 |
كل ما يحتاجه خادم الحسين في استشهاد الامام السجاد عليه السلام مقدمات, رئيسيات,نزلات ,نعي,ابوذيات,مربعات
مقدمات
1- مقدمة
الليله ابو الباقر تنازع روحــــــــه
مات وبكَلبه تـــون اجروحــــــه
يامسموم يامظلوم يامسموم
*
الليله ابو الباقـــــر يفــــــارك هالحياة
ايلـــــــوج ويـون وينـــــــازع للممات
يعلم ابيومـــــه ودنـــت منه الوفــــــاة
وعينه بدمــــــوع الحـزن مسفوحــــه
**
اسبل ايديه ورضه ابحكـــــــم القضاء
وغمض اعيونه وصرخ ناعي السماء
مات مسموم العلـــــــــــــيل ابكربلاء
جفونه من كثر البجي مقروحـــــــــه
*
ناحت اعليه الفواطــــم والحــــــــرم
كلهه تنعه وتلطم ابحركَـه وألـــــــــم
راح ابونه والكَلـب بعـــــــــده الجــم
وابنه الباقـــــــــــــر يكفكف نوحـــه
وابنه الباقر خــــــــــذاه ايغسلـــــه
وشاف اثار الحـــــــــبل والسلسلـه
اذكر ايام الســـــــبي اوي العايلـــه
والاجســـاد البالثـرى مطروحـــــه
*
ينظر اثار الضرب فوك المتـــون
ومن كثر ماهل دمع من العيـــون
امجرحه من البجي ويلي الجفون
شاف وليانه ابغدر مذبوحـــــــــه
**
ولمن الباقر كَلب جسم الامـــــام
شاف بجفوفـــه اثر حرك الخيام
واللهب واصل اظن حتى الجدام
ايطفي نيران الخيـام ابروحــــــه
**
ابو علي. الركابي
2-مقدمة
بسم الله الرحمن الرحيم
نعزي حسين بالســجـــاد ومــصابه
عليه للموت دمعة عـــــينه سچـابه
*
عــــــلي السجاد من بعدك يـبواليمه
هوه احزانك نَفس وبــــــنوحه يشتمه
ماكفـــــت دمعته وفـــــارگ البسمه
حزينه ارسوم وجهه وحزنه جلبابه
*
حياته من عگب عاشور صح وحده
بس بــــيهه عـــــوالم منهن السجده
وعــــالَم لهــــــفة الدمعه على خده
يتم فـــــرض الصلا ويبچي محرابه
*
صحــــــيفه للدعا دونهه بچـفوفه
باسمه اتســــمت وللناس معــروفه
ودون بالنحيب المعـــــتلي اطفـوفه
والام السبي مـــــــــوجوده بكـتابه
*
منه ابحسره تسمع چلـــمه آه الشام
سِبت روحه وجروحه اتخيطت بالام
الخدر زينب ينــــــوح ولوعة الأيتام
ورقيه اهــــناك ماتت لچمت اصوابه
*
عله افراش المنــيه وتهمل ادموعه
ألم من صدرك المهشوم بضـــلوعه
وبگلبه الگطِع نحرك ألـــــف لوعه
نــــظرخـــــدك وشيبك فوگ لترابه
*
چبدته اتگطــعت عگب الهظم بالـسم
وامصــابه عله امصاب الطفوف التم
واشد مــــن جمرة السم نار المْخـيّم
لأن زينب تچـــــــــوّت بيهه واحبابه
*
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم
اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي
14محرم 1440هــ
3-مقدمة
الليله الليله بدمعه جريه
الليله الليله نواسي الزجيه
****
بالونه والنوح والهم والدموع
علجبده مسموم نلطمهه الضلوع
وگلب العقيده هالليله مفجوع
السجاد اجتّه الليله المنيه
********
سموا جبدته وسفه الاعادي
ويلا يمولاي كلنه ننادي
ومابين الافلاك ناده المنادي
بجّت سمانه هاي الرزيه
*******
يالباقر شلون اتغسّل ولينه
گلبك تلوّع وزايد ونينه
شفت الدمه ايسيل جي مگيدينه
ياربي العن كل ال اميه
*********
يالزهره ابنج شاف العجايب
من جور الاطفوف وذيج المصايب
وسبي الحراير بيد الاجانب
اذّت دليله الغاضريه
*********
شاف اهله صرعه وتنزف بالطفوف
واحاه يعباس مكطوع الجفوف
حسين التكطّع عالغبره بسيوف
والجثه عالكاع ضلت رميه
************
شاهد اخيه الاكبر توذّر
والقاسم بدم نحره تعفّر
وعبد الله وسفه حزوله منحر
وزينب والعيال راحوا سبيه
********
☘الشاعر محمد حسن ضيغم
4-مقدمة
دمعك ينخبط بالماي ....من اتشربه يامولاي
عنك غابت الاحباب.....كّضيت العمر حزنان
.......................
وحنه احبابك اجينه بهل عزيه
نشارك بدمعتنه وي دمع الزجيه
بمجلسك نهتف يثار الغاضريه
ندري هذا الجرح تاركلك اذيه
مامثله جرح اذاك....طول العمر ضل وياك
ابدَلالك تركله صواب.....كّضيت العمر حزنان
.......................
عشت مامتهني بالماي التشربه
شفت ابوك شلون من يبسو كلبه
مارحم بيك الدهر والدنيه غربه
ودمعك ايجاري النهر لمن تصبه
مانّشفت دّمع العين....صوره ابالك امن حسين
يوكف يمهه كل امصاب...كّضيت العمر حزنان
.......................
ياعلي السجاد روحك بيهه حسره
عالجبل لوصارت ادكَه وتفسره
شلون من صديت لحسين وتنظره
ابلايه راس ومنسحن بخيول عشره
فاكد اعز واغله انسان....ذبحو رحمت الرحمان
كلبك كبل راسك شاب....كّضيت العمر حزنان
......................
وسط دلالك بقت تسعر جمرته
حسين يوم الّي رحت بيدك دفنته
ماكو واحد شاف مثل الشفته انته
الطف عليك انعاد مرتين وحملته
بالعاشر خيام تشوف ....وبالدفنه تلم جفوف
وزينب عدهه ضل اعتاب....كّضيت العمر حزنان
.....................
جنت تتوضه وتشوف الاثر بيدك
من السلاسل حته مطبوعه اعله جيدك
انته لو ما علّتّك كطعو وريدك
حكمت الله لاجن اليله يريدك
تتعنه الجنان اعليك.....من كد الخشوع البيك
وجدك واكف اعله الباب....كّضيت العمر حزنان
....................
وحنه انصار ومحبين وموالين
وعله وداعك مااضنهه تبَطل العين
اعليك يالمسموم تجري دموع كل حين
عدنه امانه وياك سلمنه عله حسين
كله الضلو ايخدمون....منك نضره ينتظرون
حزنو والدموع اخضاب.....كّضيت العمر حزنان
محمد هادي العقابي
رئيسيات
مقدمة
دمعك ينخبط بالماي ....من اتشربه يامولاي
عنك غابت الاحباب.....كّضيت العمر حزنان
.......................
وحنه احبابك اجينه بهل عزيه
نشارك بدمعتنه وي دمع الزجيه
بمجلسك نهتف يثار الغاضريه
ندري هذا الجرح تاركلك اذيه
مامثله جرح اذاك....طول العمر ضل وياك
ابدَلالك تركله صواب.....كّضيت العمر حزنان
.......................
عشت مامتهني بالماي التشربه
شفت ابوك شلون من يبسو كلبه
مارحم بيك الدهر والدنيه غربه
ودمعك ايجاري النهر لمن تصبه
مانّشفت دّمع العين....صوره ابالك امن حسين
يوكف يمهه كل امصاب...كّضيت العمر حزنان
.......................
ياعلي السجاد روحك بيهه حسره
عالجبل لوصارت ادكَه وتفسره
شلون من صديت لحسين وتنظره
ابلايه راس ومنسحن بخيول عشره
فاكد اعز واغله انسان....ذبحو رحمت الرحمان
كلبك كبل راسك شاب....كّضيت العمر حزنان
......................
