نعي مكتوب للامام الكاظم عليه السلا
نعي على الامام الكاظم ع
من سجن السجن خلص حياته
وابد ما شاف راحه الحد مماته
بمسجد جده وكطعوا صلاته
بأمر من اللعين امقيد اخذوه
السجن البصره والشرطه تحف بيه
ومحد يمه ومحد يحاجيه
يدعي ربه يصلي ويناجيه
بس يعبد الباري بلهفه شافوه
تنام اعيونهم وعيونه متنام
عليه اتسلطت اشرار ظلام
بسجن عيس بقى يعاني الالام
السجن الفضل انوبه نقلوه
تصب عيونه دمعات من دم
على الكاظم من حكنه انتألم
اخذ منه الصبر صبره وتعلم
وذل بصبره كل الذي غاضوه
يويلي والف يا ويل اعله هل حال
لبو ابراهيم حزن الكلب موال
على الخدين دمع المحب سال
ولف لعنه اعلل الذي ظلموه
بسجن السندي عانى وياما قاسه
وسفه اشلون جف الرجس جاسه
وعليه منعو تشوفه حتى ناسه
بسبع رطبات والله انوب سموه
ابو ابراهيم مات بسجن مسموم
بصدره اشكد حزن وآهات وهموم
خلص عمره غريب ومات مظلوم
وحبابه ويه الرضا يا خلك دفنوه
الشاعر // هادي الساعدي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
على ياحال معصومه تنوحين
ابوج مجتفينه ويه المساجين
بعد بيده السلاسل ماتعرفين
حكج لو بواجي الكون تبجين
ياثكل الدموع الترست العين
محبوس وكظه بسجن السلاطين
ما نكدر نلومج من تونين
يا هو الشيعه من الموالين
غريب بنص حبس خلصها السنين
برجله من الحديد شكد نياشين
اظن ويه المشو هليله تمشين
ياهو اليوكف ايعزي المعزين
شلون اعله الجسر لمن تمرين
تبقين اعله باقي الذكره تنعين
اليوم مكدره وتمشي الملاين
يا جادر على الكاظم تنصبين
مهمومه وحزن كلبج تخفين
بعد يامحنه ياحره تشوفين
عليج محزمه الهموم صوبين
على هموم المصايب طكج البين
مجودر بالحزن كلبج تضلين
جن زينب تنوح الليله لحسين
ياصبر العله كليبج تشدين
مفجوعه وعلى الكاظم تلوجين
دكي اعله الصدردك المفجدين
ثوب اسود على الوالد تلبسين
تعزيج الزلم ويه النسواوين
....
علي الحاج الصبيحاوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
عله بابك وكفنه بليل الهموم
ياكاظي الكلافه ومنطي المراد
اجينه بخطوة المخنوك حسبات
لو جر النفس يتحول رماد
كل خطوه جرح ومسابك الليل
وكل سيل المدامع ذاكه مافاد
يالكاظم حزينه وتنزف ادموع
مد جفك عليهه عيون بغداد
تطلك والليالي معسره بنوح
كل يوم الطفوف اعليهه ينعاد
كل يوم الشباب انزفهه للموت
هلهوله وبواجي ودوسة ازناد
طالت يبو طلبه اعلينه السنين
ماندري الزمان شوده وشراد
مابين الجروح تنوح الايام
ماينكص حزنه وكل وكت زاد
يالكاظم مكدره وجوه الايتام
يم بابك عطايه الفرشن امداد
نوخنه حملنه بروضتك شوف
ونحلفك اجينه بروح الاجداد
فك عينك علينه عدنه حاجات
وجفوفك سخيه وبيهه الظماد
.........
