لطميات مكتوبة للنساء اكثر من 100 فزاعيه مكتوبة لجميع المناسبات وايام محرم الحرام ,قصائد نسائية مكتوبة

فزاعيات مكتوبه للنبي محمد صلى الله عليه واله وسلم 

شالو  حيف ..  يكبار  الدواوين

شالو  حيف ..  يكبار  الدواوين

ياعيني    عليهم     لاتبطلين

ياجد  الاولاد  الحسن  وحسين

(  وين  الكاه    جد  اولادي )

💠🔊💠🔊💠🔊💠🔊

ازامط بيش لو شالو   الحنان

ابو ابراهيم  وسفه حدر  تربان

الك للموت بويه بكلبي  نيشان

كلبي من الهظم يابوي  خلصان

( ضيعناه  اليمشي على الحق )

💠🔊💠🔊💠🔊💠🔊

بويه خلافك يعيل النذل  بيه

وانه على الهظم  والظيم   مابيه

خاف  تموت  وتعيل  الزلم  بيه

شلون تعوفني بذله ومهظميه

( مهظومه    الوالي  خلافك )

💠🔊💠🔊💠🔊💠🔊

جنت  مدلله  وتهابني  الناس

وهسه انه وحيده مهبطه  الراس

خلافك  يا ولينه  بيتنه  نداس

ما راعو  بنيتك  كوم  الارجاس

( ويحركونه    بيت  الزهراء )

💠🔊💠🔊💠🔊💠🔊

من  نامت  عيونك  هجمو  الدار

اجوني   وبحطبهم   شبو   النار

وانه اصرخ احضرني حامي الجار

وادري   بلوصيه   علي   محتار

( احضر  لينه    حماي  الجار )

💠🔊💠🔊💠🔊💠🔊

الف ياحيف يسطرني علعيني  

يعصرني    ويطيحلي    جنيني

وانه  اصرخ  يفضه  تلاحكيني

يعصر  حيل  من  يسمع  ونيني

( وكسروها    يابويه  ظلوعي )

🔊💠🔊💠🔊💠🔊💠

جنت ابزود ابوي الراس  عالي

جنت   مدلله   بجالك   يوالي

وهسه  خلافكم  بلظيم  حالي

ما تكعد   تشوف   الي  جرالي

( مالومه    من  يوم  الراحو )

=======================

الى حضرة شرف النبي محمد صل الله عليه واله وسلم بنية تعجيل الفرج 

خادمة ال البيت الحجيه ام علي

شايل وين    يل بأسمك يحلفون

فزاعيه حول وفات الرسول ص 

شايل وين    يل بأسمك يحلفون 

الساده أهل العمايم   وين يردون 

شايل وين وسفه امثبت الدين

أبو الزهراء حسافه مغمض العين 

اليوم أهل العلم جاوين ماشين 

صوب المگبره ناوين يمشون 

امغرب يا نبينه ومكدره الناس 

شيال الكلافه ورافع الرأس 

من عده الزجيه گاطعه اياس 

حزنت حوزته وضل محزن الكون 

وين ايريد شيال الكلافات 

وخطارك يبويه عدمن اتبات 

ضلت بالكلب والروح حسرات 

عل شالو بعد ماظن يرجعون 

ماظن عل نزل بويه ترد ليه 

والديوان محزن وين اهاليه 

ضيعنه الحنين وكل معانيه 

افراك الموت رحتو بيه تنامون 

بأسمك ينحلف ما لايحه اتنام 

اليوم الساده تحزن ترفع إعلام 

شايل يا حسافه امحطم الأصنام 

أهل بيته بحزن ضلو ينوحون 

أهل بيته عليه ضلو بالاحزان 

والزهراء عله ابوهه الحال تعبان 

وين ايريد رايح سيد الأكوان 

الف يا حيف منه يغمض العيون 

(يستاهل يا جد الساده ))

لخادمه الزهراء   العلويه ام جعفر

25صفر

حزنان اعله ابن عمه

قصيده فزاعيه بحق الرسول ص

الشاعره سحر الساعدي:

🎤🎤🎤🎤🎤🎤🎤🎤🎤🎤🎤🎤

حزنان اعله ابن عمه

اليوم شحال ابو الحسنين

#######################

حزنان وتهل عينه 

يكول النبي امضيعينه

عليه منبره امحزنينه 

زايد بالكلب همه 

#######################

بكلبه اليوم الف عبره 

بكلبه اليوم الف كسره

شايل وين ابو الزهره 

عليه الروح تتغمه

#######################

محزن يا ابو الحسنين 

لبن عمه تهل العين

وصارن بالكلب كسرين

لا ضل حيل لا همه

#######################

ابن عمه وضوه اعيونه

صعبه لو يفكدونه

عليه الروح محزونه

حزن وهموم ملتمه

#######################

يبجي ويسدر الونات 

اليوم شحال ابو الحملات

للطيب يهل دمعات 

ونه بالكلب خله

#######################

بقلم✍️ الشاعره سحر ام كرار الساعدي

غير مبري الذمه من يحذف اسم الشاعر

الشاعره سحر الساعدي:

الك  بيرغ  يشــيلونه  وعراضات

قصيده فزاعيه للنبي محمد صلى الله عليه وآله وسلم تنقري بكل لطوار

الك  بيرغ  يشــيلونه  وعراضات

حسافه تموت ياراعي الــكلافات

🏴🏴🏴🏴🏴🏴🏴🏴

الك بيرغ يشيلونه ويهـــــوسون

وبيارغ سود فاتحتك ينشـــرون

نبجي اعليك دم ونعمي لعـــيون

يبو إبراهيم وعليك الحســافات

🏴🏴🏴🏴🏴🏴🏴🏴

حسافه يموت لماسس الاسـلام

ياشيخ  العرب   ياخير   الازلام

عليه نلطم عزه ونخسفه  للهام

من عكبك على الدنيه السلامات

🏴🏴🏴🏴🏴🏴🏴🏴

يابو ابراهيم عكبك مره  دنيانه

عليك كلوبنه مخزنه  وخلصانه

الشيعه اليوم كلها تون وحزنانه

زرعت بكلوبنه الحسره والونات

🏴🏴🏴🏴🏴🏴🏴🏴

الطمو اعله النبي خنعازي ابنـيته

الدنيه بموت ابوها حيل هضمتهه

خلتها يتيــــمه ومنه حرمـــتـــهه

عكب عين الابو تشبع مهضـمات

🏴🏴🏴🏴🏴🏴🏴🏴

يجد الساده يالبسمك يحلـفون

يتاج الديـــن ياجد الـــيرهبون

شايل للكبر واحفاده يبجــــون

شايل للگــــبر سدد الحـــوزات

🏴🏴🏴🏴🏴🏴🏴🏴

✍️العلويه ام علي الشرع

نسألكم الدعاء الفاتحه والرحمه على روح المرحوم والدي وامواتكم

اللهم صل على محمد وآل محمد

جينه للنجف هاليوم  انقدم تعازينه

فزاعيه للنبي ص لسان حال الشيعه

جينه للنجف هاليوم

انقدم تعازينه

جينه اليوم مشايه

كل واحد حمل رايه

ايزور المرتظى او رايه

ايعزي ابفگد والينه

والينه رسول الله

عليه الاكوان مظلمه

يشيل اشلون ياهظمه

كلنه اعليه ونينه

يالهادي يبو الزهرة

گلبنه اعليك شيصبرة

مشتعله تضل جمرة

نريد اوياك نادينه

نريد وياك يالمختار

انته والوصي الكرار

او يالمهدي نصيح الثار

او من النار تحمينه

يوم الا ولد ينفع

 بس العين والمدمع

انته لينه تشفع

يالمرسول هادينه

ماشفناك حبيناك

من المهد وعشناك

نريد اباخرتنا اهناك

من مي كم تروينه

تمت الحمد لله 

 بقلم ام غيث الذبحاوي

*اليوم عله الرسول   الونه علوهه*

مربعه او فزاعيه حول الرسول 

*اليوم عله الرسول   الونه علوهه*

*وام حسين واجب   من تعازوهه*

اليوم عله الرسول الونه عليهه

وام حسين بته خل نعازيهه

مكسورت كلب من شال واليهه

*عدوان الرسول اهواي اذوهه*

مهظومه ام حسن واتريد والدهه

عذبهه الوكت يا ناس عذبهه

محزونه عله ابوهه وتجر دمعتهه

*وحته من البجي والنوح منعوهه*

منعوهه وبكت باحزانهه الزهرا

وحته من المدينه طلعو البضعه

ظلت بل كلب ما راحت الحسره

*ماتبجي عله ابوهه وبره طلعوهه*

شافت كل هظم من راح خلاهه

واذاهه الوكت من بعده اذاهه

خلصت عشرته وهليوم شالاهه

*والدار ابعلمهه حيف سداهه*

يا دار الوحي لفراكه حزنانه

والمسجد ينوح وساد بيبانه

دين الله حزن وامكدره اركانه

*واملاك السمه بالنوح خلاهه*

*لخادمة الزهراء   العلويه ام جعفر*

غير مبري الذمه من يحذف الاسم وياخذ الكلام وينسبه له

وين  اتريد    يالشايل بالاعزاز

فزاعيه لرسول ص عن لسان حال الزهراء ع 

وين  اتريد    يالشايل بالاعزاز

توانه بضعن ابونه اهنا  يجناز

..........