وسط دلالك بقت تسعر جمرته
حسين يوم الّي رحت بيدك دفنته
ماكو واحد شاف مثل الشفته انته
الطف عليك انعاد مرتين وحملته
بالعاشر خيام تشوف ....وبالدفنه تلم جفوف
وزينب عدهه ضل اعتاب....كّضيت العمر حزنان
.....................
جنت تتوضه وتشوف الاثر بيدك
من السلاسل حته مطبوعه اعله جيدك
انته لو ما علّتّك كطعو وريدك
حكمت الله لاجن اليله يريدك
تتعنه الجنان اعليك.....من كد الخشوع البيك
وجدك واكف اعله الباب....كّضيت العمر حزنان
....................
وحنه انصار ومحبين وموالين
وعله وداعك مااضنهه تبَطل العين
اعليك يالمسموم تجري دموع كل حين
عدنه امانه وياك سلمنه عله حسين
كله الضلو ايخدمون....منك نضره ينتظرون
حزنو والدموع اخضاب.....كّضيت العمر حزنان
محمد هادي العقابي
رئيسية
اساسية_السجاد ع
طور_يقارورة (للملا باسم الكربلائي)
〰〰〰〰〰〰〰
كأني بمولاي السجاد "ع" وهو يخاطب السم الذي أصابه بنبرات العتب و الاستنكار و يتذكر كل غدر السم الذي جرى على أهل بيته منذ الحسن المجتبى " ع "...
يسم جبدي عليك اعتب
بهضم غدرك أظل احسب
جبد عمي مردته
وانه كلبي لجمته
............1.............
اول هضم منك شفت
من عمي سالت دمعته
يا سم الاصعب والاشد
بيديهه جعده غدرته
السبط الحسن ويلي وصل
بالطشت صارت جبدته
يتلفظه بآه و حزن
وزينب تشاهد حالته
بألم نادت يخال ابني
عسه موتي گرب مني
دمع زينب هملته
وانه كلبي لجمته
............2.............
يا سم عطر غدرك ألم
شميته ريتي اتوصفه
اتذكرت اهات الابو
يصرخ عله الدنيا العفه
من صوبت راعي العلم
بعينه ويه سهم الماوفه
سممته عباس البطل
مذبوح و عالشاطي غفه
يذبحونه بسهام البين
یِسِمونه لعضيد حسين
غدر ثاني حملته
وانه كلبي لجمته
............3.............
كل الجره و كلبك جمر ة
رايد غدر لاهل الشيم
لازمت سهمه لحرمله
كلت اذبح الطفل و أسِم
شلون کدرت نحر الطفل
قبّلته و دخلت الجسم
منك يرفرف ماشفت
بحضن الابو من الالم
يرف بيده الطفل شفته
شكه بدمعه غدر أمته
جرن دمعاتي سكته
و انه كلبي لجمته
............4.............
احجي يَسَم النايبة
رايد مْواجَهْ محكمة
ماشفت ابوية بهالفله
جبده يلوج من الظمه
الف و تسعمية جرح
مصيوب حماي الحمه
فوك الجرح سم انسكه
بَجّه الارض ويه السمه
يَسَم غدرك شده بالي
تخليني بلا والي
دليل الوالي صبته
و انه كلبي لجمته
............5.............
يا سم عمامي والاهل
ماقصريت بهالحزن
وقعت تذكار الغدر
واحلفت ليه هم تحن
حلفك ابد ماتكسره
بشوكك تعنيت بحضن
اسريت بدمايه وكيفت
من اسمعت بيه أون
سِهام الطف رمت كلبي
كضيت بسم أنه نحبي
نصيبي اليوم اخذته
و انه كلبي لجمته
............6.............
عكب الرزية اللي جرت
الباقر عله مصابي يون
يصرخ يبوية يالذخر
دمعاته تجويله الوجن
ناده ميكفي كربله
بيهه شفت آه و حزن
لحكتني سمة والدي
خلت دليلي يمتحن
صحتله ابني يهالباقر
مثل حالي الك باجر
هم ايسمّوك انته
و انه كلبي لجمته
๑๑๑๑๑๑๑๑๑๑๑๑๑๑๑
✍🏻ذكرى الخفاف
لحن_باسم ودعتني بلا خبر
جفني مـــا نام وغفه دمعي من دم أذرفه
والغصص متــرادفه يــــا علي يا علي
*
يبو الباقـــــر هــــــل مسه متعني يمّك
وحضرت ويـــاي الزجيه الزهره أمّك
للبقيع مــــــن أعتنينه نزيــــــــل همّك
وسفه نلكه بهل وضع كبر اللي ضمّك
يا علي جرينه الدمع ويمّك علكنه الشمع
يلي نورك مـــا طفه يــــا علي يا علي
*
نصبت الزهره عزيه جـــــــوار كبرك
بونها وبــــــــــــدمعتها أسمعها تخبرك
هـــــذا يمي يا علي اللي يشفي صدرك
وأني أقسم مــــا نسيتك صبري صبرك
مـــــن الباري أنتظر يذيع إلي هذا الأمر
وأبدي هجمه خاطفه يــــا علي يا علي
مــــــــن انحنت أمنه على كبرك شفتها
تلوج مــــــــن كسرة ضلعها الأمسيتها
دنيت منها يــــــــــا علي وبيدي عنتها
وعلى كبرك يبو الباقــــــــــــر كعدتها
أمي وأمّــــك فاطمه ذرفت المدمع دمه
ولجلك تنــادي بوفه يـــا علي يا علي
*
أنت يــــــــا جدّي اللي شفته مو قليله
وحكك فنيت العمر دمعــــــــك تسيله
ندري صعبه عـــــــــل يفاركله خليله
وأنت فاركت الأبـــــــــو ميصح مثيله
بقيت أنت بــــلا أهل بكربله خِلْصَوْ جتل
البين كل غالي خطفه يـــــا علي يا علي
****
أعلم شكد مــــــن مآسي شـــــال كلبك
تحملتها وجــرعتهــــــــــــا الله حسبك
غا يتك ديــــــــن الله يبقه ويبقه دربك
وذاب عمرك مثل شمعه برضى ربّك
لجل دينك والشرع ولجل أمّك والضلع
جروح كلبك نـازفه يــــا علي يا علي
*
مــــن المصايب مثلك أني كلبي دامي
أنظر الأحباب كلبي بـــــــــلا محامي
عليهم تآمــــــر الحاقـــــــد والحرامي
وأني صابر وأنتظر يـــــــا جد قيامي
سنين صابـــر أنتظر وبْحَشاي أشعر جمر
الأمر عنّك مـــا خفه يـــــا علي يا علي
*
أدعيلي يــــــا جدّي أعودن من غيابي
أنهي كـــــــــل الحل عليّه وكل عذابي
مــــــن الظلمنه وجار أخذ كل حسابي
وأنهي كل حاقـــــد عنود وكل ضبابي
الفضه بعيني كلّه ضاق الشيعتي أهل العراق
والحكمهم شـــــوصفه يـــــا علي يا علي
الشاعر
قاسم حتروش البلداوي
خادمكم
أسألكم الدعاء
لحن_باسم والله والله بخيم زينب
دمعي دمعي من الطفوف لهل مسه نار
دمعي دمعي مــــا نــشــف لا ليل لنهار
**
أنــــــي علي السجاد ما سكن دمعي وهاد
والماي مــــــا سيغه ولا حس طعم بالزاد
وكــل لحظه لتمرني حــزني بــألــم ينعاد
وأذكر أذكر كربله وكل الجره وصار
*
مـــن ينوضعلي الزاد تضل عيني همّاله
وأذكــر أبويــه الراح مـتـكـطعه أوصاله
وينخلط زادي دموع يوميه هــــــل حاله
أنسه شنسه بيا وضع ضعن السبي سار
*
تــتــغــيّــر أحوالي وهــمّــي عليّه يزيد
لـــو شفته للقصّاب حــزني يــــرد جديد
يزكي شربــة ماي كبش ألـــذبحته يريد
وضامي ضامي ماشرب ماي أبو الأحرار
**
حــــــــــز كلبي وأذّاني من حضرت الهزّل
تــمـنـيـت لـنــي الموت حـــل وعَــلَــيْ أقبل
ولا شوف ضعن الحور هـــــل ضيم يتحمّل
وحاله حاله بــــــــلا كفيل ودار الأقطار
**
مبضّع أبـــويه حسين بهل حال مـن عفته
وعمي بلايــه جفوف عالمشرعــــه شفته
وخويــــه علي الأكبر مــتــــــوذره جثته
سالم سالم مــا شفت مــن بيت الأطهار
**
يسألني أبــــو حمزه إلنه الــقــتـل عاده
مــــــن الله كرامتنه واحنه أكـرم عباده
لكــن سبي النسوان جــرح الكلب زاده
ويلي ويلي مــــــــن شفت عمتي بلا دار
**
يــــــــا ربي أشكيلك بـيـهـــاي دمعاتي
وأتوسلك كــــل يوم تـنـهـيـلي لـوعاتي
بطلعة أبـــــو صالح لياخــــذلي ثاراتي
وينهي ينهي هـــل محن لـــــو ناده بالثار
الشاعر
قاسم حتروش البلداوي
خادمكم
أسألكم الدعاء
شوط كربلائي .... لاستشهاد الامام زين العابدين عليه السلام ....