علي الحاج الصبيحاوي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
🏴أبیات أبوذیه الی شهادة إمام موسی الکاظم علیه السلام🏴
سِجون إلبین فکرت حیّرتنی
و تمنتهه إبمذله حیّرتنی
لچن لیلی إبعباده حیّ رتنی
لِحَد ما سمهه گص إحشای لیه
لسان حال السیده إلامام الرضاء علیه السلام
قدت وحشه إبغیابک ظلما داری
سجین و وینه سجنک ظلما داری
شداری إلگلب بعدک ظل ماداری
أعدی إلیل بس نوح وعزیه
لسان حال فاطمه إلمعصومه سلام اللّه علیها
بعد عینک علیه من یداری
یبویه وگال ظلمه من یداری
إلإبو جرحا إلیفگده من یداری
غیر إلمن زغر یفگد تچیه
عباس ابوحمزه الزرگانی الفلاحیه
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
أبيات الى الامام الكاظم (عليه السلام) شعر موسى البديري
يدهري بزغـري عالونـــه وعينه
دساعد كلبـــــي عالحسره وعينه
على الجثته بسجـن ضلت وعينه
على الباب ويتاني أهل الحميه
**********
أبمصابه أنصــــاب دلالي وشاله
ودمع عيني بعــــد مابيـه وشاله
على السجانه كض نعشه وشاله
بسلاسل عالجسر خلوه رميه
*********
يگلي اللأيم مــن الضـــيم كف آه
وگلبي النوح أبـــد ما يوم كفـــاه
على الشدو بحـد الگيـــد كفـــاه
لنــوح أعليــه اضلن للمنيه
*******
أون أعلى السجين الغـــاب خـــلاه
سهم فگـــده بدليل المحـب خـــلاه
نعشه أعلى الجسر سجان خــلاه
وصاح أبصوت وين الجعفـريه
الشاعر
موسى البديري
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
ابوذيات للامام الكاظم عليه السلام
السمه دم تبچي عالكاظم. ورضها
بيمـن روحــــي اصبّــرها. ورضها
علــه الگيّــدوا رجلينــــه. ورضها
السندي وسالت دمومه الزكيه
يســمّ الكاظـــم السـنـدي وشاله
خلص دمعي وبعد ماضل. وشاله
عله المحــد حضـر نعشه. وشاله
بجسر بغداد ضل نعشه رميه
جرح گلب الرضا المسموم. بعداه
على الكاظم نجيم الآه بعداه
الدنيه تغيرت والكون. بعداه
بسجن هارون مات ابن الزچيه
خادم الإمام موسى الكاظم عليه السلام
سيد زيد الفحام
___________________________
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
نعي للامام الكاظم ع
محمول من سجن لسجن وكل ساعه لجلك سجان
يا كاظم الغيض وصرت للسجده اسمك عنوان
شما ضيقو عندك فرج تكثر بلهج الرحمن
لا تجري دمعاتك الم لا تنكسر بالاحزان
بس بالسجود لخالقك خرقه انت صرت العنوان
ساجد من اطراف الفجر والليل تسجد سهران
......
٢ سجن الفضل
نعي
من سجن الفضل طول صحت يا ربي يا مولاي
يا خالق حليب ابين دم وفرث طلبه وياي
خلصني السجن طول يالاهي طلبتي لك هاي
....
٣ سجن السندي
لسندي اجاه الدور وهو المعروف اله بنصبه
بحديد ايگيد الكاظم مخليه حالته صعبه
تهد من يوكف متونه وتصعب سجدته لربه
وختمها بسم خبيث انحط كله اكتفي بهالرطبه
مرادك والتريده صار يالسندي ونفذ طلبه
......
