قصائد مكتوبة
قصائد نسائية حسينية مكتوبة للانصار
اللهم صلى على محمد وال محمد
للموت .. نضحي لأجل أحسيننه أبدنيانه
#طور: باجر سجلها بيدك ..ملا باسم الكربلائي
للموت .. نضحي لأجل أحسيننه أبدنيانه
للموت .. نمشي نروح الزهره تمشي أويانه
ترخص الروح لأجلك.... مولاي ياهو المثلك
نضحي لأجل حسينّه بدنيانه
❀❀❀❀❀❀❀❀❀❀
مولاي يا شبل الوصي كلنه فده لعيونك
بس جرب وبينه انتخي الانصار ميعوفونك
كل احنه فدوه سيدي لكافل مسير ظعونك
كل واحد بأسمك هتف عاشك الك مجنونك
لأجلك .. نفدي النحر ولزينب نوافيهــــا
لأجلك .. انظل ستر خيمه وانفيي اعليها
للموت احنه بذكرك .. مولاي ياهو المثلك
نضحي لأجل حسينّه بدنيانه
❀❀❀❀❀❀❀❀❀
احنه انصارك يالولي وعلى العهد وفايــه
جينه بعزم ياسيدي وياك نرفع رايه
ننزل لعد سوح الحرب وياك ماكو غايه
آمرنه بس يابو علي عدنه أمر الحجايه
يمك .. الموت أهون من بقاء الذله
يمك .. نصير سيف وبيدك انته تسله
فدوه النحور لنحرك ..مولاي ياهو المثلك
نضحي لأجل حسينّه بدنيانه
❀❀❀❀❀❀❀❀
وقعنه حبك بالدمه وبخدمتك انصارك
ندري الينصرك سيدي بچفوفه ربك بارك
نتمنى كلنه بخدمتك يا بو علي نتشارك
حته الشهيد بخدمتك مو جنه يسكن دارك
أنصار .. نفدي العمر ونضحي كل سنينه
أنصار .. واليدنه يمك تنگطع جفينه
نواليك وانته بمهدك .. مولاي ياهو المثلك
نضحي لأجل حسينّه بدنيانه
❀❀❀❀❀❀❀❀❀
احنه انصار بالدمه دينك يغالي نصونه
نهوى الممات بكربله وكلنه عزم يدرونه
عابس ومسلم ننگلب ضد الذي يعادونه
وجون وزهير و حر تره وانصارك يسمونه
نخدم .. ابن الزجيه وفدوه اله دنيانه
نخدم .. ندوس اعله راسك ياأبن مرجانه
شحدة الي يوصل حدك .. مولاي ياهو المثلك
نضحي لأجل حسينّه بدنيانه
❀❀❀❀❀❀❀❀❀❀
سيدي يااطهر نسب انصارك واحبابك
كلنه بخدمتك يالشهم نسجد نقبل اعتابك
نتمنى قبلك ننذبح يالماكو مثل امصابك
تلكانه عد عينك تره انطنيه بس جوابك
نفديك .. محله العمر من افدي بيه حسيني
نفديك .. يامن حميت بمنحرك كل ديني
باقين احنه بعهدك .. مولاي ياهو المثلك
نضحي لأجل حسينّه بدنيانه
❀❀❀❀❀❀❀❀❀
تمت بحمد الله
4/7/2018
✍🏻آلــــّ؏ــلّويِـــــه آلّمٌوسويِــــۿ
❌لاإجيز حذف الأسم❌
اللهم صلى على محمد وال محمد
ذوله انصار الحُسين ★ اسباع غيرة ومرجله
ذوله انصار الحُسين ★ اسباع غيرة ومرجله
والنعم منهم ابات ★ شرّفوا طف كربله
*
ماقصروا لا والله ضحوله الرگّب واجساد
نشفوا دمعة الحوراء وزاحو هم ابو السجاد
كل ماينذبح واحد بيهم العزم يزداد
نشامى وشالوا الغيره
عدوهم ظل بألف حيره
ذوله انصار الحُسين ★ اسباع غيرة ومرجله
والنعم منهم ابات ★ شرّفوا طف كربله
*
ضجت كربله بيهم واهتزت بأهاليهه
حرسوها الخيم لحسين ما واحد وصل ليها
وصاحوله فرد صيحه والله الروح نفديها
كل ناصر بذل دمه
يفدي حسين كل همه
ذوله انصار الحُسين ★ اسباع غيرة ومرجله