....
اجاني الموت ياهاشم اريدنكم تحضروني
دفنتكم بيدي يالاحباب واتمنى تدفنوني
......
زين العابدين انه عشت عمري غصص مره
كل عمري بكدر عشته ماشفت السعد مره
احبابي واهل بيتي شفتهم نومه عالغبره
اشاهد جم نحر ينزف
وجم جرح بجرح يرعف
زماني وياي مو منصف
وانا بعلتي اعثر واناديهم دعينوني
......
ابوي الغالي بعيوني شفته وحيد بالحومه
ويندب كل اهل بيته وراحو جتل كل كومه
ومن بعد الذبح شفته وسفه مسلبه هدومه
دامي وعالترب مطروح
وبجسمه تفور جروح
راسه من الكفى مذبوح
واغبر كونه اعله حسين صحت ريت العمه عيوني
.....
عميه عيوني لا شافت حريم حسين بالهيمه
بالبر ركضت النسوان الهن ما بقت خيمه
عمتي تجمع الايتام وكلبي مكبع بظيمه
هذن النسه علويات
صرخن صوت بالويلات
داسن شوك والجمرات
وعمتي تصيح يا عباس تعال وشاهد متوني
.....
يادرب السبي الميشوم ما خله اعله حالي حال
شحال الينظر عياله تركبها العده اعله جمال
ماينعد هظمنه الصار شفنه باليسر اهوال
شفنه الماجره ولا دار
والجتال حادي صار
عكب حسين والانصار
عماتي سترها جفوف عكب الكافل ظعوني
.....
بكل موقف لبوي حسين ناصب عزه يوميه
حته من اطب للسوك اقره عليه لطميه
واصرخ منذبح عطشان مامتهني بميه
والطم واذكر المذبوح
وتنادي بكايه الروح
شلون انسه البقه مطروح
ثلث تيام عالتربان دفنته عزوتي وعوني
......
حل موتي وكرب وعدي وانا بلا عضيد وياي
عفتهم بالطفوف وجيت لديار النبي بلا راي
ردت لجنازتي يحملون وايديهم تصب الماي
بتغسيلي يشوفوني
شنو بركبتي وبمتوني
بحديد العده كيدوني
واثار السلاسل هاي شاهد عالتولوني
.....
كل واحد يحل وعده يتمنى تجيله عضاه
هذا يجهزه ويشيله وذاك اليحفر المثواه
هذا الدمعته بعينه وذاك يصيح واويلاه
وانا بجمرة الاحزان
عندي ما بقت خوان
ابوي وباقي الوليان
لندبهم لحد الموت وذكرهم باقي بظنوني
.....
ابو ولي الفاطمي
نسألكم الدعاء
رئيسية
استشهاد الامام علي السجاد ع
شكد أليم الشهر هذا بداخلك
ياإمامي وبيه صادف مقتلك
بيدك انته ادفنت ابوك
وتالي بالسم موتوك شهل مصيبه
........................................
ساعد الله كلبك اشاف من اذيه شكد صبر
يالكظيت العمر تبجي لعمتك ومحني الظهر
يالجمعت اوصال ابوك بئيدك احفرت الحفر
وسدت فوكه رضيعه المثله مكطوع النحر
ماكو واحد ابد ينقاس بصبر
زين العباد بألم كضه العمر
حجي هوايه سمعوك
وتالي بالسم موتوك شهل مصيبه
.........................................
شفت بعيونك مصايب جرحتك وانته عليل
وهل جرح ميطيب باقي وسم تحول لدليل
حقد هاي الناس كله بغضن بحامي الدخيل
جدك بكل بيت منهم خله بي نوح وعويل
مايجامل على الحق حيدر محال
يالخذت منه وتعلمت الخصال
يامه يامه حاججوك
وتالي بالسم موتوك شهل مصيبه
.........................................
حاضر الطف ومصيبة عمتك ونوك الهزل
ايدهه وإيدك سويه انشدن بنفس الحبل
والزغار تلوذ بيهه وتعثر الرجل برجل
اه يمصاب العقيله والله ابد ماينحمل
ليلهه ينكضي بالام وسهر
وانته من ذاك الوكت شابع قهر
ويه زينب شتموك
وتالي بالسم موتوك شهل مصيبه
..........................................
الفرح مامر عليك وشفته يالعشت بحزن
دوم تتذكر مصيبت اختك وجرح الاذن
تألمت من شفت دمهه ونقرح عندك جفن
واليزيد جروح جفنك زينب وضرب المتن
هايه هيبتكم المخوفه الخصم
تستحق من تنذكر يقوه الطم
يضربوهه ويضربوك
وتالي بالسم موتوك شهل مصيبه
......................................
طيحت العباس عمك كسرتلكم جم ضهر
ظهرك وزينب وابوك وماسلم منكم نفر
حكه ابوك حسين لمن كصد يركض لنهر
والله لوباقي ابو الرايه موت اعدا بالنضر
طاح حيله اعله النهر وتعنه له
شافه مملي سهام وايده مسبله
صوبوه وصوبوك
وتالي بالسم موتوك شهل مصيبه
........................................
