قصائد شور مكتوبة للامام العباس عليه السلام
موقع المنبر الحسيني
عباس .. عباس .. يا بـعـــد عــيــنـاي
عباس .. عباس .. يا بـعـــد عــيــنـاي
عباس .. عباس .. لا تـجـيـب الـمــاي
*
أنت روحي .. وٱشـتـظـن أگـدر أعيش ٱبلايه روح
يبقى نوحي .. ويـّـه دم شرياني ينـبض من تروح
ما تعيش الوردة خويه ٱبلايه ماي
وٱشتظن ٱتسوي بـيّه الفـرگه هاي
عباس .. عباس .. ظل يروحي ٱوياي
عباس .. عباس .. لا تـجـيـب الـمــاي
*
أنــت تدري .. الدنيا مــا رحــمـتــنـي من أوّل صباي
ويه صبري .. عمري ضاع وهمي ظل يركض وراي
ما حسبت ٱحساب أفگدك هيچي يوم
أدري لـيش الـدنـيـا ما ترحمني دوم
عباس .. عباس .. يــا أمــل دنــيـــاي
عباس .. عباس .. لا تـجـيـب الـمــاي
*
أنـت ظـلـي .. الـمـاي يـبـارحـنـي ولا عـنـي يـغـيب
ما تـگــلّـي .. ٱجروحي عگبك هم يصح إلها طبيب
ٱبگلبي راح ٱيخضّر ٱمن الفرگه شيب
ٱلهـذا هـمي بـالله صـبـر ٱمنـين أجـيب
عباس .. عباس .. خويه مـا ظل راي
عباس .. عباس .. لا تـجـيـب الـمــاي
*
يـا كـفـيـلـي .. حيلي هدّيته ٱبــوداعـك مـدْري ليش
آ يـــويــلـي .. بالله بـفـراگك يخـوي ٱشلون أعـيش
أنت أقرب لـيـّه مـن حـبـل الـوريد
تبقى سالم خويه بس هايه أريد
عباس .. عباس .. رجعتك رجواي
عباس .. عباس .. لا تجيب الماي
*
مو بـديــّـه .. لو بديت ٱعـتـابـي ودمـوعـي تسيل
مـا إلـيــّـه .. لا ولـــي غـيــرك ولا عــنـدي كـفـيل
ٱمدلــّـلــه بوجودك ومحشومه بيك
حگي من تهجرني لو أعتب عليك
عباس .. عباس .. ٱتـكـفـّـلـت بحـماي
عباس .. عباس .. لا تـجـيـب الـمــاي
*
******************
عمر البدراوي
لطميات شور كتابة
ابو فاضـل اريـده .. خاف ابقه وحيده
شور للعباس ع
.
.
.
ابو فاضـل اريـده .. خاف ابقه وحيده
خاف ابقه وحيده .. ابـو فاضـل اريده
ــــــــــــــــــــــــــــــ
لمــن للــنهر راح ومـــشه عـــني
گــلت هـسه يـعود الـي تكــفلني
ما اگـدر اعـيش بغيره يعـرفــني
دلالـــــي بـــده بغــيابه يخــبرني
وصرت النوح ازيده .. خاف ابقه وحيده
ــــــــــــــــــــــــــــــ
انه اباب الخيم ليه شابحه اعيوني
علـــيه اطـفالي كل لحظه يسألوني
تأخر عــمنــه ياعــمـــــه يــنادوني
من اسـمــع حچـيهم والله يــاذوني
وبچـتني حميده .. خاف ابقه وحيده
ــــــــــــــــــــــــــــ
ســالم ريـت ابــو الغــيره يـــرد ليه
ويشوف بغيبته اشصار وجره عليه
انه ظلوعي علـى فــرگــاه محـــنيه
اذوبـــن مـن يــمر بالـــروح طــاريه
وهالمحنه شديده .. خاف ابقه وحيده
ــــــــــــــــــــــــــــــ
عوف الماي وارجع يانـظر عيني
بغــيابك اعيــش شلون تـدريني
فگدك فـي شواطي الهم يرسني
من ترحــل مــنو بـعدك يـباريني
والرحله بعيده .. خاف ابقه وحيده
ــــــــــــــــــــــــــــــ
العطش نتحمل امصابه يريت اترد
بس فرگــاگ مانحــملهه مــن تبعد
اذا تسـمع كلامي امـن الـمنام اگعد
عـليك الراح خـويــه واليـرد انــشد
ودلالي نشيده .. خاف ابقه وحيده
ــــــــــــــــــــــــــــــ
يبو اليمه ابو فــاضل تره اتـــأخر
ولغــيابه بـــده دلالــــي يـتــوجر
علــيك الله احلــفل يا ابــو الاكـبر
بس لا عالنهر صادف اخويه الـشر
بس لا گطعو ايده .. خاف ابقه وحيده
ــــــــــــــــــــــــــــــ
يگلي حسين عفته اعله النـهر دامي
بلا يـمــنه ولايــسره گــظـه ظـــامي
صحت عباس وينك خويه يالحامي
عفــتني بحــيرتي وبــمــحنة ايـامي
ولو گطعو وريده .. راح ابقه وحيده
ــــــــــــــــــــــــــــــ
حيدر تركي الكربلائي
قصائد شور مكتوبة
يابو الوفه يامولاي === كُلها تناديك الماي