والنعم منهم ابات ★ شرّفوا طف كربله
****
لازم نذكر الانصار وگفوا بالكلافه احيود
من نحجي بمراجلهم نحجي اعله العزم والزود
نصهم يفدي ابو السجاد نص يفدي كفيل الجود
صاحوا سيدي انخانه
تمشي الزهره ويانه
ذوله انصار الحُسين ★ اسباع غيرة ومرجله
والنعم منهم ابات ★ شرّفوا طف كربله
*
تحضر فاطمه الزهراء للمجلس تعازيهم
تنادي ذوله اهل الجود نوحوا اونو اعليهم
ذوله اعله الخيم حراس تشهد كل مواضيهم
ابد ماننسه ذكراهم
بالطف تشهد ادماهم
ذوله انصار الحُسين ★ اسباع غيرة ومرجله
والنعم منهم ابات ★ شرّفوا طف كربله
********************
تمت بحمد الله 25/9/2016
✍️آلــــّ؏ــلّويِـــــه آلّمٌوسويِــــۿ
تنقيح:الشاعر سجاد الأســدي
اللهم صلى على محمد وال محمد
خدمة حسين تجاره ربح مابيها خساره
خدمة حسين تجاره ربح مابيها خساره
شرط واجب تلتزم
ما يريدك بس اسم
خدمة حسين تجاره
.........................................
خدمة حسين شرف بيها كرامه
خادم اسمك حتى لو لابس عمامه
شكم دليل الخدمته وشكم علامه
ما يريده الماخذ اطباع الحمامه
ما يريدك بس لطم
شرط واجب تلتزم
حتى دنيا واخره تنول الصداره
خدمة حسين تجاره
..................................................
اليخدم حسين شرط عنده عقيده
يلتزم مو لازم الا يكطع ايده
حسين لجلك هوه قدم دم وريده
هلله هلله لو يقبلك من عبيده
خادم اسمك والنعم
شرط واجب تلتزم
كل صباح وكل مسه اقره الزياره
خدمة حسين تجاره
.......................................................
قصة الخدمه ترى قصه عجيبه
تبتعد منها وتضل منك قريبه
المصيبه الخادم وصافي حليبه
من يضيع الخدمه ما تبقاله هيبه
بهالامر عندك علم
شرط واجب تلتزم
حتى بالمحشر الك كبه ومناره
خدمة حسين تجاره
................................................
حسين صرخة كل ضمير العنده غيره
يعني مو ياهو اليجي وكال اني اسيره
شيخ الانصار حبيب وجان اميره
حسين اهلي وناسي لا حتى العشيره
حسين مقياس الزلم
شرط واجب تلتزم
اليخدمه كون صادق في قراره
خدمة حسين تجاره
.................................................
حسين علمنه الثبات اعله الولايه
حسين قرءان وخدمته عدنه ايه
عالم الخدمه كرم ماله نهايه
انته بس انوي وعلى الزهره البقايه
بيا علي شد العزم
شرط واجب تلتزم
اول وتالي تجي الوادي الحياره
خدمة حسين تجاره
.............................................
خادم خدمة الحسين
الشاعر
#محمد الموالي
نعم منهم حبيب انصار قدمهم
قصيده الى الانصار
تجليبه مقفى مقطع
نعم منهم حبيب انصار قدمهم
فعايلهم تاريخ الحجه عنهم
♡♡♡♡♡♡♡♡♡♡♡
رجال اسباع صالو زلزلزها الگاع
حلوه اطباع للحگ صار الأتباع
خبرهم شاع شدو للشهاده اضراع
فخر الهم تاريخ الحجه عنهم
✍️الشاعر فالح العامري
♡♡♡♡♡♡♡♡♡♡
الفخر يمه. ذولة اتباع ابو اليمه.
