک ونگطعـت الآمـال
گلبـي کَـل جمــر وتهیجه الاطفـال
بیهــمْ گمـتْ اصبـّر وکتم الأحوال
المــاي الکم یجیبـه سیـد الأبطال
ابنیــران الهــم اتلــدَغ
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
مــن الخیــم طلعـت وبگلب لهفـان
نسـوان اطلعت وطفال وي رضعان
کلهــه اتنـادي اتأخــر گمــر عـدنان
کضـن لـي ســره بگلیبـي الأحزان
للباري الچْفــوف ارفـــع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
حیرني الزمان او روحي ملهوفـه
وتعنــه الحسیــن ابدمعـه مذروفه
صاح أیسـي یزینب حانـت احتوفه
طاح اعلـی النهـر متگطعه اچفوفه
علشاطي جسمـه اموَزَع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
✍️حمیـد خنفري
#قصايد_العباس_ع
اللهم صلى على محمد وال محمد
(یبوفاضل دخیلک)
#قصايد_العباس_ع
شور
🍁🍁🍁🍁🍁🍁🍁
یعباس...هاي الحرم عطشانه
یعباس...زینب بگت حیرانـه
یبوفاضل دخیلک
یبوفاضل دخیلک
🍂🍂🍂🍂🍂🍂🍂🍂
خویه الرضیع البي تعیش احلامي
اینازع بگه او دالع لسانه وظامـي
او سکنــه الحزینــه الزیدت آلامـي
انته عضیـــدي وبیک اشد احزامي
یعباس..بیدک یرف الوانــه
یعباس..هاي الحرم عطشانه
یبوفاضل دخیلک2
🍂🍂🍂🍂🍂🍂🍂🍂
سکنــه تنادیک او تجر بلونــه
گــوم ابعزم شــد العزم وتعنــه
ادري ابحمیتک ماتخیب الظنـه
تبقــه رمـــز للخــوه یا کافلنــــه
یعباس...گلبي التهب نیرانه
یعباس...هاي الحرم ولهانـه
یبوفاضل دخیلک2
🍂🍂🍂🍂🍂🍂🍂🍂
غیره وشهامه ومرجله ومـروه
او بلوفــه انتـه الأمل والقــدوه
لاتنسه جودک یا مثال الخــوه
خلي الحرم من طلعتـک تتروه
یعباس...منک تهاب اعدانه
یعباس...هاي الحرم ولهانه
یبوفاضل دخیلک2
🍂🍂🍂🍂🍂🍂🍂🍂
لمن انظرک ینجلي کل همـي
ابشوفتک عسکر اشوفن یمي
بسم الزچیه یابوفاضل سمّـي
وهجم علیهم وغترب یانشمي
یاعباس....یخسـه الذي یدنانه
یاعباس....هاي الحرم عطشانه
🍂🍂🍂🍂🍂🍂🍂🍂
یبوالفضل عندک خبــر بلشاطـي
سدوه مـــن کـل وکتـر حواطـي
بس آنه بیــک اویلعـــده ازماطي
ادري ابسهم نبلک سهم موخاطي
یعباس...تدري الحرم ولهانه
یعباس...هاي الحرم عطشانه
یبوفاضل دخیلک 2
🍂🍂🍂🍂🍂🍂🍂🍂
✍🏻حمید
اللهم صلى على محمد وال محمد
آه...عباساه..؟..أبكَيتَ ألحُسين
عَــبــاســــاه
* الســــيـــــد
هـــــادي المــوســوي النـاصـــري
نـــــــــــزال (07804322001)
آه...عباساه..؟..أبكَيتَ ألحُسين
************************************
أنـــــــتَ صِـــنـــــــوٌ لِحُـسـيـــنٌ وأخــــــاه
بهَـديـــرِ الـــطـــــــفِ نـصـبْــــتَ لـــــــــواه
جُـرحُـــكَ ألنــــــــازفُ لـــلّـــــــهِ بَـــــكــــاه
(يـجـري كالطوفـان مـــــن عـيـــنِ إلحُسيـن)
************************************
هــائـــــمَ ألفـضـــلُ(على إلكَــــفِ) دعــــــاه
حــامــــلٌ جُـــــودَك(في إلنــهــــــرِ)مــعــــاه
وهــــوى الـمــــــاءُ(عــلى إلـمـــاءِ)نـــعـــاه
(نـــــادى يــاسـقــــاء خُـذنــي للحُسـيــن)
************************************
مــادرى أهديــــتَ(عِــــز جــــودَ)إليـديـــن
وهـــوى إلجســــمُ(عــلى كــــف) مُقلتـيــن
وعــلــى إلرمضـاءِ (تـهوي دون)عــيـــــن
(لــــــــكَ يـسـعـــى ياأبا ألفضلُ إلحُـسيـن)
************************************
مـــــــن هُـــتـــون إلـغـــــدرِ مسلـوب إلكـفـوف
وجـثـــى شخصُــك فـــــــــي رحـــــــمِ إلحتـوف
أنـــــــتَ جَـرّحْـــتَ أليــتامـى فـــــــــي إلطـفوف
(مَـــــــن لـنـــــا بـعـدَك يبكيكِ ألحـُسيـن)
************************************
أنــــــت صــبــــــرٌ حـــانـــي يـــــــومَ ألمُلتـقــى
وسـمـى فـضـلُــــك فــــــــــي إلخـيـفِ رقــــــــا
هــــــــامَ فـــيـــــــكَ ألمـــــوتُ حـيــــنَ إستنشقى
(عــطـــرُكَ ألفــــواح مــــن نـحـــرِ ألحُـسيــن)
************************************
ثــغــــرُك إلظـامــي إرتــــــوى يــرسُــل ســـــــــلام
نـــــــــورُ عــبـــاسٌ غــــفــــــا بــيــــــن إلســهــــام