٤ الجسر
نعه روحه بكتاب الهم
الشيعه وكالهم گرب
فوك الجسر موعدنه
بيوم الجمعه نتقرب
والشيعه اجت تركض
الكل ع الجسر عين انصب
لن اربع اجو يمشون
فوك امتونهم شالو
كمر مدري نجم طايح
فوك الجسر لن مالو
حطو ع الارض والصوت
هذا الرافضي كالو
يا شيعي احملو الكاظم
ودورو بين هالبلدان
بس حسين ثلاث تيام
فوك الرضمه ظل عريان
لا اهله ولا اصحابه
وكفن فوكا من التربان
والراس عله طرف الشوف
شاله وتهز بي حربان
حيدر عيسى البديري
اتشرف بأنضماكم لقناتي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
انتو المالبس خادم..سملكم
الزهد والورع والسجده..سملكم
عمت عين الذي قدم..سملكم
وسكاك بكاس ياكاس المنيه
&&&
عرفنه الدين والتقوى ..سملهم
الارض من تشهد بهاي..سملهم
ليش اتقدم الوادم..سملهم
وهم اهل الكرم واهل التقيه
&&&
تمنيته الذي سمك..سملنه
حرام اعليه لو يلبس..سملنه
تعلمنه الصبر منكم..سملنه
صبح عنوانه وتاج وهويه
&&&
اليحبك بالكلب صاير..سملهه
ريت السمك انقدم..سملهه
الشيعه الارض كله الهه..سملهه
تنور بنوركم كله البريه
&&&
كظيم الغيض رب العرش..سماك
وحرام ابن الزنه بالبخس..سماك
ريته ابشلل ايده الذي..سماك
تنكره الارض وتلومه البريه
&&&
روافض اليتريد اتصيح..سمنه
بعلوم الدينه كون الرجل..سمنه
السمك بيده هذا اليوم...سمنه
وعدو العاداك عاده اليوم اليه
&&&
نواصب للكرهكم اسم..سمهم
وعل اهل البيت دار النوب..سمهم
ختم ربك عل الكفار..سمهم
ابن الزنه وحيض ابن الدعيه
&&&
خادم اهل البيت
ابو علي السعيدي
▁▁▁▁▁▁▁▁▁▁▁▁▁▁▁▁▁▁▁▁▁▁▁▁
سجن موسى سجن اظلم غیاھب
مثـل ریح الـدھـر سيء غیاھب
وابـد مـاھـمه كـل ظـالم غیاھب
ابن جعـفـر تھـابك كـل قضية
..……
كمر یشھد إلك عابد وقضبان
زنازینك إلك سجدت وقضبان
تنادي یا الھي احكم وقضبان
الكاظم وھارون ابن الدعیه
..……
كظمت الغـیظ للـباري كظامي
منو ضیمه صدك یشبھ كظامي
مثل سم الحسن سمي كظامي
عظامي ترضرضن تدرون بيه
………
المعاجز وكفت أبابك تجرھا
وتجارتكم ربح كلمن تجرھا
أریدك سیدي روحي تجرھا
تجیك تزور ارض الكاظمیة
……
یبن جعفر علیك الروح ھامات
إلك ترخص بھاذ الیوم ھامات
علیك یصیح كل مامون ھامات
وألم سجنك لجم ضلع الزجيه
.……
بتاریخ الدھـر سجـل وكیده
الإمام شلـون یتكید وكیده
سجن مظلم یخلونھ وكیده
سلاسل یربط سوده عليه
…………
ابن حیدر علي الكاظم تعالى
بـآیات الـطھـر خـصه تعالى
یشیعي للجـسر باجـر تعالى
نشیع الـراھب نقیم العزیة
…………
الإمام الكاظم العـابد وراھب
لجیوش الكفر راعب وراھب
ریاح الغدر یا وسفھ وراھب
وغدر مسموم إمام الجعفریة
..……
یباب الجود والطلبه والمراد
الم سجنك نحس بینة المراد
لیزورك یدخل الجنة والمراد
بخسارة یصیر دنیا وأخريه
..……
یمن بابك عـلاج الروحي وصفه
عذب زمزم صفائك عسل وصفه
صعب حالك ولا ینوصف وصفه
بسجـن سمـوك تـنعـاك ألمـنيه
………
الدھر لھموم یا ویلي جسرھا
ویا كید الكـسر ساكھ جسرھا
علیك یون یبن جعفر جسرھا
وینادي یا إمام الـرافـضیة
………
حبكم عذب مثل العسل وصفه
العقل بیكم عجز محتار وصفه
