قصائد حسينية مكتوبة رئيسيات للامام العبلس عليه السلام
عباس .. مد چفك امسح دمعتي
عباس .. مد چفك امسح دمعتي
تعنيت .. اوگف واطيح بحسرتي
تخليني وين من أجي بلا چف يشوفونك
وماخذ مكاني السهم خليته بعيونك
.........
مگطوع درب الماي لو درب النظر
شو تيّهت شوفي بغيابك يا گمر
من جدمي لخيالي تملّكني الخطر
هوّه الامان انذبح لو ذبحوا نحر
صلّيت .. وسجادتِي ارماد وجمر
والليل .. بگد غيرتك رايد صبُر
شلي بنسيم الهوى واشتمه من دونك
وماخذ مكاني السهم خليته بعيونك
...........
عباس بدموعه المفارگ ينعرف
و جيتك وماي اعيوني ذَل ماي الجرف
اتمنه الگه احچايه الك بيهه انوصف
ما ظلّي لون بوجهي خاطر ينخطف
عباس .. وديني يم چف رايتك
وبيا صوب .. چفك الشايل جربتك
بيا حال چنت ويصب جودك على امتونك
وماخذ مكاني السهم خليته بعيونك
.........
عباس خمسيني الگضن مدمع گضن
و ليلة امصابك ليش وحدهه زمن
العافت وطن تتسمه اسيره وبالمحن
شتتسمه گلي العافهه وراح الوطن
مذبوح .. ونظرات عيني الدامعه
بالآه .. تاخذني صوب المشرعه
و يلغالي كلمة خجل اقراهه بجفونك
وماخذ مكاني السهم خليته بعيونك
...........
عباس فوگ الجمر صارت خِطوِتي
التچويني موش النار نظرة شامتي
ومن شافت الخيّاله نزلت دمعتي
امحنايه حافر خيلهه بدم اخوِتي
والخيل .. اشكم مره احس يمهه متت
من اتصول .. طحن الضلوع اسمع چنت
شافوك راية علي ورادوا يطيحونك
وماخذ مكاني السهم خليته بعيونك
...........
الطاحت من اچتافك يغالي بطيحتك
آمال چم طفله وطفل مو جربتك
عباس تدري انشم هوانه بشيمتك
كِسرة ظهر خيماتي طيحة رايتك
مرفوع .. عالرمح راسك يا گمر
والعين .. السهم داخلهه انكسر
ويم الفرات العده ضامي يوذرونك
وماخذ مكاني السهم خليته بعيونك
..........
سعد هادي الشمري
بــرز والسـيــف بيــده .. هتف هل مَن مُنازل
بــرز والسـيــف بيــده .. هتف هل مَن مُنازل
صاحوا صيحه وحده .. دخيلك يابو فاضل
الدنيه اتضيــگ بيـهم لو عَـلَـم رَف
واذا يمشون خطوه يخلّّص الطف
دخيلك يابو فاضل
...
بلِسان السيف قصه انحچت بالغاضريه
حرب صفين سولَف و ذكّــــر آل أمــيـــــه
يشيل المـوت بيده وللوغــه ايطب
ما يضرب مثل .. بالسيف يضرُب
غضب عالكفر نازل
دخيلك يابو فاضل
...
النهر لمن وصلّه انحِنه الماي لجربته
رماه وخلّه گلبه بجوده وجابه لخته
من المــاي اعذب چـان گـلبــه
رئيس المرجله والغيره شعبه
يـبـركــان المـراجـــل
دخيلك يابو فاضل
...
اعتنه الفرسان ضامي وروّه النهر بالدم
ســوّه السيــف مـعـبّـر عـبّــرهـه لجـهنـم
نِكرَت زودهه الفرسان يمه
تجلّت غيرة الكـرار بسـمه
حق واعتنه الباطل
دخيلك يابو فاضل
...
الزعل لو مَر عيونه يبيد الجيش كله
ملك المـوت بالطـف يزعـل ويـه زعـلـه
برگــاب الكـفـر صـــارتلــه عــاده
يمشي السيف چن مشية القاده
مشه ابمشية مقاتل
دخيلك يابــو فاضل
...