هذا كله الصار بيك ومختلي برب السمه
شكالك ربنه وصبرت اعله المصيبه المولمه
دم ابوك وسمك انته بعين امك فاطمه
يالكضيت العمر ساجد بالقنوت تكلمه
والصبر ياسيدي بيك افتخر
اسمك اعله شفافنه طول الدهر
نحقد اعله العذبوك
وتالي بالسم موتوك شهل مصيبه
محمد هادي العقابي
رئيسية
بسم الله الرحمن الرحيم
بـروحك تعيش الأحــــزان نــوحك صبحــلك عنوان
خط القلم وســـــط اللوح دومك عله حسين اتنوح
*
يبوالباقر حـــــزن روحـك قـــــــرآن الحـــــزن ينـعد
شافت عينك امصـــــايـب مامـرت عــــــــلى أحـــــد
الف جرح وتسعميّــــــــه جروحك عـــدنه مِن تنـعـد
تساوي اجروح ابوالــيمه وجرح عندك على كل خـد
تبݘــــــي وأنينك مرفوع من كثر ماتجري دمـوع
سون عله الخد اجــروح دومك عله حسين اتنوح
*
رحلت عمــــرك الصـــعبه نـــــهايتهه الغدر بالسم
وعندك فاجــــعه الأصعب بسبـبهه حـــيلك اتهـدم
مصايب عــــاشر ابعاشور خــــــلت دمعتك مـن دم
مصارع كـــل بـني هاشم شفـــتهه وبدلـــــيلك هم
واكلفهن امصاب حسين صـــاب العرش والكونين
والأجله دمعك مسفوح دومك عله حسين اتنوح
*
يسألونك عــــــــلى نــوحك يجـــاوب دمـعك اليـــجـري
لون طول الـــــــدهـــــرابقه وابــد مـــــاينـــختم عمري
عله حســـــين وأهل بــيتي أرض ابحســــرتي صدري
ولاعوف البݘـي ســـــــاعه وعندي اعله البݘي عذري
والدي شفــــــــته امـوذر يجري الــدمه امن المنحر
قرآن دامي ومطـــروح دومك عله حسين اتنوح
*
موقف زينـــــب اعله التل يـهضمك لمـــــــن اتذكره
وي ابن الـــــنبي اتسولف سوالف فاجـــــــعه ابعبره
وانـــــته بخيمـــتك تسمع جـــواب الغالي من نحره
تسمع صــــــــرخت آلامه تـــــــــﮔلك هشمو صدره
بالخيم من شــــــبت نار ومافزع سبط المختار
عرفــــته زينب مذبوح دومك عله حسين اتنوح
*
سبي زينب فجـــــع روحـك عليـــــــكم تنسبي صـــعبه
سبيهه ســـــــــهم الــمثلث نوصـفه ونــــﮔدر انحسبه
ورماك ابـــــﮔلـــبك الدامي ورمــه سبط النبي ابـﮔلبه
ومثل سيف ويحـــز نحرك وأشد مــــن طعنة الحربه
ﮔلبك يصيـــح آه الشام بيـــهه اشفـــت من آلام
زينب سبي إلهه اتروح دومك عله حسين اتنوح
*
تمت بعون الله تبارك وتعالى وفضله وإحسانه وتسديده والحمدلله رب العالمين وصلى الله على محمدٍوآله الطيبين الطاهرين ولاحول ولاقوة إلا بالله العلي العظيم إنا لله وإنا إليه راجعون وعَجَلَ الله فرجهم وسهل مخرجهم ولعن اعدائهم اللهُمَّ صلِّ على محمدٍوآل محمد
حيدركريم جارالله
رئيسية
قصیده لإستشهاد إلامام إلسجاد علیه إلسلام
تِشهّد علی أرض وسمه
أبچی علیکم من دِمه
روحی حزینه و هایمه
بلغاضریه....بلغاضریه
&&&&&&&&&&&&&&&&&
أتعذبت روحی تِوّن دوم إلفگدکم
ألله لا ینطی إلزمن عَجّل أخذکم
ما قفت عینی بچت من هَم بُعدکم
أتعدّت إسنین إلعمر کلهه إبحزنکم
مو دمعه دَم جفنی یِصب
کل ذکره تفطرلی إلگلب
روحی حزینه و هایمه
بلغاضریه......بلغاضریه
&&&&&&&&&&&&&&&&&
بویه إجتّک هل مسه متعنیه هل روح
ما یِهم سَم إلچبد عَذبتنی إلجروح
من غبت عنهه أبد ما بطلت إلنوح
راسک إبراس ألرمح یَم ناظری إیلوح
صورا بقت وسط إلنظر
خلّتنی عایش بلقهر
روحی حزینه و هایمه
بلغاضریه......بلغاضریه
&&&&&&&&&&&&&&&&&
بویه من طف کربله چم صورا بلعین
عمی أشوفا أعله نهر ما عنده چفین
وإنته راسک منذبح یَم عینی یحسین
وعمتی تالی وإلحرم مچتوفه إلیدین
أیتامی ترکض علجمر
عفیه و بقا عندی صبر
روحی حزینه و هایمه
بلغاضریه......بلغاضریه
&&&&&&&&&&&&&&&&&
عینی من دَم إلدمع صَبته للیوم
لا بَعد مرها إلفرح لا تِهنه بلنوم
گلبی من مای إلعذب یا بویه ملچم
لو یترسنه دَمع بعیونی ما لوم
من شح علیک إبکربله
شفت إلمصایب وإلبله
روحی حزینه و هایمه
بلغاضریه....بلغاضریه
&&&&&&&&&&&&&&&&&
چنت أسمعک من صحت مَحد نصرنی
وأنه بفراش إلمرض صوتک ذبحنی
أمر رَبّی إبکربله عنکم بعدنی
عمری خَلّص وإلاجل هسه وصلنی
هلیله یَمک معتنی
هل دنیه أبد ما تنّجنی
روحی حزینه و هایمه
بلغاضریه........بلغاضریه
&&&&&&&&&&&&&&&&&
لخادم محمّد وآل محمّد ص
عباس ابوحمزه الزرگانی
رئيسية
بسم الله الرحمن الرحيم
الهظمني ياخلـﮔ سبي العقيله
إليّه اويّه الحزن قصه طويله
وحـﮔ ليلي وسجودي الدمع عاشرخدودي
عله حسين عله حسين
*******************************************
يسألـــــوني الأحبــهم على احزاني وأﮔـــلهم
يضل حزني ونحيبي
اجاوب واجري دمعي الحزن يحبابي طبعي
انذبــح بالطف حبيبي
تظل تنزف جروحي ودمه دمعــات نوحي
دمـــــع عيني طبيبي
يـــــمن تســـــأل إلك هــــــذا جـوابي
جمر يســــعروسط ﮔـــلبي مـــصابي
واذا رايد شهودي الدمع عاشرخدودي
عله حسين عله حسين
*******************************************
دليلي اتجرع السم وعله الخدّر نزف دم
يظل سم ݘبدي أهون
الأشد واصعب علـيّه رزايه الغـاضــــريه
حديد ابعـظمــي دﮔن
رزايه اتهد رواسي شباب وشاب راسي
جروح ابــــﮔلبي خلن
شبيه المصطفـــى دامــــي نظــرته
امــــوت واحــــتيِّ لـــوبس ذكرته
ذبل لمصابه عودي الدمع عاشرخدودي
عله حسين عله حسين
*******************************************
على الأحزان معذور ودليلي المثلي مكسور
ملك حـــــزني المشاعر
بنيت الحزني محراب صرت للنوح طلاب
صعب عن نوحي اهاجر
بكائي ابكــل الاوقات أبطل البݘي هيهات
صعب عــــن همي اكابر
ضحايا اعله الثره شفـــت الهواشم
وذهيـــله امحيـــــره ابغربه الفواطم
انوح ابكل جهودي الدمع عاشرخدودي
عله حسين عله حسين
*******************************************
وعله الكـــــافل دمعــتي وتهــل الحد دفنتي وعلــــه الخدرالتسلب
على افراش احتضاري أون ودمعي جاري ونـــــــــادي آ يزيـنب
شفت عمتي سبـــــوهه الأعادي وروعوهه عليهه حـــﮔــي أنحب
إلف مره اضــــوﮔ السم ولاشــوف
سبيّه وبالبــــــوادي زينب اتطـوف
فده إلهه وجودي الدمع عاشرخدودي
عله حسين عله حسين
*******************************************
يظـــل سبي الـــــــوديعه أشد واعظم فجيــعه وأشد من ﮔطعت الراس
واشدمن حـرﮔ الاخيـــــام عليّه حـــال الايتـــام شفتــهه ابخيل تنداس
وأشدعندي من الموت إذا أذكرصدى صوت علينه الحــﮔ يـعـباس
وحيده زينــــب اتصــــيح الكفـــلهه
وكفيل العـــايله ݘـــنه يـــــﮔـــــلهـه
أنظري الدم زنودي الدمع عاشرخدودي
عله حسين عله حسين
*******************************************
الفـﮔد بالــــدنيه غالي ينوح بصــوت عـالي واظــــن كــلنه نعـذره
وآنه الكل فارﮔوني ضحـــــايه اودعوني أنـﮔطع ݘم غالي نحره
الفــﮔدهم راح حيلي صحت بويّه اندعيلي ونطاني حسيـن صبره
وصبرت بصبره ابويّه اعله المآسي
فـــــــﮔدت ابــيوم واحـــد أغله ناسي
انذبح من نحره عودي الدمع عاشرخدودي
عله حسين عله حسين
*******************************************
تمت بعون الله تعالى وتوفيقه وفضله وإحسانه وتسديده والحمد لله رب العالمين وصلى الله على محمدٍوآله الطاهرين وعَجلَ الله فرجهم وسهل مخرجهم اللهم صلِّ على محمدٍوآلِ محمد
حيدركريم جارالله الكربلائي
رئيسية
بچفوفك كَيود اليسر بالدمعة كَضيت العمر
رغم الجرة والصار لا حضرة لا زوار
*************
يا رابع انوار الهدى يا خامس البكائين
الله اليعينك عالجرة من حركَو خيام حسين
من شفت راسه على الرمح ذاك الصبر جبته منين
وزينب شفتها محيرة وعلى النهر تربي العين
كافلها شيجيبة بعد شمخلي براسة العمد
ليل ويتامة زغار لا حضرة لا زوار
*************
معروفة عد كل الخلكَ للعندة عله بجسمة
تعودة الحبايب سيدي كل ساعة تحضر يمه
معلول مثلك ما شفت حركَو عليه اخيمه
وبأيدك كَيود المحن ونحرك يويلي مدمه
من تعوف ابوك على الثرة وعندك حرم متيسرة
ما هابو المختار لا حضرة لا زوار
*************
ليش انتو من دون البشر جارت الدنيا عليكم
كون لأسمكم تنحني وتبَوس برجليكم
للشام عمتك تنسبي وكلها تشتم بيكم
مولاي ملينة شبعد يمته يجي مهديكم
ها يا علامة تأخرة راح العمر يخلص تره
حتى الصبر محتار لا حضرة لا زوار
*************
الشيعة بيك شكَد شبه ظلموها نفس الزمرة
جم زينب العدنة انسبت جم غالي كَطعو نحرة
هذا الظلم ما ينجلي ومظلومة تبقه العترة
أله بظهور المنتظر يا ربي عجل أمره
خافن ترد هم كربلة ويسلبوها العايلة
صبرك ابد ما صار لا حضرة لا زوار
*************
لليوم ما عندك صحن ومحد يجي من احبابه
كون بكبر صبرك كَبر وبكَد حزنه اعتابك
والكَبة كون ويالنجم وكلها خدم يّم بابك
لازم بقيعك عاصمة والدنيا كلها تهابك
مرجعنة لو يوصي الحشد يوصل بقيعك ما يرد
كلها السرايا انصار لا حضرة لا زوار
*************
الزهرة لسة بلا كَبر ولسة الظلع وآثارة
وعبدالله كَلبة من العطش لليوم تلهب نارة
نتأمل القائم يجي وبالطف نشوف انصارة
جم كَلب شاب بغيبته وما بينت أخبارة
يمته ترفرف رايته يم كَبر زينب عمته
تدري بكَلها النار لا خيمة لا زوار
**************
حيدر حسين الكرعاوي
_احمد_الزوار
#رئيسية
.