حط يمي الجنازه باخر  اوداع

صعب يومه عليه والصبر ضاع

بعد ماشوف ابونه غير هالساع

 

(انهد ياحيل من اوداع)

........

ياجناز  يومه   هد  الابدان

ماضل حيل من شالو بالاحنان

غيره  ما يلمني بيت الاحزان

(اعميها العين عله افراكه)

...........

 شويه تريضولي يالتحلمون

هذا  البالجنازه ماي  العيون

خذيتو الروح مني يالدفتنون

(اعزاز  اوياهم  دفنوني )

..........

ياراعي المحنه وين ودوك

انشال الحيل بويه بيوم شالوك

 عله باب  الزجيه شلون مروك

(الروحي عليك اشمكواها)

...........

اليوم ام الحسن شايل وليها

فكدت سورها وخيمه العليها

كضت وياك لو بتك   تجيها

(العشرة  انفلت  وياها )

✍️ام زينب كربلاء غير مبري الذمه من ياخذ الكلام وينسبه له او يحذف الاسم 

ودعته الزجيه اليوم

فزاعيه للرسول محمد( صل الله عليه وآله وسلم ) .. ( مات أوماتت الدنيه )

ودعته الزجيه اليوم

مات أوماتت الدنيه

<<<<<<<<<✿◕◕✿✿◕◕✿>>>>>>>>>

وسفه يانبينه مات

ضل وحده أبو الحملات

الزهره تهمل الدمعات

وتنادي كطع بيه

<<<<<<<<<✿◕◕✿✿◕◕✿>>>>>>>>>

كطع بيه أبو القاسم

أوخلاني أبكلب هايم

أوضلت تبجي الوادم

وكام أيسوي تعزيه

<<<<<<<<<✿◕◕✿✿◕◕✿>>>>>>>>>

آه ياقصت الهادي

الزهره تكول وأتنادي

والله مردت أفادي

ومارحمت أبد بيه

<<<<<<<<<✿◕◕✿✿◕◕✿>>>>>>>>>

راح أوللهظم ضليت

ماأكعد بعد بالبيت

أموت ويالولي أتمنيت

ولافركاته أعليه

<<<<<<<<<✿◕◕✿✿◕◕✿>>>>>>>>>

صعبه فركته أوتكتل

وأنه أشلون أتحمل

مهضومه أودمعتي أتهل

وراح أوماأله جيه

<<<<<<<<<✿◕◕✿✿◕◕✿>>>>>>>>>

*تـــــمت والـــــ🤲ـــــحمد الله تعالى*

*بقلم✍️خادمه آهل البيت عليهم السلام*

*الشاعره العلويه أيه البياتيه*

*( الملقبه ببضعه الزهراء عليها السلام )*

*❌لايجوز شرعاً وغير مبرء الذمه كل من يسحب الكلمات ويتلاعب بالقصيده والأسم علماً ان القصيده قصد سجلت بدفتر الزهراء عليها السلام*❌

اليوم تبجي فاطمه .

مربعة او فزاعية ....لاستشهاد النبي ص ....

اليوم تبجي فاطمه .

شايل يجد الساده

○○●《》●○○

اليوم محزونه واتون 

ادموعها بالخد جرن

اخلافه اتشوف المحن

ياابو العلم واعبادة 

○○●《》●○

تبجي واتون مهضومه

الفكد الابو مالوم

ما ينحمل يا يومه

النوح الها عادة

○○●《》●○○

السادة تبجي امكدر

مفكود يا سيد الوره

ما يدري من بعده اشجره

تبجي عليه اولاده

○○●《》●○○

احسين يبجي وينتحب

يوم النبي والله صعب

ويلاه يحنين الكلب

همضومه لاجله احفاده

○○●《》●○○

شال النبي العربي

شيشيل يومك يالنبي

عالعين انزل معصبي

يالفركتك مرّاده

¢¢¢¢¢¢¢¢¢¢¢¢¢¢ 

✍🏻 #الحاجه_ ام علي الساعدي

    ❌لاإجيـــز حــذف الأســم❌

•✯•✯•✯•✯•✯•✯•✯•

مؤسسة منبريات للقصائد النسائيه

القصائدمنقوله  من قنوات منبريون والقنوات الاخرى على التلكرام