اخذ سهمه كل واحد ثبت عزمه
مو كلمه. سووا بالحرب لمه
الشرف هزهم. تاريخ الحچه عنهم
✍🏻الشاعرة ام كيان العامرية
♡♡♡♡♡♡♡♡♡♡♡♡
حدو بیها.....الحرب واتعالی ذاریها
وغطه اعلیها....صریخ ابطال اعادیها
یهد بیها.....حبیب وموت یرویها
یجندلهم......تاریخ الحچه عنهم
✍️الشاعره ام ضیغم المحنا
♡♡♡♡♡♡♡♡♡♡♡
نعم أخيار. زكاهم ابو الأحرار
نموت أبرار. ونخلي الجثث طشار
ندوس أخطار. لجلك يبن حامي الجار
وفه الهم. تاريخ الحجه عنهم
✍🏻الشاعره ام ليث المالكي
♡♡♡♡♡♡♡♡♡
رفع رايه حبيب البيه الكفايه
دك ثايه ثبت للدين وفايه
الكطع مايه خله يسمع حجايه
زلزل الهم تاريخ الحجه عنهم
✍️الشاعره أم نور الزهراء
♡♡♡♡♡♡♡♡♡♡
كفو منهم... اسباع االمحد يردهم
عزم عدهم.. الشجاعه واگفه بحدهم
گرب منهم... ابو الأكبر ويسمعهم
شهد الهم تاريخ الحچه عنهم
✍️الشاعره ام عبدالله
♡♡♡♡♡♡♡♡♡♡♡
الف حيهم الشجاعه تفصلت الهم
منو بگدهم غيره ومرجله عدهم
شا امجدهم بالطف ضحو بدمهم
علا اسمهم تاريخ الحجه عنهم
✍️ الشاعرة أم علي الحلفي
♡♡♡♡♡♡♡♡♡♡
الهم زود ذوله يلحمو لحدود
كرامه وجود يلبيهم عزم مشدود
الكل شهود مثلهم ابد ماموجود
يساندهم تاريخ الحجه عنهم
✍️ الشاعره ام علي البصره
♡♡♡♡♡♡♡♡
بالتابوت ارجال الماتهاب الموت
مو بسكوت لبّوا لبو اليمه الصوت
بگلب مفتوت انضحي والاسم منحوت
بزود وزمهم. تاريخ الحچة عنهم
ام حسين المحمداويه✍️
♡♡♡♡♡♡♡♡♡♡
هوو كلهم. عله الغبرة بمصارعهم
نزف دمهم. او ماقلت مراجلهم
بگه همهم. زينب هية تدفنهم
ابمقابرهم. تاريخ الحچة عنهم.
✍🏻الشاعر فالح العامري
🖋🖋🖋🖋🖋🖋🖋
تمت بعون الله.
لانجيز حذف اسماء الشاعرات ❌
اللهم صلى على محمد وال محمد
انه امنين وتسلم علي زينب
في رحاب اهل البيت عليهم السلام
مربعه لانصار الحسين عليهم السلام
....
انه امنين وتسلم علي زينب
زينب بت علي ام كلب المعذب
.....
انه اتراب اقدام الولي الكرار
كاع ادوسني بت صفوة الجبار
بت فاطمه الزهره بضعة المختار
خدرها بت علي هيهات يتسلب
.....
هيهات الخدر زينب يكربونه
واليكرب ابأيدي اشلع اعيونه
ما دام الانصار الهوى ايشمونه
يا ويله الذي للخدر يتكرب
.....
خط احمر خدر زينب اومبدأنه
اشحد الكال يوصله اويصل حدنه
اليوصل لويكرب من عله اجثثنه
كلنه اسيوف منه ما اله مهرب
.....
ناداهم حبيب اورايته هزهه
لحسين ابو اليمه الروح ناذرهه
اتمنه چنت روحي افرنهه
مديوره اعله عمره اوعمري ايغرب
......
حبيبي ياحسين اوتاجي اوفخري
شلي ابعمري اخلافك يا بدر عمري
حبيب انه اجيت امحزم ابصبري
صابر عله اشواك الدهر ومجرب
....
كلشي ايصيبني وياك يحلالي
شوك الدرب احسنه عسل حالي
حبيب انه افديك ابنفسي وبمالي
الشهاده اوياك جانت حلمي المحبب
.....
حبيب انه اجيتك لا اتخيبني
رايه انطيني اواعله الكفر هدني
ارخصني يبن حيدر اوجربني
لخليها تنادي ادخيل يا زينب
.......
الحاجة ام احسان الخاقاني
٢٤ ذي الحجة ١٤٤٠ هـ
•✯•✯•✯•✯•✯•✯•✯•
هاي ارواحنه يحسين لعيونك نذرناها
لطميه للانصار بطور البحر الطويل
هاي ارواحنه يحسين لعيونك نذرناها
جنة حيدر الكرار وبدمانه شريناها
الموت الموت
صاحو صوت
لجلك يرخص ادماها لعيونك نذرناها
..................