دواكم من علي مكتوب وصفه
تصرفون العلاج الكل قضيه
..……
العقـل ما صح بعد عندي ومسجون
أحس مخنوك من عمري ومسجون
عـلى المسموم ھمت انھ ومسجون
ألـرحـیـلك یا إمـام الـرافـضیة
.……
ألك سجن بوسط روحي إلك ضام
أبـوح ابغـیضي ما اكـدر إلك ضام
اجـمع أدموعي بعیـوني إلك ضام
وعلیك أبجي دموم بھل مسیه
………
الیحـبك عقلي متعلم ولھفي
بغیرك اختنك تـدري ولھفي
إمامي الساكن بكلبي ولھفي
منزل والحنین یطوف بيه
………
أبجـزر دنیاي مامـرة ومدیت
سبحان الخلق أرضك ومدیت
یم بابك جبت روحي ومدیت
جفوف وحاشه أتردھن علیه
………
المشاكل تنحل باسمك وفضت
ترس جود الكرم جفك وفضت
على بابك وكـفـت انھ وفضت
حوائج صرت اطشھن وأھلیه
..……
شكثر أنصاركم جانت وشیعة
خبر موتك وصل لینھ وشیعة
إلك كلبي یظـل نعشك وشیعة
یبن جعفر ملكت الروح بیه
………
یبن جعـفر إلك أعظم شھادة
سنینك بالسجن تبقھ شھادة
نلت من العرش أنت شھادة
على مصابك حزن رب ألبریه
………
یكعبھ اتطوفك الزوار حاجات
إمام وتكضي للمحتاج حاجات
نخیتك أنت للملھوف حاجات
دخیلك اكضي كل حاجة إلیه
………
طبك جـفن المصایب من جفنھا
عمت عیني صوركم من جفتھا
علیھا الموت ھم أن من جفنھا
ویـون لیھا الصخر ونه شجیه
..……
الشاعر
ایاد الفرح التميمي
ــــــــــــــــــــــــــــــــــــــــــــــــــــــــ
أمد ايدي اعله شباجك
وطلب حاجتي مجدي
ولو بس نضره يامولاي
احلفك بأبنك المهدي
وابوس اتراب زوارك
وگلهه روحي اتهدي.
الغرور البيه ادوسنه
وعلى اعتابك احط خدي
وشمن ريحتك ورتاح.
وسولفلك شكو عندي
واقرأ الفاتحه لأمك
وصلاه اعلل النبي اهدي
الشاعر، هادي الساعدي
ــــ
نعي للأمام الكاظم عليه السلام
*
وداراك
الدهر مايوم ســــر كَلبك وداراك
ومن سجن الســجن فرك وداراك
وبعيد اصبحت عن اهلك وداراك
بطاموره وحبس حدر الوطـــــيه
*
وشالات
بعد ماظل دمــــــــع لاظــل وشالات
على الروحه بسجن فاضت وشالات
وحماميل ارفعت نعشـــــــه وشالات
وظلت عالجسر جثته رمــــــــــــــيه
**
ينازع وحــده والسجن مسدود
يعالج بالألـــم والجــبد ممرود
يصيح الله وكبر ياهـو موجود
وينه اليفك عن ســاكَي الكَيود
يصيح احــــاه ويفطر ونـــــينه
على الحيطان ويلي ايدير عينه
يلوج الوحــده ويعـــرك جبينه
ويتكَلب علــى ايســـاره ويمينه
يحشم بخوتــــــــه وما يسمعونه
يهون كل ألـــــــم من يحظرونه
وكل كَيد البجسمه يفكــــــــــونه
ومن السجن موسى يطلعـــــونه
حس الكاظم بسـاعة وفاتـــــــــه
تشَهَد من عـرف خلصت حياتـه
كَبل روحـه واتغطه ابعباتـــــــه
غريب وبالسـجن صارت وفاتـه
صحيح انته متت فـــوك الوطيه
غريب وبالســجن شفت الرزيه
لاجن مومــــــــثل ذيــج العزيه
حسين المنذبــــــــح بالغاضريه
اهدومه امســــلبه وابلا عبايـــه
واصحابه امذبحه واهله ظحايه
واخته ام الخـــدر وي الســـبايه
تمشي اميســـــره وابــلا حمايه
ومحد كَطع راسك يبن جعفــــر
ولاجسمك بقى مطروح بالحــر
ولا بســــــــيوف عالغبره توذر
ولا ظلت علــــيك الخـــيل تفتر
ولا ونت بكترك هاشـــــــــــميه