.
.
بعـيونك اجـروح امن ادموعك التجريها
بعـيونك اجـروح كـــربـــلــه مـانـاســيها
شـفت العـجايب
ابفـگد الحـبايب
-----------------------------
دمعتك سيف ابجسد .. صـعـب يازيـن العـباد امـصابك
حقها عينك لو جرت .. شفت فوگ الغبره صرعه احبابك
شفت خيمه ابلا ولي .. يـمـهـــا واگــف ينـتـظــر سـلابـك
يمـته عـنها تنـشغل .. چــان رايــد يـســـتـغـــل اغـيابــك
بعيونك اجروح مــن الخـيم سلـبوها
بعيونك اجروح وبعد السلب حرگوها
هجـمت كتايب
ابفگد الـحبايب
-----------------------------
يــا آلم تتـحمــلــه .. والجـروح اجيـوش منــك تـــثـأر
صـور عاشر حــاظره .. لحـظه مـافارگك هـذا المنـــظر
شفت ابوك اعله الثره .. والشمـر بالسـيف حـــز المنحر
وصوت ماتنساه ابد .. صـدره مـن ابخـيل امـيه اتكسر
بعيونك اجروح مــن جـثته صـابوها
بعيونك اجروح وبخيولهم سحگوها
كل هالمـصايب
ابفگد الحبايب
-----------------------------
حقـه گـلبك بي جمر .. ابيـا ذنـب دمـكم اميــه اتبيــحه
اتنطرو سـهم الـغدر .. يــمـته عالغـبــره ابــوك ايطــيحه
وصوت احرگو خيمته .. ابكل وكت تسمع لئيم ايصيحه
لـسه دخـان الخـيـم .. مـنــه يالـســجاد تــشـتم ريــحه
بعيونك اجروح ابگد الحرگ دخانه
بعيونك اجروح عــالـنوح ماتتـوانه
والگلـب ذايـب
ابفگد الحبايب
-----------------------------
اچم طفل تتـذكره .. نشفت امن العطش دمعة عينه
ينتظر عـمه يجـي .. لچـن عمـــه اتـگطـعت چــفينه
گلبك اتحس ينگطع .. مـن يـگـلك ابـو فاضـل ويـنه
تـنجرح فوگ الجرح .. لـو گلت عالمشرعه امگطعينه
بعيونك اجروح مذبوح انته اتشوفه
بعيونك اجروح ومگطعات اچـفوفه
فـوگ الـتـرايب
ابفگد الحبايب
-----------------------------
سيدي اصروحك هوت .. شفت اخوتك عالترايب صرعه
وشفت ليـله ام الولد .. نــايحـه وعالاكـبــر اتــهـل دمـعه
ورمـله گلبـك آلمــت .. اتصيح جـسام ابنــي طـَفو شمعه
حـقك اتنـوح وتـحن .. وتبـقـــه كـل عـمرك تـون وتـنعه
بعيونك اجروح كــربـلـه تتصـورها
بعيونك اجروح حاظر بقه منظرها
ومن عدها خايب
ابفـگــد الحـبايب
-----------------------------
إلسبي أكبر جرح .. ايذوب گـلبك للسـبي وطاريه
يبـقه لا مـاينسي .. شلـون تنــسه عمـتك مـسـبيه
والسلاسل والحبل .. ورگـبـتك بالجامعـه مـدمـيه
وبـرقيه الـي جره .. مـن حـزنها تـنذبـح يـومـيه
بعيونك اجروح راس الابـو راووها
بعيونك اجروح ميتـه عـليه خلوها
والمـن تعـاتب
ابفگد الحبايب
-----------------------------
تمت والحمد لله في ١٤ / ١١ / ٢٠١٤
خادم الحسين حيدر تركي الكربلائي
#استشهاد الامام علي السجاد ع
الرادود احمد الزوار
شكد أليم الشهر هذا بداخلك
ياإمامي وبيه صادف مقتلك
بيدك انته ادفنت ابوك
وتالي بالسم موتوك شهل مصيبه
........................................
ساعد الله كلبك اشاف من اذيه شكد صبر
يالكظيت العمر تبجي لعمتك ومحني الظهر
يالجمعت اوصال ابوك بئيدك احفرت الحفر
وسدت فوكه رضيعه المثله مكطوع النحر
ماكو واحد ابد ينقاس بصبر
زين العباد بألم كضه العمر
حجي هوايه سمعوك
وتالي بالسم موتوك شهل مصيبه
.........................................
شفت بعيونك مصايب جرحتك وانته عليل
وهل جرح ميطيب باقي وسم تحول لدليل
حقد هاي الناس كله بغضن بحامي الدخيل
جدك بكل بيت منهم خله بي نوح وعويل
مايجامل على الحق حيدر محال
يالخذت منه وتعلمت الخصال
يامه يامه حاججوك
وتالي بالسم موتوك شهل مصيبه
.........................................
حاضر الطف ومصيبة عمتك ونوك الهزل
ايدهه وإيدك سويه انشدن بنفس الحبل
والزغار تلوذ بيهه وتعثر الرجل برجل
اه يمصاب العقيله والله ابد ماينحمل
ليلهه ينكضي بالام وسهر
وانته من ذاك الوكت شابع قهر
ويه زينب شتموك
وتالي بالسم موتوك شهل مصيبه
..........................................
الفرح مامر عليك وشفته يالعشت بحزن
دوم تتذكر مصيبت اختك وجرح الاذن
تألمت من شفت دمهه ونقرح عندك جفن
واليزيد جروح جفنك زينب وضرب المتن
هايه هيبتكم المخوفه الخصم
تستحق من تنذكر يقوه الطم
يضربوهه ويضربوك
وتالي بالسم موتوك شهل مصيبه
......................................
طيحت العباس عمك كسرتلكم جم ضهر
ظهرك وزينب وابوك وماسلم منكم نفر
حكه ابوك حسين لمن كصد يركض لنهر
والله لوباقي ابو الرايه موت اعدا بالنضر
طاح حيله اعله النهر وتعنه له
شافه مملي سهام وايده مسبله
صوبوه وصوبوك
وتالي بالسم موتوك شهل مصيبه
........................................
