حمل تطبيق قصائد حسينية مكتوبة من هنا تحميل
نعي لسان حال الزهراء والحسن العسكري ع
إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك
يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم
ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي
الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده
يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب
عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه
سيد علي الموسوي
نعي للأمام الحسن العسكري (ع)
●●●●●●●●●●●●
شلون حالك هالمسه
وتشاهد ابوك اليوم
مسموم هذا الحسن
والدمع لونه ادموم
مات ويمينه بيمنتك
بقيت بلا ابو محروم
غير الحزن ماضل الك
تنحب والگلب ملچوم
■■■■■■■■■■■■■■■
يالمهدي شيعت الأبو
لوشيعت شوف العين
وياه منك شدفنت
دمعك حافر الخدين
بلا گلب ضني ارجعت
وانشدك نرحل وين
نرجس انه و خايفه
يالمهدي عليك الحين
■■■■■■■■■■■■■■
حيدر العمار الخزعلي
نعي الإمام المهدي ينعى والده العسكري عليهما السلام
يا ناس الابو توديعة يصعب
لظل طول العمر حزنان وانحب
يبوية عليك گلبي بنار عطب
اغسلنك واچفننك بدية
==================
احطك بالنعش يا بوية گوة
راح الچان الي بالضيج تچوة
ما لحگت يبوية الروح تروة
ادفننك وارد انصب عزية
==+================
لنوح ودمعي من العين ماجف
تصورت الغريب حسين بالطف
ابلا تغسيل لا بالچفن ينلف
ولا من شييعة بالغاضرية
==================
مصاب حسين ما مثلة جرة امصاب
يهون كل مصيبة بفگد الاحباب
غريب اعله الرمل واحبابة غياب
ثلث تيام عاري اعله الوطية
===================
حان أمر الجليل ابغيبتي انوب
وغيابي يطول ومدري چندوب
تتانيني تظل ملهوفة الگلوب
واظل انطر أمر رب البرية
==================
أسألكم الدعاء رائد الاسدي
حمل تطبيق قصائد حسينية مكتوبة من هنا تحميل
نعي. للإمام الحسن العسكري عليه السلام
غريب العسكري ومسموم چبده
يعـالـج بالسـجـن يانـاس وحده
سمّـه المعتـمـد بچفـوف حقـده
يـعـرفـونه النبـي المبعوث جده
غريب ومات مسموم بغربته
ومن كثـر الألم ذابت مهجته
يمّـه المنـتـظـر يهمـل دمعته
ينوح لوالده وفگده ومحنّته
وحنه نشارك المـهـدي عتنينـه
يم گبـر الحسن نحنـه وبچينه
نصيح بصـوت خـدامك اجينه
مصابك يالحسن يصعب علينه
چف السمّـمك ياريت. ينشال
جرحك لاتضن مولاي. ينشال
نعشك للگبر مسمـوم. ينشال
يويلي وتندفن تحت الوطية
خادم الامام الحسن العسكري عليه السلام
سيد زيد الفحّام
_____________________________
نعي للعسكري عن لسان حال الامام الحجه
……
بلله ابهيده ياجناز والينه
انتوادع ويه ابونه الليله خلينه
شراح يگول من يمشي ويوصينه
وعلى ياجاده بعده يمشينه
بالسم گفضت وانختمت اسنينه
نحاجيه بالله خلينه ويحاجينه
شلون الفراگ مر مانجرعه شلون الفراگ
والكلبه يشتاگ المن يروح الگلبه يشتاك
نتوادع اشباگ منك ردت لحضات نتوادع اشباگ
وينادي عالوالد
… ..
حلوه گبل لمت الوليان
ريض علينه هنا يدفان
فوگ الترب نامو الشجعان
يادارنه البعدك خليه
التمت مصايب بس عليه
ياريت مرتني المنيه
ولاشلت الجنازه بديه
يادارنه البعدك حزينه
يحله الكلب بيها ونينه
بوجودكم جانت امينه
هلبت بعد مره تجينه
بويه وياك حلوه گعدتي جانت وياك
ماكدر انساك شطال العمر مااكدر انساك
………
الشاعر علي الحاج الصبيحاوي
لمصيبة للامام العسكري عليه السلام
تسوّي اشماردت سوّي...تون لا
الا ابن الحسن جايز.......تون له
غريب ودهره بمصايب....تولّاه
وابوه امسمم ابهاي المسيه......
يلح جفني ابكثر دمعه.....ولحّاه
وصّل للعمه الناضر .......ولحّاه
عله المهدي لمن ينعه..وال احّاه
التطلع منه نار تصير بيه.........
يريد الشامت ابدمعات......مالح
ويگلي السم لامامك ابد...مالح مالاح
گلتله اچان دمع البشر ....مالح
انه لجله الدمع تيزاب بيه........ . .
وحگ الفجر والانسان .........وانعام
صرت من بچيي مثل العود...وانعام
اون بالليله علمسموم........ون عام
واحِسب بالسنه چم ونّه اليّه.........
ابو فاطمة الطائي....
المصدر مؤسسة منبريون على التلكرام احمد الزوار
حمل تطبيق قصائد حسينية مكتوبة من هنا تحميل
ممكن قصيدت فك باب السجن مندو زحمه ممكن كلش مستعجله عليهة ممكن
ردحذف