ولا شافت اعيونك فاطمــــــــيه
تدفعه الزلم فـــــوك الوطــــــيه
ولاعندك مثل لوعة رقـــــــــيه
ــــــــــــــــــــــــــــــــــــــــــــــــــــــــ
نعي كلمن عنده حاجه 🤲
يم الإمام الكاظم ع 🕌
اجيتك گاصدك محتاجك ابطلبه
ابوجهي اتقفلت دنياي صعبه
وانت الما تخلي واحد بكربه
اليتعنالك يرد وحاجته اوياه
وانا حاجتي صعبه واجيتك
ومن بيتي اطلعت وتوسليتك
وهسه ابابك امفرع نخيتك
البشده ونخاك البابه تتعناه
ما رديت واحد يوگف ابابك
وتعرف نيته صادق بعده بعتابك
ألك بعد الله تلجأ هاي احبابك
كلمن عنده حاجه ابصدره الف أه
سوالف عندي وارد احجيهه يمك
وهموم البشر ادريهه همك
احلفك بالعزبزه الغالية أمك
اذاني المرض بس عندك ادواه
طبيب وكل مرض ما يصعب اعليك
جم واحد شفيته بس يمر بيك
ادگ بابك اجيت ابلهفه احاجيك
تدري بالوكت لگليبي اذاه
الشاعر /هادي الساعدي
ــــــــــــــــــــــــــــــــــــــــــــــــــــــــ
نعي للامام الكاظم
__________
سادات البشر والكون مظلومين
لو سم لو كتل هذا الدرب ماشين
بمصيبة موسى ابن جعفر محزنين
غريب ومحد من اهلة يحظرة
___________________
بسجن اظلم وكيد مكيدينة
ريت اهلة بمنيتة حاظرينة
دنت ساعة وفاتة ودار عينة
لا ابن لا اخو ظل وحدة يون
_________________
صوب الجسر بي طلعوا ينادون
من السم والسجن متغير اللون
يوم الفرج شيعتكم يتانون
بالتابوت لنة يطلع الهم
_________________
اليريد ايموت كون اهلة يحضرون
واخير وداع للغالي يودعون
_______________
اليريد ايموت اهلة تلتم عليه
ويكَبلونة وخوتة اتسبل اديه
الكاظم وحدة والالم كاظيه
اتشاهدوا ابوجهة ماتفزعون
---------------------------
اليريد ايموت يمة اولادة تلتم
واخية يفزع ويفزعلة ابن عم
الغريب اشلون من ايموت بالسم
ياهو اليخبر اعيالة يلحكون
_______________
اليريد ايموت امة كون يمة
اوداع الموت اتودعة وتشمة
يدير العين ويعالج ابسمة
واهلة بعاد عنة مايسمعون
_____________
اليريد ايموت اهلة يشيعونة
وخوتة على الچتاف اليشيلونة
بس موسى ابن جعفر يحملونة
حماميل اربعة للجسر يمشون
_______________'
أسالكم الدعاء رائد الاسدي
ــــــــــــــــــــــــــــــــــــــــــــــــــــــــ
في زيارة الامام موسى بن جعفر عليه السلام يوم استشهاده
الزياره أقريتها وبگلب يسعر
سلام الله على موسى بن جعفر
سلام الله على اقرب وسيله
أمامي صاحب السجده الطويله
الزيارة قريتها وبگلب بسعر
****************
اشهد علصلاه انته قمتها
وروحك لجل دينك قدمتها
يزاهد عابد الدنيا العشتها
مثل ماهيه رادت ما ردتها
تريد الدنيا مصحوبه بكرامه
وتعيش الوادم بخير وسلامه
يخيروماتريد العالم ابشر
*************************
اجيتك زاير وعارف ابحقك
اقراها الزياره واشعر بشك
اگولن ما عرفتك ها عرفتك
ياسر الغميج من الله سرك
بذمتك محتجب لايذ بكترك
قسمت عليك أنا بعظم. صبرك
حسن العاقبه مارايد اكثر
*********************
ابمفاتيح الجنان اقره الزياره
اغص بعبرتي من اقره العباره