جبنه ارواحنه وجيناك يابن فاطمه الزهره
كول اشتامر وشتريد الك هذا العمر فدوه
مانتراجع من الموت وتعنينه عليه عنوه
من الانصار
شني الاعذار
من عودك ومن طه لعيونك نذرناها
..........
شنتعذر اذا عفناك من فاطمه ومن حيدر
ينشدونه شنجاوبهم وانته اوحيد ومحير
نشوفك مالك نغار وعليك العده تفتر
الك هاليوم
نجلي هموم
وهاي الروح نفداها لعيونك نذرناها
..........
هاي ارواحنه يحسين فدو تروح لترابك
لخيامك نضل حراس شحده اليوصل اخيامك
ماتضعضع من الموت اصرار وعزم يزلامك
منو اليدناك
واحنه وياك
الموته وياك محلاها ولعيونك نذرناها
محله الموت ويحسين ومحله سيلت ادمانه
كل واحد يموت وياك يضل مشهود عنوانه
اسمع جلمت انصارك طلكنا ها دنيانه
فده للدين
لجل حسين
فدايه وقديميناها لعيونك نذرناها
.............
صرختهم تضل للموت هايه وكفت انصارك
واحنه اليوم اخذناها العبره بذوله ثوارك
تتقبلنه يامولاي نضل للموت خدامك
تقبلها
وتسجلها
الدمعه لو جريناها لعيونك نذرنها
...........
✍️ام زينب كربلاء
اللهم صلى على محمد وال محمد
فدوه كلنه بعنه لحسين العمر
🏴 فدوه كلنه 🏴
لسان حال انصار ابي عبدالله الحسين عليه السلام
فدوه كلنه بعنه لحسين العمر
فدوه كلنه ابطوعه نمشي والامر
كل إلسنين فدوه لحسين
فدوه كلنه فدوه كلنه
__
صحنه انصار ونبقى احرار وتدري باللوح اويه اسمك سجلتنا
فدوه الاعمار يابو الاطهار بعنه دنيانه الوجودك واعرفتنه
كل الارواح ابظلها واجناح طارت ابنشوة عشقها وفارقتنه
ابدمعة العين احنه لحسين صاحت ابقوة عزمها وودعتنه
بعنه الارواح فدوه لحسين الحياة
بعنه الارواح اوياه كلنه للمات
نورد البين فدوه لحسين
_____
هلت العين تبجي بونين زينب اتنخي وتحشمهم لخوها
وحده ياانصار والزمن دار حرمة الهادي الرسول وما رعوها
اعليه يدورون راسه يردون اوصية الهادي ياشيعه ما خذوها
صاحوا ابصوت اوياه للموت لا يهمج هاي الارواح إلنصرْته جندوها
لاتونين إلعينه نقلبها قلب
لاتونين ننطفي لاجله ونشب
يسرا وايمين فدوه لحسين
___
شدوا احزام والعزم قام والميادين ابعزم طه اوردوها
قري العين نوفي لحسين وساحة الميدان بغبار اقلبوها
زلزله وكون طفوا اعيون وبسم ابو السجاد رايات ارفعوها
جنوده واسيوف وللعدو اجفوف شدوا اعزوم ابمحبته واقطعوها
والله للموت مانعوف ونعتذر
والله للموت اوياك نسحق عالجمر
نوفي الدين فدوه لحسين
___
شيب شبان رفعوا آذان ورتلوا انغام آيات الشهاده
حبك ايمان وهدى واركان وقمنه يااحسين باذانك للعباده
كلنه ثوار مشعل ونار والله بدمانه كتبنا كل وداده
صحنه بالصوت هلا بالموت وندري من حّبك تفيله السعاده
احنه الانصار وبسم الحسين الصبر
احنه الانصار ارواحنه لاسمه نذر
كلشي معطين فدوه لحسين
فدوه كلنه فدوه كلنه
_____
تمت بحمدالله تعالى
✒️/ بنت الشمري
كتبت عهده ابلدمه هاي الانصار
قصيدة للانصار ثگيل
كتبت عهده ابلدمه هاي الانصار
سطرت أروع ملحمه هاي الانصار
تشارك حسين المصاب
وبايعت سيـد لشباب
هاي الانصار
أجـت يم احسين ويـرفرف لواها