يابو الوفه يامولاي === كُلها تناديك الماي
ــــــــــــــــــــــــــــــــــــــــــ
عباس ياساﮔـــي العطش جودك يوالي وينه
أطفالك إتلوج إو تون تسأل عليك إسكينه
عمّي يَعَمّه أبياكتر طوّل مغيبه إعلينه
ما ريد ماي إو بس يجي سالم يعاود لينه
يابو الوفه يامولاي === كُلها تناديك الماي
ــــــ
عباس يلكافل إجَت يمّك عقيلة حيدر
مهمومه بعدك ياشهم وإنتَ صُفيت إموذر
عدها عتب يابو الفضل إسمعها آ يَمشكّر
ظلّت وحيده إبكربله وسط الحزن تتحسّر
يابو الوفه يامولاي === كُلها تناديك الماي
ـــــ
عبّاس ياشيمة علي زينب تريد إتشوفك
رادت تودعك حايره تدري ضعنها إيعوفك
وإتمنّت الجسمك ترد من الطفوف إﭼفوفك
تنهض تداريها الحرم وإترد تشوف إضيوفك
يابو الوفه يامولاي === كُلها تناديك الماي
ـــــــ
عباس ياراعي الضعن ضعنك مشه وإينادي
وينك يراعي المرجله يحدي بخواتك حادي
ياصاحب النخوه إبألم ينخن بنات الهادي
ياريت أفدي العالمه آني إو هلي إو أولادي
يابو الوفه يامولاي === كُلها تناديك الماي
ـــــــ
عباس يابو المرجله تصرخ تنادي الرايه
وينك يحاملها الأشم ﺗﺑﭼــي إو إلَك ﺷﭼـّايه
لازم تظل تروي النصر بيدك ترف إو آيه
آية جهادك ياأبي صارت أملنه إو غايه
يابو الوفه يامولاي === كُلها تناديك الماي
ــــــ
عباس سبع اﻟﮔنطره محّد وصل لحدودك
محّد وصل فضلك أبد غطّه البريّه جودك
غيره إو شهامه ثايره محّد يداني زودك
ريتك يبو فاضل ترد وإحنه نصير إجنودك
يابو الوفه يامولاي === كُلها تناديك الماي
ـــــــ
عباس يانبع الوفه سيل الوفه من أمكم
هيّه الوفيّه بالأصل تفدون رادت دمكم
وإنتم وفيتوا للسبط نهر الدمه ما همكم
ياسيدي طاب الثرى ذاك الحواكم ظمكم
يابو الوفه يامولاي === كُلها تناديك الماي
ــــ
عباس ياباب الفرج للّي يجي يم بابك
دايم تجيك إو تلتقي يمّك تصير أحبابك
تِتْمنّه صوبها السهم ذاك العماك إو صابك
تنصب تعازي إبكربله تذكر سعير إمصابك
يابو الوفه يامولاي === كُلها تناديك الماي
ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
قصائد شور مكتوبة
يا عباس يا عباس ياعباس يا عباس
شور للامام العباس ( ع )
.....
يا عباس يا عباس ياعباس يا عباس
عالعلكمي علومك خليه تذكار
ارسم رسم بيها مرسومه باثار
خل اليمر يمها يتماثل اسرار
مشهوده الك بيها ليل وضوه النار
يا عباس يا عباس يا عباس يا عباس
........
يبن الفحل جودك بالعلكمي اجفيه
روي النهر مايك منك ترويه
ناده نسمع صوته يستنجدك ليه
لا يعطش وييبس لا لا تخليه
يا عباس يا عباس يا عباس يا عباس
.............
ارفع طرف سيفك اعكس للخيام
خل تهتز اعداكم وتصاگط اعلام
من تنظرك زينب تتذكر احلام
تذكر گمر هاشم وتعيد الايام
يا عباس يا عباس يا عباس يا عباس
.......
ولجودك الدنيه مرفوع الجفوف
كل الخلق نازل يم بيرغه تحوف
بين السمه وبينك مرصوفه الصفوف
حته الشمس طاحت يم جودك تطوف
يا عباس يا عباس يا عباس يا عباس
.........
والقاسم وعرسه منصوبه الشموع
للحنه جيب الماي وبجفك تموع
حنه عرس قاسم فرحها الجموع
يم خيمته تزفه وبهامه مرفوع
يا عباس يا عباس يا عباس يا عباس
........
يابيرغ العيله من توصل الماي
دوس عله جرفه بزود كله انه وفاي
لو رادتك زينب جر تمشي وياي
بس تنظر لصوبك ما اخلي الك راي
يا عباس يا عباس يا عباس يا عباس
.........
حيدر عيسى البديري
موقع المنبر الحسيني
تمت مجموعة قصائد مكتوبة للامام العباس عليه السلام شور
قسم قصائد الامام العباس عليه السلام
المصدر موسسة منبريون اخمد الزوار على التلكرام
كلمات دلالية قصائد شور مكتوبة ,قصائد شور كتابة ,قصائد حسينية شور كتابة ,لطميات شور كتابة
ريد قرء شور
ردحذفاي
حذفجزاك
ردحذف