هذا كله الصار بيك ومختلي برب السمه
شكالك ربنه وصبرت اعله المصيبه المولمه
دم ابوك وسمك انته بعين امك فاطمه
يالكضيت العمر ساجد بالقنوت تكلمه
والصبر ياسيدي بيك افتخر
اسمك اعله شفافنه طول الدهر
نحقد اعله العذبوك
وتالي بالسم موتوك شهل مصيبه
محمد هادي العقابي
يامــوت عَـجـل واخـذهــه ارويـحـتــي
يامــوت ارحـمـنـــي وارحــم حـالـتـــي
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
اصبح وامسـي بمنـاحـه وليلـي ظلمـه بلا ضوه
وروحي غطتهه النوايب هـي والـمـيــت ســـوه
گلبـي شيضمـد جراحــه واصبـح الـمـدمــع دوه
نشغــة الفــاگــد حبيبــه يخنـگ انفـاسـه الهــوه
معاشر اجروحي دمعي وي نوحي
دمعي وي نوحي معاشر اجروحي
يامــوت فـراگ الاهــل كـلـش صـعـــب
يامــوت بـيــدي ادفـنـتـهـم بـالـتــــرب
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
اسـرح ابعـالـم مصابــي واذكـر اجــروح السبــي
ابالي ظل حرك المخيـم وصـل تــــل الــزيـنـــي
مالي حيل وحته اگومن اطفــي نيـــران العـبــي
موقـف الـوَجــر دليلـــي بعمتـي يحدي الناصبي
بعيني اشوفنهه واستمـع ونـهــه
واستمـع ونـهــه بعيني اشوفنهه
يامــوت عـالـنـاگــه واسـمــع عـمـتـــي
يامــوت ونـتـهــــه تـشــبــه ونــتــــــي
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
بعينـي تتمايـز صورهـم صــور يـــوم الـواقـعــه
منظـر المـاظـن نسيـتـه جـسـد ظـل عالمشـرعـه
سهـم شگ عيـن الشفيـه وصـاب گـلبــي وروعــه
والعـمـود ابراسـه شفتـه والچــفــوف امـگـطـعـه
ياكـبــر هـمــي من شفت عمي
من شفت عمي ياكـبــر هـمــي
يامــوت والـرايــه يـمــه اعلـه الـنـهـــر
يامــوت مـن شـفـتــه دلالــي انـفـطـــر
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
بگلبـي طف احزان شايل صعب انسه الطف صعب
كل حبايـب گلبـي راحوا وواصبحوا جـوه الـتــرب
تـفــزز الــونـــــات بـيــه من اصـــد ذاك الـــــدرب
جامعـه امچتفينـي بيها وشابعه امتـونـي ضــرب
امشي واتعثر والعطش اثـر
والعطش اثـر امشي واتعثر
يامــوت واسـمــع ونــيـــن ونــايـحـــه
يامــوت وكل سـاعـه طـفـلـه طـايـحـه
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
يـلــه يـاســم الــرزيــــه عَـجــل اسحـن روحـــي
حته اخلص من عذابـي ومن ونيـنــي ونـوحــي
دوه بس شوفة حبيبـي وبيهـا تـبــره اجـروحـي
الليله راح اتـرك عذابـي واگـصــد المـذبـوحـــي
بهمـي اشكيلــه وچبدي اراويله
وچبدي اراويله بهمـي اشكيلــه
يامــوت راح انـجـمـــع وي والــــــــدي
يامــوت اويـــاه الـسـعـــاده تـبـتــــدي
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
سـم غـدر گطع چبدتـي فــوگ نـــاري المـضـرمــه
وحدي واتلـوه بمصابي وچـبــدي يتگـاطـر دمــه
وجهــت لله دعــائــــي الـخـاطــر امــي فاطـمــه
اخـذ يـاربـــي الامـانــه وخلـي سمــي الخـاتمــه
ربــي ياعالـي ارحـم ابحالي
ارحـم ابحالي ربــي ياعالـي
يامـوت خـلـصـتــه عـمـــري بـس اون
يامـوت ريـت اويـه ابـواليمــه انـدفـن
هـيـه هـيـه الـغـاضـريـه الـعـذبـــت دلالــــي
يادمعـة الـعـيـن هـلـي على حـسيـن
كلمات الشاعر الرادود
ميرزا علي الديواني
.
خـويـه كـافـي مـن البـواﭽــﻲ
زيـنــه وانـطـــونــي تــراﭽــﻲ
الجـنـه مــا بـيـهــا رمــح
وما تحـب طاري الــذبـح
زيـنــه وانـطــونــي تــراﭽــﻲ
إي تـعــال الـجـنـــه بـس اعــزاز بـيـهــا
وعمـتـي زينـب طـيـبـوّ ﭽـويات اديهــا
وعـدهـا مـو خيـمه ابقـصور امدلـلـيهــا
ومـا تطـبـهـن إلا ابـو فـاضــل يـجـيهــا
وعـدنــه كـلـمــا يـجـي العـاشـر
يــبـــدي لـلطــف بــث مـبـاشـر
إذنــي بــس مـا تـنـجـرح
وما تحـب طاري الــذبـح
زيـنــه وانـطــونــي تــراﭽــﻲ
ـــــــــــــــــــــــــــــ1ــــــــــــــــــــــــــــــــ
أَسـمـع ومـا ادري شيقـصـدون بـالـســم
هـــو أكـثـــر يــاذي لــو نـــار المـخـيــم
وأَسـمـع يـﮔـولــون بـي ﭽـبــدك تـثـلــم
وانـه والعـبـاس اخـافـن شــوفــة الــدم
بـالخـــرابــــه ابـجــنـــه هــيــه
اتــمــــوت ويــه الـــدم رقــيــه
مـــا تـطــوّل لـلـصــبـــح
وما تحـب طاري الــذبـح
زيـنــه وانـطــونــي تــراﭽــﻲ
ــــــــــــــــــــــــــــــــ2ــــــــــــــــــــــــــــــــــ
القـصر خـويـه هنــانه مـا بي نـاس غـربــه
ومـاي مــا واحــد يمـنـعــك مــن تـشــربــه
وعـمـي مـن ﮔـــدمـا المـاي امــأذي ﮔـلــبــه
يجـيـب كـل سـاعـه النهـر يمـنّه ويـﮔـلـبــه
وعـمـتـي زيـنـب قَـل بـﭽـيـهــا
البسـمـه رحـمــه اتـمـر عليــهــا
رغـم بـيـهـا الهـم صــرح
وما تحـب طاري الـذبـح
وزيـنــه وانـطــونــي تــراﭽــﻲ
ــــــــــــــــــــــــــــــ3ــــــــــــــــــــــــــــــــــــ
مــن الفـجـر لـلفـجـــر بالجـنـه ونـسـمـعــك
تبـﭽـﻲ واتبـاوع عـلى الخنـصـــر اصبـعــك
كـافـي يالسـجـاد خـويـه ومسـحـه دمـعــك
هنـانـه مـن تحـضــــر ولا واحــد يـودعـــك
هـنــانــه متـجـمـعــيـن كـلـنـه
شـمــحــلـه حـنــيــة أهـلــنــه
ويـن ابـو الوجــه السـمـح
وما تحـب طاري الــذبـح
وزيـنــه وانـطــونــي تــراﭽــﻲ
ــــــــــــــــــــــــــــــــ4ــــــــــــــــــــــــــــــــــ
بـــاوع هــنـا عـلــﮔ تـلــﮔـه ابـكــل عـبـايــه
الزهـره صوغـــه انطتـنّـه مـن طـارف رايــه
اويـن مــــا بالأرض صــاحــو يـالـســبــايــه
اتعوفـنـه اتـﮔـول ارد اروح اسـمـــع اقـرايــه
اليــوم مــو لـقـــرايــه راحــت
آه يـالـســجــــــاد صــــاحـــت
وحـالـهــا الـمـا يـنـشــرح
وما تحـب طاري الــذبـح
وزيـنــه وانـطــونــي تــراﭽــﻲ
ـــــــــــــــــــــــــــــــــــ5ـــــــــــــــــــــــــــــــ
أحمد البصراوي العبادي
نزلات
بسم الله الرحمن الرحيم
رايح رايح وبـعينك ادموع الحزن من دم
*
ݘم محــــنه يالسجـــاد شــــــايل دليلك
يل بالحزن معـــــروف مــاكــــو مثيلك
نوحك عله المــــذبوح أصبـــح خليلك
ونّك يــــــــــهــد اجبال والحــــد رحيلك
حيلك حيلك مـن نايبــت طف كربله اتهدم
رايح رايح وبعيــنك ادموع الحزن من دم
*
مــن كربله مفجــــوع والكوفــه والشام
جرح السبـــــي هيهات يالــــغــالي يلتام
كل خطوه ݘنت اتموت وبــــــروحك آلام
ابدرب السبي كل يــوم ينـــعد بالاعوام
زينب زينب الهه دلـــــيلك بـــالسبي اتــــألم
رايح رايح وبعيــنك ادموع الحــــزن من دم
*
يالغالي وكت المــــوت ردت امن الاحباب
موعالـــــوساده اتكون ردت اعله الاتراب
لمـــــن نســــألك ليش نســـمع هالجواب
حسينك عـــله التربان ظل يوم الامصاب
جسمه جسمه ظل عالـــــتراب امسلب امخذم
رايح رايح وبعيــنك ادموع الحـزن من دم
*
نعرف متت مســمـوم وســـــمك نذكره
وسم الـــغــــــدر أذاك محــــــــد ينكره
مثل الجمــر بحشـــاك نار ومســــعـره
ومن عــاشر ابـعــاشور تعـــــتبره قطره
ندري ندري عاشرمحرم أفـــجـع امن السم
رايح رايح وبعيــنك ادموع الحزن من دم
*
حزنك حزن ݘـــــــتال بالـــــغاضــريه
وݘنك تصيح ابصوت يالجـــــعـفــريه
سم الغدر للـــــــروح جــــاب المــنيه
وبالطف متت مهظوم مـــــو مره ميّه
ﮔلبي ﮔلبي جرحه لــــبويه ودمعـــتي البلسم
رايح رايح وبعيــنك ادمــــوع الحزن من دم
*
تمت بعون الله تبارك وتعالى وفضله وإحسانه والحمدلله رب العالمين وصلى الله على محمدٍوآله الطيبين الطاهرين وعَجَلَ الله فرجهم وسهل مخرجهم اللهُمَّ صلِّ على محمدٍوآل محمد
حيدركريم جارالله
نزله
الك بالمجلس سؤال...