وشـــيعة لكـرار معـــروفه ابولأها
عشگته ولعشگ صارلهه ضماها
تـرتوي ابوجهه ضـوه ونوره رواها
رافضة لحكـم لطغاة هاي الانصار
قدمتله ال تضحيات هاي الانصار
من حزنهه لگلـب شاب
وبايعــت سيد لشــباب
هاي الانصار
شاركت بعظم جهاد واعله رتبه
وتبرز الابطال من تتعنه صعبه
الموت مر ويرعب ليتعنه دربه
ومايخاف الموت الا الحبه ربه
ربك اختار لحــــماة هاي الانصار
من حجور الطاهرات هاي الانصار
خالدة والذكر طاب
وبايعت سيد لشباب
هاي الانصار
تعرف بوجه گريب وحمله اثكيل
وهوست يــمه ابعزم و لرده تهليل
نفذت امر التحبه بلايه تعليل
وقدمت لحسين منحر ولدمه يـسيل
اقمار وانجوم لسمة هاي الانصار
ولجله تحنت بلدمه هاي الانصار
عالعـده نـزلت عذاب
وبايعت سيد الشباب
هاي الانصار
يفخر التاريخ والله ويشهد الهه
من وجد مثل الحسين ولامثلهه
والعرش يوم الحساب يصير ظلهه
ومثل للحب والولاء ربك جعلهه
نفخر بأسم الؤبــــاة هاي الانصار
وابدماهه الزاكيـــــات هاي الانصار
طيبــت حته الـتراب
وبايعت سيد لشباب
هاي الانصار
خالدة ولليـوم امجردة لبواتر
تنتظر للمهدي هيه بگلب صابر
والوطن من شافته مكسور خاطر
ردت ابهيئة حشد واعله سواتر
جددت عهد الولاء هاي الانصار
ناصرت دين السماء هاي الانصار
مدرسة لكل
وبايعت سيد لشـباب
هاي الانصار
خادم الزهراء ع// ابو احمد الطائي
•✯•✯•✯•✯•✯•✯•✯•
اللهم صلى على محمد وال محمد
علی الأنصار .. على الأنصار
عزا سادس محرم 🏴
● طور : يبوفاضل
.
علی الأنصار .. على الأنصار
علی الأنصار .. على الانصار
〰️〰️〰️
عزا سادس محرم
علی الغطاهم الدم
ونقيم اليوم مآتم
〰️〰️〰️
حبيب ومسلم وجون
يويلي لا تنامون
〰️〰️〰️
يَفرسان المعاره
عجب دمكم تجاره
〰️〰️〰️
عجب ظليتوا نومه
ضحايا ابوسط حومه
〰️〰️〰️
عليهم نجري العين
ونزيد الليله لونين
〰️〰️〰️
علی الظلوا مطاعين
ضحايا بغير تجفين
〰️〰️〰️
وعليهم يبچي حسين
ويناديهم يطيبين
〰️〰️〰️
يَأنصاري يَأطهار
يخير ونِعمِ الأنصار
〰️〰️〰️
ايتلقاكم المختار
وابوي الوصي الكرار
〰️〰️〰️
تمت بحمدالله تعالى
✒️ / فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
اللهم صلى على محمد وال محمد
*اتنادي زينب بالخيم حيرانه*
*ياانصار الشرع*
*من وزن الموشح في لسان حال الانصار ع*
*اتنادي زينب بالخيم حيرانه*
*قوموا ياانصار الشرع ويانه*
قومو يا انصار الشريعه للولي
اوحيد وينادي عليكم بوعلي
بيكم الشدات والله تنجلي
*والقلب يشفى وتطيب احزانه*
صاح ليها احبيب لعيونج نعم
مايهمنا اشما يلوعنا الالم
احنا للوالي سيوف وهم سهم
*واحنا يا زينب اله عوانه*
لا تخلون الولي عمي وحيد
ينخى بين اعداه ماهزهم وعيد
هذا ابن المصطفى الحر الفريد
*التمت اعليه بحقد عدوانه*
ذبها لعمامه وهوس له برير
روحي فدوه لابن هادينا النذير
ينادي ونلبيه والراده يصير
*لو جرت بالسوح كل ادمانه*
صاح عابس هو جننه بهواه
نمشي درب الموت بس نبقى معاه
الجسد والروح مانملك فداه
*وبسمه دقات القلب رويانه*
تمت بحمد الله تعالی
بقلم : بنت الشمري
_الكويت _
.