اذا كــبّـــر بصوتــه الكفـر بنيانه ينهد
ومثل ايوان كسرى صفه ابمولد مُحمَّد
اليبــرزله الگــمر بالـدرع يختـــل
وحتى الهوى بريته يخاف ينزل
حُـب حسين شايـل
دخيلك يابو فاضل
...
مــــن نـذكر الغـيــره نرتّــل اسـمــه آيه
و وفه لراية صموده نعلگله احنه رايه
نعرف گلبه من العطش جمره
لذا انعلگله احنه الرايه حمره
لمصابه الدمع سايل
دخيلك يابو فاضل
...
سعد هادي الشمري
يامن ﮔﻠـت أمشي وياي كافل انه وحماي
يامن ﮔﻠـت أمشي وياي كافل انه وحماي
عتبي عليك وشكواي دولبني البين . انه أخت حسين
.....
ﭼﻨـت بل الرايه ألوذ ٳمن الضوه
ولو يمر يمي نسيم من الهوه
ﭼﻨﺖ تزعل يا بطلها نينوه
وﭼﻨﺖ لجروحي يعباس الدوه
بعدك بعباتي النار وركض محتاره افكار
صار عليه الما صار مووحده ثنين . انه أخت حسين
.....
رايتك ﭼﺎ نـﺘﻠﻲ يا خويه الستر
وﭼﺎن ميهمني بوجودك أي خطر
وﭼﻨﺖ بسماي المضلمه انته الكمر
بعد عينك ما ا ريـﺪنه العمر
ﭼﺎ نـﺘﻠﻲ الرايه حجاب جيتك وبكلبي عتاب
يابن حيدر بوتراب بين النارين انه . أخت حسين
....
الك عباس امن وجه شكوتي
ويجري بل الطف الفرات ودمعتي
مالي عين اكبالي اشوفن اخوتي
يا بشر ٳكبر مصيبه مصيبتي
مصابك اكبر امصاب دمعي اعله الخد سجاب
جيتك اعرف لسباب اصفك جفين . انه أخت حسين
....
بعيني لن شفت الكمر طاح وهوه
جسمه وجسمي هون كلهن سوه
من كثر أجروحه حن ٳو التوه
ضامي ضل أعله الفرات ومرتوه
حركو خيمتنه اعداك طايح جفك ولواك
بدموع اعيوني انخاك يالكافل وين . انه أخت حسين
...
ها يبعد اختك وروحي وسلوتي
ارد اعاتب يمك اهمل دمعتي
حركو الهودج وحركو خيمتي
ياكفيلي اشلون حالي وعيلتي
وحدي ابين العدوان حركو خويه الصيوان
اسحك فوك النيران بدموع العين . انه أخت حسين
..........