هيبته هيبة نزال ...
هاذه جدمن بالأذان
هاذه جدمن بالأذان
""""""""""""""""""""""""""
أذنو حتى يگطعون. الحديث**
وأنت تسكت بأمر من ذاك الخبيث**
مادروك الهل اﻻذان أنت الوريث**
///وسرفنت ردن الفزع///
///وعلي بحساسك طلع///
الزرع بچفوفه اأمان
هاذه جدمن بالأذان
""""""""""""""""""""""""
كبرة ويه الأذان ابكل شغف**
وتقره بدموع التسمعك چم أسف**
ما درو بيك أنت أبن حيد النجف**
///ذاكه البسيفه أنكتب///
///الاسﻻم اوما تعب///
الكسر أقيود الرهان
هاذه جدمن باالأذان
"""""""""""""""""""""""""
نوخت روس التضدك باﻻرض**
القصر بيهم ظاگ ولد اهل البغض**
من لگو باذانهم جدك نبض**
///ورعشت أحلوگ الزلم///
///ونصر ثاني ينحسم///
أتسجل أبگصة الزمان
هاذه جدمن بالاذان
"""""""""""""""""""""""""
من سئلته هذا جدمن يايزيد**
ودم چفوفك مابرد من الحديد**
علمتهم انت أبن ذاك الشهيد**
///الماعرف ذل الحياة///
///وﻻ رگع يم الطغاة///
وعالي راسه أعلى السنان
هاذه جدمن بالأذان
"""""""""""""""""""""""""""
يبن مكه أومنى وزمزم والصﻻه**
يبن ذاك المن نموت انشم ثراى**
بنص گلبنه امصابك أنحس بي چواه**
///أبيومك أنعيش ألطم///
///ونجلي بسمك كل ضلم///
مجلسك أكبر ضمان
هاذه جدمن بالاذان
"""""""""""""""""""""""""""
خادم أهل البيت ع
أبوحسين السرگودي...🕊🕊🕊
"""""""""""""""""""""""""""" ♢
نزلة
لاتلومون..لاتلومون.. لو أضل الدهر ابچي لاتلومون
……………………………
زين اني العباد.. جرحي فلا هاد.. لانوحي
منه دمه اتسيل.. من سحگته الخيل.. مذبوحي
مگطع خليلي.. وزاد ابدليلي.. لجروحي
والوالدي حسين.. لاتخفي الونين.. ياروحي
ماي العيون.. ماي العيون.. صبي المصرع حبيبي ماي العيون
……………………………
لو ابچي من دم.. بس الله يعلم.. أبحالي
دمعي مينشف.. راحولي بالطف.. چم غالي
دلالي ذايب.. وفگد الحبايب.. چتالي
يصعب فگدهم.. بعيني صورهم.. وبالي
ما يروحون.. مايروحون.. والله من بالي الاحبهم مايروحون
……………………………
لا لا تلومون.. لوابچي العيون.. ماينفع
بعيني شفتهم.. گبالي جثثهم.. تتگطع
هذا الي مجروح.. وذاك الي مذبوح.. ومبضع
كلهم ضحايه.. وتجري الدمايه.. چن منبع
ضل يلوجون..ضل يلوجون.. على حر رمل الصحاري.. ضل يلوجون
……………………………
لوگلتوا عاده.. النه الشهاده.. هم اقبل
لكن حراير.. بيت الاطاهر.. هم تنذل
شوبالله ياناس.. هاي أبينوماس.. تتمثل
الماعدها نخوه.. يصعدونه گوه.. عالهزل
بضرب المتون..بضرب المتون.. صعدونه عله الهزيله.. بضرب المتون
……………………………
والله مصيبه.. عمتي الغريبه.. يضربوها
بت الاطايب.. أنذال اجانب.. شتموها
بگيد السلاسل.. أرجاس أراذل.. جروها
من تمشي خطوه.. يجروها گوه.. يطيحوها
من يضحكون..من يضحكون.. تنهضم حيل العقيله.. من يضحكوم
……………………………
والأدها من هاي.. شافتها عيناي.. بالكوفه
ام الخدر ذاك.. دخلوها لهناك.. معروفه
الچانت اميره.. طبت اسيره.. مچتوفه
شفت اخت الحسين.. دمعتها بالعين.. مذروفه
من ينظرون..من ينضرون.. ينهضم خدر العقيله.. من ينظرون
الشاعر عقيل كاظم الحسناوي
ابوذيات
بسم الله الرحمن الرحيم
(لسان حال الإمام السجاد) (عليه افضل الصلاة والسلام)
لحســـــين الدمــع باقــي وهمله
وحـــزن امصابه ماعوفه وهمله
وأهـــــم العــمّتي زينـب وهمله (وأهم اله)
فرض صار الحزن إلهم عليّه
*
اذا چــــــان ابفرض واقع ولاطيف
ســـــمّي يرد عليّه اقـبل ولاطيف ( ولا الطف)
واشوف الروس مرفوعه ولاطيف (ولــــطوف)
بديــــــار الغرب زينب سبيّه
*
تمت بفضل الله وتوفيقه والحمدلله رب العالمين
اللهم صل على محمدٍ وال محمدوعجل فرجهم ياكريم
حيدركريم جارالله الكربلائي
24محرم 1439هــ
ابوذيات
#ابوذيه_ونعي_للامام_السجاد ع
العابد من رزايه الطف ينسال
اسف سيف الدهر اعليه ينسال
خل دمعك عليه دموم ينسال
عله المسموم ون وانصب عزيه
❁⇣•┈┉┈❀❥❥ا❀┈❤️ ❥✿||
العابد مانسه امصاب عاشور
يهل الدمع والخاطر مكسور
عله سبي النسه وذبحت البدور
شكثر شاهد ويلي مصايب اوجور
❁⇣•┈┉┈❀❥❥ا❀┈❤️ ❥✿||
العابد من يشيل الماي بيده
يتذكر الحزو بالطف وريده
آه يصيح يابن الصميده
منسه مصيبتك بويه المجيده
❁⇣•┈┉┈❀❥❥ا❀┈❤️ ❥✿||
عله العابد هل الدمع مدرار
وتذكر عليه شجره وصار
مقيود ويلي بكل بلد دار
عليل بحاله اسوت الشرار
❁⇣•┈┉┈❀❥❥ا❀┈❤️ ❥✿||
بعد كل الرزايه وذيج الهموم
السجاد ويلي يموت مسموم
الليله الدمع اعليه مسجوم
نواظر المحب خل تهمل دموم
❁⇣•┈┉┈❀❥❥ا❀┈❤️ ❥✿||
مصيبة العابد تهدم الحيل
الباقر يغسله اومدمعه يسيل
شاف بركبته اثر زنجيل
بيه اسوت العدوان ياويل
❁⇣•┈┉┈❀❥❥ا❀┈❤️ ❥✿||
بقلم الشاعره ام رائد زوين
نعي
نعي
نعي وصية الأمام السجاد لولده الباقرعليهما السلام عند الوفاة
*
نزل دمعي اعله خدي والكَلـب حاير
احس حانت وفاتــــــــي بويه يالباقر
يتراوالي ملك المــــــــوت هالحاظر
ماضني اعيشنه صـــــــــــــبح باجر
*
بهالصندوك بويه عندي جم ذكـــره
تخليهن لمن تدفن علــــــــــي ابكَره