.
•✯•✯•✯•✯•✯•✯•✯•
اللهم صلى على محمد وال محمد
انصارك لفينه اليوم نواسي نريد بالمنحر
انصارك لفينه اليوم نواسي نريد بالمنحر
يبو السجاد تمنينا ضحايا اوياك نتوذر
نريد اليوم نعلنها صرخه وخصمك التسمع
نفدي حسين وي دينه للباطل فلا نخضع
انصارك يبو اليمه وعن دربك فلا نرجع
برير وعابس وي الحر بطفك رسمت المنظر
عن نهجك يبو السجاد انصارك ابد متميل
وذر اشلاء تتكطع تخلي اعداك باليالويل
حبيب وجون وي مسلم اسمك رددوا بترتيل
معاني للعشك انطت انصارك يبو الاكبر
تقدم شيخها الانصار حبيب الكل يعرفونه
وكف يم خيمة الحره وعزم يصرخ يخيعونه
شيبي اليوم يازينب لجل حسين يخضبونه
دون امخيمج احنا نريد اليوم نتوذر
الخبر وصل يبت حيدر جنج خايفه منه
تخافي النيه تتبدل وبينه تخيب كل ظنه
وداعة فاطمه الزهره دون امخيمج احنه
نبيع ارواحنا للموت اسنين الهذا نتحضر
طور الفراق
هبوا الانصار،،، بيوم الحرب كلبوا عليهم كربله
هبوا الانصار ،،،بصوت فدوه لجلك يبن عقد الوله
هبوا الانصار ،،، تتفايض الهام منهم زود ومرجله
لجلك حسين ،،، طلكوها الدنيه و ابلا رجوع
لجلك حسين ،،، فداء تروح كل هاي الجموع
لجلك حسين ،،، ما تهاب الموت تأبى الخضوع
تمت بعون الله
خادمة الزهراء / ليلى زغيب
اللهم صلى على محمد وال محمد
الخدم بدفترج يازهره سجليهه
لانصار الحسين ع
الخدم بدفترج يازهره سجليهه
ويه الواحد وسبعين حشريهه
✿〰️✿〰️✿〰️✿〰️✿〰️✿〰️✿
يزهره الحبو حسينج عالفطره
سجليهم وي الشافه وذهل فكره
وصاح حسين جنني وفتح صدره
ونزل للحومه عاري الروح فاديهه
✿〰️✿〰️✿〰️✿〰️✿〰️✿〰️✿
الخضب شيبه وحاجبه بعصابته شاله
حبيب السر كلب زينب بفعاله
ترهب صولته لوصال تترادم الخياله
سيفه روسهم كام يحصد بيهه
✿〰️✿〰️✿〰️✿〰️✿〰️✿〰️✿
لجل نصرت حسين ارواحهم هانت
ويه جفوف المنايه الغيره تلاوت
دماهم عالسيوف بكربله نتصرت
الانصار طه يتلي اساميهه
✿〰️✿〰️✿〰️✿〰️✿〰️✿〰️✿
حسين بجف حبيب سلم الرايه
اخذ دروس من الحكمه والغايه
مثل انصاره ماكو انصار وفايه
انصار حسين لازم نقتدي بيهه
✿〰️✿〰️✿〰️✿〰️✿〰️✿〰️✿
حب حسين عذري جنن انصاره
بي عابس وجون نذهلت افكاره
النصراني وهب ابصر بنواره
وصاح الروح لبن الزهره اضحيهه
✿〰️✿〰️✿〰️✿〰️✿〰️✿〰️✿
بقلم العلويه🖌
الشاعره ام رائد زوين📓
اللهم صلى على محمد وال محمد
للامانة جميع هذه القصائد تم نقلها وتجميعها من كروبات وقنوات مؤسسة منبريون على التلكرام للرادود احمد الزواروهذا حساب قناته لمن يريد زيارتها https://bit.ly/3hjfLyE
لاتنسوهم من دعائكم فهم يسعون في خدمة خدام الحسين باستمرار وكذالك لاتنسونا من دعائكم ايضا بان يوفقنا الله لخدمة الحسين عليه السلام
تعليقات
إرسال تعليق