حليف السجده والدمعه بغزاره
ورهين ابليل ماشايف نهاره
اشملني سيدي منك بنظره
ايدي ترتجف وبلوعه اقره
السلام عليك ياطاهر مطهر
***********************
الك روحي وظميري عليك سلم
على چفوف الجريحه النازفه ابدم
وعلى الچبد التگطع والتألم
سلامه ماشفت من سجن اظلم
ولابرد وسلام الدنيا صارت
صحت وجروحي كلها وياي صاحت
سلامي للي علبلوه تصبر
***************************
السلام عليك اقره بگلب محزون
بطوامير الظلام البيها مسجون
وبيها اجنازتك علجسر يمشون
بذل المستخف كاموا ينادون
يامطروح فوگ الجسر ضليت
رفعت الايد وبكل صوت ناديت
على المندوب بلشدات يحضر
الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ
على وزن الزهيري عن الامام الكاظم عليه السلام
ياجبل من الصبر هارون منه ارتعد
علعلم شايل حقد. شايل حقد للابد
سلطان يابو الرضا للعلم طول العهد
السلطة مو بالقصر لوجيشه ماله عدد
السلطه حب وعمل وخلاص للمعتقد
ياموسى لله أخلصت وهارون عنه ابتعد
الباطل شعنده عمل غير القتل والحسد
الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ
نعي بحق الامام الكاظم ((ع))
عاده عد الناس لو مــات العزيز
تسرع احبابه وهـلـه ايحظرونه
هذا الينوح ويهل دمـــعــه عليّ
وذاك بالحسره اليغمظ عـيونــه
ونعش ينهاب وتشيلـه الچفوف
ويــا حــلات الي هله ايشيعونه
عاده ماصارت لبن جعفر يحيف
ريت هـــاشـــم عنده ويشوفونه
بالغرب خلصت حياته وبالعذاب
والأشــد نعشه العــده ايحملونه
هايه مــاصارت گبلهه ولا تصير
الــمــيــت بگيده العده ايخلونه
لـــو بچينه ادمـوم للكاظم قليل
شــنــهــي ذنبه بغربته ايسمونه
ويـن راحت شيعته واين العمام
لــيــش مــا حظروا اله ايندبونه
يـومـه مثل حسين عطاي المراد
مــيــت وساگه العده ايرضرونه
*--------------|*|---------------*
ابو ذيات
يمن بابك گضه الحاجــه.. مردهه
مصابك بالحزن روحـــي.. مردهه
دنـــيـــا بــدون خدمتكم.. مردهه
بخدامتكم صبح عـــنـــوان اليـــه
*--------------*---------------*
الحـــســره اعليك ارتلهه.. وجرهه
ونـــيــران الحــزن فگدك.. وجرهه
الدموع الغاليه رخـصــت.. وجرهه
اريـــده بساعة المحشر هـــديـــــه
*--------------*---------------*
✍️ بقلم خادم الحسين ع
الشاعر رعد الچريخي
عن استشهاد الامام موسى بن جعفر الكاظم عليه السلام
ياهو للمدينه يروح يگصدها
يخّبر ال هاشم راح سيّدها
وين اهل البواتر ساكته شعدها
چبده السم گضاها وحيل مرّدها
من سجن السجن ماخوذ عابدها
وفوك الحال طاغي چفوفه گيدها
بمطامير وليالي المر يكابدها
طريح على الجسر والجمعه موعدها
جثه بلاچفن محد وصل حدها
طريح بلاعشيرة الينحمي أبسدها
ولااجروحه الغميجة احد يبّردها
مشبوحه النواظر ياهو الي يسدها
ياهو بثاره يطلب والعده ايّردها
وسيوف الغضب يسرع يجردها
وجوه الشر ولامن دمعه البخدها
جيتهم شماته انعرف مگصدها
ياهو للمدينه يروح يگصدها
يخبّر ال هاشم راح سيدها
الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ
(حـظر شـامـل)گبل محّد طلع شاله