أول حاجه تربــه امن الدمه وحمره
من اتراب كَبر حســــين من عطره
*
وثاني اوصيه والله اتكَطع الأنفـــاس
من تلكَه يبويه رايــــــــــة العــــباس
خليها اعله جسمي امن الجدم للراس
تذكرني بكفيل الخــــــــوه والنوماس
**
ثالثهن جمرته تســــــــــــــتعر بيه
لطفله املوعه يابويه عــــــــــلويه
ماتت بالغرب بالشام مســــــــــبيه
ثوب العمتك يالباقر ارقـــــــــــــيه
**
الرابع حاجه منهن ابجــــي واتنحب
ومن اذكــــرها كَلبي كالجمر يلــهب
تلكَله اعصابه بويه العمتي ومعصب
متروسات ضيم وفاجعة زينـــــــــب
*
وخامسهن يبويه شمعه للقاســـــــــم
تذكرني بشبابه وانصب الماتــــــــم
آخ اعليه ظل اعله الترب نايــــــــم
ويه الأكبر وسادة بنــي هاشـــــــــم
*
ابو علي الركابي
نعي للإمام السجاد عليه السلام ؛
أنـَـــا السَــــجاد وِنـّــــولِـي يطيـــبين
وخلـّــي الـدَم يطـَـــرّز دمعـَـــة العـين
عِشـِـت بيها بمَـرار وتـعَــب الســـنين
ومِــتـت والـﮔـــيد آثـَــــاره ابــإديـّـــه
*
ماشـَــافت فــرَح فـــد يـــوم عَـينـَـــاي
لأن عِشـت المصيبه وعاشت اويـّــاي
وسَـبب صَارت النوحِي وكِثرَة ابـﭼَاي
وابـَـــد مافـَــارِﮔـَـــت بَالــــي الــرزيه
*
شِفـت ذبـّـاح ابوي اعلى الصَـدر ﮔام
يطـّــبر بـي وايكَســّـــــر بالعظـَــــــام
وعبـّــــاس الكفــيل امفـَـلـّــش الهَـام
واﭼفـُــــوفه علـى الشـَــاطي رِميـّـــه
*
عَجـيبه شــلون ظلـّـت بيـّـه أنفـَــاس
وشِـفت جثة إبــوي ابخـَـــيل تِـنداس
ومَصرع علي الأكبــر رفعَــة الـرَاس
وعبـد الله الشـِــبـَـﮒ سَـــهم المنيـّــه
*
شِــفت عَمتي سِـبيـّه اوتِـﮔطـَـع البِـيد
وعلـى ظَـهر الهَـزيله امـﮔيـّـده ابـﮔيد
وأنا بـﮔلــبي جَـمر مايقــبَـل ايهـِــــيد
أصِـــد لِـيها ابقهـَــر والمـرَض بيـّــه
*
أنفِــتح ﮔـيد الطفـوف الـﭼَــان بِــيدي
وظل ﮔـيد الحـزن خَـانِـــــﮒ وَريــدي
امن امُوت ارتـاح أنا وينفِــتح ﮔـيدي
بالجَـــنه وحظـِــــن أمـّـــي الزﭼيـّــه
—------------------------------------
خادم أهل البيت / لقمان البدران
نعي للامام السجاد ع
...........
على ياهي الاسولف هاي لوهاي
مصايب كربله فتت لبيب حشاي
واذا اكظم المها اسولف عضاي
احس الفاجعة متعوفني وياي
اسولف عن عطش اطفال للماي
لوعن جسد ماضل عليه فياي
لوعن عذابي الراح والجاي
شفت زينب سبوها بغير حماي
شفت تبجي سكينه تنوح بهداي
بويه حسين وين انته يرجواي
...
شفت حرك الخيم وملاهب النيران
شفت سبي الحرم من غير وليان
شفت مذبوحه يمي بسهم رضعان
عبد الله شفتها النبله بالشريان
شفت جسم ابوي الباقي عريان
ترض صدره خيول مغطه تربان
اسولف ياهظم ياضيم واحزان
تطب مجلس يزيد الطاغي نسوان
وعلينه عيون تنظر كلها عدوان
اسولف حال عمتي شلون جان
تصد للراس ظلت والكلب لهفان
عليك شلون سبيي كفيلي هان
..........
الشاعر
اياد الفرح التميمي
قصائد_محرم_السجاد
{ *مربوعه لاستشهاد الامام السجاد عليه السلام*}
{4}
طور : وگع عباس - للسيد محمد المكي
والرادود محمد بوجباره
••••••••••••••••••••••••••••••••••••••••••
علي السجاد مات وغمض العين
••••••••••••••••••••••••••••••••••••••••••
ابغدر مسموم وسفه ابن الميامين
علي السجاد مات وغمض العين
على المذبوح ظل يِجر لإونين
علي السجاد مات وغمض العين
ابدمع وبنوح حسره قَضّى لسنين
علي السجاد مات وغمض العين
رَحَل بهموم كِل حزنه على حسين
علي السجاد مات وغمض العين
على التربان شافت عينه سبعين
علي السجاد مات وغمض العين
ماينسى بنار حرقوها الصواوين
علي السجاد مات وغمض العين
ويا النسوان إسروه الملاعين
علي السجاد مات وغمض العين
ويلي ابيا حال مِن طب الدواوين
علي السجاد مات وغمض العين
مِن هالارزاء قلبه صار نصين
علي السجاد مات وغمض العين
••••••••••••••••••••••••••••••••••••••••••
لخادمة النبي الاكرم ص (م)
رقيه التركي - دولة الكويت
{{ *اللهم عجل لوليك الفرج*}}
مربعه
على السجاد علمغسل يمدونه
اجروح بركبته واجروح بمتونه
...............
مصابك ياعلي السجاد ماذينه
مولانه اذيتك تصعب علينه
مقيد ياعلي وتشوفك اسكينه
تصيح بصوت والينه يذلونه
.............
كطعت ادروب ويه اعداك مولانه
وزينب حايره تشوفك اوولهانه
مصابك ياعلي السجاد بجانه
وانته الدين روحه وانته مضمونه
..............
جهلو قدرك العدوان واتولوك
تاليها أمامي اتجروا وسموك
وانته ابن النبي المختار ويعرفوك
بمصابك أمامي اليوم فجعونه
............
مولانه اشفت من محنه من شده
بالشام اشفت عدوانك امعيده
مصابك سيدي ماظن بعد يسده
الدين لمحنتك هلتهمل اعيونه
............
احبابك تون وتنوح لمصابك
الشيعه سيدي محزونه لغيابك
العدو مولانه سمك تالي ماهابك
قصدهم دين ابو القاسم يصوبونه
...............
الحاجه ام إحسان
صرخه الأحزان ج 2
لطفاً لا تحذف اسم الشاعره
تعليقات
إرسال تعليق