مجموعة ابيات نعي مكتوبة ليوم الانصار
#نعي للانصار
من اجوها انصار اخوها
وصت بــدمـعـة ونحـيـب
من اجوها انصار اخوها
وصت بــدمـعـة ونحـيـب
خـلي نعــرف بالـوصـيـه
زينـب شـوصـت حـبـيـب
ارد اوصـيـــك بـأخـويــه
من يظـل وحـده غـريــب
خـايـفـه وگـلبي لچـمـني
مــن اجـيـت الكـربـلــــه
شلون لو وحدي بقـيت
ويـاي بــس الـعـايــلـــه
خايفـه مـن الشمـر انـي
وخـايـفـه من حـرمـلــه
جـاوب وگـلهــا يــزينـب
احنــه انصاره واجـيـنـه
انـقـــدم الارواح لجــلــه
واجـب وحگـه عـلــيــنه
احـنه من جينه سمعـنـه
صوت من ارض المدينه
الصوت بشرنه بالجـنـه
صوت فاطمة الحـزيـنه
الشاعر السيد رياض الرسل الجابري
اللهم صلى على محمد وال محمد
ناده يازهير بدمع جاري
عليك الاسف ياخير انصاري
#نعي للانصار
ناده يازهير بدمع جاري
عليك الاسف ياخير انصاري
اكعدو العدو طب للمحاري
،،،،،،،،،،،،،،،،،،،،،،،،،،،،،،،،،
وصل للخيم جيش ابن سفيان
من خيلهم خافت النسوان
يانصاره كومو ياشجعان
،،،،،،،،،،،،،،،،،،،،،،،،،،،،،،
كعدو تره زينب ولوها
كعدو الها ينصار اخوها
غارو عليها وروعوها
،،،،،،،،،،،،،،،،،،،،،،،،،،،،،،،،،
يعاتب انصاره وهم ميتين
يشبان حاجيوني انه الحسين
يكللهم كومو ياطيبين
،،،،،،،،،،،،،،،،،،،،،،،،،،،،،،،،،
وكف بيناتهم ودموعه تجري
ياانصاري انتم حزام ضهري
وسفه غدر بالطيبين دهري
،،،،،،،،،،،،،،،،،،،،،،،،،،،،،،،،،،،،،،
دارت عليه الزلم والخيل
ونخيتكم ونتم مجاتيل
منو غيركم لحمولي يشيل
الشاعر الحسيني حسين لؤي العتابي
اللهم صلى على محمد وال محمد
(نعي لانصار الحسين عليه وعليهم السلام)
وفوا لحسين حد آخر منية * روهه ابدم ارض الغاضرية
وفوا لحسين حد آخر منية * روهه ابدم ارض الغاضرية
فدوه انروح الك يبن الزجية * عله امرك سيدي واحنه الك خدام
..............
تامر وبخدمتك ذولة الانصار * شرف النه الخدامه يابو الاحرار
منيتك بينه ريت وكون تندار * وتظل سالم يعزنه ورفعة الهام
................
مدام سيوفنه بقبضة ادينه * شوف افعالنه وبس صد علينه
فنه اليوصل لخيمة سكينه * وفنه اليوصل لحد هاي الخيام
................
طمن زينب وطمن اعيالك * ارواح ارواح نفديهه ابدالك
عسه رقية تظل دوم ابدلاك * ونفدي ارواحنه ولا طفلة تنضام
..................
ينضامن وسافة الهاشميات * لا ميصير هذا الامر هيهات
لارض الشام ميروحن سبيات * اذا بينه نفس ميطبن الشام
.................
نعم منكم نعم يهالشهامه * دريتوا حسين حرگوهن خيامه
وسبوا كل الحراير واليتامةه * وسبوا زينب الحرة بنت الاكرام
..................
(ابو ذية للانصار ع)
عندي اصحاب واحدهم بالف عال * يبقه الحال ما داموا بالف عال
صدگ بالقول وفوني بالف عال * وفوا وارگاب ضحوهن اليه ...
اصحابي ويظل عندي الهم بلا دين * بيهم مو بلد گاطع بلا دين
بيهم راس ما عنده بلا دين * اضاحي مجزرة فوگ الوطية ...
الخادم سيد عبدالله المگصوصي
اللهم صلى على محمد وال محمد
حسين يريد فزعه وعدنه بس روح
حسين يريد فزعه وعدنه بس روح
حبيب بهالكلام يوصـّـي ربعه
اذا صعدت الروح شننطي لحسين
باچر عدنه روحه بلايه رجعه
منو العنده صدر ينطيه للخــيول
الحافر ياهو من عدكم يجرعه
جون ايصيح اطيح بصفه شـتگول
والبس بيدي محبس بيه لمعه
بلكت باچر احضه بگطع الايدين
حته ابچف حبيبي ايضل إصبعه
جون يصيح احبن * چف الحسين
اطيح بصفه وافدي * چفي لحسين
ما تقبـــلها روحــي * چيف الحسين
يبتـروله صبع . واصبع بديه
ــــــــــــــــــــــــــــــ
مهدي التقي
موقع المنبر الحسيني
قسم قصائد الانصار
للامانة جميع هذه القصائد تم نقلها وتجميعها من كروبات وقنوات مؤسسة منبريون على التلكرام للرادود احمد الزواروهذا حساب قناته لمن يريد زيارتها https://bit.ly/3hjfLyE
لاتنسوهم من دعائكم فهم يسعون في خدمة خدام الحسين باستمرار وكذالك لاتنسونا من دعائكم ايضا بان يوفقنا الله لخدمة الحسين عليه السلام
الفاتحة الى روح انصار الامام الحسين عليه السلام
تعليقات
إرسال تعليق