فـــــــــــي صــريــــر إلـــمــــاءِ خـجّـلـتَ ألصــيـــــام
(خُـــــــذْ سَــــلامٌ مـــــن كـفـيـلٍ ياحُسـيـن)
************************************
فـــــــــي ضــريــــحِ الـــــــــربَ مكــثــور ألجــــراح
أنـــــــت عــلـمـــــتَ ألبــشــــــر معـــنـــى ألكــفــاح
أبــــــدَلَ ألـرحــمــنُ مـــــــــــــن زنــــــدك جـــنــاح
(طــائـــرٌ لليــــومِ فــــــي صـحــن إلحُـسيــن)
************************************
ألحمد لله رب العالمين
مــــن الـتـخمـيـس
ديـــــوان
دمـــــوع الـهـاشمـيـات
الجزء الرابع
ملاحظة/ وردت كلمات بين ألأقواس ليست منقوله أومقتبسه إنما
للتوضيح ووردت كلمات بغير صورتها للضروره الشعريه
والوزن
اللهم صلى على محمد وال محمد
يابو فاضل.....دخيلك عباس
يابو فاضل.....دخيلك عباس
*
ضرغام انت يالولي يكينونة علي يبو الشيمه
اشوفك ترتجل وفه وغيره تهل
يبو الشيمه
والزلم خلاهم بحيره
والنعم عباس أبو الغيره
من تشاهد رآيته زينب
تگول حيدر نفس تصويره
*
عباس يارب الحرب
صعب كلش صعب.....يبو الشيمه
الشمس نورك من تشع
يبو ثار الضلع ....... يبو الشيمه
ياشجاع بزغره وبكبره
حتى جبرائيل طوع أمره
الملك عزرائیل گلاله
من السمه تتباوع الزهره
*
جربه شايل لو نهر
يالمروي الدهر .....يبو الشيمه
العقيله وتبتسم
وتشم بيك وتشم .... يبو الشيمه
انطيني صدرك خل اشمنه
آنه اشمن ريحة الجنه
والله مخنوگه يبو الغيره
عمري يخلص يمك اتمنه
*
صرت مثل الهوى
إذا تخطف ضوى ..... يبو الشيمه
اليشوفك ينهزم
يخلاس الزلم .... يبو الشيمه
يابو فاضل يابعد عيني
بيك اتيه انت دليني
من ضواك وتارس الدنيه
اباب لطفك ساجده سنيني
***
سموك راعي المرجله
يزلمة كربله...... يبو الشيمه
يغص بيك الوفه
النهر بيك انچفه ... يبو الشيمه
بالطف بالكلفه ينادونك
ساقي العطاشه انت يسمونك
والخيمه والله معيده بجالك
ياعطر حيدر من يشمونك
عبد زينب
محمد الإبراهيمي
صگّار الزلم عباس صال وجال بالحومه
الولده:
منهاج محرم الحرام ١٤٤٠ هجري
ليلة سيدي ومولاي أبي الفضل العباس عليه السلام
قصيدة (( نزلة ))
صگّار الزلم عباس صال وجال بالحومه
…………………………………………………………………………………………
من نزل للحومه طاعون الحرب
كلهه گالت راح يگلبهه گلب
شمرة الكرار حيدر من يطب
بالمعارك ماكو شي عنده صعب
راعي الغيره والنوماس كلها تعرف علومه
…………………………………………………………………………………
شالهه وبچفوفه رفّت رايته
هذا كفّال العقيله بغيرته
كلهه شردت منهو يدخل حومته
والبعض من عدهه طاح ابخزرته
يضرب گام راس براس ليث ويرهب هجومه
…………………………………………………………………………………
حشمته زينب وگلهه اتدللي
آنه عد عيناچ يا زينة علي
من تسمّيني إخوي وكافلي
والله يكفيني فخر بيهه أعتلي
أمير الخوّه والإحساس هيبه مرجّف خصومه
…………………………………………………………………………………
والله من طب حومته ورف بالعلم
هيچ گام يحودهم حود الغنم
عيونه بالميدان تتجادح حمم
سور أصبح على الخدّر والخيم
تخمد لو حچه الأنفاس يوم الطف صدگ يومه
…………………………………………………………………………………
والنعم من گمر هاشم ما جفل
سيفه ملك الموت بالحومه نزل
صدگ هذا الفحل من ذاك الفحل
هلا بالعباس ابن خير العمل
وبدرب الضعن نبراس وعيال الولي نجومه
…………………………………………………………………………………
يفرح الميدان لو طب الگمر
دخلت إنذار العده بخوف وحذر
ليث يتخيّر الصيده ابلا مفر
فارس ومهيوب وحزام الظهر
تشهدله جميع الناس خلّه إعداه مندومه
…………………………………………………………………………………
سوّه أبو النوماس كل الما يصير
قدّم الإعجاز والعاداه يحير
جيوش أميه تراجفت أول وأخير
يصيح بيهم لا مفر من المصير
عالي الزود من الساس لوحة نصر مرسومه
…………………………………………………………………………………
خادم الإمام الحسين عليه السلام
عمار هليل الواسطي
محرم الحرام ١٤٤٠ هجري
اللهم صلى على محمد وال محمد
المصدر موسسة منبريون الرادود احمد الزوار على التلكرام
وفقكم الله خدمت الحسين
ردحذفوفقكم اللة بخدمة الحسين
ردحذفجميل الله
ردحذف