جريمة (وينسجن)أي شخص يدناله
(عـاجل)عالجسر(علنوا حظر تجوال)
خــافــوا شــيــعـتـه ومـحّـد تـعـنـالـه
شـالـوه بالـنـعـش بـس اربـع احماميل
(الـشـوارع فـارغـة)(والشرطة)جوّالة
اجـوا بـعـض الصحابة ولابسين(الثام)
ورفـضــت وادم(ابـغــداد) هــالـحـالـة
(شـعـدهم طالعين)وهوّه موت بموت
أســد بــغــداد(مـامـحـتــاج) شــيّـالـة
قــبــل أيّـام (حــظّــر للأمــر) هــارون
وهــاي (ايّـام الله هــواي) وشـمــالـه؟
(بـهـاي الـفـتـرة)شـدّد بالـحظر تجوال
يـمـنـع شـيـعـت الـمـسـمـوم حـسـبـاله
محمد جبر الدراجي
#قصائد_شهادة_الامام_الكاظم_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ
نعي عن الامام الكاظم عليه السلام
يبن جعفر صبر خلصت حياتك بالسجن مولاي
هوان وجزع مابيها ولافديوم تضعف راي
ماشفت الضوه بالعين لاواحد رعاك بهاي
صبرك مثل صبر حسين مذبوح بعطش للماي
من سلطان للسجان مابيهم شفت وفّاي
عشت من الاهل محروم منعوا جيّت العنّاي
ابابك واگفه الحراس وانته للخلگ حمّاي
بمطامير وسجن اظلم بس لله صبحت شكّاي
لله شكوتك وتصيح. غري الغير يادنياي
مادام ابسلامه الدين راضي بمحنتي وبلواي
الشاعر حسن لعيبي الحريشاوي
نعي للأمام الكاظم ( ع )
لـيـش الـجـنـازه محد ألهه
وبـس اربـعه اتولوا حملهه
تـنـظـر عليهه الناس كلهـه
فوك الجسر ياهو الوصلهه
. . . *-----------*-------------*
عـنـد الـعـرب والگوم عاده
تـوكـف عـلى الميت أولاده
وكـل السـلـف يعلن حداده
وتـحـضـر هله بهمه وأراده
. . . *-----------*-------------*
ضجه اتصير والعربان لـمـه
وكبار العشيرة اتـنـوح يمـه
وتهتف عمامه المات بأسمه
الشيل الجنازه اتصير هـمـه
. . . *-----------*-------------*
ويلي على الضل بحـديـده
وناسـه وهله مـنـه بـعـيـده
اليدمي الگلب والهم يزيده
الكاظم تـره بحاله شـديـده
. . . *-----------*-------------*
✍️بقلم خادم موسى بن جعفر ع
الشاعر رعد الجريخي
▪️يطاموره الدمع جاري
اذكرج تلتهب ناري▪️
ــــــــــــــــــــــــــــــــــــــــــــــــــــــــ
نعي عن لسان علي بن سويد أحد اصحاب الامام الكاظم عليه السلام مخاطبا الامام وجنازته بعد وفاته مسموما
يبو ابراهيم روحي الصبر ذوبها
عليك الشيعه من تنشد شجاوبها
ينشدون الفرج يايوم گلتلهم
الجمعة وهلاجت چاوين صاحبها
اجنازه وللجسر عمال ودوها
صرت مهظوم متحير واراقبها
على امتون الزلم بعيوني اشوفنها
چن روج الحزن علروح جايبها
عمال اربعة على الجسر حطوها
بعالي الصوت اشوف الشامت يسبها
يبو إبراهيم ياهو اليحضر الساعه
ويطالب گوم غداره ويحاسبها
ميت والسلاسل تاكل بجسمك
يروح شگد حليم على الخلك ربها
جنازه بلا اهل يمها العده تفتر
اسف موحال هذا ولايناسبها
موكافي الطفوف وكافي عملتها
عليهم دنيا ماتخلص نوايبها
ياهو للمدينه يعتني ويروح
وابطال الهواشم كون يندبها
العشيرة المادرت لامن خبر سمعت
بالسم گضه نحبه ومات راهبها
الشاعر حسن لعيبي الحريشاوي
نعي مكتوب للامام الكاظم عليه السلام
تعليقات
إرسال تعليق