علي الفرطوسي
لو لكيتوا اعلة النهر جثة رمية
لو لكيتوا اعلة النهر جثة رمية
لاتكلولة مشت زينب سبية
كلولة يعباس راحت رافعة الراس
------------.-1---------------
لاتكلولة الحسين انسحك صدرة
لئن مايدري الغريب انكطع نحرة
ولاتخبرونة بخيامي التشب جمرة
وضلموا اطفالة بغيابة وصرنة اسرة
النار تجوينة وننادي بأسمة الحك
جم طفل جم طفلة خيل الغدر تسحك
مامهتمة باالناس راحت رافعة الراس
---------------.--2----------------
لسه مايدري سكينة عذبوهه
ولاتكلولة بناتك لوعوهه
راح يزعل لوسمع زينب سبوهه
واعلة نوك السبي تبجي وركبوهه
خاف من يبجي دموعة تلجم العين
لئن سهم العين لسة بعينة همين
ينشد ابو النوماس راحت رافعة الراس
-----------------3.--------------------
كولي زينب تعتذر منك ينوماس
ماي من بعدك ترة شربت يعباس
والله منك تستحي يارفعت الراس
زينب اتشربك اجت منعوهه الارجاس
رادتك تشرب كبلهه يابو فاضل
هي مثلك كفيلة واخت كافل
رفعت راية احساس راحت رافعة الراس
-------------------.4--------------------
عوفوا جتفهه الحبل عوفوا جملهه
احجوله عن خطبتهه بالكوفة وفعلهه
خلت ابن زياد حاير من سألهه
هاي زينب لوعلي التحجي شيكلهه
لاتكلولة الحسين ابلاية خنصر
ولاتخبرونه الرضيع ادمومة تمطر
زينب علي تنقاس راحت رافعة الراس
-------------.------5--------
لاتكلولة هوت من الجمل وين
طاحت اعلة الكاع شبكت جسم الحسين
خاف ينظرني ولو خليتة بس عين
شلون يرفعني اذا ماعندة جفين
ابمحملي اعلة حسين راسي اني طبرتة
خاف يسمعني الكمر ليش ابجي سكتة
رغم خشوم الارجاس راحت رافعة الراس
الخادم حيدر موسى الرميثي
يابو فاضل خويه آه - احترگت وتچوي العباه
يابو فاضل خويه آه - احترگت وتچوي العباه
يعباس-الخيل تسحك عالزغار– يعباس- وين اديرن وجهي نار
-------------------------1-------------------
على باب خيامي گمت اسمع صهيل
خويه خيل اگبالي وگفت خويه خيل
بس حرم وايتام عندي وبس عليل
وضلمه وين امشي واروح الدنيا ليل
ابلاگمرضلمه الطفوف - العطش ما خلاني اشوف
يعباس - الياكتر گلي الفرار - – يعباس- وين اديرن وجهي نار
-----------------------------2-------------------
حرگو خيامي عليه الظالمين
والعيال تصيح عمه عمنه وين
احلفك بأمي و حليب ام البنين
گوم طفيلي خيامي يالحنين
يابو فاضل وانت جاي – هالخيام ترشها ماي
يعباس- خوية مو وكت انتظار – يعباس-وين اديرن وجهي نار -
--------------------------3------------------
رحت اركض للنهر أمشي واطيح
- انت هذا اعله النهر يو لا اصيح
ريحت الخوة اشمهه بچف جريح –
هذا انت النايم ونحرك ذبيح
متني يوجعني يخوي – اگعد بداعت ابوي
يعباس- بالرعب والبيه صار – يعباس- وين اديرن وجهي نا ر
--------------------------4--------------------
اسمحلي اشلع نبلتك بس كلي خوف
- خاف الچم عينك بحالي شتشوف
دير وجهك للخيم نار وسيوف -
نايم وعايفني اصيحن لاتعوف
ثيابي من نار وجمر – صارت ابيش انستر
يعباس- خوية ماريد اعتذار – يعباس- وين اديرن وجهي نا ر
------------------------5-----------------------
خويه وانت زغير صورة أبالي هاي
- چنت لليعطش تگوم اتجيب ماي
وشايل بچفك علم تركض وراي -
تگلي يازينب ابد ما اهد لواي
هسه نايم عالتراب – گوم طفيلي الثياب
يعباس- احميني بالچف اليسار – يعباس- وين اديرن وجهي نا ر
--------------------------6------------------------
ليل اجانه وتچوي نيران الخيام
- والحوافر بينه تسحگ بالظلام
والشتايم ترست اذني والكلام –
شتموا أمي فاطمة خويه اللئام
اشگد عزيزة امي عليك– شتموهه واشكي ليك
يعباس- من الشتايم گلبي حار – يعباس- وين اديرن وجهي نا ر
,,,,,,,,,,,,,,,,,,,,,,,,,
الخادم \ حيدرموسى الرميثي
موقع المنبر الحسيني
تمت مجموعة قصائد مكتوبة للامام العباس عليه السلام رئيسيات
قسم قصائد الامام العباس عليه السلام
المصدر موسسة منبريون اخمد الزوار على التلكرام
ىىريييرىو
ردحذف